მაცივარი

არ შეინახოთ მაცივარში, თუ გინდათ მალე არ გაფუჭდეს: პროდუქტის ჩამონათვალი

212
(განახლებულია 18:13 22.02.2021)
გინდათ პროდუქტმა დიდხანს გაძლოს და სასარგებლო თვისებები არ დაკარგოს? მაშინ წაიკითხეთ ეს მარტივი, სასარგებლო და აუცილებელი რჩევები.

არცერთ დიასახლისს არ სიამოვნებს ოთუზბირად შეძენილი საკვები პროდუქტების გადაყრა, მაგრამ გაფუჭებულ ხილსა და ბოსტნეულს ტყუილად ხომ არ შეინახავს მაცივარში, რომელიც, თურმე, საერთოდ არ სჭირდება ზოგ პროდუქტს.

მაგალითად, ირკვევა, რომ მაცივარში არ უნდა შევინახოთ:

პომიდორი — მაცივარში მისი მემბრანები ირღვევა, რაც პომიდორს კიდეც არბილებს და გემოსაც უკარგავს.

სჯობს: კალათში ან შუშის თასში მოათავსოთ და სამზარეულოში დადოთ.

კარტოფილი — მის შემადგენლობაში შემავალი სახამებელი მაცივარში სწრაფად გარდაიქმნება შაქრად და კარტოფილი უგემური და ტკბილი ხდება.

სჯობს: ქაღალდის (და არა პოლიეთილენის) პარკში ჩააწყოთ და ბნელ და გრილ ადგილზე დადოთ.

ნიორი — მაცივარში შრება, მყიფე ხდება და ფოჩებს იკეთებს.

სჯობს: შევინახოთ ქაღალდის პარკით გრილ ადგილზე.

ხახვი — მაცივარში რბილდება.

სჯობს: შეინახოთ გრილ ადგილზე, ოღონდ არავითარ შემთხვევაში კარტოფილთან ერთად, თორემ ისინი ერთმანეთს გაფუჭებაში „დაეხმარებიან“.

ზეითუნის ზეთი — მაცივარში სქელდება და ბევრ სასარგებლო თვისებას კარგავს.

სჯობს: შეინახოთ ოთახის ტემპერატურაზე, ბნელ ადგილზე.
თაფლი — მაცივარში შაქრდება და კრისტალდება.

სჯობს: მჭიდროდ დაახუროთ ხუფი და ოთახის ტემპერატურაზე შეინახოთ.

ლიმონი — მაცივარში ძალიან მალე ფუჭდება, ლპება და ობი ეკიდება, ისევე, როგორც სხვა ყველანაირ ციტრუსს.

აკრძალულია მაცივარში შენახვა: პროდუქტების ჩამონათვალი>>

სჯობს:  შეინახოთ სამზარეულოში ოთახის ტემპერატურაზე კალათით ან ქაღალდის პაკეტით. მთავარია, ლიმონი და ფორთოხალი ერთმანეთს არ შეურიოთ — ცალ–ცალკე უფრო დიდხანს გაძლებს.

მწვანილი — მაცივარში სიმწვანესა და „სიცოცხლეს“ კარგავს.

სჯობს: წყლიან ვაზებში ან სხვა ჭურჭელში ყვავილებივით ჩააწყოთ. ეს დიდხანს და „ცოცხლად“ შეგინარჩუნებთ მწვანილსაც და სამზარეულოსაც გაგილამაზებთ.

212
თემები:
სასარგებლო რჩევები (465)
დიაბეტი

მიაქციეთ ყურადღება: როგორია მეორე ტიპის დიაბეტის პირველი ნიშნები

13
(განახლებულია 12:52 26.02.2021)
თუ ჩამოთვლილ ნიშნებს დროულად მიაქცევთ ყურადღებას, ამით თავიდან აიცილებთ სერიოზულ გართულებებს, რომლებსაც ეს დაავადება იწვევს

თბილისი, 26 თებერვალი — Sputnik. არსებობს ადრეული ნიშნები, რომლებიც მეორე ტიპის დიაბეტის ამოცნობაშიც დაგეხმარებათ და ინსულტის რისკის, გულის, თირკმელებისა და თვალების დაავადებების მინიმუმამდე დაყვანაშიც, აცხადებს ექიმი–ენდოკრინოლოგი მარია პრელიპსინი.

გამოცემა Medical News Today–ში სპეციალისტმა ყველაზე „მეტყველი“ რამდენიმე ნიშანი აღწერა. ესენია:

ხშირი შარდვა — როდესაც სისხლში შაქრის დონე მაღალია, თირკმელები ცდილობს,  გამოდევნოს ზედმეტი შაქარი. სწორედ ამიტომ ხშირდება შარდვის სურვილი, განსაკუთრებით ღამით.

ძლიერი წყურვილი — ხშირი შარდვის შედეგად ორგანიზმი დიდი რაოდენობით სითხეს კარგავს, რაც დროთა განმავლობაში გაუწყლოებას იწვევს. ამიტომაც ჩნდება იმეზე ძლიერი წყურვილის შეგრძნება, ვიდრე ეს მანამდე იყო.

