დავით-გარეჯას სამონასტრო კომპლექსი

CNN-მა საქართველოში 10 საოცნებო ადგილი დაასახელა

24120
(განახლებულია 22:21 01.02.2020)
საქართველო, შესაძლოა, მცირე ზომისაა, თუმცა ის მაინც სავსეა გასაოცარი გეოგრაფიული ღირსშესანიშნაობებით, ნათქვამია სტატიაში

თბილისი, 1 თებერვალი — Sputnik. ამერიკულმა ტელეკომპანია CNN-მა საქართველოს გეოგრაფიულ და ისტორიულ-კულტურულ ღირსშესანიშნაობებს ვრცელი სტატია მიუძღვნა.

„დასავლეთით, თქვენ იხილავთ სუბტროპიკული ციტრუსების ხეივანს, რომელიც შავი ზღვისკენ მიისწრაფვის. აღმოსავლეთით კი, ვენახებს ათასწლოვანი მონასტრები ენაცვლება. საქართველოში მდებარეობს ასევე ევროპის 6 უმაღლესი მთიდან სამი, რომელთა ჩრდილშიც კავკასიური ველური ბუნება დათვებით, არწივებით და მგლებით, საცხოვრებელს იყოფს ყველაზე შორეულ და ფერადოვან მთის სოფლებთან, რომელთა შესახებაც არასდროს გსმენიათ“, – აღნიშნულია სტატიაში.

ეს არის 10 განსაცვიფრებელი ადგილი საქართველოში, რომელიც თქვენში მოგზაურობის ვნებას აღძრავს.

მუცო

ციხე-სოფელი მუცო ხევსურეთის ისტორიულ მხარეში რთული რელიეფის სამ ვერტიკალურ ტერასაზეა განლაგებული. რამდენიმე ათეულ საცხოვრებელ სახლთან და ციხე-კოშკებთან მისასვლელი გზა რთულ, 300-მეტრიან ციცაბო ფერდობზე გადის.

ძველად მუცო საფორტიფიკაციო ნაგებობას წარმოადგენდა. ეს იყო ავანპოსტი, რომელიც საქართველოში ჩრდილოეთიდან მომავალ გზებს იცავდა. საქართველოსთვის, რომელსაც მუდმივად უწევდა დაცვა ჩრდილოკავკასიელი, სპარსი, არაბი, თურქი, მონღოლი და სხვა დამპყრობლების შემოსევებისგან, სასიცოცხლოდ აუცილებელი იყო თავდაცვის საშუალებები.

ადგილობრივი მოსახლეობა, მეომრები და მონადირეები მთავარანგელოზ ბროლისკალოს ხატზე ლოცულობდნენ და საუკუნეები იცავდნენ ხატისთვის ნაბოძებ საგანძურს. ლეგენდის თანახმად, ეს საგანძური რჩეულის მოლოდინში დღემდე ინახება მთებში, მუცოს მახლობლად.

მუცო
პაატა ვარდანაშვილი
მუცო

უშგული

შხარას სამხრეთი კალთების ძირას, ზღვის დონიდან 2200 მეტრ სიმაღლეზე მესტიის რაიონის სოფელი უშგული მდებარეობს, რომელიც იუნესკოს მსოფლიო მემკვიდრეობის სიაშია შეტანილი. უშგულის თემის სოფელი ჩაჟაში მდინარეების ენგურისა და შავწყალა-ქვიშარას შესართავთან, ზღვის დონიდან 2200 მეტრზე მდებარეობს.

მსოფლიო მემკვიდრეობის ძეგლთა ნუსხაში დაცული კომპლექსი, რომელსაც მუზეუმის სტატუსი აქვს მინიჭებული, 13 კოშკს, 4 ციხე-სახლს, 21 მაჩუბს და 11 ხალხურ საცხოვრებელს აერთიანებს. უშგულის თემის სოფლებიდან ყველაზე მეტი სვანური კოშკი ჩაჟაშშია შემორჩენილი. გადმოცემის თანახმად, ჩაჟაში, რომელიც სვანურად ცხენების სადგომს ნიშნავს, თამარ მეფის საზამთრო რეზიდენცია იყო. უშგულის თემის სოფელი ჩაჟაში იუნესკოს კულტურული მემკვიდრეობის ნუსხაში 1996 წელს შევიდა. 

