ექიმი ესაუბრება პაციენტს

COVID-19-ის სახიფათო კვალი: რომელი ორგანოები უნდა გაისინჯოთ განკურნების შემდეგ

333
(განახლებულია 18:34 07.06.2021)
ექიმები განკურნებულ პაციენტებს მიუთითებენ, რა ორგანოები გაისინჯონ და რა სახის კვლევები და მკურნალობა უნდა დანიშნოს სპეციალისტმა.

თბილისი, 7 ივნისი − Sputnik. კორონავირუსული დაავადება COVID-19-სგან განკურნებულმა პაციენტმა აუცილებლად უნდა ჩაიტაროს გამოკვლევები გულზე, ფილტვებზე, ფსიქიკაზე და ასევე უნდა გაესინჯოს ენდოკრინოლოგს, აცხადებენ ექიმები.

როგორც სპეციალისტები ამბობენ, კორონავირუსის ერთ-ერთი ყველაზე საშიში გართულება − მიოკარდიტია, გულის კუნთოვანი გარსის ანთება. ეს დაავადება ინფექციის მსუბუქი ფორმის შემთხვევაშიც კი იჩენს თავს.

აღნიშნული დაავადების მთავარი სიმპტომებია: სისუსტე, ტკივილები გულში, ხველება, შეშუპებები, თავბრუსხვევა და ქოშინი. დიაგნოზის დასადგენად კარდიოლოგი ნიშნავს გულის ექოკარდიოგრაფიასა და მაგნიტო-რეზონანსულ ტომოგრაფიას, ასევე კვლევას გულის ტოპონინებზე და გულის უკმარისობის მარკერ pro-BNP-ს.

პაციენტს მოუწევს იმკურნალოს ანტივირუსული პრეპარატებით და დაიცვას წოლითი რეჟიმი. თუ ის ექიმის დანიშნულებას არ შეასრულებს, შესაძლოა გულის უკმარისობით დაავადდეს.

COVID-19-ის კიდევ ერთი ყველაზე გავრცელებული შედეგი − ჰიპერკოაგულაციაა, ანუ თრომბების წარმოქმნისადმი მიდრეკილება. ის ციტოკინური შტორმის გამო წარმოიქმნება. სისხლის შედედების სისტემაში დარღვევებს კი მრავლობითი მიკროსკოპული თრომბის წარმოქმნა მოსდევს, რის გამოც უარესდება სისხლის მიწოდება და ჩნდება ისეთი სიმპტომები, როგორებიცაა ქოშინი თუ ნევროლოგიური დარღვევებიც კი.

იმისათვის, რომ ჰემოსტაზის მდგომარეობა შემოწმდეს, ექიმი ნიშნავს კოაგულოგრამასა და D-დიმერს − თრომბწარმოქმნის მარკერს.

ასეთ შემთხვევაში მკურნალობა ხდება ანტიკოაგულანტებით. ამასთან საჭიროა მეტი აქტიური დასვენება და ბევრი წყლის სმა.

ექიმების თქმით, კორონავირუსს პირველი ტიპის დიაბეტის პროვოცირებაც შეუძლია იმ ადამიანებში, ვისაც ამ დაავადების მიმართ გენეტიკური მიდრეკილება აქვს. გარდა ამისა, ინფექციამ ასევე შეიძლება გამოავლინოს მეორე ტიპის დიაბეტის ნიშნებიც.

ამიტომ თუ ადამიანი შენიშნავს ისეთ სიმპტომებს, როგორებიცაა სისუსტე, სწრაფად დაღლა, გამუდმებული წყურვილი,  მხედველობის გაუარესება, წონაში კლება და ჭრილობების ნელი შეხორცება, საჭიროა, რომ ექიმს მიმართოს. სპეციალისტი დანიშნავს ანალიზებს პლაზმის გლუკოზასა და გლიკირებულ ჰემოგლობინზე, რაც დაავადებას ადრეულ ეტაპზე გამოავლენს.

კორონავირუსით გამოწვეული ფიბროზული ცვლილებები ფილტვებში აბრკოლებს ჰაერგაცვლას და ამცირებს ჟანგბადით გაჯერების დონეს. განკურნების შემდეგ ადამიანს შესაძლოა კიდევ 1,5–3 თვის განმავლობაში ახველებდეს, ჰქონდეს ქოშინი.

პულმონოლოგთა უმრავლესობას მიაჩნია, რომ ორგანიზმი თავად გაუმკლავდება ავადმყოფობას. თუმცა ფილტვების სწარაფად აღსადგენად საჭიროა, რომ მწეველებმა სიგარეტს თავი დაანებონ, შეასრულონ სუნთქვითი ვარჯიშები და გაიკეთონ მასაჟები.

მედიკოსები ასევე აღნიშნავენ, რომ მათ, ვინც COVID-19 გადაიტანა, უქვეითდებათ მეხსიერება, უჩნდებათ პანიკური შეტევები და ეწყებათ გუნების მკვეთრი ცვალებადობა. ხშირად ემართებათ უძილობაც.

დადგინდა კავშირი სისხლის ჯგუფსა და 49 დაავადებას შორის: მეცნიერული კვლევა>>

ეს ყოველივე ვირუსის ნეიროტოქსიკური ზემოქმედებით, ნერვული სისტემისა და ტვინის დაზიანებითაა გამოწვეული. ამისათვის საჭიროა, რომ კოვიდ-გადატანილებმა მეტი დაისვენონ, ისეირნონ, იკვებონ საათობრივად. გარდა ამისა, მეხსიერების აღდგენაში დაგეხმარებათ თავსატეხებისა და კროსვორდების ამოხსნა.

333
თემები:
ექიმი გირჩევთ (133)
ყელის ტკივილი

როგორ დავიამოთ ყელის ტკივილი წამლების გარეშე: ექიმი მცდარ მეთოდებს ასახელებს

60
(განახლებულია 16:20 16.06.2021)
ირკვევა, რომ ყელის ტკივილის დაამების გავრცელებული მეთოდების დიდი ნაწილი მცარია და პირიქით, კიდევ მეტად აძლიერებს ტკივილს

თბილისი, 16 ივნისი — Sputnik. გავრცელებული მოსაზრება, რომ თითქოს ცხელი ჩაი ყელის ტკივილს აამებს, მცდარია —  პირიქით, ამით ტკივილი კიდევ მეტად ძლიერდება, აცხადებს ტელეეთერების ხშირი სტუმარი, პოპულარული ექიმი მარინა მაკიშა.  

მისი თქმით, ყელის ტკივილისას ლიმონიანი ჩაის ტემპერატურა არ უნდა აღემატებოდეს 60-70 გრადუსს. წინააღმდეგ შემთხვევაში ყელს დამატებითი ტრავმები მიადგება. ამასთან უფრო მაღალ ტემპერატურაზე ლიმონი სასარგებლო თვისებებს, ანუ C ვიტამინს დაკარგავს.

გარდა ამისა, მაკიშას განმარტებით, ყელის ტკივილს ძალიან უხდება შტოშისა და მოცვის მორსი.

„შტოშიცა და მოცვიც შეიცავს ქლოროგენულ მჟავას, რომელსაც ბუნებრივი მცენარეული ანტიბიოტიკის თვისებები აქვს. მასში ბევრი ანტიოქსიდანტია, რაც ავადმყოფობის დროს კარგად აღადგენს ორგანიზმს“, — ამბობს სპეციალისტი.

მისი თქმით, მორსით ყელის გამოვლებაც შეიძლება.

კიდევ ერთი საშუალება, რომელსაც შესანიშნავი ეფექტი აქვს ყელის ტკივილისა და ზოგადად გაციების დროს, არის არა თაფლი — როგორც ეს ბევრს ჰქონია — არამედ ფუტკრის ჭეო (ყვავილის მტვერი, რომელსაც ფუტკარი აგროვებს და ფიჭის უჯრედებში ჩატკეპნის, ასხამს თაფლს და აკონსერვებს. ვიტამინებით ძალიან მდიდარ ჭეოს ორგანიზმი ძალიან ადვილად ითვისებს).

  • მკურნალობის მიზნით გაღეჭეთ ნახევარი ჩაის კოვზი ჭეო, შემდეგი 20-30 წუთის განმავლობაში კი არაფერი შეჭამოთ და არც დალიოთ.

ყელის ტკივილს აამებს ნიორიც — მასში შემავალი ალიცინის მეშვეობით, რომელსაც ანთების საწინააღმდეგო ბაქტერიციდული მოქმედება ახასიათებს. ამ სასარგებლო ნივთიერების მისაღებად საჭიროა, გაჭყლიტოთ ან ჩაღეჭოთ ნიორი და შემდეგ ცოტა ხნით გაიჩეროთ პირში — ლოყის არეში.

დაუშვებელია ნივრის კბილის ცხვირის ნესტოში მოთავსება (ესეც მცარი პრაქტიკაა), ვინაიდან ეს ლორწოვანა გარსს აზიანებს.

კიდევ ერთი შეცდომა ექიმის თქმით ისაა, რომ ყელის ტკივილის მოსახსნელად ადამიანები ხშირად სვამენ რძეს, რაც არასწორია, ვინაიდან რძე ამ შემთხვევაში ყელისთვის სასარგებლო არ არის მასში შემავალი შაქრის გამო. თუმცა ის ძალიან ეფექტურის სხვა დაავადებების შემთხვევაში.

60
თემები:
ექიმი გირჩევთ (133)
ახალგაზრდა მამაკაცი ოფლს იმშრალებს

აძლიერებს ოფლის სუნს: ექიმი ასახელებს პროდუქტებს

72
(განახლებულია 20:10 16.06.2021)
ნუტრიციოლოგი და დიეტოლოგი ასახელებს იმ პროდუქტებს, რომელთა ერთი ნაწილი ოფლის სუნს ამძაფრებს, ხოლო მეორე, პირიქით, ოფლიანობასაც ასუსტებს და მის სუნსაც.

თბილისი, 16 ივნისი — Sputnik. არსებობს ისეთი პროდუქტები, რომლებიც ხელს უწყობს ოფლიანობასა და ოფლის სუნის გაძლიერებას, ან მის შემცირებას, აცხადებს დიეტოლოგი და ნუტრიციოლოგი ევგენი არზამასცევი.

ექიმი უპირველესად ყურადღებას ამახვილებს ხორცპროდუქტებზე. მისი თქმით, სწორედ ხორცი უწყობს ხელს ჭარბ ოფლიანობას.

„ხორცი თავისთავად არის მძიმე პროდუქტი. თუ ადამიანი მას დიდი რაოდენობით მიირთმევს და მერე, ვთქვათ, სასეირნოდ წავა, ოფლის გამოყოფა გაუძლიერდება. ამასთან, ხორცის მიღების შემდეგ შეიძლება სისხლში აზოტოვანი ფუძეები წარმოიქმნას, რაც ოფლის სუნს აძლიერებს“, — ამბობს სპეციალისტი.

ნუტრიციოლოგი გირჩევთ, რომ ხორცეული კვირაში მაქსიმუმ ორჯერ მიირთვათ.

მეორე პროდუქტი, რომელიც ასევე ხდება ჭარბოფლიანობის მიზეზი — ეს ცხარე წიწაკაა, რომელიც მეტაბოლიზმის დამაჩქარებელ კაპსაცინს შეიცავს. ამასთან, წიწაკა ხელს უწყობს ტემპერატურის მატებას და, შესაბამისად, ოფლიანობას.

რაც შეეხება ოფლიანობის შემამცირებელ საკვებ პროდუქტებს, ეს ძირითადად მწვანილეულია — დაკეპილი კამა, პიტნა, ანისული და სხვა არომატული ბალახეული.

„პიტნა დამამშვიდებელი საშუალებაა, მაში შემავალი ეთერზეთები ნერვულ სისტემას ამშვიდებს. და რაც უფრო მშვიდია ის, მით ნაკლებ ოფლს გამოყოფს ორგანიზმი“, — განმარტა სპეციალისტმა.

ექიმის თქმით, თუ გსურთ, რომ ოფლს მძაფრი სუნი არ ჰქონდეს, ცხელ ამინდებში არავითარ შემთხვევაში არ უნდა შეაზავოთ კერძები კურკუმით. საქმე ისაა, რომ კურკუმა გოგირდს შეიცავს, რომელიც ოფლის სუნს აძლიერებს.