გამუდმებული შიმშილი, ძლიერი დაღლილობა, მუქი ლაქები კისერზე, იღლიებსა და საზარდულზე — ეს ყველაფერი ასევე შეიძლება მიანიშნებდეს მეორე ტიპის დიაბეტის განვითარებაზე.

ბუნდოვანი მხედველობა — სისხლში შაქრის მაღალი დონე აზიანებს თვალის უმცირეს სისხლძარღვებს, რაც იწვევს კიდეც მხედველობის გაბუნდოვანებას.

ჭრილობების ნელი შეხორცება — შაქრის მაღალი დონე აზიანებს ნერვებსა და სისხლძარღვებს, რის გამოც უარესდება სისხლის მიმოქცევა. შედეგად, ჭრილობისა თუ ნაკაწრის შეხორცებას უფრო მეტი დრო სჭირდება — შესაძლოა ორი კვირიდან რამდენიმე თვემდე პერიოდიც კი.

სპეციალისტის თქმით, მეორე ტიპის დიაბეტი ნებისმიერ ადამიანს შეიძლება დაემართოს, თუმცა არსებობს გარკვეული ფაქტორები, რომლებიც კიდევ მეტად ზრდის დაავადების განვითარების რისკებს. ესენია:

  • 45 წელზე მეტი ასაკი;
  • ნაკლებად მოძრავი ცხოვრების წესი;
  • ზედმეტი წონა ან გაცხომოვნება;
  • არაჯანსაღი კვება;
  • დიაბეტის ოჯახური ისტორია (ანუ ახლო ნათესავებში დიაბეტით დაავადებულის ყოლა);
  • პოლიკისტოზური საკვერცხეების სინდრომი და სხვ.

მარია პრელიპსინის თქმით, ნებისმიერი ადამიანი, რომელიც დიაბეტის სიმპტომებს შენიშნავს საკუთარ თავს, ვალდებულია დაუყოვნებლივ მიმართოს ექიმს. მეორე ტიპის დიაბეტის ადრეულ ეტაპზე გამოვლენა და შესაბამისი მკურნალობის დანიშვნა მნიშვნელოვნად გააუმჯობესებს ადამიანის მდგომარეობას და თავიდან აარიდებს სერიოზულ გართულებებს.

13
თემები:
ექიმი გირჩევთ
იოგურტის საუზმე

მითები კვების შესახებ: სასარგებლოა თუ არა იოგურტი?

253
(განახლებულია 17:31 25.02.2021)
თითოეული ჩვენგანი ცხოვრებაში ალბათ ერთხელ მაინც დაფიქრებულა, სწორად ვიკვებებით თუ არა. მათ შორის დგება დღეს ძალზე პოპულარული „ნუგბარი“ პროდუქტის – იოგურტის ავკარგიანობის საკითხი.

კვება ორგანიზმის მიერ საკვები ნივთიერებების მიღების, მონელების, შეწოვისა და ათვისების რთული პროცესია, რომელიც აუცილებელია ორგანიზმის ენერგეტიკული დანახარჯის აღსადგენად, უჯრედებისა და ქსოვილების განახლებისა და მათი ფუნქციის რეგულაციისთვის. ამიტომ ორგანიზმმა უნდა მიიღოს აუცილებელი საკვები საჭირო რაოდენობით, საჭირო დროს.

და, მაინც, როგორია სწორი, რაციონალური კვება? ირგვლივ უამრავი მითი არსებობს სწორი კვების შესახებ. სრულ ინფორმაციულ ქაოსში ნამდვილად ძნელია გაარჩიო მითი რეალობისგან.

დღევანდელ სტატიაში შევეცდებით დავამსხვრიოთ მითი იმის შესახებ, რომ იოგურტი ჯანსაღი ცხოვრების წესის ერთ-ერთი აუცილებელი შემადგენელი ნაწილია. იოგურტი რომ კარგია, ამაზე არავინ დავობს, თუმცა არის რამდენიმე მნიშვნელოვანი რამ, რაც უნდა იცოდეთ.

იოგურტი ნამდვილად მოსახერხებელი, საკვები ნივთიერებებით მდიდარი პროდუქტია. მას აქვს ცილების, კალციუმის, სხვადასხვა მინერალური ნივთიერებისა და ვიტამინების ძალიან მაღალი შემცველობა და სასარგებლოა არა მხოლოდ ძვლებისა და კბილებისთვის, არამედ კუჭ-ნაწლავის მიკროფლორისთვისაც.

ზოგი იოგურტი შეიცავს სასარგებლო ბაქტერიებს და ჩვეულებრივ ეტიკეტზე უნდა ჰქონდეს წარწერა „ცოცხალი“. ეს ბაქტერიები ხელს უწყობს ნაწლავებში ბაქტერიების ბალანსის გაუმჯობესებას, რასაც ჯანმრთელობისთვის მრავალი სარგებელი მოაქვს.

