ჩინკვე-ტერე, იტალია

ვირტუალური ტური იტალიის ზღაპრულ სანაპიროზე: ჩინკვე-ტერე - ადგილი, სადაც ოცნებები ხდება

885
(განახლებულია 19:26 15.05.2020)
"Sputnik-საქართველო" ვირტუალურ ტურს აგრძელებს და ამჯერად იტალიის ულამაზეს სანაპირო ზოლზე,  ჩინკვე-ტერეზე გეპატიჟებათ. ეს ადგილი განსაკუთრებით იმ ტურისტებს იზიდავს, რომლებსაც წყნარი დასვენება, ლამაზი ხედები და ბუნება უყვარს.

ჩინკვე-ტერე მდებარეობს ლიგურიის რეგიონში, ქალაქ ლა-სპეციის დასავლეთით და ხუთ სოფელს მოიცავს. ესენია: მონტეროსო-ალ-მარე, ვერნაცა, კორნილია, მანაროლა და რიომაჯორე. ჩინკვე-ტერე, იგივე ხუთი მიწის დასახლება იტალიისთვის დამახასიათებელი სილამაზითაა გამორჩეული.

ჩინკვე-ტერე, იტალია
ჩინკვე-ტერე, იტალია

ჩინკვე-ტერე ისტორიულ წყაროებში მეცხე საუკუნიდან ჩნდება. თავდაპირველად ნახსენებია მონტერესო და ვენაზა. ხოლო დანარჩენი სოფლები მოგვიანებით გაშენდა. მე-16 საუკუნეში მოსახლეობამ გააძლიერა არსებული ციხე-სიმაგრეები და ააშენა ახალი თავდაცვის კოშკები, რათა თურქების თავდასხმებისგან დაეცვა ტერიტორია.

ჩინკვე-ტერე, იტალია
© CC0 / Pixabay
ჩინკვე-ტერე, იტალია

საუკუნეების განმავლობაში სანაპირო ზოლმა ბევრი სახეცვლილება განიცადა, თუმცა დღევანდელი სახით დიდებულად ლამაზია და მნახველის გულს აუცილებლად იპყრობს. დღეს ის ეროვნული პარკია და იუნესკოს მსოფლიო მემკვიდრეობის ძეგლების ნუსხაშია შეტანილი. ამ საოცარ ადგილს წელიწადში 2,4 მილიონი ვიზიტორი სტუმრობს.

ჩინკვე-ტერე, იტალია
ჩინკვე-ტერე, იტალია

ხუთივე სოფელს ირგვლივ საოცარი სანაპირო ზოლი არტყია. ცეცხლოვანი პლაჟები, ცისფრად მოლივლივე კამკამა ზღვა გულგრილს არ დაგტოვებთ. ზღვა განსაკუთრებულად მშვიდი და ლამაზი საღამოობითაა.

ციცაბო, კლდოვან ლანდშაფტზე საუკუნეების მანძილზე ადამიანები საგულდაგულოდ, დიდი რუდუნებით აშენებდნენ ულამაზეს ტერასებს, რომლებიც გადაჰყურებს ზღვას და საოცარი ხედი იშლება. წლების განმავლობაში სოფლებმა შეინარჩუნა საკუთარი ისტორიული არქიტექტურა და განსაცვიფრებელი საფეხმავლო ბილიკები, რომლებიც სოფლებს ერთმანეთთან აკავშირებს.

ჩინკვე-ტერე, იტალია
ჩინკვე-ტერე, იტალია

როგორც აღვნიშნეთ, სოფლები ერთმანეთს ბილიკებით, ასევე მატარებლით და ნავებით უკავშირდება. ვინაიდან ჩინკვე-ტერე ეროვნული პარკია, აქ ავტომობილებით გადაადგილება მხოლოდ სოფლებში შეიძლება, ისიც მხოლოდ ადგილობრივი მცხოვრებლებისთვის.

სოფლები საკმაოდ პატარაა და ერთი სოფლის მოსანახულებლად ერთი დღე გეყოფათ. რა თქმა უნდა, თუ მეტხანს დარჩებით, უკეთესია. განტვირთვისთვის და ჰარმონიული დასვენებისთვის ეს საუკეთესო ადგილია.

თუ თქვენ ლაშქრობის მოყვარული ხართ, მაშინ საუკეთესო შანსი გეძლევათ ხუთი სოფელი ფეხით მოიაროთ და დატკბეთ მათი სილამაზით. მთავარია ლაშქრობამდე შესაფერისი ფეხსაცმელი მოირგოთ, რომ სიარული არ გაგიჭირდეთ. სანაპირო ზოლს საცალფეხო ბილიკი მიუყვება, თუმცა შეგიძლიათ ამ ბილიკს გადაუხვიოთ და ულამაზესი გორაკებიც მოინახულოთ. შეგიძლიათ მთელი მარშრუტი დაახლოებით ექვს საათში გაიაროთ.

