მსუქანი ადამიანები

როგორ უნდა დაიკლონ წონაში 40 წელს გადაშორებულებმა დიეტოლოგი გირჩევთ

196
(განახლებულია 16:31 23.02.2021)
40 წელს გადაცილებულმა ქალბატონებმა ზედმეტი კილოგრამების დასაკლებად, ნაცვლად მკაცრი დიეტისა, სულ სხვა გზას უნდა მიმართონ – მეტად მარტივსა და ეფექტურს.

თბილისი, 23 თებერვალი — Sputnik. იმისათვის, რომ წონაში სწრაფად დაიკლონ, 40 წელს გადაცილებულ ქალებს არ სჭირდებათ მკაცრი დიეტები და მძიმე ფიზიკური დატვირთვა — ეს არც გახდომას უწყობს ხელს და ამასთან საზიანოცაა ჯანმრთელობისთვის, აცხადებს დიეტოლოგი ელენ კალენი.

მისი თქმით, ასეთ ასაკში ადამიანების უმეტესობას ნივთიერებათა ცვლა უკვე შენელებული აქვს, რის შედეგადაც ზედმეტ კილოგრამებს შეუმჩნევლად იმატებენ და მერე მოშორება უჭირთ.

„40 წლისთვის იცვლება ჰორმონალური ფონი და ორგანიზმს უკვე აღარ სჭირდება იმდენი ენერგია, რამდენიც მანამდე სჭირდებოდა. ამიტომ თუ ქალი კალორიების ძველი რაოდენობით მიღებას განაგრძობს, წონაში მოიმატებს“, — ამბობს სპეციალისტი.

შესაბამისად, მისი თქმით, პირველი, რაც უნდა გაკეთდეს — ეს რაციონის გადახედვაა.

კალენის რჩევით, 40 წელს გადაცილებულმა ქალბატონებმა რაციონში მეტი ბოსტნეული, ხილი, ბურღულეული და სხვა რთული ნახშირწყლები უნდა შეიტანონ. ამასთან მიირთვან მეტი ისეთი პროდუქტი, რომელშიც ომეგა–3 შედის: ცხიმიანი თევზი, ბროკოლი, ყვავილოვანი კომბოსტო, თხილ–კაკალი, ავოკადო — რაც მეტაბოლიზმს აწესრგებს, აუმჯობესებს კუჭ-ნაწლავის ტრაქტის მუშაობას და ხელს უწყობს ორგანიზმიდან ცუდი ქოლესტერინის გამოდევნას.

გარდა ამისა, დიეტოლოგის თქმით, საჭიროა ღამეში მინიმუმ შვიდსაათიანი ძილი, ჰაერზე სეირნობა და წყლის სმა.

ვინ რამდენი ნაბიჯი უნდა გადადგას ერთ წუთში: წონაში ვერ დაიკლებთ, თუ ეს არ გეცოდინებათ>>

კატეგორიულად იკრძალება მკაცრი დიეტა, მით უმეტეს, შიმშილი, ვინაიდან ასეთ დროს ორგანიზმი სტრესში ვარდება და, კალორიების დაწვის ნაცვლად, იმარაგებს მათ. ეს კი, გარდა იმისა, რომ ხელს უშლის წონაში კლებას, ზიანსაც აყენებს ჯანმრთელობას.

196
თემები:
ექიმი გირჩევთ (73)
ახალგაზრდა ქალები

ნახეთ იდეალური წონის ახალი სტანდარტები: თვალსაჩინო ცხრილი

215
(განახლებულია 21:35 05.03.2021)
სიტყვათშეთანხმება „იდეალური წონა“ ერთმანეთისგან განსხვავებულ ასოციაციებს იწვევს. ზოგს ამ დროს 90-60-90 ზომების მქონე მოდელი უდგება თვალწინ და ზოგსაც პირიქით, გემრიელად ხორცსავსე ქალი.

ზოგი კი საერთოდაც ვერ გარკვეულა, რომელია იდეალური წონა და ვერ ხვდება, სად, რომელ ნიშნულზე გაჩერდეს.

საქმე ისაა, რომ თითოეულ ადამიანს ბუნებისგან დაჰყვება ცხიმოვანი უჯრედების გარკვეული რაოდენობა. ის ადამიანები, ვისაც ეს უჯრედები უფრო მეტი აქვს, მიდრეკილია სიმსუქნისკენ. გასათვალისწინებელია ის ფაქტი, რომ რეგულარული მაძღრისად ჭამის შემთხვევაში თითოეული ცხიმოვანი უჯრედი ორად იყოფა, რითიც კიდევ უფრო იზრდება ორგანიზმში დაგროვილი ცხიმის რაოდენობა.

