შალვა ალავერდაშვილი

კორონავირუსი და ფასები: ყველაფერი გაძვირდა, ეს გაიაფდა

113
(განახლებულია 19:47 17.06.2020)
მიუხედავად ნებართვისა, მუშაობა საქართველოში ყველა სასტუმროს არ განუახლებია – დედაქალაქის სასტუმროები უცხოელ ტურისტებს ელოდებიან, ადგილობრივების ჯიბეებს მათი ფასები არ შეესაბამება.

თბილისი, 17 ივნისი – Sputnik. საქართველოს თითქმის ყველა სასტუმროში, გასული წლის ანალოგიურ პერიოდთან შედარებით, ფასებმა საგრძნობლად იკლო.

ფანქრის, კანფეტის და იაპონური მარწყვის ხეები: სად ეპატიჟება პრეზიდენტი ტურისტებს>>

როგორ იმოქმედა კორონავირუსის პანდემიამ სასტუმროს სექტორის ფასებზე – ამის შესახებ საინფორმაციო სააგენტო Новости-Грузия-ს საქართველოს სასტუმროებისა და რესტორნების ფედერაციის ხელმძღვანელი შალვა ალავერდაშვილი ესაუბრა.

მისი განცხადებით, წელს, კორონავირუსის პანდემიის ფაქტორის გათვალისწინებით, მოქალაქეების უმეტესობა უპირატესობას კოტეჯების ან ბინების დაქირავებას ანიჭებს, რათა იზოლირებული იყოს.

„ამგვარად ისინი თავს უფრო დაცულად გრძნობენ. რაც შეეხება ფასების კლებას, მაგალითად, ხუთვარსკვლავიანი სასტუმრო „ბაკურიანი ინ“ წელს დღეში 49 ლარი ღირს, მაშინ, როცა ადრე 180 ლარი ღირდა. ზღვაზეც გაიაფდა: დღეში 50 ლარად შესაძლებელია ერთ- ან ოროთახიანი ბინის აღება „ორბის“ აპარტამენტებში“, – განაცხადა ალავერდაშვილმა.

რაც შეეხება სასტუმროების გახსნას, ალავერდაშვილის თქმით, თბილისში ისინი საერთოდ არ გახსნილა. მუშაობა ქვეყანაში არსებული სასტუმროების მხოლოდ 15%-მა განაახლა.

„თბილისში რომ სასტუმრო გქონდეთ, გახსნიდით? ვინმე ჩამოვა ჩოხატაურიდან თბილისში დასასვენებლად? არ ჩამოვა. არც ზუგდიდიან ჩამოვა, არც თელავიდან. შესაბამისად, სანამ საერთაშორისო ტურიზმი არ აღდგება, თბილისში სასტუმროების გახსნას აზრი არა აქვს“, – განაცხადა ალავერდაშვილმა.

როგორც კი სასტუმროების დაჯავშნა დაიწყება, ისინი გაიხსნება. მაგრამ ამჟამად თბილისზე მოთხოვნა არ არის, ამიტომ დედაქალაქის სასტუმროების 99% დაკეტილია, განაცხადა ალავერდაშვილმა და დასძინა, რომ ამ სეზონზე უცხოელ სტუმრებს სასტუმრო სექტორი არ ელოდება, ხოლო რეალური დაჯავშნა 2021 წლის მაისიდან დაიწყება.

ერთ-ერთი პირველი ქვეყანა, საიდანაც საქართველო ტურისტებს ელოდებოდა, ისრაელი იყო, მაგრამ ეპიდემიური მდგომარეობის გაუარესების გამო ამ ქვეყანასთან ტურისტული კავშირების აღდგენა გადაიდო.

„ამ ეტაპზე ზაფხულისთვის კონკრეტული ჯავშნები არ გვაქვს. რაც შეეხება ისრაელს, ეს ხომ ჩვენზე არაა დამოკიდებული. ეს ეპიდემიურ სიტუაციაზეა დამოკიდებული“, – აღნიშნა ალავერდაშვილმა.

მისი თქმით, დღეს ყველა თვალს ადევნებს ახალ ამბებს და რამის დაგეგმვა ჯერჯერობით რთულია.

„2021 წლის მაისამდე რამეზე ლაპარაკი რთულია. რამე ჯილდო უნდა მოვიფიქროთ და მედალი დავკიდოთ მას, ვინც წელს სასტუმროს გახსნას შეძლებს. ახლა 1997–1998 წლების დონეზე ვართ, როდესაც საქართველოში ტურისტები პრაქტიკულად არ იყვნენ. მაშინ ქართველები ძირითადად თავიანთ სოფლებში ან ზღვაზე ისვენებდნენ. აი, ასეთი ვითარება გვაქვს ახლა“, – აღნიშნა ალავერდაშვილმა.

საქართველოში 15 ივნისს შიდა ტურიზმი გაიხსნა, ხოლო 1 ივლისიდან ქვეყანა უცხოელ მოგზაურებს მიიღებს.