თუ ფიქრობთ, რომ ფეხით გადაადგილება გაგიჭირდებათ, მაშინ გირჩევთ უპირატესობა მიანიჭოთ ბორანს, რომელიც სოფლიდან სოფელში თქვენ გადაყვანას უზრუნველყოფს, თან ზღვის საოცარი ხედებით დატკბებით, შეხვდებით მეთევზეებს. ასევე თქვენ შეგიძლიათ ნავის დაქირავება, ან გემით გასეირნება სანაპიროს გასწვრივ, რაც 20-35 ევრო დაგიჯდებათ.

ჩინკვე-ტერე, იტალია
ჩინკვე-ტერე, იტალია

გადაადგილების ყველაზე მარტივი და იაფი საშუალებაა მატარებელი, რომელიც სადგურიდან ყოველდღიურად რამდენიმე წუთში ერთხელ გადის. ბილეთის ღირებულება ზრდასრულთათვის ოთხი ევროა, ხოლო 12 წლამდე ბავშვებისთვის - ორი ევრო.

ჩინკვე-ტერეს გარშემო არის რამდენიმე ეკლესია და არქიტექტურული ძეგლი, რაც აუცილებლად უნდა ნახოთ. ულამაზესი სანახავია სანტა მარგარიტა და ანტიოქიის ეკლესია, რომელიც მდებარეობს სოფელ ვერნაზაში, სანაპიროზე. ასევე სან-ფრანჩესკოს ცნობილი ეკლესია მონტეროსო ალ მარში.

ჩინკვე-ტერე, იტალია
ჩინკვე-ტერე, იტალია

სოფლების უკან მდებარე ბორცვებზე ვენახებია გაშენებული. აქ რამდენიმე ღვინის ქარხანასაც შეხვდებით, სადაც იტალიური ღვინის დაგემოვნება შეგიძლიათ. ჩინკვე-ტერე განთქმულია ზეთისხილის ბაღებით, ზღვის პროდუქტებით, უგემრიელესი თევზეულით, ამიტომ ამ უკანასკნელის დაგემოვნების გარეშე ნუ დატოვებთ სანაპირო ზოლს.

ჩინკვე-ტერე, იტალია
© CC0 / Pixabay
ჩინკვე-ტერე, იტალია

გირჩევთ ამ შთამბეჭდავ ადგილს ადრე გაზაფხულზე, აპრილში ან გვიან შემოდგომაზე, ნოემბერში ეწვიოთ, რადგან ამ დროს ყველაზე ნაკლები ტურისტია და ფასები არც ისე მაღალია. ყველაზე ხალხმრავალი მაისი-ივნისის პერიოდია. თუ ზამთრის პერიოდში, ან წვიმიან ამინდში ესტუმრებით სანაპირო ზოლს, გაითვალისწინეთ, რომ ბილიკები მეწყერსაშიშია. ამიტომ სანამ ჩინკვე-ტერეზე მოგზაურობას გადაწყვეტთ, საგულდაგულოდ შეამოწმეთ ამინდის პროგნოზი.

ჩინკვე-ტერე, იტალია
ჩინკვე-ტერე, იტალია

იტალიის სხვა მხარეების მსგავსად, ჩინკვე-ტერე ძალიან უსაფრთხო ადგილია. ერთადერთი, უნდა უფრთხილდეთ ჯიბის ქურდებს, ისინი ჩვეულებრივ ტრიალებენ ძალიან ხალხმრავალ ადგილებში. ასე რომ, ყოველთვის საგულდაგულოდ შეინახეთ ძვირფასეულობა და საფულე.

ვიმედოვნებთ, სასაიმოვნო იყო ჩვენთან ერთად მოგზაურობა.

 

885
გიორგი გახარია

გახარია: ეს იყო ყველაზე სწორი გადაწყვეტილება მას ჯანმო რამდენიმე კვირაში ტაშს უკრავდა

70
(განახლებულია 18:24 27.05.2020)
საქართველოს მთავრობის მეთაური გიორგი გახარია დეპუტატებს საგანგებო მდგომარეობის პერიოდში გაწეული საქმიანობის შესახებ ანგარიშს აბარებს.

თბილისი, 27 მაისი – Sputnik. საკარანტინო ზონების იდეა ტურიზმის ეროვნულ სააგენტოში დაიბადა, ეს იყო ყველაზე სწორი გადაწყვეტილება, რომელსაც ჯანდაცვის მსოფლიო ორგანიზაცია სულ რამდენიმე კვირაში ტაშს უკრავდა, განაცხადა საქართველოს პრემერ-მინისტრმა გიორგი გახარიამ პარლამენტში სიტყვით გამოსვლისას.

პრემიერ–მინისტრი პარლამენტში დეპუტატების კითხვებს უპასუხებს>>

ამ წუთებში საქართველოს მთავრობის მეთაური დეპუტატებს საგანგებო მდგომარეობის პერიოდში გაწეული საქმიანობის შესახებ ანგარიშს აბარებს. ქვეყანის მთელ ტერიტორიაზე საგანგებო მდგომარეობა 21 მარტს გამოცხადდა.

