საირმე

უსაფრთხო მოგზაურობა ზაფხულში: საქართველოს რომელ კურორტებზე შევძლებთ დასვენებას

367
(განახლებულია 19:51 09.06.2020)
მაშინ, როდესაც ქვეყანაში შეზღუდვები ეტაპობრივად უქმდება და სამოგზაურო შეზღუდვების მოხსნაც ნელ-ნელა იწყება, ბევრ მოგზაურს, დასვენების მსურველს ერთი საფიქრალი უჩნდება: ნუთუ წელს მოგზაურობას შევძლებთ? და თუ შევძლებთ, ნეტავ სად?

საბედნიეროდ, საქართველო, როგორც უკვე ყველასთვის ცნობილია, გამოცხადებულია ე.წ. მწვანე ზონად და, შესაბამისად, ჩვენი ქვეყანა ნაკლები საფრთხის შემცველია დამსვენებლებისთვის, ტურისტებისთვის.

„ეჭვგარეშეა, რომ საქართველო ტურისტულ ინდუსტრიაში ერთ-ერთი უსაფრთხო ქვეყანაა. ტურისტების მისაღებად საქართველო უსაფრთხოების ყველა სტანდარტს პასუხობს. საკმაოდ გამკაცრებულია უსაფრთხოების ზომები, დაწყებული საკარანტინო ზონებიდან, ტრანსპორტის სფეროში და მომსახურების სხვადასხვა სეგმენტში. ჩვენ არ გვაქვს იმის ფუფუნება, რომ გავყინოთ სეზონი და მშვიდად ვუყუროთ, როგორ კარგავს ინდუსტრია სიცოცხლის ნიშანწყალს“, - განაცხადა ერთ-ერთ ინტერვიუში ტურიზმის სფეროს სპეციალისტმა მანანა ალადაშვილმა.

ამდენად, თუ გამოცდილი მოგზაური ბრძანდებით, ან უბრალოდ უსაფრთხო დასვენება, განტვირთვა გსურთ და ჯერ კიდევ ფიქრობთ სად გაემგზავროთ, გირჩევთ არჩევანი საკუთარ ქვეყანაზე შეაჩეროთ. გთავაზობთ იმ ადგილების ჩამონათვალს, სადაც უსაფრთხოდ შეძლებთ დასვენებას. საწყის ეტაპზე საქართველო ტურისტებს, დამსვენებლებს მთელი ქვეყნის მასშტაბით მოქმედ „მწვანე ზონებში“ მიიღებს, რომლებიც კორონავირუსისგან თავისუფალ ადგილებად არიან მიჩნეული. ჩვენც ამ ზონებზე გავამახვილებთ ყურადღებას...

გურია

გურია საკურორტო ზონების, ისტორიული ძეგლების სიმრავლით გამოირჩევა. რეგიონის შავიზღვისპირეთში მდებარეობს ცნობილი კურორტები – ურეკი, შეკვეთილი და გრიგოლეთი, ხოლო მაღალმთიან ზონაში – კურორტები ბახმარო და გომისმთა. რეგიონის ტერიტორიაზეა ასევე ორი ბალნეოლოგიური კურორტი – ნაბეღლავი და ნასაკირალი.

Грузинский курорт Бахмаро
კურორტი ბახმარო

ბახმარო ჩოხატაურის მუნიციპალიტეტში მდებარეობს, სადაც ზღვისა და მთის ჰაერი ერთმანეთს ერწყმის და უნიკალურ გარემოს ქმნის. კურორტს ნაძვისა და სოჭის მარადმწვანე ტყეები აკრავს გარს. საკურორტო სეზონი მხოლოდ ზაფხულის განმავლობაში გრძელდება. ბახმაროში არის მთა გადრეკილი, რომელიც დამსვენებლებში ცნობილია „მზის ამოსვლის გორის" სახელწოდებით. მთა ბახმაროდან რამდენიმე კმ-შია. საღამოობით სწორედ ამ მთაზე მიდიან დამსვენებლები კარვებით და მზის ამოსვლას უყურებენ. მთაზე მართლაც საოცარი სანახაობა იშლება. ხედავ ღრუბლების ზღვაში როგორ ამოდის მზე და ანათებს სამყაროს. არანაკლებ შთამბეჭდავია მზის ჩასვლის ყურებაც, სასიამოვნო სიო და ჩამავალი მზის სხივების ციმციმი....

ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“
ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“

გომისმთა ოზურგეთის მუნიციპალიტეტში მდებარეობს. მისი სიმაღლე სხვადასხვა ადგილზე ზღვის დონიდან 2100 მეტრიდან 2755 მეტრამდეა. კურორტი გამორჩეულია სამკურნალო თვისებების მქონე კლიმატური პირობებით, რასაც ზღვისა და მთის ჰაერის შერწყმა განაპირობებს. გომისმთა ღრუბლებისა და ნისლების სამეფოს სახელით არის ცნობილი. მოგზაურების უმეტესობა კურორტს ხშირად სწორედ ამ მიზეზით სტუმრობს. გომისმთა გარშემორტყმულია ნაძვისა და სოჭის ტყეებით, მდიდარია მინერალური წყლებითა და სხვა ბუნებრივი რესურსებით. თუ გომისმთას ეწვევით, აუცილებლად მოინახულეთ ჭინჭაოს ტბა, რომელიც ზღვის დონიდან 2500 მეტრზე მდებარეობს. კურორტიდან ტბამდე მანძილი 11 კმ-ია. ტბამდე მიდის სამანქანო გზა, რომელზე გადაადგილებაც მხოლოდ მაღალი გამავლობის ტრანსპორტითაა შესაძლებელი.

ნაბეღლავი
ნაბეღლავი

ნაბეღლავი ჩოხატაურის მუნიციპალიტეტში მდებარეობს. ბალნეოლოგიური კურორტი განთქმულია უნიკალური კლიმატური პირობებით. აქ გამოედინება მინერალური წყალი „ნაბეღლავი", რომელიც გამოიყენება კუჭ-ნაწლავის ტრაქტის, ღვიძლისა და სანაღვლე გზების, თირკმელების, ძვალ-სახსრების სამკურნალოდ.

ნასაკირალი ოზურგეთის რაიონში, მდინარეების სუფსისა და ბახვისწყლის შესარავთან მდებარეობს. ტყის კორომში, სადაც გავრცლებულია რცხილა, წიფელი, წაბლი, თხმელა და სხვა, მოედინება გოგირდოვანი წყლები. წყლის აბაზანები გამოიყენება გულ-სისხლძარღვთა, საყრდენ-სამოძრაო აპარატის, პერიფერიული ნერვებისა და გინეკოლოგიური პროფილის დაავადებათა სამკურნალოდ, აგრეთვე სასმელად, კუჭის ქრონიკულ დაავადებათა სამკურნალოდ. სეზონი ივნისიდან იწყება. კურორტი უკვე ელის დამსვენებლებს.

აჭარა

სწორედ აჭარა იქნება პირველი, სადაც შეძლებთ დასვენებას. აქ თქვენ გელოდებათ ზღვა, მთა, დაცული ტერიტორიები და ტურიზმის სხვადასხვა სახეობა, რომელიც ერთ რეგიონშია თავმოყრილი.

მრავალსაუკუნოვანი კულტურის მქონე აჭარა ბევრი საინტერესო ძეგლით, ულამაზესი ნაკრძალით, ეროვნული პარკით იპყრობს დამსვენებლების გულს. შევეცდებით რამდენიმე მათგანი გამოვარჩიოთ.

მტირალას ეროვნული პარკი
მტირალას ეროვნული პარკი

მტირალას ეროვნული პარკი ქობულეთის, ხელვაჩაურისა და ქედის მუნიციპალიტეტებს შორის მდებარეობს. მტირალას ეროვნული პარკი განსაკუთრებული სილამაზით გამოირჩევა და მდიდარია ფლორით და ფაუნით. მტირალას ეროვნული პარკში ფუნქციონირებს ერთ- და ორდღიანი ტურისტული მარშრუტები. მოწყობილია საპიკნიკე და საკემპინგე ადგილები, გამოყოფილია ადგილები კოცონის დასანთებად, ასევე აქ შეგხვდებათ მტირალას ტურისტული თავშესაფარი, სადაც შესაძლებელია ღამისთევა.

Крепость Гонио, водопровод
© Sputnik / Agnes Papazian
გონიოს ციხე

გონიოს ციხე ხელვაჩაურის მუნიციპალიტეტში მდებარეობს. ციხეს უნიკალური სტრატეგიული მნიშვნელობა ჰქონდა, რის გამოც იქცა ჯერ რომის იმპერიის, შემდეგ კი ბიზანტიისა და ოსმალეთის ერთ-ერთ საყრდენ ციტადელად აღმოსავლეთ შავიზღვისპირეთში. გონიო-აფსაროსის ციხესთან მრავალი ლეგენდა და მითია დაკავშირებული. ციხის ტერიტორიაზე მდებარეობს საფლავი, რომელსაც იესო ქრისტეს ერთ-ერთი მოციქულის – მათეს საფლავად თვლიან. ერთ-ერთი ვერსიით, ქრისტეს სიკვდილის შემდეგ მათე გონიოს ციხეში მოვიდა და ქადაგება დაიწყო.