უშგული
უშგული

ვარძია

XII-XIII საუკუნეების ვარძიის სამონასტრო კომპლექსი ისტორიულ ჯავახეთში, ახალციხესთან ახლოს მდებარეობს.

იგი ქართული კულტურული მემკვიდრეობის უძველეს ძეგლს წარმოადგენს, რომელიც ზღვის დონიდან 1300 მეტრზე მდებარეობს.

ვარძიის ქვაში ნაკვეთი სამონასტრო კომპლექსი თავის დროზე მნიშვნელოვან როლს ასრულებდა საქართველოს პოლიტიკურ, კულტურულ და რელიგიურ ცხოვრებაში. მიუხედავად იმისა, რომ სამონასტრო კომპლექსის დიდი ნაწილი მიწისძვრებისა და თავდასხმების შედეგად დაზიანებულია, იგი დღემდე აოცებს დამთვალიერებელს. ვარძიის კომპლექსში 15 ეკლესიაა. მათგან მთავარია ღვთისმშობლის მიძინების ეკლესია, რომელიც ვარძიის ანსამბლის შუაგულში მდებარეობს. აქ შემორჩენილია კედლის შესანიშნავი მხატვრობა, რომელიც ვინმე გიორგის შესრულებულია. კედელზე გამოსახულნი არიან გიორგი III, თამარ მეფე და სხვა დიდებულები.

არქეოლოგები ვარძიის სამონასტრო კომპლექსისადმი ინტერესს ამ დრომდე არ კარგავენ, 2015 წელს ვარძიაში ორი ახალი იარუსი და იქ განთავსებული 10 ახალი ქვაბული აღმოაჩინეს.

Пещерный город Вардзия
ვარძია

გელათის მონასტერი

გელათის სამონასტრო კომპლექსი — იუნესკოს სიაში 1994 წელს შეიტანეს. გელათის მონასტერი ერთ-ერთ უძველეს მონასტრად ითვლება და, როგორც გადმოცემა ამბობს, აგებულია წმინდა ადგილზე. ტაძარს მე-12 საუკუნის მოზაიკა გამოარჩევს, რომელზეც 3 მილიონი ფრაგმენტისგან არის შექმნილი.

გელათის მონასტერი
ბესიკ ფიფია
გელათის მონასტერი

გერგეტის წმინდა სამება

გერგეტის ყოვლადწმინდა სამების ტაძარი XIV საუკუნის ძეგლია და განსაკუთრებულ ინტერესს იწვევს ტურისტებს შორის. გალავნით შემოზღუდული ქართული ხუროთმოძღვრული კომპლექსი ყაზბეგის მუნიციპალიტეტში ზღვის დონიდან 2200 მ სიმაღლეზე მდებარეობს. გერგეტის სამება ხევის უმთავრესი სალოცავი და აღმოსავლეთ საქართველოს მთიანეთში ერთადერთი გუმბათოვანი ტაძარია.

გერგეტის სამება
© photo: Sputnik / ოლეგ ლასტოჩკინი
გერგეტის სამება

ანანური

ანანურის ხუროთმოძღვრული ანსამბლი საქართველოს გვიანფეოდალური ხანის (XVI-XVIII სს.) ერთ-ერთი უმნიშვნელოვანესი ძეგლია. მასში თავმოყრილია საკულტო, სამხედრო და საერო დანიშნულების ძეგლები. ანანურის კომპლექსი საქართველოს სამხედრო გზაზე, თბილისიდან 60 კმ-ის დაშორებით ამავე სახელწოდების სოფელში მდებარეობს.

1743 წლამდე ეს ადგილი არაგვის საერისთავოს რეზიდენცია იყო. დღეისათვის ანანური ქვეყანაში ერთ-ერთი ყველაზე კარგად შენახული ისტორიული მემკვიდრეობის ძეგლია.

ანანური
Alexander Imedashvili
ანანური

გომის მთა

ოზურგეთის რაიონის მაღალმთიანი კურორტი გომისმთა წიწვოვანი ტყეების გარემოცვაში, მდინარე ბჟუჟის ხეობაში, ზღვის დონიდან 2100 მეტრ სიმაღლეზე მდებარეობს. ტურისტებს სუფთა ჰაერი, სამკურნალო ჰავა, ნაკადულები, მინერალური წყლები და ჭინჭაოს ტბა იზიდავთ. გომისმთა კარგია დასასვენებლად როგორც ზაფხულში, ისე ზამთარში. აქ წელიწადში 7-8 თვე თოვს, რაც მის სათხილამურო კურორტად გადაქცევის შესაძლებლობას იძლევა.

ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“
FB / EKATERINE PHOTOGRAPHY / ჰაეროვანი პეიზაჟი გომისმთიდან
ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“

სიღნაღი

მყუდრო და ლამაზი სიღნაღი, რომელსაც სიყვარულის ქალაქს უწოდებენ, გამოირჩევა ზღაპრული პეიზაჟებითა და ალაზნის ველის საუცხოო ხედებით.

სიღნაღი — სიყვარულის ქალაქი და ქართული ლას-ვეგასი
Sputnik/ Oxana Vointseva
სიღნაღი — სიყვარულის ქალაქი და ქართული ლას-ვეგასი

დართლო

თუშეთის მაღალმთიანი სოფელი დართლო არქიტექტურულ ნაკრძალადაა აღიარებული. ეს სოფელი კავკასიის რეგიონში ეკოლოგიურად ერთ–ერთი ყველაზე სუფთა ადგილია. დართლო, ისევე როგორც მთელი თუშეთი, ალპური ლანდშაფტების უჩვეულო სილამაზით გამოირჩევა.

დავით-გარეჯა

დავით–გარეჯის სამონასტრო კომპლექსი საქართველოს რელიგიური და კულტურული ცხოვრების ერთ-ერთ მნიშვნელოვან ძეგლს წარმოადგენს. კომპლექსის მშენებლობა VI საუკუნის პირველ ნახევარში დაიწყო და ცამეტთაგან ერთ-ერთ ასურელ მამა დავითს უკავშირდება. სამონასტრო კომპლექსი 25 კილომეტრზეა გადაჭიმული და საქართველო-აზერბაიჯანის საზღვარზე, გარეჯის მთაზე ნახევრადუდაბნოშია განლაგებული. საქართველოში არსებობს გადმოცემა, რომ გარეჯის მონასტერში სამჯერ ჩასვლა იერუსალიმის მოლოცვას ნიშნავს.

24120
თემები:
ტურიზმი საქართველოში (233)
ქობულეთის სანაპირო

ხედვა სომხეთიდან: ქართულ ტურიზმს სომხების გარეშე გაუჭირდება

14
(განახლებულია 19:35 05.06.2020)
საქართველო რისკავს ტურიზმით, თუ არ გახსნის საზღვრებს სომხეთისთვის. თუმცა, სომხეთის ტურისტული სფეროს წარმომადგენლებს ესმით მეზობლების პოზიცია და ამ მგრძნობიარე საკითხის გადაწყვეტაში დახმარებას გეგმავენ

ლაურა სარქისიანი, „Sputnik სომხეთი“

საქართველოში სომხეთის მოქალაქეთა შემოსვლაზე შეზღუდვის შესაძლო გაგრძელება ნეგატიურად აისახება ქვეყნის ტურისტულ სფეროსა და, შესაბამისად, ეკონომიკაზე. მეტიც, დაზარალდება უცხოელებისთვის განკუთვნილი რეგიონული პაკეტები, რომლებსაც სომხეთისა და საქართველოს ტურისტული სფეროების წარმომადგენლები რამდენიმე წლის განმავლობაში ქმნიდნენ და უწევდნენ რეკლამას. ამაში დარწმუნებულია სომხეთის ტურიზმის ფედერაციის ხელმძღვანელი მეხაკ აპრესიანი. 

საქმე იმაშია, რომ ამ დღეებში საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელმა ამირან გამყრელიძემ განაცხადა, რომ საქართველო კორონავირუსის მაღალი რისკის ქვეყნებიდან ტურისტებს ვერ მიიღებს.  ამ კატეგორიაში ხვდება სომხეთიც იქ არსებული ეპიდემიოლოგიური მდგომარეობიდან გამომდინარე.

ადრე ამ განცხადებას უპასუხა სომხეთის პრემიერ-მინისტრმა ნიკოლ ფაშინიანმა და განმარტა, რომ საკითხი - ვინ შეუშვებს და ვინ არა სომხეთის მოქალაქეებს თავის ქვეყანაში - დამოკიდებულია ეპიდემიოლოგიურ სიტუაციაზე, რომელიც ბოლო კვირას განსაკუთრებით შემაშფოთებელია.

აპრესიანმა აღნიშნა, რომ ყველაფერი იმაზეა დამოკიდებული, როგორი ტემპით გავრცელდება ინფექცია სომხეთში. მისი სიტყვებით, გამყრელიძის განცხადება არაოფიციალურია. ამასთან დაკავშირებით საჭიროა ოფიციალური თბილისის პოზიციის მოსმენა.

 „სომხეთი - საქართველოსთვის სამი ძირითადი ბაზრიდან ერთ-ერთია, განსაკუთრებით ზაფხულის სეზონზე. არავისთვისაა საიდუმლო, რომ შავი ზღვის კურორტებზე დამსვენებელთა უმეტესობა სწორედ ჩვენი თანამოქალაქეები არიან“, - განაცხადა აპრესიანმა.

მისი თქმით, 2019 წლის ბოლოს სომხეთმა (1 365 048 მოქალაქე), აზერბაიჯანისა (1 526 619) და რუსეთის (1 471 558) შემდეგ, საქართველოში ვიზიტორების რაოდენობით მესამე ადგილი დაიკავა.

აპრესიანმა აღნიშნა ასევე, რომ ციფრები ყველაფერზე მეტყველებენ. სომეხი ტურისტების გარეშე საქართველო ვერ შეძლებს ტურისტული სფეროს ფეხზე დაყენებას, რომელზეც ქვეყნის ეკონომიკაა დამოკიდებული, რაც დიდ ზარალს ნიშნავს. 

ექსპერტის თქმით, ერთი მხრივ, საქართველოს ხელისუფლების პოზიცია გასაგებია, მათ არ სურთ შვედური მოდელი, არ სურთ გარისკვა ამდენი შეზღუდვისა და პრევენციული ღონისძიებების გატარების შემდეგ. მეორე მხრივ, აპრესიანს მიაჩნია, რომ ეს ყველაფერი გაუგებარია.

 „არ არსებობს ქვეყანა, რომელსაც ახალი ტიპის კორონავირუსის პანდემია არ შეეხო. ნაკლებად მნიშვნელოვანია, რომ ერთ ქვეყანაში მეტი ინფიცირებულია, მეორეში კი ნაკლები. თუ ქვეყანა იხსნება, ყველასთვის უნდა გაიხსნას. განსაკუთრებით, თუ ისინი საქართველოში შემოსვლამდე 72 საათით ადრე PCR-ტესტირების აუცილებლობის შემოღებას გეგმავენ“, - აღნიშნა მან.

ექსპერტის თქმით, გამყრელიძის მიერ გაჟღერებული განცხადება საბოლოო არ არის. ქვეყნის ხელისუფლება ჯერ აანალიზებს ვითარებას. ამასთან, მას მიაჩნია, რომ სომხეთმაც უნდა მიიღოს ამ კუთხით გადაწყვეტილება. იგი შესაბამის ორგანიზაციებს ურჩევს, კარგად აწონ-დაწონონ ყველა რისკი და აირჩიონ ოქროს შუალედი, რათა სომხეთის ტურიზმი, რომელიც ისედაც არ ყვავის, ბოლომდე არ განადგურდეს.

იმის შესახებ, რომ საქართველო ჯერ კიდევ ფიქრობს, რა პრინციპით შეუშვებს ტურისტებს და რომელი ქვეყნებიდან, „Sputnik-სომხეთის“ კორესპონდენტს ტურისტული სფეროს წარმომადგენლებიც ესაუბრნენ. მეტიც, მათ აღნიშნეს, რომ ჯერ არ არის მიღებული ოფიციალური გადაწყვეტილება და რაიმე დასკვნების გაკეთება ნაადრევია. 

შედის თუ არა სომხეთი იმ ქვეყნების ჩამონათვალში, რომლებთანაც საქართველო ტურისტებისთვის ე.წ. „უსაფრთხო დერეფნების“ შექმნის თაობაზე მოლაპარაკებას აწარმოებს? ამ კითხვაზე პასუხის მიღების იმედით „Sputnik-სომხეთმა“  საქართველოს ეკონომიკისა და მდგრადი განვითარებისა და საგარეო საქმეთა სამინისტროებს მიმართა.

უწყებას საქართველოს ეკონომიკის სამინისტროსგან ჯერ პასუხი არ მიუღია. საგარეო საქმეთა სამინისტროში კი მოკლე ინფორმაციით შემოიფარგლნენ.

