მოგზაურობისას გადაღებული ფოტო

ზაფხულის და მზის სამეფო - როგორ იმოგზაუროთ და რა ნახოთ ჰავაიზე

602
(განახლებულია 11:39 24.02.2019)

აი, ჩვენი რუბრიკის დღეც დადგა და დღეს ჰავაიზე ვიმოგზაურებთ. მეგზურობას კი მარიამ ინაბა გაგვიწევს, რომელმაც სულ ახლახან იმოგზაურა ჰავაიზე.

ჰავაი - ალბათ ეს კუნძული ბევრისთვის ეგზოტიკასთან, მცხუნვარე მზესთან, მინასავით გამჭვირვალე წყალთან, ფირუზისფერი ლაგუნებთან, ოქროსფერი პლაჟებთან და თავბრუდამხვევ თავგადასავლებთან ასოცირდება. ჰავაი - ეს არის მაგიური ადგილი, ზაფხულის და მზის სამეფო. ჰავაი ბევრისთვის საოცნებო ადგილია. თუმცა არ უნდა დაგვავიწყდეს, რომ ოცნებები ხდება. მარიამი საკუთარ გამოცდილებას გაგიზიარებთ და გასწავლით, როგორ იმოგზაუროთ ჰავაიზე იაფად და რა სანახაობებით დატკბეთ მოგზაურობის დროს.

მარიამ ინაბა
მარიამ ინაბა

- ჰავაი დღეს, როცა ამ ზღაპრულ ადგილას უკვე ნამყოფი ხართ, რასთან ასოცირდება ის თქვენთვის? რა ემოციები დაგიტოვათ ამ მოგზაურობამ?

- ჰავაიზე სამ თებერვალს ღამით გავფრინდით და სამ თებერვალსვე დღისით ჩავედით. რატომღაც თავიდან ფეხს ვითრევდი, არ მინდოდა წასვლა. ალბათ იმიტომ, რომ ამერიკის ვიზას ავიღებდი თუ არა მეეჭვებოდა, მაგრამ როგორც კი ვიზა ავიღე ერთი სული მქონდა როდის წავიდოდი. ჩემს მეუღლესთან ერთად ვიყავი. ჰავაიზე მოგზაურობა მან შემომთავაზა. სტუდენტობისას ცხოვრობდა რამდენიმე წელი და აუცილებლად მინდა განახო იქაურობა, ვიცი ძალიან მოგეწონებაო. მისი სტუდენტობის დროინდელი მასწავლებლებიც და ჰოსთ ფემილიც ისევ იქ ცხოვრობენ და ერთ-ერთი მიზეზი მათთან შეხვედრაც იყო.

სასწაული იყო ჰავაი. სამწუხაროდ ბევრი დრო არ გვქონდა და მხოლოდ ოაჰუს კუნძულით შემოვიფარგლეთ, შემდეგში აუცილებლად მინდა სხვა კუნძულების ნახვაც. ჰონოლულუს  აეროპორტი ერთი ბეწოა და ძველი. აეროპორტიდან სასტუმრომდე გზად მხოლოდ დაბალ სართულიანი შენობები გვხვდებოდა, მაგრამ როგორც კი ვაიკიკისკენ მოვხვდით, უზარმაზარი სასტუმროები და საცხოვრებელი სახლები დაგვხვდა.

ქუჩაში, მაღაზიაში, რესტორანში ყველა გიღიმის, გელაპარაკება, გეკითხება როგორ ხარ. ამინდიც ხელს გიწყობს, რომ კარგი დრო გაატარო და ბედნიერი იყო. თებერვლის დასაწყისში 25-26 გრადუსი იყო, მაგრამ ისეთი მწველი მზე იყო 30-32 გრადუსს უდრიდა.

ჰავაი ჩემთვის ერთ დიდ ფერად ცისარტყელასთან ასოცირდება, პირველ რიგში იმიტომ, რომ ყოველდღე უამრავჯერ ვხედავდით ცისარტყელას და შემდეგ იმიტომ, რომ ყველა ცისარტყელასავით ფერადი და მომღიმარია.

