Welcome to Georgia-ს დაჯილდოება

საუკეთესოები ტურიზმში საქართველოში Welcome to Georgia!-ს გამარჯვებულებს გამოავლენენ

72
(განახლებულია 17:34 08.11.2019)
დაჯილდოების ცერემონიას ღონისძიების ნომინანტები, სპონსორები და პარტნიორები, სახელმწიფო და კერძო სექტორის, ადგილობრივი და უცხოური მასმედიის წარმომადგენლები დაესწრებიან.

თბილისი, 8 ნოემბერი — Sputnik. საქართველოს პრემია Welcome to Georgia!-ს დაჯილდოების მეხუთე საიუბილეო ცერემონია თბილისში, სასტუმრო „შერატონ მეტეხი პალასში" 6 დეკემბერს გაიმართება.

Welcome to Georgia! — ყოველწლიური ეროვნული პრემიაა ტურიზმისა და სტუმარმასპინძლობის სფეროში, რომელიც საქართველოში 2015 წლიდან ტარდება და ქვეყნის საუკეთესო ტურისტულ სააგენტოებს გადაეცემა.

წელს Welcome to Georgia!-ს დაჯილდოების ცერემონიაში 250-ზე მეტი ნომინანტი მონაწილეობს, რომელთა შორის არიან სასტუმროები, ტურისტული სააგენტოები, გასართობი პროექტები, ფესტივალები, კაფე-რესტორნები, ღვინის კომპანიები, საოჯახო სასტუმროები, ჰოსტელები. ჟიური საუკეთესოს 26 სხვადასხვა ნომინაციაში გამოავლენს: „საუკეთესო ავიაკომპანია", „საუკეთესო ტრადიციული რეწვა", „საუკეთესო ნიშური ტურიზმი", „საუკეთესო სოფლის ტურიზმი", „საუკეთესო მცირე მეღვინეობა", H2O Water Saving Award-ი და სხვ. გარდა ამისა, გამარჯვებულს გადაეცემა სპეციალური პრიზი – Khetsuriani Trophy.

დაჯილდოების ცერემონიას 700-მდე სტუმარი დაესწრება, მათ შორის, ტურისტული სააგენტოების წარმომადგენლები, მსხვილი სასტუმროების გენერალური მენეჯერები და მფლობელები, ღონისძიებებისა და ფესტივალების ორგანიზატორები, კაფეების, რესტორნების, ღვინის კომპანიების ხელმძღვანელები, ასევე ღონისძიების სპონსორები და პარტნიორები, სახელმწიფო და კერძო სექტორის, ადგილობრივი და უცხოური მასმედიის წარმომადგენლები.

პროექტის თანაორგანიზატორები არიან საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია და „საქართველოს ბანკი". პროექტის ოფიციალური მხარდამჭერები არიან თბილისის მერია, დაცული ტერიტორიების სააგენტო და „საპარტნიორო ფონდი“. გენერალური სპონსორი – „ალიანს ჯგუფი".

 

72
თემები:
ტურიზმი საქართველოში (224)
მეიდანი და კალაუბანი

თბილისში გაიმართება ონლაინ-კონფერენცია „COVID-19 და ტურიზმის პრობლემები“

32
(განახლებულია 12:37 24.05.2020)
ექსპერტები საქართველოს და სხვა ქვეყნების უნივერსიტეტებიდან იმსჯელებენ აქტუალურ თემაზე - პანდემიის ზეგავლენაზე მსოფლიო ტურიზმზე

საერთაშორისო ონლაინ-კონფერენცია თემაზე „COVID-19 და ტურიზმის პრობლემები“ თბილისში 25 მაისს გაიმართება - მისი სპიკერები იქნებიან პროფესორები და საქართველოს ტურიზმის ეროვნული ადმინისტრაციის წარმომადგენლები.

