მერი თინიკაშვილი

ვენა–ბრატისლავა ერთ ევროდ : ევროპის რომელ ქალაქებში შეიძლება ყველაზე იაფად მოგზაურობა

680
(განახლებულია 16:26 16.02.2019)
დადგა რუბრიკის დღე და „Sputnik საქართველო“ მერი თიკინაშვილს გაგაცნობთ, რომელიც უცხო ქვეყნებში ძირითადად საგანმანათლებლო ვიზიტით არის ნამყოფი. მერის უცხო ქვეყნებში სტუმრობამ ბევრი მეგობარი, დაუვიწყარი თავადასავალი და გამოცდილება შესძინა.

ამბობს, რომ მოგზაურობა მისი ცხობრების განუყოფელი ნაწილია. მისი შემოსავლების დიდი ნაწილი მოგზაურობას ხმარდება, ვინაიდან თვლის, რომ ეს ყველაზე დიდი ინვესტიციაა რაც შეიძლება ადამიანმა საკუთარ თავში ჩადოს.

- ჩემი პირადი გამოცდილებიდან მინდა აღვნიშნო, რომ მოგზაურობა შინაგანად ზრდის ადამიანს. განსაკუთრებით მარტო მოგზაურობა, რაც დამოუკიდებელ პიროვნებად აყალიბებს და საკუთარი თავის რწმენას სძენს ადამიანს. ყოფილა შემთხვევა ბერლინიდან დესტინაციის ადგილამდე (გდანსკამდე) მისასვლელად ცხრა საათი მიმგზავრია, იქ კი გამთენიისას ჩავსულვარ. სრულიად უცხო გარემოში პირველად რომ აღმოჩნდები, სხვადასხვა ინსტინქტები იჩენს თავს, ორიენტაციის უნარი გივითარდება. მართალია ინტერნეტის საშუალებით მისამართების ძებნა და მიგნება ბევრად გამარტივებულია, მაგრამ დროთა განმავლობაში ეს უნარიც იხვეწება და ახალ ადგილებში უმიზნოდ აღარ დაბოდიალობ, პარალელურად გარემოსაც ათვალიერებ.

მერი თინიკაშვილი
Courtesy of maru Tinikashvili
მერი თინიკაშვილი

– შენს ცხოვრებაში რა ადგილი უკავია მოგზაურობას?

- მოგზაურობა ამ ეტაპზე ჩემი ცხოვრების განუყოფელი ნაწილია. ფაქტობრივად იმისთვის ვმუშაობ, რომ დაგროვილი ფულით სადმე წავიდე. უნივერსიტეტშიც საზოგადოებრივ გეოგრაფიას ვსწავლობდი და საკმაოდ მრავალმხრივი ცოდნა მაქვს ქვეყნებისა და რეგიონების შესახებ პოლიტიკური, ეკონომიკური და სოციალური ასპექტით, რაც ჩემს მოგზაურობას მნიშვნელოვან ღირებულებას სძენს ხოლმე. თეორიულ ცოდნას კი საკუთარი თვალით ნანახი ემატება და დაუვიწყარი მოგონებები იქმნება.

მერი თინიკაშვილი
Courtesy of Mery Tinikashvili
მერი თინიკაშვილი

– ძირითადად რა მიზნით გიწვევს ხოლმე მოგზაურობა?

– ძირითადად საგანმანათლებლო მიზნით ვმოგზაურობ. პირველი გასვლა ერასმუს პლიუსს უკავშირდება. გერმანიაში სწავლის პარალელურად ხუთი მეზობელი ქვეყნის ნახვა მოვახერხე. ჩემი მეგობრები მეზობელ ქვეყნებში იყვნენ სასწავლებლად მაგ დროისთვის, ამიტომ კარგი შესაძლებლობა მქონდა მათი დახმარებით იქაური სიტუაციის უკეთ გასაცნობად. გერმანიაში პოლონეთის საზღვართან ძალიან ახლოს მდებარე ქალაქში ვცხოვრობდი, რამაც საშუალება მომცა ჯერ პოლონეთის დასავლეთი ქალაქები დამეთვალიერებინა. პირველად პოზნანში ვიყავი. შემდეგ ჩეხეთის დედაქალაქ პრაღას ვესტუმრე. ბოლოს კი ათ დღიანი ტურით დავათვალიერე უნგრეთის, ავსტრიის და სლოვაკეთის დედაქალაქები.

მერი თინიკაშვილი
Courtesy of Mery Tinikashvili
მერი თინიკაშვილი

– მთელი ამ ხნის მანძილზე სასტუმროში გიწევდა ცხოვრება თუ იქაურ ოჯახებში?