„საქსტატი“ შიდა ტურიზმის შესახებ: რა მიზნით მოგზაურობენ მოქალაქეები ქვეყნის შიგნით>>

ახალი პირობების თანახმად, სასტუმრომ მუშაობის აღსადგენად უნდა მიმართოს ქვეყნის ჯანდაცვის სამინისტროს და სპეციალური შემოწმება გაიაროს. უფრო ადრე შრომითი პირობების ინსპექტირების დეპარტამენტში განაცხადეს, რომ უწყების ბაზაში დარეგისტრირებულია 939 სასტუმრო, აქედან 150-მა მუშაობის დაწყების უფლება მიიღო, 175-მა მოთხოვნები ვერ დააკმაყოფილა. დანარჩენებმა შემოწმების რამდენიმე დღით გადავადება ითხოვეს, რათა ინსპექტირებისთვის უკეთესად მოემზადონ.

113
თემები:
COVID-19 საქართველოში (1209)
ბათუმის საბაგირო

ტურისტების მოლოდინში: აჭარაში 180-მდე სასტუმრო შეამოწმეს

53
ბათუმში ამუშავდა საბაგირო და დელფინარიუმი, სტუმრებისთვის უკვე გახსნილია რეგიონში არსებული ეროვნული პარკები

თბილისი, 14 ივლისი – Sputnik. აჭარაში სამუშაო პროცესის აღსადგენად აუცილებელი შემოწმება 180 სასტუმროში ჩატარდა, განუცხადეს Sputnik-საქართველოს აჭარის კურორტებისა და ტურიზმის დეპარტამენტში.

მათ შორის არის როგორც მაღალი კლასის ბრენდული სასტუმროები, ისე დაბალბიუჯეტიანი და ოჯახური ტიპის მცირე სასტუმროები.

იმ სასტუმროების სია, რომლებმაც შემოწმება გაიარეს, აჭარის კურორტებისა და ტურიზმის დეპარტამენტის ტურისტულ ვებგვერდზეა ხელმისაწვდომი. სია ყოველდღე ახლდება და მას ახალი შემოწმებული სასტუმროები ემატება.

სამთვიანი პაუზის შემდეგ ამუშავდა ბათუმის საბაგირო, რომელიც ტურისტებს სპეციალური აქციის ფარგლებში ფასდაკლებას სთავაზობს.

მუშაობას აგრძელებს ასევე ბათუმის დელფინარიუმი, სადაც დელფინების შოუს ნახვა შესაძლებელია სამშაბათობით, შაბათობით და კვირაობით 16:00 საათზე.

რეგიონის სტუმრებს შეუძლიათ დაათვალიერონ აჭარის ეროვნული პარკები, ბოტანიკური ბაღი და სხვა ტურისტული ადგილები. ზღვაზე დასვენების მოყვარულთათვის ნებადართულია აქტივობები წყალზე, აღნიშნავენ დეპარტამენტში.

კორონავირუსი და ფასები: ყველაფერი გაძვირდა, ეს – გაიაფდა >>

საქართველოს ტურისტული ინდუსტრიისთვის კორონავირუსის გავრცელების აღსაკვეთად აუცილებელი გახდა სავალდებულო ნორმატივების დაწესება. ეს ნორმები მოიცავს სოციალური დისტანციის დაცვას, დეზინფექციას, სივრცეების დალაგების ახალ წესებს და სხვა მოთხოვნებს.

ყველა სასტუმრომ, რომელსაც მუშაობის გაგრძელება სურს, უნდა დაიცვას დამტკიცებული რეკომენდაციები და ჯანდაცვის სამინისტროს ოფიციალურ ვებგვერდზე სპეციალურად შექმნილ ელექტრონულ სისტემაში დარეგისტრირდეს, შემდეგ კი შრომის ინსპექციის შემოწმება გაიაროს.

როგორც პანდემიის გამო დაკეტილი სხვა ობიექტებისთვის, სასტუმრო სექტორისთვისაც მუშაობის ახალი წესები შემუშავდა. კერძოდ, ტურისტებს სასტუმროში გადაადგილება პირბადეებით მოუწევთ, ასევე სოციალური დისტანციის დაცვით. რესტორნებში, მათ შორის, სასტუმროების რესტორნებში მაგიდებს შორის ორმეტრიანი დისტანცია უნდა იყოს, ხოლო ერთ მაგიდასთან ექვს ადამიანზე მეტი არ უნდა იჯდეს.

განსაკუთრებული ყურადღება გამახვილდება კვების ობიექტების მდგომარეობაზე, ასევე ნომრების დალაგების, აუზების გაწმენდისა და სხვა სპეციფიკაზე.

სიხარულით, მაგრამ პირბადეებით – რა წესების დაცვა მოუწევთ სასტუმროებსა და მათ სტუმრებს >>

ტურიზმის ეროვნულმა ადმინისტრაციამ შეიმუშავა ტრენინგ-პროექტი, რომელიც ივნისში დაიწყო. ტურისტული ინდუსტრიის წარმომადგენელ ნებისმიერ მსურველს შეუძლია ტრენინგებში მონაწილეობა და ახალ პირობებში მუშაობის შესახებ აუცილებელი ინფორმაციის უფასოდ მიღება.

53
თემები:
ტურიზმი საქართველოში
მაია ცქიტიშვილი

ქვეყანა მხოლოდ უცხოელ ტურისტებზე ვერ იქნება დამოკიდებული ცქიტიშვილი

59
(განახლებულია 20:17 14.07.2020)
კორონავირუსმა აჩვენა, როგორ სჭირდება ქვეყანას მაგისტრალები და გამართული სატრანსპორტო ინფრასტრუქტურა, განაცხადა მინისტრმა.

თბილისი, 14 ივლისი – Sputnik. კორონავირუსმა აჩვენა, რომ შიდა ტურიზმი აუცილებელია და ქვეყანა მხოლოდ უცხოელ ტურისტებზე ვერ იქნება დამოკიდებული, განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა.

გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო>>

ცქიტიშვილმა შიდა სახელმწიფო გზების მნიშვნელობაზე ისაუბრა და მაგალითად აღნიშნა თბილისისა და რაჭის დამაკავშირებელი გზა, რომელიც ამ კუთხეში ჩასვლის დროს საათ-ნახევრით ამცირებს.

„როდესაც ვსაუბრობთ „კოვიდზე“, ალბათ „კოვიდმა“ ძალიან კარგად გამოაჩინა, რა შეიძლება იყოს პრიორიტეტები. ჩვენ ყველამ დავინახეთ, რომ, თურმე, შიდა ტურიზმი აუცილებელი ყოფილა. აუცილებელია, რა თქმა უნდა, უცხოელი ტურისტების რაოდენობის ზრდა, მაგრამ არ შეიძლება ქვეყანა იყოს დამოკიდებული მხოლოდ უცხოელ ტურისტებზე“, – განაცხადა ცქიტიშვილმა „პირველი არხის“ ეთერში.

მისი თქმით, სამინისტროს გრძელვადიანი გეგმები აქვს, მაგალითად, ახალი საერთაშორისო მაგისტრალის მშენებლობა რიკოთის უღელტეხილზე, აღმოსავლეთი–დასავლეთის საავტომობილო გზის მშენებლობა. კორონავირუსმა აჩვენა, თუ როგორ სჭირდება ქვეყანას ამ ტიპის მაგისტრალი, გამართული სატრანსპორტო ინფრასტრუქტურა და ლოგისტიკური ჯაჭვის დალაგებული მუშაობა, განსაკუთრებით, საგანგებო მდგომარეობის დროს, აღნიშნა მინისტრმა.

მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის>>

საქართველოში შიდა ტურიზმი ოფიციალურად 15 ივნისს გაიხსნა. ქვეყნის ხელისუფლება მოქალაქეებს მოუწოდებს, დაისვენონ სამშობლოში და ქვეყანას ამ სფეროში დაეხმარონ.

ტურიზმის ეროვნულმა ადმინისტრაციამ ივნისის ბოლოს პოსტპანდემიურ პერიოდში შიდა ტურიზმის მხარდასაჭერად დაიწყო ახალი კამპანია „აღმოაჩინე ის, რაც შენია და იმოგზაურე საქართველოში".

ტრადიციულ ტურისტულ მიმართულებებთან ერთად ტურიზმის ადმინისტრაცია პოპულარიზაციას გაუწევს ახალ საინტერესო ტურისტულ პროდუქტებსა და აქტივობებს რეგიონებში. უწყების ხელმძღვანელის მარიამ ქვრივიშვილის აზრით, ეს ხელს შეუწყობს სასტუმროების, კვების ობიექტების, სატრანსპორტო კომპანიების, გიდების ინსტიტუტის განვითარებას. 

ტურისტული სფერო კორნავირუსის პანდემიის გამო ყველაზე მეტად დაზარალდა, რადგან საქართველოს მთავრობამ მოსახლეობის ჯანმრთელობის დასაცავად მარტში ყველა საზღვარი დაკეტა.

თენგიზ ცერცვაძე: საქართველო საზღვრების გახსნას თუ გაუძლებს, ეს იქნება...>>

ქვეყანაში მოგზაურობისას ვიზიტორებმა უსაფრთხოების წესები და ზოგიერთი შეზღუდვა უნდა დაიცვან, მათ შორის, დახურულ სივრცეებში, სერვის-ცენტრებსა და მღვიმეებში პირბადის ტარება. სავიზიტო ცენტრებში ერთდროულად მაქსიმუმ ხუთი ადამიანის ყოფნაა დაშვებული. აუცილებელია ორმეტრიანი დისტანციის დაცვა და პირადი ჰიგიენის ნორმების დაცვა.

59
თემები:
ტურიზმი საქართველოში
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია