თბილისის აეროპორტი

რატომ მცირდება მგზავრთნაკადი თბილისის აეროპორტში, ხოლო ქუთაისის აეროპორტში - იზრდება

84
(განახლებულია 10:58 13.11.2019)
თბილისის საერთაშორისო აეროპორტში ოქტომბერში მგზავრთნაკადი თითქმის 15 პროცენტით შემცირდა, პროგნოზით კი ზრდა 12% უნდა ყოფილიყო

თბილისი, 13 ნოემბერი — Sputnik. საქართველოს აეროპორტები 2019 წლის ათ თვეში 4,6 მილიონ მგზავრს მოემსახურნენ, რაც 4%-ით მეტია გასული წლის ანალოგიური პერიოდის მაჩვენებელზე, მაგრამ ნაკლებია წლის დასაწყისი პროგნოზზე, იუწყება პირველი არხი საქართველოს სამოქალაქო ავიაციის სააგენტოზე დაყრდნობით.

სააგენტოს მონაცემებით, მიზეზი საქართველოსა და რუსეთს შორის პირდაპირი ავიამიმოსვლის გაუქმება გახდა.

მინისტრი: პრიორიტეტი – რუსეთსა და საქართველოს შორის ავიამიმოსვლის აღდგენაა>>

ავიამიმოსვლა საქართველოსა და რუსეთს შორის მიმდინარე წლის 8 ივლისს შეწყდა. რუსეთის პრეზიდენტმა ვლადიმირ პუტინმა ეს გადაწყვეტილება თბილისში რუსი დეპუტატის ჩამოსვლის შემდეგ დაწყებული საპროტესტო აქციების ფონზე მიიღო.

სამოქალაქო ავიაციის სააგენტოს პროგნოზით, თბილისის აეროპორტში მგზავრთნაკადის ზრდა 12% უნდა ყოფილიყო, ბათუმის აეროპორტში - 15%. ერთადერთი აეროპორტი, რომლის მაჩვენებლები და პროგნოზი შეესატყვისება ერთმანეთს, ეს ქუთაისის აეროპორტია.

უწყებაში აღნიშნავენ, რომ ამის მიზეზია ის, რომ ქუთაისის აეროპორტში, პრაქტიკულად, არ ფრენდნენ რუსული ავიაკომპანიები და კრიზისული ვითარება მასზე ამიტომ არ აისახა. ერთადერთი ავიაკომპანია, რომელიც რუსეთიდან ქუთაისში ახორციელებდა ფრენებს, ეს „ურალის ავიახაზები" იყო.

საერთაშორისო აეროპორტები

თბილისის საერთაშორისო აეროპორტი ათ თვეში მოემსახურა 3,2 მილიონ მგზავრს, რაც თითქმის 1%-ით ნაკლებია გასული წლის ანალოგიური პერიოდის მაჩვენებელზე. ოქტომბერში აეროპორტით ისარგებლა 284,4 ათასმა ადამიანმა, რაც 2018 წლის ოქტომბრის მაჩვენებელზე 15%-ით ნაკლებია. თბილისის აეროპორტი ერთადერთი აღმოჩნდა საქართველოში, რომელსაც მგზავრთანაკადი შეუმცირდა.

ქუთაისის აეროპორტმა ათ თვეში მგზავრთა მომსახურება 40%-ით გაზარდა, 719,3 ათას ადამიანამდე. ოქტომბერში ქუთაისის აეროპორტით ისარგებლა 89,2 ათასმა მგზავრმა (+44%).

ბათუმის აეროპორტით იანვარ-ოქტომბერში ისარგებლა 571,6 ათასმა მგზავრმა, რაც 3%-ით მეტია გასული წლის ათი თვის მაჩვენებელზე. ოქტომბერში აეროპორტში გაიარა 47,5 ათასი მგზავრი (+13%).

ადგილობრივი აეროპორტები

მესტიის აეროპორტი 10 თვეში მოემსახურა 7,1 ათას მგზავრს მოემსახურა, რაც 15%-ით მეტია გასული წლის ანალოგიური პერიოდის მაჩვენებელზე. ამბროლაურის აეროპორტით ისარგებლა 852-მა ადამიანმა, რაც გასული წლის მაჩვენებელზე 5%-ით მეტია.

სულ 10 თვეში ადგილობრივი აეროპორტებით ისარგებლა 8,8 ათასმა მგზავრმა, რაც გასული წლის ანალოგიური პერიოდის მაჩვენებელზე 16%-ით მეტია.

84
თემები:
ავიამიმოსვლა საქართველოში (156)
ბათუმი

ტურიზმი პანდემიის დროს: რამდენმა სასტუმრომ მიიღო მუშაობის ნებართვა

221
(განახლებულია 13:28 13.08.2020)
კორონავირუსის პანდემიის პირობებში მუშაობის ნებართვის მისაღებად ბიზნეს-ობიექტებმა მკაცრი წესები უნდა დაიცვან.

