რამდენს ხარჯავენ ქართველი ტურისტები უცხოეთში

126
ყველაზე მეტ ვიზიტს საქართველოს მოქალაქეები თურქეთსა და აზერბაიჯანში ახორციელებენ

თბილისი, 27 აგვისტო — Sputnik. მიმდინარე წლის II კვარტალში საქართველოს ფარგლებს გარეთ გასულმა ყოველმა მესამე საქართველოს მოქალაქემ მოგზაურობის მიზეზად მეგობრებისა და ნათესავების მონახულება დაასახელა, ნათქვამია „საქსტატის“ მასალებში.

სულ 2019 წლის აპრილ-ივნისში უცხოეთში 780,1 ათასი ადამიანი გაემგზავრა, საიდანაც 60,4% ტურისტულად მოგზაურობდნენ. საშუალოდ ქართველმა ტურისტებმა უცხოეთში 3,8 ღამე გაათენეს.

რატომ არ ვითარდება შიდა ტურიზმი საქართველოში >>

საქართველოს მოქალაქეთა უმრავლესობამ მოინახულა თურქეთი (44,3%), აზერბაიჯანი (20,4%) და სომხეთი (10,9%).

ნაცნობების მონახულების გარდა, საქართველოს მოქალაქეები უცხოეთში მოემგზავრებიან საშოპინგოდ, სამუშაო ან ბიზნეს-ვიზიტით.

2019 წლის მეორე კვარტალში საქართველოს მოქალაქეთა უცხოეთში მოგზაურობის მიზნები

მოგზაურობის მიზანი ტურისტების რაოდენობა - ათასი ადამ. წილი ტურისტების საერთო რაოდენობიდან - %
მეგობრებისა და ნაცნობების მონახულება  209,5          37,3
შოპინგი

147,6

26,3
პროფესიული საქმიანობა  102,1 18,2
დასვენება         71,9 12,8
მკურნალობა 19,3 3,4
სხვა  10,7 1,9

საქართველოს მოქალაქეებმა მეორე კვარტალში უცხოეთში 617,5 მლნ ლარი დახარჯეს. თითოეული ქართველი მოგზაური საშუალოდ ერთ ვიზიტზე 1100 ლარს ხარჯავდა. ყველაზე მეტ თანხას კი კვებაზე, საყიდლებსა და განთავსებაზე ხარჯავდნენ.

 

საქართველოს მოქალაქეების ხარჯები უცხოეთში 2019 წლის მეორე კვარტალში

ხარჯების დასახელება ხარჯები - მლნ ლარი წილი საერთო ხარჯებში - % ხარჯები ვიზიტის დროს - ლარი
საყიდლები      206,5 33,4  368,0
კვება         177,1 28,7 315,7
განთავსება        116,7         18,9  207,8
კულტურა და ექსკურსიები 48,6  7,9    86,6
ადგილობრივი ტრანსპორტი 28,8 4,7 51,4
სხვა ხარჯები 39,9  6,5    71,2

2019 წლის მეორე კვარტალში უცხოელებმა საქართველოს 2,2 მილიონჯერ მოინახულეს, რაც გასული წლის ანალოგიურ პერიოდთან შედარებით 13,4%-ით მეტია. უცხოელმა მოგზაურებმა საქართველოში საერთო ჯამში 2,4 მლნ ლარი დახარჯეს.

126
თემები:
ტურიზმი საქართველოში (226)
ამირან გამყრელიძე

რომელი ქვეყნებიდან ვერ მიიღებს საქართველო ტურისტებს - ამირან გამყრელიძე

61
(განახლებულია 21:01 28.05.2020)
საქართველო 1 ივლისიდან საერთაშორისო ტურისტების მიღებას გეგმავს, ხოლო 15 ივნისიდან კი შიდა ტურიზმის გახსნაა დაანონსებული.

თბილისი, 28 მაისი — Sputnik. კორონავირუსით მაღალდაზიანებული ქვეყნებიდან საქართველო ტურისტებს ჯერჯერობით ვერ მიიღებს, განუცხადა საზოგადოებრივი მაუწყებლის პირველ არხს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

საქართველო 1 ივლისიდან საერთაშორისო ტურისტების მიღებას გეგმავს, ხოლო 15 ივნისიდან კი შიდა ტურიზმის გახსნაა დაანონსებული.

„რა თქმა უნდა, ჯერ ვერ მივიღებთ ტურისტებს მაღალდაზიანებული ქვეყნებიდან. მიმდინარეობს მუშაობა იმ პროტოკოლზეც, როგორი უნდა იყოს ტურისტების მიღებისა და მათზე ეპიდზედამხედველობის დაკვირვების სისტემა, რათა მინიმუმამდე დავიყვანოთ ქვეყანაში ინფექციის შემოტანის რისკი. მოდით, ამ კითხვაზე პასუხს დავუბრუნდეთ ერთი კვირის, 10 დღის შემდეგ, როცა ამ საკითხზე უფრო მეტად ვიქნებით ჩამოყალიბებული“, - განაცხადა ამირან გამყრელიძემ.

