რუსი ტურისტები აბანოთუბანში

რამდენს დაკარგავს საქართველო რუსული შეზღუდვების გამო

180
(განახლებულია 17:21 24.06.2019)
მთავრობამ რუსული ბაზრის შესანარჩუნებლად სტრატეგია უნდა შეიმუშაოს

თბილისი, 24 ივნისი – Sputnik. წინასწარი გათვლებით, რუსული სანქციების შემდეგ ზარალმა საქართველოში, შესაძლოა, 2,1 მილიარდ ლარს მიაღწიოს, განაცხადა საქართველოს სასტუმროებისა და რესტორნების ფედერაციის ხელმძღვანელმა შალვა ალავერდაშვილმა ორშაბათს პრესკონფერენციაზე.

თბილისში მიმდინარე საპროტესტო აქციების ფონზე, რუსეთის პრეზიდენტმა ვლადიმირ პუტინმა ბრძანებულება გამოსცა, რომლის თანახმად 2019 წლის 8 ივლისიდან იკრძალება რუსული ავიაკომპანიების ფრენები რუსეთიდან საქართველოს მიმართულებით. იქვე აღნიშნულია, რომ ეს დროებითი ზომებია, რომელიც უსაფრთხოების მიზნით არის მიღებული. გარდა ამისა, 8 ივლისიდან იკრძალება ქართული ავიაკომპანიების მიერ პირდაპირი ფრენების განხორციელება.

საქართველოს მიმართულებით ავიაბილეთი რუსეთის 3 ათას მოქალაქეს აქვს შეძენილი>>

ალავერდაშვილი მიიჩნევს, რომ მნიშვნელოვანია, მთავრობამ სწორი სტრატეგია შეიმუშაოს, ხოლო პოტენციური ზარალის შემცირებისთვის რუსული ბაზარი შეინარჩუნოს.

რამდენს ხარჯავენ რუსეთის მოქალაქეები საქართველოში

„ორი დღეა, 24-საათიან რეჟიმზე ვართ გადასულები. დავთვალეთ ციფრები და დღეს რომ სრულად ჩაიკეტოს ბაზარი და რუსი ტურისტები არ ჩამოვიდნენ, სავარაუდო ზარალი დაახლოებით 2,1 მილიარდი ლარი იქნება“, – განაცხადა ალავერდაშვილმა.

მისი თქმით, წლის დასაწყისიდან რუსეთის მოქალაქეებმა დაახლოებით 1,1 მლრდ ლარი დახარჯეს ჩვენს ქვეყანაში, რაც ტურისტების საერთო ხარჯის 33%–ია.

ალავერდაშვილის შეფასებით, ყველაზე დიდ დარტყმას მიიღებს აჭარა, შემდეგ კი დაბალბიუჯეტიანი სეგმენტი – თბილისში დარეგისტრირებული 22 ათასი ბინა. ამ ბინების 90%–ს რუსი ტურისტები ქირაობდნენ. 2018 წელს რუსი ტურისტების რაოდენობა თვეში 60 ათასს ჭარბობდა.

ალავერდაშვილმა აღნიშნა, რომ გასულ წელს ყველაზე მეტი რუსი ტურისტი საქართველოში სექტემბერში ჩამოვიდა – 60,1 ათასზე მეტი. მათი ჩამოსვლის ძირითადი მიზეზი გართობა და დასვენებაა – 49,4% სწორედ ამ მიზნით ეწვია საქართველოს.

მათი დიდი ნაწილი – 54,1% სასტუმროებში განთავსდა, 11,1%–მა ბინა იქირავა, ხოლო საკუთარი საცხოვრებელი საქართველოში 5,6%–ს აქვს.

საქართველოს სასტუმროების ბიზნესი დარტყმას პასუხს ახვედრებს>>

ვიზიტორების ხარჯებმა 2018 წელს 8 მილიარდი ლარი შეადგინა, აქედან 2 მილიარდი რუსი ვიზიტორების წილია.

ვინ არ აუქმებს სასტუმროებში დაჯავშნულ ნომრებს

ალავერდაშვილმა ასევე აღნიშნა, რომ ჯავშანს ნაკლებად აუქმებენ მაღალბიუჯეტიანი რუსი ტურისტები. ისინი საქართველოში ჩამოსვლას ალტერნატიული გზებით გეგმავენ.

ერთ-ერთი ამოცანა იქნება, რომ რუსი ტურისტები რამე ალტერნატიული გზებით საქართველოში შემოვიყვანოთ, აღნიშნა ალავერდაშვილმა. რუსეთთან ურთიერთობებს არ ვწყვეტთ. პირიქით, საკმაოდ აქტიური კონტაქტი მაქვს რუსულ ტურ–ოპერატორებთან. მაგალითად ერთ–ერთი 400 ნომრის დაჯავშნას ეხება. არც ერთს არ გაუუქმებია ჯავშანი. უბრალოდ, საქართველოში სხვა გზით ჩამოვლენ ოქტომბერში, განაცხადა ალავერდაშვილმა.

