თათუკა დალაქიშვილი

ლურჯი ოკეანე და ალგარვეს ოქროსფერი სანაპირო: როგორ ვიმოგზაუროთ სამხრეთ პორტუგალიაში იაფად

530
(განახლებულია 20:22 27.09.2019)
ალბათ ბევრი გსმენიათ პორტუგალიის მრავალფეროვნებაზე და ზღაპრულ სილამაზეზე. აქ არაერთი ისეთი ადგილია, სადაც თავს სამოთხეში იგრძნობთ.

თუ დაიღალეთ ისტორიული ქალაქების, შენობა–ნაგებობების, კულტურული ძეგლების, მუზეუმების დათვალიერებით, დროა ალგარვეს მიაშუროთ, სადაც თავს სამოთხეში იგრძნობთ. ალგარვე პორტუგალიის სამხრეთით, ლისაბონიდან 280 კილომეტრში მდებარეობს. აქ ნახავთ ოკეანისპირა მღვიმეებს, ქვიშიან სანაპიროებს, ლურჯ ოკეანეს, თეთრ სახლებს, ზეთისხილისა და ქლიავის ბაღებს. მეტი რა არის საჭირო სრული ბედნიერებისთვის? მოგზაურმა და ბლოგერმა თათუკა დალაქიშვილმა სულ ახლახან იმოგზაურა ამ საოცარ ადგილზე და ჩვენს მკითხველს სასარგებლო რჩევებიც გაუზიარა.

პორტუგალია, ალგარვე
პორტუგალია, ალგარვე

ალგარვე – ოქროს სანაპიროები

პორტუგალიაში, კერძოდ ალგარვეში ჩამოსვლა პირველად ძალიან სპონტანურად დავგეგმე. ჩასვლამდე ვიცოდი მხოლოდ ორი რამ: პირველი - დამხვდებოდნენ ოჯახის წევრები და მეორე - მხოლოდ სხვისი მონათხრობი ზღაპრულ რეგიონზე, რომელსაც ალგარვე ერქვა.

თათუკა დალაქიშვილი
თათუკა დალაქიშვილი

ფაროში ( ალგარვის რეგიონის დედაქალაქი) მოხვედრა არც ისეთი იოლია, რადგან პირდაპირი ფრენები საქართველოდან არ არის. გადავწყვიტე ჩემი მოგზაურობა მეზობელი ქვეყნიდან დამეწყო. ბარსელონადან ფაროში შუა დღეს ჩავფრინდით ტაპ პორტუგალით (flytap.com), აეროპორტში ოჯახის წევრები დაგვხვდნენ. ბინა ლაგოაში გვქონდა, სადაც უზარმაზარ ეზოში, ასევე უზარმაზარი მარწყვის პლანტაციები იყო გადაჭიმული. ფორთოხლის ხეებს ალყა შემოერტყათ მთლიანი არესთვის და ეზოში ყავისფერი ცუგა სახელად ტანგო დაკუნტრუშობდა. საცხოვრებელი შეგიძლიათ Airbnb–ს დახმარებით აარჩიოთ (ფასდაკლების კოდი ქვემოთ იქნება) ჩვენი საცხოვრებლით მოხიბლულებმა ჯერ კიდევ არ ვიცოდით წინ რა გველოდა.

თათუკა დალაქიშვილი
თათუკა დალაქიშვილი

ტრანსფერი

სამოგზაუროდ ორი ტრანსპორტი გამოგადგებათ. თუ ავტომობილს ატარებთ აქ საკმაოდ ხელმისაწვდომი ფასებია ავტომობილის ქირაობაზე(algarvecarbooking.com). მეორე ტრანსპორტი ავტობუსია, რომელიც საკმაოდ პუნქტუალურად დადის განრიგის მიხედვით, ერთი წუთიც კი არ უნდა დაიგვიანოთ გაჩერებაზე მისვლა, თორემ მძღოლი მთელი გზა დაგაყვედრით მის დაკარგულ ერთ წუთს ან უარეს შემთხვევაში შეიძლება საერთოდ არ დაგელოდოთ (eva-bus.com).

გეგმის მიხედვით რამდენიმე ზღვისპირა ქალაქი უნდა გვენახა. თვითონ ლაგოა პატარა და კოხტა ადგილია, სადაც ტურისტები ხშირ შემთხვევაში ბინას იღებენ ხოლმე, რადგან შედარებით იაფია. ლაგოაში ერთი პატარა ცენტრი, ეკლესია, ბევრი კერამიკის და მცენარეების მაღაზიაა. აქ ბევრი ადგილია, სადაც იაფად შეიძენთ საკვებს, ერთ-ერთი ასეთი კი ლიდლია (Lidl Lagoa).

