თბილისის აეროპორტი

საქართველო არ მოხვდა მაღალი ეპიდემიოლოგიური რისკის მქონე ქვეყნების სიაში

128
(განახლებულია 20:55 16.06.2020)
საქართველოს აეროპორტებში დიდი ყურადღება ექცევა ნიღბების ტარებას, დეზინფექციას, სოციალური დისტანციის დაცვასა და მგზავრების თერმოსკრინინგს

თბილისი, 16 ივნისი - Sputnik. ევროპის საავიაციო უსაფრთხოების სააგენტომ (EASA) არ შეიყვანა საქართველოს აეროპორტი იმ ქვეყნების აეროპორტების სიაში, რომლებიც კორონავირუსისგან დაზარალდა, რადგან საქართველო არ ითვლება მაღალი ეპიდემიოლოგიური რისკის მქონე ქვეყნად. ამის შესახებ საქართველოს აეროპორტების გაერთიანების ხელმძღვანელმა თამარ არჩუაძემ განაცხადა.

15 ივნისიდან საქართველოში შიდა ტურიზმი და სამგზავრო სარკინიგზო მიმოსვლა განახლდა. 1 ივლისიდან იგეგმება საერთაშორისო მოგზაურების მიღებაც.

არჩუაძის სიტყვებით, საქართველოს აეროპორტებში დიდი ყურადღება ექცევა ნიღბების ტარებას, რაც აუცილებელი წესია, დეზინფექციას, სოციალური დისტანციის დაცვას და მგზავრების თერმოსკრინინგს.

„უნდა აღინიშნოს, რომ ევროპის საავიაციო უსაფრთხოების სააგენტომ 15-ჯერ განაახლა პანდემიისგან დაზარალებული ქვეყნების აეროპორტების სია და საქართველო ამ სიაში არცერთხელ არ მოხვდა“, - განუცხადა არჩუაძემ ჟურნალისტებს.

არჩუაძემ აღნიშნა, რომ მგზავრების ჯანმრთელობაზე ზრუნვა უმნიშვნელოვანესი პრიორიტეტია და ამიტომ დიდი ყურადღება ექცევა დეზინფექციას. სადეზინფექციო სამუშაოების გარდა აეროპორტებში განთავსებულია დამატებითი სადეზინფექციო სითხეები. აეროპორტები უფრო ინტენსიურად ლაგდება.

გარდა ამისა, საქართველოს ყველა აეროპორტში არის ვენტილაციის სპეციალური სისტემა, რომელიც შენობას სუფთა ჰაერით ამარაგებს. აეროპორტები აღჭურვილია ასევე კონდიცირების სისტემით.

„ჩვენ არ ველით, რომ პროცედურების დრო დიდად გაიზრდება, თუმცა ახალი წესების გათვალისწინებით, აეროპორტში შემოსვლა რეკომენდებულია აფრენამდე სამი საათით ადრე“, - ხაზი გაუსვა არჩუაძემ.

ევროპის საავიაციო უსაფრთხოების სააგენტომ (EASA) განაახლა პანდემიისგან დაზარალებული ქვეყნების აეროპორტების სია. სააგენტო ავიაკომპანიებს მოუწოდებს, დამატებითი ზომები მიიღონ და გააძლიერონ სანიტარულ-ჰიგიენური ნორმები კორონავირუსის გავრცელებასთან დაკავშირებული რისკების შესამცირებლად.

ტურიზმის ეროვნული ადმინისტრაციის განცხადებით, კერძო სექტორი მზადაა შიდა ტურიზმის გასახსნელად, სარკინიგზო და საავიაციო მიმოსვლის აღსადგენად. ადმინისტრაციის მონაწილეობით, ჯანდაცვის სამინისტრომ შეიმუშავა რეკომენდაციები, რომლებიც ტურისტულმა ობიექტებმა ან ტურისტულმა ტრანსპორტმა უნდა გაითვალისწინონ.

საქალაქთაშორისო სამგზავრო ავტობუსებმა და მიკროავტობუსებმა საქართველოში მუშაობა 8 ივნისიდან განაახლეს. თბილისსა და სხვა ქალაქებში ყველა სახის საზოგადოებრივი ტრანსპორტი მგზავრებს 29 მაისიდან ემსახურება.