ფრენისას გადაღებული ფოტო
ფრენისას გადაღებული ფოტო

- რომელი ქვეყნიდან გაემგზავრეთ ჰავაიზე და რა თანხებს მოიცავს ჰავაიზე მოგზაურობა?

- ჰავაიზე იაპონიიდან გავემგზავრეთ, კერძოდ ოსაკას აეროპორტიდან. Air Asia დაფრინავს ძალიან იაფად. პირდაპირი რეისის ორი ბილეთი და ერთი 20კგ-იანი ჩემოდანი 700$მდე დაგვიჯდა. იაპონიიდან ჰონოლულუს აეროპორტამდე შვიდი საათი, ხოლო უკან გზაზე დაახლოებით 10 საათამდე დაგვჭირდა. აეროპორტიდან ცენტრამდე ტაქსით წავედით 30 დოლარი ღირდა. არის სპეციალური შატლებიც, რომელიც წინასწარ უნდა დაჯავშნოთ.

მარიამ ინაბა
მარიამ ინაბა

- სად დავრჩეთ ჰავაიზე? სასტუმროსა და მათი ფასებზე რას გვეტყვით?

- ჩვენ AirBnb-ზე დავიქირავეთ ბინა Hawaiian Monarch ერქვა. სასტუმროა, მაგრამ ნაყიდი აქვს ზოგს ოთახი და აქირავებს. 32 სართულზე იყო ჩვენი ოთახი ულამაზესი ხედით. წინა მხრიდან მთას უყურებდა ოთახი და ცისარტყელის დანახვა ყოველ დილას შეგვეძლო ფანჯრიდან. მეორე ფანჯრიდან ოკეანე ჩანდა. ჰოსტიც ძალიან კარგი შეგვხვდა. პასუხს იმ წამსვე მიბრუნებდა თუ რაიმე კითხვა მქონდა. სამწუხაროდ ბოლო წუთებში დავჯავშნეთ ჩვენ და ძვირი დაგვიჯდა ექვსი დღე და ხუთი ღამე 700 დოლარამდე. თუ დროულად დაჯავშნით და არ გექნებათ პრეტენზია ადგილზე შესაძლებელია უფრო იაფადაც დარჩეთ.

მოგზაურობისას გადაღებული ფოტო
მოგზაურობისას გადაღებული ფოტო

- რამდენად მოწესრიგებული ტრანსფერია?

- ავტობუსი დადის 2.50 დოლარი ღირს და ორჯერ შეგიძლია იმ დღეს მგზავრობა. ასევე ღია ავტობუსებია ,ტაქსებიც. შეგიძლიათ მანქანის დაქირავება (უმეტესობა ქირაობს) ფასები სხვადასხვაა. შეგიძლიათ ინტერნეტით დაიქირავოთ, რომ რიგში აღარ მოგიწიოთ დგომა და დროის დაკარგვა. მანქანით ოაჰუს კუნძულის გარშემო მოგზაურობაა რეკომენდირებული. ჩვენც ასე მოვიქეცით, ორი დღით დავიქირავეთ მანქანა და აღმოსავლეთიდან ჩრდილოეთით შემოვიარეთ ყველაფერი რაც გვაინტერესებდა.

მარიამ ინაბა
მარიამ ინაბა

- ჰავაიზე რა უნდა ვნახოთ აუცილებლად?

- რაც ჩვენ ვნახეთ ყველა ადგილი დაუვიწყარი იყო.  მაგრამ, აუცილებელი სანახავია ჰანაუმას ყურე, დაცული ტერიტორიაა და ფასიანია 7.50 დოლარი ღირს შესვლა, სამაგიეროდ ულამაზესია. ასევე Diamond Head ჰავაურად ლეაჰი. ერთ დროს ვულკანი იყო და ახლა მასზე ასვლა და ვაიკიკის ზემოდან დანახვა შეგიძლიათ. მანქანით ვიყავით და ხუთი დოლარი გადავიხადეთ შესვლაში ისე ერთი დოლარი ღირს. 30 წუთი ადიხართ მთაზე. საკმაოდ დამღლელია, მაგრამ ბოლოს სასწაული ხედი გხვდებათ და დაღლა სულ გავიწყდებათ.

