სალომე ზურაბიშვილი

საქართველოს და ალბანეთის პრეზიდენტები მზად არიან შეთანხმდნენ პირდაპირი ფრენების შესახებ

80
(განახლებულია 22:10 04.06.2020)
სალომე ზურაბიშვილმა და ილირ მეტამ ორ ქვეყანაში კორონავირუსთან დაკავშირებული სიტუაცია და ტურიზმის სფეროში თანამშრომლობის პერსპექტივები განიხილეს

თბილისი, 4 ივნისი - Sputnik. საქართველოს პრეზიდენტმა სალომე ზურაბიშვილმა ალბანელ კოლეგა ილირ მეტასთან სატელეფონო საუბარი გამართა - მხარეებმა პოსტპანდემიურ პერიოდში ეკონომიკის თანდათანობითი გახსნის სტრატეგია და პირდაპირი ავიარეისების დანიშვნის შესაძლებლობა განიხილეს, იუწყება პრეზიდენტის ადმინისტრაცია.

პრეზიდენტებმა კრიზისის პირობებში მცირე სახელმწიფოების თანამშრომლობის მნიშვნელობა აღნიშნეს. ითქვა, რომ საქართველომ და ალბანეთმა გლობალურ საკითხებში თანამშრომლობის გზები უნდა იპოვონ.

სახელმწიფოების მეთაურებმა განიხილეს ტურიზმის სფეროში თანამშრომლობის გაღრმავება და დღეისათვის აქტუალური თემა - უსაფრთხო ტურისტული დერეფნის საკითხი.

4 ივნისის მონაცემებით, ალბანეთში კორონავირუსი 1197 მოქალაქეს დაუდგინდა, აქედან 898 გამოჯანმრთელდა, 33 გარდაიცვალა (ქვეყნის მოსახლეობა 2 845 955 ადამიანს შეადგენს, ამ დროისათვის ფიქსირდება 266 აქტიური შემთხვევა, ბოლო გარდაცვალება 27 მაისს მოხდა).

საქართველომ და ალბანეთმა დიპლომატიური ურთიერთობები 1993 წელს დაამყარეს. იმ დროიდან ქვეყნები საერთაშორისო ორგანიზაციების ფარგლებში აქტიურად თანამშრომლობენ.

 

80
თემები:
საქართველოს საგარეო პოლიტიკა (232)
ბათუმის საბაგირო

ტურისტების მოლოდინში: აჭარაში 180-მდე სასტუმრო შეამოწმეს

74
ბათუმში ამუშავდა საბაგირო და დელფინარიუმი, სტუმრებისთვის უკვე გახსნილია რეგიონში არსებული ეროვნული პარკები

თბილისი, 14 ივლისი – Sputnik. აჭარაში სამუშაო პროცესის აღსადგენად აუცილებელი შემოწმება 180 სასტუმროში ჩატარდა, განუცხადეს Sputnik-საქართველოს აჭარის კურორტებისა და ტურიზმის დეპარტამენტში.

მათ შორის არის როგორც მაღალი კლასის ბრენდული სასტუმროები, ისე დაბალბიუჯეტიანი და ოჯახური ტიპის მცირე სასტუმროები.

იმ სასტუმროების სია, რომლებმაც შემოწმება გაიარეს, აჭარის კურორტებისა და ტურიზმის დეპარტამენტის ტურისტულ ვებგვერდზეა ხელმისაწვდომი. სია ყოველდღე ახლდება და მას ახალი შემოწმებული სასტუმროები ემატება.

სამთვიანი პაუზის შემდეგ ამუშავდა ბათუმის საბაგირო, რომელიც ტურისტებს სპეციალური აქციის ფარგლებში ფასდაკლებას სთავაზობს.

მუშაობას აგრძელებს ასევე ბათუმის დელფინარიუმი, სადაც დელფინების შოუს ნახვა შესაძლებელია სამშაბათობით, შაბათობით და კვირაობით 16:00 საათზე.

