ტელეფონი, ინტერნეტი

ქვეყნები, სადაც ინტერნეტით ვერ ისარგებლებთ: რჩევები მოგზაურებს

368
(განახლებულია 17:46 24.10.2019)
ინტერნეტი სულ უფრო დიდ როლს ასრულებს თანამედროვე საზოგადოებაში, სულ უფრო მეტად იჭრება ცხოვრების ყველა სფეროში და მნიშვნელოვანწილად განსაზღვრავს მის ხასიათს.

ალბათ წარმოუდგენლად მოგეჩვენებათ, რომ 21-ე საუკუნეში არსებობს ქვეყნები, სადაც ადამიანებს ინტერნეტზე წვდომა არ აქვთ. გადავწყვიტეთ ის  ქვეყნები გაგაცნოთ, სადაც ამ მხრივ ყველაზე ცუდად არის საქმე. შესაძლებელია ამ ქვეყნებში მოგზაურობა გადაწყვიტოთ, ამიტომ ფაქტს მომზადებული შეხვდით.

ბუდას ქანდაკება ტაძარში
ბუდას ქანდაკება ტაძარში

მიანმარი

ალბათ ბევრი არ გსმენიათ მიანმარის შესახებ. ეს არის გეოგრაფიულად ყველაზე დიდი ქვეყანა კონტინენტურ სამხრეთ-აღმოსავლეთ აზიაში. მიანმარი შეგვახსენებს, თუ როგორი იყო აზია არცთუ ისე შორეულ წარსულში. იქ თითქმის ისევ ისეა ყველაფერი, როგორც საუკუნეების წინ. აქ მოხვედრა არც ისე მარტივია.

მიანმარში ინტერნეტზე  წვდომა მოსახლეობის მხოლოდ 1%-ს აქვს. ქსელში მთელი რიგი ქმედებებისთვის ციხეა, ხოლო დემონსტრაციებისა და მიტინგებისას ინტერნეტს დაუყონებლივ, სრულად თიშავენ.

ტიგრაი, ეთიოპია
ტიგრაი, ეთიოპია

ეთიოპია

ეთიოპია მსოფლიოს ერთ-ერთი უძველესი ქრისტიანული ქვეყანაა. აღმოსავლეთ აფრიკის ამ სახელმწიფოში ქრისტიანობა მე-4 საუკუნეში გავრცელდა და მართლმადიდებლობა ოფიციალურ რელიგიად დაკანონდა, თუმცა ქვეყნის აღმოსავლეთი რეგიონი და მისი ჩაკეტილი ქალაქი ჰარარი მთლიანად მუსლიმებითაა დასახლებული. ალბათ ბევრი ადამიანის ოცნებაა ამ საოცარი და ფერადი  ქვეყნის მონახულება.

აქ ინტერნეტი ყველაზე ძვირი, მაგრამ ძალიან ნელია. მობილური ინტერნეტის ღირებულება თვეში 150 დოლარს აღწევს. ეთიოპიის დედაქალაქში, ადის-აბებაში ინტერნეტით მხოლოდ ინტერნეტ-კაფეში ისარგებლებთ.

აშხაბადი, თურქმენეთი
აშხაბადი, თურქმენეთი

თურქმენეთი

თურქმენეთი შუა აზიის სამხრეთ-დასავლეთ ნაწილში მდებარეობს. ახალი თავგადასავლების საძიებლად ქვეყანას ყოველწლიურად მილიონობით ტურისტი სტუმრობს. ქვეყნის ინფრასტრუქტურა განადგურებულია, თუმცა აქ არის  ველური ბუნება, ბევრი ლამაზი პლაჟი, საოცრად ლამაზი კუნძულები, რაც იზიდავს დამთვალიერებელს.

