პანდემიის გამო დაცარიელებული თბილისი

Telegraph: თბილისი იდეალური ადგილია საქართველო უსაფრთხო ტურისტული ქვეყნების სიაში

82
(განახლებულია 14:29 19.06.2020)
Telegraph-ის უსაფრთხო ტურისტული მიმართულებების ქვეყნების ნუსხაში საქართველო ნახსენებია ხორვატიის, მონტენეგროს, მალტის, სლოვენიის, ფინეთის, ლიეტუვის, ლატვიის, რუმინეთის, პოლონეთისა და ავსტრიის გვერდით.

თბილისი, 19 ივნისი – Sputnik. ბრიტანულმა გამოცემა Telegraph-მა საქართველოს ერთ-ერთი ყველაზე უსაფრთხო ტურისტული მიმართულება უწოდა ევროპაში.

ტურისტული მარშრუტების რიცხვი იზრდება: ახალი მიმართულებები შემეცნებით-გასართობ სივრცეში>>

სად წავიდეთ დასასვენებლად პოსტპანდემიის პერიოდში? – პოპულარულმა ბრიტანულმა გამოცემამ ევროპაში 10 ყველაზე უსაფრთხო ტურისტული მიმართულება დაასახელა.

საქართველოსთან ერთად Telegraph-ის უსაფრთხო ტურისტული მიმართულებების ქვეყნების ნუსხაში მოხვდნენ ხორვატია, მონტენეგრო, მალტა, სლოვენია, ფინეთი, ლიეტუვა, ლატვია, რუმინეთი, პოლონეთი და ავსტრია.

სტატია ჟურნალში თბილისისა და ბათუმის აღწერით იწყება.

გამოცემა აღნიშნავს, რომ საქართველოში კორონავირუსით დაავადების შემთხვევები 260-ჯერ ნალებია, ვიდრე COVID-19-ით ყველაზე დაზარალებულ ევროპის ქვეყნებში.

„საქართველომ პანდემიაზე სწრაფი რეაგირება მოახდინა. შიდა ტურიზმი ქვეყანაში 15 ივნისს გაიხსნა. საქართველო საერთაშორისო მოგზაურების მისაღებად 1 ივლისიდან არის მზად. მიიღეს სხვადასხვა ზომა, რათა შეაჩერონ კორონავირუსის გავრცელება საქართველოში და უზრუნველყონ მოქალაქეებისა და ტურისტების უსაფრთხოება. როდესაც ბრიტანელებს მოგზაურობის უფლება მიეცემათ, თბილისი იდეალური ადგილია სექტემბერში ან ოქტომბერში ჩასვლისთვის. Telegraph Travel-ის მიმომხილველის კეი ჰოლანდის თქმით, ძველი თბილისი განთქმულია თავისი მიხვეულ-მოხვეული ვიწრო ქუჩებით, ლაბირინთული მოედნებით, ლამაზი ხის სახლებით, ბოჰემური ბარებით, კაფეებითა და უძველესი ეკლესიებით“, – წერს ავტორი ემა ფიზერსტონი.

ფიზერსტონი ასევე საუბრობს ბათუმზე, რომელიც, მისი თქმით, შავ ზღვაზე გამორჩეულია თავისი პლაჟებით, ცათამბჯენებითა და სუბტროპიკული კლიმატით.

უსაფრთხო მოგზაურობა ზაფხულში: საქართველოს რომელ კურორტებზე შევძლებთ დასვენებას>>

საქართველოში, დღევანდელი მონაცემებით, კორონავირუსი 895 ადამიანს დაუდგინდა. გამოჯანმრთელებულია 741 ადამიანი, გარდაცვლილია – 14, კარანტინის რეჟიმში იმყოფება 2855, ხოლო სტაციონარებში ექიმების დაკვირვების ქვეშ 264 პაციენტია. კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

კორონავირუსის პირველი შემთხვევა საქართველოში 26 თებერვალს დაფიქსირდა.

82
თემები:
ტურიზმი საქართველოში (268)
ატრაქციონების პარკი „ციცინათელა“

საქართველოს ერთ-ერთი ყველაზე დიდი ატრაქციონების პარკი იხნება

89
პარკში მხოლოდ ღია ატრაქციონები იმუშავებს, ასევე იმოქმედებს ნიღბების ტარებისა და სოციალური დისტანციის დაცვის წესები

თბილისი, 15 ივლისი - Sputnik. ქვეყნის ერთ-ერთი უმსხვილესი ატრაქციონების პარკი „ციცინათელა“, რომელიც ზღვისპირა კურორტ შეკვეთილთან მდებარეობს, პანდემიის შემდეგ მუშაობას განაახლებს 15 ივლისის საღამოდან, აღნიშნულია პარკის ვებგვერდზე.

