სისხლის ანალიზი ლაბორატორიაში

როგორ ამოვიცნოთ თრომბი: დასახელდა წინმსწრები სიმპტომები

180
(განახლებულია 23:03 05.04.2021)
ამერიკელი მედიკოსები ასახელებენ რამდენიმე სიმპტომს, რომლებიც ძალიან ჰგავს ნაკლებად სერიოზულ დაავადებას, თუმცა რეალურად ისინი თრომბის განვითარებაზე მეტყველებს.

თბილისი, 5 აპრილი — Sputnik. თრომბის სიმპტომები, რაც დაუყოვნებელ სამედიცინო ჩარევას მოითხოვს, იოლად შეიძლება აგერიოთ რაღაც უფრო ნაკლებად სერიოზულში, მაგალითად, კუნთების დაჭიმვაში, წერს გამოცემა Express ორგანიზაცია National Blood Clot Alliance-ის სპეციალისტებზე დაყრდნობით. 


გამოცემა განმარტავს, რომ თრომბი ცილებისა და თრომბოციტების შეწებების შედეგად წარმოიქმნება უფრო ხშირად ფეხებისა და ხელების სისხლძარღვებში, თუმცა ასევე შეიძლება განვითარდეს გულის, ტვინისა და ფილტვების სისხლძარღვებშიც, რაც სიცოცხლეს საფრთხეს უქმნის.

სპეციალისტების თქმით, ღრმა ვენების თრომბოზი ხასიათდება ფეხის ან ხელის შეშუპებით. ამასთან მას შეიძლება ახლდეს ძლიერი ტკივილი ან დაბუჟება, რაც ძალიან ჰგავს კუნთის დაჭიმვას.

გარდა ამისა, როგორც ექიმები განმარტავენ, დაზიანებული უბნის გარშემო კანმა შეიძლება ფერი შეიცვალოს და მოლურჯო ან წითელი გახდეს. ამასთან ზოგ პაციენტს ასეთ დროს ხელები და ფეხები ჩვეულებრივზე უფრო თბილი აქვს.

„თუ აქედან რომელიმე სიმპტომი შენიშნეთ, შეძლებისდაგვარად სწრაფად მიმართეთ ექიმს, ვინაიდან შესაძლოა სასწრაფო მკურნალობა გჭირდებოდეთ“, — გვირჩევენ სპეციალისტები.

რაც შეეხება ფილტვებში განვითარებულ თრომბს, ანუ ფილტვის არტერიის თრომბოემბოლიას, მისი ყველაზე ხშირი სიმპტომია მოულოდნელი დისპნოე (სუნთქვის გაძნელება, რასაც თან სდევს ჰაერის უკმარისობის შეგრძნება), ზოგი პაციენტი ასევე განიცდის მწვავე ტკივილს მკერდის არეში, რომელიც კიდევ უფრო ძლიერდება სუნთქვისას.

გარდა ამისა, ფილტვებში თრომბის განვითარებაზე ასევე მიანიშნებს სისხლიანი ლორწო ხველებისას.  

ექიმები ხაზს უსვამენ, რომ თრომბის რისკის ყველაზე გავრცელებული რისკ-ფაქტორებია: ჭარბწონიანობა, მემკვიდრეობითი მიდრეკილება და ერთ მდგომარეობაში დიდი ხნის განმავლობაში ჯდომა.

180
თემები:
ექიმი გირჩევთ (102)
ახალშობილი დედასთან

ჩვილის სწრაფად დაძინების უებარი მეთოდი: იმიტაციის ეფექტი

145
(განახლებულია 17:28 13.04.2021)
იმისათვის, რომ ჩვილმა სწრაფად და უპრობლემოდ დაიძინოს, არც თავად გაღიზიანდეს და არც მშობლები გადაღალოს, ერთ უებარ მეთოდს გთავაზობთ

ახალგაზრდა მშობლებს ხშირად ძალიან უჭირთ ბავშვის დაწყნარება და დაძინება.

მათ დასახმარებლად პედიატრის რჩევას შემოგთავაზებთ, რომელიც მეტად საჭირო და ეფექტურ გამოცდილებას უზიარებს მშობლებს.