- მოგზაურობას ძირითადად მეგობრებთან ერთად ვგეგმავდი და სტუდენტურად, შეღავათიან ფასებში ვცდილობდით მოგვეხერხებინა რაც შეიძლება მეტის ნახვა. უმეტესწილად ჰოსტელებს ან Airbnb-ს ვჯავშნიდით, სადაც ბევრად ახალგაზრდული სიტუაცია გვხვდებოდა. ამის გამო სულ მაინტერესებდა რა ხდებოდა ადგილობრივებთან, კონკრეტული ოჯახები როგორ ცხოვრობდნენ და რას აკეთებდნენ თავისუფალ დროს. სტუდენტურ საცხოვრებელში გერმანელ და თურქ სტუდენტთან ერთად ვცხოვრობდი. ჩემი გერმანელი მეზობელი ლაიფციგიდან იყო და წინა საშობაოდ თავიანთ ოჯახში დაგვპატიჟეს. ყველაზე დასამახსოვრებელი დღეები კულტურული თვალსაზრისით იქ გავატარე, რადგან ოჯახში ცხოვრება მომიწია რამდენიმე დღით, რამაც მათი ცხოვრების სტილი ახლო რაკურსით დამანახა. ჩემი მეზობელი დიდი ყურადღებით არ გამოირჩეოდა, მაგრამ მშობლები აღმოჩნდნენ ძალიან მეგობრულები. დიდი სამსართულიანი სახლი ჰქონდათ ლაიფციგის გარეუბანში, მსუქანი კატა „ფილუ“ კი ოჯახის წევრად ითვლებოდა და როგორც გერმანული ოჯახების უმრავლესობას ერთი შვილი ჰყავდათ. მისვლის დღეს მამამ თავისი მომზადებული ლაზანია გვაჭამა. მე და ჩემს თურქ მეზობელს გამოგვკითხეს წარმომავლობა. ჩემი ქვეყნის შესახებ ბევრი არაფერი იცოდნენ, ენაც ბევრი ევროპელივით ეგონათ სლავური გვქონდა და რუსულად ვსაუბრობდით. მაშინვე ჩანთიდან ქართული წიგნი ამოვიღე და ანბანი ვანახე. იმ დღეების განმავლობაში კიდევ ბევრი რამით გაოცდნენ და დამპირდნენ ესტუმრებოდნენ ჩვენს ქვეყანას.

მერი თინიკაშვილი
Courtesy of mary Tinikashvikli
მერი თინიკაშვილი

გერმანელების საყვარელ საშობაო ბაზრობაზე გერმანიის ყველა აღმოსავლურ ქალაქში ვიყავი და აღმოვაჩინე მათი ამ დღესასწაულის მიმართ დამოკიდებულება, ამასთანავე ჩემმა მასპინძელმა ოჯახმა წმინდა ნიკოლოზის ტაძარში (ლუთერანული) წაგვიყვანა საშობაო მსახურებაზე, რომელსაც რელიგიური ელფერი მაინცდამაინც არ ჰქონდა და ბახის ქალაქში, ორღანი ბახის ფუგას ასრულებდა. შემდეგ ბიჭების გუნდმა იგალობა. შობის დღესასწაულის უკეთ გასაცნობად საღამოს რესტორანში წავედით, ქართველები მაგ ადგილს დუქანს უფრო დავარქმევდით, მაგრამ ეს ადგილი მასპინძლებმა სპეციალურად შეარჩიეს, რადგან იქ სიძველის აურა ტრიალებდა. სტუმრებიდან ყველაზე ახალგაზრდები ჩვენ ვიყავით, დანარჩენები 35 წელს გადაცილებულები იყვნენ 90-იანების ვარცხნილობით და იგივე პერიოდის მუსიკით (Modern Talking- You’re my heart).  მოკლედ ძალიან მოხიბლული ვიყავი, რომ გერმანელებშიც ვიპოვე ადამიანები, რომლებსაც უბრალოდ დაელაპარაკებოდი და გერმანული იმპერიალიზმით შეპყრობილები ზემოდან ყურებას არ დაგიწყებდნენ.

მერი თინიკაშვილი
Courtesy of Mery Tinikashvili
მერი თინიკაშვილი

– დღეს თუ გაქვს მათთან ურთერთობა?

- სოციალური ქსელის მეშვეობით ვკონტაქტობ შიგადაშიგ, როცა რაიმე ახალი ხდება ჩვენს ცხოვრებაში.

– ალბათ შენი ფავორიტი ქვეყანაც გექნება... რომელმა ქვეყანამ დაგამახსოვრა თავი განსაკუთრებით, მოგვიყევი რატომ გამოარჩიე, რამ მოგხიბლათ იქ?

– ყველაზე მეტი დრო გერმანიაში გავატარე, ალბათ ერთ ერთი მიზეზი ესეცაა, რომ ეს ქვეყანა რომელზეც სულ ვხუმრობდი „Life is too short to learn German” მეთქი, ჩემი ფავორიტია. ჩემი იქ ყოფნის პერიოდში ბერლინის, ლაიფციგის, დრეზდენის, ოდერის ფრანკფურტის, პოტსდამის, ვიტენბერგისა და ჰამბურგის ნახვა მოვახერხე. სამხრეთი და დასავლეთი გერმანია ფაქტობრივად დასათვალიერებელი მაქვს, რისთვისაც აუცილებლად დავბრუნდები.

მერი თინიკაშვილი მეგობრებთან ერთად
Courtesy of Mery Tinikashvili
მერი თინიკაშვილი მეგობრებთან ერთად

– ბევრს ჰგონია, რომ მოგზაურობა დიდ თანხებთნ არის დაკავშირებული, თუმცა სრულიად შესაძლებელია ბიუჯეტურად დაგეგმო ტური.  ამიტომ მინდა ყველაზე იაფი მოგზაურობა გაიხსენო.

– როდესაც ევროპაში ხარ ქვეყნებს შორის გადაადგილება ბევრად იაფი ჯდება ვიდრე ქვეყანაში შიდა გადაადგილება, ნუ გერმანიაში ყოველ შემთხვევაში. თითქმის ყველა მოგზაურობა მცირე ბიუჯეტიანი იყო, განსაკუთრებით გამოვყოფდი ათ დღიან ტურს,  რომლის ფარგლებშიც ბერლინიდან ბუდაპეშტამდე ათ ევროდ ვიფრინე, ხოლო ვენიდან ბრატისლავამდე ავტობუსის ბილეთში ერთი ევრო გადავიხადე. ხშირად ვიხსენებ ხოლმე ამ მოგზაურობას, რადგან ერთი ქვეყნიდან მეორეში სამი ლარად აღმოვჩნდი.

– შენი გამოცდილებით, ევროპის რომელ ქალაქებში შეიძლება ყველაზე იაფად მოგზაურობა?

