ავიაკომპანია  Wizz Air-ის თვითმფრინავი

ბრიუსელისა და ტალინის მიმართულებით ქუთაისიდან პირველი პირდაპირი რეისები შესრულდა

110
ტრადიციულად, პირველი რეისის როგორც ჩამომფრენ, ისე გამფრენ მგზავრებს, დავით აღმაშენებლის სახელობის აეროპორტში სიმბოლური საჩუქრები გადასცეს.

თბილისი, 11 სექტემბერი — Sputnik. ქუთაისის საერთაშორისო აეროპორტიდან ბრიუსელის მიმართულებით დღეს პირველი პირდაპირი რეგულარული რეისი შესრულდა, იუწყება საქართველოს აეროპორტების გაერთიანება.

დღესვე  ქუთაისში კიდევ ერთი პირდაპირი რეისი განხორციელდა პირველად - ამჯერად  ტალინიდან. აქამდე ესტონეთში საქართველოდან საჰაერო მიმოსვლა არ სრულდებოდა.

ტრადიციულად, პირველი რეისის როგორც მგზავრებს დავით აღმაშენებლის სახელობის აეროპორტში სიმბოლური საჩუქრები - ქართული ღვინო და შოკოლადი დაურიგდათ.

10 სექტემბრიდან ავიაკომპანია Wizz Air-მა ეტაპობრივად 7 ახალი მიმართულებით დაიწყო ფრენა. სამშაბათს შესრულდა პირდაპირი რეისი ეინდჰოვენის მიმართულებით, ამ დღეებში პირდაპირი რეგულარული რეისები დამატებით კიდევ რამდენიმე ახალი მიმართულებით: ბაზელში, კოპენჰაგენში, პოზნანსა და ბარიში შესრულდება.

ამ მომენტისთვის პირდაპირი საჰაერო მიმოსვლა არ სრულდება საქართველოდან შვეიცარიასა და დანიის სამეფოში.

ქუთაისის საერთაშორისო აეროპორტში ავიაკომპანიის ბაზაზე რიგით მესამე თანამედროვე, AIRBUS A 320 ტიპის საჰაერო ხომალდმა დაიწყო ოპერირება, რაც იმას ნიშნავს, რომ ახალ რეისებზე ეკიპაჟი მთლიანად ადგილობრივებისგან იქნება დაკომპლექტებული.

WizzAir-ი საქართველოდან შვიდ ახალ მიმართულებას ამატებს >>

ავიაკომპანია Wizz Air-მა ქუთაისის საერთაშორისო აეროპორტიდან ოპერირება 2012 წელს დაიწყო. 2016 წლის სექტემბერში ქუთაისის საერთაშორისო აეროპორტში რეგიონში ავიაკომპანია Wizz Air-ის პირველი ბაზა გაიხსნა. 2017 წლის მაისში ქუთაისის საერთაშორისო აეროპორტს Wizz Air-ის მეორე ბაზირებული საჰაერო ხომალდი და ევროპის 5 ყველაზე მოთხოვნადი მიმართულება დაემატა. 2018 წელს Wizz Air-მა ქუთაისის საერთაშორისო აეროპორტის მგზავრთნაკადის 95% გადაიყვანა (587,643 მგზავრი) და საქართველოს ავიაციის ისტორიაში პირველად, Wizz Air-ი ბაზრის ლიდერი გახდა.

110
თემები:
ავიამიმოსვლა საქართველოში (116)
ძველი თბილისი

დასვენება პანდემიის დროს: როგორ იმუშავებენ სასტუმროები საქართველოში

69
(განახლებულია 23:25 30.05.2020)
თერმოსკრინინგი და დეზინფექცია ქართულ სასტუმროებში დასვენების განუყოფელი ნაწილი გახდება - 15 ივლისს სასტუმროები პირველ საერთაშორისო ვიზიტორებს მიიღებენ

თბილისი, 30 მაისი – Sputnik. საქართველოს ჯანდაცვის სამინისტრომ დაამტკიცა რეკომენდაციები სასტუმროებისა და აპარტამენტებისთვის, რომლებიც ახალ სეზონზე ტურისტებს უმასპინძლებენ.