თურქმენეთში ინტერნეტით სარგებლობა საშუალო ხელფასზე 2-ჯერ ძვირი ღირს. ეს სახელმწიფო პოლიტიკის გამოა, რომელსაც სურს, რომ მსოფლიო ქსელი ხელმისაწვდომი არ იყოს მოქალაქეებისთვის.

ჰავანა, კუბა
© CC0 / Pixabay
ჰავანა, კუბა

კუბა

ყოველწლიურად კუბა დაახლოებით 2 მილიონ ტურისტს იზიდავს. აქ ტურიზმი კუნძულის შემოსავლების ერთ-ერთ ძირითად წყაროს წარმოადგენს.

კუბაზე ინტერნეტი 90-იანი წლების ბოლოს გამოჩნდა, მაგრამ გარკვეული პერიოდის შემდეგ მოხდა სტაგნაცია, რაც სხვადასხვა მიზეზით იყო გამოწვეული. ერთ-ერთი გახლდათ დაფინანსების ნაკლებობა და  მთავრობის მკაცრი შეზღუდვა. მთავრობა მკაცრად აკონტროლებს ინტერნეტს. ამჟამად ქვეყნის მოსახლეობის ნახევარზე ნაკლებს აქვს ინტერნეტი. აღსანიშნავია, რომ ქვეყანაში მობილური ინტერნეტის გამოყენება შეუძლებელია.

ფხენიანი, ჩრდილოეთ კორეა
© CC0 / Pixabay
ფხენიანი, ჩრდილოეთ კორეა

ჩრდილოეთ კორეა

ტურიზმს ჩრდილოეთ კორეაში მხოლოდ სახელმწიფო კომპანია აწარმოებს. ჩრდილოეთ კორეის ყველა სტუმარი ქვეყნის შიგნით გადაადგილდება გამცილებლის, ე.წ. გიდის თანხლებით. ძირითადად ტურისტები ჩადიან ჩინეთიდან, იაპონიიდან და რუსეთიდან და ჩრდილოეთ კორეის სტუმრობა მათთვის არც ისე ძნელი, მაგრამ საკმაოდ ძვირი სიამოვნებაა. ქალაქის ქუჩები ისეა მოწყობილი და ტური ისეა დაგეგმილი, რომ ვერავინ დაინახოს ის, რაც სინამდვილეში ხდება ჩრდილოეთ კორეაში. ქუჩებში აკრძალულია ფოტოგადაღება.

ჩრდილოეთ კორეის ტერიტორიაზე ინტერნეტით სარგებლობა შეუძლიათ მხოლოდ ზოგიერთი დაწესებულების თანამშრომელებს. სხვა ადგილობრივი მცხოვრებლებისთვის მისაწვდომია ნაციონალური კომპიუტერული ქსელი, ინტრანეტი „კვანმიონი“. ამ ქსელის შევსებაზე ჩრდილოეთ კორეის კომპიუტერული ინფორმაციის ცენტრი აგებს პასუხს. ის ტვირთავს ინტერნეტიდან იდეოლოგიური თვალსაზრისით ნეიტრალურ მასალებს, სამეცნიერო და ტექნიკური ინფორმაციის მსგავსს, და „კვანმიონში“ ათავსებს.

 

368
ძველი თბილისი

მეორე ადგილი ექვსეულში: Condé Nast traveller მოგზაურებს საქართველოში სტუმრობას ურჩევს

70
(განახლებულია 21:27 02.06.2020)
საქართველო 1 ივლისიდან ტურისტებისთვის საზღვრებს ხსნის. წინასწარი ინფორმაციით, უსაფრთხო, ანუ ე.წ. „მწვანე დერეფნები“ პირველ რიგში გაიხსნება ისრაელის, ავსტრიის, ჩეხეთისა და უკრაინის მოქალაქეებისთვის.

თბილისი, 2 ივნისი – Sputnik. მსოფლიოში ერთ-ერთ ყველაზე გავლენიანი სამოგზაურო პორტალი Condé Nast traveller იმ ადამიანებს, ვინც საზაფხულო მოგზაურობას გეგმავს, საქართველოში სტუმრობას ურჩევს.