თბილისი, 13 აგვისტო – Sputnik. ამ დროისათვის საქართველოში ინსპექცია კორონავირუსის საწინააღმდეგო რეკომენდაციების შესაბამისობაზე ჩატარდა 2 964 სასტუმროში. მუშაობის ნებართვა მისცეს 1 454 ობიექტს, განაცხადა ჯანდაცვის სამინისტროს შრომის ინსპექციის დეპარტამენტის ხელმძღვანელმა ბექა ფერაძემ.

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის>>

მისი თქმით, შემოწმებები ტარდება ფიტნეს-კლუბებსა და საცურაო აუზებშიც, რომლებიც ასევე შრომის ინსპექციის დადებითი დასკვნის საფუძველზე მუშაობენ.

„ფიტნესის მიმართულებით შემოწმებულია 297 დარბაზი, რომელთაგან ნებართვა გაიცა 166-ზე. აუზებს რაც შეეხება, შემოწმებულია 140 აუზი და ნებართვა 91 მათგანზე გაიცა“, – განაცხადა ბექა ფერაძემ ტელეარხ „იმედის“ ეთერში.

იმისთვის, რომ ობიექტს მუშაობის დაწყების ნებართვა მიეცეს, დაცული უნდა იყოს ძირითადი რეკომენდაციები: დისტანციის დაცვა, დეზინფექცია, თერმოსკრინინგი. ეს მოთხოვნები განსხვავებულია ობიექტის სპეციფიკიდან გამომდინარე.

მოთხოვნების შეუსრულებლობის შემთხვევაში ბიზნეს-ობიექტებს აფრთხილებენ, ხოლო განმეორებითი დარღვევის შემთხვევაში – აჯარიმებენ.

თურნავა: ქუჩებში შევძლებთ მონატრებული უცხოელი ტურისტების დანახვას>>

ჯანდაცვის სამინისტროს რეკომენდაციების შეუსრულებლობაზე ჯარიმის ოდენობაა 10 ათასი ლარი იურიდიული პირებისთვის და 2 ათასი ლარი – ფიზიკური პირებისთვის.

221
თემები:
COVID-19 საქართველოში
სოფელი მერისი

კლდეზე დაკიდებული კოტეჯი აჭარაში, რომელმაც ინტერნეტ-სივრცე აღაფრთოვანა

916
(განახლებულია 15:01 12.08.2020)
საქართველოს ერთ-ერთი ულამაზესი კუთხე – აჭარა არაჩვეულებრივი, თვალწარმტაცი, მდიდარი ბუნებით გამოირჩევა. აქ მთისა და ზღვის პეიზაჟები, ბუნებრივი ნაკრძალების და ულამაზესი პარკების სიმდიდრე, საუცხოო სამზარეულო და თვითმყოფადი ტრადიციები ერთმანეთს ავსებს.

დაუსრულებელად შეგვიძლია ვისაუბროთ აჭარის რეგონზე, სოფლებსა თუ ქალაქებზე, ღირსშესანიშნაობებზე, თუმცა ამჯერად სოფელ მერისზე მოგიყვებით, რომელიც ბათუმიდან 50 კილომეტრის დაშორებითაა და მასზე ბევრს არ სმენია.

მერისის ხეობა ქედის მუნიციპალიტეტს ეკუთვნის და ზღვის დონიდან დაახლოებით 700 მეტრზე მდებარეობს. ცოტას თუ სმენია ამ საოცარი ადგილის შესახებ. მწვანეში ჩაფლულ ამ პატარა ხეობაში ნახავთ მერისის წყალუხვ ჩანჩქერს, რომელიც ღრმად შეჭრილ მთებშია ჩამალული, ზენდიდის უძველესი ციხე-სიმაგრის ნანგრევებს, რომლის კედლებშიც ახლა სოფლის მკვიდრნი ცხოვრობენ. აქვეა გუნდაურის სამკურნალო-მინერალური წყლებიც.

მერისის ჩანჩქერი
მერისის ჩანჩქერი

სოფელი მერისი განსაკუთრებული სტუმართმოყვარეობით და უგემრიელესი, ტრადიციული კერძების სიმრავლით გამოირჩევა. აჭარაში გემრიელი ბორანო და სინორი არავის უკვირს, მაგრამ მერისში ბევრ სხვა ტრადიციულ, აჭარულ კერძსაც ამზადებენ. მაგალითად, ყათმერს, ფხალ-ლობიოს, ქალაჯოს და ქათამს ნიგვზით. ყათმერი არის ტკბილეული და ცომში ნიგვზითა და შაქრის გულით ცხვება. ქალაჯოს მოსამზადებლად კი ადუღებულ იაღს, ნადუღს და ნიორს დაფშვნილ მჭადს უმატებენ.

ზენდიდის უძველესი ციხე-სიმაგრის ნანგრევები.
ზენდიდის უძველესი ციხე-სიმაგრის ნანგრევები.