მისივე თქმით, დაავადებათა კონტროლის ცენტრს აქვს თავისი რეკომენდაციები, მაგრამ საბოლოო გადაწყვეტილებას იღებს საკოორდინაციო საბჭო. 

„ჩამოვყალიბდებით წესებზე, რომელიც დამტკიცდება შესაბამისი მარეგულირებელი აქტით“, – აღნიშნა გამყრელიძემ.

პანდემიის გამო ახალი გამოწვევების ფონზე ხელისუფლების მიერ შემუშავებული კონცეფციის თანახმად, საქართველო იმიჯს შეიცვლის და პოზიციონირდება როგორც უსაფრთხო ქვეყანა.

ტურისტების მიღებამდე საქართველოს ხელისუფლება ტურიზმის მსოფლიო ორგანიზაციისა და ჯანმოს მიერ რეკომენდებული უსაფრთხოების სტანდარტების დანერგვას უზრუნველყოფს. ეს შეეხება როგორც აეროპორტებსა და საკონტროლო-გამშვებ პუნქტებს, ისე სასტუმროებს, გიდების მომსახურებას, კვების ობიექტების, ასევე ნებისმიერი სახეობის ტრანსპორტის მუშაობას.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი >>

საქართველოში ჩამოსული ტურისტები ე.წ. „მწვანე ზონებში“ დაისვენებენ. ტურისტული სექტორი და სასტუმროები უსაფრთხოების წესების დაცვის მიზნით ტურიზმის მსოფლიო ორგანიზაციისა და ჯანდაცვის მსოფლიო ორგანიზაციის მიერ შემუშავებულ სპეციალურ რეკომენდაციებს მიიღებენ.

მთავრობის გეგმის მიხედვით, საქართველოში ჩამოსული ტურისტები დაისვენებენ ისეთ კურორტებზე, როგორიცაა წყალტუბო, ბორჯომი, აბასთუმანი, ბაკურიანი, გუდაური, ბათუმი და ა.შ.

61
თემები:
COVID-19 საქართველოში
ღამის კლუბი

როდის გაიხსნება საქართველოში ღამის კლუბები

41
(განახლებულია 16:50 28.05.2020)
ღამის კლუბებისთვის რაიმე სახის ანტიკრიზისული შეღავათების დაწესება არ იგეგმება, განაცხადა ეკონომიკის მინისტრმა.

თბილისი, 28 მაისი — Sputnik. საქართველოში ტურისტული ინდუსტრია ათ დღეში თითქმის მთლიანად გაიხსნება, რასაც ღამის კლუბების გახსნაც მოჰყვება, განაცხადა ქვეყნის ეკონომიკისა და მდგრადი განვითარების მინისტრმა ნათია თურნავამ.

რომელი შეზღუდვის მოხსნაა ყველაზე მეტად სარისკო - თენგიზ ცერცვაძის მოსაზრება>>

მისი თქმით, მთავრობა აცნობიერებს, რომ ნებისმიერ ბიზნესს სურს, რაც შეიძლება მალე შეუდგეს ნორმალურ მუშაობას.

„აბსოლუტურად გაგებით ვეკიდებით მოთხოვნას, რაც მოდის, მათ შორის, ღამის კლუბებისგან, რადგან ღამის კლუბები, ღამის ეკონომიკა, გართობის ინდუსტრია – არის ჩვენი ტურისტული ინდუსტრიის ნაწილი. თქვენ ხედავთ, რომ ჩვენ შევძელით და ეპიდემიის ეფექტური მართვის შედეგად მოვახერხეთ და უფრო სწრაფად ვხსნით ეკონომიკას. ფაქტობრივად, მომდევნო ათ დღეში მთლიანად, თითქმის 99%-ით ტურისტული ინდუსტრია გაიხსნება. დარწმუნებული ვარ, რომ ამას სულ მალე მოჰყვება ღამის კლუბების გახსნა“, – განუცხადა თურნავამ ჟურნალისტებს.

ამ ეტაპზე ღამის კლუბებისთვის სექტორული შეღავათები არ განიხილება, აღნიშნა მინისტრმა. შეღავათები გათვალისწინებულია ყველაზე დაზარალებული სფეროებისთვის, რომლებსაც კვლავ ამუშავებისა და ფეხზე დადგომისთვის დრო დასჭირდებათ.

