Wizz Air

ყველაფერი, რაც Wizz Air-ით ფრენის დროს სამგზავრო ჩანთებთან დაკავშირებით უნდა იცოდეთ

364
(განახლებულია 21:02 01.11.2019)
მოგზაურობა რაღაც ახლის ნახვის და შეცნობის საუკეთესო საშუალებაა. ის ზოგისთვის ცხოვრების წესი, ბევრისთვის კი ჰობი, ან უბრალოდ განტვირთვის საშუალებაა. მოგზაურობის დაგეგმვისთანავე უამრავი კითხვა ჩნდება და არაერთი დეტალია გასათვალისწინებელი.

საქართველოში ავიაკომპანია „ვიზეარი“ დაბალბიუჯეტიანია და, ბუნებრივია, ძირითადი მოთხოვნაც ამ ავიაკომპანიაზე მოდის. სწორედ ამიტომ ამ სტატიაში განვიხილავთ ყველა დეტალს, რაც უნდა იცოდეთ ბარგთან დაკავშირებული ნორმების შესახებ.

უფასო ხელბარგი, რომლის ატანა ბორტზე შეგიძლიათ

2018 წლის 1 ნოემბრიდან „ვიზეარმა“ ბარგის გადატანის წესი შეცვალა. კერძოდ, Basic ბილეთის საფასურში შედის მხოლოდ ერთი, მცირე ხელბარგი, რომლის მაქსიმალური ზომებია: 40x30x20 სმ. მგზავრებს მისი ატანა თვითმფრინავის სალონში შეუძლიათ, ამიტომ „ვიზეარის“ მომხმარებლები უპირატესობას უფრო მსუბუქ და ჭკვიანურად ჩალაგებულ ბარგს ანიჭებენ. თუ სამოგზაუროდ მხოლოდ 3-4 დღით მიდიხართ, აღნიშნულ ხელბარგში ამ დღეების სამყოფ ნივთებსა და ტანსაცმელს უპრობლემოდ ჩაატევთ.

ეცადეთ ყველაზე მძიმე ფეხსაცმელი ფრენის დროს ჩაიცვათ, ჩანთაში კი ის ფეხსაცმელი მოათავსოთ, რომელიც უფრო მსუბუქია და დრეკადი ფორმა აქვს (ე.წ. ბალეტკები, სარბენი სპორტული ფეხსაცმელი, სანდლები და ა.შ).

ფრენის დროს ასევე ჩაიცვით ყველაზე მძიმე ქურთუკი ან პიჯაკი. ნუ მოათავსებთ მას ხელბარგში.

სასურველია ჰიგიენის საშუალებები (შამპუნი, კბილის პასტა, საპონი და ა.შ.) ჩაფრენის ადგილზე შეიძინოთ.

მაგრამ თუ უფრო ხანგრძლივი პერიოდით მიემგზავრებით და უფასო ხელბარგის ზომაში ფიზიკურად ვერ ჩაეტევით, საუკეთესო არჩევანი „ვიზეარის“ პრიორიტეტის სერვისის შეძენა იქნება.

რა არის WIZZ პრიორიტეტი?

მისი დახმარებით თვითმფრინავის სალონში როგორც უფასო ხელბარგის, ასევე სამგზავრო ჩანთის ატანას შეძლებთ. Wizz პრიორიტეტის სერვისის ღირებულება 5-დან 10 ევრომდე მერყეობს. თვითმფრინავში, ხელბარგის გარდა, ასაგორებელი ჩანთის ატანასაც შეძლებთ, რომლის ზომაც უნდა იყოს 55x40x23 სმ. ბორბლების არსებობა აუცილებელი არ არის, თუმცა ჩანთა აუცილებლად უნდა აკმაყოფილებდეს ზომის/წონის შეზღუდვებს. თქვენ გარანტირებულად შეიტანთ ორივე ჩანთას სალონში, იმ შემთხვევების გარდა, როცა ეს შეუძლებელია ოპერაციული შეზღუდვებიდან გამომდინარე.

თუმცა, თქვენ შეგიძლიათ Wizz პრიორიტეტის გარეშეც გახვიდეთ ფონს და ხელბარგის გარდა რეგისტრირებული 10 კგ-იანი ბარგი აიღოთ, რომელიც ხელმისაწვდომია 20 და 32 კგ-იან ვარიანტებთან ერთად. მისი ფასი რეისის მიხედვით 17 ლარიდან იწყება და მასში შეგიძლიათ სითხეებიც ჩააწყოთ.