მალდივები, საქართველო, საბერძნეთი, შრი-ლანკა, ესპანეთი და ბალი – ასეთია იმ ადგილების ჩამონათვალი, რომელსაც პორტალი მოგზაურებს სთავაზობს.

„ოცნებობთ საზაფხულო მოგზაურობაზე? რომელიმე ქვემოთ ხსენებულ ქვეყანაში მოგზაურობა სავსებით შესაძლებელი ხდება! თუ გამოცდილი მოგზაური ბრძანდებით და ჯერ ფიქრობთ სად გაემგზავროთ, გთავაზობთ იმ დანიშნულების ადგილთა ჩამონათვალს, რომლებიც პირველ რიგში გაიხსნებიან და დაგეგმვაში გამოგადგებათ: მალდივები, საქართველო, საბერძნეთი, შრი-ლანკა, ესპანეთი და ბალი“, – აღნიშნულია სტატიაში.

სტატიაში ასევე აღნიშნულია, რომ საქართველო უკვე 1 ივლისიდან უმასპინძლებს საერთაშორისო ტურისტებს მთელი ქვეყნის მასშტაბით არსებულ კორონავირუსისგან თავისუფალ „მწვანე ზონებში“. პუბლიკაციაში ასევე ნათქვამია, რომ საქართველოს ახალი კორონავირუსით ინფიცირების ერთ-ერთი ყველაზე დაბალი მაჩვენებელი აქვს მთელ ევროპაში.

საქართველო 1 ივლისიდან ტურისტებისთვის საზღვრებს ხსნის.  წინასწარი ინფორმაციით, უსაფრთხო, ანუ ე.წ. „მწვანე დერეფნები“ პირველ რიგში გაიხსნება ისრაელის, ავსტრიის, ჩეხეთისა და უკრაინის მოქალაქეებისთვის.

ეკონომიკის მინისტრის ნათია თურნავას განცხადებით, საქართველო ტურისტებს ელოდება იმ ქვეყნებიდან, სადაც ეპიდემიოლოგიური სიტუაცია მეტ-ნაკლებად საქართველოს ვითარებას ჰგავს.

ავიაბილეთები საქართველოში – როგორი იქნება საქართველოს საზღვრის გადმოკვეთის წესები >>

გასულ დღე-ღამეში ქვეყანაში კორონავირუსის შემთხვევები ორით გაიზარდა და 796-ს მიაღწია. გამოჯანმრთელდა 634, გარდაიცვალა 12 პაციენტი. კარანტინში იმყოფება 2424 ადამიანი, ექიმების მეთვალყურეობის ქვეშ 304 პირია.

საქართველოში კორონავირუსის პირველი შემთხვევა 26 თებერვალს დაფიქსირდა.

 

70
თემები:
ტურიზმი საქართველოში
 Airzena - Georgian Airways

ავიაბილეთები საქართველოში როგორი იქნება საქართველოს საზღვრის გადმოკვეთის წესები

1961
(განახლებულია 22:03 02.06.2020)
საქართველო პირველ უცხოელ ტურისტებს 1 ივლისიდან მიიღებს და უკვე ბევრი კითხვაა იმასთან დაკავშირებით, თუ როგორი იქნება რეგულაციები, რაც აეროპორტებში დაწესდება კორონავირუსის გავრცელების პრევენციის მიზნით.

იმის გასაგებად, თუ როგორ უნდა მოიქცეს ჩამოსული ტურისტი აეროპორტში, „Sputnik–საქართველო“ საქართველოს აეროპორტების გაერთიანების საზოგადოებასთან ურთიერთობის სამსახურს დაუკავშირდა. პასუხი ნათელი და მოკლეა – პროტოკოლი ჯერ შედგენილი არ არის.