რომელი შეზღუდვის მოხსნაა ყველაზე მეტად სარისკო - თენგიზ ცერცვაძის მოსაზრება >>

სასტუმროები მუშაობას 8 ივნისიდან განაახლებენ. 15 ივნისიდან იხსნება შიდა ტურიზმი, 1 ივლისიდან ქვეყანა პირველ საერთაშორისო ვიზიტორებს უმასპინძლებს.

რეკომენდაციების თანახმად, როგორც პერსონალს, ისე ვიზიტორებს სასტუმროში შესვლისას უტარდება თერმოსკრინინგი. ყველა ვიზიტორს შენობაში უნდა ეკეთოს პირბადე და უნდა იცავდეს ჰიგიენის წესებს, ადამიანებმა ორმეტრიანი დისტანცია უნდა დაიცვან.

გარდა ამისა, სასტუმროებში ყველა ზედაპირის წმენდა-დეზინფექცია უნდა ხდებოდეს. ყოველ ორ საათში უნდა ტარდებოდეს კარებისა და ფანჯრების სახელურების, მოაჯირების, ლიფტის ღილაკების დეზინფექცია.

ნომრებში აღარ იქნება ორსართულიანი საწოლები, ხოლო საერთო გამოყენების სველი წერტილებით სარგებლობისას, ყოველი გამოყენების შემდგომ უნდა მოხდეს მისი დეზინფექცია.

ვიზიტორები და სასტუმროს პერსონალი სასტუმროში უნდა შევიდნენ დეზობარიერის გავლით, საერთო სივრცეებში უნდა იყოს განთავსებული დისპენსერები სადეზინფექციო საშუალებით.

დახურული სივრცეები უნდა იყოს უზრუნველყოფილი ბუნებრივი ვენტილაციით. თუ ამის შესაძლებლობა არ არის, დასაშვებია ხელოვნური ვენტილაცია, მაგრამ გარედან შემოსული ჰაერის მომატებული კონცენტრაციით, ცირკულაციითა და გარეთ გატანით. ვენტილაციის გამართულ მუშაობაზე უნდა დაწესდეს საინჟინრო კონტროლი.

ბინებსა და აპარტამენტებში სტუმრებსა და მასპინძლებს შორის მიღება-გასვლის დროს პირადი კონტაქტი მინიმუმამდე უნდა იყოს დაყვანილი. რეკომენდირებულია სტუმრის მიღების (check in) და გასვლის (checkout) დისტანციური სისტემის დანერგვა.

სტუმრის გასვლის შემდეგ, ოთახების დალაგება განხორციელდეს შემდეგი პრინციპით - დეზინფექცია, 4 საათიანი განიავება, დალაგება-დასუფთავება.

სხვა წესები

სასტუმროებში რეკომენდებულია ინდივიდუალური კვებით გამასპინძლება. შვედური მაგიდის შემთხვევაში პერსონალს და სტუმრებს ერთმანეთისგან უნდა ყოფდეს გამჭვირვალე ბარიერი, მაგიდასთან მისვლა უსაფრთხო დისტანციით უნდა მოხდეს. მენიუ უნდა იყოს მხოლოდ ბეჭდური (ერთჯერადი).

ბარიერი უნდა დამონტაჟდეს ასევე ბარებში - ბარმენსა და სტუმრებს შორის. სასმელით მომსახურება მოხდება ინდივიდუალურად, მაგიდასთან მიტანის სერვისით. ადამიანთა თავშეყრის თავიდან აცილების მიზნით, მომხმარებელთა მიღება მოხდება წინასწარი დაჯავშნის სისტემით. თითოეულ სტუმარს რიგში თავისი მანიშნებელი ექნება.

გამოყენების შემდეგ ჭურჭელი უნდა გაირეცხოს ორჯერ არანაკლებ 40 გრადუსის ტემპერატურის წყლითა და სარეცხი საშუალებით, შემდეგ გაივლოს არანაკლებ 65 გრადუსის ტემპერატურის გამდინარე წყლით.

ბარებშიც ჭიქები უნდა გაირეცხოს ცხელი წყლით, სარეცხი საშუალების გამოყენებით.