რეგისტრირებული ბარგის ტიპები:

*  10 კგ-იანი რეგისტრირებული ბარგი

*  20 კგ-იანი რეგისტრირებული ბარგი

* 32 კგ-იანი რეგისტრირებული ბარგი

გაითვალისწინეთ, თუ თქვენი ბარგის ზომა გადააჭარბებს მითითებულ შეზღუდვებს, აეროპორტში მოგიწევთ ზედმეტი ზომის მოსაკრებლის გადახდა. თუ ჩანთა დასაშვებზე დიდია, მაშინ დამატებით 25 ევრო უნდა მოიმარჯვოთ.

რა დამატებითი ნივთების ატანა შეგიძლიათ ბორტზე?

ბორტზე უფასოდ შეგიძლიათ აიტანოთ შემდეგი ნივთები:

* პალტო ან პლედი;

*  მობილური ტელეფონი;

 * ფრენისას საკითხავი მასალა.

* ორ წლამდე უმცროსი ასაკის ბავშვებისთვის: ფრენის დროს სამყოფი საკვების დოზა და დასაკეცი საბავშვო ეტლი ან მცირე პორტატული საწოლი (შეგიძლიათ მიიტანოთ თვითმფრინავის კარამდე ან ტრაპამდე);

 * ყავარჯნები შშმ მგზავრებისთვის.

რა ნივთების ატანა არ შეიძლება ბორტზე?

დაუშვებელია ხელბარგში გასასხურებელი დეოდორანტის, პინცეტის, მაკრატლისა და შამპუნის მოთავსება. გარდა ამისა, არ შეიძლება თვითმფრინავში იარაღების, ბასრი საგნების, ქიმიური ან მომწამვლელი ნივთიერებების, აალებადი საგნების, სითხეებისა და 100 მლ-ზე უფრო დიდი მოცულობის გელების ატანა.

ხელბარგში არსებულ სითხეებთან დაკავშირებით მოქმედებს სახელმწიფოს მიერ დადგენილი შეზღუდვები. სითხეების გადატანა შესაძლებელია მაქსიმუმ 100 მლ მოცულობის კონტეინერებით. ასევე სითხეების შემცველი ყველა კონტეინერი მოთავსებული უნდა იყოს გამჭვირვალე სათავსოში. უსაფრთხოების შემოწმებისას აღნიშნული სათავსო წარმოდგენილი უნდა იყოს ცალკე.

რა ნივთების ჩადება არ შეიძლება ჩასაბარებელ ბარგში?

ჩასაბარებელ ბარგში არ უნდა იყოს ქვემოთ ჩამოთვლილი შემდეგი ნივთი:

* ნაღდი ფული

*  საიუველირო ნაკეთობები, ძვირფასი ლითონები, ძვირფასი და ნახევრადძვირფასი ქვები;

 * კომპიუტერი, ფოტოკამერა, ვიდეოკამერა, მობილური ტელეფონი ან სხვა ტიპის ელექტრონული მოწყობილობები და მათი აქსესუარები;

 * ოფიციალური, საქმიანი ან პირადი დოკუმენტები;

 *  სამოგზაურო ან პირადობის დამადასტურებელი სხვა დოკუმენტები;

  * გასაღებები;

  * სამედიცინო პრეპარატები;

  * ხელოვნების ნიმუშები;

  * მალფუჭებადი პროდუქტები.

გაითვალისწინეთ, თუ ჩაბარებულ ბარგში მოთავსებულია რომელიმე ზემოჩამოთვლილი ნივთი, ავიაკომპანია არ აგებს პასუხს მის დაკარგვაზე, დაზიანებაზე ან დაგვიანებით მოწოდებაზე.

როგორ მოვიქცეთ, თუ მედიკამენტების წაღება გვსურს?

მგზავრებს ვურჩევთ, სალონში შეიტანონ ყველა აუცილებელი ნივთი. თუ WIZZ პრიორიტეტი არ შეგიძენიათ და ხელბარგის ჩაბარება გიწევთ, შეგიძლიათ ხელბარგიდან ამოიღოთ პირადი ნივთები და შეიტანოთ სალონში.