„პროტოკოლებზე მუშაობა მიმდინარეობს, რადგან საბოლოო გაიდლაინი ჯერ არ შემუშავებულა. ევროკავშირის ქვეყნებშიც კი კონსესუსი ბოლომდე მიღწეული ჯერ არ არის, დიდი ალბათობით, ერთი კვირის განმავლობაში მზად იქნება. გაიდლაინები აეროპორტებს ჯერ არ მიგვიღია. ჩვენთან ერთად მუშაობს საკოორდინაციო საბჭო და „სამოქალაქო ავიაცია“. საბოლოო გადაწყვეტილება მათ უნდა მიიღონ და ჩვენ მათი გადაწყვეტილება უნდა შევასრულოთ“, – განუცხადეს სააგენტოს აეროპორტების გაერთიანებაში.

იქამდე, სანამ გაიდლაინები მუშავდება, რთულია დაზუსტებით საუბარი, რადგან გაიდლაინები ყველა ქვეყანაში რეალობას მორგებული უნდა იყოს. ამასთან ერთად, საქართველოს პრემიერ-მინისტრმა გიორგი გახარიამ პარლამენტში გამოსვლისას თქვა, რომ შემოსულ ტურისტს ბოლო 72 საათის განმავლობაში PCR–ტესტი უნდა ჰქონდეს გაკეთებული.

„საქართველოში შემოსულ ტურისტს უნდა ჰქონდეს აქტუალური, 72-საათიანი PCR–ტესტი. წინააღმდეგ შემთხვევაში ის საქართველოში არ შემოვა. მოგეხსენებათ, ევროპის ქვეყნებში უკვე COVID-პასპორტის თემას განიხილავენ. ჩვენ, რა თქმა უნდა, ქვეყანაშიც შევქმნით შიგნით ამ PCR–ტესტების აღების შესაძლებლობას იშვიათი შემთხვევებისთვის, როდესაც ჩამოსულ ადამიანს ასეთი ტესტი არ ექნება. მაგრამ ორგანიზებული ტურისტული ჯგუფები ქვეყანაში შემოვლენ მხოლოდ მაშინ, როცა ასეთი წესი იქნება დაცული“, – განაცხადა პრემიერმა. 

სააგენტოსთან საუბრისას ავიაკომპანიების წარმომადგენლებმა თვითმფრინავით მგზავრობის სავარაუდო წესებზეც ისაუბრეს:

მგზავრებს ეკიპაჟის წევრებთან რაც შეიძლება ნაკლები შეხება უნდა ჰქონდეთ;

მოკლე ფრენების შემთხვევაში არსებობს რეკომენდაცია, რომ საკვების დარიგებაც შეიზღუდოს. მოკლე ფრენებად მიიჩნევა სამ საათზე ნაკლები ხანგრძლივობის ფრენა;

იქ, სადაც მგზავრთა კონცენტრაცია მაღალია, მაგალითად, „ჩექ-ინის“, რეგისტრაციისას თუ ბარგის მიღების დროს, არსებობს ფიზიკური დისტანციის დაცვის ზოგადი რეკომენდაცია;

იქნება გარკვეული რეკომენდაციები ჰაერის ფილტრაციასთან, ვენტილაციასთან, ხშირ დეზინფექციასთან დაკავშირებით როგორც ტერმინალებში, ისე საჰაერო ხომალდებზე.

როგორც „Sputnik–საქართველოს“ ეკონომიკისა და მდგრადი განვითარების სამინისტროში განუცხადეს, პროტოკოლი ამ დროისთვის შემუშავების პროცესშია.

დამატებითი ინფორმაციისთვის სააგენტო მედიცინის მეცნიერებათა დოქტორს, ჯანდაცვისა და სოციალური პოლიტიკის კვლევის ცენტრის დირექტორს სერგო ჩიხლაძესაც დაუკავშირდა.