ტურიზმი და კორონავირუსი: თბილისის ცენტრი ძილის რეჟიმში - ფოტო >>

„ახალი კორონა ვირუსი (COVID-19) რთული გამოწვევა და მნიშვნელოვანი საფრთხე აღმოჩნდა არამხოლოდ მსოფლიო ჯანდაცვისათვის, არამედ საერთაშორისო ტურიზმის განვითარებისთვისაც“, - აღნიშნავენ ინიციატივის ავტორები.

ვირტუალურ ფორუმზე წარდგებიან საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის, თბილისის სახელმწიფო უნივერსიტეტის, ილიას უნივერსიტეტის, შავი ზღვის უნივერსიტეტის, ბათუმის შოთა რუსთაველის სახელმწიფო უნივერსიტეტის, ვარნის თავისუფალი უნივერსიტეტის (ბულგარეთი) რექტორები და პროფესორები.

მსოფლიო ტურიზმზე პანდემიის გავლენებზე იმსჯელებენ ასევე გაეროს მსოფლიო ტურიზმის ორგანიზაციის კოორდინატორი წევრ სახელმწიფოებთან ურთიერთობის საკითხებში ბექა ჯაყელი და ტურიზმის ეროვნული ადმინისტრაციის წარმომადგენელი გიორგი ბრეგაძე.

ღონისძიების ორგანიზატორია წმიდა ანდრია პირველწოდებულის სახელობის ქართული უნივერსიტეტი. კონფერენცია 11:00 საათზე დაიწყება და Google Meet-ის პლატფორმაზე გაიმართება.

32
თემები:
ტურიზმი საქართველოში (224)
ჟირონა

იმოგზაურე ესპანეთში სახლიდან გაუსვლელად: ულამაზესი ჟირონა და იდუმალი არსება მდინარეზე

495
(განახლებულია 21:15 22.05.2020)
მაშ ასე, ჩვენი ვირტუალური ტური გრძელდება და ამჯერად ესპანეთის ერთ-ერთ ყველაზე ფერად და ლამაზ ქალაქს, ჟირონას დავათვალიერებთ.

ჟირონა ესპანეთის ჩრდილო-აღმოსავლეთით, კატალონიის რეგიონში მდებარეობს. ეს არის ძირითადად შუა საუკუნეების დროინდელი ქალაქი თავისი მდიდარი წარსულით და ისტორიით. ქალაქი ბარსელონიდან სულ რაღაც 100 კილომეტრითაა დაშორებული. ასე რომ, ერთ ტურში ორი ულამაზესი ქალაქის მონახულებას შეძლებთ.

ისტორიული წყაროებით ჟირონას დაარსების თარიღად მიიჩნევა ძვ.წ. 79 წელი. ცნობილია, რომ თავადაპირველად აქ სახლობდნენ აუსტინელები (ანტიკური ხანის იბერიული ეთნოსი). მე-12 საუკუნეში ქალაქში ებრაელები დასახლდნენ. ისინი დღესაც ქალაქში ცხოვრობენ, მათი დასახლების ძირითადი არეალი ებრაელთა უბანია.

უძველესი გრაგნილი ქუჩები, ფერადი შენობები თვალწარმტაცი ხიდებით - სწორედ ამ მიზეზით სტუმრობს ტურისტების უმეტესობა ჟირონას. თუმცა აქ სანახავი კიდევ ბევრია.

წმინდა მარიამის ტაძარი
წმინდა მარიამის ტაძარი

წმინდა მარიამის ტაძარი

ქალაქს ორ ნაწილად ჰყოფს მდინარე ონარი. მარცხენა სანაპიროზე მდებარეობს თანამედროვე ქალაქი, მარჯვნივ - ისტორიული ცენტრი, სადაც კარგად არის შემონახული შუა საუკუნეების ნაგებობები. ძველი ქალაქის მთავარი ღირსშესანიშნაობაა ჟირონას გოთური, წმინდა მარიამის ტაძარი (Catedral de santa maria). ის ერთსაფეხურიან ტაძართა შორის სიდიდით მეორე ტაძარია (რომში არსებული წმინდა პეტრეს ბაზილიკის შემდეგ). საკათედრო ტაძარი 1416 წელს გილიომ ბოფილის მიერ არის აშენებული.