თუ თხევადი მედიკამენტების წაღებას აპირებთ, გთხოვთ გაეცნოთ ბორტზე სითხეების ატანასთან დაკავშირებულ უსაფრთხოების რეგულაციებს, რომელიც ზემოთ უკვე შემოგთავაზეთ. თუ პირველადი საჭიროების მედიკამენტები გჭირდებათ, როგორიც არის, მაგალითად, ინსულინი, აუცილებლად თან უნდა იქონიოთ ამის დამადასტურებელი სამედიცინო ცნობა, რომელიც საჭიროებისამებრ უნდა წარუდგინოთ აეროპორტის უსაფრთხოების სამსახურის თანამშრომლებს.

გაითვალისწინეთ, რომ ეკიპაჟის წევრები ვერ უზრუნველყოფენ თქვენი მედიკამენტების გაგრილებას.

როგორ მოვიქცეთ ბარგის დაკარგვის შემთხვევაში?

თუ თქვენი ბარგი დაიკარგა, დაზიანდა ან იგვიანებს, ამის შესახებ შეგიძლიათ დანიშნულების ადგილზე ჩასვლისთანავე განაცხადოთ. ამისთვის საჭიროა ეწვიოთ ტრანზიტულ ზონაში მდებარე „ბარგის მიღების“ ან „დაკარგული ბარგის“ დახლს, სადაც თქვენ დაგეხმარებიან „ბარგის გადაზიდვის დარღვევის შესახებ აქტის“ (PIR) დაუყოვნებლივ შევსებაში. დანიშნულების აეროპორტში განუცხადებლობის შემთხვევაში „ვიზეარი“ არ იღებს პასუხისმგებლობას. ავიაკომპანია დაკარგვაზე პასუხისმგებელი იქნება იმ შემთხვევაში, თუ თქვენი ბარგი დანიშნულების აეროპორტში განცხადებიდან 21 დღის განმავლობაში ვერ მოიძებნება.

„ვიზეარი“ პასუხისმგებლობას იხსნის იმ შემთხვევაში, თუ თქვენი ბარგი სხვა მგზავრს საკუთარში შეეშლება — ნებისმიერ დაკავშირებულ ხარჯზე პასუხისმგებლობა ინციდენტში მონაწილე მგზავრს ეკისრება.

იმისთვის, რომ არასწორად გაგზავნილი ბარგი მფლობელს რაც შეიძლება მალე დაუბრუნდეს, ბარგის რეგისტრაციამდე ყოველ ერთეულზე მითითებული უნდა იყოს მგზავრის სახელი, ინიციალები და მისამართი.

ბავშვები და ჩვილები

მგზავრობისას 14 დღიდან 2 წლამდე ასაკის ბავშვებს შეუძლიათ მოზრდილების კალთაში მოიკალათონ, ბილეთის საფასური 8-დან 27 ევრომდე მერყეობს. კალთაში ჩაჯდომით მხოლოდ ერთი ჩვილის გადაყვანა შეიძლება. ხოლო თუ ჩვილების სავარძელს აიტანთ ბორტზე, დამატებით ადგილი უნდა შეიძინოთ.

ავტოსავარძლის უსაფრთხოების მიზნით ბორტზე დაიშვება მხოლოდ უკან მიმართული საბავშვო ავტოსავარძლები, რომელსაც უნდა ჰქონდეს სპეციალური ფიქსატორი, რომლის მეშვეობითაც შესაძლებელი იქნება მისი საიმედოდ დამაგრება მგზავრის უსაფრთოხების ღვედით.

ისინი, ვინც მგზავრობს ორ წლამდე ასაკის ჩვილთან ერთად, უფასოდ ისარგებლებენ პრიორიტეტული ჩასხდომით – ორი ზრდასრული ყოველ ჩვილზე. პრიორიტეტული ჩასხდომით ასევე ისარგებლებს ყველა ბავშვი, რომელიც იმავე ჯგუფთან ერთად მგზავრობს.

