ჯანჯაფილი და თაფლი

თუ თქვენი პატარა ახველებს: ნატურალური და უებარი კომპრესი დეტალური რეცეპტი

255
(განახლებულია 21:41 19.02.2021)
გაციებით გამოწვეული დაავადებები ყველა ასაკის ადამიანისთვის შემაწუხებელია, მაგრამ განსაკუთრებით აუტანელია, როცა პატარა ბავშვი ახველებს, ვინაიდან მათთვის ნახველის ამოღება ბევრად რთულია.

ამ დროს ექიმი, რაღა თქმა უნდა, ხველის საწინააღმდეგო სიროფს ნიშნავს, ვინაიდან ეს საუკეთესო გამოსავლად მიიჩნევა. მაგრამ ხშირად ისეც ხდება, რომ წამალი სწრაფად არ მოქმედებს და შედეგი მალე არ დგება.

უფრო მეტიც: ხველის საწინააღმდეგო სიროფების უმეტესობა ორ ძირითად ინგრედიენტს შეიცავს — დექსტრომეტორფანსა და კოდეინს, რაც უარყოფითად მოქმედებს ორგანიზმზე და თავის ტკივილი, უძილობა და შაკიკიც კი შეიძლება გამოიწვიოს.

სულაც არ გაგვიკვირდება, თუ იტყვით, რომ აქამდე ეს არ იცოდით.

გამომდინარე ზემოთქმულიდან, ჩვენ ნატურალური და სრულიად უსაფრთხო პროდუქტებით მკურნალობის მეთოდს გაგაცნობთ, რომელიც თქვენს პატარას სამიოდე საათში გაუსუფთავებს ფილტვებს ლორწოსგან და ხველასაც მოურჩენს.

ჯანჯაფილისა და თაფლის კომპრესი

ინგრედიენტები: 

1 ს/კ გახეხილი ჯანჯაფილი ან ჯანჯაფილის ფხვნილი; 

1 ს/კ თაფლი;
1 ს/კ ზეითუნის ზეთი;
1 ს/კ ფქვილი.

თქვენ ასევე დაგჭირდებათ: ქაღალდის ხელსახოცი (სალფეტკი), ლეიკოპლასტირი ან წებოვანი ლენტი და ბინტი.

ქვემოთ შემოთავაზებულ ვიდეოში ამერიკელი დედა ხილულად გასწავლით, როგორ უნდა დაამზადოთ კომპრესი:

მომზადების წესი:

კარგად შეურიეთ თაფლი და ფქვილი;

ზეთს დაამატეთ ჯანჯაფილი, მოურიეთ და ეს ყველაფერი თაფლისა და ფქვილის ნაზავს კარგად შეაზილეთ;

მიღებული მასა წაუსვით ხელსახოცზე, დააფინეთ ის ბინტზე (ან მარლის ნაჭერზე), დაადეთ ბავშვს მკერდზე ან ზურგზე და დაამაგრეთ ლეიკოპლასტირით ან წებოვანი ლენტით.

ეს კომპრესი უფროსებისთვისაც შეგიძლიათ გამოიყენოთ და სულ პატარა ბავშვებისთვისაც. ოღონდ უნდა გახსოვდეთ, რომ:

  1. ბავშვს საფენს დაძინებამდე სამი საათის განმავლობაში ვუჩერებთ, შემდეგ კი ვხსნით;
  2. უფროსებს კომპრესიანად შეუძლიათ დაიძინონ, ანუ მთელი ღამით გაიჩერონ მიკრული. ოღონდ გაითვალისწინეთ, რომ ასეთ შემთხვევაში ჩვეულებრივზე მეტად გაიოფლებით.
255
თემები:
სასარგებლო რჩევები (467)
ჯანსაღი ხილი და ბოსტნეული

მეტს სარგებელი არ მოაქვს: დადგინდა ხილ-ბოსტნეულის ყოველდღიური ეფექტური ულუფა

81
(განახლებულია 20:20 01.03.2021)
მასშტაბურმა ანალიზმა, რა დროსაც 2 მლნ ადამიანის მონაცემები შეისწავლეს, აჩვენა, რომ ამაზე მეტი დოზა არანაირ დამატებით სარგებელს არ იძლევა ჯანმრთელობისთვის.

თბილისი, 1 მარტი — Sputnik. ხანგრძლივი და ჯანმრთელი ცხოვრებისთვის ადამიანმა დღეში ორი ულუფა ხილი და სამი ულუფა ბოსტნეული უნდა მიირთვას, აცხადებენ ამერიკელი მეცნიერები, რომელთა კვლევა გამოქვეყნებულია ამერიკის კარდიოლოგიური ასოციაციის ჟურნალში Circulation.

