გარგარი

ვის ეკრძალება გარგარი: დასახელდა საფრთხეები და დღიური ნორმა

13736
(განახლებულია 19:23 10.06.2021)
ექიმის თქმით, დადგენილ ნორმაზე მეტი რაოდენობის გარგარს შეუძლია აბსოლუტურად ჯანმრთელ ადამიანებსაც კი შეუქმნას პრობლემები.

თბილისი, 10 ივნისი − Sputnik. რამდენი გარგარის ჭამა შეიძლება დღეში ისე, რომ ჯანმრთელობას ზიანი არ მიადგეს და ვის ეკრძალება კატეგორიულად ეს ხილი, ამ კითხვებზე პასუხს ენდოკრინოლოგი და დიეტოლოგი ტატიანა ბოჩაროვა იძლევა.

„გარგარი არ შეიძლება მიირთვათ მშიერ კუჭზე − ამან შეიძლება მონელების პრობლემები გამოიწვიოს, განსაკუთრებით მაშინ, თუ ადამიანს აქვს გასტრიტი (რემისიის სტადიაზეც კი), კუჭის წყლული, გაღიზიანებული ნაწლავის სინდრომი ან პანკრეატიტი“, − აცხადებს ექიმი.

მისი თქმით, თუ ადამიანს ჩამოთვლილთაგან რომელიმე დაავადება აქვს გამწვავებული, ჯობს მან საერთოდ უარი თქვას გარგარზე.

სპეციალისტი აღნიშნავს, რომ გარგარი ლიმონისა და ვაშლის მჟავებს შეიცავს, ამიტომ ხილმა შესაძლოა გააღიზიანოს ლორწოვანა და გულძმარვა გამოიწვიოს.

რაც საყურადღებოა, ირკვევა, რომ საჭიროზე მეტი რაოდენობის გარგარს შეუძლია აბსოლუტურად ჯანმრთელ ადამიანებშიც კი გამოიწვიოს დიარეა − ასეთ შემთხვევაში მას საფაღარათე მოქმედება აქვს.

  • „გარგარის მაქსიმალური რაოდენობა, რომელსაც ორგანიზმი ჯანმრთელობისთვის ზიანის მიუყენებლად გადაამუშავებს − დღეში 200-300 გრამია. ამასთან, უნდა გაითვალისწინოთ, რომ გარგარი ასეთი რაოდენობით არ უნდა მიირთვათ სხვა ხილთან ერთად“, − აზუსტებს ენდოკრინოლოგი.

გარდა ამისა, სპეციალისტი ამბობს, რომ კუჭ-ნაწლავის ტრაქტის პრობლემების მქონეებისთვის ასევე არ არის რეკომენდებული გარგარის ჩირი კურაგა, ვინაიდან მასში დიდი რაოდენობით შაქარი შედის, რომელიც საკვებ ბოჭკოებთან კომბინაციაში მეტეორიზმს იწვევს.

13736
თემები:
ექიმი გირჩევთ (133)
ყელის ტკივილი

როგორ დავიამოთ ყელის ტკივილი წამლების გარეშე: ექიმი მცდარ მეთოდებს ასახელებს

98
(განახლებულია 22:02 16.06.2021)
ირკვევა, რომ ყელის ტკივილის დაამების გავრცელებული მეთოდების დიდი ნაწილი მცდარია და, პირიქით, კიდევ მეტად აძლიერებს ტკივილს.

თბილისი, 16 ივნისი — Sputnik. გავრცელებული მოსაზრება, თითქოს ცხელი ჩაი ყელის ტკივილს აამებს, მცდარია — პირიქით, ამით ტკივილი კიდევ მეტად ძლიერდება, აცხადებს ტელეეთერების ხშირი სტუმარი, პოპულარული ექიმი მარინა მაკიშა.

მისი თქმით, ყელის ტკივილისას ლიმონიანი ჩაის ტემპერატურა არ უნდა აღემატებოდეს 60-70 გრადუსს. წინააღმდეგ შემთხვევაში ყელს დამატებითი ტრავმები მიადგება. ამასთან, უფრო მაღალ ტემპერატურაზე ლიმონი სასარგებლო თვისებებს, ანუ C ვიტამინს დაკარგავს.

გარდა ამისა, მაკიშას განმარტებით, ყელის ტკივილს ძალიან უხდება შტოშისა და მოცვის მორსი.

