მახუნცეთის ჩანჩქერი

აჭარის ტურისტული პოტენციალი პოლონეთში წარადგინეს

66
(განახლებულია 10:52 18.10.2018)
აჭარა National Geographic Traveler-თან კონტაქტებს ამყარებს, რათა მაქსიმალურად მოხდეს რეგიონის ტურისტული პოტენციალის პოპულარიზაცია.

თბილისი, 18 ოქტომბერი — Sputnik. აჭარის ტურიზმისა და კურორტების დეპარტამენტმა რეგიონის ტურისტული პოტენციალი პოლონეთში National Geographic Traveler-ის საერთაშორისო კონფერენციაზე წარადგინა, აცნობეს „Sputnik-საქართველოს" დეპარტამენტის პრეს-სამსახურში.

ღონისძიება ახალი ტურისტული მიმართულებების გამოვლენას ეძღვნებოდა. კონფერენციას ტურისტული სააგენტოებისა და ორგანიზაციების წარმომამადგენლები, ტელე-რადიოჟურნალისტები, ბლოგერები და ტურიზმით დაინტერესებული სხვადასხვა ქვეყნის წარმომადგენლები ესწრებოდნენ.

National Geographic-ი საქართველოს რეკლამას იწყებს>>>

აჭარის ტურიზმის დეპარტამენტის წარმომადგენლები კონფერენციაზე რეგიონის სამთო და საზღვაო კურორტების, მდიდარი სამზარეულოსა და ფოლკლორის პოპულარიზაციას ეწეოდნენ.

პოლონეთი აჭარისთვის ერთ-ერთ ყველაზე საინტერესო ტურისტულ ბაზარს წარმოადგენს, რომელშიც რეგიონის რეკლამირება აქტიურად მიმდინარეობს. მათ შორის ერთ-ერთი საინტერესო მედია-პლატფორმაა National Geographic Traveler, რომელმაც ბოლო ერთი წლის განმავლობაში რეგიონს არაერთი საინტერესო სტატია მიუძღვნა.

„აჭარის და, ზოგადად, ჩვენი ქვეყნის მიმართ ინტერესი პოლონეთში დიდია. მსგავსი ტიპის კონფერენციები კი დამატებითი პლატფორმაა ჩვენთვის, რათა ჩვენ სამიზნე აუდიტორიამდე მივიტანოთ აჭარის ტურისტული შესაძლებლობები, თუ რისი შეთავაზება შეგვიძლია და რატომ უნდა იმოგზაურონ ჩვენ ქვეყანასა და რეგიონში", – განაცხადა აჭარის ტურიზმის დეპარტამენტის თავმჯდომარემ სულხან ღლონტმა.

როგორც ღლონტმა აღნიშნა, საქართველოსთვის ძალზე მნიშვნელოვანია National Geographic Traveler-თან თანამშრომლობა, და ქვეყანა მოცემულ მედია-პლატფორმასთან ერთად ახალი, საინტერესო ღონისძიებების განხორციელებას გეგმავს.

ამის პარალელურად აჭარა ამყარებს კონტაქტებს National Geographic-ის სხვა ქვეყნების ოფისებთან, რათა რეგიონის ტურისტული შესაძლებლობების პოპულარიზაცია მაქსიმალურად მოხდეს.

National Geographic Traveler–მა ბათუმი ევროპის საუკეთესო ქალაქების ათეულში დაასახელა>>>

რაც შეეხება უშაუალოდ პოლონეთს, ამ ქვეყნიდან რეგიონში საერთაშორისო მოგზაურების ვიზიტების რაოდენობა მზარდია და ეს რაოდენობა, ცხრა თვის მონაცემებით, 7,6%-ით გაიზარდა.

„ვფიქრობ, ჩვენ მიერ პოლონეთში დაგეგმილი და უკვე განხორციელებული სარეკლამო აქტივობები ქვეყნისა და რეგიონისადმი ინტერესს კიდევ უფრო გაზრდის", – აღნიშნა სულხან ღლონტმა.

 

66
თემები:
საქართველო - ტურისტული ცენტრი–2018 (408)
აბანოთუბანი

როგორ აპირებს ტურიზმის აღდგენას საქართველოს ხელისუფლება

70
საქართველოში 2020 წელს ტურიზმით მიღებულმა შემოსავალმა წარმოუდგენლად დაბალ დონეს მიაღწია - 427,7 ათასი დოლარი

თბილისი, 20 თებერვალი – Sputnik. საქართველოს ხელისუფლება აპირებს რაც შეიძლება სწრაფად აღადგინოს ტურიზმი, მათ შორის ტურისტებისთვის უსაფრთხო გარემოს შექმნის გზით, განაცხადა პარლამენტში ეკონომიკის მინისტრობის კანდიდატმა ნათია თურნავამ.

როგორ უნდა გაიხსნას ტურიზმი სწრაფად და უსაფრთხოდ - სექტორის ხუთპუნქტიანი გეგმა >>

საქართველოში კორონავირუსის პანდემიის შედეგად ყველაზე მეტად ტურიზმის ინდუსტრია დაზარალდა. ტურიზმის რეკორდულმა მიღწევებმა 2019 წელს, როდესაც საერთაშორისო მოგზაურთა რაოდენობამ 9.3 მილიონს გადააჭარბა, ხოლო ამ დარგის მიერ მიღებულმა შემოსავალმა - 3.3 მილიარდს, ამ დარგში დასაქმებულ ადამიანებს უბიძგა უკეთ მოემზადონ 2020 წლისთვის. მაგრამ პანდემიამ ტურიზმის ინდუსტრიის ყველა გეგმა და იმედი ჩაშალა. 2020 წელს ტურიზმის შემოსავლები წარმოუდგენლად დაბალ ნიშნულზე დაეცა - 427,7 ათასი დოლარი, ხოლო საერთაშორისო მოგზაურთა რაოდენობა 1,7 მილიონი იყო.

„მთავრობის ანტიკრიზისული გეგმის ფარგლებში, ტურიზმის სექტორი განსაკუთრებული ზრუნვის საგანი იყო. სამომავლოდ, ვიზიტორებისთვის უფრო მეტად დივერსიფიცირებული და ხარისხზე ორიენტირებული ტურისტული პროდუქტები იქნება შეთავაზებული. ჩვენ დღეს ვპოზიციონირებთ, როგორც უსაფრთხო ტურისტული ქვეყანა. ვფიქრობ, რომ ტურიზმის აღდგენა ამ მიმართულებით სწრაფად მოხდება,“ – განაცხადა პარლამენტში ნათია თურნავამ.

პანდემიის გამო საქართველომ 2020 წლის მარტიდან საზღვრები ჩაკეტა და, ზოგიერთი გამონაკლისის გარდა, რეგულარული ავიამიმოსვლა გააუქმა. კერძოდ, საზღვრის გადაკვეთა შეუძლიათ საქართველოს მოქალაქეებს, რომლებიც სამშობლოში ბრუნდებიან, და ასევე ტვირთების გადამზიდავებს.

გასული წლის ზაფხულიდან დაიწყო რეგულარული რეისების აღდგენა. პირველად განახლდა ფრენა მიუნხენის, რიგის და პარიზის მიმართულებით. ნოემბრიდან დაიწყო რეგულარული ავიამიმოსვლა ამსტერდამთან, ვენასთან, ბერლინსა და დოჰასთან (მანამდე სრულდებოდა ჩარტერული რეისები). თუმცა ეპიდვითარების გაუარესების გამო აკრძალვა 1 თებერვლამდე გაგრძელდა.

1 თებერვლიდან, რეგულარული რეისების განახლებასთან ერთად, საქართველოს ტერიტორიაზე შემოსვლა გამარტივდა როგორც უცხო ქვეყნების მოქალაქეებისთვის, ისე საქართველოს მოქალაქეებისთვის, მაგრამ, რა თქმა უნდა, გარკვეული პირობების დაცვით.

საქართველოში შეუფერხებლად შემოსვლა შეუძლია უცხო ქვეყნის მოქალაქეს, თუ მან COVID-19-ის საწინააღმდეგო ვაქცინაცია ჩაიტარა და ამის დამადასტურებელი დოკუმენტი გააჩნია.

გარდა ამისა, ევროკავშირის მოქალაქეებსა და რეზიდენტებს, ასევე ისრაელის, შვეიცარიის, აშშ-ის, საუდის არაბეთის, გაერთიანებული საამიროების და ბაჰრეინის მოქალაქეებს შეუძლიათ საქართველოს ტერიტორიაზე შემოსვლა (ტრანზიტის ჩათვლით), თუ მათ ბოლო 72 საათში ჩატარებული PCR-ტესტის უარყოფითი შედეგის დამადასტურებელი დოკუმენტი აქვთ. სამი დღის შემდეგ მათ განმეორებითი ტესტის ჩაბარება მოუწევთ.

70
შეხვედრა საუდის არაბეთის ელჩთან ტურიზმის ეროვნულ ადმინისტრაციაში

საქართველო მაღალმხარჯველუნარიანი ტურისტების დაბრუნების შესაძლებლობებს ეძებს

76
(განახლებულია 17:14 11.02.2021)
საქართველოს ტურიზმის ადმინისტრაციაში ტურიზმის სფეროში თანამშრომლობის აღდგენის საკითხზე საუდის არაბეთის ელჩთან იმსჯელეს

თბილისი, 11 თებერვალი – Sputnik. საქართველო და საუდის არაბეთი ტურიზმის სფეროში თანამშრომლობის აღდგენას გეგმავენ, ნათქვამია ტურიზმის ეროვნული ადმინისტრაციის განცხადებაში.

ქართველ ტუროპერატორებს ტურიზმის უსაფრთხო გახსნის გეგმა გააცნეს>>

ეს თემა გახდა მსჯელობის მთავარი საგანი საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის მოვალეობის შემსრულებელ მედეა ჯანიაშვილსა და საქართველოში საუდის არაბეთის სამეფოს ელჩ აბდულა ალ-მუტაირის შეხვედრაზე.

„საუბარი შეეხო პოსტპანდემიურ პერიოდში ორმხრივი ტურისტული ნაკადების აღდგენას, ავიარეისების განახლებასა და უსაფრთხო მიმოსვლას“, – ნათქვამია განცხადებაში.

პანდემიამდე საუდის არაბეთი საქართველოსთვის მნიშვნელოვან ტურისტულ ბაზარს წარმოადგენდა. სპარსეთის ყურის ქვეყნების მსგავსად საუდის არაბეთიდან ჩამოსული ტურისტები მაღალმხარჯველიანობით გამოირჩევიან.

შემოსავლიანი ვიზიტორები საზღვარს უპრობლემოდ გადმოკვეთენ: მთავრობის ახალი ინიციატივა>>

საუდის არაბეთი 2019 წელს საქართველოში ჩამოსულ მოგზაურთა რაოდენობის მხრივ ტოპ–15 ქვეყანას შორის მე–12 ადგილზე იყო.

76
თემები:
ტურიზმი საქართველოში

6 წლის სიმსივნიანი გოგონას ასრულებული ოცნება: მსოფლიოში ყველაზე მცირეწლოვანი პოლიციელი

0
ტეხასელი ექვსი წლის ებიგეილ არიასი თირკმელების კიბოს ებრძვის. ქალაქის პოლიციის სამმართველომ გადაწყვიტა, ებიგეილის ოცნება აესრულებინა და ის პოლიციის რიგებში ყველა წესის დაცვით მიიღეს

ვილმსის სიმსივნე (ნეფრობლასტომა) თირკმელების იშვიათი სიმსივნეა ბავშვებში, რომელიც პატარა გოგონას ჯანმრთელობას გაორმაგებული ძალებით უტევს, მედიცინა კი მის წინაშე უძლურია.

"მე კიბო მაქვს, ცუდი ბიჭები ახლა ჩემ ფილტვებში არიან და გვიტევენ", – ამბობს ებიგეილი.

მრავალკვირიანი განცდებისა და ნერვიულობის შემდეგ ექიმებმა ბავშვის მშობლებს მასთან გატარებული დროით დატკბობა ურჩიეს. 

"რომ გამოიარო ეს ყველაფერი და გააცნობიერო, რომ არაფერი შეგიძლია საკუთარი შვილის გადასარჩენად, როგორც მშობლისთვის, ეს ძალიან რთულია. ჩვენ ძალიან გაგვიჭირდა ამის გადატანა", – თქვა ებიგეილის მამამ რუბენ არიასმა.

ოჯახმა გასული წლის დეკემბერში ფრიპორტის პოლიციის უფროსი რეი გარივეი გაიცნო და დაუახლოვდა. პატარა გოგონამ მას ოცნება გაუმხილა, უთხრა, რომ პოლიციელობა სურდა... 

და რეი გარივეიმ გოგონასთვის უნიფორმა შეაკერინა. 7 თებერვალს კი ებიგეილმა ფიცი დადო ახლობლების, პოლიციელებისა და რამდენიმე ადგილობრივი საინფორმაციო საშუალების თანხლებით.

 

0