 

364
პეტრას ციხე ციხისძირში

„იმოგზაურე საქართველოში“ - საფრანგეთის ელჩი აჭარაშია

86
(განახლებულია 11:17 12.07.2020)
საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი

საქართველოში საფრანგეთის საგანგებო და სრულუფლებიანი ელჩი დიეგო კოლასი აჭარას სტუმრობს, იუწყება საზოგადოებრივი მაუწყებლის პირველი არხი.

დიპლომატს აჭარის მთავრობის თავმჯდომარემ თორნიკე რიჟვაძემ რეგიონის კულტურულ-ისტორიული ღირშესანიშნაობები, მიმდინარე და დაგეგმილი პროექტები გააცნო.

„აჭარაში ვმასპინძლობთ ჩვენი მეგობარი ქვეყნის, საფრანგეთის საგანგებო და სრულუფლებიან ელჩს დიეგო კოლასს. მნიშვნელოვანია, რომ ჩვენი პარტნიორი სახელმწიფოები კარგად იცნობდნენ ჩვენს რეგიონს, მის ტურისტულ პოტენციალს. ვუერთდებით კამპანიას – „იმოგზაურე საქართველოსთვის“, რომელიც შიდა ტურიზმის სტიმულირებას ისახავს მიზნად“, – განაცხადა თორნიკე რიჟვაძემ.

საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი, რომელიც უკავშირდება მე-19 საუკუნის ცნობილი ფრანგი მებაღის, მიშელ დალფონსის ბათუმში საქმიანობას.

86
თემები:
ტურიზმი საქართველოში
დაშბაშის კანიონში ხიდის პროექტი

დაშბაშის კანიონზე უნიკალური შუშის ხიდის მოწყობის სამუშაოები გიორგი გახარიამ დაათვალიერა

218
(განახლებულია 15:13 11.07.2020)
პროექტს ებრაული კომპანია KASS LAND (იგივე Kass Group) ახორციელებს. კანიონზე ეკოტურისტული ინფრასტრუქტურა მოეწყობა

თბილისი, 11 ივლისი - Sputnik. ჩვენ წელს ერთად უნდა გავაძლიეროთ ტურიზმი, უნდა „ვიმოგზაუროთ საქართველოსთვის“, ვიყოთ ჩვენი ქვეყნის მოგზაურები, ერთად აღმოვაჩინოთ ახალი ადგილები, მათ შორის დაშბაშის კანიონიც უნდა გახდეს ერთ-ერთი დანიშნულების ადგილი, განაცხადა საქართველოს პრემიერ-მინისტრმა გიორგი გახარიამ ალგეთის დაცულ ტერიტორიებზე სტუმრობისას.

პირველად საქართველოში დაცულ ტერიტორიაზე კერძო საერთაშორისო ინვესტიცია ხორციელდება, რომელიც Covid-19-ის პანდემიის მიუხედავად არ შეწყვეტილა. კერძოდ, ალგეთის ეროვნულ პარკში „დაშბაშის კანიონზე“ 83 ჰა მიწის ნაკვეთზე უნიკალური ტურისტული ინფრასტრუქტურის მოწყობა მიმდინარეობს.

პრემიერის განცხადებით, ამ მოცულობის ინვესტიცია რეგიონისთვის რეკორდულია, ხოლო პროექტით გათვალისწინებული ობიექტები საქართველოსთვის ახალი და უნიკალურია.

მთავრობის მეთაურის შეფასებით,  ეს ხელს შეუწყობს კანიონის პოპულარიზაციას, მიმზიდველი გახდება ვიზიტორებისთვის, მოწესრიგდება ინფრასტრუქტურა, დასაქმდება ადგილობრივი მოსახლეობა, განვითარდება ტურისტული სერვისები და წალკის მუნიციპალიტეტში ხელი შეეწყობა ეროვნულ უმცირესობათა ინტეგრაციის პროცესს.

პროექტის მიხედვით, საქართველოში პირველად უნიკალური 240 მეტრის სიგრძის, შუშის ხიდი მოეწყობა, ეკოტურისტული - ბილიკებით, ვიზიტორთა ცენტრით. ასევე მიმდებარე ტერიტორიაზე აშენდება სასტუმროები და სხვა ტურისტული ინფრასტრუქტურა.

პროექტის საინვესტიციო ღირებულება 50 მილიონ ლარზე მეტია და მას ებრაული კომპანია KASS LAND ახორციელებს.