არაბული აბანო
არაბული აბანო

არაბული აბანოები

ჟირონაში აუცილებლად უნდა ეწვიოთ არაბულ აბანოებს, რომელიც 1194 წელს აშენდა. შენობა დაფარულია დიდი თაღოვანი ჭერით და მოიცავს ცივი და ცხელი წყლის ოთახებს. ქალაქის მოსახლეობა საუკუნეების განმავლობაში იყენებდა აბანოს, თუმცა დღეს ის უფუნქციოა და მუზეუმად გადაკეთდა. დამთვალიერებლებს საშუალება აქვთ გაეცნონ, თუ როგორი იყო შუა საუკუნეების აბანო ჟირონაში.

ეიფელის ხიდი
ეიფელის ხიდი

ეიფელის ხიდი

ახლა კი ეიფელის ხიდზე გავისეირნოთ. ეიფელის ხიდი ჟირონაში 1827 წელს ააშენა გუსტავ ეიფელმა. ამ დროს არქიტექტორს სახელგანთქმული ეიფელის კოშკი ჯერ აშენებული არ ჰქონდა. ხიდი მდინარე ონარზეა გადაჭიმული, საიდანაც ულამაზესი ხედი იშლება. აქ შეგიძლიათ ფერადი შენობების სილამაზით დატკბეთ და უამრავი სასიამოვნო ფოტო გადაიღოთ.

სალვადორ დალის მუზეუმი
სალვადორ დალის მუზეუმი

მუზეუმები ჟირონაში

ჟირონაში რამდენიმე მუზეუმია, რომელიც აუცილებლად უნდა მოვინახულოთ.

·სალვადორ დალის თეატრი-მუზეუმი - დალის მუზეუმი ესპანეთში, პრადოს შემდეგ, მეორე ყველაზე პოპულარული მუზეუმია. ყველა სხვა მუზეუმისგან ის იმით განსხვავდება, რომ თავად დალის მიერაა შექმნილი. აქ შეგიძლიათ ნახოთ მხატვრის უდიდესი შედევრები და საუცხოო გარემოთი დატკბეთ.

·ებრაელთა ისტორიის მუზეუმი - მუზეუმი შედგება 11 გამოფენისგან და იკვლევს რეგიონის ებრაული საზოგადოების ისტორიასა და კულტურას.

დამოუკიდებლობის მოედანი
დამოუკიდებლობის მოედანი

·ხელოვნების მუზეუმი - მუზეუმში თავმოყრილია 8000-ზე მეტი ექსპონატი, რომელიც რომაულ და  გოთური ხელოვნებას უკავშირდება.

·კინოს მუზეუმი - ეს მუზეუმი მოიცავს კინოს ისტორიას. ის სავსეა ძველი ფილმების აფიშებით და კინემატოგრაფიული აღჭურვილობით.

·არქეოლოგიის მუზეუმი - ეს არის რეგიონის ერთ-ერთი უძველესი მუზეუმი, რომელიც ამაყობს არქეოლოგიური აღმოჩენებით, საოცარი კოლექციებით.

წმინდა დანიელის მონასტერი

ჟირონას სილამაზეს სრულად ვერ შეიგრძნობთ, თუ წმინდა დანიელის მონასტერს არ ეწვევით.

მონასტერი მე-11 საუკუნეში აშენდა. ის ქალაქის გარეუბანში მდებარეობს და თავისი იდუმალი სილამაზით გამოირჩევა. აქ ნახავთ წმინდა დანიელის სამარხს, სადაც თავად წმინდანის ნაშთებია შენახული. მონასტერი თვალწარმტაც ბუნებაშია ჩაფლული, საიდანაც ულამაზესი ხედი იშლება.

