პრაღა

ზარას, ბერშკას, სტრადივარიუსის ტანსაცმელი ორ ლარად რა ვნახოთ და სად ვიშოპინგოთ პრაღაში

11603
(განახლებულია 12:51 03.02.2019)
აი, ჩვნი რუბრიკის დღეც დადგა და „Sputnik საქართველო“ ელენე ხვედელიძეს წარმოგიდგენთ, რომელიც მოგზაურობის შესახებ მოგითხრობთ.

ელენემ სულ ახლახან იმოგზაურა ჩეხეთის ულამაზეს დედაქალაქში, პრაღაში. და თუ შენ ახლო მომავალში გეგმავ პრაღის მონხულებას, მისი რჩევები და გამოდილება აუცილებლად დაგეხმარება.

ელენე ხვედელიძე
ელენე ხვედელიძე

– ალბათ შევძლებ დაუსრულებლად ვისაუბრო პრაღაში მოგზაურობაზე, იმ თავგადასავლებზე და ემოციებზე, რაც მოგზაურობის დროს გადამხდა. თუმცა ამჯერად პრაღაზე გიამბობთ, რომელიც მართლაც დაუვიწყარი ქალაქია.

– სჯობს თხრობა აეროპორტით დავიწყოთ. როგორ მოვხვდეთ აეროპორტიდან ქალაქში?

– აეროპორტში ჩასვლისთანავე გავდივართ სტანდარტულ პასპორტ კონტროლს, რომელიც პრაღაში როგორც წესი ძალიან იოლია და ვხვდებით პირდაპირ სავალუტო ჯიხურთან, სადაც ვახურდავებთ ხუთ ევროს. მეტს არა, რადგან მაღალი კურსი აქვთ. გამოვდივართ გარეთ და აპარატში ვყიდულობთ ტრანსპორტის ბილეთს. არის ნახევარ საათიანი, 90 წუთიანი, ერთ დღიანი და სამ დღიანი. ჩემი აზრით ჯობია პირდაპირ სამ დღიანი იყიდოთ, რადგან ძალიან იაფია და აღარ დაგჭირდებათ საჭიროების შემთხვევაში აპარატების ძებნა, თანაც ფუნიკულიორით და boat trip - ით სარგებლობასაც მოახერხებთ. დანარჩენ თანხას ქალაქის ნებისმიერ სავალუტო ჯიხურში თამამად დაახურდავებთ, მთავარია დიდი ასოებით ეწეროს 0 % commission. 119 ან 110 ნომერი ავტობუსით წახვალთ მეტრომდე, გააჩნია რომელი მეტროს ხაზი გაწყობთ, ცენტრისკენ მიმავლებმა 119-ით უნდა იმგზავროთ. ნადრეზის მეტროსაგურამდე და შემდეგ უკვე კონკრეტული ლოკაციის მიხედვით მიხვდებით რომელ სადგურზე უნდა ამოხვიდეთ. ლოკაციები - პრაღა 1, 2 და 3 ცენტრია და ცხადია იქ დარჩენა ჯობს, თუმცა, რადგან საზოგადოებრივი ტრანსპორტი ძალიან მოწესრიგებულია, საცობის პრობლემა არ დგას და თანაც ტრანსპორტის ლოდინიც მაქსიმუმ 5 წუთი მოგიწევთ ტრავმაით ნებისმიერ უბანში იოლად და სწრაფად „მიკუსკუსდებით“.

მოგზაურობისას გადაღებული ფოტო
მოგზაურობისას გადაღებული ფოტო

– თქვანი გამოცდილებიდან გამომდინარე, რას ურჩევთ პრაღში მოგზაურობის მსურველებს, რა ღირსშესანიშნაობა უნდა ნახონ?

– დავიწყებ კარლოვის ხიდით, შემდეგ პრაღის ციხესიმაგრე და view point. ეს სამი უმჯობესია დილის ცხრა საათამდე ნახოთ, რადგან სხვა დროს ჩინურ სულს უფრო შეიგრძნობთ, ვიდრე ჩეხურს.