როგორც ირკვევა, კვლევის ავტორებმა 1984–2014 წლებში ჩატარებული ორი კოჰორტული კვლევის მონაცემები გააანალიზეს, რომლებშიც 100 ათასი ადამიანი მონაწილეობდა. გარდა ამისა, მათ ასევე შეისწავლეს 29 ქვეყნიდან მიღებული მონაცემები ხილისა და ბოსტნეულის მოხმარებისა და ასევე სიკვდილიანობის შესახებ. საერთო ჯამში კვლევაში მონაწილე ადამიანების რაოდენობამ 2 მილიონს გადააჭარბა.

ანალიზმა აჩვენა, რომ ყოველდღიურად ხილ–ბოსტნეულის ხუთი ულუფის (ორი ულუფა ხილი და სამი ულუფა ბოსტნეული) მიღება მნიშვნელოვნად ამცირებს სიკვდილიანობის რისკს. ამასთან გაირკვა ისიც, რომ ამ დოზის გაზრდას არანაირი დამატებითი სარგებელი არ მოჰქონდა.

„ეს კომბინაცია დიდ სარგებელს იძლევა სერიოზული ქრონიკული დაავადებების პროფილაქტიკის თვალსაზრისით“, — აცხადებს კვლევის ხელმძღვანელი, ჰარვადრის უნივერსიტეტის მედიცინის პროფესორი დონ ვანა.

ამასთან მეცნიერები აღნიშნავენ, რომ ყველა ხილი და ბოსტნეული თანაბრად სასარგებლო არ არის. მაგალითად, სახამებლის შემცველი ბოსტნეული, როგორებიცაა კარტოფილი, ბარდა და სიმინდი, ასევე ხილის წვენები არ ამცირებს ქრონიკული დაავადებებითა თუ სხვა მიზეზებით გამოწვეულ სიკვდილიანობის რისკს. ამ მხრივ ყველაზე დიდი სარგებელი მოაქვს მწვანე ფოთლოვან ბოსტნეულს: ისპანახს, სალათსა და კომბოსტოს, და ასევე ბეტა–კაროტინებისა და C ვიტამინის შემცველ სხვა ხილსა და ბოსტნეულს: ციტრუსებს, კენკროვნებსა და სტაფილოს.

81
თემები:
მსოფლიო და მეცნიერება
შოკოლადის კანფეტები

რატომ უნდა მიირთვათ შოკოლადი კვირაში ერთხელ მაინც: ამერიკელი მეცნიერების განმარტება

141
(განახლებულია 17:08 01.03.2021)
დადგენილია, რომ ეს ტკბილეული ხელს უწყობს ტვინისკენ სისხლის ნაკადის ზრდასა და ჟანგბადით გაჯერებას, რითიც ნეიროდეგენერაციული დაავადებების თავიდან აცილებაში ეხმარება.

თბილისი, 1 მარტი — Sputnik. შოკოლადს შეუძლია დადებითი გავლენა მოახდინოს ადამიანის გულ-სისხლძარღვთა სისტემაზე, ამგვარ დასკვნამდე მივიდნენ აშშ-ის ბეილორის სამედიცინო სკოლის მეცნიერები, რომელთა კვლევაც გამოქვეყნებულია ჟურნალში European Journal of Preventive Cardiology.

გავრცელებული ინფორმაციით, სპეციალისტებმა 300 ათასი პაციენტის მონაცემები გააანალიზეს და შოკოლადის მიღებასა და კორონარულ დაავადებებს შორის კავშირი დაადგინეს.

გაირკვა, რომ მათ, ვინც შოკოლადს კვირაში ერთხელ მაინც მიირთმევს, გულის იშემიური დაავადებების რისკი 8%-ით ნაკლები აქვთ სხვებთან შედარებით.

მკვლევარები შოკოლადის სასარგებლო თვისებებს მასში შემავალი ნივთიერებებით — სტეარნის მჟავით, ფლავონოიდებითა და პოლიფენოლებით ხსნიან. ეს არის ელემენტები, რომლებიც ამაგრებს გულს და ხელს უწყობს ორგანიზმში „კარგი“ ქოლესტერინის დონის ზრდას.

ამასთან მეცნიერები ხაზს უსვამენ, რომ შოკოლადი მცირე ოდენობებით უნდა მიირთვათ, რათა მისმა ჭარბმა მოხმარებამ გაცხიმოვნება და მეორე ტიპის დიაბეტი არ გამოიწვიოს.

141
თემები:
მსოფლიო და მეცნიერება
საქართველოს პრეზიდენტის რეზიდენცია

„დიალოგი გაგრძელდება“: შეხვედრა ხელისუფლებასა და ოპოზიციას შორის დასრულდა

0
ოპოზიციას და ხელისუფლებას შორის ხანგრძლივი პაუზის შემდეგ გამართულ შეხვედრაზე შედგა ექვსპუნქტიანი ჩარჩო-ხელშეკრულება, რომელსაც შეხვედრის ყველა მონაწილემ მოაწერა ხელი

თბილისი, 1 მარტი - Sputnik. საქართველოს პრეზიდენტის სასახლეში დასრულდა ევროპული საბჭოს პრეზიდენტ შარლ მიშელის მიერ ორგანიზებული შეხვედრა ხელისუფლებასა და ოპოზიციას შორის.

შეხვედრაზე, რომელსაც მიშელის გარდა ესწრებოდა პრემიერი ირაკლი ღარიბაშვილი და ყველა ოპოზიციური პარტიის ლიდერი, შედგა ექვსპუქნტიანი ჩარჩო-დოკუმენტი, რომელსაც შეხვედრის მონაწილეებმა ხელი მოაწერეს.

ამ ექვს პუნტქს შორისაა ისეთი საკითხები, ვადამდელი არჩევნების ჩატარება, პოლიტპატმრების გათავისუფლება, მართლმსაჯულების რეფორმა. 

მიშელის თქმით, საქართველოს საკითხი რამდენიმე კვირაში განიხილება ევროპარლამენტში. მანამდე კი ხელისუფლებასა და ოპოზიციას შორის უნდა გაიმართოს შეხვედრა, რომელზეც, ღარიბაშვილის თქმით, ეროვნული კონსენსუსი უნდა შედგეს.

„ჩვენ უნდა გამოვნახოთ შესაძლებლობა, ისეთი ეროვნული, საერთო იდეა, რომელიც გაგვაერთიანებს, ჩვენს ხალხს, ერს გააერთიანებს, ესაა, რაც სჭირდება დღეს ჩვენს ქვეყანას ყველაზე მეტად, საერთო ეროვნული კონსენსუსი, საერთო ეროვნული თანხმობა“, – განაცხადა ირაკლი ღარიბაშვილმა.

პრემიერის თქმით, მხარეებმა შეაჯერეს პოზიციები. მისი თქმით, ხელისუფლების საბოლოო პოზიცია ჩამოყალიბდება მმართველი პარტიის პოლიტსაბჭოში გამართული კონსლუტაციების შემდეგ.

„ვიმსჯელეთ მთელ რიგ საკითხებზე, იმ განსხვავებებზე, რომელიც გვაქვს მამართველ პარტიას, ხელისუფლებას და ოპოზიციას. ბუნებრივია, გვაქვს პრინციპული პოზიციები გარკვეულ საკითხებზე, რომელზეც გვაქვს ჩვენი არგუმენტირებული მოსაზრება, ასევე მოვისმინეთ თითოეული წარმომადგენლისგან მათ მიერ დასმული კითხვები და გავეცი პასუხი. ჩვენ შევთანხმდით იმაზე, რომ დიალოგი გაგრძელდება. მექნება კონსულტაციები პარტიის პოლიტიკურ საბჭოსთან და ჩამოვყალიბდებით შემდეგ ნაბიჯებზე“, - განაცხადა ღარიბაშვილმა.

პრეზიდენტის სასახლეში შეიკრიბნენ ყველა ოპოზიციური პარტიის ლიდერები - „ერთიანი ნაციონალური მოძრაობის“ (აკაკი მინაშვილი, სალომე სამადაშვილი), „ევროპული საქართველოს“ (დავით ბაქრაძე, გიგა ბოკერია), „ლელო საქართველოსთვის“ (მამუკა ხაზარაძე), „პატრიოტთა ალიანსის“ (ირმა ინაშვილი), რესპუბლიკური პარტიის (ხათუნა სამნიძე), ლეიბორისტული პარტიის (შალვა ნათელაშვილი), „მოქალაქეების“ (ალეკო ელისაშვილი), „გირჩი - მეტი თავისუფლება“ (ზურაბ ჯაფარიძე).

ევროპული საბჭოს პრეზიდენტი შარლ მიშელი საქართველოში ოფიციალური ვიზიტით იმყოფება. 

პოლიტიკური კრიზისი საქართველოში „ნაციონალური მოძრაობის“ თავმჯდომარის, ნიკა მელიას დაკავების შემდეგ კიდევ უფრო გამწვავდა. ოპოზიცია ქუჩაში გამოვიდა და ორი კვირის განმავლობაში საპროტესტო აქციების გამართვას აპირებს. ოპოზიციის ლიდერების თქმით, აქციები მხოლოდ იმ შემთხვევაში გადაიდება, თუ განახლდება მოლაპარაკების პროცესი მმართველ პარტიასთან. მომიტინგეები პოლიტპატიმრების გათავისუფლებას და ვადამდელი არჩევნების ჩატარებას მოითხოვენ.

დასავლელი შუამავლების ორგანიზებით მოლაპარაკებათა რამდენიმე რაუნდი უკვე ჩატარდა, მაგრამ უშედეგოდ.

0