მთავრობის მეთაურმა ანგარიშის წარდგენისას საკარანტინო ზონების საკითხზე გაამახვილა ყურადღება. მისი თქმით, საკარანტინო ზონების იდეა საქართველოს ტურიზმის ეროვნულ სააგენტოში დაიბადა და ამან გაამართლა.

„კლასტერები რომ არ გაზრდილიყო და სწრაფი და რაღაც გაურკვეველი ტესტების პირობებში უფრო დაზღვეული გვქონოდა ჩვენი მოსახლეობის ჯანმრთელობა, მივიღეთ გადაწყვეტილება საკარანტინო ზონების შექმნის – როგორც ბუფერის. ამ ვირუსს აქვს 14-დღიანი საინკუბაციო პერიოდი და ეს იყო ყველაზე სწორი გადაწყვეტილება, ეს იყო ის გადაწყვეტილება, რომელსაც დღეს ტურიზმის მსოფლიო ორგანიზაცია იყენებს თავის პროტოკოლებში, როგორ გახსნას საერთოდ ტურიზმი მსოფლიოს მასშტაბით“, – განაცხადა გახარიამ.

ამასთან, გახარიას თქმით, საქართველოში საკარანტინო ზონები 22 ათასზე მეტმა მოქალაქემ გაიარა და ამჟამად ამ სივრცეებში 4 ათასამდე პირი იმყოფება.

„ვერც ერთი ადამიანი ვერ გამოდის საკარანტინო ზონიდან ისე, თუ არ ჩაუტარდა მას PCR ტესტირება“, – აღნიშნა გახარიამ.

საქართველოს პრემიერ-მინისტრის განკარგულებით, ტურიზმის ეროვნულ სააგენტოს დაევალა საკარანტინო ზონების ორგანიზება და მოქალაქეების განთავსებასთან დაკავშირებული საკითხების გადაჭრა. კარანტინის ზონებში 24-საათიან რეჟიმში იმყოფებიან ჯანდაცვის სამინისტროს წარმომადგენლები, პერიმეტრს კი სახელმწიფო უსაფრთხოების სამსახურის თანამშრომლები აკონტროლებენ. საკარანტინო ზონებში მოქალაქეები 14 დღის განმავლობაში იმყოფებიან.

COVID-19: ჯანმომ საქართველოს კვლევაში მონაწილეობა შესთავაზა>>

საქართველოში კორონავირუსის გამოვლენის პირველი შემთხვევა 26 თებერვალს დაფიქსირდა. 21 მარტს ქვეყნის მთელ ტერიტორიაზე საგანგებო მდგომარეობა გამოცხადდა, რომელიც 23 მაისამდე გაგრძელდა. ამ ეტაპზე საქართველოში შეზღუდვების ეტაპობრივი მოხსნის პროცესი მიმდინარეობს.

70
თემები:
საქართველოს პარლამენტი

კარანტინის შემდეგ უამრავმა ტურისტმა კუნძულებზე იზოლაცია მოისურვა

86
როგორც ირკვევა, მიმდინარე წლის აპრილში კომპანიებმა მომავალ სეზონებზე უფრო მეტი საგზური გაყიდეს, ვიდრე 2019 წლის ანალოგიურ პერიოდში

თბილისი, 26 მაისი - Sputnik. COVID-19-ის პანდემიის შემდეგ უამრავმა ტურისტმა სხვადასხვა ქვეყნიდან შვებულების კუნძულებზე გატარების სურვილი გამოთქვა, წერს Daily Express.

ამის შესახებ ნათქვამია ბრიტანული ტურისტული სააგენტო Hays Travel-ის მფლობელების მიერ ჩატარებულ კვლევაში. სააგენტომ ოპერატორი Thomas Cook 2019 წელს შეიძინა.

ასე, ჯონ და აირინ ჰეისების (John and Irene Hays) მონაცემებით, შემკვეთებს ყველაზე მეტად სურს იზოლაციის გატარება ბალეარის ან ნორმანდიის კუნძულებზე.

„ადამიანებს რეალურად გაქცევა სურთ... აქტიურად ჯავშნიან მიმართულებებს, რა თქმა უნდა, არა ამ ზაფხულისთვის, მაგრამ შემდეგი ზამთრისთვის და 2021 წლისთვის“, - წერს ჯონ ჰეისი.

ამასთან მან განმარტა, რომ მიმდინარე წლის აპრილში კომპანიებმა მომავალი სეზონებისთვის მეტი საგზური გაყიდეს, ვიდრე 2019 წლის ანალოგიურ პერიოდში.

როგორც ჰეისები აცხადებენ, როდესაც სახელმწიფოებმა პანდემიასთან დაკავშირებული შეზღუდვების თანდათანობით მოხსნა დაიწყეს, „ადამიანებმა გვირაბის ბოლოს შუქი დაინახეს“.

86
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78487
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78487
თემები:
COVID-19 საქართველოში