128
თემები:
ავიამიმოსვლა საქართველოში (142)
გიორგი გახარია

„აღმოაჩინე საქართველო“ პრემიერ-მინისტრი ასურეთს ეწვია

51
(განახლებულია 18:14 10.07.2020)
სოფელ ასურეთში შვაბების ქუჩის რეაბილიტაცია საქართველოს რეგიონული განვითარებისა და ინფრასტრუქტურის სამინისტრომ საქართველოს მთავრობის დაფინანსებით განახორციელა.

თბილისი, 10 ივლისი – Sputnik. ხელახლა უნდა აღმოვაჩინოთ ჩვენი სამშობლო, ყველა ის ადგილი, რომელიც შეიძლება დავიწყებულია, განაცხადა საქართველოს პრემიერ-მინისტრმა გიორგი გახარიამ სოფელ ასურეთში, სადაც მან ვიცე-პრემიერ მაია ცქიტიშვილთან და გერმანიის ელჩთან ჰუბერტ კნირშთან ერთად გერმანული დასახლება დაათვალიერა.

თეთრიწყაროს მუნიციპალიტეტის სოფელ ასურეთში შვაბების ქუჩის რეაბილიტაცია საქართველოს რეგიონული განვითარებისა და ინფრასტრუქტურის სამინისტრომ საქართველოს მთავრობის დაფინანსებით განახორციელა.

პრემიერ-მინისტრმა ასურეთში მცხოვრებ გერმანელებზე ისაუბრა და აღნიშნა, რომ პირველი გერმანული დასახლება საქართველოში მე-19 საუკუნის დასაწყისში გაჩნდა. მას მერე უკვე 200-ზე მეტი წელი გავიდა. პრემიერის თქმით, სწორედ ამ 200-წლიან იუბილეს ეძღვნებოდა შვაბების ქუჩის რეაბილიტაციის იდეა.

„აქ, რა თქმა უნდა, კიდევ ბევრი რამეა გასაკეთებელი და ჩვენ ამას ერთად გავაგრძელებთ ჩვენს მეგობარ სახელმწიფოსთან ერთად“, – განაცხადა გახარიამ.

პრემიერ-მინისტრმა შიდა ტურიზმზე გაამახვილა ყურადღება და განაცხადა, რომ მთავრობა შიდა ტურიზმის მხარდაჭერას იწყებს.

„ჩვენ ვიწყებთ ახალ პროგრამას, რომელმაც უნდა განავითაროს შიდა ტურიზმი. ჩვენ ხელახლა ყველამ ერთად უნდა აღმოვაჩნოთ ჩვენი სამშობლო, საქართველო... ჩვენი ოჯახის წევრებთან, შვილებთან ერთად, ხელახლა უნდა ვნახოთ ეს ყველაფერი, რათა, როდესაც ტურიზმი სრულად აღდგება და ჩვენი უცხოელი სტუმრები ჩამოვლენ, საუკეთესო გიდი იყოს თითოეული ჩვენგანი“, – აღნიშნა გახარიამ.

რაც შეეხება ასურეთში განხორციელებულ რეაბილიტაციას, სამინისტროს ინფორმაციით, სამუშაოები სამინისტროს მუნიციპალური განვითარების ფონდმა განახორციელა.

შვაბების ქუჩაზე რესტავრაცია-რეაბილიტაცია XIX საუკუნის გერმანული მხატვრულ-არქიტექტურული ღირებულების მქონე ეკლესიას (კირხეს), სამ საცხოვრებელ სახლსა და ძველ გერმანულ სასაფლაოს ჩაუტარდა. მოეწყო გარე განათება, პირვანდელი იერსახით აღდგა ღობეები და ჭიშკრები. ჩატარდა საკანალიზაციო სისტემის მოწყობის სამუშაოები, აშენდა გამწმენდი ნაგებობა.

რეგიონული განვითარებისა და ინფრასტრუქტურის სამინისტროს ინფორმაციით, პროექტის მიზანია ასურეთის ისტორიულ დასახლებაში შემორჩეს გერმანული კოლონიებისთვის დამახასიათებელი განაშენიანება და ისტორიული დასახლება კიდევ უფრო მიმზიდველი გახდეს ტურისტებისთვის.

გერმანული სოფლის რეაბილიტაციას ჯამში 6 მილიონ ლარზე მეტი მოხმარდა.

51
თემები:
ტურიზმი საქართველოში
ავიაკომპანია Airzena - Georgian Airways–ის თვითმფრინავი

რამდენად სარისკოა საქართველოში უცხოელი ტურისტების შემოშვება ცერცვაძე განმარტავს

108
(განახლებულია 20:28 09.07.2020)
საქართველომ საზღვრები მხოლოდ იმ ქვეყნებისთვის გახსნა, რომლებშიც კორონავირუსული ინფექციის გავრცელება კონტროლდება.