„ტურიზმის ამუშავება სასიცოცხლოდ მნიშვნელოვანია, რომ ქვეყანა თავზე არ ჩამოგვექცეს. ვფიქრობ, ერთ-ერთი მთავარი საკითხია PCR–ტესტირება მოხდეს იმ ქვეყანაში, საიდანაც ტურისტი მოფრინავს, რათა თავიდან ავიცილოთ მთელი რიგი გართულებები. თუნდაც ის, რომ ტურისტმა დაავადება არ გაავრცელოს და უკან დასაბრუნებელი არ აღმოჩნდეს. აეროპორტებმა კი უნდა დაიცვან უსაფრთხოების ყველა წესი მაქსიმალურად. ვირუსთან ერთად ცხოვრება უნდა ვისწავლოთ, რადგან ვფიქრობ, რომ რამდენიმე წელი შესაძლოა ტურიზმი სრულად არ აღდგეს“, – განაცხადა სერგო ჩიხლაძემ.

პასუხები ერთნაირია და სანამ საქართველოში გაიდლაინებს ველოდებით, სხვების მაგალითებზე შეგვიძლია მოგითხროთ:

მაგალითად, რომის აეროპორტებში უკვე გამოიყენება უკონტაქტო სიცხის გასაზომი ხელსაწყოები;

Emirates გახდა პირველი ავიაკომპანია, რომელმაც დაიწყო თითის ტესტების გამოყენება კორონავირუსის აღმოსაჩენად;

ცნობილი ავიაკომპანიები უკვე სავალდებულო წესად თვლიან თვითმფრინავის პერსონალის მიერ ნიღბების გამოყენებას;

ზონური ჩასხდომის პროცესი უფრო გამკაცრდება, ზოგიერთი კომპანია კი საერთოდ ბლოკავს შუა სკამების გაყიდვას და მგზავრებს ყოველ მეორე რიგში ათავსებს;

საბერძნეთში აცხადებენ, რომ საჭირო იქნება კოვიდ-პასპორტი და მას სხვა ქვეყნები არ ეთანხმებიან;

ბრიტანეთმა განაცხადა, რომ იტალიიდან და ესპანეთიდან ჩასულ ტურისტებს 14-დღიან კარანტინში გაუშვებენ და რომ მგზავრებმა აუცილებად უნდა ატარონ ნიღაბი, რეგისტრაცია ონლაინ უნდა გაიარონ და ბარგი ავტომატურად უნდა ჩააბარონ.

ეს ყველაფერი, ერთი შეხედვით, მარტივი შესასრულებელია.

გარდა ამისა აეროპორტების ხელმძღვანელობას, თავის მხრივ, ევალება სალონების დეზინფექცია ჩაატარონ ყოველი რეისის შესრულების შემდეგ.

ამ დროისათვის ოცივე ავიაკომპანია, რომელიც საქართველოში პანდემიამდე ოპერირებდა, აპირებს რეისების განახლებას.

ჯერჯერობით უცნობია ყველა ავიაკომპანიის ჩამონათვალი, თუმცა შეგვიძლია ვთქვათ, რომ ყველასათვის ცნობილი დაბალბიუჯეტური ავიაკომპანიები WizzAir და Ryanair ნამდვილად დაიწყებენ ოპერირებას საქართველოში.

საქართველოსა და სხვა ქვეყნებს შორის ავიამიმოსვლა 20 მარტიდან პრაქტიკულად მთლიანად შეწყდა. ახლა კი უკვე ივნისია. ასეა თუ ისე, ცხოვრება ნელ-ნელა ჩვეულ რეჟიმს უბრუნდება. მოგზაურებისთვის კი 1 ივლისი, სავარაუდოდ, ყველაზე დიდი დღესასწაული გახდება.