პეტრინის პარკში ყოველ მიზეზგარეშე ფეხით უნდა ახვიდეთ (სასურველია ტრდელნიკით ხელში, რომელსაც ნარუდოვას ქუჩიდან გაიყოლებთ და გზად გაგათბობთ და დაგატკბობთ), ყველაზე დიდი პანორამული ხედით დატკბეთ და უკან ფუნიკულიორით ჩამოხვიდეთ.

პეტრინის პარკისკენ მიმავალმა სტრაჰოვის მონასტერში უნდა შეიაროთ და ჯადოსნური ლუდი დალიოთ. ზოგადად პრაღაში რომ უგემრიელესი ლუდია ყველამ იცის, მაგრამ სტრაჰოვის მაინც გამორჩეულია, გულიაშიც იქ აქვთ ჩემი აზრით ყველაზე გემრიელი. მე ზოგადად არც ლუდი მიყვარს და არც მოთუხთუხებული ხორცები, მაგრამ ახლა გავაანალიზე, რომ პრაღაში ყოფნისას წყალიც არ დამილევია და ძარღვებში სავარაუდოდ ლუდი და გულიაში მიჩქეფს.

 თავად სტრაჰოვის მონასტერი ძალიან მისტიური ადგილია, ისეთი შეგრძნება დამეუფლა, რომ შენობიდან შუასაუკუნეების გრაფები და რაინდები უნდა გამოსულიყვნენ, მიუხედავად იმისა, რომ იქაც მხოლოდ ჩინელები ვიხილე ბლომად. ულამაზესია საათის კოშკი, სტრაე მესტოს მოედანი - აქ გინდათ არ გინდათ მაინც მოხვდებით, თუმცა რადგან უკვე Prague Castle ნანახი მქონდა მაინცდამაინც დიდი შთაბეჭდილება ვეღარ მოახდინა, ამიტომ ეცადეთ ჯერ ეს ორი ნახოთ და პრაღის აღმართებს შემდეგ შეუდგეთ.

ლენონის კედელი - დანარჩენ ღირსშესანიშნაობებთან შედარებით არანაირი არაფერი, თუ ლენონზე გიჟდებით ისე არ მოგეწონებათ და ფოტო გამოდის კიდევ კარგი. ზოგადად პრაღა მთლიანად დასათვალიერებელი ქალაქია, ფეხით უნდა მოიაროთ, ფერადი შენობებით, ფერადი ვიტრინებით, მოკირწლული ვიწრო, იქაური ტკბილეულის სუნით გაჟღენთილი ქუჩები და ხედებით უნდა დატკბეთ.

ელენე ხვედელიძე
ელენე ხვედელიძე

 – ჩეხური სამზარეულოზე რას გვეტყვით?

– ცენტრში კვება არც ისე იაფია, ჯობს პრაღის ვიუ ფოინთისკენ მიმავალმა შეიაროთ რომელიმე ძველებურ პაბში ან კაფეში, უფრო გემრიელიცაა და ტრადიციული ატმოსფეროც უფრო იგრძნობა. ცენტრში კი ყველაზე უფრო ორიგინალური, გემრიელი და დიდი პორციებით გამორჩეულ ვიტოპნას ესტუმრეთ, სადაც ქაფქაფა ლუდს პაწაწინა მატარებლით მოგიტანენ. აქვე დავამატებ, რომ ქალაქის ცენტრიდან ხუთ გაჩერებაში არის ტესკოს სუპერმარკეტი ანდალის სავაჭრო ცენტრში და 3-4 ევროდ იმდენ რამეს იყიდით, თუ მოინდომეთ სუფრას გაშლით.