პარკის ადმინისტრაციის განცხადებით, ქვეყანაში მოქმედი წესების შესაბამისად, სტუმრებისთვის ხელმისაწვდომი იქნება მხოლოდ ღია ატრაქციონები და საზოგადოებას მოუწევს არაერთი ზოგადი რეკომენდაციის დაცვა. საუბარია სოციალურ დისტანციაზე, სამედიცინო ნიღბებზე, დეზინფექციაზე.

„პარკის ადმინისტრაცია შეგახსენებთ დაავადებათა კონტროლისა და პროფილაქტიკის ეროვნული ცენტრის რეკომენდაციებს, დაკავშირებულს კორონავირუსის პროფილაქტიკასთან: დაიცავით უსაფრთხო დისტანცია, ზოგადი ჰიგიენის წესები, ხველებისას ან ცემინებისას აიფარეთ პირსა და ცხვირზე ერთჯერადი ცხვირსახოცი“, - ნათქვამია პარკის განცხადებაში.

აქვე აღნიშნულია, რომ „ციცინათელას“ ტერიტორიაზე სამედიცინო ნიღბები ან სხვა ნარჩენები უნდა განთავსდეს სპეციალურ სანაგვე ურნებში. დაცული უნდა იყოს ატრაქციონებზე ქცევის წესები. პარკი ყოველდღიურად, 18:00 სთ-დან 00:00 სთ-მდე, იმუშავებს.

გასართობი პარკი „ციცინათელა“ ბათუმიდან 40 კილომეტრის დაშორებით, ოზურგეთის მუნიციპალიტეტში, ურეკსა და ქობულეთს შუა მდებარეობს. „ციცინათელა“ 2006 წელს გაიხსნა. პარკში 36 გასართობი ატრაქციონია, მათ შორის, 8 საბავშვო, 17 საოჯახო და 11 ექსტრემალური. არის ასევე სათამაშო ავტომატების დარბაზი და საბავშვო ლაბირინთი „ბედნიერი ქალაქი“. 

89
თემები:
COVID-19 საქართველოში
დენდროპარკი შეკვეთილში

შეკვეთილში დენდროპარკი გაიხსნა

146
(განახლებულია 20:47 15.07.2020)
პარკში სასტიკად აკრძალულია ცხოველებისთვის საკვების მიცემა, ასევე ტერიტორიაზე ნებისმიერი სატრანსპორტო საშუალებით გადაადგილება.

თბილისი, 15 ივლისი – Sputnik. შავი ზღვის სანაპიროზე, დაბა შეკვეთილში 15 ივლისს დამთვალიერებლებისთვის დენდროლოგიური პარკი გაიხსნა, რომელიც ქართველ მილიარდერ ბიძინა ივანიშვილს ეკუთვნის.

Дендропарк Иванишвили на берегу Черного моря
© Sputnik / Vladimir Umikashvili.
დენდროპარკი შეკვეთილში

60 ჰექტარი ფართობის მქონე დენდროპარკში თავმოყრილია 150-ზე მეტი უნიკალური სახეობის ხეები, რომლებიც ივანიშვილმა მთელი ქვეყნის ტერიტორიაზე და მის ფარგლებს გარეთ შეკრიბა. პარკში, უნიკალური ხეების გარდა, მცირე ზომის ტბაა, სადაც ფრინველის 58 სახეობაა გავრცელებული – თუთიყუშების სხვადასხვა სახეობიდან დაწყებული, ვარდისფერი ფლამინგოებით დამთავრებული.

დენდრარიუმის გახსნაზე ათასობით ადამიანი მივიდა. პარკი ყოველდღე და უფასოდ იმუშავებს.

„ამ პარკის გახსნას 2016 წლიდან ველოდებოდით. ყველას ძალიან მოგვეწონა, განსაკუთრებით, ფრინველების დიდი კოლექცია, რომელიც მსოფლიოს სხვადასხვა ქვეყანაში შეგროვდა. დავიცდით და ხალხის ნაკადი რომ შემცირდება, კიდევ დავბრუნდებით აქ, რომ ყველაფერი კარგად დავათვალიეროთ“, – განუცხადა „Sputnik–საქართველოს“ ბათუმის ერთ-ერთმა მცხოვრებმა.

როგორც „Sputnik–საქართველოს“ პარკის პრეს-სამსახურში განუცხადეს, დენდრარიუმის ტერიტორიაზე არ შეიძლება მოწევა, ტრანსპორტით გადაადგილება, მათ შორის ველოსიპედითა და სავალი გორგოლაჭებით. პარკში შესვლა აკრძალულია ცხოველებთან ერთად, არ შეიძლება იქ მყოფი ბინადრებისთვის საკვების მიცემა. ბავშვები მშობლებმა უნდა გააკონტროლონ.