თუმცა მანამდე იმ სავარაუდო მიზეზებს გაგაცნობთ, როს გამოც შესაძლოა არ იძინებდეს ბავშვი.

ესენია:

  • ძილთან დაკავშირებული მკაფიოდ განსაზღვრული რიტუალების არარსებობა;
  • ძილის წინ აქტივობა და ბავშვის ახალი შთაბეჭდილებებით დატვირთვა;
  • ჯანმრთელობის პრობლემები;
  • ყურადღებისა და მზრუნველობის უკმარისობა;
  • ძილისთვის შეუსაბამო ვითარება.

პედიატრის მეთოდი ორი ბოლო პუნქტის სწრაფად განეიტრალება-აღმოფხვრაში დაგეხმარებათ. სცადეთ და დარწმუნდებით.

​ამისათვის აიღეთ პირსახოცი, ზომით 120X60 სმ და დაახვიეთ რულონივით;

შემდეგ დააწვინეთ ბავშვი მარჯვენა მხარეზე და შემოახვიეთ რულონი ისე, რომ პირსახოცი ბავშვის ფეხებშუა გატარდეს და ორივე ბოლო კისრისა და თავქვეშ მოექცეს (როგორც ეს ფოტოზეა ნაჩვენები);

ამის მერე უსვით ხელი ბავშვს ზურგზე, რათა თქვენი შეხება იგრძნოს... და ორიოდე წუთში პატარა ფშვინვას ამოუშვებს.

საქმე ისაა, რომ პირსახოცის „ბუდე“ დედის მკერდში ჩახუტების იმიტაციას ქმნის, სადაც პატარა თავს კომფორტულად და უსაფრთხოდ გრძნობს.

შესაბამისად, გასაკვირი არ არის, რომ ამგვარ „მოწყობილობაში“ ბავშვი სწრაფად იძინებს. 

145
თემები:
ექიმი გირჩევთ (102)
წნევის გაზომვა

აუცილებლად გაიზომეთ წნევა ორივე ხელზე - ეს უკიდურესად მნიშვნელოვანია

121
(განახლებულია 17:29 13.04.2021)
მედიკოსები ირწმუნებიან, რომ ატერიული წნევა ორივე ხელზე უნდა იზომებოდეს, რათა დავადგინოთ, ხომ არ არის მათ შორის სასიკვდილოდ სახიფათო განსხვავება

თბილისი, 13 აპრილი — Sputnik. არტერიული წნევა უნდა იზომებოდეს არა ერთ, არამედ ორივე ხელზე, რათა სახიფათო სიმპტომები არ გამოგვეპაროს, ნათქვამია სამედიცინო კვლევაში, რომელიც სამეცნიერო ჟურნალ Hypertension–შია გამოქვეყნებული.

გავრცელებული ინფორმაციით, სწავლულებმა 24 სამეცნიერო ნაშრომი შეისწავლეს, რომელიც 57 ათასი პაციენტის შესახებ მონაცემებს შეიცავდა. ანალიზის დასრულების შემდეგ, მეცნიერები მივიდნენ დასკვნამდე, რომ მარჯვენა და მარცხენა ხელებს შორის ხუთი პუნქტით განსხვავებული წნევა ინფარქტის, ინსულტისა და ნაადრევი სიკვდილის რისკებს შეიცავს.

„რაც უფრო დიდია სხვაობა, მით მაღალია ამის რისკი“, — ნათქვამია კვლევაში.

მეცნიერების აზრით, მარცხენა და მარჯვენა ხელებს შორის არტერიული წნევის თითო მილიმეტრიანი განსხვავება გულის პრობლემებით სიკვდილის რისკს 1%-ით ზრდის.

განსხვავებული წნევის მიზეზები

თუმცა ექიმები გვამშვიდებენ, რომ განსხვავებული წნევის შემთხვევაში მაშინვე პანიკაში ჩავარდნა საჭირო არ არის. საქმე ისაა, რომ ასეთი მდგომარეობა შეიძლება არც ისე სერიოზული მიზეზებით იყოს გამოწვეული. მაგალითად, ხელებში განსხვავებული ტონუსით.

