თბილისი, 19 მაისი — Sputnik. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია კორპორაცია Google-თან ახალ კამპანიას იწყებს, ნათქვამია უწყების ვებგვერდზე გავრცელებულ განცხადებაში.
თანამშრომლობის შესახებ საზოგადოებას ინფორმაცია ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ და Google-Ukraine-ის პრეზიდენტმა დმიტრი შოლომკომ გააცნეს. მსოფლიოში უდიდეს ვიდეოპორტალ Youtube-ზე საქართველოს ტურისტულად მიმზიდველი ადგილების შესახებ სარეკლამო ვიდეორგოლები განთავსდება.
უწყებაში აღნიშნავენ, რომ ვიდეორგოლები ზაფხულის ტურისტულ სეზონს მოიცავს. ახალი სარეკლამო კამპანია Youtube-ზე 29 მაისს დაიწყება, 29 აგვისტომდე გაგრძელდება და შემდეგ ქვეყნებს მოიცავს: დიდი ბრიტანეთი, გერმანია, იტალია, საფრანგეთი, პოლონეთი, უკრაინა, ესტონეთი, ლიტვა, ლატვია, ისრაელი, თურქეთი, საუდის არაბეთი და არაბეთის გაერთიანებული საამიროები.
მტირალას ეროვნული პარკი და ოკაცეს კანიონი – „ევრონიუსის“ ეთერში >>