თბილისი, 9 ივლისი – Sputnik. საქართველოში საერთაშორისო ტურიზმის აღდგენა გარკვეულ რისკებთან არის დაკავშირებული, თუმცა ქვეყანა მათთან გამკლავებას შეძლებს, განუცხადა ჟურნალისტებს თბილისის ინფექციური საავადმყოფოს დირექტორმა თენგიზ ცერცვაძემ.

როგორი ეპიდვითარებაა იმ ხუთ ქვეყანაში, ვისთვისაც საქართველო საზღვრებს ხსნის>>

გუშინ ცნობილი გახდა, რომ საქართველო უახლოეს პერიოდში საზღვრებს გახსნის გერმანიის, საფრანგეთის, ესტონეთის, ლატვიისა და ლიეტუვასთვის. ამ ქვეყნების მოქალაქეები ქვეყანაში უნდა ჩამოვიდნენ პირდაპირი ავიარეისით და შეავსონ სპეციალური ელექტრონული ანკეტა, სადაც უნდა მიუთითონ მოგზაურობის ისტორია ბოლო 14 დღის განმავლობაში, დატოვონ საკონტაქტო ტელეფონი და იმ ადგილის მისამართი, სადაც გაჩერდებიან.

„თითოეული შეზღუდვის მოხსნას წინ უნდა უსწრებდეს კარგად გაკეთებული ანალიზი და კარგად შემუშავებული რეგულაციები იმისთვის, რომ შესაძლო რისკები შევამციროთ. აქამდე საქართველო ამას წარმატებით ახერხებდა... დაახლოებით იმავესთან, ოღონდ გაცილებით სერიოზულთან გვაქვს საქმე, როცა ვსაუბრობთ საზღვრების გახსნაზე. რა თქმა უნდა, საზღვრების გახსნა შეიცავს რისკებს, სწორედ ამიტომ საზღვრების გახსნა არ მოხდა ხელაღებით ყველა ქვეყანასთან. მოხდა ჯერ მხოლოდ ხუთ ქვეყანასთან“, – განაცხადა ცერცვაძემ.

მან აღნიშნა, რომ საქართველომ საზღვრები გახსნა იმ ქვეყნებისთვის, რომლებიც ინფექციის გავრცელებას აკონტროლებენ.

„ამიტომ ვფიქრობ, რომ სწორად გატარებული პრევენციული ღონისძიებებით ამ ხუთ ქვეყანასთან საზღვრების გახსნით რისკი არის, თუმცა მცირე“, – აღნიშნა ცერცვაძემ.

მისი თქმით, კორონავირუსის ახალ შემთხვევებს ჯანდაცვის სისტემა ისე გაუმკლავდება, რომ ამას მოსახლეობა ვერ იგრძნობს.

„თუ ისე მოხდება, რომ მათ საზღვარზე ტემპერატურა არ დაუფიქსირდებათ და შეიძლება შემდეგ გახდნენ ავად, მეოთხე, მეშვიდე დღეს, ამისთვისაა ჩვენი სამსახურები. ისინი გაათმაგებული ყურადღებით იქნებიან, რომ თითოეული ასეთი შემთხვევა გამოვლინდეს და მოხდეს ამ შემთხვევის ყველა კონტაქტის მოძიება და მკურნალობა“, – განაცხადა ცერცვაძემ.

„პროცესს გავაკონტროლებთ“ - ტიკარაძემ საზღვრების გახსნასთან დაკავშირებით კომენტარი გააკეთა>>

ევროკავშირმა საქართველო ევროკავშირის არაწევრი 15 ქვეყნის სიაში შეიყვანა, რომლებისთვისაც 1 ივლისიდან საზღვრები გახსნა. საქართველოს მოქალაქეებისთვის საზღვრები გახსნეს შვეიცარიამ, უნგრეთმა, გერმანიამ, ლატვიამ, საფრანგეთმა, ესპანეთმა, ნიდერლანდებმა, იტალიამ, მონტენეგრომ და სხვ.