რეგიონის სტუმრებს შეუძლიათ დაათვალიერონ აჭარის ეროვნული პარკები, ბოტანიკური ბაღი და სხვა ტურისტული ადგილები. ზღვაზე დასვენების მოყვარულთათვის ნებადართულია აქტივობები წყალზე, აღნიშნავენ დეპარტამენტში.

კორონავირუსი და ფასები: ყველაფერი გაძვირდა, ეს – გაიაფდა >>

საქართველოს ტურისტული ინდუსტრიისთვის კორონავირუსის გავრცელების აღსაკვეთად აუცილებელი გახდა სავალდებულო ნორმატივების დაწესება. ეს ნორმები მოიცავს სოციალური დისტანციის დაცვას, დეზინფექციას, სივრცეების დალაგების ახალ წესებს და სხვა მოთხოვნებს.

ყველა სასტუმრომ, რომელსაც მუშაობის გაგრძელება სურს, უნდა დაიცვას დამტკიცებული რეკომენდაციები და ჯანდაცვის სამინისტროს ოფიციალურ ვებგვერდზე სპეციალურად შექმნილ ელექტრონულ სისტემაში დარეგისტრირდეს, შემდეგ კი შრომის ინსპექციის შემოწმება გაიაროს.

როგორც პანდემიის გამო დაკეტილი სხვა ობიექტებისთვის, სასტუმრო სექტორისთვისაც მუშაობის ახალი წესები შემუშავდა. კერძოდ, ტურისტებს სასტუმროში გადაადგილება პირბადეებით მოუწევთ, ასევე სოციალური დისტანციის დაცვით. რესტორნებში, მათ შორის, სასტუმროების რესტორნებში მაგიდებს შორის ორმეტრიანი დისტანცია უნდა იყოს, ხოლო ერთ მაგიდასთან ექვს ადამიანზე მეტი არ უნდა იჯდეს.

განსაკუთრებული ყურადღება გამახვილდება კვების ობიექტების მდგომარეობაზე, ასევე ნომრების დალაგების, აუზების გაწმენდისა და სხვა სპეციფიკაზე.

სიხარულით, მაგრამ პირბადეებით – რა წესების დაცვა მოუწევთ სასტუმროებსა და მათ სტუმრებს >>

ტურიზმის ეროვნულმა ადმინისტრაციამ შეიმუშავა ტრენინგ-პროექტი, რომელიც ივნისში დაიწყო. ტურისტული ინდუსტრიის წარმომადგენელ ნებისმიერ მსურველს შეუძლია ტრენინგებში მონაწილეობა და ახალ პირობებში მუშაობის შესახებ აუცილებელი ინფორმაციის უფასოდ მიღება.

74
თემები:
ტურიზმი საქართველოში
მაია ცქიტიშვილი

ქვეყანა მხოლოდ უცხოელ ტურისტებზე ვერ იქნება დამოკიდებული ცქიტიშვილი

69
(განახლებულია 09:59 15.07.2020)
კორონავირუსმა აჩვენა, როგორ სჭირდება ქვეყანას მაგისტრალები და გამართული სატრანსპორტო ინფრასტრუქტურა, განაცხადა მინისტრმა.

თბილისი, 14 ივლისი – Sputnik. კორონავირუსმა აჩვენა, რომ შიდა ტურიზმი აუცილებელია და ქვეყანა მხოლოდ უცხოელ ტურისტებზე ვერ იქნება დამოკიდებული, განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა.

გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო>>

ცქიტიშვილმა შიდა სახელმწიფო გზების მნიშვნელობაზე ისაუბრა და მაგალითად აღნიშნა თბილისისა და რაჭის დამაკავშირებელი გზა, რომელიც ამ კუთხეში ჩასვლის დროს საათ-ნახევრით ამცირებს.