Дендропарк Иванишвили на берегу Черного моря
© Sputnik / Vladimir Umikashvili.
დენდროპარკი შეკვეთილში

პარკი ზაფხულში იმუშავებს 09:00-დან 19:00 საათამდე, შემოდგომაზე და გაზაფხულზე – 10:00-დან 18:00 საათამდე, ხოლო ზამთარში – 11:00-დან 17:00 საათამდე.

146
თემები:
ტურიზმი საქართველოში (268)
წარმოსახვა პანიკის შეტევისას

სიმაღლის, სიბნელის, დახურული სივრცის თუ... ზოდიაქოს ნიშნების ფობიები

0
(განახლებულია 13:11 15.07.2020)
როგორ მოქმედებენ ვარსკვლავები ჩვენს ფობიებზე? რისი ეშინიათ ყველაზე მეტად ზოდიაქოს ცალკეული ნიშნის წარმომადგენლებს? ამაზე სფეროს ექსპერტები მოგვითხრობენ

იმისთვის, რომ შიში დავძლიოთ, მასზე ყველაფერი უნდა ვიცოდეთ, მათ შორის, როგორ მოქმედებს ზოდიაქოს ნიშანი ჩვენს ფობიებზე.

„ცდუნებების" ჰოროსკოპი - რის წინაშე არიან უძლური ზოდიაქოს ნიშნები>>

ვერძი

ვერძი ბუნებით იდეალისტია, მზადაა, ნებისმიერი გზით მიაღწიოს საწადელს, ოცნების გზაზე ძალას არ იშურებს. ამიტომ ეშინია, რომ წარმატებას ვერ მიაღწევს. ნებისმიერი შეზღუდვა მასში განცდებს იწვევს. მაგალითად, ეშინია კლაუსტროფობიის (დახურული სივრცის შიში). ხანდახან კი ისოლოფობია აშინებს (მარტოობის შიში).

კურო

კუროსთვის სტაბილურობაა მნიშვნელოვანი. მთელი ძალებით ებღაუჭება სტაბილურ სამსახურს. ხვალინდელ დღეში რომ იყოს დარწმუნებული, მას უსაფრთხოების ფინანსური „ბალიში“ ესაჭიროება. ამიტომ ეშინია ცვლილებების. ასევე კურო ცდილობს, არ შეეხოს მისტიკას, რომელსაც მისი გეგმების მოულოდელად დანგრევა შეუძლია,

ტყუპი

კომუნიკაბელური და სიცოცხლის მოყვარული ტყუპი მუდამ პირველობისკენ ისწრაფვის. მისთვის წამების ტოლფასია მეორეხარისხოვანი როლის თამაში. ტყუპს ეშინია არასწორი გადაწყვეტილების მიღების, რის გამოც დიდხანს შეიძლება იორჭოფოს თავის ქმედებებში და ერთ ადგილზე იყოს გაჩერებული. ტყუპს უყურადღებოდ დარჩენის ეშინია.

კირჩხიბი

კირჩხიბებზე დამღუპველ ზემოქმედებას ახდენს ნებისმიერი კრიტიკა. ისინი დარწმუნებული არიან, რომ კრიტიკით მათი დათრგუნვა უნდათ. გულდახურულები არიან, რის გამოც პირად ცხოვრებაში ხშირად არ უმართლებთ. ეშინიათ, რომ საყვარელი ადამიანი მათ ვერ გაუგებს, ამიტომ ხშირად განმარტოვდებიან ხოლმე. ასევე ახასიათებს კლაუსტროფობია და აგორაფობია (დახურული და ღია სივრცის შიშები).

ლომი

ლომები ტემპერამენტიანი ხალხია. მათთვის მნიშვნელოვანია, რომ ყოველ წუთს გრძნობდნენ თავისუფლებასა და უპირატესობა–პირველობას გუნდში. ისინი ვერ იტანენ დაცინვას. მიუხედავად მათში ჩადებული ძალისა, ლომებს ტკივილის შეგრძნებებისა ეშინიათ, ამიტომ მათთვის ექიმთან ვიზიტი ღამის კოშმარს ემსგავსება. ასევე ხშირად აქვთ სიმაღლის შიში.

ქალწული

ქალწულები ყაირათიანი და ხელმომჭირნე არიან. ისინი დიდი ყურადღებით ეკიდებიან თავიანთ ნივთებს და არ უყვართ, როცა ვინმე სხვა ეხება მათ. სჯერათ, რომ თითოეულ ნივთს თავისი ენერგეტიკა აქვს. არავის აქვს უფლება, მათ ჩვეულ რეჟიმში ჩაერიოს, ეშინიათ უწესრიგობის. მათ ირგვლივ მხოლოდ „შერჩეული“ ადამიანები არიან, რადგან კრიტიკის ეშინიათ. ხანდახან მერყეობაც სჩვევიათ. ეშინიათ იმ ადამიანებთან კონტაქტის, რომლებმაც მათ, შესაძლოა, ყურადღება არ მიაქციონ. ვერ იტანენ მწერებს.