  • გარდა ამისა, ოფლის სუნს აძლიერებს კოფეინის შემცველი პროდუქტებიც – ყავა, შავი და მწვანე ჩაი. კოფეინის მოქმედება კაპსაცინისას ჰგავს, ამიტომ ექიმი ცხელ ამინდებში უბრალო წყლის სმას გირჩევთ.

რაც შეეხება ოფლიანობისა და მისი სუნის შესუსტებას, საამისოდ კარგია გოგრის თესლი. თუმცა, გამომდინარე იქიდან, რომ ეს საკმაოდ მძიმე პროდუქტია, მისი დოზის გადაჭარბებას უკუშედეგის გამოწვევა შეუძლია. ექიმის თქმით, გოგრის თესლის ნორმა ერთ ჯერზე — მაქსიმუმ 20-30 გრამია.

72
თემები:
ექიმი გირჩევთ (133)
რეჯეფ თაიიფ ერდოღანი

ექვსის პლატფორმა: ანკარა თბილისთან რუსეთ-საქართველოს თანამშრომლობას იხილავდა - ერდოღანი

0
პლატფორმაში შეიძლება შევიდნენ თურქეთი, აზერბაიჯანი, რუსეთი, ირანი, საქართველო და, სურვილის შემთხვევაში, სომხეთი, აღნიშნა თურქეთის ლიდერმა.

თბილისი, 16 ივნისი - Sputnik. თურქეთის პრეზიდენტმა რეჯეფ თაიიფ ერდოღანმა განაცხადა, რომ ანკარა თბილისთან იხილავდა რუსეთ-საქართველოს თანამშრომლობას „ექვსის პლატფორმის“ ფარგლებში, იუწყება РИА Новости.

ერდოღანმა ბაქოში პრესკონფერენციაზე განაცხადა, რომ ალიევთან ერთად იხილავს სამხრეთ კავკასიის რეგიონში „ექვსის პლატფორმის“ შექმნის საკითხს თანამშრომლობის გასავითარებლად. პლატფორმაში შესაძლოა შევიდნენ თურქეთი, აზერბაიჯანი, რუსეთი, ირანი, საქართველო და, „სურვილის შემთხვევაში“, სომხეთი.

„მე და ჩემმა ძმამ (აზერბაიჯანის პრეზიდენტ ალიევთან, - რედ.) წამოვაყენეთ წინადადება. მოდით შევქმნათ პლატფორმა ექვსი ქვეყნის თანამშრომლობისთვის. შევქმნათ სტაბილურობა რეგიონში. აქ არის საქართველოსა და რუსეთის მომენტი, ჩვენ ვიხილავდით საკითხს საქართველოს პრემიერთან. მე აღვნიშნე, რომ ეს საქართველოსთვის ხელსაყრელია, მოდით ეს გავაკეთოთ. გვინდა, რომ თქვენ გადალახოთ რუსეთთან არსებული სირთულეები. ვთქვი, რომ ეს კარგი იქნება. რეგიონს მშვიდობა სჭირდება“, - აღნიშნა თურქეთის პრეზიდენტმა აზერბაიჯანის პარლამენტში გამოსვლისას.

ოფიციალურმა თბილისმა ამას წინათ ერდოღანის ინიციატივაზე საუბრისას აღნიშნა, რომ რუსეთთან ერთობლივ საერთაშორისო ფორმატში მონაწილეობას შეუძლებლად მიიჩნევს.

საქართველომ რუსეთთან დიპლომატიური ურთიერთობა 2008 წელს გაწყვიტა. დიალოგი ორ ქვეყანას შორის ჟენევის დისკუსიებისა და 2012 წლიდან პრაღაში მოლაპარაკების ფარგლებში მიმდინარეობს, სადაც საქართველოს პრემიერის სპეცწარმომადგენელი ზურაბ აბაშიძე და რუსეთის ოფიციალური წარმომადგენელი გრიგორი კარასინი ვაჭრობასთან, ტურიზმთან დაკავშირებულ, ასევე ჰუმანიტარულ საკითხებს იხილავენ.

0