1961
რუსეთის საგარეო საქმეთა სამინისტრო

რუსეთის საგარეო უწყება:ჟურნალისტები არ უნდა გახდნენ აშშ-ის პოლიციის თავგასულობის ობიექტები

0
მედიის წარმომადგენლის მიმართ აღმაშფოთებელ და კანონსაწინააღმდეგო სისასტიკეს ადგილი ჰქონდა თეთრი სახლის კედლებთან, განაცხადეს საგარეო საქმეთა სამინისტროში

თბილისი, 3 ივნისი - Sputnik. ვაშინგტონში თეთრი სახლის კედლებთან საპროტესტო აქციის გაშუქებისას Sputnik-ის პროდიუსერის, ნიკოლ რუსელის მიმართ პოლიციის განზრახ სასტიკ მოპყრობას მოსკოვი განიხილავს როგორც არამეგობრულ ნაბიჯს აშშ-ის მხრიდან და ჟურნალისტების უსაფრთხოების უზრუნველსაყოფად საერთაშორისო ვალდებულებების აღმაშფოთებელ დარღვევას, ნათქვამია საგარეო საქმეთა სამინისტროს განცხადებაში.

ორშაბათს, 1 ივნისს, Sputnik-ის პროდიუსერი ნიკოლ რუსელი დაშავდა თეთრ სახლთან პროტესტების გაშუქებისას, მიუხედავად იმისა, რომ ჟურნალისტმა არაერთხელ გაიმეორა, რომ პრესის წარმომადგენელია და ეკეთა პრეს-ბარათი, პოლიციელებმა მას რეზინის ტყვიები ესროლეს.

„აღშფოთებული ვართ დაუსრულებელი ძალადობით, რომელსაც იყენებენ ამერიკელი სამართალდამცველები საერთაშორისო პრესის, მათ შორის რუსულის მიმართ, რომელიც აშშ-ში საპროტესტო აქციებს აშუქებს. განზრახ სასტიკ მიპყრობას, რომელიც მიმდინარე წლის 1 ივნისს განხორციელდა საინფორმაციო სააგენტო Sputnik-ის პროდიუსერის, ნიკოლ რუსელის მიმართ, ვაფასებთ როგორც არამეგობრულ ნაბიჯს აშშ-ის ხელისუფლების მხრიდან და მათი მხრიდან ჟურნალისტების უსაფრთხოების და მათი შეუფერხებელი საქმიანობის უზრუნველსაყოფად საერთაშორისო-სამართლებრივი ვალდებულებების აღმაშფოთებელ დარღვევას“, - ნათქვამია საგარეო საქმეთა სამინისტროს განცხადებაში.

„მიუხედავად იმისა, რომ კორესპონდენტმა წარადგინა პრეს-ბარათი და არაერთხელ განამარტა, რომ მედიის წარმომადგენელია, მას ესროლეს რეზინის ტყვიები, ასევე დემონსტრანტების დასაშლელად არსებული სპეციალური ხელყუმბარა. შედეგად Sputnik-ის პროდიუსერმა მიიღო მრავალრიცხოვანი ტრავმები, მათ შორის ცეცხლსასროლი ჭრილობა. თუმცა ამაზე ამერიკელი „მართლწესრიგის მსახურები“ არ შეჩერდნენ: ერთ-ერთმა პოლიციელმა ის წააქცია და ფეხებით გადათელა“, - ხაზგასმით აღნიშნეს რუსეთის საგარეო უწყებაში.

ნგრევა, არეულობა და მასობრივი პროტესტი: რა ხდება აშშ-ში – ფოტო >>

სამინისტროში აღნიშნეს, რომ „პარადოქსულია, მაგრამ ამ აღმაშფოთებელ და უკანონო სისასტიკეს მედიის წარმომადგენლის მიმართ, რომელიც ნებისმიერი დემოკრატიული საზოგადოების გარანტია, ადგილი ჰქონდა თეთრი სახლის კედლებთან, რომელიც ამერიკას როგორც დემოკრატიის ეტალონს პოზიციონირებს“.

0
თემები:
მსოფლიო დღეს