ჯავშნის გაუქმება, ძირითადად, დაბალმხარჯველიანმა ტურისტებმა დაიწყეს, აღნიშნა მან და დასძინა, რომ ეს საზღვაო სეზონს არ ეხება, რადგან იქ საკმაოდ რთული მდგომარეობაა.

„როსპოტრებნადზორი" ისევ საქმეშია: ქართული ღვინის კონტროლი მკაცრდება>>

ხუთშაბათს თბილისში მასობრივი საპროტესტო აქციები დაიწყო იმასთან დაკავშირებით, რომ 20 ივნისს საქართველოს პარლამენტის თავმჯდომარის სავარძელში რუსეთის სახელმწიფო სათათბიროს დეპუტატი, კომუნისტური პარტიის წევრი სერგეი გავრილოვი აღმოჩნდა. ის თბილისში მართლმადიდებლობის პარლამენტთაშორისი საერთაშორისო ასამბლეის სხდომაში მონაწილეობისთვის ჩამოვიდა, თუმცა, ღონისძიება ჩაიშალა. ოპოზიციამ საქართველოს ხელისუფლება „სამშობლოს ღალატში“ დაადანაშაულა. ოპოზიციის მიტინგი არეულობებში გადაიზარდა, რის შედეგად ასობით ადამიანი დაშავდა.

180
თემები:
ცხელი პოლიტიკური ზაფხული: ახალი საპროტესტო ტალღა თბილისში (371)
ბათუმის საბაგირო

ტურისტების მოლოდინში: აჭარაში 180-მდე სასტუმრო შეამოწმეს

68
ბათუმში ამუშავდა საბაგირო და დელფინარიუმი, სტუმრებისთვის უკვე გახსნილია რეგიონში არსებული ეროვნული პარკები

თბილისი, 14 ივლისი – Sputnik. აჭარაში სამუშაო პროცესის აღსადგენად აუცილებელი შემოწმება 180 სასტუმროში ჩატარდა, განუცხადეს Sputnik-საქართველოს აჭარის კურორტებისა და ტურიზმის დეპარტამენტში.

მათ შორის არის როგორც მაღალი კლასის ბრენდული სასტუმროები, ისე დაბალბიუჯეტიანი და ოჯახური ტიპის მცირე სასტუმროები.

იმ სასტუმროების სია, რომლებმაც შემოწმება გაიარეს, აჭარის კურორტებისა და ტურიზმის დეპარტამენტის ტურისტულ ვებგვერდზეა ხელმისაწვდომი. სია ყოველდღე ახლდება და მას ახალი შემოწმებული სასტუმროები ემატება.

სამთვიანი პაუზის შემდეგ ამუშავდა ბათუმის საბაგირო, რომელიც ტურისტებს სპეციალური აქციის ფარგლებში ფასდაკლებას სთავაზობს.

მუშაობას აგრძელებს ასევე ბათუმის დელფინარიუმი, სადაც დელფინების შოუს ნახვა შესაძლებელია სამშაბათობით, შაბათობით და კვირაობით 16:00 საათზე.

რეგიონის სტუმრებს შეუძლიათ დაათვალიერონ აჭარის ეროვნული პარკები, ბოტანიკური ბაღი და სხვა ტურისტული ადგილები. ზღვაზე დასვენების მოყვარულთათვის ნებადართულია აქტივობები წყალზე, აღნიშნავენ დეპარტამენტში.

კორონავირუსი და ფასები: ყველაფერი გაძვირდა, ეს – გაიაფდა >>

საქართველოს ტურისტული ინდუსტრიისთვის კორონავირუსის გავრცელების აღსაკვეთად აუცილებელი გახდა სავალდებულო ნორმატივების დაწესება. ეს ნორმები მოიცავს სოციალური დისტანციის დაცვას, დეზინფექციას, სივრცეების დალაგების ახალ წესებს და სხვა მოთხოვნებს.

ყველა სასტუმრომ, რომელსაც მუშაობის გაგრძელება სურს, უნდა დაიცვას დამტკიცებული რეკომენდაციები და ჯანდაცვის სამინისტროს ოფიციალურ ვებგვერდზე სპეციალურად შექმნილ ელექტრონულ სისტემაში დარეგისტრირდეს, შემდეგ კი შრომის ინსპექციის შემოწმება გაიაროს.

როგორც პანდემიის გამო დაკეტილი სხვა ობიექტებისთვის, სასტუმრო სექტორისთვისაც მუშაობის ახალი წესები შემუშავდა. კერძოდ, ტურისტებს სასტუმროში გადაადგილება პირბადეებით მოუწევთ, ასევე სოციალური დისტანციის დაცვით. რესტორნებში, მათ შორის, სასტუმროების რესტორნებში მაგიდებს შორის ორმეტრიანი დისტანცია უნდა იყოს, ხოლო ერთ მაგიდასთან ექვს ადამიანზე მეტი არ უნდა იჯდეს.

განსაკუთრებული ყურადღება გამახვილდება კვების ობიექტების მდგომარეობაზე, ასევე ნომრების დალაგების, აუზების გაწმენდისა და სხვა სპეციფიკაზე.