წმინდა მარიამის ტაძარი
წმინდა მარიამის ტაძარი

დამოუკიდებლობის მოედანი

აუცილებლად უნდა მოვინახულოთ ულამაზესი ნეოკლასიკური, ბაროკოს სტილის, გოთური შენობებით გაფორმებული დამოუკიდებლობის მოედანი. ეს არის ქალაქის მთავარი საცალფეხო ქუჩა, რომელიც 1885 წლით თარიღდება. ქუჩა სავსეა მაღაზიებით, კაფეებით და რესტორნებით. შაბათს ყვავილების ბაზარიც იხსნება, რომელიც ულამაზესი სანახავია.

თუ ამ ქალაქში მოხვდებით, ისე არ დაბრუნდეთ უკან, რომ არ ახვიდეთ 89 საფეხურზე, რომელიც Girona Cathedral-ზე ადის და იქიდან ულამაზესი ხედი იშლება. 

ბოლოს მინდა ერთი ლეგენდა მოგითხროთ ამ საოცარ ქალაქზე, რომელმაც ჩემზე განსაკუთრებული შთაბეჭდილება მოახდინა. როგორც მოგახსენეთ, ქალაში ჩამოედინება მდინარე ონარი, რომელიც ჟირონის შუასაუკუნოვან უბნებსა და თანამედროვე ქალაქს ერთმანეთისგან ჰყოფს. მდინარეზე არაერთი ხიდია აგებული. ტურისტები და ადგილობრივები რომანტიკულ მთვარიან ღამით ერთ არსებას ეძებენ, რომელიც ზოგჯერ ნაზად დაცურავს უძველესი შენობების სიახლოვეს. ამ იდუმალ არსებას კოკოლონას (cocollona) ეძახიან და ის უკვე დიდი ხანია ცხოვრობს ჟირონაში...

ჟირონა
© CC0 / Pixabay
ჟირონა

ლეგენდის თანახმად მდინარე ონარზე ქალთა მონასტერი იდგა. მონაზვნები ნაკლებ დროს უთმობდნენ თავიანთ მოვალეობებს, მსახურებას, მონაზვნურ ცხოვრებას. ისინი უპირატესობას ანიჭებდნენ საერო ცხოვრებით მიღებულ სიამოვნებას. მხოლოდ ერთი გოგონა იყო ღვთისნიერი, რომელიც ხშირად ლოცულობდა და ყოველთვის ამხელდა მონასტრის მცხოვრებლებს მათ ცოდვებსა და უწესობაში.

მონაზვნებს ისე მობეზრდათ გოგონას შენიშვნები, რომ გადაწყვიტეს მიწისქვეშა საკანში გამოეკეტათ, რომელიც მდინარესთან ახლოს იყო აშენებული. მონაზონმა ცივ, ნესტიან საკანში მრავალი უბედური წელი ტანჯვასა და წამებაში გაატარა. რთული და გაუსაძლისი პირობებიდან გამომდინარე გოგონას სხეული დაიფარა ქერცლით, ხელები გადაიქცა თათებად, რაზეც გაეზარდა საშინელი კლანჭები და გოგონა დაემსგავსა ხვლიკს. საზარელი გარეგნობის მიუხედავად მონაზონს შერჩა სპეტაკი სული, ამიტომ ხვლიკს გამოეზარდა პეპლის მაგვარი ლამაზი ფრთები. კატალონიელებმა მას კოკოლონა შეარქვეს.

კოკოლონამ გათხარა საპყრობილედან მდინარისკენ გასასვლელი ხვრელი და ერთ მთვარიან ღამეს სენაკიდან გაუჩინარდა.

მას შემდეგ ჟირონას ძველი ხიდების ქვეშ შეიძლება შეამჩნიოთ კოკოლონას სილუეტი, რომელიც ნაზად დაცურავს სწორედ იმ ადგილზე, სადაც ამდენი წელი ტყვეობაში გაატარა.

ჟირონაში ძალიან უყვართ კოკოლონა და მის გამოსახულებას ხშირად შეხვდებით ქალაქის ქუჩებში და შენობების კედლებზე.