ჩრდილოეთისკენ თუ წახვალთ, დაივინგი შეგიძლიათ ზღვის გიგანტურ კუებთან ერთად, უამრავი ლამაზი თევზიც შეგხვდებათ.

ასევე ოაჰუს კუნძულზეა ცნობილი Jurasic Park-ის ადგილები, რომელიც კუალოას რანჩოზე მდებარეობს, ულამაზესი მთებია.

ვისაც აინტერესებს შეუძლია ნახოს Pearl Harbour-ის მუზეუმი.

გირჩევთ მანქანა დაიქირავოთ, ყველაზე მომგებიანია და ყველა ადგილს ნახავთ თუკი რამე დაგაინტერესებთ.

შოპინგისთვის არის ასევე სამოთხე, სავაჭრო ცენტრები. ვაიკიკის პლიაჟისკენ მთელი ქუჩა ცნობილი თუ ნაკლებად ცნობილი ბრენდების მაღაზიებია.

მარიამ ინაბა
მარიამ ინაბა

- საკვების შესახებ რას გვეტყვით?

- საკვებს რაც შეეხება სულ ყველაფერს შეხვდებით, აზიურით დაწყებული(ჩინური, ტაილანდური, იაპონური, ვიეტნამური) ევროპულ-ამერიკულით დამთავრებული. აქ მართლაც ყველანაირი სამზარეულოა. ადგილობრივი კერძები გავსინჯე და სასტიკად არ მომეწონა, მძაფრი სუნი და გემო ჰქონდა.

ძალიან მომეწონა ერთ-ერთი ცნობილი Cheescake Factory, სადაც გაგიკვირდებათ და ჩიზქეიქის გარდა ყველაფერი მომეწონა. ყოველთვის რიგი იდგა და გადავსებული იყო იქაურობა, მაგრამ ღირდა ნამდვილად. ფასებს რაც შეეხება ორი ადამიანი 50-60 დოლარის ფარგლებში საკმაოდ კარგად ვიკვებებოდით.

რესტორნებში თუ გეძვირებათ ჭამა, შეგიძლიათ სუპერმარკეტებში მზა საკვები შეიძინოთ ან პროდუქტები და თავად მოამზადოთ სახლში. კოკა-კოლა იყო ძალიან გემრიელი. თან ერთხელ რომ ჩაგისხამდნენ უფასო იყო ხელახლა შევსება.

მოგზაურობისას გადაღებული ფოტო
მოგზაურობისას გადაღებული ფოტო

- ყველაზე მეტად რა დაგამახსოვრდათ ამ მოგზაურობიდან?

- ყველაზე დიდი შთაბეჭდილება ჩემთვის იყო პირადი, პატარა თვითმფრინავით ოაჰუს კუნძულის შემოვლა. ჩემს მეუღლეს შეუძლია თვითმფრინავის მართვა და ის მართავდა, მაგრამ სრულიად გამოუცდელ მსურველებსაც შეუძლიათ სცადონ, რადგანაც გვერდით პროფესიონალი პილოტი ზის და დაგეხმარებათ. ერთადერთი კომპანიაა ოაჰუს კუნძულზე Washin Air, მათი საშუალებით დაუვიწყარ გამოცდილებას მიიღებთ. ჩვენი ფრენის დროს ადრიანი დილა იყო და ოდნავ წვიმდა ადგილ-ადგილ, უცებ დავინახეთ ცისარტყელა, მერე მეორე და ასე ორმაგი ცისარტყელის ქვეშ გავძვერით თვითმფრინავით. გამიგია ცისარტყელის ქვეშ თუ გაძვრები და სურვილს ჩაიფიქრებ აგიხდებაო, ხოდა მეც ვცადე და იმედია ორმაგად ამიხდება.

მოგზაურობისას გადაღებული ფოტო
მოგზაურობისას გადაღებული ფოტო

- უცნაურ ან კურიოზულ სიტუაციაში თუ ჩავარდნილხართ?

