ხალები ქალის სახეზე

რა უნდა იცოდეთ „სიკვდილის სამკუთხედზე“: უკიდურესად სახიფათო ზონა სახეზე

287
(განახლებულია 20:20 16.02.2021)
ადამიანს სახის არეში აქვს ე.წ. სიკვდილის სამკუთხედი, რომელშიც დიდი რაოდენობით უსარქველო სისხლძარღვებია თავმოყრილი — განსხვავებით სხეულის სხვა ნაწილებისგან, აცხადებენ ექიმები.

სწორედ ამიტომ ორგანიზმში „სიკვდილის სამკუთხედიდან“ შეჭრილი ინფექციები შესაძლოა თავის ტვინის კავერნოზულ სინუსებში მოხვდეს და სერიოზულად გაართულოს ჯანმრთელობის მდგომარეობა.

უფრო მეტიც, ამ დროს ადამიანი არც ლეტალური შედეგისგანაა დაზღვეული.

დერმატოლოგები ტყუილად არ მოგვიწოდებენ ერთხმად, რომ არაფრით არ ვაწვალოთ თითებით ეს ზონა. ჩვენ წარმოდგენაც არ გვაქვს, რაოდენ დიდი რაოდენობით მიკრობი ბუდობს ამ „სამკუთხედში“.

ვნახოთ, რა პრობლემები შეიძლება გაჩნდეს „სიკვდილის სამკუთხედში“: 

ფურუნკული, ანუ ძირმაგარა

ფურუნკულის გაჩენის მიზეზი ცხიმოვანი ჯირკვლების დაცობა და შემდგომი ანთებითი პროცესია. ამ დროს ჩირქი კანის ქვეშ იწყებს დაგროვებას, მაგრამ გარეთ არ გამოიდევნება. ფურუნკულოზი ყველაზე საშიში დერმატოლოგიური პრობლემაა, რომელიც სახის ზონაში შეიძლება გაჩნდეს. ამიტომ არავითარ შემთხვევაში არ შეიძლება მისი წვალება და თვითნებური „გახეთქვა“. აუცილებლად უნდა მიმართოთ ექიმს. თავად მხოლოდ კომპრესების დადება შეგიძლიათ ღამღამობით. 

კარგ ეფექტს იძლევა იქტიოლის მალამო, რომელიც ჩირქს ერთ ადგილზე აგროვებს, ასე ვთქვათ, ამწიფებს ფურუნკულს და საბოლოოდ ხეთქავს მას. ოღონდ არ უნდა დაგავიწყდეთ „ჭრილობის“ სპირტით დამუშავება.

თმა ცხვირში 

ცხვირში არსებულ თმას მნიშვნელოვანი გაწმენდითი ფუნქცია აკისრია — ის ერთგვარი ჰაერის ფილტრია, რომელიც მიკრობებს ორგანიზმში შეღწევის საშუალებას უზღუდავს. ამიტომ, როგორც უნდა არაესთეტიკურად გამოიყურებოდეს ის თქვენს სახეზე, ექიმების რჩევით, არავითარ შემთხვევაში არ შეიძლება მათი არც თვითნებული მოწიწკვნა და არც მოჭრა. წინააღმდეგ შემთხვევაში, შესაძლოა დასნებოვნებას ვერ გადაურჩეთ.

ყველაზე უსაფრთხო ვარიანტი ცხვირიდან თმის მოსაშორებლად — სპეციალური ტრიმერია, რომლის გამოყენებაც რეგულარულად შეგიძლიათ.

შავი წერტილები, ანუ კომედონები

მათი გაჩენის მიზეზი იგივეა, რაც ფურუნკულებისა — ცხიმოვანი ჯირკვლების დაცობა, თუმცა – ნაკლებად საშიში. მიუხედავად ამისა, მაინც შეუძლია სერიოზული პრობლემების შექმნა. 