– ყველაზე იაფად მოგზაურობა ბუდაპეშტშია შესაძლებელი, ჰოსტელი 6€ ღირდა, კვება და ტრანსპორტიც ძალიან იაფია. ქალაქში ბევრი ღირსშესანიშნაობაა, დუნაის ორივე მხარე ულამაზესია და მდინარეზე სამდინარო საზოგადოებრივი ტრანსპორტითაც შეგიძლიათ გაისეირნოთ. ყველაზე კარგი შთაბეჭდილებებით ამ ქალაქიდან დავბრუნდი, რადგან მოლოდინს გადააჭარბა.

– რა მოგცა საზღვარგარეთ მიღებულმა განათლებამ?

- საზღვარგარეთ მიღებულმა განათლებამ თეორიული ცოდნე პრაქტიკული და ცხოვრებისეული გამოცდილებებით გამიმრავალფეროვნა. მოგზაურობის სურვილი კიდევ უფრო გამიღრმავა და ჩემმა ინტერესიანმა ბუნებამ საბოლოოდ გამოიჩინა თავი. სულ რაღაც ახლის მოლოდინში ვარ, სადმე როდის წავალ, ახალ ადამიანებსა და მათ კულტურას როდის გავეცნობი. ჭამაში ძალიან აზიატი ვიყავი, მაგრამ ადგილის ბოლომდე შესაგრძნობად ადგილობრივი საკვების გასინჯვა ერთ ერთი მნიშვნელოვანი ფაქტორი აღმოჩნდა.

– რას ურჩევ ადამიანებს, ვინც ახლა გეგმავს საზვარგარეთ სწავლის გაგრძელებას?

– საზღვარგარეთ თუ გაცვლითი პროგრამით აპირებთ წასვლას და არა რეგულარული სტუდენტის სტატუსით, გირჩევთ ბევრი იკონტაქტოთ უცხოელ სტუდენტებთან, გაეცნობით მათ კულტურას, ბევრ ახალ მეგობარს შეიძენთ და სხვა თვალით შეხედავთ სამყაროს, ნახავთ რომ ფილმებში ნანახი სცენები და ადამიანები მართლაც არსებობენ, უბრალოდ სხვა კონტინენტსა და სხვა რეალობაში. რაც მთავარია იმოგზაურეთ ძალიან ბევრი, ამით თვალსაც გაახარებთ, გონებასაც და გულიც სულ სიხარულით გექნებათ სავსე.

– მომავალში რა გეგმები გაქვს?

– სამომავლო გეგმები ამ ეტაპზე მაგისტრატურაზე სწავლით შემოიფარგლება. ჯერ უნივერსიტეტის ძიებაში ვარ, თვითგამორკვევის პერიოდი მაქვს საკუთარ თავთან, მინდა კარგად ჩამოვყალიბდე რისი სწავლა მინდა, მაგრამ გეგმაში მდგრადი განვითარებაა ტურიზმის კუთხით, რაც ისევ ბევრ მოგზაურობასთან და ტურიზმში ინოვაციური მიდგომების შემუშავებასთან ასოცირდება. ამ ცოდნის რეალიზება კი ჩემს ქვეყანაში მინდა, ვთვლი, რომ ბევრი ულამაზესი ეკოტურისტული დესტინაცია ასათვისებელი და ჭკვიანურად დასაგეგმი გვაქვს, რასაც დასაწყისშივე პროფესიონალების მიხედვა სჭირდება, რათა მასობრივი ტურიზმით მატერიალური და არამატერიალური ბუნების ძეგლები შემთხვევით არ გავანადგუროთ.

სამომავლო მოგზაურობას რაც შეეხება, გაზაფხულზე კვიპროსში ვგეგმავ წასვლას პასიური დასვენებისთვის, ყოველთვის მაინტერესებდა ხმელთაშუა ზღვის ეს პატარა კუნძული რას სთავაზობდა დამსვენებლებს. მოგზაურები შთაბეჭდილებების ქვეშ არიან და ვიმედოვნებ არ გამიცრუვდება იმედები.     

 

 

680
ზურაბ გერმანიშვილი

მარანში ღამით შეპარული სტუმარი, კახური ღვინო და ნივრიანი ხაშლამა კოვიდისგან თავდასაცავად

2008
(განახლებულია 22:27 17.10.2020)
ოქტომბერია, გოგლა ლეონიძის სიტყვებით, “ჩამაჭრდა კახეთს ჰაერი“. ახლა იქ გზებზე ფერადი ხალიჩაა და კახური შემოდგომა თავისკენ გიხმობს...

თელავში ბევრი რამაა სანახავი, უფრო სწორედ, ხელახლა სანახავი და იქ ჩასულ სტუმრებს ამაში ცალკეული ადამიანებიც ეხმარებიან. გერმანიშვილების, პროფესიონალი ექიმების ტრადიციულ ოჯახს ყველა იცნობს. პანდემიამდე მათ არაჩვეულებრივი სასტუმრო „ამელი“ გახსნეს. იქ ჩასულები მარტო პასიურად კი არ ისვენებენ, კახური შემოდგომის ფერხულში უშუალოდაც ებმევიან.

ჯერ ორი სიტყვა მასპინძლებზე მინდა გითხრათ, ბატონი ზურაბ გერმანიშვილი გახლავთ ნეიროქირურგი, რომელიც წლებია თბილისის პირველ კლინიკურ საავადმყოფოში მუშაობს და პაციენტებში ნდობითა და პატივისცემით სარგებლობს. ასევე მისი მეუღლე, თამარ ბარამიძეც ექიმია, სამედიცინო ინსტიტუტის პროფესორი და მარდალეიშვილის კლინიკის თავ-კისრის ონკოლოგი. მათი ვაჟი, ასლანი, მამის კვალს გაჰყვა, ნეიროქირურგია და გერმანიის ერთ-ერთ კლინიკაში 13 წლის განმავლობაში მუშაობდა, ამჟამად საქართველოშია.

