წნევის გაზომვა

აბებისა და ექიმის გარეშე: როგორ დავწიოთ მაღალი არტერიული წნევა

256
(განახლებულია 16:50 06.04.2021)
მეცნიერები უკვე კარგა ხანია ამტკიცებენ, რომ მაღალი არტერიული წნევის დაწევა სამკურნალო პრეპარატების გარეშეცაა შესაძლებელი.

თბილისი, 6 აპრილი — Sputnik. არსებობს გზა, რომლის მეშვეობითაც სისხლის მაღალი წნევის დაწევა აბებისა და ექიმთან რეგულარული ვიზიტების გარეშეა შესაძლებელი, წერს ამერიკელი კარდიოლოგი ჯერალდ ფლეტჩერი პორტალზე Health.

მისი თქმით, ამისთვის პირველ რიგში საჭიროა ფიზიკური აქტივობის გაზრდა — ფეხით მეტი სიარული, სირბილი, ცურვა თუ ველოსიპედით სეირნობა. ამგვარი დატვირთა ყოველდღიური უნდა იყოს და ნახევარი საათის განმავლობაში მაინც გრძელდებოდეს.

ექიმის დაკვირვებით, მსგავსი „ფიზიკური თერაპიის“ შემდეგ ბევრი ჰიპერტონიკი თანდათან წყვეტს წნევის საწინააღმდეგო წამლების მიღებას.

გარდა ამისა, კარდიოლოგი ამბობს, რომ საჭიროა მარილისა და კოფეინის შემცირება, რომლებიც არტერიული წნევის ხანმოკლე აწევას იწვევს. ექსპერტი ირწმუნება, რომ ჰიპერტონიკებმა დღეში მაქსიმუმ ორი ჭიქა ყავა შეიძლება დალიონ.

ამასთან, მაღალწნევიანების რაციონში აუცილებლად უნდა შედიოდეს კალიუმით მდიდარი პროდუქტები: ბანანი (დღეში დაახლოებით 422 გ), კანიანად გამომცხვარი კარტოფილი (738 გ), ფორთოხლის წვენი (დაახლოებით 500 მლ) და უცხიმო იოგურტი (დაახლოებით 550 გ).

როგორ დავწიოთ მაღალი არტერიული წნევა წამლის გარეშე: გერმანელი კარდიოლოგის რჩევები>>

ჯერალდ ფლეტჩერი ჰიპერტონიკებს ასევე ურჩევს ალკოჰოლსა და თამბაქოზე უარის თქმას და ჭარბი წონის დაკლებას. მისი თქმით, ერთი-ორი კილოგრამის დაკლებაც კი მნიშვნელოვნად შეამცირებს დატვირთვას გულ-სისხლძარღვთა სისტემაზე, რაც დადებითად აისახება არტერიულ წნევაზე.

მანამდე მელბურნის უნივერსიტეტის მეცნიერებმა დაადგინეს, რომ მაღალი არტერიული წნევის დაწევა მედიკამენტების გარეშე იმ შემთხვევაშია შესაძლებელი, თუ ადამიანი ყოველდღე გამოიყენებს ზეითუნის ზეთს.

256
თემები:
ექიმი გირჩევთ (104)
მარმელადი

მარმელადი დიაბეტით დაავადებულთათვის

910
(განახლებულია 10:43 17.04.2021)
კარკადეს ჩაი არა მხოლოდ გემრიელია, არამედ სასარგებლოც. მისი გამოყენება ნატურალური დესერტის საფუძვლად შეიძლება.

Sputnik–საქართველო“, დაპირებისამებრ, სპეციალური ტკბილეულის მომზადების რეცეპტს გთავაზობთ.

კარკადეს ჩაი არა მხოლოდ გემრიელია, არამედ სასარგებლოც. მისი გამოყენება ნატურალური დესერტის საფუძვლად შეიძლება.

დაგჭირდებათ:

კარკადე — 5 სუფრის კოვზი

წყალი — 1 ჭიქა

შაქრის შემცვლელი — გემოვნებით

ჟელატინი — 30 გრამი

გამოდის 12-16 პორცია

მომზადების წესი:

დაასხით კარკადეს მდუღარე წყალი და გააჩერეთ

ცალკე დაალბეთ თბილ წყალში ჟელატინი

შაქრის შემცვლელი შეგიძლიათ გამოიყენოთ ნებისმიერი (მათ შესახებ ინფორმაცია იხილეთ აქ). სურვილის შემთხვევაში მის გარეშეც შეგიძლიათ დაამზადოთ.

როდესაც ჩაის მუქი ფერი ექნება, გადაწურეთ და დადგით ცეცხლზე, მიიყვანეთ ადუღებამდე, გადმოდგით ცეცხლიდან და ჩაასხით ჟელატინი.

აურიეთ კარგად, რომ ჟელატინი მთლიანად გაიხსნას.

ამგვარად, სასარგებლო, მადის აღმძვრელ და უგემრიელეს მარმელადს სახლის პირობებში 2-3 საათში დაამზადებთ. როდესაც გაცივდება, დაჭერით.

910
თემები:
გემრიელი სამზარეულო
ლენცოფა

მკურნალობა ხალხური მეთოდებით: ლენცოფა

4358
(განახლებულია 10:41 17.04.2021)
ჯერ კიდევ ავიცენა წერდა, რომ მას შეუძლია ადამიანის ჭკუიდან შეშლა, მეხსიერების დაკარგვა და გაშმაგება.

შუა საუკუნეების გერმანიაში ლენცოფა სასმელების თრობის ეფექტის გასაძლიერებლად ფართოდ გამოიყენებოდა, მაგრამ რადგან მოწამვლის მრავალი შემთხვევა დაფიქსირდა, მთავრობამ სასმელში მისი დამატება აკრძალა.

ლენცოფა (Hyoscyamus niger) ძაღლყურძენასებრთა ოჯახის წარმომადგენელია. არის ორწლიანი ბალახოვანი მცენარე ღერძიანი ფესვით. ფოთლები რბილი და წებოვანია. აქვს საკმაოდ მსხვილი ყვავილები. ყვავილობს თითქმის მთელი ზაფხული. ნაყოფი ორბუდიანი, მრავალთესლიანი დოქისებრ ჯამში მოთავსებული კოლოფია. მთელი მცენარე შხამიანია.

ლენცოფა
ლენცოფა

ლენცოფას 20-მდე სახეობაა გავრცელებული ევროპაში, აზიაში, აფრიკასა და კანარის კუნძულებზე. საქართველოში იზრდება 3 სახეობა, მათ შორის მნიშვნელოვანია შავი ლენცოფა (Hyoscyamus niger).

ლენცოფა იზრდება გზისპირებზე, ბოსტანში, ბაღსა და მინდორში. აქვს უსიამოვნო სუნი და შეიცავს ალკალოიდებს — ჰიოსციამინს, ატროპინსა და სკოპოლამინს.

საქართველოს სხვადასხვა კუთხეში სხვადასხვა სახელი აქვს – ბარის ჩხამაი, ბატბატა, ლემა, ლემი, ლემცოფა, ლემხურა, ლორცოფინა, თუთუნი ტყისა, ჯამია, ღრიანცოფა, საბაკნია, საპინა, საქოთნია, საჯამია, ტყის თუთუნი, ძაღლაფსელა.

როგორც აღვნიშნეთ, მცენარე შხამიანია, განსაკუთრებით მისი თესლი. 

ის უძველესი დროიდან არის ცნობილი, როგორც ერთ–ერთი ყველაზე შხამიანი მცენარე, რომლის არასწორი გამოყენება შეიძლება ფატალურად დასრულდეს. ჯერ კიდევ ავიცენა წერდა, რომ მას შეუძლია ადამიანის ჭკუიდან შეშლა, მეხსიერების დაკარგვა, გაშმაგება. ლენცოფას არასწორმა გამოყენებამ შესაძლოა გამოიწვიოს ჰალუცინაციები, სწორედ ამ თვისებას იყენებდნენ შუა საუკუნეებში ე.წ. კუდიანების მალამოს შემადგენლობაში. ძველ ბალტიელ ხალხს ჰყავდა განსაკუთრებულ მეომართა ჯგუფი – მგელი ღმერთის მსახურები, რომლებიც ომში წასვლის წინ ლენცოფას ნაყენს სვამდნენ და ბრძოლის დროს თავი მგლებად მიაჩნდათ. გადმოცემის თანახმად, მეომარი–მგლები იმდენად მრისხანენი იყვნენ, რომ იარაღი არც სჭირდებოდათ და მტერს ფარებით უმკლავდებოდნენ.

ძველად ასეთ სამხედრო ხრიკსაც იყენებდნენ: როდესაც საბრძოლო ბანაკს ტოვებდნენ, მხედართმთავრები მტერს ღვინის მარაგს უტოვებდნენ, რომელშიც სპეციალურად ლენცოფა იყო შერეული. მტერი სვამდა დატოვებულ ღვინოს, ბრუვდებოდა და იძინებდა, ხოლო „გაქცეული“ მეომრები ბრუნდებოდნენ და მტერს ანადგურებდნენ.

ლენცოფას თესლი დოქისებრ ჯამშია მოთავსებული
ლენცოფას თესლი დოქისებრ ჯამშია მოთავსებული

შუა საუკუნეების გერმანიაში ლენცოფას სასმელების თრობის ეფექტის გასაძლიერებლად ფართოდ გამოიყენებოდა, მაგრამ რადგან მოწამვლის მრავალი შემთხვევა დაფიქსირდა, მთავრობამ სასმელში ლენცოფას დამატება აკრძალა.

მსოფლიოს ხალხურ მედიცინაში ლენცოფას სხვადასხვა სახით (ნაყენის, ექსტრაქტის, მალამოს) სხვადასხვა დაავადების სამკურნალოდ იყენებენ. მაგალითად, ციმბირის წყლულის, დიფტერიის, ჩუტყვავილას დროს. ასევე ცოფიანი ცხოველის კბენისას, როგორც დეტოქსიკაციის საშუალებას.

ლენცოფა ხალხურ მედიცინაში ძირითადად გამოიყენება, როგორც სედატიური, კრუნჩხვის საწინააღმდეგო საშუალება, ანალგეტიკური პარკინსონიზმისას, ნევრალგიის, ნიმფომანიის, კრუნჩხვების, თავის ტკივილის, ბრონქული ასთმის, ქრონიკული ბრონქიტის, პნევმონიის, ისტერიის, შარდის ბუშტის სპაზმების, ნაღვლის ბუშტში კენჭების არსებობისას, რევმატიზმის დროს. მის ექსტრატს იყენებენ ავთვისებიანი წარმონაქმნების დროს.

ასევე, კანისა და ვენერიული დაავადებების, ეგზემის, ფურუნკულების, პოდაგრის, საშვილოსნოს ყელის კუნთების სპაზმების, ოტიტის, დაჟეჟილობების (მალამოს სახით) და სხვა.

ლენცოფა ბევრი მედიკამენტის შემდგენლობაში შედის. მის საფუძველზე დამზადებული პრეპარატები ასევე გამოიყენება პროფილაქტიკისა და მკურნალობისთვის ზღვისა და საჰაერო ავადმყოფობის დროს, ასევე მენიერის დაავადებისას (შიგნითა ყურის პათოლოგია). ხანდახან ამ პრეპარატებს ხმარობენ სახეზე პლასტიკური და ზედა სასუნთქი გზების ოპერაციების დროს.

ლენცოფას გამოყენების რამდენიმე ხერხი:

ძლიერი შინაგანი ტკივილისა და ეპილეფსიის დროს: 1,25 გრამი ლენცოფას დაქუცმაცებული ფოთოლი და ½ ჭიქა მდუღარე წყალი უნდა ადუღოთ, სანამ არ აორთქლდება და მასა შესქელებული არ გახდება. მიიღეთ 1 სუფრის კოვზ წყალში გაზავებული ექსტრაქტის 1–2 წვეთი დღეში სამჯერ.

შინაგანი ძლიერი ტკივილის, კუჭ–ნაწლავის კოლიკებისას: 15 გრამ დაქუცმაცებულ ფოთოლს დაასხით 100 მლ 70%–იანი სპირტი. გააჩერეთ 8 დღე ბნელ ადგილზე. გადაწურეთ. მიიღეთ ერთ სუფრის კოვზ წყალში გახსნილი 2 წვეთი დღეში სამჯერ.

პოდაგრის, რევმატიზმის, ნევრალგიური ტკივილებისას შესაზელად: 30 გრამი დაქუცმაცებული თესლი შეურიეთ 100 მლ მზესუმზირის ზეთს, გააჩერეთ 8–10 დღე ბნელ ადგილზე.

გაითვალისწინეთ: არ მიიღოთ ლენცოფას ნახარში, ნაყენი და სხვა ექიმის გარეშე, ასევე მასზე დამზადებული პრეპარატები. ლენცოფას გამოყენებით მოწამვლა ძალზე სწრაფად ვითარდება, დაახლოებით 10 წუთში. დამახასიათებელი ნიშნებია თვალის გუგების გაფართოება, გულის მუშაობის გახშირება, სახისა და კისრის კანის ჰიპერემია, ხმის ჩახრინწვა, თავის ძლიერი ტკივილი. შეიძლება დადგეს კომატოზური მდგომარეობა. პირველივე ნიშნების შემჩნევისას გამოიძახეთ სასწრაფო დახმარება, მის მოსვლამდე კი რეკომენდებულია კუჭის გამორეცხვა კალიუმის პერმანგანატის („მარგანცოვკის“) სუსტი ხსნარით, ასევე მიიღეთ აქტივირებული ნახშირი.

 

სტატია მომზადებულია RCDA-ს მასალებზე დაყრდნობით

4358
თემები:
ჩვენ და ბუნება
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

0
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

0