შალვა ალავერდაშვილი

ალავერდაშვილი: რუსი ტურისტები აღარ გვეკონტაქტებიან, უბრალოდ, ჯავშანს აუქმებენ

627
(განახლებულია 15:00 09.07.2019)
ასოციაციის თავმჯდომარემ პოლიტიკოსებს მოუწოდა, საკუთარი ამბიციების გამო ქვეყანა არ დაღუპონ.

თბილისი, 9 ივლისი — Sputnik. ტელეკომპანია „რუსთავი2"-ის წამყვანის გამოსვლის შემდეგ რუსი ტურისტები კონტაქტზე აღარ გამოდიან და უბრალოდ აუქმებენ ჯავშანს, დაწერა თავის Facebook-გვერდზე საქართველოს სასტუმროებისა და რესტორნების ფედერაციის დამფუძნებელმა შალვა ალავერდაშვილმა.

7 ივლისს ტელეკომპანია „რუსთავი 2"-ის ეთერში საავტორო გადაცემა „პოსტ-სკრიპტუმის" კვირის გამოშვება დაიწყო გადაცემის წამყვანის მონოლოგით, რომელმაც უცენზურო ლექსიკის გამოყენებით შეურაცხყოფა მიაყენა რუსეთის პრეზიდენტ ვლადიმირ პუტინს. გიორგი გაბუნია პირდაპირ ეთერში დაახლოებით წუთ-ნახევარი იგინებოდა.

აქციები რუსთაველზე გრძელდება: დილა დაძაბული ღამის შემდეგ>>

გაბუნიას გამოსვლა დაგმეს საქართველოს პრეზიდენტმა და პრემიერმა, პარლამენტის თავმჯდომარემ, თბილისის მერმა, საგარეო უწყებამ კი ჟურნალისტის გამოსვლა შეაფასა, როგორც ქვეყნებს შორის დაძაბულობის შეტანის მცდელობა.

„ყველას კარგად გვახსოვს, როგორ დაიწყო 2019 წელი. ჯერ იყო, ვირუსების გამო საკმაოდ დიდი ზარალი ნახა ტურიზმის სექტორმა, მერე თითქოს ფეხზე წამოდგომა დავიწყეთ, მაისმა იანვარი დააბალანსა, ივნისი უკვე თებერვალს ავსებდა და მერე მოხდა გავრილოვი... ცოტა რაღაცები გამოვასწორეთ, ცოტა მეტი ადამიანი დავარწმუნეთ იმაში, რომ მაინც საქართველოში დაესვენათ, ყველამ ერთად დავიჯერეთ, რომ შეგვიძლია, არ დავნებდეთ და ჩვენი შრომა შედეგს გამოიღებს და მერე იყო გუშინდელი განცხადება. დღეს დილიდან უკვე აღარც გვეკონტაქტებიან. უბრალოდ გვიუქმებენ ჯავშნებს", – დაწერა ალავერდაშვილმა.

მან აღნიშნა, რომ ის და მისი გუნდი ცდილობენ, ქართულ პროდუქციას მაქსიმალური პოპულარიზება გაუწიონ, ხელი შეუწყონ ქართული საწარმოების განვითარებას ქვეყნის ეკონომიკის გადარჩენის მიზნით.

„მთავრობა ხართ თუ ოპოზიცია, იქნებ, თქვენთვის იჩხუბოთ ერთმანეთში და ჩვენ გვაცადოთ საქმის კეთება და გპირდებით, ორივეს შეგინახავთ, ორივეს გეყოფათ ჩვენი გადახდილი გადასახადები, ორივე კარგად იქნებით, თუ ჩვენ დაგვაცდით ბიზნესის წარმოებას. თქვენ პარტიულ ვნებებს ნუ გადააყოლებთ ქვეყანას", – აღნიშნა ალავერდაშვილმა.

