ნარიყალა

თბილისი ტურისტული ქალაქების მსოფლიო ფედერაციაში გაწევრიანდა

85
კახა კალაძემ ტურისტული ქალაქების მსოფლიო ფედერაციის წევრობის უპირატესობებზე ისაუბრა

თბილისი, 4 სექტემბერი – Sputnik. საქართველოს დედაქალაქი გაწევრიანდა ტურისტული ქალაქების მსოფლიო ფედერაციაში (WTCF), რომელიც მსოფლიოს თბილისს უკეთ გააცნობს, განაცხადა კახა კალაძემ დედაქალაქის მთავრობის სხდომაზე.

„აწარმოე საქართველოში“ დღეიდან ახალ პროგრამას იწყებს >>

WTCF 2012 წლის 15 სექტემბერს პეკინში დაფუძნდა. ეს არის მსოფლიოში პირველი საერთაშორისო ტურისტული ორგანიზაცია, რომელიც ქალაქების ტურისტული პოტენციალის განვითარებაზეა ორიენტირებული.

„მინდა გაგიზიაროთ ქალაქისთვის კიდევ ერთი სასიხარულო და საინტერესო სიახლე. ჰელსინკიში გაიმართა სამიტი სახელწოდებით „გონივრული ტურიზმი – ქალაქების განვითარებისა და ინოვაციების გზა“, რომელზეც ოფიციალურად წარადგინეს თბილისი ასოციაციის ახალი წევრის სახით“, – განაცხადა კალაძემ.

მერმა ორგანიზაციის წევრობის უპირატესობებზე ისაუბრა.

„ესაა აქტიური თანამშრომლობა წევრ ქალაქებს შორის ტურიზმის სფეროში, ახალი კავშირების დამყარება სხვადასხვა დარგობრივ ასოციაციასთან, თემატური და საქმიანი შეხვედრები, ტურისტული პროდუქტების გატანა და ცნობადობის ამაღლება და სხვ.“, – აღნიშნა კალაძემ.

თბილისისა და ბათუმის აეროპორტებში მგზავრთანაკადი 10%-ით შემცირდა >>

მერის განცხადებით, აუცილებელია ყველა შესაძლო საშუალების გამოყენება, რათა საქართველო, მისი დედაქალაქი, ღირსშესანიშნაობები და ტრადიციები მსოფლიომ გაიცნოს.

„ჩვენ უგემრიელესი სამზარეულო, ღვინო გვაქვს და, რაც მთავარია, სტუმართმოყვარე ადამიანები ვართ და ნებისმიერი ტურისტი, რომელიც აქ ჩამოდის, აუცილებლად ბრუნდება თბილისში თავის მეგობრებთან და ოჯახთან ერთად. აი რატომ სჭირდება ტურიზმს დიდი მხარდაჭერა“, – ხაზი გაუსვა კალაძემ.

დღეისათვის WTCF–ში 218 წევრია, მათ შორის 145 მონაწილე ქალაქი, 73 ინსტიტუციური წევრი და 6 ფილიალი. ორგანიზაციის ინსტიტუციური წევრები მოიცავენ ტურისტულ სააგენტოებს, მასობრივ საინფორმაციო საშუალებებს, აეროპორტებს, ავიაკომპანიებს, სასტუმრო ჯგუფებს, კრუიზის კომპანიებს და ფინანსურ ფირმებს.

WTCF–ის ძირითადი მიმართულებაა – ქალაქის ცხოვრების გაუმჯობესება ტურიზმის მეშვეობით. ორგანიზაცია მომსახურებას უწევს თავის წევრებს, რომლებიც ტურიზმის მთელ ინდუსტრიულ ჯაჭვს აერთიანებენ. იგი ხელს უწყობს წევრებს შორის თანამშრომლობის გაღვივებას, ქალაქის ტურისტული პოტენციალის განვითარებაში დაგროვილი გამოცდილების ურთიერთგაზიარებას, ტურისტული პროდუქტებისა და რესურსების, ასევე ტურიზმის მსოფლიო ინდუსტრიის განვითარებასა და აყვავებას.

ტურიზმის ინდუსტრიაში მზარდი მიმზიდველობის, შესაძლებლობების, ლიდერობისა და გავლენის წყალობით WTCF მიჩნეულია სწრაფად მზარდ საერთაშორისო ტურისტულ ორგანიზაციად. 

85
თემები:
ტურიზმი საქართველოში (291)
სვანეთი

საქართველო ტურიზმის აღდგენას 2021 წლიდან დაიწყებს

80
(განახლებულია 20:04 18.11.2020)
National Geographic-მა საქართველოს ერთ-ერთი რეგიონი – მთაგორიანი სვანეთი მსოფლიოში საუკეთესო ტურისტულ მიმართულებად დაასახელა.