„საქართველოში ჯერ კიდევ მოქმედებს რეგულაციები კორონავირუსის გავრცელების თავიდან აცილების მიზნით. ისინი არ ითვალისწინებენ ქვეყანაში უცხოელების შემოსვლას. თუ რამე შეიცვლება, შესაბამისი განცხადება გაკეთდება“, - აღნიშნეს საქართველოს საგარეო უწყების პრეს–სამსახურში.

რაც შეეხება საქართველოს მოქალაქეებს, რომლებიც ამჟამად სომხეთში იმყოფებიან, საგარეო უწყებამ აღნიშნა, რომ ისინი ქვეყანაში შეიძლება დაბრუნდნენ სახმელეთო გზით, თუმცა, სამშობლოში ორკვირიანი კარანტინის გავლა აუცილებლად მოუწევთ. 

სომხეთის საგარეო საქმეთა სამინისტროში აღნიშნეს, რომ ქვეყანაში ჯერ კიდევ ძალაში რჩება უცხოელების შესვლაზე დაწესებული აკრძალვა.

 „შეგახსენებთ, რომ სომხეთში საგანგებო მდგომარეობა 13 ივნისამდე მოქმედებს. შესაბამისად, სომხეთში მოქალაქეთა შესვლა-გამოსვლაზე შეზღუდვები საგანგებო მდგომარეობის რეჟიმის დასრულებამდე შენარჩუნდება“, - აღნიშნა საგარეო პოლიტიკური უწყების პრესმდივანმა ანა ნაგდალიანმა.

მან ხაზი გაუსვა, რომ ჯერ კიდევ ძალაშია საქართველოს მთავრობის გადაწყვეტილება უცხო ქვეყნის მოქალაქეების ქვეყანაში შესვლის აკრძალვის შესახებ. ამიტომ მოქალაქეთა გადაადგილებაზე შეზღუდვები ამ გადაწყვეტილებითაა განპირობებული.

5 ივნისისთვის სომხეთში გამოვლენილია ახალი ტიპის SARS-CoV-2 –ით ინფიცირების 11 817 შემთხვევა. საქართველოში - 805.

 

14
ბათუმი

ქუთაისი და ბათუმი ტურიზმის თვალსაზრისით ისრაელის ინტერესის სფერო

47
(განახლებულია 21:40 05.06.2020)
ისრაელის მთავრობამ საქართველოს და კიდევ შვიდ ქვეყანას მოგზაურობისთვის ყველაზე უსაფრთხო ქვეყნების სტატუსი მიანიჭა.

თბილისი, 5 ივნისი – Sputnik. საქართველოში ისრაელისთვის ინტერესს წარმოადგენს ისეთი ტურისტული მიმართულებები, როგორიცაა ქუთაისი და ბათუმი, განაცხადა საქართველოს პრემიერ-მინისტრმა გიორგი გახარიამ იმერეთის რეგიონის ტურიზმის სექტორის წარმომადგენლებთან შეხვედრისას.

მისი სიტყვებით, პირველი ქვეყანა, საიდანაც საქართველოში ტურისტები ჩამოვლენ, სავარაუდოდ, ისრაელი იქნება.

„გვესმის, რომ განსაკუთრებით ტურიზმის სექტორში დასაქმებული ადამიანებისთვის ახლა მძიმე პერიოდია, არ არის მარტივი. ვერც იმას გეტყვით, რომ ყველაფერი ერთ დღეში შეიცვლება და კარგად იქნება, თუმცა იმედი გვაქვს, რომ ნელ-ნელა, ეტაპობრივად ყოველივე ამას დავაბრუნებთ. დაგვჭირდება დაახლოებით ერთი წელი“, – განაცხადა გიორგი გახარიამ. 

მისი თქმით, აუცილებელია ერთობლივი მუშაობა. ასევე ყველას უნდა ესმოდეს, რომ პანდემია არის გლობალური გამოწვევა.

„ამიტომ ჩვენ ახლა ძალიან აქტიურად ვმუშაობთ ორმხრივ ფორმატში კონკრეტულ სახელმწიფოებთან და პირველი, როგორც ჩანს, იქნება ისრაელი, საიდანაც შემოვიყვანთ ტურისტებს. ისრაელისთვის ორი ძირითადი მიმართულებაა საინტერესო, პირველ რიგში, ქუთაისი და შემდგომ – ბათუმი, ამიტომ მზად უნდა ვიყოთ“, – განაცხადა გიორგი გახარიამ.