- რამდენად უცნაური ან კურიოზულია არ ვიცი, მაგრამ ჰავაის მაღაზიებში რომ შეხვალთ ყველგან დაგხვდებათ თავისი საქმის პროფესიონალი ე.წ Sales manager-ები. იმდენად პროფესიონალი, სულ რომ არ ვაპირებდით ყიდვას შემოგვეყიდა პანდორას ბურთი ალოჰა-ს წარწერით, რომელიც მხოლოდ ჰავაიზე იყიდება და სათვალეების მაღაზიაში ორი სათვალე. გესაუბრებიან ისე, თითქოს საუკუნეა გიცნობენ, გიყვებიან თავიანთ ამბებს, შენსასაც გეკითხებიან და ამ დროს შენთვის სრულიად გაუაზრებლად სალაროს ჩეკს გაძლევს და დიდი მადლობა მობრძანებისთვისო. მსგავს სფეროში მომუშავე ადამიანებისთვის საუკეთესო გამოცდილება იქნებოდა აქ მოხვედრა.

მოგზაურობისას გადაღებული ფოტო
მოგზაურობისას გადაღებული ფოტო

- ახლო მომავალში სად გეგმავთ გამგზავრებას?

- ივნისში ან ოქტომბერში ვფიქრობთ ლას-ვეგასში, ლეიდი გაგას შოუ Enigma-ზე წასვლას და რაკიღა იქვე ვიქნებით ლოს-ანჯელესშიც ვფიქრობთ გასეირნებას. თუ გამიმართლა იქნებ ჩემს საყვარელ ტატუ არტისტს Kat Von D-ის პირველი ტატუც გავაკეთებინო.  მანამდე კი მარტის ბოლოდან აპრილის დასაწყისში კიოტოს საკურით ვიჯერებ გულს.

 

602
პეტრას ციხე ციხისძირში

„იმოგზაურე საქართველოში“ - საფრანგეთის ელჩი აჭარაშია

96
(განახლებულია 11:17 12.07.2020)
საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი

საქართველოში საფრანგეთის საგანგებო და სრულუფლებიანი ელჩი დიეგო კოლასი აჭარას სტუმრობს, იუწყება საზოგადოებრივი მაუწყებლის პირველი არხი.

დიპლომატს აჭარის მთავრობის თავმჯდომარემ თორნიკე რიჟვაძემ რეგიონის კულტურულ-ისტორიული ღირშესანიშნაობები, მიმდინარე და დაგეგმილი პროექტები გააცნო.

„აჭარაში ვმასპინძლობთ ჩვენი მეგობარი ქვეყნის, საფრანგეთის საგანგებო და სრულუფლებიან ელჩს დიეგო კოლასს. მნიშვნელოვანია, რომ ჩვენი პარტნიორი სახელმწიფოები კარგად იცნობდნენ ჩვენს რეგიონს, მის ტურისტულ პოტენციალს. ვუერთდებით კამპანიას – „იმოგზაურე საქართველოსთვის“, რომელიც შიდა ტურიზმის სტიმულირებას ისახავს მიზნად“, – განაცხადა თორნიკე რიჟვაძემ.

საფრანგეთის ელჩმა დაათვალიერა ბათუმის ბოტანიკური ბაღი, პეტრას და გონიო-აფსაროსის ციხე, ბათუმის ბულვარი, რომელიც უკავშირდება მე-19 საუკუნის ცნობილი ფრანგი მებაღის, მიშელ დალფონსის ბათუმში საქმიანობას.

96
თემები:
ტურიზმი საქართველოში
დაშბაშის კანიონში ხიდის პროექტი

დაშბაშის კანიონზე უნიკალური შუშის ხიდის მოწყობის სამუშაოები გიორგი გახარიამ დაათვალიერა

261
(განახლებულია 15:13 11.07.2020)
პროექტს ებრაული კომპანია KASS LAND (იგივე Kass Group) ახორციელებს. კანიონზე ეკოტურისტული ინფრასტრუქტურა მოეწყობა

თბილისი, 11 ივლისი - Sputnik. ჩვენ წელს ერთად უნდა გავაძლიეროთ ტურიზმი, უნდა „ვიმოგზაუროთ საქართველოსთვის“, ვიყოთ ჩვენი ქვეყნის მოგზაურები, ერთად აღმოვაჩინოთ ახალი ადგილები, მათ შორის დაშბაშის კანიონიც უნდა გახდეს ერთ-ერთი დანიშნულების ადგილი, განაცხადა საქართველოს პრემიერ-მინისტრმა გიორგი გახარიამ ალგეთის დაცულ ტერიტორიებზე სტუმრობისას.