„შტოშიცა და მოცვიც შეიცავს ქლოროგენულ მჟავას, რომელსაც ბუნებრივი მცენარეული ანტიბიოტიკის თვისებები აქვს. მასში ბევრი ანტიოქსიდანტია, რაც ავადმყოფობის დროს კარგად აღადგენს ორგანიზმს“, — ამბობს სპეციალისტი.

მისი თქმით, მორსით ყელის გამოვლებაც შეიძლება.

კიდევ ერთი საშუალება, რომელსაც შესანიშნავი ეფექტი აქვს ყელის ტკივილისა და, ზოგადად, გაციების დროს, არის არა თაფლი, როგორც ეს ბევრს ჰგონია, არამედ ფუტკრის ჭეო (ყვავილის მტვერი, რომელსაც ფუტკარი აგროვებს და ფიჭის უჯრედებში ჩატკეპნის, ასხამს თაფლს და აკონსერვებს. ვიტამინებით ძალიან მდიდარ ჭეოს ორგანიზმი ძალიან ადვილად ითვისებს).

  • მკურნალობის მიზნით გაღეჭეთ ნახევარი ჩაის კოვზი ჭეო, შემდეგი 20-30 წუთის განმავლობაში კი არაფერი შეჭამოთ და არც დალიოთ.

ყელის ტკივილს აამებს ნიორიც — მასში შემავალი ალიცინის მეშვეობით, რომელსაც ანთების საწინააღმდეგო ბაქტერიციდული მოქმედება ახასიათებს. ამ სასარგებლო ნივთიერების მისაღებად საჭიროა გაჭყლიტოთ ან ჩაღეჭოთ ნიორი და შემდეგ ცოტა ხნით გაიჩეროთ პირში — ლოყის არეში.

დაუშვებელია ნივრის კბილის ცხვირის ნესტოში მოთავსება (ესეც მცდარი პრაქტიკაა), ვინაიდან ეს ლორწოვანა გარსს აზიანებს.

კიდევ ერთი შეცდომა, ექიმის თქმით, ისაა, რომ ყელის ტკივილის მოსახსნელად ადამიანები ხშირად სვამენ რძეს, რაც არასწორია, ვინაიდან რძე ამ შემთხვევაში ყელისთვის სასარგებლო არ არის მასში შემავალი შაქრის გამო. თუმცა ის ძალიან ეფექტურია სხვა დაავადებების შემთხვევაში.

98
თემები:
ექიმი გირჩევთ (133)
ახალგაზრდა მამაკაცი ოფლს იმშრალებს

აძლიერებს ოფლის სუნს: ექიმი ასახელებს პროდუქტებს

91
(განახლებულია 20:10 16.06.2021)
ნუტრიციოლოგი და დიეტოლოგი ასახელებს იმ პროდუქტებს, რომელთა ერთი ნაწილი ოფლის სუნს ამძაფრებს, ხოლო მეორე, პირიქით, ოფლიანობასაც ასუსტებს და მის სუნსაც.

თბილისი, 16 ივნისი — Sputnik. არსებობს ისეთი პროდუქტები, რომლებიც ხელს უწყობს ოფლიანობასა და ოფლის სუნის გაძლიერებას, ან მის შემცირებას, აცხადებს დიეტოლოგი და ნუტრიციოლოგი ევგენი არზამასცევი.

ექიმი უპირველესად ყურადღებას ამახვილებს ხორცპროდუქტებზე. მისი თქმით, სწორედ ხორცი უწყობს ხელს ჭარბ ოფლიანობას.

„ხორცი თავისთავად არის მძიმე პროდუქტი. თუ ადამიანი მას დიდი რაოდენობით მიირთმევს და მერე, ვთქვათ, სასეირნოდ წავა, ოფლის გამოყოფა გაუძლიერდება. ამასთან, ხორცის მიღების შემდეგ შეიძლება სისხლში აზოტოვანი ფუძეები წარმოიქმნას, რაც ოფლის სუნს აძლიერებს“, — ამბობს სპეციალისტი.

ნუტრიციოლოგი გირჩევთ, რომ ხორცეული კვირაში მაქსიმუმ ორჯერ მიირთვათ.

მეორე პროდუქტი, რომელიც ასევე ხდება ჭარბოფლიანობის მიზეზი — ეს ცხარე წიწაკაა, რომელიც მეტაბოლიზმის დამაჩქარებელ კაპსაცინს შეიცავს. ამასთან, წიწაკა ხელს უწყობს ტემპერატურის მატებას და, შესაბამისად, ოფლიანობას.