სასტუმროებში თეთრეული უნდა იცვლებოდეს საჭიროების მიხედვით. ის უნდა განთავსდეს სპეციალურ ტარაში და გაირეცხოს მხოლოდ სამრეცხაოში, სადაც შეფუთული სახით მიეწოდება.

სამრეცხაოში უნდა გამოირიცხოს ჭუჭყიანი და სუფთა თეთრეულის ნაკადების გადაკვეთა. თეთრეული უნდა გაირეცხოს არანაკლებ 60 გრადუსის ტემპერატურაზე.

სასტუმროში განთავსებული ღია და დახურული საცურაო აუზები

სასტუმროების აუზებში ბანაობა დაშვებულია, თუმცა აუზის ყოველ 6 კვადრატული მეტრი ფართობზე ერთი ადამიანი დაიშვება.

აუზები უნდა შეესაბამებოდეს ჰიგიენის წესებს, აუცილებელია წყლის განახლება.

ყოველი გამოყენების შემდეგ ყველა შეზლონგს უნდა ჩაუტარდეს დეზინფექცია, პირსახოცები უნდა შეიფუთოს ერთჯერად შეფუთვაში, გამოყენების შემდეგ რჩება ადგილზე. მომსახურე პერსონალი, აღჭურვილი ხელთათმანებით, ნიღბით, სპეცფეხსაცმლითა და ხალათით, პირსახოცებს აგროვებს ერთჯერად პარკში და განათავსებს ნიშანდებულ კონტეინერში.

შეზლონგებს შორის უნდა იყოს დაცული ორმეტრიანი დისტანცია. დისტანციის დარღვევა შესაძლებელია, თუ ვიზიტორს 12 წლამდე ასაკის ბავშვი ახლავს. იკრძალება შეზლოგნებისთვის განკუთვნილი რბილი, შეწოვადი გადასაფარებლების გამოყენება.

სასტუმროებში აღარ იქნება საბავშვო ზონები, აიკრძალება სპორტდარბაზების გამოყენება, სასტუმროებში აღარ იფუნქციონირებს სპორტული და გასართობი ზონები.

ნომრების დალაგება

ნომრების დალაგება დასაშვებია მხოლოდ მაშინ, როდესაც ვიზიტორი არ იმყოფება ნომერში. თავიდან უნდა დასუფთავდეს შედარებით სუფთა, შემდეგ უფრო დაბინძურებული არეები. დაუშვებელია მშრალი დაგვა და მტვრის გადაწმენდა, რათა თავიდან იქნას აცილებული მტვრისა და მიკროორგანიზმების მოხვედრა ჰაერში და სუფთა ზედაპირებზე.

დალაგებისა და დეზინფექციის ყოველი პროცედურის დასრულების შემდგომ სპეციალურ სააღრიცხვო ფორმაში უნდა გაკეთდეს შესაბამისი აღნიშვნა.

69
თემები:
COVID-19 საქართველოში
ტურისტები თბილისში

ტურიზმი პირბადით: რა გამოწვევების წინაშეა სექტორი კორონავირუსის პანდემიის გამო 

78
(განახლებულია 09:35 30.05.2020)
რა მდგომარეობაა დღეს ტურიზმის სფეროში და როგორია სამომავლო პროგნოზი - Sputnik საქართველოსთან საქართველოს ბიზნეს ასოციაციის ტურიზმის კომიტეტის თავმჯდომარე და კომპანია „ სილქ როუდ ჯგუფის“ უძრავი ქონების მიმართულების დირექტორი გიორგი მარი საუბრობს.