საქმე ისაა, რომ ცხიმოვანი ჯირკვლების არხები ერთგვარი „განტოტვილი ხეა“, ამიტომაც როდესაც „საცობს“ ვხსნით, ანუ შავ წერტილებს ვიღებთ, მისი შემადგენელი ბაქტერიები გარეთ გამოსვლის ნაცვლად სისხლში ხვდება. ამიტომაც ან კვალიფიციურ კოსმეტოლოგს უნდა მიაკითხოთ სახის გასაწმენდად, ან, როგორც ალტერნატივა, ე.წ. შავი ნიღბები გამოიყენოთ.

არ გამოგეპაროთ! მელანომა შეიძლება წლის ნებისმიერ სეზონზე გაჩნდეს – ექიმის რჩევები>>

ეს ნიღბები სახლის პირობებშიც შეგიძლიათ დაამზადოთ სხვადასხვა რეცეპტით. ოღონდ გახსოვდეთ, რომ ეს პროცედურა მხოლოდ კარგად დაორთქლილ კანზე უნდა ჩაიტაროთ. პროცედურის დასრულების შემდეგ კი აუცილებლად უნდა გადაისვათ სახეზე სპეციალური ტონიკი, რათა ორთქლით გაფართოებული ფორები ისევ დაიხუროს.

287
თემები:
სასარგებლო რჩევები (467)
ჯანსაღი ხილი და ბოსტნეული

მეტს სარგებელი არ მოაქვს: დადგინდა ხილ-ბოსტნეულის ყოველდღიური ეფექტური ულუფა

47
(განახლებულია 20:20 01.03.2021)
მასშტაბურმა ანალიზმა, რა დროსაც 2 მლნ ადამიანის მონაცემები შეისწავლეს, აჩვენა, რომ ამაზე მეტი დოზა არანაირ დამატებით სარგებელს არ იძლევა ჯანმრთელობისთვის.

თბილისი, 1 მარტი — Sputnik. ხანგრძლივი და ჯანმრთელი ცხოვრებისთვის ადამიანმა დღეში ორი ულუფა ხილი და სამი ულუფა ბოსტნეული უნდა მიირთვას, აცხადებენ ამერიკელი მეცნიერები, რომელთა კვლევა გამოქვეყნებულია ამერიკის კარდიოლოგიური ასოციაციის ჟურნალში Circulation.

როგორც ირკვევა, კვლევის ავტორებმა 1984–2014 წლებში ჩატარებული ორი კოჰორტული კვლევის მონაცემები გააანალიზეს, რომლებშიც 100 ათასი ადამიანი მონაწილეობდა. გარდა ამისა, მათ ასევე შეისწავლეს 29 ქვეყნიდან მიღებული მონაცემები ხილისა და ბოსტნეულის მოხმარებისა და ასევე სიკვდილიანობის შესახებ. საერთო ჯამში კვლევაში მონაწილე ადამიანების რაოდენობამ 2 მილიონს გადააჭარბა.

ანალიზმა აჩვენა, რომ ყოველდღიურად ხილ–ბოსტნეულის ხუთი ულუფის (ორი ულუფა ხილი და სამი ულუფა ბოსტნეული) მიღება მნიშვნელოვნად ამცირებს სიკვდილიანობის რისკს. ამასთან გაირკვა ისიც, რომ ამ დოზის გაზრდას არანაირი დამატებითი სარგებელი არ მოჰქონდა.

„ეს კომბინაცია დიდ სარგებელს იძლევა სერიოზული ქრონიკული დაავადებების პროფილაქტიკის თვალსაზრისით“, — აცხადებს კვლევის ხელმძღვანელი, ჰარვადრის უნივერსიტეტის მედიცინის პროფესორი დონ ვანა.