თათუკა დალაქიშვილი
თათუკა დალაქიშვილი

პრაია დე მარინა – ოქროსფერი პლიაჟი

 ჩვენი პირველი მიმართულება პრაია დე მარინა იყო. ეს გახლავთ ოქროსფერი პატარა პლიაჟი, რომელიც კლდეებით არის გარშემორტყმული. ოკეანის შუაგულში  სპილოს ფორმის კლდეს შეხვდებით, რომელიც მედიდურად დგას და ჰორიზონტს გაჰყურებს. პირველი ეფექტი საოცარია, ხოლო რაც მეტჯერ ნახულობ, მით მეტად მოგწონს და აღგაფრთოვანებს. პრაია დე მარინასთან შეხვდებით ხილის დახლს, სადაც შეგიძლია ადგილობრივი ხილი დააგემოვნო, რომელიც ძალიან გემრიელია.

თათუკა დალაქიშვილი
თათუკა დალაქიშვილი

კარვოეირო – კლდეზე შეფნილი ქალაქი

შემდგომ გეზი კარვოეიროსკენ ავიღეთ. გზა საკმაოდ მარტივი და უსაფრთხოა. კლდეზე შეფენილი თეთრი სახლები წითელი სახურავებით, რომლებსაც მედალიონებივით აქვთ შემკული სხვადასხვა ფერის ყვავილები და ყვავილის ხეები. ცენტრი კაფეებით არის სავსე, აქ შედარებით მაღალი ფასებია. პლაჟი ქვიშიანია, სადაც ნიჟარათა ნაირსახეობას იხილავთ. წყალი სექტემბრიდან-აპრილის ბოლომდე ცივია, ამიტომ ვისაც ცურვა გინდათ გირჩევთ მაისიდან-აგვისტომდე პერიოდში ეწვიოთ პორტუგალიის სანაპიროებს, მაგრამ მზად იყავით, დღის მანძილზე სიცხის ასატანად. კარვოეიროში გარდა პლაჟის და ცენტრისა, სანახაობათა სიაში პირველ ადგილს იკავებს ალგარ სეკო, ზღვაში შეჭრილი კლდე, საიდანაც მშვენიერი ხედი იშლება ოკეანეზე. წარმოიდგინე ტალღების ხმა, თოლიები, ლამაზი უსასრულო ჰორიზონტი და შენ ამ ყველაფრის ცენტრში. წვიმიან პერიოდში და დინების მატებისას ალგარ სეკოს ერთი ნაწილი წყლით იფარება. აქ სტუმრობისათვის იდეალური პერიოდი სექტემბრის დასაწყისია.

გირჩევთ დღეში ორ ლოკაციაზე მეტი არ ნახოთ, რომ მოასწროთ დასვენება და იმ ხიბლის შეგრძნება, რომელიც თითოეულ ადგილს აქვს.

თათუკა დალაქიშვილი
თათუკა დალაქიშვილი

ბენაჟილი – დაუვიწყარი მღვიმეები

ჩვენ კი ჩვენი მგზავრობა გავაგრძელოთ ბენაჟილის მიმართულებით, სადაც ლამაზ პლაჟთან და გემრიელ კერძებთან ერთად კატერით თავგადასავალი გველოდება. ბენაჟილი ცნობილია თავისი უნიკალური მღვიმეებით. ტური 15 ევრო ღირს და 21 მღვიმის ნახვას მოიცავს, ვისაც მღვიმეში ბუნებრივად შექმნილ უნიკალურ პლაჟზე უნდა ცურვა მაშინ 10 ევროს დამატება მოუწევს.

ტური შეგიძლიათ მოიძიოთ ამ საიტზე https://tarugabenagiltours.pt/. ტურიდან დაბრუნებულები, კი ეწვიეთ შემაღლებულ ადგილას წამოსკუპებულ რესტორანს სახელად Casa Lamy (მის:R.dos Pescadores,8400-401), გაითვალისწინეთ ხალხის სიმრავლის გამო შესაძლოა დიდხანს მოგიწიოთ ლოდინი, მაგრამ აქედან ისეთი ლამაზი ხედი იშლება და კერძებიც ისეთი კარგია, რომ ღირს ლოდინად. სამხრეთ პორტუგალია კიდევ იმით არის გამორჩეული, რომ აქ კვება საკმაოდ ხელმისაწვდომია. ორ ევროდ ყავა და პაშტელ დე ნატა შეგიძლია დააგემოვნო დაუვიწყარი ხედის ფონზე.