 

495
კვირიონი

კვირის ასტროპროგნოზი: რას გვიმზადებენ ვარსკვლავები 25–31 მაისის პერიოდში

0
(განახლებულია 18:07 24.05.2020)
დგება მაისისა და გაზაფხულის ბოლო კვირა. ვარსკვლავები და პლანეტები დისონანსში იქნებიან, ეს არ ნიშნავს, რომ ყველა ჩვენგანს პრობლემები ელის, მაგრამ ეს ნიშნავს, რომ საჭიროა მეტი სიფრთხილე და წინდახედულება გამოვიჩინოთ

ეცადეთ, მიჰყვეთ ასტროლოგების რჩევებს, რათა ზაფხულს მომზადებული შეხვდეთ და ყველა მნიშვნელოვანი საქმე გართულებების გარეშე დაასრულოთ.

ვერძი

ვერძებისთვის ამ კვირაში სერიოზული ცვლილებებია მოსალოდნელი ცხოვრების ყველა სფეროში. სამწუხაროდ, იმის გარკვევა, დადებითი იქნება ეს ცვლილებები თუ უარყოფითი, შეუძლებელია. მოგიწევთ ყელაფერში საკუთარ სიბრძნეს, ლოგიკას დაეყრდნოთ, არ ენდოთ ინტუიცია, რომელიც ამ კვირაში შესუსტებული იქნება. ასევე არ ენდოთ უცნობებს.

ვარსკვლავები და პლანეტები გააძლიერებენ თქვენს ემპათიას. გახდებით მეტად მგრძნობიარე, უფრო კარგად გაუგებთ სხვა ადამიანებს. ეს შეგიძლიათ საკუთარი მიზნებისთვის გამოიყენოთ. მთლიანობაში, კვირა საკმაოდ პროდუქტიული იქნება, ამიტომ არ იზარმაცოთ.

კურო

ყველაზე წარუმატებელი დღეები 26 და 27 მაისი იქნება. მოგაკლდებათ თავდაჯერებულობა, არ არის გამორიცხული სამომავლო გეგმების ჩაშლა. მთვარემ, შესაძლოა, თქვენში განგაშის გრძნობა გამოიწვიოს. ეცადეთ, განწყობა აიმაღლოთ და პოზიტიურად იფიქროთ.

კვირის მეორე ნახევარი გამარჯვებებისა და წარმატებების დრო იქნება. დიდი ალბათობით, მაისი თქვენთვის პოზიტიურად და იღბლიანად დასრულდება, მოახერხებთ მნიშვნელოვანი პრობლემების გადაჭრას. დადგა პროდუქტიული მუშაობისა და ძალების მთლიანად დახარჯვის დრო.

ტყუპი

ვარსკვლავები და პლანეტები თქვენთვის ამ კვირაში ძალზე პოზიტიურად იქნებიან განწყობილი, რაც ნიშნავს, რომ მოახერხებთ წარმატებების მიღწევას ცხოვრების სხვადასხვა სფეროში. მთავარია, არ აჩქარდეთ და ერთდროულად ორ კურდღელს არ გამოედევნოთ.

ყველაზე მნიშვნელოვანი კი პოზიტიური განწყობა და რწმენაა, რომ ყველაფერი შესაძლებელია. თუ საკუთარი ძალების რწმენა არ გექნებათ, პრობლემები და გაუგებრობები შეიძლება წარმოიშვას. პარაკევა და შაბათს, ასტროლოგების რჩევით, მარტოობაში ნუ გაატარებთ დროს.

კირჩხიბი

კირჩხიბებს ამ კვირაში, შესაძლოა, სამუშაოსა და ბიზნესში გარვეული პრობლემები შეგექმნათ. მნიშვნელოვანია, რომ გქონდეთ მოტივაცია, ენთუზიაზმი და შემოქმედებითი ენერგია. სწორად მოიქეცით კოლეგებთან თუ კლიენტებთან. იყავით მაქსიმალურად დიპლომატიური, გულღია, უარი არ თქვათ სხვების დახმარებაზე.

