ხურტკმელი (კრიკინა)

რა დაავადებებისგან დაგიცავთ ხურტკმელი: ექიმი განმარტავს

63
(განახლებულია 22:52 12.07.2021)
ექიმის თქმით, ხურტკმელის უმთავრესი უპირატესობა ისაა, რომ შაქრიანი დიაბეტის განვითარებას უშლის ხელს და ზოგადად ამცირებს შაქრის დონეს სისხლში.

თბილისი, 12 ივლისი — Sputnik. ხურტკმელი (კრიკინა) მეტად სასარგებლოა ორგანიზმისთვის და არაერთი დაავადებისგან იცავს ადამიანს, აცხადებს დიეტოლოგი და ენდოკრინოლოგი ეგანა კოროლიოვა.

მისი თქმით, ამ კენკრის უპირველესი ღირსება ისაა, რომ მინიმუმამდე ამცირებს შაქრიანი დიაბეტის განვითარების რისკს. 

„ხურტკმელის მთავარი პლუსი ისაა, რომ ხელს უშლის შაქრიანი დიაბეტის განვითარებას ვიტამინ Н-ის წყალობით, რომელიც გლუკოზის დონეს აქვეითებს სისხლში. გარდა ამისა, ის ახდენს ისეთი ფერმენტის სინთეზს, როგორიცაა გლუკოკინაზა. ეს ფერმენტი ხელს უწყობს ნახშირწყლების ხლეჩვას, რითიც ასევე ამცირებს შაქრის რაოდენობას ადამიანის სისხლში“, – ამბობს სპეციალისტი.

ეს კი, ექიმის განმარტებით, თავის მხრივ წონაში კლებასაც ეხმარება.

აღსანიშნავია, რომ ვიტამინებითა და მინერალური ნივთიერებებით უმდიდრეს 100 გრამ ხურტკმელში სულ 45 კილოკალორიაა. ამასთან, სასარგებლოა როგორც მწვანე, ისე წითელი ხურტკმელი. 

ექიმის თქმით, ხურტკმელი ძალიან სასარგებლოა კანისთვისაც — გოგირდისა და ვიტამინ С-ს დიდი რაოდენობით შემცველობის გამო.

„ზოგი კვლევა ადასტურებს, რომ ხურტკმელის მიღება სასარგებლოა ისეთი დაავადებების დროს, როგორებიცაა აკნე და დერმატიტი“, — განმარტავს სპეციალისტი.

გარდა ამისა, ხურტკმელი უნდა მიირთვან მათაც, ვისაც ძვლებისა და სახსრების პრობლემა აქვთ. ამ კენკრის წყალობით (პირველ რიგში, მასში შემავალი მანგანუმის), მცირდება მყესების დაზიანების, მოტეხილობებისა და ამოვარდნილობების რისკი.  

ამასთან მაგნიუმისა და В ჯგუფის ვიტამინების კომპლექსი დადებით გავლენას ახდენს განწყობაზე და ამცირებს დეპრესიების ალბათობას.

ხურტკმელის სასარგებლო და სამკურნალო თვისებების სრული ჩამონათვალი ასე გამოიყურება:

  • ამაგრებს სისხლძარღვებს, რითიც აუმჯობესებს ადამიანის გულ-სისხლძარღვთა სისტემას; რეგულარული მიღების შემთხვევაში ამცირებს ისეთი დაავადებების განვითარებას, როგორებიცაა: ჰიპერტონია, შაქრიანი დიაბეტი, ათეროსკლეროზი, ვენური და გულის უკმარისობა;
  • ამცირებს სისხლჩაქცევების რისკს;
  • აყალიბებს ბუნებრივ ჰორმონალურ ფონს;
  • არეგულირებს ნივთიერებათა ცვლას, ხელს უწყობს წონაში კლებას;
  • აუმჯობესებს ემოციურ ფონს და აღადგენს ორგანიზმს ფსიქიკური გადაღლილობის შემდეგ;
  • აძლიერებს იმუნიტეტს;
  • აუმჯობესებს ნაღვლის გამომუშავებასა და გადინებას;
  • აჩქარებს საჭმლის მონელების პროცესს;
  • აქვს ანთების საწინააღმდეგო მოქმედება;
  • არეგულირებს ქოლესტერინისა და გლიკოზის დონეს სისხლში;
  • ამუხრუჭებს დაბერების პროცესს, აქვს გამაახალგაზრდავებელი ეფექტი;
  • თაფლთან ერთად არის გაციების სამკურნალო საშუალება;
  • კენკრის ნაყენი მკურნალობს როგორც დიარეას, ისე ქრონიკულ შეკრულობას.