მე განსაკუთრებით კონტეინერებში ჩაწყობილი ხილი მომეწონა, იყიდე ერთ ევროდ მარწყვი, ჟოლო და მოცხარი და გააგრძელე სეირნობა უფრო ბედნიერმა.

მოგზაურობისას გადაღებული ფოტო
მოგზაურობისას გადაღებული ფოტო

– შოპინგის მოყვარულებს რა ელით პრაღაში?

– შოპინგი ორი სიტყვით რომ გითხრათ - ორ ლარად გამოვზიდე ზარა, ბერშკა, სტრადივარიუსი და მისთანანი. კოსმეტიკის ძალიან კარგი მაღაზია აღმოვაჩინე ზემოთხსენებული ანდალის სავაჭრო ცენტრის მოპირდაპირე მხარეს - ტეტა კოსმეტიკს ქვია, ყველაფერი აშკარად ორიგინალი და აშკარად იაფია. და ბოლოს დავამატებ, პრაღა ღამის და სინათლის ქალაქი ნამდვილად არაა, სადღაც 8-9 საათისთვის თითქმის ყველაფერი კვდება, გარდა სტარე მესტოს (ჩვენებური შარდენი) ტერიტორიებისა. გართობას რაც შეეხება თუ შარდენის პაპსა გართობის მოყვარული არ ბრძანდებით, ნურც სტარე მესტოს ბარებში და კლუბებში სტუმრობით შეიწუხებთ თავს, სავარაუდოდ არ მოგეწონებათ. კარგი კლუბია როქსი, ცენტრიდან შედარებით შორს, გადმოცემით ვიცი, რომ ანკალიც, მაგრამ იქ არ ვყოფილვარ და მეტს ვერაფერს გეტყვით.

მოგზაურობისას გადაღებული ფოტო
მოგზაურობისას გადაღებული ფოტო

– რამდენი დღეა საკმარისი პრაღას დასათვალიერებლად?

– ჩემი აზრით პრაღისთვის 4 - 5 დღეა საკმარისი. 1 კვირა ვერაფერს ვეღარ გააკეთებთ მოგწყინდებათ. ასევე რეკომენდაცია იქნება თუ პრაღას შემოდგომისას მოინახულებთ, დამერწმუნეთ საოცარ ხედებს ნახავთ.

 

11603
მინისტრი ნათია თურნავა

თურნავა: ქუჩებში შევძლებთ მონატრებული უცხოელი ტურისტების დანახვას

127
(განახლებულია 19:33 05.08.2020)
თბილისში მიუნხენიდან და პარიზიდან ჩამოფრენილ პირველ ორ ავიარეისზე მგზავრთა უმეტესობა უცხოელი ტურისტი იყო.

თბილისი, 5 აგვისტო – Sputnik. თბილისის ქუჩებში უკვე გამოჩნდნენ პირველი ტურისტები საფრანგეთიდან და გერმანიიდან, განაცხადა ბრიფინგზე საქართველოს ეკონომიკისა და მდგრადი განვითარების მინისტრმა ნათია თურნავამ.

თბილისი–რიგა: დღეიდან ორ ქვეყანას შორის რეგულარული ავიარეისები შესრულდება>>

ოთხთვიანი წყვეტის შემდეგ საქართველომ ხუთი ქვეყნისთვის თავისი საჰაერო საზღვრები გახსნა. ამ ქვეყნების მოქალაქეებს ქვეყანაში შემოსვლა უპირობოდ შეუძლიათ. ეს ქვეყნებია გერმანია, საფრანგეთი, ლატვია, ლიეტუვა და ესტონეთი. სახმელეთო საზღვრები, გარდა განსაკუთრებული შემთხვევებისა, დღემდე დაკეტილია.