ბათუმის ბოტანიკური ბაღი

ბათუმის ბოტანიკური ბაღი მსოფლიოში ერთ-ერთი უდიდესი და მდიდარი ბოტანიკური ბაღია, რომელიც გაშენებულია 111 ჰექტარზე. ბათუმის ბოტანიკურ ბაღს მსოფლიოში ანალოგი არ მოეძებნება, ვინაიდან აქ თანაარსებობენ სრულიად განსხვავებული კლიმატური და ლანდშაფტური ზონებიდან აღებული მცენარეთა სახეობები. მაგალითად, ამ ჯადოსნურ ბაღში ერთნაირად ჰარმონიულად ხარობს როგორც კანარის ფინიკის პალმა, ასევე იაპონური საკურაც.

კახეთი

უძველესი ძეგლებითა და მრავალფეროვანი ბუნებით საქართველოს სხვა რეგიონებს არც კახეთი ჩამორჩება. აქ დამთვალიერებლებს ელოდებათ უძველესი ნამოსახლარები, გამორჩეული ტაძრები, ციხე-კოშკები, ულამაზესი ტყეები, ჩანჩქერები, ალპური ტბები და, თქვენ წარმოიდგინეთ, აფერადებული უდაბნოც კი.

თუშეთი
თუშეთი

ულამაზესი ბუნებით, ალპური მდელოებით და თვალუწვდენელი მწვერვალებით გამოირჩევა თუშეთი, რომელიც იდეალური ადგილია მათთვის, ვისაც უყვარს თავგადასავლები, მთა, ბუნება, ტრადიციები და ამ ყველაფრით მიღებული დაუვიწყარი შთაბეჭდილებები.

ალავერდის მონასტერი
ზურაბ ღლონტის პირადი არქივი
ალავერდის მონასტერი

საქართველოში ერთ-ერთი უდიდესი საეკლესიო ნაგებობა – ალავედი სწორედ კახეთში, ახმეტის მუნიციპალიტეტში მდებარეობს. ალავერდის მონასტერი მე-6 საუკუნეში 12 ასურელ მამათაგან ერთ-ერთმა – იოსებ ალავერდელმა დააარსა. ამჟამად აქ მამათა მონასტერი ფუნქციონირებს. აღსანიშნავია ის ფაქტიც, რომ ახლახან არქეოლოგიური გათხრების შედეგად აღმოჩენილ იქნა იოსებ ალავერდელის საფლავის ნამდვილი ადგილი. ყოველწლიურად ალავერდს ასი ათასობით დამთვალიერებელი სტუმრობს.

სიღნაღის წმიდა გიორგის სახელობის ეკლესია
სიღნაღის წმიდა გიორგის სახელობის ეკლესია

კახეთის ერთ-ერთი გამორჩეულად ლამაზი და საინტერესო რაიონია სიღნაღი, რომელიც „სიყვარულის ქალაქის“ სახელითაა ცნობილი. ქალაქის არქიტექტურა, ლამაზი ქუჩები და შესანიშნავი ხედები გულგრილს არავის ტოვებს. ამ რაიონში ინახება მსოფლიოს უდიდესი თვითნასწავლი მხატვრის ნიკო ფიროსმანაშვილის უნიკალური ფერწერული კოლექციაც. სიღნაღში არაერთი მნიშვნელოვანი კულტურული ძეგლის მონახულებას შეძლებთ. მათ შორის განსაკუთრებით ცნობილია ბოდბის დედათა მონასტერი, რომელიც, გადმოცემის თანახმად, წმინდა ნინოს დაკრძალვის ადგილზეა აგებული.