გარდა ამისა, ექიმები ხაზგასმით აღნიშნავენ, რომ ხურტკმელს განსაკუთრებული სარგებლობა მოაქვს ქალებისთვის, ვინაიდან ხელს უწყობს ორგანიზმის ზოგადი მდგომარეობის გაუმჯობესებასა და ჰორმონალური ფონის ნორმალიზაციას კლიმაქსის პერიოდში, ამცირებს მენოპაუზით გამოწვეულ უასიამოვნო შედეგებს, არეგულირებს მენსტრუალურ ციკლს.
მედიკოსები ფეხმძიმე ქალებს ურჩევენ, შეიტანონ ხურტკმელი რაციონში ოსრულობის პირველსავე ტრიმეტრში. ამგვარად ისინი ხელს შეუწყობენ როგორც საკუთარი, ისე ნაყოფის ორგანიზმის ვიტამინებით გამდიდრებას, მოსპობენ ანემიისა და ასევე თირკმელების ფუნქციონირების დარღვევის რისკებს, შეამცირებენ შეშუპებებს, ვინაიდან ხურტკმელი ხელს უწყობს ორგანიზმიდან მარილების გამოდევნას.

იკრძალება კატეგორიულად! ვისთვის არ შეიძლება მარწყვი

თუმცა სპეციალისტები გვაფრთხილებენ, რომ დღეში 100 გრამზე მეტი ხურტკმელის მიღება რეკომენდებული არ არის. მიუხედავად იმისა, რომ ეს ძალიან სასარგებლო კენკრაა, მისმა ჭარბმა მიღებამ შეიძლება ჰიპერვიტამინოზი გამოიწვიოს.

და კიდევ, ხურტკმელის მიღება ეკრძალებათ მათ, ვისაც კუჭ-ნაწლავის სისტემის პრობლემები აქვთ, მაგალითად, აწუხებთ წყლული, გასტრიტი ან სხვა ქრონიკული დაავადება.

63
თემები:
ექიმი გირჩევთ (169)
ახალგაზრდა ქალი წყალთან

ეს ტყუილია: წყალთან დაკავშირებულ მითებს მეცნიერებასთან საერთო არაფერი აქვს

159
(განახლებულია 20:53 02.08.2021)
მანამდე უმაღლესი კატეგორიის თერაპევტმა და ტოქსიკოლოგმა განაცხადა, რომ დღეში რვა ჭიქა წყლის აუცილებლობის შესახებ მითი XVIII საუკუნის ბოლოს მოღვაწე ლეიბ-მედიკოს კრისტოფ ვილჰელმ გუფელანდს ეკუთვნის.

თბილისი, 2 აგვისტო — Sputnik. წყლის სადღეღამისო ნორმის გამოთვლისას აუცილებლად უნდა გაითვალისწინოთ ყველა ის სითხე, რომელსაც იღებთ, და არა მარტო სუფთა წყალი, აცხადებს ენდოკრინოლოგი და ექიმი-დიეტოლოგი ულიანა რუმიანცევა.

მისი თქმით, წყლის როლი ადამიანის ცხოვრებაში უკვე დიდი ხანია დეტალურადაა შესწავლილი მეცნიერების მიერ, თუმცა ინტერნეტით კვლავაც ვრცელდება მოსაზრებები წყლის სასწაულებრივი თვისებებისა და მისი მიღების წესების შესახებ, რომელთა ნაწილს საერთო არაფერი აქვს მეცნიერულ ფაქტებთან.