კორონავირუსის პანდემიამ ტურიზმის სექტორში ტოტალური კოლაფსი გამოიწვია, ეს ეხება როგორც შიდა, ასევე გარე, შემომყვან ტურიზმს და მასთან მეტ-ნაკლებად დაკავშირებულ ყველა სეგმენტს: საკვები პროდუქტების მომარაგებას, რესტორნებს, სასტუმროებს და ა შ.  დღეს ძირითადი პრობლემა არის ის, რომ  კომპანიებს, რომლებიც ტურიზმის მიმართულებით მუშაობენ და ამ სექტორში საკმაოდ დიდი ინვესტიციებიც აქვთ განხორციელებული, არა აქვთ ფაქტიურად შემოსავლის წყარო. ძალიან ბევრ რესტორანსა და სასტუმროს ბანკებიდან აქვს აღებული სესხი, რომელთა მომსახურებაც უჭირს. ისინი ვერ იხდიან გადასახადებსაც, აქედან გამომდინარე მთავარი საკითხი რაც დღეს ყველას აინტერესებს არის ის,  თუ როდის ამუშავდება სრული დატვირთვით სექტორი და რა შედეგებს მიიღებენ კომპანიები. უკვე ვიცით, რომ სასტუმროები ივნისის შუა რიცხვებიდან ნაწილობრივ გაიხსნება, ხოლო ივლისიდან კი უკვე სრულად ამუშავდება,

- რამდენად დაეხმარება მთავრობის მიერ ტურიზმის სექტორისთვის შემოღებული  შეღავათები კომპანიებს, თუნდაც ქონების გადასახადის გაუქმება, საშემოსავლოს გადავადება, სახელმწიფო გარანტიები და რამდენად საკმარისია ისინი?

- რა თქმა უნდა ეს ყველაფერი მისასალმებელია და რაც უფრო მეტი გაკეთდება სახელმწიფოს მხრიდან, უკეთესი იქნება, თუმცა ისიც უნდა გვესმოდეს, რომ მთავრობას არა აქვს უძირო ჭა, საიდანაც  ფულს ამოიღებს  და დაანაწილებს.  ქონების გადასახადს კომპანიების უმეტესობა მთელი წლის განმავლობაში აგროვებდა ან ბანკისგან სესხულობდა და აპრილში  იხდიდა.. წელს ამ გადასახადის გაუქმებით შესაძლებელი გახდა უკვე ამ თანხების სხვა მიმართულებით დახარჯვა. საშემოსავლო გადასახადის წლის ბოლომდე გადავადებას რაც შეეხება, აქაც იმედი უნდა ვიქონიოთ, რომ საერთოდ გაუქმდება. რაც საშუალებას მისცემს სასტუმროებს და რესტორნებს რაც შეიძლება დიდხანს შეინარჩუნონ ის მომსახურე პერსონალი, რომელიც გააჩნიათ და თუნდაც შემცირებული ხელფასები უხადონ. ჩვენი კომპანიის მაგალითზე  გეტყვით,  რომ ჩვენ შევძელით სასტუმროების თანამშრომლების ძალიან დიდი ნაწილი დაგვეტოვებინა 3-4 თვის ვადით და განახევრებული ხელფასით. ეს ასევე მნიშვნელოვანია შემდეგი ეტაპისთვის, როდესაც ტურიზმი ისევ ჩაერთვება ეკონომიკაში, რათა რაც შეიძლება სწრაფად გახდეს ამ ობიექტების ამუშავება შესაძლებელი. ეს არის ხალხი, რომლთა გადამზადებაზეც საკმაოდ დიდი თანხებია დახარჯული და ამიტომ, მნიშვნელოვანია რომ ისინი რამენაირად შევინარჩუნოთ.

- როგორ უნდა იმუშაოს სექტორმა  მოდით ასე ვთქვათ,  პირბადეების  პირობებში?

თავიან ეს ყველაფერი გარკვეულ სირთულეებთან იქნება დაკავშირებული და პირველ ეტაპზე ყველას მოგვიწევს ამ ახალ რეალობასთან შეგუება. სასტუმროებსა და რესტორნებს გაეზრდებათ ხარჯები დალაგების, დასუფთავების და დეზინფიცირების მიმართულებით. თუმცა ისიც უნდა ითქვას, რომ სასტუმროების ძალიან დიდმა ნაწილმა, მათ შორის ჩვენს ჯგუფში შემავალმა სასტუმრო „წინანდალმა“, იქიდან გამომდინარე რომ მოახდინა საკარანტინე ზონების ორგანიზება, შეიძინა  საკმაოდ დიდი გამოცდილება, თუ როგორ უნდა მოხდეს სასტუმროებში სწორად ჰიგიენის დაცვა და დასუფთავების პროცედურები როგორ უნდა ჩატარდეს.