ზურაბ გერმანიშვილი და თამარ ბარამიძე
ზურაბ გერმანიშვილი და თამარ ბარამიძე

როგორც ექიმებმა, კარგად იციან რა არის საჭირო იმისთვის, რომ ადამიანმა ფიზიკურის გარდა, სრული ფსიქოლოგიური რელაქსი განიცადოს. საკუთარი ხელით შექმნილ ედემში საამისო ყველა პირობაა: არაჩვეულებრივი გარემო, გემოვნებით მოწყობილი ლანდშაფტი და სასტუმრო, რომელიც ყოველ სეზონზე, იქ ჩასულებს, ახალ-ახალ სიურპრიზებს სთავაზობს. სასტუროს ხშირად სტუმრობდნენ უცხოელი ტურისტები და საქართველოს სხვადასხვა კუთხიდან ჩამოსულები, მათ შორის, ბევრი ცნობადი სახეც იყო. დანარჩენს თავად ბატონი ზურაბი გვეტყვის.

სტუმრები ისრაელიდან
სტუმრები ისრაელიდან

- ბატონო ზურაბ, შემოდგომა განსაკუთრებით აქტიურია თქვენთან...

- კოვიდამდე წელიწადის არც ერთ სეზონზე არ ვუჩიოდით სტუმრების ნაკლებობას და ყველა საჭირო პირობის დაცვით, მათ ახლაც ვმასპინძლებთ. ისევე ყოველ ოქტომბერს, ახლაც, 20 ოქტომბრიდან ჩვენთან მასტერ-კლასები დაიწყება. ეს იქნება სასიამოვნო პროცესი, რომლის დროსაც ჩვენთან მოსული სტუმარი ისწავლის: ჩურჩხლის ამოვლებას, პურის ცხობას, მწვადის შეწვას, ხინკლის მოხვევას. რა თქმა უნდა, მათ საშუალება ექნებათ, რომ ჩვენს მიერ დაწურული არაჩვეულებრივი საფერავი და გამოხდილი ჭაჭა დააგემოვნონ. მოკლედ ეს იქნება სახალისო და ამასთან, შემეცნებითი ფორმის დასვენება, რომელიც დაუვიწყარ მოგონებას აჩუქებს. ჩვენ გვინდა სულ სხვა თვალით დანახული თელავი დაგამახსოვროთ.

სტუმრები თონეში პურს აკრავენ
სტუმრები თონეში პურს აკრავენ

- თქვენი კრეატივი, „ფოტოსესია წარსულში“ რას გულისმობს?

- მოგეხსენებათ, როგორი აქტუალურია ფოტო-სესიის მოწყობა, რომლისთვისაც სხვადასხვა საინტერესო გარემოს ეძებენ. მე ვფიქრობ, რომ ის, რასაც ჩვენ ვთავაზობთ ნებისმიერი ასაკის სტუმრისთვის სახალისო იქნება. ჩვენთან შეიძლება ფოტოების გადაღება ძველ, რეტრო გარემოში და ამასთან ქართული ნაციონალური სამოსით. კარგად იცით, რომ ეროვნული ტანსაცმელი ეთნიკური კუთხეების მიხედვით როგორი მრავალფეროვნებით გამოირჩევა. მანდილოსნებისთვის გვაქვს ტრადიციული გრძელი კაბები და თავსაბურავები, მამაკაცებისთვის კი- ჩოხა-ახალუხი, გვაქვს ასევე ძველი ქალაქური სამოსიც, მოკლედ არჩევანი თქვენზეა.

ფოტოსესია
ფოტოსესია

-თქვენთან არის თონე, სადაც ნებისმიერ მსურველს შეუძლია საკუთარი ხელით ჩაკრული პური დააგემოვნოს...

- დიახ, თონეც გვაქვს. თავიდან უფრთხიან ხოლმე თონეში პურის ჩაკვრას, მაგრამ უკვე მეორე მცდელობაზე ვატყობთ, რომ ამას სიამოვნებით აკეთებენ. რა ჯობია თონეში საკუთარი ხელით ჩაკრულ პურს?

ეზოში მოწყობილი თონე
ეზოში მოწყობილი თონე

- აქ გაქვთ მარანი, სადაც ვფიქრობ, განსაკუთრებით უცხოელი სტუმრებისთვის, ბევრი გექნებათ სათქმელი...

- ჩვენთან მოსული უცხოელი სტუმრები სიამოვნებით აგემოვნებენ ქვევრის ღვინოს, აქვე, რა თქმა უნდა, მათ ქართული სუფრის ტრადიციაზე ვესაუბრებით, მოგვიანებით კი, ყველაფერს უკვე თვალნათლივ ვაჩვენებთ. განსაკუთრებული ხაზგასმით ვეუბნებით (ვინც იცის, მათ ვახსენებთ) იმ ფაქტს, რომ სიტყვა „ღვინო“ მსოფლიოში ქართული სიტყვისგან გავრცელდა, რადგან საქართველო ღვინის სამშობლოა, სადაც 8000 წელზე უფრო ადრინდელი ყურძნის წიპწებიანი თიხის დოქებია აღმოჩენილი, რომ ჩვენთან ადამიანმა ველური ვაზი „გააკულტურულა და გააშინაურა“.

ამელის მარანი
"ამელის" მარანი

- დარწმუნებული ვარ, რომ ამ მარანში განსაკუთრებით მამაკაცებს უყვართ დაყოვნება...