როგორც სპეციალისტი აღნიშნავს, ერთ-ერთი ყველაზე გავრცელებული მითი ისაა, რომ ადამიანმა წყლის სადღეღამისო რაოდენობა მხოლოდ სუფთა წყალზე უნდა გათვალოს, რაც არასწორია. აუცილებელია გაითვალისწინოთ ყველა ის სითხე, რომელსაც დღის განმავლობაში იღებთ — იქნება ეს საკუთრივ წყალი, ჩაი, ყავა, წვენები, სუპები თუ სხვა წვნიანი კერძები და ასევე ხილსა თუ ბოსტნეულში შემავალი სითხე.

ამასთან ექიმი აზუსტებს, რომ სითხის სადღეღამისო ნორმაში არ უნდა მიითვალოთ ალკოჰოლი და ტკბილი გაზიანი წყლები, ვინაიდან ეს სასმელები საკვებს განეკუთვნება.

გარდა ამისა, სპეციალისტი საგანგებოდ აფრთხილებს ყავის მოყვარულებს, რომ გაითვალისწინონ მისი შარდმდენი თვისებები და შესაბამისად ცოტა გაზარდონ სხვა სითხის რაოდენობა.

როგორც რუმიანცევა აცხადებს, ასევე უსაფუძვლო მითია ისიც, რომ ადამიანმა 24 საათში ორი ლიტრი სითხე უნდა მიიღოს. სინამდვილეში წყლის მოხმარების ნორმა ინდივიდუალურია და სხვადასხვა ფორმულებით გამოითვლება სქესის, წონისა და ფიზიკური აქტივობის გათვალისწინებით.

„მაგალითად, ჩვეულებრივი ფიზიკური აქტიურობის ჯანმრთელმა მამაკაცმა საშუალოდ 35 მლ სითხე უნდა მიიღოს თავისი წონის ყოველ ერთ კილოგრამზე, ხოლო ქალმა — 25-30 მლ ერთ კილოგრამზე“, — აცხადებს ექიმი.
  • ანუ, მისი გამოთვლით, სითხის ნორმა 65 კგ წონის მამაკაცის შემთხვევაში არის 65X35=2,275 ლიტრი, ხოლო იგივე წონის ქალისთვის 65X30=1,95 ლიტრი დღე-ღამეში.

გარდა ამისა, სითხის მოხმარების კუთხით გარკვეული შეზღუდვები არსებობს თირკმელებისა და გულ-სისხლძარღვთა სისტემის დაავადებების შემთხვევაში, რის თაობაზეც ექიმმა უნდა მოგცეთ რეკომენდაციები. ამასთან სხეულის მაღალი ტემპერატურისა თუ მწვავე ინფექციური დაავადებების დროს საჭიროა სითხის რაოდენობის გაზრდა.

რაც შეეხება ჭარბწონიანებს, რუმიანცევას თქმით, მათთვის სითხის რაოდენობა გამოითვლება იმ წონიდან, რომელიც იდეალურია კონკრეტული ადამიანის სიმაღლისა და სქესისთვის.

მაგრამ თუ ადამიანი გახდომას აპირებს, მაშინ მან მეტი წყალი უნდა სვას — დაახლოებით 40 მლ იდეალური წონის თითოეულ კილოგრამზე, თუმცა არა იმიტომ, რომ წყალი წონაში კლებას უწყობს ხელს. ექიმის განმარტებით, ეს მოსაზრებაც მითია.

„თუ ადამიანი წყურვილს გაზიანი სასმელის ნაცვლად სუფთა წყლით მოიკლავს, მაშინ ის ნამდვილად გახდება. წყლის „ჯადოსნური“ თვისებები წონაში კლების კუთხით ამაზე მთავრდება“, — ხაზს უსვამს ექიმი.