სამცხე-ჯავახეთი

სამცხე-ჯავახეთი მდიდარია მრავალფეროვანი ბუნებით, ძეგლებით, წიაღისეულითა და კურორტებით. სამცხე-ჯავახეთი უძველესი ისტორიული მხარეა და მას ქართული კულტურის აკვანსაც კი უწოდებენ. რეგიონში ძალიან ბევრია ისეთი ადგილი, რომელიც გულგრილს არ დაგტოვებთ. აღსანიშნავია კურორტები: აბასთუმანი, ბორჯომი, ბაკურიანი, ცემი, წაღვერი, ტბა და ა.შ. თვალწარმტაცია ბორჯომ-ხარაგაულის ეროვნული პარკი, ჯავახეთის ეროვნული პარკი, ფარავნის ტბა, კახისის ტბა, ლომისმთა, მთა დიდი აბული, შაორის ციხე, ვარძია, ზარზმის მონასტერი, საფარის მონასტერი, მწვანე მონასტერი, თმოგვის ციხე, რაბათის ციხე, მესხური დარბაზები და სხვ. ალბათ ძალიან შორს წაგვიყვანს თითოულის აღწერა, ამიტომ მათ შესახებ დეტალურ ინფორმაციას შემდეგ სტატიებში შემოგთავაზებთ.

 

367
პეტრას ციხე ციხისძირში

„იმოგზაურე საქართველოში“ - საფრანგეთის ელჩი აჭარაშია

95
(განახლებულია 11:17 12.07.2020)
საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი

საქართველოში საფრანგეთის საგანგებო და სრულუფლებიანი ელჩი დიეგო კოლასი აჭარას სტუმრობს, იუწყება საზოგადოებრივი მაუწყებლის პირველი არხი.

დიპლომატს აჭარის მთავრობის თავმჯდომარემ თორნიკე რიჟვაძემ რეგიონის კულტურულ-ისტორიული ღირშესანიშნაობები, მიმდინარე და დაგეგმილი პროექტები გააცნო.

„აჭარაში ვმასპინძლობთ ჩვენი მეგობარი ქვეყნის, საფრანგეთის საგანგებო და სრულუფლებიან ელჩს დიეგო კოლასს. მნიშვნელოვანია, რომ ჩვენი პარტნიორი სახელმწიფოები კარგად იცნობდნენ ჩვენს რეგიონს, მის ტურისტულ პოტენციალს. ვუერთდებით კამპანიას – „იმოგზაურე საქართველოსთვის“, რომელიც შიდა ტურიზმის სტიმულირებას ისახავს მიზნად“, – განაცხადა თორნიკე რიჟვაძემ.

საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი, რომელიც უკავშირდება მე-19 საუკუნის ცნობილი ფრანგი მებაღის, მიშელ დალფონსის ბათუმში საქმიანობას.

95
თემები:
ტურიზმი საქართველოში
დაშბაშის კანიონში ხიდის პროექტი

დაშბაშის კანიონზე უნიკალური შუშის ხიდის მოწყობის სამუშაოები გიორგი გახარიამ დაათვალიერა

254
(განახლებულია 15:13 11.07.2020)
პროექტს ებრაული კომპანია KASS LAND (იგივე Kass Group) ახორციელებს. კანიონზე ეკოტურისტული ინფრასტრუქტურა მოეწყობა

თბილისი, 11 ივლისი - Sputnik. ჩვენ წელს ერთად უნდა გავაძლიეროთ ტურიზმი, უნდა „ვიმოგზაუროთ საქართველოსთვის“, ვიყოთ ჩვენი ქვეყნის მოგზაურები, ერთად აღმოვაჩინოთ ახალი ადგილები, მათ შორის დაშბაშის კანიონიც უნდა გახდეს ერთ-ერთი დანიშნულების ადგილი, განაცხადა საქართველოს პრემიერ-მინისტრმა გიორგი გახარიამ ალგეთის დაცულ ტერიტორიებზე სტუმრობისას.

პირველად საქართველოში დაცულ ტერიტორიაზე კერძო საერთაშორისო ინვესტიცია ხორციელდება, რომელიც Covid-19-ის პანდემიის მიუხედავად არ შეწყვეტილა. კერძოდ, ალგეთის ეროვნულ პარკში „დაშბაშის კანიონზე“ 83 ჰა მიწის ნაკვეთზე უნიკალური ტურისტული ინფრასტრუქტურის მოწყობა მიმდინარეობს.

პრემიერის განცხადებით, ამ მოცულობის ინვესტიცია რეგიონისთვის რეკორდულია, ხოლო პროექტით გათვალისწინებული ობიექტები საქართველოსთვის ახალი და უნიკალურია.