თათუკა დალაქიშვილი
თათუკა დალაქიშვილი

Airbnb- პირველი ბინის დაქირავებისას თუ გინდათ, რომ 35 $ დააკლდეს დარეგისტრირდით ამ ლინკით:  http://www.airbnb.com/c/tdalakishvili1

 

საჭირო აპლიკაციები:

რუკა- Google maps; Maps.me

რჩევები- Tripadvisor

საქართველოდან იაფიანი ფრენა:

თბილისი- ryanair.com

ქუთაისი- ryanair.com და wizzair.com (Ryanair ქუთაისიდან თბილისთან შედარებით იაფია).

530
პეტრას ციხე ციხისძირში

„იმოგზაურე საქართველოში“ - საფრანგეთის ელჩი აჭარაშია

86
(განახლებულია 11:17 12.07.2020)
საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი

საქართველოში საფრანგეთის საგანგებო და სრულუფლებიანი ელჩი დიეგო კოლასი აჭარას სტუმრობს, იუწყება საზოგადოებრივი მაუწყებლის პირველი არხი.

დიპლომატს აჭარის მთავრობის თავმჯდომარემ თორნიკე რიჟვაძემ რეგიონის კულტურულ-ისტორიული ღირშესანიშნაობები, მიმდინარე და დაგეგმილი პროექტები გააცნო.

„აჭარაში ვმასპინძლობთ ჩვენი მეგობარი ქვეყნის, საფრანგეთის საგანგებო და სრულუფლებიან ელჩს დიეგო კოლასს. მნიშვნელოვანია, რომ ჩვენი პარტნიორი სახელმწიფოები კარგად იცნობდნენ ჩვენს რეგიონს, მის ტურისტულ პოტენციალს. ვუერთდებით კამპანიას – „იმოგზაურე საქართველოსთვის“, რომელიც შიდა ტურიზმის სტიმულირებას ისახავს მიზნად“, – განაცხადა თორნიკე რიჟვაძემ.

საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი, რომელიც უკავშირდება მე-19 საუკუნის ცნობილი ფრანგი მებაღის, მიშელ დალფონსის ბათუმში საქმიანობას.

86
თემები:
ტურიზმი საქართველოში
დაშბაშის კანიონში ხიდის პროექტი

დაშბაშის კანიონზე უნიკალური შუშის ხიდის მოწყობის სამუშაოები გიორგი გახარიამ დაათვალიერა

219
(განახლებულია 15:13 11.07.2020)
პროექტს ებრაული კომპანია KASS LAND (იგივე Kass Group) ახორციელებს. კანიონზე ეკოტურისტული ინფრასტრუქტურა მოეწყობა

თბილისი, 11 ივლისი - Sputnik. ჩვენ წელს ერთად უნდა გავაძლიეროთ ტურიზმი, უნდა „ვიმოგზაუროთ საქართველოსთვის“, ვიყოთ ჩვენი ქვეყნის მოგზაურები, ერთად აღმოვაჩინოთ ახალი ადგილები, მათ შორის დაშბაშის კანიონიც უნდა გახდეს ერთ-ერთი დანიშნულების ადგილი, განაცხადა საქართველოს პრემიერ-მინისტრმა გიორგი გახარიამ ალგეთის დაცულ ტერიტორიებზე სტუმრობისას.

პირველად საქართველოში დაცულ ტერიტორიაზე კერძო საერთაშორისო ინვესტიცია ხორციელდება, რომელიც Covid-19-ის პანდემიის მიუხედავად არ შეწყვეტილა. კერძოდ, ალგეთის ეროვნულ პარკში „დაშბაშის კანიონზე“ 83 ჰა მიწის ნაკვეთზე უნიკალური ტურისტული ინფრასტრუქტურის მოწყობა მიმდინარეობს.

პრემიერის განცხადებით, ამ მოცულობის ინვესტიცია რეგიონისთვის რეკორდულია, ხოლო პროექტით გათვალისწინებული ობიექტები საქართველოსთვის ახალი და უნიკალურია.

მთავრობის მეთაურის შეფასებით,  ეს ხელს შეუწყობს კანიონის პოპულარიზაციას, მიმზიდველი გახდება ვიზიტორებისთვის, მოწესრიგდება ინფრასტრუქტურა, დასაქმდება ადგილობრივი მოსახლეობა, განვითარდება ტურისტული სერვისები და წალკის მუნიციპალიტეტში ხელი შეეწყობა ეროვნულ უმცირესობათა ინტეგრაციის პროცესს.

პროექტის მიხედვით, საქართველოში პირველად უნიკალური 240 მეტრის სიგრძის, შუშის ხიდი მოეწყობა, ეკოტურისტული - ბილიკებით, ვიზიტორთა ცენტრით. ასევე მიმდებარე ტერიტორიაზე აშენდება სასტუმროები და სხვა ტურისტული ინფრასტრუქტურა.

პროექტის საინვესტიციო ღირებულება 50 მილიონ ლარზე მეტია და მას ებრაული კომპანია KASS LAND ახორციელებს.

დაშბაშის კანიონი ზღვის დონიდან 1100-1500 მეტრის სიმაღლეზე მდებარეობს, სიგრძე კი 8 კილომეტრს უდრის. კანიონი 669 ჰექტარის ფართობის უზარმაზარ ტერიტორიას იკავებს. ეს ადგილი უამრავი სანახაობრივი ჩანჩქერით და გამოქვაბულით არის სავსე.

2016 წელს დაშბაშის კანიონს საქართველოს ბუნების ძეგლის სტატუსი მიენიჭა. ამ დროიდან ის საქართველოს ღირსშესანიშნაობების რუკებსა და გზამკვლევებზე გაჩნდა.

გასული წლის დეკემბერში გარემოს და სოფლის მეურნეობის სამინისტროში იუწყებოდნენ, რომ უნიკალური მინის ხიდი 2020 წლის აგვისტოში გაიხსნება. შუშის ხიდის შუაში იქნება განთავსებული ცაში დაკიდებული ბარი. არსებული ინფორმაციით, აღნიშნული ღირსშესანიშნაობის გახსნის შემდეგ წალკას მინიმუმ 2 მილიონი ვიზიტორი ეწვევა.

219
თემები:
ტურიზმი საქართველოში
პეპელა

სტაბილური და ხელსაყრელი დრო 13–19 ივლისის ასტროპროგნოზი: სიყვარული, ფინანსები, სამუშაო

0
(განახლებულია 18:38 12.07.2020)
ეს კვირა ზოდაქოს უმეტესი ნიშნებისთვის საკმაოდ ხელსაყრელი იქნება. ეს ის პერიოდია, როცა წინ უნდა გავიხედოთ, დავფიქრდეთ მომავალზე და წარსული უკან მოვიტოვოთ

ეს კვირა ხელსაყრელი იქნება იმ თვალსაზრსითაც, რომ მერკურიმ რეტროგრადული სვლა შეწყვიტა, რაც ნიშნავს, რომ გაუმჯობესდება ადამიანების შრომისუნარიანობა და ფინანსური ნაკადები.

ვერძი

ვერძებისთვის ძალზე იღბლიანი პერიოდია ახლობლებთან ურთიერთობების მოგვარების კუთხით. პოზიტიური განწყობა და კომპრომისების მოძებნა საუკეთესო ხერხები იქნება ამისთვის. ნუ ჩაიდებთ გულში წყენას და მით უფრო გაგიღიმებთ იღბალი.

დიდი წარმატებები გელოდებათ ფინანსურ და სამუშაო სფეროებში. შეგიძლიათ ძვირადღირებული ნივთების შეძენა. სამუშაოზე ყველაზე მეტად გაუმართლებს შემოქმედებითი პროფესიების ვერძებს და მათ, ვინც ახალი გამოცდილებისა და ცოდნის მიღბისკენ ისწრაფვის.

კურო

ორშაბათს რთული დრო გელოდებათ, მოსალოდნელია მთელი კვირის გეგმების ჩაშლა, მაგრამ მთავარია, სულიერად არ დაეცეთ და მედგრად დაუხვდეთ უსიამოვნებებსა და გაუგებრობებს. გახსოვდეთ, რომ ეს მხოლოდ დროებითი სირთულეებია.

სჯობს, ამ კვირაში არ მოდუნდეთ. წარმატება ყველაზე თავდაჯერებულ და უდრეკ კუროებს ელოდება. არ დაივიწყოთ სასიყვარულო საქმეები – თუ ყველაფერს სწორად დაგეგმავთ, ორი კურდღლის გამოდევნებაც შეიძლება.

ტყუპი

ტყუპებისთვის დგება პერიოდი, როდესაც ყურადღება მთლიანად სამუშაოსა და ფინანსურ სფეროს უნდა მიაქციოთ. შესანიშნავი დროა ახალი სამუშაოს მოძებნის, ახალი ბიზნესის დაწყებისთვის. კარგი იქნება, თუ განაახლებთ გარდერობს, შეიცვლით თმის ვარცხნილობას.. სტილის განახლება ენერგეტიკის განახლებას ნიშნავს.

კვირის ყველაზე ხელსაყრელი დღეებია 15, 17 და 18 ივლისი. ამ დღეებში მთლიანად სამუშაოზე გადაიტანეთ ყურადღება და წვრილმანებზე არ მოცდეთ. უქმეებზე საყვარელ ადამიანებთან ერთად დაისვენეთ.

კირჩხიბი

კირჩხიბები მიზანსწრაფული ადამიანები ხართ, რომლებიც უკან ძალიან იშვიათად თუ იხევთ, მაგრამ, ამავე დროს, არ განეკუთვნებით ზოდიაქოს ყველაზე ძლიერი ხასიათის მქონე ნიშნების რიცხვს. ამ კვირაში სწორედ ამ სტატუსთან მიახლოება შეგიძლიათ – დადგა დრო, რომ თვალებში ჩახედოთ თქვენს შიშებს და სიტუაცია ხელში აიღოთ.

იდეალური დროა მავნე ჩვევებთან ბრძოლისთვის, გარემოს, სამუშაოს გამოცვლისთვის. შეგიძლიათ ცხოვრება კარდინალურად შეცვალოთ. დიდია ალბათობა იმისა, რომ მარტოხელა კირჩხიბები ცხოვრების მეგზურს შეხვდეთ.

ლომი

ეს კვირა ლომებისთვის მაქსიმალურად პროდუქტიული და მნიშვნელოვანი იქნება, მაგრამ ამისთვის თავდაჯერებულობა და ნებისყოფა დაგჭირდებათ. არაკეთილმოსურნეები, შესაძლოა, თქვენში ეჭვების შეტანას და თქვენს სულიერად გატეხას შეეცადონ, მაგრამ ამას მედგრად უნდა დაუხვდეთ და მათ გამოხტომებს არ აჰყვეთ.

სასიყვარულო სფეროში დიდი მნიშვნელობა მიენიჭება პატივისცემას. იმედგაცრუება რომ აირიდოთ თავიდან, ილუზიებზე უარი უნდა თქვათ, ადამიანები მიიღოთ ისეთებად, როგორიც ისინი არიან. ასტროლოგები გირჩევენ, მოთოკოთ უარყოფითი ემოციები, მაგრამ, ამავდროულად, გულწრფელი იყოთ.

ქალწული

ქალწულები სიყალბეს უნდა ებრძოლოთ. არ შეიძლება, რომ სხვისი როლი მოირგოთ – იყავით ის, ვინც ხართ, წამოაყენეთ საკუთარი იდეები და არ შეუშინდეთ გზაზე შემხვედრ კრიტიკასა და ნეგატივს. გუნდურ მუშაობაში ლიდერის უნარები დაგჭირდებათ. ახლობლებთან ურთიერთობებში მეტი სიკეთე და დიდსულოვნება გამოამჟღავნეთ.

ეს კვირა თქვენთვის რთული, მაგრამ ძალზე პროდუქტიული პერიოდი უნდა იყოს, რის შემდეგაც შეძლებთ ახალი ცხოვრებაში ნაბიჯის გადადგმას, ახალ სულიერ მდგომარეობაში გადასვლას. უბრალოდ, საჭიროა ზედმეტი სიამაყისგან გათავისუფლება და თავდაჯერებულობის მომატება.

სასწორი

დგება თვითრეალიზაციისთვის შესანიშნავი კვირა. ძალზე იღბლიანი პერიოდია შემოქმედებითი საქმიანობისთვის, მუშაობასა და გარეგნობაში ინდივიდუალური შტრიხების შეტანისთვის. შეიძლება ახალი ტანსაცმლის ყიდვა, ახალი იმიჯის მორგება.

კარგი იქნება ხელმძღვანელობასთან დალაპარაკება კარიერული წინსვლის ან ხელფასის გაზრდის თაობაზე. ასტროლოგები გირჩევენ, გათავისუფლდეთ კომპლექსებისა და შიშებისგან, რადგან ისინი განვითარებას ამუხრუჭებენ. კვირის ყველაზე საშიში დღეებია 17 და 18 ივლისი, ამ დღეებში სიფრთხილე გმართებთ.

მორიელი

კვირის პირველი დღე საკმაოდ საშიში იქნება. ექსპერტები გირჩევენ, ებრძოლოთ ამპარტავნებას, სიამაყეს, ქედმაღლობას. თუ ასე არ მოიქცევით, ეს თვისებები თქვენი პრობლემების მიზეზი გახდება. ნუ ეცდებით, სხვა ადამიანებზე ძალაუფლება მოიპოვოთ. სიფრთხილე გმართებთ იმ კუთხით, რომ თქვენ ირგვლივ ტოქსიკური ადამიანები შეიძლება შეიკრიბონ.

ამ კვირაში საკუთარ თავს უნდა მიხედოთ, კერძოდ, დაფიქრდეთ თქვენს აზრებზე, რადგან შუა კვირაში ღრმა განცდები შეიძლება გეწვიოთ. ნებისმიერ შიშსა და გაუგებრობას ოპერატიულად უნდა შეებრძოლოთ. ასეთ მომენტებში ყურადღებას ნუ მიაქცევთ გარშემომყოფების კრიტიკას.

მშვილდოსანი

თქვენთვის დგება დრო, როდესაც მხოლოდ საკუთარი თავის იმედი უნდა გქონდეთ. გამოიყენეთ მთელი თქვენი ცხოვრებისეული გამოცდილება და ასევე ინტუიციის ძალა. ასევე კარგი იქნება, თუ გარშემომყოფების მოსაზრებებსაც გაითვალისწინებთ, მაგრამ არ მიიღებთ ამ მოსაზრებებს, როგორც აქსიომას.

სიყვარულში დიდი წარმატებები გელოდებათ, განსაკუთრებით მათ, ვინც მეორე ნახევარს ეძებთ. ვისაც უკვე ჰყავს პარტნიორი, მათ უნდა იზრუნოთ საყვარელ ადამიანზე, ოჯახზე, ასევე დიდი მნიშვნელობა ექნება სახლში მუშაობას.

თხის რქა

თხის რქებისთვის პირველ ადგილზე იქნება ფული და სამუშაო. პოზიტიური განწყობით თამამად შეგიძლიათ გაემგზავროთ საყიდლებზე, შეიძინოთ ძვირადღირებული ნივთები, გააფორმოთ გარიგებები, კრედიტები. დიდი ალბათობით, გაჩნდება ახალი მიზნები და მისწრაფებები.

ასევე გელოდებათ წარმატებები სიყვარულში. ვარსკვლავები და პლანეტები თქვენ გვედით იქნებიან – ამაღლდება თვითშეფასება, გაჩნდება ახალი სურვილები, ენთუზიაზმი, რაც სასიყვარულო თავგადასავლებისთვის ძალზე სასარგებლოა.

მერწყული

კვირის დასაწყისში ყურადღება ოჯახზე და სახლის საქმეებზე გადაიტანეთ. დაალაგეთ სახლი, გადააადგილეთ ავეჯი, მოუსმინეთ ახლობლების სურვილებს. ვინც სიყვარულს ეძებს, მათ მოუსმინეთ საკუთარ ინტუიციას. იდეალური დროა ახალი ნაცნობობისთვის.

ფინანსურ სფეროში უნდა ებრძოლოთ ნეგატიურ ჩვევებს, შეცვალოთ აზროვნება. ამ შემთხვევაში თქვენი შემოსავლები მოიმატებს. ამ კვირაში მთავარია, გიყვარდეთ საკუთარი ცხოვრება და ყველაფერი, რაც თქვენ თავს ხდება. უნდა იაროთ წინ. საჭიროების შემთხვევაში დახმარებისთვის ახლობლებს მიმართეთ.

თევზები

ამ კვირაში თევზებს საშიში დღეები არ გელოდებათ, თუმცა, ვარსკვლავებისა და პლანეტების ენერგეტიკა ჯერ არ არის საკმაოდ ძლიერი იმისთვის, რომ მოდუნდეთ და დინებას მიჰყვეთ. საჭიროა, რომ ყველაფერი საკუთარ ხელში აიღოთ და პასუხისმგებლობა სხვებს არ გადააბაროთ.

საკუთარ თავში შეებრძოლეთ ჭირვეულობას, კაპრიზებს. ეს განწყობის ხშირი ცვლილებებისგან გიხსნით. მიიღეთ სამყარო და ადამიანები ისეთად, როგორიც ისინი არიან. ასეთი დამოკიდებულება წარმატებებს მოგიტანთ სიყვარულში.

0