მერისის ხეობა უცხოელი ეთნოლოგების, ფოლკლორისტების საყვარელი ადგილია. სოფელი მერისი აჭარის სხვა სოფლებისგან გამოირჩევა იმით, რომ ქართული სიმღერები აქ, შეიძლება ითქვას, ყოფაში დღემდე ცოცხლობს და განაგრძობს არსებობას. აქ გვხვდება ჟანრობრივი მრავალფეროვნება. სწორედ ამიტომ მერისის ხეობა გამორჩეული ცეკვისა და სიმღერის ტრადიციითაა ცნობილი აჭარაში. აქ  მოისმენთ სიმღერებს: „მერისული მაყრული“, „თირინი“, „ცაგუნა“, „ჩაღმა ჩაყრილო ვენახო“, „ხინწკალა“, „ჩათხრობილი“ და სხვ.

აქაურობის მოსანახულებლად ერთი დღე ძალიან მცირე დროდ მოგეჩვენებათ. მერისის ხეობაში რამდენიმე საოჯახო სასტუმროა, სადაც შვებულების სასიამოვნო დღეების გატარებას შეძლებთ.

სოფელი მერისი
სოფელი მერისი

თუმცა ბოლო დღეებია განსაკუთრებული ყურადღება მიიპყრო „ეკო სასტუმრო მერისმა“, საიდანაც ბუნების ულამაზესი, ეგზოტიკური ხედი იშლება. სასტუმრო სულ ახლახან გაიხსნა და უკვე დიდი პოპულარობით სარგებლობს სოციალურ ქსელში.

კოტეჯი მერისი
კოტეჯი მერისი

ბათუმელებმა ვიქტორ ლიმანეცმა და ლარისა გავრილიუკმა და მერისელმა ლაშა ჯიჯავაძემ კლდის პირზე ულამაზესი კოტეჯი „დაკიდეს”. ბათუმიდან ამ კოტეჯამდე მისასვლელად საათ-ნახევარია საჭირო.

„აქ ბევრი ტურისტი არ დადის, არადა ულამაზესი ბუნებაა, ჩანჩქერებით, კანიონით, ტბებით, მინერალური წყლით. საოცარი ადგილია. ჩვენ შეგვიყვარდა ეს ადგილი და სწორედ ამიტომ ავირჩიეთ სასტუმროსთვის“, – ამბობს ლარისა გავრილიუკი.

კოტეჯი მერისი
კოტეჯი მერისი

ადგილობრივები სკეპტიკურად უყურებდნენ კოტეჯის აშენების იდეას, თუმცა შედეგმა მოლოდინს ბევრად გადააჭარბა.  სასტუმროში განსაკუთრებულ ყურადღებას იპყრობს კლდეზე გადაკიდებული მინის საძინებელი, ჯაკუზი და ჰამაკი.

კოტეჯში ჯერჯერობით ოთხი ადამიანის განთავსებაა შესაძლებელი. მომავალში პარტნიორები გეგმავენ რამდენიმე კოტეჯის აშენებას.

კოტეჯი მერისი
კოტეჯი მერისი

სასტუმროში ერთი ღამის ღირებულება 1-2 ადამიანისთვის – 250 ლარი, ხოლო 3-4 ადამიანისთვის – 300 ლარი ღირს. ადგილზე ფუნქციონირებს საოჯახო სამზარეულო და მარანი, სადაც სტუმრებს შეუძლიათ აჭარული სამზარეულოს დაგემოვნება და მასპინძელი ოჯახის მიერ დაყენებული ჩხავერის, ცოლიკაურის და ჭაჭის გასინჯვა.

თუ მერისის მონახულებას გადაწყვეტთ, გაითვალისწინეთ, სოფელში არის ულამაზესი საპიკნიკე ადგილი, სადაც იბანავებთ, ითევზავებთ, ადგილობრივ აგროპროდუქტებს დააგემოვნებთ და სუფთა ჰაერზე ისეირნებთ ტყეში.

 

916
მატარებელი გვირაბში

თბილისის მეტრომ მუშაობა განაახლა

0
შეფერხების მიზეზი გახდა დაკვამლიანება სადგურზე „ტექნიკური უნივერსიტეტი“, რომელიც სადგურის ტექნიკურ ოთახში მოკლე ჩართვამ გამოიწვია

თბილისი, 15 აგვისტო - Sputnik. თბილისის მეტროპოლიტენის მეორე ხაზზე ორსაათნახევრის განმავლობაში გაჩერებული მოძრაობა აღდგა, იუწყება პირველი არხი.

მატარებლების მოძრაობა 18:53 საათზე გაჩერდა. მიზეზი იყო დაკვამლიანება სადგურზე „ტექნიკური უნივერსიტეტი“, რომელიც სადგურის ტექნიკურ ოთახში ელექტროაგრეგატის დაზიანებით გამოწვეულმა მოკლე ჩართვამ გამოიწვია.

ამჟამად მატარებლების მოძრაობა ორივე ხაზზე შეუფერხებლად ხორციელდება.

დღეისათვის თბილისის მეტროპოლიტენში 23 სადგურია, რომლებიც ორ ხაზზეა განლაგებული - ახმეტელი-ვარკეთილისა და საბურთალოს ხაზებზე. მეტროს ხაზების საერთო სიგრძე 57 კმ-ია, ძირითადი ხაზის სიგრძე - 40 კილომეტრია, მეორე ხაზისა - 17 კმ.

0
თემები:
შემთხვევები საქართველოში