და, ბოლოს, როგორც ულიანა რუმიანცევა ამბობს, ასევე მითებს განეკუთვნება მოსაზრება, თითქოს უხვი სითხის საშუალებით ორგანიზმიდან ტოქსინების გამოდევნა და ასევე კანის გაახალგაზრდავებაა შესაძლებელი. რეალურად ტოქსინებს ჯანმრთელი თირკმელები უმკლავდება შესანიშნავად, ხოლო კანის მდგომარეობა წყლის ბლომად სმის შედეგად მხოლოდ იმათ უუმჯობესდებათ, ვისაც გაუწყლოება სჭირს.

159
თემები:
ექიმი გირჩევთ (169)
სალათი

ანადგურებს კუჭქვეშა ჯირკვალს: ექიმი ასახელებს პროდუქტებსა და სახიფათო ინტერვალს

137
(განახლებულია 17:28 02.08.2021)
ცნობილი ენდოკრინოლოგი განმარტავს, რა ინტერვალები უნდა დაიცვას ადამიანმა კვების დროს, რათა საშიში დაავადების განვითარებას არ შეუწყოს ხელი.

თბილისი, 2 აგვისტო — Sputnik. არსებობს საკვები, რომელიც არა მარტო ჭარბი ცხიმის დაგროვებას უწყობს ხელს ორგანიზმში, არამედ კუჭქვეშა ჯირკვლის ქსოვილებსაც ანადგურებს, აცხადებს მედიცინის მეცნიერებათა კანდიდატი, ენდოკრინოლოგი ზუხრა პავლოვა.

მისი თქმით, ასეთ არასასურველ მდგომარეობას უპირველესად ტკბილეულისა და კალორიული საკვების ზედმეტი რაოდენობა იწვევს, რის გამოც ორგანიზმში ცხიმოვანი ქსოვილი ჭარბად გროვდება.

„ცხიმოვან ქსოვილში კი გარდაუვლად იწყება სისტემური ანთება ოქსიდატიური სტრესით, რომლის ფონზეც ინსულინორეზისტენტულობა ვითარდება და ინსულინის გამომმუშავებელი კუჭქვეშა ჯირკვლის უჯრედები იღუპება. და არა მარტო ისინი“, — ამბობს ექიმი.

ამასთან სპეციალისტი განმარტავს, რამხელა ინტერვალი უნდა დაიცვას ადამიანმა ორ კვებას შორის. მისი თქმით, ეს არ უნდა იყოს სამ საათზე ნაკლები და ხუთ საათზე მეტი დრო.

იმ შემთხვევაში, თუ ადამიანი ხუთ საათზე მეტ პაუზას აკეთებს ჭამიდან ჭამამდე, იწყება ლიპოპროტეინლიპაზის (LPL) გააქტიურება — ფერმენტისა, რომელიც სისხლში ლიპიდების დონეს არეგულირებს და რომელსაც დიდი მნიშვნელობა აქვს ათეროსკლეროზისთვის.

გახდომა ძილში: ექიმი ასახელებს პროდუქტს, რომელიც ღამით ცხიმებს წვავს>>

პავლოვას თქმით, LPL „დარაჯი ძაღლივით უთვალთვალებს კვებითი ნივთიერებების დონეს“ და თუ ისინი რეგულარულად და დიდი ხნის განმავლობაში არ წარმოიქმნება, მოქმედებასა და ცხიმოვანი მარაგების დაგროვებას იწყებს.

137
თემები:
ექიმი გირჩევთ (169)
ხავსმოდებული ხე

დღის ასტროპროგნოზი ზოდიაქოს ნიშნებისთვის: 4 აგვისტო

0
(განახლებულია 20:59 03.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 4 აგვისტოა, ოთხშაბათი. კლებადი მთვარე ტყუპის ნიშანშია. ამ დღეს პლანეტა მერკური მფარველობს.

პოზიტივისა და წარმატებების დღეა. ყველაფერი გამოგვივა. შეგვიძლია რთულ საქმეებთან შეჭიდება, ყურადღება უნდა მივაქციოთ წვრილმანებს – ისინი დღეს მნიშვნელოვან როლს ასრულებს. მთვარე ტყუპში საუბრებისკენ გვიბიძგებს. რუტინული და მოსაწყენი საქმეების გაკეთება გაგვიჭირდება, ამიტომ აჯობებს, თუ მათ სამომავლოდ გადავდებთ.