„ავიარეისების მგზავრების უდიდესი უმრავლესობა – სამი მეოთხედი უცხოელი ტურისტები, საერთაშორისო ვიზიტორები არიან. აქედან გამომდინარე, ქუჩებში უკვე შევძლებთ მონატრებული ტურისტების დანახვას. ეს ძალიან მნიშვნელოვანი სტატისტიკაა, რა თქმა უნდა, ჩვენი მოქალაქეებიც სარგებლობენ ამ რეისებით, მაგრამ ძირითადად ის ვიზიტორები, ვისაც სურს ესტუმროს საქართველოს, რომელიც არის უსაფრთხო ქვეყანა“, – განაცხადა თურნავამ.

სამშაბათს თბილისში ჩარტერული რეისით ჩამოფრინდა თვითმფრინავი პარიზიდან. ბორტზე 188 ადამიანი იმყოფებოდა, მათგან უმრავლესობა ტურისტი იყო. მათ აეროპორტი კარანტინის გარეშე დატოვეს. ამდენივე ადამიანი ჩამოფრინდა მიუნხენიდან – ასევე უმეტესობა გერმანელი ტურისტი იყო.

ტურისტული სფერო ის დარგია, რომელიც კორონავირუსის პანდემიის გამო ძალიან დაზარალდა, რადგან საქართველოს ხელისუფლებამ საზღვრები მარტში დაკეტა. ამჟამად მთავრობა ძირითადად ადგილობრივი ტურიზმის განვითარებაზეა ორიენტირებული.

საქართველოში შიდა ტურიზმი ოფიციალურად 15 ივნისს გაიხსნა. ხელისუფლება მოქალაქეებს მოუწოდებს, წელს სამშობლოში დაისვენონ და ქვეყანას ამ სფეროში დაეხმარონ. ამასთან დაცული უნდა იყოს უსაფრთხოების ზომები.

აგვისტოში საქართველოში შესრულდება როგორც კომერციული ჩარტერული რეისები, ისე რეგულარული რეისები უსაფრთხო დერეფნებით. ამ საკითხზე ტექნიკური მოლაპარაკებები სამოქალაქო ავიაციის სააგენტომ რამდენიმე ავიაკომპანისთან გამართა.

უსაფრთხო მოგზაურობა ზაფხულში: საქართველოს რომელ კურორტებზე შევძლებთ დასვენებას>>

რიგა ერთ-ერთია იმ სამი საერთაშორისო მიმართულებიდან, რომელთანაც რეგულარული ფრენები დღეს განახლდა. 2 აგვისტოდან აღდგა ფრენები მიუნხენი–თბილისი–მიუნხენის მიმართულებით, ხოლო 8 აგვისტოდან დაიწყება პარიზი–თბილისი–პარიზის რეგულარული რეისები.

127
თემები:
საქართველოს ეკონომიკა
ხედი გოდერძის უღელტეხილიდან

აჭარაში ალპური ბოტანიკური ბაღი გაიხსნა

160
(განახლებულია 19:37 30.07.2020)
გოდერძის ალპური ბოტანიკური ბაღი კურორტ გოდერძისთან ახლოს, ზღვის დონიდან 1960 მეტრ სიმაღლეზე მდებარეობს.

თბილისი, 30 ივლისი – Sputnik. აჭარაში 30 ივლისს მუშაობა დაიწყო ალპურმა ბოტანიკურმა ბაღმა, იუწყება აჭარის ტურიზმისა და კურორტების დეპარტამენტის პრეს-სამსახური.

სათავგადასავლო ატრაქციები: ნოქალაქევში „თოკების პარკი“ და 130 მეტრიანი ზიპლაინი მოეწყო>>

ვიზიტორები უნიკალური ქვის ბაღის ალპინარიუმის ნახვას შეძლებენ, რომლის მოწყობაზეც ქართველ სპეციალისტებთან ერთად მიუნხენის ბოტანიკური ბაღის მებაღე ჰელმუტ ვისნეტმაც იმუშავა.

ალპინარიუმში ალპური და სუბალპური ზონებისთვის დამახასიათებელი მცენარეები სპეციალური ქვების კომპოზიციებითაა წარმოდგენილი. სტუმრებისთვის მოწყობილია სივრცეები პიკნიკისა და კემპინგისთვის.