გაბუნიას სკანდალური გამოსვლა რუსეთთან ბოლო ათი წლის განმავლობაში ყველაზე სერიოზული გართულებული ურთიერთობების ფონზე მოხდა. თბილისის ცენტრში თითქმის სამი კვირაა საპროტესტო აქციები ტარდება თბილისში რუსი დეპუტატის სერგეი გავრილოვის ჩამოსვლის საპასუხოდ. ანტირუსული რიტორიკის კვალდაკვალ რუსეთის პრეზიდენტ ვლადიმირ პუტინის ბრძანებულებით, საქართველო−რუსეთს შორის ავიამიმოსვლები 8 ივლისიდან დროებით შეწყდა.

627
თემები:
გინება პირდაპირ ეთერში - სკანდალი Rustavi 2-ის ირგვლივ (49)
მაჭახელას ეროვნული პარკი

მაჭახელას ხეობაში ეთნოსოფელი შენდება

48
(განახლებულია 19:31 29.10.2020)
ეთნოსოფელი მდინარე მაჭახელას ულამაზეს ხეობაში შენდება და ის ტურისტებისთვის კიდევ ერთი მიმზიდველი ადგილი გახდება.

თბილისი, 29 ოქტომბერი – Sputnik. აჭარაში, მაჭახელას ხეობაში ეთნოსოფლის მშენებლობა დაიწყო, იუწყება „პირველი არხი“.

პროექტი მიმართულია ხეობის უნიკალური კულტურულ–ეთნოგრაფიული ფასეულობების, ისტორიისა და ტრადიციების მაქსიმალური დაცვისა და არსებული ლანდშაფტის შენარჩუნებისკენ.

ეთნოსოფელი შენდება ტურიზმის განვითარების, ეკონომიკური აქტივობის ზრდის, გარემოს დაცვისა და ასევე ადგილობრივი მოსახლეობის დასაქმების მიზნით.

პროექტი თანამედროვე სტანდარტების საინფორმაციო ცენტრის მშენებლობით დაიწყო. ის სრულად 2021 წლის სექტემბერში დასრულდება.

მაჭახელას საინფორმაციო ცენტრში მოეწყობა სამუშაო და საგამოფენო სივრცეები, ასევე საკონფერენციო დარბაზი.

მაჭახელას ეროვნული პარკი ფინანსურ დახმარებას მიიღებს>>

აღსანიშნავია, რომ გაეროს განვითარების პროგრამა მაჭახელას ხეობისთვის დაცული ლანდშაფტის სტატუსის მინიჭებაზე მუშაობს.

მაჭახელას ხეობა ბათუმიდან 20 კილომეტრში, ზღვის დონიდან 300–800 მეტრ სიმაღლეზეა და უნიკალური ბუნებით გამოირჩევა.

48
თემები:
ტურიზმი საქართველოში
ჩანჩქერი აჭარაში

აჭარაში განვითარდება ექსტრემალური ტურიზმი კანიონინგი

46
(განახლებულია 16:46 26.10.2020)
საქართველოში კანიონინგის პოპულარიზება დაიწყო – აჭარაში ტურიზმის ამ ექსტრემალური სახეობისთვის უკვე იქმნება შესაბამისი ინფრასტრუქტურა.

თბილისი, 26 ოქტომბერი – Sputnik. აჭარაში, სადაც ზღვასთან ერთად ულამაზესი მთები და ჩანჩქერებია, კანიონინგისთვის ინფრასტრუქტურის მოწყობა დაიწყეს, იუწყება რეგიონის ტურიზმისა და კურორტების დეპარტამენტის პრეს-სამსახური.

კანიონინგი – ესაა კანიონების გადალახვა მცურავი საშულებების გარეშე, სხვადასხვა ტექნიკის გამოყენებით: კლდეზე ცოცვა, თოკით დაშვება, წყალში ხტომა, ცურვა და სხვ.

კანიონინგისთვის ინფრასტრუქტურა უჩხოს ხეობაში 12 კასკადოვან ჩანჩქერზე ეწყობა. ამ ეტაპზე უკვე მოწყობილია 22 სადგური, სადაც თავგადასავლების მოყვარულები უჩხოს კილომეტრ-ნახევრიანი კანიონის დალაშქვრასა და ჩანჩქერებზე დაშვებას შეძლებენ.