ამასთან მეცნიერები აღნიშნავენ, რომ ყველა ხილი და ბოსტნეული თანაბრად სასარგებლო არ არის. მაგალითად, სახამებლის შემცველი ბოსტნეული, როგორებიცაა კარტოფილი, ბარდა და სიმინდი, ასევე ხილის წვენები არ ამცირებს ქრონიკული დაავადებებითა თუ სხვა მიზეზებით გამოწვეულ სიკვდილიანობის რისკს. ამ მხრივ ყველაზე დიდი სარგებელი მოაქვს მწვანე ფოთლოვან ბოსტნეულს: ისპანახს, სალათსა და კომბოსტოს, და ასევე ბეტა–კაროტინებისა და C ვიტამინის შემცველ სხვა ხილსა და ბოსტნეულს: ციტრუსებს, კენკროვნებსა და სტაფილოს.

47
თემები:
მსოფლიო და მეცნიერება
შოკოლადის კანფეტები

რატომ უნდა მიირთვათ შოკოლადი კვირაში ერთხელ მაინც: ამერიკელი მეცნიერების განმარტება

109
(განახლებულია 17:08 01.03.2021)
დადგენილია, რომ ეს ტკბილეული ხელს უწყობს ტვინისკენ სისხლის ნაკადის ზრდასა და ჟანგბადით გაჯერებას, რითიც ნეიროდეგენერაციული დაავადებების თავიდან აცილებაში ეხმარება.

თბილისი, 1 მარტი — Sputnik. შოკოლადს შეუძლია დადებითი გავლენა მოახდინოს ადამიანის გულ-სისხლძარღვთა სისტემაზე, ამგვარ დასკვნამდე მივიდნენ აშშ-ის ბეილორის სამედიცინო სკოლის მეცნიერები, რომელთა კვლევაც გამოქვეყნებულია ჟურნალში European Journal of Preventive Cardiology.

გავრცელებული ინფორმაციით, სპეციალისტებმა 300 ათასი პაციენტის მონაცემები გააანალიზეს და შოკოლადის მიღებასა და კორონარულ დაავადებებს შორის კავშირი დაადგინეს.

გაირკვა, რომ მათ, ვინც შოკოლადს კვირაში ერთხელ მაინც მიირთმევს, გულის იშემიური დაავადებების რისკი 8%-ით ნაკლები აქვთ სხვებთან შედარებით.

მკვლევარები შოკოლადის სასარგებლო თვისებებს მასში შემავალი ნივთიერებებით — სტეარნის მჟავით, ფლავონოიდებითა და პოლიფენოლებით ხსნიან. ეს არის ელემენტები, რომლებიც ამაგრებს გულს და ხელს უწყობს ორგანიზმში „კარგი“ ქოლესტერინის დონის ზრდას.

ამასთან მეცნიერები ხაზს უსვამენ, რომ შოკოლადი მცირე ოდენობებით უნდა მიირთვათ, რათა მისმა ჭარბმა მოხმარებამ გაცხიმოვნება და მეორე ტიპის დიაბეტი არ გამოიწვიოს.

109
თემები:
მსოფლიო და მეცნიერება
შარლ მიშელი

პლებისციტი არჩევნების ნაცვლად? შარლ მიშელმა ქართულ ოპოზიციას მიმართა

10
ევროპული საბჭოს პრეზიდენტმა თბილისში ვიზიტისას ოპოზიციის წარმომადგენლებთან მოლაპარაკებები გამართა.

თბილისი, 1 მარტი - Sputnik. ევროპის საბჭოს პრეზიდენტმა შარლ მიშელმა ქართული ოპოზიციის ლიდერებს პოლიტიკური კრიზისიდან გამოსასვლელად კომპრომისისკენ მოუწოდა, განაცხადა პარტია „სტრატეგია აღმაშენებლის“ ლიდერმა გიორგი ვაშაძემ სტუმართან შეხვედრის შემდეგ.

ოპოზიცია პარლამენტთან მშვიდობიან პროტესტს აანონსებს >>

ევროპული საბჭოს პრეზიდენტი საქართველოს კვირას ეწვია. მისი ვიზიტი პოლიტიკური კრიზისის ფონზე მიმდინარეობს. „ერთიანი ნაციონალური მოძრაობის“ ლიდერის, ნიკა მელიას დაკავების შემდეგ კრიზისი გამწვავდა და ოპოზიცია ქუჩაში გამოვიდა. ის ვადამდელ არჩევნებსა და პოლიტპატიმრების გათავისუფლებას ითხოვს.