გოდერძის ალპური ბაღი მთლიანობაში 15 ზონას მოიცავს, რომელთა შორის გამოირჩევა ტბისა და ჭაობის, წყაროსა და პიკნიკის ზონები, ასევე მეფუტკრეობის სადემონსტრაციო ზონა, სადაც ვიზიტორებს საშუალება აქვთ, ჯარას ველური თაფლის წარმოების უნიკალურ ტრადიციას გაეცნონ.

ალპური ბოტანიკური ბაღი ერთი-ერთი საინტერესო ტურისტული მიმართულებაა ჩირუხი-ხიხანი-გოდერძისა და მწვანე ტბის ტურისტულ მარშრუტზე მოგზაურებისთვის, ასევე კურორტ გოდერძისა და ბეშუმში დამსვენებლებისთვის.

უსაფრთხო მოგზაურობა ზაფხულში: საქართველოს რომელ კურორტებზე შევძლებთ დასვენებას>>

ბაღი 2016 წელს შეიქმნა და მას ბათუმის ბოტანიკური ბაღი ხელმძღვანელობს. შესვლა ბაღში თავისუფალია.

160
თემები:
ტურიზმი საქართველოში
შორენა ბეგაშვილი კახა მამულაშვილი

15 წლის წინ მამულიჩას ჯადო გაუკეთეს? პროდიუსერის სკანდალური პოსტი

0
(განახლებულია 14:45 31.07.2020)
მამულიჩა სოციალურ ქსელში სკანდალურ პოსტს აქვეყნებს, საიდანაც ირკვევა, რომ პროდიუსერმა ახლა აღმოაჩინა, რომ ჯადო აქვს გაკეთებული.

ცნობილი პროდიუსერი კახა მამულაშვილი, რომელსაც საზოგადოება „მამულიჩად“ იცნობს, სოციალურ ქსელში სკანდალურ პოსტს აქვეყნებს. პროდიუსერი ერთ-ერთ ჯგუფში გამოქვეყნებულ ინფორმაციას ასაჯაროებს, სადაც ქალი წერს, რომ მასთან 15 წლის წინ ცნობილი მომღერალი ლელა წურწუმია „მამულიჩასთვის“ ჯადოს გასაკეთებლად მივიდა.

ლელა წურწუმიამ კარიერა 90-იანებში დაიწყო. კახა მამულაშვილთან დაოჯახების შემდეგ კი მისი ოჯახი უფრო პოპულარული გახდა. წყვილმა შოუ-ბიზნესში კარიერა ერთად დაიწყო. კახა მამულაშვილი პოპ-დივას კონცერტებს ხელმძღვანელობს. წყვილს საერთო შვილი – 18 წლის მარიკო ჰყავთ.

View this post on Instagram

1-2-3-4

A post shared by Kakhi Mamulashvili.Mamulicha (@mamulicha888) on

ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე სულ უფრო და უფრო ხშირად ჩნდება ვარსკვლავებთან ერთად გადაღებული სახალისო ფოტო-ვიდეოები. განსაკუთრებულ ყურადღებას კი მისი ოჯახის წევრები იქცევენ.

View this post on Instagram

#ძირსკორონა

A post shared by Kakhi Mamulashvili.Mamulicha (@mamulicha888) on

ლელა წურწუმია ქართველი პოპ-მომღერალია, რომელმაც პირველმა შესთავაზა ერთგულ მსმენელს კონცერტი სანახაობრივი ეფექტებით. გამოშვებული აქვს 12 ალბომი, გადაღებული აქვს 10 მუსიკალური ვიდეო. მისი ალბომი „სულელი წვიმა“ 2003 წლის ყველაზე მაღალტირაჟიან ალბომად დასახელდა.

0
თემები:
სელებრითების ცხოვრება