სასწორი

სასწორი ვერ მიაღწევს თავის მიზნებს, თუ გარშემომყოფებისგან ქებას არ მოისმენს. მათ მიმართ ნათქვამ ნებისმიერ უსიამოვნო სიტყვას მათში წინსვლის სურვილის გაქრობა შეუძლია. ყოველთვის იმისკენ ისწრაფვიან, რომ ირგვლივ მყოფებზე სასიამოვნო შთაბეჭდილება მოახდინონ, მათთვის მნიშვნელოვანია დადებითი იმიჯის შენარჩუნება. თუმცა ამის გამო პირად ცხოვრებაში ხშირად მარცხდებიან. სასწორს მარტოობისა და სიკვდილის ეშინია.

მორიელი

თუ გულით არ უნდათ, ამ ნიშნის წარმომადგენლებს ვერავინ აიძულებს რამის გაკეთებას. მათთვის ღამის საზარელი კოშმარია საკუთარ თავზე ძალადობა. ეშინიათ დროის უქმად დაკარგვის. ხანდახან უყვართ საკუთარი მნიშვნელობის წარმოჩენა, ჩვენება, თითქოს უკარება არიან; თუმცა შინაგანად საოცრად სიფაქიზით გამოირჩევიან. საგულდაგულოდ მალავენ საკუთარ ფიქრებს სხვებისგან, რომ ვერავინ შეძლოს მათ სულში ჩახედვა.

მშვილდოსანი

მშვილდოსნებს სისუსტედ მიაჩნიათ საკუთარი ემოციების გამომჟღავნება, ამიტომ ურჩევნიათ, რომ ტრიუმფი თუ ვარდნა მარტომ გადაიტანონ. თავს უკარება და უხეშ ადამიანად წარმოადგენენ, რომ მათი სისუსტე ვერავინ დაინახოს. ადრენალინი რომ განიცადონ. საფრთხის შუაგულში შეუძლიათ მოულოდნელად აღმოჩენა. მიაჩნიათ, რომ ყველაფერი ხელეწიფებათ. თუმცა ძალიან ეშინიათ, თუ რამე კონტროლიდან გამოდის, ეშინიათ არაამქვეყნიურ ძალებთან დაკავშირების, ასევე მცირე მწერების, რომლებიც სიცოცხლეს უქმნიან საფრთხეს.

თხის რქა

მიზანსწრაფული თხის რქებისა ბევრს შეიძლება შეშურდეს.რადგანაც თავიანთ სურვილს არიან ჩაბღაუჭებული, საკუთარ მომავალზე შიშობენ. ხანდახან ფსონზე ყველაფერს ჩამოდიან. არასდროს აღიარებენ საკუთარ სისუსტეებს, რომლებთან შერიგებაც ძალიან უჭირთ. ვერ იტანენ ხშირ ურთიერთობებს, რადგან მათთვის კომფორტულია მარტო ყოფნა. საშინლად ეშინიათ საკუთარი შინაგანი ჭეშმარიტი „მეს“ ხალხის წინაშე გამოაშკარავებისა, ამიტომ ქცევის სხვადასხვა მოდელს ირგებენ. მათთვის მნიშვნელოვანია, იცოდნენ, რომ გაუთვალისწინებელ სიტუაციაში ვინმე დააზღვევს. ბევრ თხის რქას აშინებს სიმაღლე და სიღრმე.

მერწყული

მერწყულები ყურადღებას აქცევენ თავიანთ ჯანმრთელობას. უცნობმა სიმპტომებმა და ტკივილმა ისინი, შესაძლოა, პანიკაში ჩააგდოს. ზოდიაქოს ეს ნიშანი განსაკუთრებულად ნიჭიერი წარმომადგენლებით ამაყობს, რომლებიც მთელი ცხოვრების განმავლობაში ცდილობენ, რომ თავიანთი შემოქმედება ადამიანებამდე მიიტანონ. ამის გამო მათ ეშინიათ, რომ ვერ გაუგონ და არ აღიარონ. მათთვის საშინელებაა რუტინული საქმიანობა. ეშინიათ სიბნელეში და დახურულ კარს მიღმა ძილის.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

თევზები

თევზებისთვის ძალზე მნიშვნელოვანია ახლობლების მხარდაჭერა. უჭირთ საკუთარ თავთან მარტო დარჩენა. არ იღლებიან განუწყვეტელი ურთიერთობებით. მთელი ცხოვრება ეძებენ ადამიანს, რომელსაც დაეყრდნობიან. მაგრამ მიუხედავად კომუნიკაბელურობისა, საჯაროობის ეშინიათ. განიცდიან, რომ შეიძლება დასცინონ. ვერ იტანენ სიმაღლეს.

0