ჯანმრთელი წონა – ეს ის ნიშნულია, როდესაც ორგანიზმი თავს კარგად გრძნობს. თუ ამ ნიშნულს გადააბიჯებთ, პრობლემებიც დაგეწყებათ: გულის "ფრიალი", სახსრების ტკივილი, ჰორმონების თამაში თუ მეორე ტიპის დიაბეტის წარმოშობის რისკი.

ამასწინანდელმა კვლევებმა აჩვენა, რომ თანამედროვე ქალები საშუალოდ იმაზე 6 კილოგრამით მეტს იწონიან, ვიდრე ოცი წლის წინ. შესაბამისად, შეიცვალა იდეალური წონის მაჩვენებელიც: ახლა ეს რიცხვი 5 კგ-ით მეტია.

ქვემოთ გთავაზობთ თვალსაჩინო ცხრილს, რომელიც ექიმებმა შეადგინეს და, გამომდინარე აქედან, შეიცავს რეალურ მაჩვენებლებს და არა იმას, რაც საზოგადოებამ დაადგინა ნორმად.

ნახეთ ეს ცხრილი და ობიექტურად შეაფასეთ საკუთარი წონა და მისი გავლენა ჯანმრთელობაზე.

სიმაღლისა და ჯანმრთელი წონის შესაბამისობის ახალი სტანდარტი
სიმაღლისა და ჯანმრთელი წონის შესაბამისობის ახალი სტანდარტი
215
თემები:
სასარგებლო რჩევები
სახის კრემები

სახის კრემების მარკირება: რას ნიშნავს ლათინური ასოები შეფუთვაზე?

84
(განახლებულია 18:36 05.03.2021)
იმ პირობებში, როდესაც მაღაზიების თაროები პირდაპირ იზნიქება სახისა და სხეულის მოვლის ათასგვარი საშუალების სიმძიმით, ცოტა არ იყოს, ძნელია გაერკვე, რომელი რისთვისაა და რა დანიშნულება აქვს.

მართალია, შეფუთვაზე მცირე ინფორმაცია კია დატანილი, მაგრამ რას ნიშნავს ლათინური მარკირება BB, CC, DD და PP ბევრმა არ იცის.

გთავაზობთ აღნიშნული მარკირებების განმარტებას:

BB-კრემი: იშიფრება როგორც beauty balm ან blemish balm, ანუ „სილამაზის ბალზამი“ ან „შესანიღბი ბალზამი“.

BB-კრემის დამახასიათებელი თვისებები:

  • შესანიშნავად ატენიანებს კანს;
  • უხდება ნებისმიერი ტიპის კანს;
  • აქრობს გამონაყარს;
  • აცხრობს ანთებით პროცესს;
  • ათანაბრებს სახის კანის ტონს;
  • აშორებს ზედმეტ პიგმენტაციას;
  • ბრწყინვალედ გამოიყენება მაკიაჟის ქვედა ფენად;
  • იცავს კანს მზის სხივებისგან.

გახსოვდეთ: მიუხედავად ყველა ამ ღირსებისა, BB-კრემი ვერ შეგიცვლით ძირითად მოსავლელ საშუალებას და ამიტომაც არ გირჩევთ სახის კანის მოვლის სხვა საშუალებებზე უარის თქმას.

СС-კრემი: პრინციპულად განსხვავდება ВВ-კრემისგან იმით, რომ ეს უკანასკნელი ტონალური საშუალებების გაუმჯობესებული ვერსიაა, ხოლო პირველი — მატონიზირებელი ეფექტის მქონე კორექტორი.

СС იშიფრება როგორც сolor сontrol, ანუ „ფერის კონტროლი“ და მისი ამოცანა უშუალოდ ფერის კორექციაა.

СС-კრემის დამახასიათებელი თვისებები:

  • სახის კანის სიწითლესა თუ სიყვითლესთან ბრძოლა
  • ბევრად მსუბუქი სტრუქტურა
  • სპეციალური მანათობელი ნაწილაკები, რომლებიც კანს ბრწყინვალებასა და სიცოცხლეს სძენს.

გახსოვდეთ: CC-კრემი არ უხდება ცხიმიან და პრობლემურ კანს.

DD-კრემი: იშიფრება როგორც daily defence, ანუ „ყოველდღიური დაცვა“. ამ საშუალებების მთავარი დანიშნულებაა, დაიცვას სახის კანი გარემოს ისეთი დამანგრეველი ზემოქმედებისგან, როგორებიცაა სმოგი, გამონაბოლქვი გაზები, მზის რადიაცია და ტოქსიკური ნივთიერებები.

DD-კრემის დამახასიათებელი თვისებები:

  • ყველაზე მეტად უხდება კანს, რომელიც უკვე იწყებს დაბერებას;
  • აქვს აბსოლუტურად გამჭვირვალე ტექსტურა და ამიტომ ვერ შეგიცვლით ტონალურ კრემს;
  • გახსოვდეთ: DD-კრემი ფორებს ავსებს და ამიტომ ნუ გამოიყენებთ მას ბოროტად.