ასეთი სფეროა ტურიზმი, რადგან ამ დარგის გახსნა საკმარისი არ არის. დროა საჭირო, რომ ამ სფეროში დასაქმებულმა ადამიანებმა შეძლონ იმ დონეზე ასვლა, როგორზეც პანდემიამდე იყვნენ, აღნიშნა თურნავამ. მინისტრმა ერთ-ერთ ყველაზე დაზარალებულ სფეროდ ასევე დაასახელა სოფლის მეურნეობა, რადგან შემცირდა როგორც ექსპორტის, ისე იმპორტის მოთხოვნა. დაზარალდა სამშენებლო ბიზნესიც.

„რაც შეეხება ღამის კლუბებს, ამ ეტაპზე სექტორული შეღავათი არ განიხილება. ჩვენ მოვისმენთ თითოეული დარგის არგუმენტებს, ვამუშავებთ პოსტკრიზისულ გეგმას და ვნახოთ, როგორი იქნება ამ თვალსაზრისით ჩვენი გადაწყვეტილება“, – განაცხადა თურნავამ.

ქვეყანაში 29 მაისიდან ამუშავდება საზოგადოებრივი ტრანსპორტი. მაღაზიები, მათ შორის სავაჭრო ცენტრები 1 ივნისიდან გაიხსნება. ღია რესტორნები მუშაობის განახლებას ასევე 1 ივნისიდან შეძლებენ, ხოლო დახურული დაწესებულებები – 8 ივნისიდან.

41
თემები:
COVID-19 საქართველოში
ჯარიმა პარკირების წესების დარღვევისთვის

საჯარიმო ქვითრის ჩაბარების პროცედურა იცვლება

45
მოქმედი კანონმდებლობით, გზავნილის განმახორციელებელი ვალდებულია, პირის რეგისტრაციის მისამართზე მიიტანოს გზავნილი და ჩაუბარებლობის შემთხვევაში, შესაბამისი წერილობითი უკუგზავნილი შეადგინოს.

თბილისი, 28 მაისი – Sputnik. პირებს, რომლებიც საჯარიმო ქვითრის ჩაბარებისას მის მიღებაზე უარს ორჯერ განაცხადებენ, ქვითრის ჩაბარება მაინც ჩაეთვლებათ, იუწყება საზოგადოებრივი მაუწყებლის პირველი არხი.

შესაბამისი ცვლილებები „ადმინისტრაციულ სამართალდარღვევათა კოდექსში“ შედის, მათი ინიციატორები ზაზა გაბუნია, მერაბ ქვარაია, კობა ლურსმანაშვილი და გოგა გულორდავა არიან.

ინიციატორების განმარტებით, ცვლილებების მომზადების მიზეზი არსებული პრაქტიკაა, რომელიც ცხადყოფს, რომ ჯარიმების აღსრულების მოქმედი მექანიზმი ეფექტური არ არის. კერძოდ, პრობლემურია პირისთვის საჯარიმო ქვითრის ჩაბარების პროცედურა.

„სამართალდამრღვევი მიმართავს სხვადასხვა ხერხს, რათა ხანდაზმულობის ვადის გასვლამდე, რომელიც მოქმედი კანონმდებლობით ექვს თვეს შეადგენს, თავი აარიდოს საჯარიმო ქვითრის ჩაბარებას. არსებული მონაცემებით, კალენდარული წლის განმავლობაში დაფიქსირებულ სამართალდარღვევებთან დაკავშირებით გაცემული ჯარიმების რაოდენობის მხოლოდ დაახლოებით 50 პროცენტის აღსრულება ხდება. შესაბამისად, აღნიშნული ნათლად წარმოაჩენს აღწერილი აღსრულების მექანიზმის არაეფექტურობას“, – აღნიშნულია კანონპროექტის განმარტებით ბარათში.

კანონპროექტის თანახმად, საჯარიმო ქვითარი ჩაბარებულად ჩაითვლება იმ შემთხვევაშიც, თუ მის მიღებაზე უარს იტყვიან სამართალდამრღვევი პირის ოჯახის წევრები. ესენი კი არიან – მეუღლე, შვილი, ნაშვილები, შვილიშვილი, შვილიშვილის შვილი და მისი შვილი, მშობელი და მშვილებელი, და, ძმა, დისწული, ძმისწული და მათი შვილები, ბებია და პაპა, ბებიის დედ-მამა და პაპის დედ-მამა, ბიძა, დეიდა, ბიცოლა, მამიდა და მასთან მუდმივად მცხოვრები სხვა სრულწლოვანი პირი.

მოქმედი კანონმდებლობით, გზავნილის განმახორციელებელი ვალდებულია, პირის რეგისტრაციის მისამართზე მიიტანოს გზავნილი და ჩაუბარებლობის შემთხვევაში, შესაბამისი წერილობითი უკუგზავნილი შეადგინოს.

45
თემები:
ტრანსპორტი საქართველოში