108
თემები:
COVID-19 საქართველოში
პარლამენტის სხდომა

სუს–ი: საქართველოში ტერორისტული საფრთხეები მინიმუმამდეა დაყვანილი

0
პარლამენტის კომიტეტების გაერთიანებული სხდომა, რომელზეც ალექსანდრე ხოჯევანიზე ანგარიშით წარდგა, დახურულ ფორმატში გაიმართა

 

თბილისი, 10 ივლისი  — Sputnik.  საქართველოს სახეელმწიფო უსაფრთხოების სამსახურისა (სუს–ი) და სხვა შესაბამისი უწყებების კოორდინირებული მუშაობის შედეგად, ქვეყანაში ტერორიზმიდან მომდინარე  საფრთხეები მინიმუმამდეა დაყვანილი, განაცხადა  სამსახურის უფროსის მოადგილე ალექსანდრე ხოჯევანიშვილმა პარლამენტში. 

ხუთშაბათს ხოჯევანიშვილმა პარლამენტის თავდაცვისა და უშიშროების, იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების გაერთიანებულ სხდომაზე საქართველოს სახელმწიფო უსაფრთხოების სამსახურის 2019 წლის საქმიანობის შესახებ ანგარიში წარადგინა.

სხდომა მედიისთვის დახურული იყო.

 „ახლო აღმოსავლეთში მიმდინარე საომარ მოქმედებებში საქართველოს მოქალაქეების გამგზავრების ფაქტები არ გამოვლენილა. აღსანიშნავია, რომ წინა წლებში გატარებულმა ზომებმა, მათ შორის, ტერორიზმის მომხრეების დაკავებებმა მნიშვნელოვანი როლი ითამაშეს ქვეყანაში დღეს არსებულ კონტროლირებად გარემოზე“, – განაცხადა ხოჯევანიძემ.

კორუფციასთან ბრძოლა

გასულ წელს სახელმწიფო უსაფრთხოების სამსახურის ანტიკორუფციულმა სამსახურმა 91 სისხლის სამართლის საქმის გამოძიება დაიწყო. პასუხისგებაში მიეცა 135 ადამიანი, მათ შორის ქრთამის, თაღლითობის, სამსახურებრივი გულგრილობის, უკანონო სამეწარმეო საქმიანობისთვის და ა.შ. გატარებული ღონისძიებების შედეგად რამდენიმე საჯარო მოხელე დააკავეს. 

კორუფციასთან ბრძოლა საქართველოს ერთ–ერთი მიღწევაა. საქართველოში დასჯადია როგორც ქრთამის აღება, ისე ქრთამის მიცემა. ამასთან, ქრთამის აღება ექვსიდან 15 წლამდე, ქრთამის მიცემა კი სამიდან რვა წლამდე ვადით თავისუფლების აღკვეთას ითვალისწინებს.

აქტუალური საკითხები
ალექსანდრე ხოჯევანიშვილმა თავის გამოსვლაში, ასევე, ისაუბრა ჰიბრიდულ ომზე, რომელიც კვლავ დიდ გამოწვევად რჩება, კონტრდაზვერვით საქმიანობაზე,  სახელმწიფო უსაფრთხოების სამსახურის საერთაშორისო თანამშრომლობაზე, ეკონომიკურ უსაფრთხოებზე; საქართველოს წინააღმდეგ განხორციელებულ კიბერშეტევებზე და კიბერსადაზვერვო ოპერაციებზე. 

გარდა ამისა, ხოჯევანიშვილი 2019 წლის 20–21 ივნისის მოვლენებსაც შეეხო, როდესაც თბილისის ცენტრში ანტისამთავრობო აქცია პოლიციასთან შეტაკებაში გადაიზარდა. აქციის დაშლისას 240 ადამიანი დაშავდა, მათ შორის 80 პოლიციელი.

მისი თქმით, აღნიშნული მოვლენები ძალიან მტკივნეულად აისახა ქვეყნის უსაფრთხოებაზე.

„სამართალდამცველებისადმი დაუმორჩილებლობა და უკონტროლო ვითარება ასევე აღნიშნულის მიღების ნორმად დამკვიდრების მცდელობები, მნიშვნელოვან გამოწვევებს ქმნის სახელმწიფოებრიობისათვის“, – განაცხადა ხოჯევანიშვილმა.

როგორც მან დასძინა, მსგავსი აქტივობები, შესაძლოა, მყისიერად იყოს გამოყენებული უცხო ქვეყნის სპეცსამსახურების მიერ, უფრო მწვავე, შეუქცევადი პროცესების გააქტიურებისათვის.


0
თემები:
საქართველოს პარლამენტი