- რამდენად პერსპექტიულია საქართველოს ტურისტებისთვის ე.წ. „მწვანე ზონად" გამოცხადების იდეა? 

- „მწვანე ზონაზე“ არა მხოლოდ საქაართველოში საუბრობენ, არამედ ევროპაშიც, ამიტომ, ის რომ ჩვენ რაღაც საშიანაო დავალება შეავასრულეთ ამ ეპიდემიასთან დაკავშირებით, ამის შესაძლებლობას ჩვენთანაც იძლევა, და მიმდინარეობს კიდეც უკვე ამ მიმართულებთ მოლაპარაკებები, მაგალითად ისრაელთან. გასაგებია, რომ პირველ ეტაპზე ტურისტების შეზღუდული რაოდენობა იქნება, მაგრამ მთავარია რომ დასაწყისი არის.  

ასევე ძალიან დიდი ნაწილი ჩვენი ტურისტების - 75 % ჩამოდის მეზობელი ქვეყნებიდან, ეს არის თურქეთი აზერბაიჯანი სომხეთი და რუსეთი. ისინი ძირითადად ავტომანქანებით შემოდიან და თუ მოხერხდა ამ ქვეყნებთან სიტუაციის დარეგულირება, შესაძლებელია საქართველოში ტურისტების საკმაოდ დიდი ნაკადები შემოვიდეს. თუმცა ეს იმაზეა დამოკიდებული რამდენად მოახერხებენ ეს ქვეყნები  ეპიდემიასთან გამკლავებას, ისიც გასაგებია რომ იქიდან ჩამოსული  ტურისტები შედარებით ნაკლებს ხარჯავენ საქართველოში, მაგრამ ისევ და ისევ ესეც რაღაც დასაწყისია და საკმაოდ ოპტიმისტურად ვუყურებთ ამას.

ამავე დროს საქართველოს უსაფრთხო ზონად გამოცხადება გარკვეულ რისკებთანაც არის დაკავშირებული.  ბევრი მსურველი გამოჩნდება გამოიქცეს იმ ქვეყნებიდან სადაც უფრო ცუდი ეპიდსიტუაციაა. აქედან გამომდინარე საჭიროა საზღვრებზე მოხდეს ტურისტების  ტესტირება, წინააღმდეგ შემთხვევაში დაავადების გავრცელების რისკი ისევ არსებობს.

- როგორია სამომავლო პროგნოზი სექტორის განვითარების კორონავირუსის პირობებში და  კიდევ რას სახის შეღავათები იქნებოდა სასურველი ამ ბიზნესებისთვის მტავრობის მხრიდან? (ტურისტული კომპანიები, რესტორნები, სასტუმროები) 

უახლოესი მომავალი- 2020 წელი საკმაოდ მძიმე იქნეაბა, არის ვარაუდი რომ დაახლოებით 65 %-ით შემცირება შემოსავლები ტურიზმიდან და მომავალი წელიც შემცირებული იქნება, თუმცა ვვარაუდობთ რომ 2022 წლის შუაში დავუბრუნდებით იგივე ნიშბულს რაც 2018-ში იყო საქართველოში და შემდეგ უკვე გაგრძელდება ზრდა. ისიც უნდა ითქცვას რომ, არის საკმაოდ დიდი დაინტერესება მეზობელი ქვეყნებიდან,რომ საზღვრების გახსნისთანავე ჩამოვიდნენ.

- რა ზარალი შეიძლება მიადგეს სახელმწიფოს ჩავარდნილი ტურიზმისგან?