თუ ამ კვირაში რამე ახლის წამოწყებას აპირებთ, ღამის მანათობლები დაგეხმარებიან, მაგრამ მაინც სჯობს, წინასწარ განჭვრიტოთ სვლები, დაგეგმოთ საქმეები და გარშემომყოფებს გეგმები არ გაუზიაროთ. ყველაზე მნიშვნელოვანი საიდუმლოდ შეინახეთ.

ლომი

ამ კვირაში აჯობებს, თუ უარყოფითი თვისებებისგან გათავისუფლდებით, იგივე ეხება სხვადასხვა უსარგებლო ნივთს. არ ღირს ფულის დახარჯვა. ასტროლოგები გირჩევენ, ჩაატაროთ ე.წ. შინაგანი რევიზია და დაძლიოთ შიშები და მერყეობა.

ვარსკვლავები პოზიტიური იქნებიან ორშაბათს, ოთხშაბათსა და კვირას. შესაძლოა, სხვა დღეებში გაგიჭირდეთ საჭირო განწყობის შენარჩუნება, მაგრამ ეცადეთ, ეს მოახერხოთ. უქმეებზე რელაქსაციისა და სიაზრმაცის დრო არ იქნება. მნიშვნელოვანია საოჯახო საქმეების გაკეთება, საფუძვლიანი დალაგება, რათა სახლში პოზიტიური ენერგია მოიზიდოთ.

ქალწული

საკმაოდ პროდუქტიული, მაგრამ ნერვული და ზოგიერთ საკითხში უსიამოვნო კვირა გელოდებათ.ატროლოგები გირჩევენ, რომ პირველ რიგში, პოზიტიურ და ოპტიმისტურ  ტალღაზე აეწყოთ. ეცადეთ გაუმკლავდეთ შფოთვასა და განგაშის შეგრძნებას, თუ ასეთი გაჩნდა. წაგადგებათ დროული დასვენება.

ენერგეტიკის თვალსაზრისით კვირის საუკეთესო დღეებია პარასკევი და შაბათი. ვარსკვლავები იღბალს შეგმატებენ. იდეალური დროა სიყვარულისა და რომანტიკული თავგადასავლებისთვის, ფლირტის, ახალი ურთიერთობების ძებნისთვის. გელოდებათ უამრავი პოზიტივი და წარმატება.

სასწორი

სწორად უნდა შეარჩიოთ გარემოცვა. რაც შეიძლება ნაკლები ურთიერთობაიქონიეთ ბოროტ და ენერგოვამპირ ადამიანებთან. ასეთ ადამიანებს შეუძლიათ თქვენი ნეგატიურად დამუხტვა და ზიანის მოყენება, თუნდაც ამის სურვილი არ ჰქონდეთ. ეს არ ნიშნავს, რომ რომელიმე მეგობარს ან ნაცნობს უარი უთხრათ ურთიერთობებზე. უბრალოდ, სჯობს, არ მიაქციოთ ყურადღება მათ კრიტიკას და შეზღუდოთ შეხვედრები.

ამ კვირაში მეტა ყურადღება დაგჭირდებათ დეტალების მიმართ. მნიშვნელოვანია, რომ არანაირი წვრილმანი არ გამოგეპაროთ მხედველობიდან, რადგან მას შეიძლება დიდი დატვირთვა ჰქონდეს. ყოველი ახალი დღე მოგიტანთ რაღაც ახალს. არ ღირს წარსულით ცხოვრება.

მორიელი

მაისისა და გაზაფხულის ბოლო კვირა მორიელებს ახალ შეგრძნებებს, პოზიტივსა და კაშკაშა ემოციებს გაჩუქებთ. ძალზე სახარბიელო დროა სასიყვარულო ძიებებისთვის, ურთიერთობებისა და რომანტიკისთვის.