პირველად საქართველოში დაცულ ტერიტორიაზე კერძო საერთაშორისო ინვესტიცია ხორციელდება, რომელიც Covid-19-ის პანდემიის მიუხედავად არ შეწყვეტილა. კერძოდ, ალგეთის ეროვნულ პარკში „დაშბაშის კანიონზე“ 83 ჰა მიწის ნაკვეთზე უნიკალური ტურისტული ინფრასტრუქტურის მოწყობა მიმდინარეობს.

პრემიერის განცხადებით, ამ მოცულობის ინვესტიცია რეგიონისთვის რეკორდულია, ხოლო პროექტით გათვალისწინებული ობიექტები საქართველოსთვის ახალი და უნიკალურია.

მთავრობის მეთაურის შეფასებით,  ეს ხელს შეუწყობს კანიონის პოპულარიზაციას, მიმზიდველი გახდება ვიზიტორებისთვის, მოწესრიგდება ინფრასტრუქტურა, დასაქმდება ადგილობრივი მოსახლეობა, განვითარდება ტურისტული სერვისები და წალკის მუნიციპალიტეტში ხელი შეეწყობა ეროვნულ უმცირესობათა ინტეგრაციის პროცესს.

პროექტის მიხედვით, საქართველოში პირველად უნიკალური 240 მეტრის სიგრძის, შუშის ხიდი მოეწყობა, ეკოტურისტული - ბილიკებით, ვიზიტორთა ცენტრით. ასევე მიმდებარე ტერიტორიაზე აშენდება სასტუმროები და სხვა ტურისტული ინფრასტრუქტურა.

პროექტის საინვესტიციო ღირებულება 50 მილიონ ლარზე მეტია და მას ებრაული კომპანია KASS LAND ახორციელებს.

დაშბაშის კანიონი ზღვის დონიდან 1100-1500 მეტრის სიმაღლეზე მდებარეობს, სიგრძე კი 8 კილომეტრს უდრის. კანიონი 669 ჰექტარის ფართობის უზარმაზარ ტერიტორიას იკავებს. ეს ადგილი უამრავი სანახაობრივი ჩანჩქერით და გამოქვაბულით არის სავსე.

2016 წელს დაშბაშის კანიონს საქართველოს ბუნების ძეგლის სტატუსი მიენიჭა. ამ დროიდან ის საქართველოს ღირსშესანიშნაობების რუკებსა და გზამკვლევებზე გაჩნდა.

გასული წლის დეკემბერში გარემოს და სოფლის მეურნეობის სამინისტროში იუწყებოდნენ, რომ უნიკალური მინის ხიდი 2020 წლის აგვისტოში გაიხსნება. შუშის ხიდის შუაში იქნება განთავსებული ცაში დაკიდებული ბარი. არსებული ინფორმაციით, აღნიშნული ღირსშესანიშნაობის გახსნის შემდეგ წალკას მინიმუმ 2 მილიონი ვიზიტორი ეწვევა.

261
თემები:
ტურიზმი საქართველოში
საქართველოს პარლამენტი

გაგრძელდება თუ არა შეზღუდვები საქართველოში დეპუტატები შესწორებებზე მსჯელობენ

0
(განახლებულია 12:44 14.07.2020)
პარლამენტმა დაჩქარებული რეჟიმით უნდა მიიღოს კანონპროექტი, რომლის მიხედვით მთავრობა წლის ბოლომდე ქვეყანაში შეზღუდვების დაწესებას ქვეყანაში საკანონმდებლო ორგანოს სანქციების გარეშე შეძლებს

თბილისი, 14 ივლისი – Sputnik. დეპუტატები სამშაბათს რიგგარეშე სესიის ფარგლებში განიხილავენ ცვლილებებს კანონში „საზოგადოებრივი ჯანმრთელობის შესახებ“, რომელიც მთავრობას 2020 წლის ბოლომდე უფლებას აძლევს, დააწესოს შეზღუდვები ქვეყანაში საგანგებო მდგომარეობის გამოცხადებისა და პარლამენტის სანქციების გარეშე.