თბილისი, 18 ნოემბერი – Sputnik. საქართველოს მთავრობა ყველაფერს აკეთებს, რათა ტურიზმის სფეროში კრიზისი მინიმალური დანაკარგებით გადაიტანოს, განაცხადა საქართველოს ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა გავლენიანი გამოცემის კონკურსის შედეგების შეფასებისას. 

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა, ამიტომაც ტურიზმთან დაკავშირებული დარგების დახმარება საქართველოს მთავრობისთვის პრიორიტეტულია.

„პოსტპანდემიურ პერიოდში ბევრი და ხარისხიანი ახალი გამოწვევები იქნება, თუმცა სახელმწიფო და ბიზნესი მაქსიმალურად მობილიზებულია ამ კრიზისული პერიოდის მინიმალური დანაკარგებით დაძლევისთვის. და ეკონომიკური სტიმულირებისთვის მიღებული ზომები, რასაც საქართველოს მთავრობა პანდემიის პირველივე ეტაპიდან თანმიმდევრულად ახორციელებს, აქ მნიშვნელოვან როლს თამაშობენ“, – განაცხადა ნადარეიშვილმა.

მსოფლიოში ერთ-ერთმა ყველაზე გავლენიანმა ჟურნალმა National Geographic-მა სვანეთის რეგიონი 2021 წელს მსოფლიოს 25 საუკეთესო მიმართულებას შორის დაასახელა, რომელსაც ტურისტები პოსტპანდემიურ პერიოდში უნდა ეწვიონ.

„ის, რომ National Geographic-მა საქართველო და, კერძოდ, სვანეთი მსოფლიოში საუკეთესო ტურისტულ მიმართულებად დაასახელა, კიდევ ერთი სტიმულია ჩვენთვის, რათა 2021 წელს ტურისტული ინდუსტრიის აღდგენა დავიწყოთ“, – განაცხადა ნადარეიშვილმა. 

რთულ მდგომარეობაში მყოფი ტურისტული სექტორის დახმარება საქართველოს ხელისუფლებამ პანდემიის პირველივე დღეებში დაიწყო. ტურიზმთან დაკავშირებული 6 118 კომპანიისთვის 1 ნოემბრამდე ქონებისა და საშემოსავლო გადასახადები გაუქმდა.

გარდა ამისა, 2,2 ათასმა სასტუმრომ ექვსი თვის განმავლობაში საბანკო სესხების 80%-ის სუბსიდირება მიიღო. ამასთან კომპანიებს საკუთარი სესხების რესტრუქტურიზაციის შესაძლებლობა მიეცათ.

სახელმწიფო სააგენტომ „აწარმოე საქართველოში“ მცირე და საოჯახო სასტუმროების თანადაფინანსების მექანიზმის ფარგლებში განცხადებების მეოთხე ნაკადის მიღება დაიწყო. სააგენტო დაფარავს მეწარმეების სესხის პროცენტებს წლის განმავლობაში.

პროგრამის მიზანია დაეხმაროს საოჯახო, მცირე და საშუალო ტიპის სასტუმროებს კომერციული ბანკების წინაშე ფინანსური ტვირთის შემსუბუქებასა და ბაზარზე ოპერირების გაგრძელებაში.

80
თემები:
ტურიზმი საქართველოში (291)
უშგული

National Geographic: სვანეთი მოგზაურობისთვის საუკეთესო მიმართულება

79
(განახლებულია 21:08 17.11.2020)
ტურიზმის ეროვნული ადმინისტრაციის ცნობით, პანდემიის გამო წლევანდელი კონკურსის სლოგანია „იოცნებე ახლა, წადი მოგვიანებით“.

თბილისი, 17 ნოემბერი – Sputnik. მსოფლიოში ერთ-ერთმა ყველაზე გავლენიანმა სამოგზაურო გამოცემა National Geographic-მა სვანეთის რეგიონი 2021 წელს მსოფლიოს 25 საუკეთესო მიმართულებას შორის დაასახელა, რომელსაც ტურისტი პოსტპანდემიურ პერიოდში უნდა ეწვიოს. ინფორმაციას ტურიზმის ეროვნული ადმინისტრაცია ავრცელებს.

CNN-მა საქართველოში 10 საოცნებო ადგილი დაასახელა>>

გამოცემა საუკეთესო ტურისტულ მიმართულებებს ყოველი წლის ნოემბერში ასახელებს.

ტურიზმის ეროვნული ადმინისტრაცია აღნიშნავს, რომ კორონავირუსის პანდემიის გამო წლევანდელი კონკურსის სლოგანია „იოცნებე ახლა, წადი მოგვიანებით“.

25 საუკეთესო ტურისტული მიმართულების შერჩევაში გამოცემის გლობალური რედაქტორები იღებდნენ მონაწილეობას. მიმართულებები ხუთ კატეგორიად არის დაყოფილი: ბუნება, თავგადასავალი, კულტურა, სტაბილურობა და ოჯახი.