 - ერთ ასეთ ამბავს გავიხსენებ, რომელიც ცნობილი ფილმის, „ღვინის ქურდების“ ეპიზოდს გაგახსენებთ. ადრე ბალტისპირეთიდან გვყავდა სტუმრები, როდესაც ყველამ დაიძინა, მარნიდან ხმაური შემომესმა. ავდექი და რას ვხედავ?- ჩვენი ერთი სტუმარი მისულია ერთ-ერთ ქვევრთან, რომელსაც შუშა აქვს გადაფარებული და მას ახლოდან აკვირდება. მივედი და ვეკითხები: რა ხდება მეთქი? ასე მიპასუხა: ვერაფრით დავიჯერე, რომ ამ ქვევრებში მართლა ღვინო გაქვთო. მე გადავწიე შუშა და ვაჩვენე. სიცილით მითხრა: გამაგებინეთ, რა გაძინებთ ზემოთ ასე მშვიდად, როდესაც აქ ამდენი ღვინოაო?

ფოტოსესია ამელში
ფოტოსესია "ამელში"

- უკვე წარმომიდგენია, როგორც მოიქცეოდით...

- იქვე დავსხედით, ქვევრიდან ღვინო ამოვიღე და დილამდე მარანში ვიყავით. დილით მისი მეგობრებიც შემოგვიერთდნენ. აქ მარტო ღვინოში არაა საქმე, მათ ჩვენგან წაღებული სითბო და იმ დღის მოგონება, დარწმუნებული ვარ, დიდხანს გაჰყვებათ. ისიც ეცოდინებათ, რომ ქართული სტუმართ-მასპინძლობის ამბავი ლეგენდა არ არის...

ამელის ეზო
"ამელის" ეზო

- თქვენთან ბევრი ცნობადი სახე ყოფილა სტუმრად...

- დიახ, გამორჩეული სტუმრებიც გვყავდა. მარტო ის რად ღირს, რომ ჩვენს როიალზე თავისი ქართული მუსიკა ააჟღერეს ისეთმა კომპოზიტორებმა, როგორებიც არიან: ვაჟა აზარაშვილი და კახა ცაბაძე, მეამაყება, რომ ისინი აქედან ნასიამოვნები წავიდნენ.

რეკვიზიტები ფოტოსესიისთვის
რეკვიზიტები ფოტოსესიისთვის

- როგორც ექიმი, შექნილ ვითარებაში რას ურჩევდით ადამიანებს?

- ძალიან მიკვირს მათი, ვისაც ამ ფონზე, რაც მსოფლიოში და კერძოდ, ჩვენთანაცაა, ჯერ კიდევ ეჭვი ეპარებათ კოვიდის არსებობაში. ყველას მინდა კიდევ ერთხელ ვურჩიო, რომ გაითვალისწინონ ჩემი კოლეგა ეპიდემიოლოგების რეკომენდაციები. ჩვენს სასტუმროშიც მათ ზედმიწევნით მკაცრად ვიცავთ. სხვაგვარად არაფერი გამოვა...

ზურან გერმანიშვილი და მისი მეუღლე, თამარ ბარამიძე
ზურან გერმანიშვილი და მისი მეუღლე, თამარ ბარამიძე

- რაიმე, განსაკუთრებული კახური რეკომენდაცია ხომ არ გაქვთ?

- რა თქმა უნდა მაქვს, პროფილაქტიკისთვის ყველას ორას გრამ წითელ ღვინოს და ნივრიან ხაშლამას ვთავაზობთ. საერთოდ კი, მე, როგორც ნეიროქირურგი გირჩევთ, გონება გაათავსუფლონ ნეგატიური აზრებისგან, ატარეთ დამცავი პირბადეები და უარი თქვით ხელოვნური, შინაგანი ნიღბებისგან, რაც ცხოვრებასა და ადამიანებთან ურთიერთობაში ხელს გიშლით...

 

2008

როგორ კლავს კორონავირუსი სარესტორნო ბიზნესს საქართველოს დედაქალაქში ფოტო

110
(განახლებულია 16:57 28.09.2020)
  • ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ
  • იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა
  • კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა
  • აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია
  • ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ
  • ზოგმა ნაწილობრივ დაკეტვა არჩია, რათა რთული დრო გადააგორონ
  • კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს
  • დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას
  • ახლა თითქოს ყველაფერი უკან მიედინება
  • რთული სათქმელია, როდის დაუბრუნდება ცხოვრება კალაპოტს
  • კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია
  • ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი
  • ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ
  • ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“
  • ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა
კორონავირუსის პანდემიის გამო დაწესებული აკრძალვებისა და შეზღუდვების გამო საქართველოში ტურისტული და სარესტორნო ბიზნესი მძიმე კრიზისში აღმოჩნდა. იხილეთ „Sputnik-საქართველოს“ ფოტოკადრები, თუ რა მდგომარეობაშია ასეთი დაწესებულებები თბილისის ცენტრში.

ტურისტების გარეშე ძველი თბილისის კაფეები და რესტორნები, ფაქტობრივად, ცარიელია. დაწესებულებები, რომლებსაც ადგილობრივები სტუმრობდნენ, ასევე კრიზისულ სიტუაციაში არიან, კლიენტების რაოდენობა საგრძნობლად შემცირდა, მაგრამ სულ მაინც არ გაჩერებულან. ხოლო ის კაფეები და რესტორნები, რომლებიც მხოლოდ ტურიზმზე იყო გათვლილი, ახლა ან სამუშაო ფორმატს ცვლიან, ან ფასებს ამცირებენ, ან საერთოდ იკეტებიან.