საქართველოში შეზღუდვების ვადები გახანგრძლივდება? გადაწყვეტილება პარლამენტზეა>>

პირველი შესწორებები კანონში „საზოგადოებრივი ჯანდაცვის შესახებ“, რომელიც მთავრობას პარლამენტის სანქციების გარეშე შეზღუდვების დაწესების უფლებას ანიჭებს, დეპუტატებმა 22 მაისს დაამტკიცეს და ის 15 ივლისამდე მოქმედებს.

ამ ვადის წლის ბოლომდე გაგრძელების პროექტს, რომელიც საპარლამენტო უმრავლესობის დეპუტატებმა მოამზადეს, სავარაუდოდ, აჩქარებულ რეჟიმში განიხილავენ.

პროექტის თანახმად, საქართველოს მთავრობას ექნება უფლება, გააგრძელოს გარკვეული შეზღუდვები საგანგებო მდგომარეობის გარეშე 2021 წლის 1 იანვრამდე.

პარლამენტის ჯანდაცვისა და სოციალურ საკითხთა კომიტეტის თავმჯდომარე დიმიტრი ხუნდაძემ განაცხადა, რომ კანონის, რომელიც მთავრობას კრიზისის სწორად მართვის საშუალებას აძლევდა, მოქმედების დრო ხვალ იწურება. და თუ ეს ვადა არ გახანგრძლივდა, კორონავირუსის გავრცელების რისკები გაიზრდება.

„იმის გათვალისწინებით, რომ მსოფლიო რჩება პანდემიის პირობებში და მოსალოდნელია შესაძლო უფრო მძიმე მეორე ტალღა, საჭიროა, ხელისუფლებას ჰქონდეს ბერკეტი, კრიზისი ისე წარმატებით მართოს, როგორც აქამდე. ამიტომ, ვადას ვახანგრძლივებთ ახალ წლამდე. ანუ, წლის ბოლომდე კანონს ექნება ძალა და ხელისუფლებას ბერკეტი, რომ მოსახლეობა დაიცვას და კრიზისი ეფექტურად მართოს“, – განაცხადა ხუნდაძემ.

ვინ ივლის პირბადის გარეშე: ვინ მოხვდა მთავრობის „მწვანე სიაში">>

მისი თქმით, ოპოზიციის ბრალდებები უსაფუძვლოა, მთავრობა აქამდე ეფექტურად მართავდა კრიზი9სს და ამაზე მეტყველებს შედეგი, რომელიც განსხვავდება უფრო ძლიერი ფინანსური ინსტიტუტების მქონე სახელმწიფოების შედეგებისგან.

„ხელისუფლების ვალდებულებაა, დაიცვას მოსახლეობის ჯანმრთელობა. ყველა გონიერი ხელისუფლება ემზადება მეორე ტალღისთვის. საქართველოც იქნება ამ მზადებაში ჩართული და მთავრობას პარლამენტი უფლებას მისცემს, მართოს კრიზისი, დაიცვას მოსახლეობა და ქვეყნის ინტერესები“, – განაცხადა ხუნდაძემ.

მიუხედავად მმართველი პარტიის არგუმენტებისა, ოპოზიცია პროექტს ანტიკონსტიტუციურად მიიჩენვს და მას მხარს არ დაუჭერს.

„მიგვაჩნია, რომ ნებისმიერი მნიშვნელოვანი გადაწყვეტილება, რაც ეხება კოვიდის ეგიდით უფლებებს, ადამიანების შეზღუდვას და ასე შემდეგ, ეს უნდა იყოს საპარლამენტო კონტროლით განხორციელებული და არ უნდა იყოს მთავრობის დისკრეციული უფლება“, განაცხადა „ევროპული საქართველოს“ ერთ–ერთმა ლიდერმა გიგი წერეთელმა.