დაშბაშის კანიონი ზღვის დონიდან 1100-1500 მეტრის სიმაღლეზე მდებარეობს, სიგრძე კი 8 კილომეტრს უდრის. კანიონი 669 ჰექტარის ფართობის უზარმაზარ ტერიტორიას იკავებს. ეს ადგილი უამრავი სანახაობრივი ჩანჩქერით და გამოქვაბულით არის სავსე.

2016 წელს დაშბაშის კანიონს საქართველოს ბუნების ძეგლის სტატუსი მიენიჭა. ამ დროიდან ის საქართველოს ღირსშესანიშნაობების რუკებსა და გზამკვლევებზე გაჩნდა.

გასული წლის დეკემბერში გარემოს და სოფლის მეურნეობის სამინისტროში იუწყებოდნენ, რომ უნიკალური მინის ხიდი 2020 წლის აგვისტოში გაიხსნება. შუშის ხიდის შუაში იქნება განთავსებული ცაში დაკიდებული ბარი. არსებული ინფორმაციით, აღნიშნული ღირსშესანიშნაობის გახსნის შემდეგ წალკას მინიმუმ 2 მილიონი ვიზიტორი ეწვევა.

218
თემები:
ტურიზმი საქართველოში
პეპელა

სტაბილური და ხელსაყრელი დრო 13–19 ივლისის ასტროპროგნოზი: სიყვარული, ფინანსები, სამუშაო

0
(განახლებულია 18:38 12.07.2020)
ეს კვირა ზოდაქოს უმეტესი ნიშნებისთვის საკმაოდ ხელსაყრელი იქნება. ეს ის პერიოდია, როცა წინ უნდა გავიხედოთ, დავფიქრდეთ მომავალზე და წარსული უკან მოვიტოვოთ

ეს კვირა ხელსაყრელი იქნება იმ თვალსაზრსითაც, რომ მერკურიმ რეტროგრადული სვლა შეწყვიტა, რაც ნიშნავს, რომ გაუმჯობესდება ადამიანების შრომისუნარიანობა და ფინანსური ნაკადები.

ვერძი

ვერძებისთვის ძალზე იღბლიანი პერიოდია ახლობლებთან ურთიერთობების მოგვარების კუთხით. პოზიტიური განწყობა და კომპრომისების მოძებნა საუკეთესო ხერხები იქნება ამისთვის. ნუ ჩაიდებთ გულში წყენას და მით უფრო გაგიღიმებთ იღბალი.

დიდი წარმატებები გელოდებათ ფინანსურ და სამუშაო სფეროებში. შეგიძლიათ ძვირადღირებული ნივთების შეძენა. სამუშაოზე ყველაზე მეტად გაუმართლებს შემოქმედებითი პროფესიების ვერძებს და მათ, ვინც ახალი გამოცდილებისა და ცოდნის მიღბისკენ ისწრაფვის.

კურო

ორშაბათს რთული დრო გელოდებათ, მოსალოდნელია მთელი კვირის გეგმების ჩაშლა, მაგრამ მთავარია, სულიერად არ დაეცეთ და მედგრად დაუხვდეთ უსიამოვნებებსა და გაუგებრობებს. გახსოვდეთ, რომ ეს მხოლოდ დროებითი სირთულეებია.

სჯობს, ამ კვირაში არ მოდუნდეთ. წარმატება ყველაზე თავდაჯერებულ და უდრეკ კუროებს ელოდება. არ დაივიწყოთ სასიყვარულო საქმეები – თუ ყველაფერს სწორად დაგეგმავთ, ორი კურდღლის გამოდევნებაც შეიძლება.

ტყუპი

ტყუპებისთვის დგება პერიოდი, როდესაც ყურადღება მთლიანად სამუშაოსა და ფინანსურ სფეროს უნდა მიაქციოთ. შესანიშნავი დროა ახალი სამუშაოს მოძებნის, ახალი ბიზნესის დაწყებისთვის. კარგი იქნება, თუ განაახლებთ გარდერობს, შეიცვლით თმის ვარცხნილობას.. სტილის განახლება ენერგეტიკის განახლებას ნიშნავს.