„როდესაც ვსაუბრობთ „კოვიდზე“, ალბათ „კოვიდმა“ ძალიან კარგად გამოაჩინა, რა შეიძლება იყოს პრიორიტეტები. ჩვენ ყველამ დავინახეთ, რომ, თურმე, შიდა ტურიზმი აუცილებელი ყოფილა. აუცილებელია, რა თქმა უნდა, უცხოელი ტურისტების რაოდენობის ზრდა, მაგრამ არ შეიძლება ქვეყანა იყოს დამოკიდებული მხოლოდ უცხოელ ტურისტებზე“, – განაცხადა ცქიტიშვილმა „პირველი არხის“ ეთერში.

მისი თქმით, სამინისტროს გრძელვადიანი გეგმები აქვს, მაგალითად, ახალი საერთაშორისო მაგისტრალის მშენებლობა რიკოთის უღელტეხილზე, აღმოსავლეთი–დასავლეთის საავტომობილო გზის მშენებლობა. კორონავირუსმა აჩვენა, თუ როგორ სჭირდება ქვეყანას ამ ტიპის მაგისტრალი, გამართული სატრანსპორტო ინფრასტრუქტურა და ლოგისტიკური ჯაჭვის დალაგებული მუშაობა, განსაკუთრებით, საგანგებო მდგომარეობის დროს, აღნიშნა მინისტრმა.

მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის>>

საქართველოში შიდა ტურიზმი ოფიციალურად 15 ივნისს გაიხსნა. ქვეყნის ხელისუფლება მოქალაქეებს მოუწოდებს, დაისვენონ სამშობლოში და ქვეყანას ამ სფეროში დაეხმარონ.

ტურიზმის ეროვნულმა ადმინისტრაციამ ივნისის ბოლოს პოსტპანდემიურ პერიოდში შიდა ტურიზმის მხარდასაჭერად დაიწყო ახალი კამპანია „აღმოაჩინე ის, რაც შენია და იმოგზაურე საქართველოში".

ტრადიციულ ტურისტულ მიმართულებებთან ერთად ტურიზმის ადმინისტრაცია პოპულარიზაციას გაუწევს ახალ საინტერესო ტურისტულ პროდუქტებსა და აქტივობებს რეგიონებში. უწყების ხელმძღვანელის მარიამ ქვრივიშვილის აზრით, ეს ხელს შეუწყობს სასტუმროების, კვების ობიექტების, სატრანსპორტო კომპანიების, გიდების ინსტიტუტის განვითარებას. 

ტურისტული სფერო კორნავირუსის პანდემიის გამო ყველაზე მეტად დაზარალდა, რადგან საქართველოს მთავრობამ მოსახლეობის ჯანმრთელობის დასაცავად მარტში ყველა საზღვარი დაკეტა.

თენგიზ ცერცვაძე: საქართველო საზღვრების გახსნას თუ გაუძლებს, ეს იქნება...>>

ქვეყანაში მოგზაურობისას ვიზიტორებმა უსაფრთხოების წესები და ზოგიერთი შეზღუდვა უნდა დაიცვან, მათ შორის, დახურულ სივრცეებში, სერვის-ცენტრებსა და მღვიმეებში პირბადის ტარება. სავიზიტო ცენტრებში ერთდროულად მაქსიმუმ ხუთი ადამიანის ყოფნაა დაშვებული. აუცილებელია ორმეტრიანი დისტანციის დაცვა და პირადი ჰიგიენის ნორმების დაცვა.