სიხარულით, მაგრამ პირბადეებით – რა წესების დაცვა მოუწევთ სასტუმროებსა და მათ სტუმრებს >>

ტურიზმის ეროვნულმა ადმინისტრაციამ შეიმუშავა ტრენინგ-პროექტი, რომელიც ივნისში დაიწყო. ტურისტული ინდუსტრიის წარმომადგენელ ნებისმიერ მსურველს შეუძლია ტრენინგებში მონაწილეობა და ახალ პირობებში მუშაობის შესახებ აუცილებელი ინფორმაციის უფასოდ მიღება.

68
თემები:
ტურიზმი საქართველოში
მაია ცქიტიშვილი

ქვეყანა მხოლოდ უცხოელ ტურისტებზე ვერ იქნება დამოკიდებული ცქიტიშვილი

64
(განახლებულია 20:17 14.07.2020)
კორონავირუსმა აჩვენა, როგორ სჭირდება ქვეყანას მაგისტრალები და გამართული სატრანსპორტო ინფრასტრუქტურა, განაცხადა მინისტრმა.

თბილისი, 14 ივლისი – Sputnik. კორონავირუსმა აჩვენა, რომ შიდა ტურიზმი აუცილებელია და ქვეყანა მხოლოდ უცხოელ ტურისტებზე ვერ იქნება დამოკიდებული, განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა.

გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო>>

ცქიტიშვილმა შიდა სახელმწიფო გზების მნიშვნელობაზე ისაუბრა და მაგალითად აღნიშნა თბილისისა და რაჭის დამაკავშირებელი გზა, რომელიც ამ კუთხეში ჩასვლის დროს საათ-ნახევრით ამცირებს.

„როდესაც ვსაუბრობთ „კოვიდზე“, ალბათ „კოვიდმა“ ძალიან კარგად გამოაჩინა, რა შეიძლება იყოს პრიორიტეტები. ჩვენ ყველამ დავინახეთ, რომ, თურმე, შიდა ტურიზმი აუცილებელი ყოფილა. აუცილებელია, რა თქმა უნდა, უცხოელი ტურისტების რაოდენობის ზრდა, მაგრამ არ შეიძლება ქვეყანა იყოს დამოკიდებული მხოლოდ უცხოელ ტურისტებზე“, – განაცხადა ცქიტიშვილმა „პირველი არხის“ ეთერში.

მისი თქმით, სამინისტროს გრძელვადიანი გეგმები აქვს, მაგალითად, ახალი საერთაშორისო მაგისტრალის მშენებლობა რიკოთის უღელტეხილზე, აღმოსავლეთი–დასავლეთის საავტომობილო გზის მშენებლობა. კორონავირუსმა აჩვენა, თუ როგორ სჭირდება ქვეყანას ამ ტიპის მაგისტრალი, გამართული სატრანსპორტო ინფრასტრუქტურა და ლოგისტიკური ჯაჭვის დალაგებული მუშაობა, განსაკუთრებით, საგანგებო მდგომარეობის დროს, აღნიშნა მინისტრმა.

მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის>>

საქართველოში შიდა ტურიზმი ოფიციალურად 15 ივნისს გაიხსნა. ქვეყნის ხელისუფლება მოქალაქეებს მოუწოდებს, დაისვენონ სამშობლოში და ქვეყანას ამ სფეროში დაეხმარონ.

ტურიზმის ეროვნულმა ადმინისტრაციამ ივნისის ბოლოს პოსტპანდემიურ პერიოდში შიდა ტურიზმის მხარდასაჭერად დაიწყო ახალი კამპანია „აღმოაჩინე ის, რაც შენია და იმოგზაურე საქართველოში".

ტრადიციულ ტურისტულ მიმართულებებთან ერთად ტურიზმის ადმინისტრაცია პოპულარიზაციას გაუწევს ახალ საინტერესო ტურისტულ პროდუქტებსა და აქტივობებს რეგიონებში. უწყების ხელმძღვანელის მარიამ ქვრივიშვილის აზრით, ეს ხელს შეუწყობს სასტუმროების, კვების ობიექტების, სატრანსპორტო კომპანიების, გიდების ინსტიტუტის განვითარებას. 

ტურისტული სფერო კორნავირუსის პანდემიის გამო ყველაზე მეტად დაზარალდა, რადგან საქართველოს მთავრობამ მოსახლეობის ჯანმრთელობის დასაცავად მარტში ყველა საზღვარი დაკეტა.

თენგიზ ცერცვაძე: საქართველო საზღვრების გახსნას თუ გაუძლებს, ეს იქნება...>>

ქვეყანაში მოგზაურობისას ვიზიტორებმა უსაფრთხოების წესები და ზოგიერთი შეზღუდვა უნდა დაიცვან, მათ შორის, დახურულ სივრცეებში, სერვის-ცენტრებსა და მღვიმეებში პირბადის ტარება. სავიზიტო ცენტრებში ერთდროულად მაქსიმუმ ხუთი ადამიანის ყოფნაა დაშვებული. აუცილებელია ორმეტრიანი დისტანციის დაცვა და პირადი ჰიგიენის ნორმების დაცვა.

64
თემები:
ტურიზმი საქართველოში

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0