EE-კრემი: იშიფრება როგორც extra еxfoliation, ანუ „ექსტრა აქერცვლა“.

EE-კრემის დამახასიათებელი თვისებები:

  • აშორებს სახის კანის მკვდარ უჯრედებს;
  • იცავს მზის მოქმედებისგან;
  • ატენიანებს;
  • სახის კანს ბრწყინვალებას სძენს;
  • ებრძვის ანთებით პროცესებს.

გახსოვდეთ: EE-კრემის ხშირად გამოყენება დაუშვებელია, განსაკუთრებით მათთვის, ვისაც ნაზი და მგრძნობიარე კანი აქვს.

PP-კრემი: იშიფრება როგორც Pink рerfect, ანუ „ვარდისფერი სრულყოფილება“. გამოიყენება მაკიაჟის ქვეშ ბაზად. მასში შემავალი სილიკონის ნაწილაკები ავსებს და ათანაბრებს სახის კანს, ანიჭებს სიგლუვეს ნაოჭებსა და ნაიარევებს, ავიწროებს ფორებს. რა ფერისაც უნდა იყოს კრემი, კანზე ის გამჭვირვალედ და შეუმჩნევლად „ჯდება“.

PP-კრემის დამახასიათებელი თვისებები:

  • კრემის წასმამდე აუცილებელია სახის გაწმენდა და დატენიანება სხვა სპეციალური მოსავლელი საშუალებებით;
  • PP-კრემი ნებისმიერი ტიპის კანს უხდება, თუმცა მაკიაჟისთვის დამოუკიდებელ პროდუქტად არ გამოიყენება.
84
თემები:
სასარგებლო რჩევები
პროკურატურა

13 წლის გოგონას გაუპატიურების საქმეზე დაკავებულს ბრალი დაუმძიმდა

0
სამართალდამცველებმა ბრალდებული გაუპატიურების ბრალდებით 19 თებერვალს დააკავა. დანაშაული 15-დან 20 წლამდე პატიმრობას ითვალისწინებს.

თბილისი, 6 მარტი - Sputnik. არასრულწლოვანის მიმართ სექსუალური ძალადობის ფაქტზე მიმდინარე გამოძიების ფარგლებში დაკავებულ მამაკაცს ბრალი გაუპატიურებისა და ოჯახში ძალადობის მუხლებით დაუმძიმდა. ინფორმაციას გენერალური პროკურატურა ავრცელებს.

შიდა ქართლში, გორის მუნიციპალიტეტის ერთ-ერთ სოფელში 13 წლის გოგონამ 50 წლის მამაკაცისგან ბავშვი გააჩინა. სამართალდამცველებმა მამაკაცი 19 თებერვალს დააკავეს, 21 თებერვალს კი მას აღკვეთის ღონისძიების სახით პატიმრობა შეეფარდა. 

ინციდენტის შესახებ ამ კვირაში გახდა ცნობილი. როგორც შინაგან საქმეთა მინისტრმა ვახტანგ გომელაურმა განაცხადა, ფაქტის შესახებ პოლიციას აცნობეს სამშობიაროს ექიმებმა, გოგონას ოჯახი ბოლომდე მალავდა ყველაფერს. წინასწარი ონფორმაციით, ბრალდებული გოგონას მამინაცვალია.

გამოძიება აქამდე 140-ე მუხლით მიმდინარეობდა, რაც გულისხმობს სექსუალური ხასიათის შეღწევას თექვსმეტი წლის ასაკს მიუღწევლის სხეულში.

პროკურატურა მედია საშუალებებს მიმართავს, რომ არასრულწლოვნის ინტერესების გათვალისწინებით თავი შეიკავონ დაზარალებულის პერსონალური მონაცემების და საქმის დეტალების გამჟღავნებისგან, ასევე დაზარალებულთან კომუნიკაციის მცდელობისგან.

50 წლის მამაკაცს ბრალდება წარედგინა საქართველოს სისხლის სამართლის კოდექსის 11 პრიმა 137-ე მუხლის მე-4 ნაწილის „გ“ ქვეპუნქტით და 126-ე პრიმა მუხლის მე-2 ნაწილის „ა“ ქვეპუნქტით, რაც ოჯახის წევრის მიმართ, წინასწარი შეცნობით თოთხმეტი წლის ასაკს მიუღწეველი პირის გაუპატიურებას და არასრულწლოვნის მიმართ ოჯახურ ძალადობას გულისხმობს.

დანაშაული 15-დან 20 წლამდე თავისუფლების აღკვეთას ითვალისწინებს.

სისხლის სამართლის საქმეზე გამოძიება გრძელდება.

0