69
თემები:
ტურიზმი საქართველოში
ნინო ლომჯარია

როგორ ესმის ვაჟკაცობა და ძველბიჭობა პრეზიდენტს: რას უწუნებს ომბუდსმენი ზურაშვილს

0
(განახლებულია 16:22 15.07.2020)
პირველმა პირებმა არ უნდა მოახდინონ ძალადობის რომანტიზება - საჯარო პირების განცხადებებსა და შეფასებებს განსაკუთრებული მნიშვნელობა აქვს, განაცხადა ნინო ლომჯარიამ

თბილისი, 15 ივლისი — Sputnik. საქართველოს პრეზიდენტი სალომე ზურაბიშვილი, 19 წლის ფეხბურთელის, გიორგი შაქარაშვილის გარდაცვალების გახმაურებულ საქმესთან დაკავშირებით გაკეთებული კომენტარი გამო, კვლავ კრიტიკის ობიექტი გახდა.

ზურაბიშვილი, რომელიც საფრანგეთში დაიბადა და გაიზარდა, გამომდინარე იქიდან, რომ ქართულ ენას სრულყოფილად ვერ ფლობს, საკუთარი გამონათქვამების გამო არაერთხელ აღმოჩდა უხერხულ ვითარებაში. ამჯერად მისმა განცხადებამ სახალხო დამცველის ნინო ლომჯარიას უკმაყოფილება გამოიწვია.

„ვაჟკაცობა მესმის, როდესაც ჩხუბი ერთი ერთზე მიდის. მე არ ვიცი ჯგუფური, აგრესიული და ძალადობრივი ვაჟკაცობის შესახებ. ადამიანებზე ძალადობა მიუღებელი და არაქართულია, ჩვენ უნდა დავუბრუნდეთ ჩვენს ღირებულებებს. დიდი ვაჟკაცობაა ბრალის აღიარება, კიდევ უფრო დიდი ვაჟკაცობა კი მონანიებაა", - განაცხადა ზურაბიშვილმა.

ომბუდსმენი აღაშფოთა ფრაზამ, რომელიც „ერთი ერთზე" ჩხუბს ამართლებს.

„ძალადობა, ერთი-ერთზე იქნება თუ ჯგუფური, არის ძალადობა და დანაშაული", - განაცხადა ლომჯარიამ და აღნიშნა, რომ საჯარო პირების განცხადებებსა და შეფასებებს განსაკუთრებული მნიშვნელობა აქვს.

მისი თქმით, ზურაბიშვილის სიტყვების აღქმა შეიძლება ისე, რომ თითქოს საქართველოში „ერთი ერთზე" ჩხუბი მისაღები და ტრადიციულია.

„არ უნდა მოვახდინოთ არც ერთი-ერთზე და არც ჯგუფური ძალადობის რომანტიზება... ეს მსოფლმხედველობა უნდა შეიცვალოს", - განაცხადა ომჯარიამ.

ახალგაზრდებს შორის ჩხუბი ქვეყნისთვის ბოლო პერიოდში ერთ-ერთი სერიოზული პრობლემა გახდა.

2017 წლის დეკემბერში ახალგაზრდებს შორის ჩხუბი ორი მოსწავლის სიკვდილით დამთავრდა, სასამართლო პროცესი კი საქართველოს უახლეს ისტორიაში ყველაზე რეზონანსული გახდა.

მიმდინარე ზაფხულში საქართველო ახალმა ტრაგედიამ შეძრა. 19 წლის ფეხბურთელი გიორგი შაქარაშვილი დაუდგენელ ვითარებაში გარდაიცვალა - იგი 18 ივლისს მცხეთაში მეგობრის დაბადების დღის წვეეულებაზე იმყოფებოდა, რომელზეც სტუმრებს შორის კონფლიქტი მოხდა.

შაქარაშვილის გარდაცვალების საქმე რამდენიმე ეპიზოდს მოიცავს: უშუალოდ მკვლელობას, რომლის დამტკიცებას ახლა ცდილობს გამოძიება, და უკვე დადგენილ ფაქტებს - ცემას, ჯგუფურ ძალადობას და თავისუფლების უკანონო აღკვეთას. დაკავებულია 17 ადამიანი, მათ შორის ექვსი არასრულწლოვანი.

0