„გარკვეულ შეთანხმებამდე უნდა მივიდეთ. ჩვენს მხარესთან იყო თხოვნა, რომ უნდა ვიყოთ გარკვეულწილად კომპრომისულები. ჩვენ ვთქვით, რომ რიგგარეშე არჩევნების ნაცვლად, შეგვიძლია წავიდეთ პლებისციტზე. ეს, ჩემი აზრით, ფუნდამენტური და დიდი კომპრომისია, რომელიც ოპოზიციას გაცხადებული აქვს“, - განუცხადა ვაშაძემ ჟურნალისტებს.

ამასთან, ვაშაძემ არ გამორიცხა, რომ მსგავსი შეთანხმების მიღწევა ოპოზიციასა და „ქართულ ოცნებას“ შორის მიმდინარე თვის ბოლომდეა შესაძლებელი.

„ნაციონალური მოძრაობის“ ერთ-ერთი ლიდერის, სალომე სამადაშვილის თქმით, შეხვედრაზე ოპოზიციას დაპირდნენ, რომ ევროკავშირი აქტიურად მიიღებს მონაწილეობას პოლიტიკური კრიზისიდან გამოსვლის პროცესში.

„ყველას ესმის, რომ პოლიტიკური კრიზისიდან გამოსავალი არის აუცილებლად მოსაძებნი... ევროკავშირს პოლიტიკური კრიზისის დასაძლევად ჩვენს ქვეყანაში აქვს გეოპოლიტიკური და გეოსტრატეგიული ინტერესი. სწორედ ამიტომ ჩვენ გვქონდა ძალიან საფუძვლიანი საუბარი იმაზე, როგორ შეიძლება ევროკავშირის ფუნქცია გაძლიერდეს ამ კრიზისიდან გამოსავლის მოსაძებნად“, - აღნიშნა სამადაშვილმა. 

პლებისციტს მხარი დაუჭირა ასევე ოპოზიციური პარტია „ევროპული საქართველოს“ ლიდერმა გიგა ბოკერიამ.

„ჩვენ პლებისციტს მხარს ვუჭერთ, როგორც სერიოზულ კომპრომისს. პოლიტიკური ფასი შეიძლება იყოს ცუდი ან ძალიან ცუდი თუ კრიზისის რეალურად განმუხტვაზე არ წამოვლენ, რაც პოლიტიკური პატიმრების გათავისუფლებას და ვადამდელ არჩევნების დანიშნვას გულისხმობს“, - განაცხადა ბოკერიამ.

ოპოზიციური პარტია „ლელოს“ ლიდერმა მამუკა ხაზარაძემ შეხვედრაზე ხელისუფლებასა და ოპოზიციას შორის ე.წ. ეროვნული თანხმობის დოკუმენტის გაფორმების წინადადება წამოაყენა.

„ჩვენ გვჭირდება დიალოგი, გაერთიანება ჩვენი ქვეყნის გარშემო“, - აღნიშნა მან.

როგორც შარლ მიშელმა ამასწინათ განაცხადა, მისი ვიზიტი მიმდინარეობს მწვავე პოლიტიკური კრიზისის ფონზე, რომელიც მეტად აწუხებს ევროკავშირს და პირადად მას. ამიტომ ევროკავშირი მხარეებს მოუწოდებს, ინტენსიურად იმუშაონ ვითარების განსამუხტად.

ოფიციალური ვიზიტის ფარგლებში იგი უკვე შეხვდა საქართველოს პრეზიდენტ სალომე ზურაბიშვილსა და პრემიერ ირაკლი ღარიბაშვილს.

შარლ მიშელი ქვეყანას 2 მარტს დატოვებს.

საქართველოში ვიზიტამდე შარლ მიშელი იმყოფებოდა მოლდავეთში. თბილისიდან კი კიევში გაემგზავრება.

 

10