National Geographic-ის პორტალზე წარმოდგენილია სვანეთის ფოტოები და დეტალურად მოთხრობილია რეგიონის შესახებ.

„საქართველოს ჩრდილო-დასავლეთში მდებარე რეგიონი შუასაუკუნოვანი ქვის კოშკებით გამოირჩევა, რომელიც ერთდროულად საცხოვრებელ, ასევე თავდაცვით ზღუდეს წარმოადგენდა. ეს ციხე-სიმაგრეები იმ ეპოქის დასტურია, როდესაც სვანური ოჯახები პატარა სოფლებში საკუთარი მიწის შესანარჩუნებლად მამაცურად იბრძოდნენ. ერთ-ერთი მათგანია უშგული, რომელიც ევროპის ერთ-ერთი უმაღლესი დასახლებაა“, – წერს გამოცემა.

როდის შეძლებენ უცხოელი ტურისტები საქართველოში თავისუფლად სტუმრობას, ეპიდემიოლოგიური სიტუაციის გამო ამ დროისთვის უცნობია. ევროკავშირის საბჭომ განმარტა, რომ მოგზაურობაზე შეზღუდვების მოხსნის კრიტერიუმები გაერთიანების არაწევრი ქვეყნების მიმართ მოიცავს ეპიდემიური სიტუაციის შეფასებას, კორონავირუსის გავრცელებასთან ბრძოლის ეროვნულ ღონისძიებებს, ასევე ეკონომიკურ და სოციალურ ასპექტებს.

Vogue, Forbes და National Geographic მკითხველს საქართველოს აცნობენ>>

ამასთან ერთად, ევროკავშირის საბჭოს გადაწყვეტილებით, საქართველო ე.წ. უსაფრთხო ქვეყნების სიიდან ამოიღეს.

ქვეყანაში ბოლო პერიოდში კორონავირუსი მეტად გაძლიერდა. დაავადებულთა რაოდენობა ბოლო დღე-ღამეში 3.117-ით გაიზარდა და ინფიცირებულთა საერთო რიცხვმა 85.952-ს მიაღწია. ამ დროისათვის სულ გამოჯანმრთელდა 68.929 ადამიანი, გარდაიცვალა 778 პაციენტი.

79
თემები:
ტურიზმი საქართველოში (291)
ეპიდემია. ადამიანები პირბადეებით

ზახაშვილი: კოვიდგადატანილმა ადამიანმაც უნდა დაიცვას დისტანცია და ატაროს ნიღაბი

0
(განახლებულია 13:05 24.11.2020)
ზახაშვილის განმარტებით, როდესაც ადამიანი კორონავირუსისგან გამოჯანმრთელდება, მისი აცრა  ნებისმიერი ვაქცინითაა შესაძლებელი

თბილისი, 24 ნოემბერი - Sputnik. არ არის გამორიცხული, ადამიანი კორონავირუსით ხელმეორედ დაინფიცირდეს, ამიტომ კოვიდგადატანილმა ადამიანმაც უნდა დაიცვას დისტანცია და ატაროს ნიღაბი, განაცხადა  დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა ტელეკომპანია პირველი არხის ეთერში.

ზახაშვილის განმარტებით, მსოფლიოში არსებობს კორონავირუსით ხელმეორედ დაინფიცირების რამდენიმე მაგალითი.

„შესაძლებელია და ყველას გვაქვს შანსი, ცხოვრებაში რამდენჯერმე შევხვდეთ გარკვეულ ცვლილებებაგანცდილ ვირუსს, რაც გამოიწვევს ხელმეორედ დაავადებას“, – განაცხადა ზახაშვილმა.

როგორც მან აღნიშნა, იმ მომენტიდან, როგორც კი ექიმი კორონავირუსით ინფიცირებულს  გამოჯანსაღებულის სტატუსს აძლევს, მისი აცრა შესაძლებელია ნებისმიერი ვაქცინით, მათ შორის გრიპის საწინააღმდეგო სეზონური ვაქცინით.

„ერთადერთი უკუჩვენება ნებისმიერი ვაქცინაციის კოვიდთან მიმართებით არის დაავადების მწვავე პერიოდი. იქამდე, სანამ შემთხვევა ექიმის მიერ განიხილება, როგორც მწვავე, მისი აცრა არ უნდა მოხდეს არც გრიპის ვაქცინით, არც სხვა გეგმური ვაქცინაციით, რომლითაც იცრებიან ჩვენს ქვეყანაში ბავშვები“, – განაცხადა ხათუნა ზახაშვილმა.

კოვიდ - სტატისტიკა საქართველოში: დედაქალაქში კვლავ ყველაზე მეტი შემთხვევაა>>

საქართველოში კორონავირუსისგან ბოლო 24 საათში 3 045 პირი გამოჯანმრთელდა, ხოლო ჯამში გამოჯანმრთელებულთა რაოდენობა 92 215-მდე გაიზარდა.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა კი 111 818-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში