აჭარაში ახალი ტურისტული მარშრუტი გაჩნდება

© FB / Archil Khabadzeგოდერძი
გოდერძი - Sputnik საქართველო
გამოწერა
მაღალმთიანეთში ახალ მარშრუტზე გადაადგილება შესაძლებელი იქნება ფეხით, ველოსიპედითა და ჯიპით.

თბილისი, 1 ნოემბერი — Sputnik. მაღალმთიან აჭარაში 2018 წლიდან ახალი ტურისტული მარშრუტი გაჩნდება — ჩირუხი-ხიხანი-გოდერძი, აცნობეს „Sputnik-საქართველოს" აჭარის მთავრობაში.

აჭარის ტურიზმის დეპარტამენტის ტურისტული პროდუქტების განვითარების სააგენტო უკვე მუშაობს ჩირუხის მთიდან ხიხანის ციხე-სიმაგრის გავლით გოდერძის უღელტეხილამდე ტურისტული ველოსიპედებისა და ჯიპ-მარშრუტების მარკირების პროექტზე.

ახალი მარშრუტის კვლევა უკვე სამი თვეა მიმდინარეობს. შერჩეულია ძირითადი ტურისტული ბილიკი, დაწყებულია მუშაობა მარშრუტების პირველად რუკაზე.

შავი ტბა აჭარაში - Sputnik საქართველო
შავი ზღვიდან შავ ტბამდე: ახალი ტურისტული ადგილი აჭარაში

„ჩირუხის მთა, ხიხანის ციხე-სიმაგრე და გოდერძის უღელტეხილი აჭარაში განსაკუთრებული ტურისტული ადგილებია. შესაბამისად, ახალი ტურისტული ბილიკი ულამაზეს ბუნებაში ძალზე საინტერესო იქნება", — განაცხადა აჭარის ტურისტული პროდუქტების განვითარების სააგენტოს დირექტორმა თინათინ ზოიძემ.

ახალი ტურისტული მარშრუტი დააკავშირებს ორ რეგიონს და ტურისტები იძულებული აღარ იქნებიან გადაადგილდნენ ბათუმი-ახალციხის ცენტრალურ მაგისტრალზე. მარშრუტი მთლიანად გაივლის ალპურ ზონაში. იქიდან ულამაზესი ხედები და პეიზაჟები იშლება, აღნიშნა ზოიძემ.

ტურისტები გაივლიან ულამაზესი ტბების, ჩანჩქერების გვერდით, ხიხანის ციხე-სიმაგრესთან, საზაფხულო საძოვრებზე. სტუმრები აჭარის ულამაზეს ბუნებას გაეცნობიან.

„ეს მარშრუტი ერთმანეთს აკავშირებს შუახევისა და ხულოს ტურისტულ მარშრუტებს, რისი წყალობითაც შესაძლებელი გახდება მაღალმთიანი აჭარის დათვალიერება სამ–ხუთ დღეში", — აღნიშნა ზოიძემ.

აჭარა საქართველოში ტურისტების ერთ-ერთი საყვარელი ადგილია. ამ რეგიონს იანვარი-სექტემბრის პერიოდში 1,2 მილიონი უცხოელი ეწვია, რაც გასული წლის ანალოგიური პერიოდის მონაცემებზე 5,4%-ით მეტია.

ყველა ახალი ამბავი
0