ამასთან, რიგმა არასამთავრობო ორგანიზაციებმა ამ შესწორებების წინააღმდეგ საკონსტიტუციო სასამართლოში სარჩელი უკვე შეიტანეს. სასამართლომ სარჩელი უკვე წარმოებაში მიიღო.

კორონავირუსის პირველი შემთხვევა საქართველოში 26 თებერვალს დაფიქსირდა. 21 მარტს ქვეყანაში საგანგებო მდგომარეობა გამოცხადდა, რომელიც 23 მაისამდე გაგრძელდა.

რა უფლებებს მიანიჭებს კანონი მთავრობას

კანონში „საზოგადოებრივი ჯანმრთელობის შესახებ“ 22 მაისს მიღებული პირველი შესწორებების მიხედვით, მთავრობას შეუძლია პანდემიისა და განსაკუთრებით საშიში ეპიდემიის დროს დროებით დააწესოს შეზღუდვები და მოაწესრიგოს წესებით, რომლებიც მოქმედი კანონმდებლობისგან განსხვავდება.

გარდა ამისა, მთავრობა მიიღებს უფლებას, შეზღუდოს მოქალაქეთა გადაადგილება, მათი შრომითი და ეკონომიკური საქმიანობა და აკრძალოს სოციალური ღონისძიებების ჩატარება.

ამავე დროს, კანონი საზღვრავს, რომ მთავრობის მიერ დაწესებული შეზღუდვები უნდა შეესაბამებოდეს საქართველოს კონსტიტუციას და განპირობებული იყოს კანონით ან ნორმატიული აქტით. მათი შემოღება შეიძლება, თუ შეზღუდვები აუცილებელია საზოგადოებისთვის და არ არის დისკრიმინაციული.

გარდა ამისა, შეზღუდვები აუცილებლად უნდა იყოს პროპორციული და მათი დაწესებით გამოწვეული სარგებელი აღემატებოდეს ზარალს. ასევე გათვალისწინებული უნდა იყოს ევროპის ადამიანის უფლებათა კონვენცია.

კანონით ხელისუფლება ადამიანების იზოლაციასა და კარანტინში გაგზავნასაც შეძლებს, თუმცა იზოლაციასა თუ კარანტინში გაგზავნილ ყველა მოქალაქეს ექნება ადვოკატის აყვანის უფლება, ახლობლებისა და დამსაქმებლისთვის ადგილსამყოფელის შესახებ ინფორმაციის მიწოდების უფლება, კარანტინში გაგზავნის მიზეზების ცოდნის უფლება.

მოქმედი შეზღუდვები საქართველოში

  • დახურულ სივრცეებში, საჯარო დაწესებულებებში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში აუცილებელია დამცავი პირბადის ტარება;
  • აკრძალულია 10 კაცზე მეტის შეკრება ტრადიციულ სოციალურ ღონისძიებებზე;
  • ტაქსის მძღოლს აუცილებლად უნდა ეკეთოს პირბადე. არ შეიძლება ორ მგზავრზე მეტის გადაყვანა, ისინი უკანა სავარძელზე უნდა განთავსდნენ.
  • აკრძალულია კაზინოებისა და ტოტალიზატორების მუშაობა. დაშვებულია ონლაინ–მუშაობა;
  • აკრძალულია კულტურული და სპორტული ღონისძიებების ჩატარება დახურულ სივრცეში;
  • ადამიანების თავშეყრის ადგილებში დაუშვებელია სპლიტ-სისტემის კონდიციონერის გამოყენება, რომელიც იღებს შენობის ჰაერს, აგრილებს და უკან აბრუნებს. დაშვებულია სამრეწველო კონდიციონერების გამოყენება, რომელშიც შეთავსებულია კონდიცირებისა და ვენტილაციის სისტემები.

უწყებათშორისი საკოორდინაციო საბჭო ოპერატიულად აფასებს ვითარებას და მუშაობს ახალ რეკომენდაციებსა და შეზღუდვებზე.

0
თემები:
საქართველოს პარლამენტი