საქმეებსა და ფინანსურ სფეროში სიფრთხილე სჯობს. ყველაზე ნეგატიური დღე ამ კვირაში ორშაბათია. სამშაბათიდან ვარკვლავებისა და პლანეტების ენერგეტიკა გაიზრდება და ბევრად ოპტიმისტური გახდება. დადგება კარგი დრო ფინანსური ინვესტიციების, გარიგებებისთვის. კვირის ბოლო ხელსაყრელი დროა შენაძენებისთვის, საჩუქრებისთვის.

მშვილდოსანი

შესაძლოა, უკვე კვირის დასაწყისში გარკვეულ სირთულეებს წააწყდეთ, გაგიჩნდეთ შეგრძნება, რომ ცხოვრებაში ცუდი პერიოდი დაგიდგათ. განწყობის გაუმჯობესებაში ფიზიკური სავარჯიშოები და სეირნობა დაგეხმარებათ.

მაისის ბოლო კვირა საყვარელ ადამიანებთან გაატარეთ. იდეალური დროა ერთობლივი საქმიანობისთვის, თავგადასავლების, მგზავრობისთვის. ასევე წაგადგებათ ცოტა ხნით განმარტოებაც – ამისთვის კვირის ერთი–ორი საღამო გამოყავით.

თხის რქა

თხის რქებისთვის იდეალურიდ დრო დგება დამოუკიდებელი წინსვლისთვის. არ ღირს დახმარების თხოვნა – ყველაფერი თავად უნდა გააკეთოთ. ასტროლოგები არ გირჩევენ უფლებამოსილების გადანაწილებას, პასუხისმგებლობის გარშემომყოფებზე დაკისრებას – ასეთ შემთხვევაში, შესაძლოა, იღბალმა ზურგი გაქციოთ.ასევე სასურველია, რომ თავი დაიცვათ სხვების ნეგატიური ენერგიისგან.

საუბარია ტოქსიკურ ადამიანებზე, ენერგეტიკულ ვამპირებსა და მტრებზე. სკეპტიციზმი, შესაძლოა, ახლობელმა ადამიანებმაც კი გამოამჟღავნონ. უნდა იყოთ ძალზე ფრთხილი და წინდახედული. იდეალური დროა მნიშვნელოვანი საქმეების დაწყებისა და დამთავრებისთვის, ინტელექტუალური განვითარებისთვის.

მერწყული

ეს კვირა მერწყულებისთვის, შესაძლოა, უკიდურესად სტრესული და რთული აღმოჩნდეს. უნდა ეცადოთ, რომ მოიხსნათ დაღლილობის შეგრძნება, გათავისუფლდეთ განგაშის გრძნობისგან. ბევრი იფიქრეთ კარგზე, წარმოიდგინეთ ნათელი მომავალი, განეწყვეთ ოპტიმისტურად.

კვირის ბოლოს გამაფრდება ინტუიცია, გაიზრდება შემოქმედებითი შესაძლებლობები. ყველაზე მეტად გაუმათლებს მათ, ვისი პროფესიაც ამოცანების გადასაწყვეტად კრეატიულ დამოკიდებულებას მოითხოვს. სასურველია არ გადადოთ სამომავლოდ ის, რისი გაკეთებაც ახლა შეგიძლიათ.

თევზები

დგება სიყვარულის, კაშკაშა ემოციების, ახალი ურთიერთობების დაწყებისა და ნაცნობობის დრო. ასტროლოგები გირჩევენ აქტიურობას სოციალურ ქსელებში, მეგობრებთან, ახლობლებთან, საყვარელ ადამიანთან ურთიერთობებს.

ამავე დროს, ძალზე მნიშვნელოვანია, რომ არ დაივიწყოთ თქვენი მოვალეობები. არ ღირს გარისკვა და ავანტიურებში ჩართვა. სჯობს, არსებული პრობლემები მშვიდად გადაჭრათ და საოჯახო საქმეებს მიხედოთ. სიყვარულის საქმეებში ყური დაუგდეთ ახლობლების რჩევებსა და საკუთარ ინტუიციას.

0