„უჩხოსწყლის ხეობა გამორჩეულია კასკადოვანი ჩანჩქერების რაოდენობითა და ბიომრავალფეროვნებით, რამაც საშუალება მოგვცა, აჭარაში პირველად შეგვექმნა ტურისტული პროდუქტი კანიონერებისთვის. ჩანჩქერებიდან ყველაზე მაღალი, სადაც კანიონერები თოკით დაშვებას შეძლებენ, 25 მეტრია, რაც საკმაოდ მიმზიდველი იქნება ახალი ემოციებისა და თავგადასავლების მაძიებლებისთვის“, – განაცხადა აჭარის ტურიზმის დეპარტამენტის ტურისტული პროდუქტების განვითარების სააგენტოს ხელმძღვანელმა ლელა გოგუაძემ.

მისი თქმით, სააგენტოსთვის მნიშვნელოვანია უჩვეულო და საინტერესო ტურისტული პროდუქტების შექმნა მაღალმთიან აჭარაში, რაც მეტი რაოდენობის ტურისტებს მიიზიდავს.

პროექტი ხორციელდება ევროკავშირისა და გაეროს განვითარების პროგრამის ფინანსური მხარდაჭერით პროგრამა ENPARD-ს ფარგლებში.

აჭარის ტურიზმის დეპარტამენტის ტურისტული პროდუქტების განვითარების სააგენტო რეგიონის ტურისტული პოტენციალის გაზრდაზე 2015 წლიდან მუშაობს. სააგენტოს მიერ ამ დროისათვის აჭარაში მარკირებულია 15 ტურისტული მარშრუტი. მიმდინარეობს მუშაობა სხვა ტურისტული პროდუქტების შექმნაზეც.

46
თემები:
ტურიზმი საქართველოში
ანა მიქელაძე

ცესკო: ამომრჩეველთა აქტივობამ საპარლამენტო არჩევნებზე 56,11% შეადგინა

0
საქართველოში არჩევნები ჩატარებულად მიიჩნევა ამომრჩევლის ნებისმიერი რაოდენობის შემთხვევაში, კენჭისყრის დღის განმავლობაში საკუთარი ნება საარჩევნო ყუთთან 1 970 540–მა მოქალაქემ დააფიქსირა.  

თბილისი, 31 ოქტომბერი — Sputnik. საქართველოს მთელ ტერიტორიაზე საპარლამენტო არჩევნებში ამომრჩეველთა აქტივობა 20:00 საათის მონაცემებით 56,11%-ს აღწევს,  განაცხადა ცესკოა პრესსპიკერმა ანა მიქელაძემ ბრიფინგზე.

საია: კენჭისყრის პროცედურები მთელ რიგ უბნებზე მნიშვნელოვანი დარღვევებით მიმდინარეობდა >>

კერძოდ, კენჭისყრის დღის განმავლობაში საკუთარი ნება საარჩევნო ყუთთან 1 970 540–მა მოქალაქემ დააფიქსირა.  

შედარებისთვის, 2016 წელს საპარლამენტო არჩევნებზე 20:00 საათისთვის აქტივობამ შეადგინა 51,63%, ხოლო 2012 წელს – 60,8%.

დღევანდელ საპარლამენტო არჩევნებში სულ 3 526 023 ამომრჩეველი მონაწილეობს, რომელთაგან 3 511 853 საქართველოში ცხოვრობს, ხოლო დანარჩენი 14 170 უცხოეთის სახელმწიფოებში იმყოფებიან.

აღსანიშნავია, რომ საქართველოში არჩევნები ჩატარებულად მიიჩნევა ამომრჩევლის ნებისმიერი რაოდენობის შემთხვევაში.

საქართველოს მოქალაქეებმა ქვეყნის პარლამენტი შერეული სისტემით ბოლოჯერ აირჩიეს, სადაც 150 ადგილიდან 120 პროპორციული სისტემით, 30 კი მაჟორიტარულით გადანაწილდება. საქართველოში მომდევნო არჩევნები 2024 წელს მხოლოდ პროპორციული სისტემით ჩატარდება.

0
თემები:
საქართველოს საპარლამენტო არჩევნები 2020