110
  • ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ
    © Sputnik / Alexander Imedashvili

    ერთი წლის წინ აქ გავლა შეუძლებელი იყო - ყველგან იდგა მაგიდები, სადაც სტუმრები ისხდნენ

  • იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა
    © Sputnik / Alexander Imedashvili

    იქაც კი, სადაც მაგიდები ღია ცის ქვეშ დგას, კლიენტების რაოდენობა ძალიან ცოტაა

  • კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა
    © Sputnik / Alexander Imedashvili

    კრიზისი შეეხო ტურისტულ ცენტრში განთავსებულ ყველა დაწესებულებას, მიუხედავად ფასებისა და საკვებისა და მომსახურების ხარისხისა

  • აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია
    © Sputnik / Alexander Imedashvili

    აქ ადრე თავისუფალი მაგიდის პოვნა ძალიან რთული იყო, ახლა კი საერთოდ შეუძლებელია. დაწესებულება დაკეტილია

  • ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ
    © Sputnik / Alexander Imedashvili

    ისინი, ვისაც უკეთესობის იმედი აქვს, რთული არჩევანის წინაშე აღმოჩნდნენ

  • ზოგმა ნაწილობრივ დაკეტვა არჩია, რათა რთული დრო გადააგორონ
    © Sputnik / Alexander Imedashvili

    ზოგმა ნაწილობრივ დაკეტვა არჩია, რათა რთული დრო გადააგორონ

  • კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს
    © Sputnik / Alexander Imedashvili

    კატასტროფული მდგომარეობის მასშტაბები ადვილი შესამჩნევია - ამაზე ტურისტების არყოფნა და ცარიელი ქუჩები მეტყველებს

  • დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას
    © Sputnik / Alexander Imedashvili

    დღეს ყველა სირთულეების წინაშე აღმოჩნდა. ტურიზმი სარესტორნო სფეროს აცოცხლებდა და აძლევდა განვითარების საშუალებას

  • ახლა თითქოს ყველაფერი უკან მიედინება
    © Sputnik / Alexander Imedashvili

    ახლა თითქოს ყველაფერი უკან მიედინება

  • რთული სათქმელია, როდის დაუბრუნდება ცხოვრება კალაპოტს
    © Sputnik / Alexander Imedashvili

    რთული სათქმელია, როდის დაუბრუნდება ცხოვრება კალაპოტს

  • კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია
    © Sputnik / Alexander Imedashvili

    კაფეები და რესტორნები ახლა გამუდმებით კლიენტების მოლოდინში არიან, თუმცა მათი მოზიდვა ძალიან რთულია

  • ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი
    © Sputnik / Alexander Imedashvili

    ზოგმა დაწესებულებამ სახლში მიტანის სერვისი დანერგა, თუმცა ეს ყველასთვის არ არის გამოსავალი

  • ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ
    © Sputnik / Alexander Imedashvili

    ეს არ ეხება დაწესებულებებს, რომლებსაც განსაკუთრებული გარემო აქვს და კლიენტები შეგრძნებებისა და ემოციების საძიებლად სტუმრობდნენ მათ

  • ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“
    © Sputnik / Alexander Imedashvili

    ქალაქის ყველაზე პოპულარულ ადგილებზე ხშირად შეხვდებით წარწერებს - „ქირავდება“ და „დაკეტილია“

  • ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა
    © Sputnik / Alexander Imedashvili

    ზოგი უკეთესობის იმედი განაგრძობს მუშაობას, თუმცა კრიზისული სიტუაციის გაძლება ყველასთვის შესაძლებელი არ აღმოჩნდა

საბადურის

კვირის ასტროპროგნოზი: სიყვარული, ფინანსები, სამუშაო 25 ოქტომბერი - 1 ნოემბერი

0
(განახლებულია 12:11 25.10.2020)
როგორი იქნება ეს კვირა ზოდიაქოს ნიშნების წარმომადგენლებისთვის, როგორ მივაღწიოთ წარმატებებს, როგორ ავარიდოთ თავი განსაცდელს – ყოველივე ამის შესახებ ასტროლოგები გვიამბობენ.

ვარსკვლავების განწყობა ამ კვირაში ცვალებადი იქნება, თუმცა ერთი რამის თქმა მაინც შეიძლება – კვირის მეორე ნახევარი პირველზე გაცილებით პოზიტიური იქნება.

ვერძი

ამ კვირაში სიბრძნე და ძალა მოგემატებათ. ამისთვის უნდა მისდიოთ სასარგებლო რჩევებს, ასევე ენდოთ ინტუიციას, რომელიც ახლა სათანადო სიმაღლეზეა. ასტროლოგები გირჩევენ, შეაკავოთ ნეგატიური ემოციები და გამოხატოთ პოზიტიური. აჩვენეთ სიყვარული ახლობლებს და თავი შეიკავეთ, თუ ვინმე სკანდალის პროვოცირებას შეეცდება.

როგორი დასვენება უყვართ ზოდიაქოს ნიშნებს>>

კვირის მეორე ნახევარი იდეალურია იმიჯის შეცვლისთვის. ეს განსაკუთრებით წაადგება მათ, ვინც სამუშაოს ეძებს. ძალზე მნიშვნელოვანია, რომ ყურადღება მიაქციოთ ჯანმრთელობას და არ გადაიღალოთ.

კურო

კვირის დასაწყისი მერკურისა და მზის ძალაუფლების ქვეშ იქნება. კუროებს ცხოვრებაში არცთუ სასიამოვნო ცვლილებები გელოდებათ. შესუსტებული იქნება საინფორმაციო ნაკადები, ამიტომ ექსპერტები გირჩევენ, სიმართლე და სიცრუე ერთმანეთისგან განაცალკევოთ. კვირის პირველ დღეებში მატყუარა და ანგარებიანი ადამიანები გააქტიურდებიან – არ აიღოთ მათგან მაგალითი.