ისრაელი შეიძლება გახდეს პირველი ქვეყანა, რომელსაც საქართველო კარს გაუღებს და ტურისტებისთვის ე.წ. „მწვანე დერეფანს“ გახსნის. კორონავირუსის პანდემიასთან წარმატებული ბრძოლის წყალობით ხელისუფლებამ 15 ივნისიდან შიდა ტურიზმის განახლება, 1 ივლისიდან კი უცხოელი ტურისტებისთვის საზღვრების გახსნის გადაწყვეტილება მიიღო. საქართველოში ჩამოსული ტურისტები ე.წ. „მწვანე ზონებში“ დაისვენებენ, სადაც უზრუნველყოფილი იქნება სრული უსაფრთხოება როგორც ტურისტებისთვის, ისე ადგილობრივი მოსახლეობისთვის.

გარდა ამისა, აღნიშნულ საკითხზე საქართველო აქტიურ მოლაპარაკებებს აწარმოებს ჩეხეთთან, პოლონეთთან, ავსტრიასთან, ბალტიისპირეთთან და მეზობელ ქვეყნებთან.

ისრაელის მთავრობამ საქართველოს და კიდევ შვიდ ქვეყანას მოგზაურობისთვის ყველაზე უსაფრთხო ქვეყნების სტატუსი მიანიჭა. ტურისტული ინდუსტრიის აღორძინების ამბიციური გეგმის რეალიზაციისთვის, რომელიც პანდემიის გამო ყველაზე მეტად დაზარალდა და შემოსავლების 70% დაკარგა, საქართველოს ხელისუფლებამ მიიღო გადაწყვეტილება, ქვეყანა წარადგინოს როგორც უსაფრთხო ტერიტორია.

47
თემები:
ტურიზმი საქართველოში (233)
სავსე მთვარე

მთვარის კალენდარი: 6 ივნისი რისი გაკეთება შეიძლება და რისი არა

0
(განახლებულია 20:37 05.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივნისი, შაბათი. ამ დღეს სატურნი მართავს. კლებადი მთვარე მშვილდოსნის ნიშანშია.

სავსემთვარეობის შემდეგ, როდესაც ხდება სასიცოცხლო და ფსიქოლოგიური ენერგიის დაგროვება, იწყება ამ ენერგიის თანდათანობითი შემცირება.

მოსალოდნელია მდგომარეობის, იდეებისა და განწყობის ხშირ–ხშირი ცვლა. ეს ეხება როგორც საქმიან სფეროს, ისე პირად ურთიერთობებს. კარგი დღეა კვირის განმავლობაშ დაგროვებული ამოცანების გადასაჭრელად, გეგმების შესადგენად.

თმის შეჭრა, შეღებვა: მშვილდოსანი, მორიელის მსგავსად, არაერთმნიშვნელოვან გავლენას ახდენს თმის ვარცხნილობის შეცვლაზე. მაგალითად, თუ თმის შეჭრა გინდათ და ვარცხნილობის დიდხანს შენარჩუნება, მაშინ, სჯობს, ეს სხვა დროისთვის გადადოთ – თმა მალე გაიზრდება და ვერ დაიმორჩილებთ. თმის შეჭრისთვის კარგი დღეა, თუ თმის ზრდის პროცესის შენელება გსურთ. გაითვალისწინეთ – თუ მაინც გადაწყვეტთ თმის შეჭრას, უპირატესობა სწორ, დავარცხნილ სტილს მიანიჭეთ და არა ხვეულ თმას. ასევე, შეიძლება არ გაამართლოს მოლოდინებმა თმის შეღებვასთან დაკავშირებით – თმა მალე გაფერმკრთალდება.

მთვარის დაბნელება 5 ივნისს: მასშტაბური მოვლენა, რომლითაც დაბნელებების დერეფანი იხსნება>>

მებაღეობა: მშვილდოსანი მთვარის კალენდარში ნაკლებად ნაყოფიერი ნიშანია, მაგრამ ამ დღეს ბაღში სხვადასხვა სამუშაოების შესრულება შეიძლება, მათ შორის, სასუქის მიცემა, გასხვლა, მცოცავი მცენარეების დარგვა და სხვ. მებაღეობის შესახებ ივნისში დეტალურად იხილეთ აქ.

0