კვირის ყველაზე ხელსაყრელი დღეებია 15, 17 და 18 ივლისი. ამ დღეებში მთლიანად სამუშაოზე გადაიტანეთ ყურადღება და წვრილმანებზე არ მოცდეთ. უქმეებზე საყვარელ ადამიანებთან ერთად დაისვენეთ.

კირჩხიბი

კირჩხიბები მიზანსწრაფული ადამიანები ხართ, რომლებიც უკან ძალიან იშვიათად თუ იხევთ, მაგრამ, ამავე დროს, არ განეკუთვნებით ზოდიაქოს ყველაზე ძლიერი ხასიათის მქონე ნიშნების რიცხვს. ამ კვირაში სწორედ ამ სტატუსთან მიახლოება შეგიძლიათ – დადგა დრო, რომ თვალებში ჩახედოთ თქვენს შიშებს და სიტუაცია ხელში აიღოთ.

იდეალური დროა მავნე ჩვევებთან ბრძოლისთვის, გარემოს, სამუშაოს გამოცვლისთვის. შეგიძლიათ ცხოვრება კარდინალურად შეცვალოთ. დიდია ალბათობა იმისა, რომ მარტოხელა კირჩხიბები ცხოვრების მეგზურს შეხვდეთ.

ლომი

ეს კვირა ლომებისთვის მაქსიმალურად პროდუქტიული და მნიშვნელოვანი იქნება, მაგრამ ამისთვის თავდაჯერებულობა და ნებისყოფა დაგჭირდებათ. არაკეთილმოსურნეები, შესაძლოა, თქვენში ეჭვების შეტანას და თქვენს სულიერად გატეხას შეეცადონ, მაგრამ ამას მედგრად უნდა დაუხვდეთ და მათ გამოხტომებს არ აჰყვეთ.

სასიყვარულო სფეროში დიდი მნიშვნელობა მიენიჭება პატივისცემას. იმედგაცრუება რომ აირიდოთ თავიდან, ილუზიებზე უარი უნდა თქვათ, ადამიანები მიიღოთ ისეთებად, როგორიც ისინი არიან. ასტროლოგები გირჩევენ, მოთოკოთ უარყოფითი ემოციები, მაგრამ, ამავდროულად, გულწრფელი იყოთ.

ქალწული

ქალწულები სიყალბეს უნდა ებრძოლოთ. არ შეიძლება, რომ სხვისი როლი მოირგოთ – იყავით ის, ვინც ხართ, წამოაყენეთ საკუთარი იდეები და არ შეუშინდეთ გზაზე შემხვედრ კრიტიკასა და ნეგატივს. გუნდურ მუშაობაში ლიდერის უნარები დაგჭირდებათ. ახლობლებთან ურთიერთობებში მეტი სიკეთე და დიდსულოვნება გამოამჟღავნეთ.

ეს კვირა თქვენთვის რთული, მაგრამ ძალზე პროდუქტიული პერიოდი უნდა იყოს, რის შემდეგაც შეძლებთ ახალი ცხოვრებაში ნაბიჯის გადადგმას, ახალ სულიერ მდგომარეობაში გადასვლას. უბრალოდ, საჭიროა ზედმეტი სიამაყისგან გათავისუფლება და თავდაჯერებულობის მომატება.

სასწორი

დგება თვითრეალიზაციისთვის შესანიშნავი კვირა. ძალზე იღბლიანი პერიოდია შემოქმედებითი საქმიანობისთვის, მუშაობასა და გარეგნობაში ინდივიდუალური შტრიხების შეტანისთვის. შეიძლება ახალი ტანსაცმლის ყიდვა, ახალი იმიჯის მორგება.

კარგი იქნება ხელმძღვანელობასთან დალაპარაკება კარიერული წინსვლის ან ხელფასის გაზრდის თაობაზე. ასტროლოგები გირჩევენ, გათავისუფლდეთ კომპლექსებისა და შიშებისგან, რადგან ისინი განვითარებას ამუხრუჭებენ. კვირის ყველაზე საშიში დღეებია 17 და 18 ივლისი, ამ დღეებში სიფრთხილე გმართებთ.