რაც შეეხება ოფლიანობის შემამცირებელ საკვებ პროდუქტებს, ეს ძირითადად მწვანილეულია — დაკეპილი კამა, პიტნა, ანისული და სხვა არომატული ბალახეული.

„პიტნა დამამშვიდებელი საშუალებაა, მაში შემავალი ეთერზეთები ნერვულ სისტემას ამშვიდებს. და რაც უფრო მშვიდია ის, მით ნაკლებ ოფლს გამოყოფს ორგანიზმი“, — განმარტა სპეციალისტმა.

ექიმის თქმით, თუ გსურთ, რომ ოფლს მძაფრი სუნი არ ჰქონდეს, ცხელ ამინდებში არავითარ შემთხვევაში არ უნდა შეაზავოთ კერძები კურკუმით. საქმე ისაა, რომ კურკუმა გოგირდს შეიცავს, რომელიც ოფლის სუნს აძლიერებს.

  • გარდა ამისა, ოფლის სუნს აძლიერებს კოფეინის შემცველი პროდუქტებიც – ყავა, შავი და მწვანე ჩაი. კოფეინის მოქმედება კაპსაცინისას ჰგავს, ამიტომ ექიმი ცხელ ამინდებში უბრალო წყლის სმას გირჩევთ.

რაც შეეხება ოფლიანობისა და მისი სუნის შესუსტებას, საამისოდ კარგია გოგრის თესლი. თუმცა, გამომდინარე იქიდან, რომ ეს საკმაოდ მძიმე პროდუქტია, მისი დოზის გადაჭარბებას უკუშედეგის გამოწვევა შეუძლია. ექიმის თქმით, გოგრის თესლის ნორმა ერთ ჯერზე — მაქსიმუმ 20-30 გრამია.

91
თემები:
ექიმი გირჩევთ (133)
კესარია აბრამიძე

„ვასაძეს უნდა გავყვე ცოლად, რომ დავამშვიდო...“ - კესარია აბრამიძის სკანდალური განცხადება

0
(განახლებულია 11:59 17.06.2021)
ცნობილი ტრანსგენდერი მოდელი კესარია აბრამიძე ლგბტ ადამიანების წინააღმდეგ მებრძოლი ბიზნესმენის ლევან ვასაძის დამშვიდებას უცნაური ხერხით აპირებს

ცნობილი ტრანსგენდერი მოდელი კესარია აბრამიძე ამბობს, რომ ბიზნესმენ ლევან ვასაძეს ცოლად უნდა გაჰყვეს, რომ დაამშვიდოს. ეს განცხადება კესარიამ ტელეკომპანია „პირველის“ გადაცემაში „პირველ ხაზზე“ გააკეთა, სადაც წამყვანმა ჰკითხა, თუ ყოფილან მის ცხოვრებაში „გაჭენებული ჰომოფობები“, რომლებიც მერე ლოიალურები გახდნენ.

„მე რომ დამინახეს და დამშვიდდნენ მერე? კი, ყოფილან. მგონი ლევან ვასაძეს უნდა გავყვე ცოლად და დავამშვიდო. ცოტა მოვალბო ლგბტ ადამიანების მიმართ. თეთრი კაბით კი ვარ, შემოაგორეთ სტუდიაში. ნუ, ეს რა თქმა უნდა, ხუმრობით. მგონი ასეთი ადამიანები კი არიან ერთი, ან ორი, მაგრამ დაიკუჭებიან და ნაგვის ურნაში ჩაიყრებიან“, - განაცხადა კესარიამ.

View this post on Instagram

A post shared by Kesaria (@kesaria_official)

„თბილისი პრაიდის“ ჩატარება 18-23 ივნისს არის დაგეგმილი. ვასაძემ „თბილისი პრაიდის“ წინააღმდეგ თვითორგანიზებული სახალხო რაზმების შექმნა დაანონსა. პრაიდის ორგანიზატორების განმარტებით, ვასაძის განცხადებები შეიცავს სისხლის სამართლის კოდექსის 223-ე (უკანონო ფორმირების შექმნა) და 144-ე (თავისუფლების უკანონო აღკვეთა) მუხლებით გათვალისწინებული განსაკუთრებით მძიმე დანაშაულის ნიშნებს.

0
თემები:
ქართველი სელებრითები