მთავრობის მეთაურის შეფასებით,  ეს ხელს შეუწყობს კანიონის პოპულარიზაციას, მიმზიდველი გახდება ვიზიტორებისთვის, მოწესრიგდება ინფრასტრუქტურა, დასაქმდება ადგილობრივი მოსახლეობა, განვითარდება ტურისტული სერვისები და წალკის მუნიციპალიტეტში ხელი შეეწყობა ეროვნულ უმცირესობათა ინტეგრაციის პროცესს.

პროექტის მიხედვით, საქართველოში პირველად უნიკალური 240 მეტრის სიგრძის, შუშის ხიდი მოეწყობა, ეკოტურისტული - ბილიკებით, ვიზიტორთა ცენტრით. ასევე მიმდებარე ტერიტორიაზე აშენდება სასტუმროები და სხვა ტურისტული ინფრასტრუქტურა.

პროექტის საინვესტიციო ღირებულება 50 მილიონ ლარზე მეტია და მას ებრაული კომპანია KASS LAND ახორციელებს.

დაშბაშის კანიონი ზღვის დონიდან 1100-1500 მეტრის სიმაღლეზე მდებარეობს, სიგრძე კი 8 კილომეტრს უდრის. კანიონი 669 ჰექტარის ფართობის უზარმაზარ ტერიტორიას იკავებს. ეს ადგილი უამრავი სანახაობრივი ჩანჩქერით და გამოქვაბულით არის სავსე.

2016 წელს დაშბაშის კანიონს საქართველოს ბუნების ძეგლის სტატუსი მიენიჭა. ამ დროიდან ის საქართველოს ღირსშესანიშნაობების რუკებსა და გზამკვლევებზე გაჩნდა.

გასული წლის დეკემბერში გარემოს და სოფლის მეურნეობის სამინისტროში იუწყებოდნენ, რომ უნიკალური მინის ხიდი 2020 წლის აგვისტოში გაიხსნება. შუშის ხიდის შუაში იქნება განთავსებული ცაში დაკიდებული ბარი. არსებული ინფორმაციით, აღნიშნული ღირსშესანიშნაობის გახსნის შემდეგ წალკას მინიმუმ 2 მილიონი ვიზიტორი ეწვევა.

254
თემები:
ტურიზმი საქართველოში
ნახევარმთვარე

მთვარის კალენდარი: 14 ივლისი რისი გაკეთება შეიძლება და რისი არა

0
(განახლებულია 11:37 13.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 ივლისი, სამშაბათი. ამ დღეს მარსი მართავს. კლებადი მთვარე კუროს ნიშანშია.

ესაა პროვოკაციებისა და ცდუნებების, ასევე მონანიების, პატიების დღე. ძალიან დიდ სარგებელს მოიტანს ამ დღეს სახლის საფუძვლიანი დალაგება, გაწმენდა, ზედმეტი ნივთების გადაყრა.

არასასურველი დღეა ურთიერთობებისთვის.

რეკომენდებულია: მარტივი საკითხების გადაჭრა, ადრე დაწყებულის დასრულება, აზრის მარტივად, მინიშნებების გარეშე გამოთქმა და საერთოდ, სჯობს ნაკლები ლაპარაკი და ურთიერთობები, შინაგანი სიმშვიდისა და წონასწორობის გამოხატვა, ხალხმრავალი ადგილებისგან თავის შორს დაჭერა, სიმტკიცის გამოჩენა.

არარეკომენდებულია: ბიზნესის საქმეები, რამე მნიშვნელოვანის გაკეთება, მოლაპარაკებები, საკუთარი აზრებისა და იდეების გაზიარება.

მოგზაურობისთვის არახელსაყრელი დღეა. სჯობს, შორ გზას არ დაადგეთ.

კუროს ნიშანი სიყვარულისთვის კარგი დროა. ამ დღეს ქალები განსაკუთრებით მომხიბლავი ხდებიან. ამ დღეს დაწყებული რომანი, დიდი ალბათობით, დიდხანს გასტანს და სტაბილური იქნება.

თმის შეჭრა, შეღებვა: კუროს დღეები კარგია სალონში ვიზიტისთვის. თმა კარგად გაიზრდება და გაუმჯობესდება მისი მდგომარეობა.

არახელსაყრელი დღეა ნიღბების გასაკეთებლად.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

მებაღეობა: კურო ნაყოფიერი ნიშანია. დასაშვებია მცენარეების დარგვა–გადარგვა, ფორმის მიცემა, მავნებლებთან (მღრღნელებთან) ბრძოლა.

მთვარის კალენდარი მებაღეებისთვის: 2020 წლის ივლისი>>

უნდა შეზღუდოთ ნიადაგის დატენიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.

0