28 ოქტომბრიდან ძალზე ხელსაყრელი პერიოდი დადგება, როდესაც გაგიმართლებთ სიყვარულშიცა და საქმიანობაშიც.  ამისთვის კი აუცილებელია, რომ იზრუნოთ ჯანმრთელობასა და ენერგეტიკაზე. წაგადგებათ მოძრაობა, სეირნობა, სპორტი. კვირის ბოლო ასევე კარგი დროა მოგზაურობისთვის, მივლინებებისთვის.

ტყუპი

26 და 27 ოქტომბერი შეიძლება ნეგატიური ენერგიით იყოს დატვირთული. ეცადეთ, გონება უარყოფითი აზრებისგან გაწმინდოთ. ოთხშაბათიდან ვითარება მკვეთრად შეიცვლება. სამუშაო კვირის ბოლო ნებისმიერი პროფესიის წარმომადგენლებისთვის ძალზე პროდუქტიული იქნება.

იდეალური ქვეყანა ზოდიაქოს თითოეული ნიშნისთვის>>

ოთხშაბათიდან შაბათის ჩათვლით ვარსკვლავები და პლანეტები დიდ იღბლიანობასა და პოზიტივს მოიტანენ. შეგიძლიათ ახალი საქმეების დაწყება, რამე მნიშვნელოვანსა და საპასუხისმგებლოზე შეჭიდება, შესაძლებელია ფულის გამომუშავება და მისი გონივრულად დახარჯვა.

კირჩხიბი

ბედნიერება მხოლოდ ის არაა, როცა რაღაცას ვიღებთ, არამედ ისიც, როდესაც ვიწმინდებით არასაჭირო და ტოქსიკურისგან. მაგალითად, უნდა გათავისუფლდეთ წუწუნის, ყველაფრის სხვებისთვის დაბრალების  ჩვევისგან, ნეგატიური აზროვნებისგან, საკუთარი თავის მართლების, შიშების, ჭორებისგან და ასევე სიყვარულზე „ნარკოტიკული“ დამოკიდებულებისგან. ამ ყველაფრისთვის ეს იდეალური კვირაა.

არ არის გამორიცხული, რომ რაღაც მნიშვნელოვანი საიდუმლო შეიტყოთ, რომელიც დიდი ხანი დამალული იყო. ღამის მანათობლები ასევე დაგეხმარებიანსხვადასხვა ნივთის შეძენაში, მნიშვნელოვანი გარიგებების დადებაში, იურიდიული პრობლემების გადაჭრაში. კვირის მიწურულს გამძაფრდება ურთიერთობებისა და რომანტიკის მოთხოვნილება.

ლომი

ლომები ყველანაირად უნდა ეცადოთ, რომ ნეგატიურ ადამიანებს მოერიდოთ. მათ შეუძლიათ, უარყოფითი ენერგიით დაგმუხტონ და თან – გაუცნობიერებლად, არა სპეციალურად. მარტოხელა ლომებს ექსპერტები გირჩევენ, რომანტიკასა და ახალი ნაცნობობების ძიებას სწავლა და ახალი უნარების გამომუშავება ამჯობინოთ, მით უმეტეს, რომ თქვენი მეხსიერება და ყურადღება უფრო გამახვილდება.

სად იმალება ზოდიაქოს თითოეული ნიშნის ბედნიერების საიდუმლო>>

ინტელექტუალური სამუშაო შესანაშნავად შესრულდება, მაგრამ მგზავრობა და მივლინებები, სჯობს, გადადოთ, აუცილებლობის შემთხვევაში კი გზისთვის დიდი ყურადღებით გაემზადეთ და იფრთხილეთ.

ქალწული

ქალწულებმა ენერგია, სჯობს, სამუშაოზე, ბიზნესსა და ფინანსურ საკითხებზე დახარჯოთ. მოსალოდნელია პროდუქტიულობის ზრდა, გაგიმართლებთ სამუშაო სფეროში. გააქტიურება ასევე საჭიროა სიყვარულშიც. არაა გამორიცხული, რომ შეხვდეთ სასიამოვნო ადამიანს, რომელიც მომავალში, შესაძლოა, თქვენი მეორე ნახევარი ან კარგი მეგობარი გახდეს.

უპრიანია, კვირა სახლის საფუძვლიანი დალაგებითა და მოწესრიგებით დაიწყოთ. გათავისუფლდით და გადაყარეთ უსარგებლო და ძველი ნივთები – მათ თქვენი უარყოფითი ენერგიით დამუხტვა შეუძლიათ. შეამოწმეთ ფინანსები, შეადგინეთ საყიდლების სია, გეგმა. ასევე მნიშვნელოვანია, რომ მეტი დრო დაუთმოთ ოჯახის წევრებსა და ნათესავებს.

სასწორი

სასწორებისთვის კვირის პირველი ორი დღე შეიძლება ძალზე ნერვული აღმოჩნდეს, რადგან ვარსკვლავები და პლანეტები დისონანსში იქნებიან. კარგი პერიოდია ნათესავებთან დაახლოების, რემონტის ან ერთობლივი საქმეების დაწყებისთვის. შეიძლება შოპინგი, საჩუქრების გაკეთება საყვარელი ადამიანებისთვის.

ზოდიაქოს ნიშნები, რომლებსაც განსაკუთრებული მისია აკისრიათ>>

უქმეებზე ასტროლოგები კარგად დასვენებასა და გართობას გირჩევენ. ამასთან, გაფრთხილებენ, რომ მოერიდოთ ზედმეტ აზარტსა და რისკს. ვარსკვლავები მოტივაციით დაგასაჩუქრებენ, დაგეხმარებიან ახალი ცოდნისა და სურვილების წყაროს პოვნაში. შემოქმედებითი პროფესიების წარმომადგენლებს 28 ოქტომბრიდან დიდი შთაგონება გელოდებათ.

მორიელი

ასტროლოგები გირჩევენ, შურის გრძნობას შეებრძოლოთ. ეს გრძნობა თქვენთვის დამანგრეველია განსაკუთრებით ამ კვირაში. მან შეიძლება გავლენა მოახდინოს თქვენს სამუშაო გეგმაზე, ჯანმრთელობაზე. სამუშაო სფეროში წესიერება და პატიოსნება დაგჭირდებათ – ამ ორი თვისების წყალობით წარმატებებს უფრო მალე მიაღწევთ.

სხვების წარმატებებს ყურადღებას ნუ მიაქციევთ, არამედ მთელი ყურადღება საკუთარ მიღწევებზე გაამახვილეთ. ვარსკვლავები დაგეხმარებიან შრომისმოყვარეობის გაძლიერებაში, განამტკიცებენ თქვენს ჯანმრთელობასა და მორალურ სულს. ასევე ექსპერტების რჩევაა, რომ წარსულში არ გაიხედოთ, მზერა მომავლისკენ მიმართეთ და იზრუნეთ აწმყოზე. არ ღირს საკუთარი თავის კრიტიკა და დასჯა წარსულის შეცდომების გამო.

მშვილდოსანი

მშვილდოსნებისთვის დგება იმის დრო, რომ თავი მიუძღვნათ სიყვარულს, ოჯახსა და მეგობრებს. ახლობელ ადამიანებთან ურთიერთობები აამაღლებს თქვენს ენერგეტიკას და მოგმატებთ იღბალს. ახლობლებზე ზრუნვა აწმყოსა და მომავალში მათი მხრიდან დახმარების გარანტი იქნება.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

რაც შეეხება ფინანსურ სფეროს, აქ მშვილდოსნებს ყველა მიმართულებით გაგიმართლებთ. შესაძლებელია შემოსავლების გაზრდა, შემოსავლების მიღების ახალი წყაროების მოძებნა და პოვნა, ფულის სწორად დახარჯვა. შოპინგი განწყობის ამაღლებასა და პოზიტიური ენერგიით დამუხტვაში დაგეხმარებათ.

თხის რქა

ამ კვირაში წაგადგებათ ახალი შეხვედრები, ნაცნობობა, ურთიერთობები. არ ღირს საკუთარ თავში ჩაკეტვა. მოუსმინეთ გარშემომყოფების რჩევებს, განსაკუთრებით 28 ოქტომბრის შემდეგ. კვირის პირველ ორ დღეს არის რისკი იმისა, რომ სამუშაოსა და ბიზნესში მძლავ დაპირისპირებას შეეჯახოთ. არ არის გამორიცხული, რომ გააქტიურდნენ მტრები და არაკეთილმოსურნეები.

კოლეგებთან, პარტნიორებთან ან კლიენტებთან მეტი მოქნილობა გმართებთ. თხის რქები ბრძენ ნიშანთა რიცხვს განეკუთვნებით, მაგრამ პირველ ორ დღეს მაინც შეიძლება ადვილად გაანაწყენოთ ვინმე. თუ გარშემომყოფები თავიანთი პირობების კარნახს შეეცდებიან, დათმობაზე წასვლა თქვენს საზიანოდ არ ღირს. ექსპერტები ასევე ვარაუდობენ, რომ შესაძლებელია გაუთვალისწინებელი ხარჯები.

მერწყული

როგორც ეზოთერიკოსები ამბობენ, სწორად შერჩეული სიტყვები იღბლიანობას ზრდის. მიზიდულობის კანონი ნამდვილად მუშაობს, ამიტომ სჯობს, ჯერ დაფიქრდეთ და შემდეგ ილაპარაკოთ პოზიტიურ რამეებზე, მეტად გწამდეთ საკუთარი თავის და არ დაიწყოთ ურთიერთობების გამორკვევა მეორე ნახევართან. ჩხუბი და ნეგატივი პრობლემების პროვოცირებას მოაწყობს სხვა სფეროებშიც.

ზოდიაქოს ნიშნები, რომლებსაც ერთი ნახვით უყვარდებათ>>

მარტოხელა მერწყულებმა, სჯობს, შეაჩეროთ პარტნიორის ძებნის პროცესი და სამუშაოზე გადაერთოთ. განსაკუთრებული ყურადღება უნდა დაუთმოთ საოჯახო საქმეებსაც. წაგადგებათ გარეგნობის შეცვლა, გარდერობის განახლება. უქმეებზე კი კარგი იქნება გართობა.

თევზები

თევზებისთვის ძალზე წარმატებული და პოზიტიური კვირაა. შეგიძლიათ ახალი ცხოვრების დაწყება, რომელიც ბედნიერებამდე მიგიყვანთ. კარგად აეწყობა ახალი საქმეები, ახალი სამსახურის ძებნა, საყვარელი ადამიანის პოვნის პროცესი. ექსპერტების რჩევაა, გააქტიურდეთ სოციალურ ქსელებში.

ასტროლოგები ასევე გირჩევენ, გაწმინდოთ საინფორმაციო ველი. წაშალეთ არასაჭირო კონტაქტები ტელეფონიდან, სოციალური ქსელებიდან. ახლა ენერგეტიკული აღმავლობის გზაზე ხართ. გეყოფათ ძალა, რომ მთები გადადგათ. ძალზე მნიშვნელოვანია, რომ პოზიტიური განწყობა გარშემომყოფებს გაუზიაროთ.

0