მაშინ სად არის პრობლემა? სამწუხაროდ, ყველა იოგურტი არ არის ხარისხიანი და თუ ცუდ არჩევანს გავაკეთებთ, მან შეიძლება ზიანი მიაყენოს ჩვენს ჯანმრთელობას. მაღაზიის დახლებზე იოგურტების უდიდესი არჩევანი გვაქვს: ცხიმიანი თუ ნაკლებად ცხიმიანი, ტკბილი თუ უშაქრო, გარდა ამისა, მაღაზიებში არსებული იოგურტის უმეტესობა არომატულია, რაც ნიშნავს, რომ ის სავსეა შაქრით. მაქსიმალურად მოერიდეთ ტკბილ, არომატიზებულ იოგურტებს, რადგან სარგებლის მოტანის ნაცვლად, მან შეიძლება კუჭ-ნაწლავი დაგიზიანოთ.

ასევე მოერიდეთ იმპორტირებულ იოგურტებს, რომელთა უმეტესობა თერმულად არის დამუშავებული (პასტერიზებული), ანუ არ შეიცავს ცოცხალ რძემჟავა ბაქტერიებს. შესაბამისად, ასეთი იოგურტები მხოლოდ გემრიელი დესერტია და ჯანმრთელობაზე დიდ გავლენას არ ახდენს. ბუნებრივია, როცა იოგურტის შენახვა თვეობითაა შესაძლებელი, მასში არანაირი ცოცხალი ბაქტერია არ იქნება.

უპირატესობა მიანიჭეთ ნატურალურ იოგურტს დანამატების გარეშე, რადგან ის არ შეიცავს საღებავებს, არომატიზატორებს და კონსერვანტებს. შეიძლება ზოგიერთი არომატიზატორის მოხმარება უსაფრთხოც იყოს, მაგრამ მათ არც სარგებელი არ მოაქვთ ჯანმრთელობისთვის.

დაიმახსოვრეთ, იოგურტის სარგებლიანობის ყველაზე ზუსტი მაჩვენებელი მისი შენახვის ვადაა – რაც უფრო ნაკლებია ეს დრო, მით უფრო სასარგებლოა პროდუქტი.

ბოლოს კი რამდენიმე რჩევას მოგცემთ, როგორ შევარჩიოთ და შევამოწმოთ იოგურტი:

- იოგურტის შენახვის ვადა 10 დღეს არ უნდა აღემატებოდეს. თუ ეტიკეტზე 3-4 თვეა მითითებული, ე.ი. იოგურტს კი არა, მის მსგავს პროდუქტს ყიდულობთ, რომელიც ცოცხალ ბაქტერიებს არ შეიცავს და არც სასარგებლო თვისებებით გამოირჩევა. მის ერთადერთ ღირსებად მხოლოდ გემო შეიძლება ჩაითვალოს.

- გაითვალისწინეთ, რომ ორ კვირაზე მეტი შენახვის ვადა ჩვეულებისამებრ იმპორტირებულ ნაწარმს აქვს.

- იოგურტის ხარისხის მთავარი კრიტერიუმი ცხიმის შემცველობაა. ყველაზე კალორიული ნაწარმის ცხიმიანობა კი 20%-ს არ აღემატება.

- დაიმახსოვრეთ, იოგურტის ხარისხი მისი სისქით არ განისაზღვრება, რადგან სისქეს არა ცხიმის, არამედ ე.წ. მშრალი ნივთიერების ხარჯზე არეგულირებენ.

 

253
თემები:
ჯანმრთელობა და სილამაზე
სარემონტო სამუშაოები გაზსადენზე

თბილისის ცენტრალურ გაზსადენზე ავარიაა

0
„თბილისი ენერჯის“ ინფორმაციით, გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს

თბილისი, 26 დეკემბერი – Sputnik. თბილისის გაზმომარაგების ცენტრალურ მაგისტრალზე ავარიის გამო თემქის დასახლებასა და ავჭალის ნაწილს გაზმომარაგება ავარიულად შეუწყდა. იუწყება კომპანია  „თბილისი ენერჯი“. 

კომპანიიც ცნობით, „თბილისი ენერჯის“ სპეციალური ჯგუფები ადგილზე სრულადაა მობილიზებული.

„გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს. აღნიშნული სამუშაოები დღეს დღის ბოლომდე დასრულდება“, – აღნიშნულია კომპანიის განცხადებაში.

გაზმომარაგება, უსაფრთხოების ნორმებიდან გამომდინარე, ხვალ, 27 თებერვალს 21:00 საათამდე სრულად აღდგება.

„თბილისი ენერჯი" დედაქალაქს ბუნებრივი გაზით 8500 კილომეტრის საშუალო და დაბალი წნევის მიწისქვეშა და მიწისზედა გაზსადენების საშუალებით ამარაგებს.

0
თემები:
შემთხვევები საქართველოში