დღის ასტროპროგნოზი ზოდიაქოს ნიშნებისთვის: 3 აგვისტო>>

ვერძი: დროა, რამე ახალი დაიწყოთ, მათ შორის მოლაპარაკებები, დეტალების განხილვა. კარგი იქნება, თუ გეგმებს მიჰყვებით – ასე ბევრი მიზნის მიღწევას შეძლებთ. შეძლებთ ცდუნებებისგან დაცვას და ზოგიერთ რამეზე უარის თქმას. არ იღელვოთ – მათ აუცილებლად ჩაანაცვლებთ ახალი შესაძლებლობებით, რომლებზეც ვერც კი იოცნებებდით.

კურო: არის რისკი, რომ საკმაოდ დიდი თანხა დახარჯოთ. ეცადეთ, „მადა“ მოთოკოთ და არ შეიძინოთ ის, რაც მნიშვნელოვან სარგებელს არ მოგიტანთ. მოუსმინეთ როგორც ახლობლებს, ისე უცნობებს – მათ დღეს საკმაოდ ეფექტური რჩევის მოცემა შეუძლიათ. ასევე კარგი დროა ოცნებისკენ ნაბიჯის გადადგმისთვის, გეგმების განხორციელებისთვის – ყველაფერი გამოგივათ.

ტყუპი: სარგებელს მოგიტანთ რაღაც დეტალების განხილვა, წვრილმანებზე ყურადღების გამახვილება – ახლა ისინი უზარმაზარ როლს თამაშობს. ასევე უარი არ თქვათ საკუთარ იდეებსა და გეგმებზე – ისინი მალე რეალობად იქცევა და ან კარგ თანხას მოგიტანთ, ან ჰარმონიასა და კომფორტს. ასე რომ, წინ, ოცნებებისკენ. გაითვალისწინეთ, სტრესმა კალაპოტიდან არ უნდა ამოგაგდოთ, ამიტომ ხშირად დაისვენეთ.

კირჩხიბი: ეცადეთ, კეთილსინდისიერად იმუშაოთ და წარმატება არ დააყოვნებს. მოინდომეთ, რომ ყველა საქმე იდეალურად შეასრულოთ, შემოქმედებითად იაზროვნეთ, მოაწესრიგეთ საქმეები. ურთიერთობებში ეცადეთ თანამოსაუბრის ემოციური განწყობა იგრძნოთ და ნაკლებად იკამათეთ. საღამო კი ოჯახთან ერთად გაატარეთ – ეს დაგეხმარებათ „გადატვირთვაში“ და მომდევნო დღეებში სამუშაოსთვის განწყობაში.

ლომი: ხშირად მოუსმინეთ კოლეგებსა და ახლობლებს – დღეს მათ, შესაძლოა, ეფექტური რჩევა მოგცენ. თქვენც არ გაჩუმდეთ – განიხილეთ თქვენი პროექტებიმ აზრები ადამიანებთან, რომ მოისმინოთ მათი კომენტარები და შემდეგ თქვენს გეგმებში კორექტივები შეიტანოთ. მაგრამ ეს სამუშაოსგან თავისუფალ დროს გააკეთეთ. მუშაობის დროს კი აჩქარება არ ივარგებს – მოსალოდნელია შეცდომების დაშვება.

ქალწული: კარგი იქნება, თუ სიკეთეს გამოიჩენთ და გაჭირვებულებს დაეხმარებით – ეს თქვენს კარმას განამტკიცებს და განწყობას აამაღლებს. თუ გსურთ, რომ პრობლემებს სწრაფად გაუმკლავდეთ, „ჩართეთ“ კრეატივი – ეს ნამდვილად დაგეხმარებათ. სამუშაო ბევრი გექნებათ, ამიტომ ეცადეთ, ენერგია შეინარჩუნოთ. ამავე არ ღირს დაძაბვა – გაუფრთხილდით ორგანიზმს.