ტურიზმიდან საქართველოში 2019 წელს შემოვიდა 3, 2 მილიარდი დოლარი და თუ იმას გავითვალისწინებთ რომ ქყვეყანას შემოსავალი აქედაბ დაააკლდება 60-65 %, მაშინ საკმაოდ დიდი თანხებზეა საუბარი, თუმცა უნდა გავითვალსიწინოთ ისიც რომ ამ 3, 2 მილიარდიდან ნახევარი მოდის იმპორტირებულ საქონელზე, ანუ ტურისტი ჩამოდის საქართველოში და ფულს იხდის იმაში რაც უცხოეთიდან შემოდის, იქნება ეს პროდუქტი თუ სხვა საქომელი ამიტომ მთლიანად ეს 3, 2 მილიარდი არ უნდა ვიანგარიშოთ. ამავე დროს, თუ იმას გავითალისწინებთ რა დახმარების შემოდინებაც იგეგმება უცხოეტიდან ზოგადად საგადამხდელო ბალანსზე ეს გავლენას არ მოახდენს.

 

ნატა პატარაია

78
კახა მამულაშვილი ნიკოლოზ მამულაშვილი

„მე და მაროს დაქალები ბათუმისკენ“ - მამულიჩა შვილის მეგობრებთან ერთად მოგზაურობს

0
(განახლებულია 11:11 31.05.2020)
კახა მამულაშვილმა ერთადერთი ქალიშვილის და მისი ერთგული მეგობრების განებივრება დაიწყო. პოპ-დივას პროდიუსერმა მარიამი და გოგონები ზღვისპირა ქალაქისკენ გააშურა

მიუხედავად იმისა, რომ მარიამ მამულაშვილის მშობლები გაწერილი გრაფიკით მუშაობენ, გოგონასთვის თავისუფალი დროის მონახვა არ უჭირთ. წლების მანძილზე მარიამი ბებია-ბაბუასთან ცხოვრობდა. თუმცა, როგორც თავად აღნიშნავს, ამ ყველაფერმა მშობლების მიმართ უფრო თბილად განაწყო. გოგონა სტუდენტობამდე სულ ერთი ნაბიჯით დარჩა. სოციალური ქსელიდან ირკვევა, რომ მარიამი ფოტოგრაფიითაა გატაცებული. ის საკუთარი ხელით შექმნილ დედის შავ-თეთრ პორტრეტებს ხშირად ასაჯაროებს.

View this post on Instagram

1-2-3-4

A post shared by Kakhi Mamulashvili.Mamulicha (@mamulicha888) on

კორონავირუსის პანდემიის გამო ლელა წურწუმიას დაგეგმილი კონცერტები რამდენიმე თვით გადაიდო. ამიტომ, ოჯახი ისევ გაერთიანდა. ვირუსის მიზეზით თვითიზოლირებულმა ლელამ მოტოციკლეტის მართვაც კი ისწავლა. ახლა კი, მოგზაურობის დრო დადგა. ქვეყანაში შიდა ტურიზმი ნელ-ნელა ფხიზრლდება, ქვეყანა ჩვეულ რიტმს უბრუნდება. ამაში კი ქვეყნის მოქალაქეების როლი განსაკუთრებულად მნიშვნელოვანია. მამულიჩამ მარიკოს სამეგობრო წრე შეკრიბა და ბათუმში დროის გასატარებლად ჩაიყვანა. ასე გამოიყურებიან მამა და ქალიშვილის დაქალები...

View this post on Instagram

მე და მაროს დაქალები ბათუმისკენ👌

A post shared by Kakhi Mamulashvili.Mamulicha (@mamulicha888) on

ქართველი პოპ-დივა და მისი პროდიუსერი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს. ლელას და მის მეორე ნახევარს თაყვანისმცემლების არმია ჰყავთ. მამულიჩას და ლელას ყველაზე მეტად ის ახარებთ, რომ მათ მიერ ჩაწერილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ.

View this post on Instagram

A post shared by Kakhi Mamulashvili.Mamulicha (@mamulicha888) on

ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს. მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა. წარმოუდგენელია – ლელა წურწუმია 51 წლისაა. საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა. აღსანიშნავია მამულიჩას შრომისმოყვარეობა. ლელას კონცერტებს დღემდე მისი ქმარი კურირებს. ბნელი 90-იანების დასაწყისში დაწყებული ბრწყინვალე კარიერა დღემდე წარმატებით გრძელდება.


0
თემები:
სელებრითების ცხოვრება