Airbus-320

ავიაკომპანია Yanair-ი საახალწლოდ საქართველო-უკრაინას შორის დამატებით რეისებს შეასრულებს

61
(განახლებულია 22:40 21.10.2019)
12 დამატებითი ფრენა 26 დეკემბრიდან 5 იანვრის პერიოდში განხორციელდება

თბილისი, 21 ოქტომბერი - Sputnik. ავიაკომპანია Yanair-ი საახალწლო დღესასწაულების პერიოდში უკრაინიდან საქართველოში 12 დამატებით რეისს შეასრულებს, იუწყება პირველი არხი

გავრცელებული ინფორმაციით, დამატებითი რეისები დაინიშნება კიევიდან და ხარკოვიდან ბათუმში, ასევე კიევსა და თბილისს შორის. 12 დამატებითი ფრენა 26 დეკემბრიდან 5 იანვრის პერიოდში განხორციელდება.

„ზედიზედ უკვე მეორე წელია, ბათუმში საახალწლოდ ჰაერის ტემპერატურა +18, +20 გრადუსს აღწევს, ქალაქიდან 90 კილომეტრში, მთებში კი თხილამურებზე სრიალია შესაძლებელი, ამიტომ დარწმუნებული ვარ, დამატებითი ავიარეისები უკრაინელ ტურისტებს შორის პოპულარული იქნება“, – განაცხადა ავიაკომპანიის კომერციულმა დირექტორმა, ტარას სტრიგუნენკომ.

საქართველოსა და უკრაინას შორის პირდაპირ ავიარეისებს ასრულებს Yanair-ი, Ukraine International Airlines-ი და ქართული ავიაკომპანია Georgian Airways-ი.

61
თემები:
ავიამიმოსვლა საქართველოში (80)