სასწორი: მზად ხართ, საკუთარი ოცნებები რეალობად აქციოთ, მაგრამ ამას შეიძლება ბედი შეეწინააღმდეგოთ. ეცადეთ, თქვენი გაიტანოთ და სამყაროს გამოწვევებს დაუპირისპირდეთ. მოემზადეთ იმისთვის, რომ გადაწყვეტილებების სწრაფად მიღება მოგიწევთ, მოქმედება – ელვისებურად. თუ არ დააყოვნებთ, ყველაფერი გამოგივათ. ასევე მოგეცემათ შანსი, რომ წარსულის შეცდომები გამოასწოროთ.

მორიელი: მოემზადეთ მუხლჩაუხრელი შრომისთვის და პრობლემების ელვისებურად გადაწყვეტისთვის. კარგია, თუ მოვლენების ცენტრში აღმოჩნდებით, ეკონტაქტებით საჭირო ადამიანებს – ამან კარიერულ კიბეზე შესაძლოა წინ წაგწიოთ. აუცილებლად ეურთიერთეთ კოლეგებს – მათ საჭირო რჩევების მოცემა შეუძლიათ. გარდა ამისა, ვარსკვლავები სახლის საფუძვლიან მოწესრიგებას გირჩევენ – არის შანსი, იპოვოთ ის, რაც დიდი ხნის წინ დაკარგეთ.

მშვილდოსანი: ბედმა ერთდროულად რამდენიმე შანსი მოგიმზადათ – ეცადეთ, გამოთვალოთ ისინი და გამოიყენოთ. მაგრამ ეს დაყოვენბის გარეშე, სწრაფად უნდა გააკეთოთ, თორემ ამ შესაძლებლობებს თავისი „ვარგისიანობის ვადა“ აქვს. ასევე კარგი იქნება, თუ ძველი გეგმის შესრულებას შეუდგებით. დღეს იღბალი და წარმატება ფეხდაფეხ დაგყვებათ, ამიტომ არ შეუშინდეთ გარისკვას. ასევე გაილამაზეთ დღე საყიდლებით.

თხის რქა: აქტიურობა და ინიციატივის გამოჩენა შესანიშნავ შესაძლებლობებსა და წინადადებებს გააჩენს. არ იორჭოფოთ და დათანხმდით – მომავალში ისინი წარმატებებს აუცილებლად მოგიტანთ. არ ღირს დროის უქმად დაკარგვა, ამიტომ უარი თქავით არაფრის მომტან საუბრებსა და გართობაზე. ყურადღება გადაიტანეთ სამუშაოზე. დღეს ბევრი რამის გაკეთება შეგიძლიათ.

მერწყული: ირგვლივ ქაოსი და ორომტრიალია და ყველაფერში გიჭირთ გარკვევა. ეცადეთ, არ აჰყვეთ ახლობლების მანიპულაციებს და სიმშვიდე ეძებეთ. კარგი იქნება, თუ მოახერხებთ განმარტოებას და პირად საქმეებსა და სამუშაოს მიხედავთ. ურთიერთობები სარგებელს მხოლოდ საქმიან საკითხებზე მოგიტანთ. მშვენივრადაა ყველაფერი პირად ფრონტზე – ურთიერთობები გამტკიცდება და შეიძლება ახალ საფეხურზეც გადავიდეს.

თევზები: დროა, თქვენი გეგმები ოჯახთან განიხილოთ. შესაძლოა, ახლობელმა ადამიანებმა სუსტ ადგილებზე მიგითითონ და ამით თქვენს მომავალზე იმოქმედონ. საჭიროა შესაძლებლობების დანახვა და მათი გამოყენება, თუნდაც ისინი ერთი შეხედვით არც ისე პერსპექტიული მოჩანდეს. თუ უსიამოვნებები შეგხვდათ, მათი კოლექტიურად გადაწყვეტა აჯობებს – გაუზიარეთ თქვენი პრობლემები ახლობლებს – ისინი კარგ რჩევას მოგცემენ.

0