მორიელი

კვირის პირველი დღე საკმაოდ საშიში იქნება. ექსპერტები გირჩევენ, ებრძოლოთ ამპარტავნებას, სიამაყეს, ქედმაღლობას. თუ ასე არ მოიქცევით, ეს თვისებები თქვენი პრობლემების მიზეზი გახდება. ნუ ეცდებით, სხვა ადამიანებზე ძალაუფლება მოიპოვოთ. სიფრთხილე გმართებთ იმ კუთხით, რომ თქვენ ირგვლივ ტოქსიკური ადამიანები შეიძლება შეიკრიბონ.

ამ კვირაში საკუთარ თავს უნდა მიხედოთ, კერძოდ, დაფიქრდეთ თქვენს აზრებზე, რადგან შუა კვირაში ღრმა განცდები შეიძლება გეწვიოთ. ნებისმიერ შიშსა და გაუგებრობას ოპერატიულად უნდა შეებრძოლოთ. ასეთ მომენტებში ყურადღებას ნუ მიაქცევთ გარშემომყოფების კრიტიკას.

მშვილდოსანი

თქვენთვის დგება დრო, როდესაც მხოლოდ საკუთარი თავის იმედი უნდა გქონდეთ. გამოიყენეთ მთელი თქვენი ცხოვრებისეული გამოცდილება და ასევე ინტუიციის ძალა. ასევე კარგი იქნება, თუ გარშემომყოფების მოსაზრებებსაც გაითვალისწინებთ, მაგრამ არ მიიღებთ ამ მოსაზრებებს, როგორც აქსიომას.

სიყვარულში დიდი წარმატებები გელოდებათ, განსაკუთრებით მათ, ვინც მეორე ნახევარს ეძებთ. ვისაც უკვე ჰყავს პარტნიორი, მათ უნდა იზრუნოთ საყვარელ ადამიანზე, ოჯახზე, ასევე დიდი მნიშვნელობა ექნება სახლში მუშაობას.

თხის რქა

თხის რქებისთვის პირველ ადგილზე იქნება ფული და სამუშაო. პოზიტიური განწყობით თამამად შეგიძლიათ გაემგზავროთ საყიდლებზე, შეიძინოთ ძვირადღირებული ნივთები, გააფორმოთ გარიგებები, კრედიტები. დიდი ალბათობით, გაჩნდება ახალი მიზნები და მისწრაფებები.

ასევე გელოდებათ წარმატებები სიყვარულში. ვარსკვლავები და პლანეტები თქვენ გვედით იქნებიან – ამაღლდება თვითშეფასება, გაჩნდება ახალი სურვილები, ენთუზიაზმი, რაც სასიყვარულო თავგადასავლებისთვის ძალზე სასარგებლოა.

მერწყული

კვირის დასაწყისში ყურადღება ოჯახზე და სახლის საქმეებზე გადაიტანეთ. დაალაგეთ სახლი, გადააადგილეთ ავეჯი, მოუსმინეთ ახლობლების სურვილებს. ვინც სიყვარულს ეძებს, მათ მოუსმინეთ საკუთარ ინტუიციას. იდეალური დროა ახალი ნაცნობობისთვის.

ფინანსურ სფეროში უნდა ებრძოლოთ ნეგატიურ ჩვევებს, შეცვალოთ აზროვნება. ამ შემთხვევაში თქვენი შემოსავლები მოიმატებს. ამ კვირაში მთავარია, გიყვარდეთ საკუთარი ცხოვრება და ყველაფერი, რაც თქვენ თავს ხდება. უნდა იაროთ წინ. საჭიროების შემთხვევაში დახმარებისთვის ახლობლებს მიმართეთ.

თევზები

ამ კვირაში თევზებს საშიში დღეები არ გელოდებათ, თუმცა, ვარსკვლავებისა და პლანეტების ენერგეტიკა ჯერ არ არის საკმაოდ ძლიერი იმისთვის, რომ მოდუნდეთ და დინებას მიჰყვეთ. საჭიროა, რომ ყველაფერი საკუთარ ხელში აიღოთ და პასუხისმგებლობა სხვებს არ გადააბაროთ.

საკუთარ თავში შეებრძოლეთ ჭირვეულობას, კაპრიზებს. ეს განწყობის ხშირი ცვლილებებისგან გიხსნით. მიიღეთ სამყარო და ადამიანები ისეთად, როგორიც ისინი არიან. ასეთი დამოკიდებულება წარმატებებს მოგიტანთ სიყვარულში.

0