მარჯვენა და მარცხენა ხელებს შორის განსხვავებული წნევის მიზეზები ასევე შეიძლება იყოს:

  • აღელვებული მდგომარეობა;
  • ანატომიური თავისებურებები;
  • ერთ ხელზე უფრო მეტად განვითარებული მუსკულატურა;
  • სისხლის მიმოქცევის დარღვევა.

იმისათვის, რომ განსხვავებული წნევის ნამდვილი მიზეზი დადგინდეს, დამატებითი სამედიცინო გამკვლევაა საჭირო.  

121
თემები:
ექიმი გირჩევთ (102)
გიორგი გახარია

ახალი პოლიტიკური ძალა: „ქართული ოცნების" ექვსი დეპუტატი გახარიას შეუერთდა

0
როგორც ადრე საპარლამენტო უმრავლესობის ერთ-ერთმა ლიდერმა ბექა დავითულიანმა განაცხადა, პარტიის შექმნის შემთხვევაში ყოფილი პრემიერი „ქართული ოცნების“ კონკურენტი გახდება.

თბილისი, 14 აპრილი – Sputnik. პარლამენტში მმართველი პარტია „ქართული ოცნება – დემოკრატიული საქართველოს“ რიგები ექვსმა დეპუტატმა დატოვა.

აღნიშნულ გადაწყვეტილებასთან დაკავშირებით განცხადება გორისა და კასპის მაჟორიტარმა დეპუტატმა გიორგი ხოჯევანიშვილმა პარლამენტში გამართულ ბრიფინგზე გააკეთა. 

გავრცელებული ინფორმაციით, ხოჯევანიშვილთან ერთად, საპარლამენტო უმრავლესობა დატოვეს დეპუტატებმა ბექა ლილუაშვილმა, ანა ბუჩუკურმა, ალექსანდრე მოწერელიამ, მიხეილ დაუშვილმა და შალვა კერესელიძემ.

როგორც ხოჯევანიშვილმა განმარტა, ისინი ყოფილი პრემიერ–მინისტრ გიორგი გახარიას გუნდის წევრები არიან და დღეიდან  პარტიის მშენებლობის ეტაპზე გადადიან. 

„ჩვენ ვართ გიორგი გახარიას გუნდის წევრები და თანამოაზრეები, რომელთაც გვაერთიანებს საერთო ღირებულებები და ფასეულობები. ჩვენ დღეიდან გიორგი გახარიასთან ერთად პარტიის მშენებლობის ახალ ეტაპზე გადავდივართ. შესაბამისად, ვტოვებთ „ქართულ ოცნებას", - აღნიშნა დეპუტატმა.

გახარიამ პრემიერის პოსტის დატოვების შესახებ განცხადება 18 თებერვალს გააკეთა, რაც ყველასთვის, პირველ რიგში კი საკუთარი გუნდისთვის დიდი მოულოდნელობა იყო. ექს-პრემიერმა მიზეზად თავის გუნდთან – „ქართულ ოცნებასთან“ „ერთიანი ნაციონალური მოძრაობის“ თავმჯდომარის ნიკა მელიას დაპატიმრების საკითხზე უთანხმოება დაასახელა. მარტის ბოლოს ექს-პრემიერმა დუმილი დაარღვია და განაცხადა, რომ არ აპირებს პოლიტიკიდან წასვლას და მისი სამომავლო გეგმების შესახებ ცნობილი მალე გახდება.

საქართველოს ერთ-ერთი ყველაზე რეიტინგული პოლიტიკოსი მმართველი პარტია „ქართული ოცნება – დემოკრატიული საქართველოს“ დამფუძნებლის ბიძინა ივანიშვილის ფავორიტად და მინისტრთა კაბინეტში ყველაზე გავლენიან ფიგურად ითვლებოდა.

მას მთავრობის მეთაურის პოსტი 2019 წლის სექტემბრიდან 2021 წლის 18 თებერვლამდე ეკავა.

 

0
თემები:
საქართველოს პოლიტიკური ცხოვრება