გოგონა გამოყოფილი ენით

ენის სიწითლე შეიძლება საშიში დაავადების ნიშანი იყოს: სახელდება საფრთხეები

112
(განახლებულია 19:23 09.01.2021)
ამერიკელი მეცნიერები ასახელებენ რამდენიმე საშიშ დაავადებას, რომელზეც ენის სიწითლე შეიძლება მიუთითებდეს და შესაბამის რეკომენდაციებსაც გასცემენ

თბილისი, 10 იანვარი - Sputnik. გლუვი, შესქელებული და გაწითლებული ენა შეიძლება ვიტამინ B12-ის დეფიციტის ნიშანი იყოს, რომლის ნაკლებობაც პერნიციოზული ანემიის რისკს ზრდის, აცხადებენ აშშ-ის გულის, ფილტვებისა და სისხლის ეროვნული ინსტიტუტის (NHLBI) სპეციალისტები.

მეცნიერების თქმით, ორგანიზმს ვიტამინი B12 ჯანმრთელი ერითროციტების წარმოსაქმნელად და ნერვული სისტემის ნორმალური ფუნქციონირებისთვის სჭირდება. ამ საკვები ნივთიერების ნაკლებობამ შეიძლება დააზიანოს ნერვები, გამოიწვიოს ჩხვლეტა და დაბუჟება ფეხებსა და ხელებში, ასევე კუნთების სისუსტე და რეფლექსების დაკარგვა.

ექსპერტები გვირჩევენ, რომ თუ ვიტამინ B12 დეფიციტის სიმპტომები გამოვლინდა, დაუყოვნებლივ მივმართოთ ექიმს.

„თქვენ შეიძლება არამყარად იგრძნოთ თავი, დაკარგოთ წონასწორობა და გაგიჭირდეთ სიარული. ვიტამინ B12-ის უკმარისობამ შეიძლება ძვლების სისუსტე და ბარძაყის ძვლის მოტეხილობა გამოიწვიოს“, - ნათქვამია NHLBI-ის საიტზე.

გარდა ამისა, ექსპერტები ირწმუნებიან, რომ ვიტამინ B12-ის მწვავე უკმარისობამ შეიძლება გამოიწვიოს ისეთი ნევროლოგიური პრობლემები, როგორებიცაა: ცნობიერების აღრევა, ჭკუასუსტობა, დეპრესია და მეხსიერების დაკარგვა.

სხვა სიმპტომები უკავშირდება საჭმლის მომნელებელ ტრაქტს: გულისრევა და ღებინება, გულძმარვა, მუცლის შებერილობა, შეკრულობა ან დიარეა, მადისა და წონის დაკარგვა.

დადგინდა ექსპერიმენტით: წრფელი ლოცვა სისხლის სტრუქტურას ცვლის>>

ამასთან სპეციალისტები აზუსტებენ, რომ ისეთი პროდუქტები, როგორებიცაა საქონლის ხორცი, ღვიძლი, ფრინველის ხორცი და თევზი, კვერცხი, რძე, იოგურტი და ყველი, ამ მკვებავ ნივთიერებას დიდი რაოდენობით შეიცავს.

112
თემები:
ექიმი გირჩევთ (23)
მძინარე ქალი

არც ისე სასარგებლო, მაგრამ ეფექტური: ექიმი სწრაფი ჩაძინების მარტივ მეთოდს ასახელებს

19
(განახლებულია 22:11 22.01.2021)
უძილობა კვლავაც რჩება ჩვენი ნერვიული და მოუსვენარი საუკუნის ერთ-ერთ მთავარ პრობლემად, თუმცა არსებობს მისი აღმოფხვრის ეფექტური ხერხი

თბილისი, 22 იანვარი — Sputnik. არსებობს სწრაფი ჩაძინების მარტივი, თუმცა გარკვეული თვალსაზრისით, არც ისე სასარგებლო ხერხი, აცხადებს სეჩენოვის უნივერსიტეტის ნერვული დაავადებებისა და ნეიროქირურგიის კათედრის დოცენტი მიხაილ პოლუეკტოვი.

მისი თქმით, ამისათვის საჭიროა ძილის წინ ოთხი საათით ადრე რაიმე ტკბილის ჭამა.

„დაძინებამდე ოთხი საათით ადრე მაღალი გლიკემიური ინდექსის მქონე საკვების მიღება, რომელიც შეიცავს ბევრ ადვილად ასათვისებელ ნახშირწყლებს, აჩქარებს ჩაძინებას. ასე რომ, ზოგადად, შეგვიძლია ვთქვათ, რომ ტკბილეული ხელს უწყობს ჩაძინებას, თუმცა სხვა თვალსაზრისით ეს არც ისე სასარგებლოა“, — აღნიშნა ექიმმა.

ადვილად ასათვისებელი, ანუ ჩქარი ნახშირწყლები, ეს მარტივი ნახშირწყლებია, რომლებსაც ორგანიზმი ადვილად ამუშავებს. მათ მხოლოდ რამდენიმე წუთი სჭირდება უბრალო მოლეკულებად დასაშლელად, სისხლში მოსახვედრად და ამით ორგანიზმის საჭირო ენერგიით მოსარაგებლად. ასეთი პროცესების სიჩქარე განისაზღვრება გლიკემიური ინდექსით: რაც უფრო მაღალია ის, მით უფრო ნაკლებ დროს ხარჯავს ორგანიზმი გადამუშავებაზე.

სწრაფ ნახშირწყლებს შეიცავს, მაგალითად, ცომეული, ბურღულეული, მოხარშული ბოსტნეული, შემწვარი კარტოფილი, ლაფშა, შაქარი, თაფლი და ა.შ.

 

19
თემები:
ექიმი გირჩევთ (23)
ახალგაზრდა ქალი იზომავს წელის გარშემოწერილობას

არც იშიმშილოთ და არც ძალიან დაიტვირთოთ: 12 მარტივი ხრიკი წონაში სწრაფად დასაკლებად

93
(განახლებულია 20:24 22.01.2021)
ბრიტანეთის ჯანდაცვის ეროვნული სამსახურის სპეციალისტებმა სპეციალური პროგრამა შექმნეს, რომელიც ცხოვრების ჯანსაღ წესზე ლამის შეუმჩნევლად გადაგიყვანთ და წონასაც ზედმეტი დატვირთვის გარეშე დაგაკლებინებთ 

თბილისი, 22 იანვარი — Sputnik. ექიმებმა ჩამოთვალეს ხრიკები, რომლებიც საშუალებას მოგცემთ, სპეციალური დიეტის გარეშე დაიკლოთ წონაში უფრო სწრაფად წერს გამოცემა The Sun–ი.

დიდი ბრიტანეთის ჯანდაცვის ეროვნული სამსახურის სპეციალისტ ტამარა უილნერის თქმით, ადამიანის წონაზე ზეგავლენას ახდენს არა მარტო საკვები, არამედ ყველა წვრილმანი ჩვევა. იგი გთავაზობთ 12-კვირიან სპეციალურ პროგრამას, რომელიც გარკვეული წესების ჩვევად ქცევას ითვალისწინებს.

ეს ის მარტივი წესებია, რომლებიც ზედმეტი კილოგრამების მოცილებაში დაგეხმარებათ შიმშილის, გამომფიტავი დიეტებისა და გამუდმებული ფიზიკური დატვირთვების გარეშე, და რომელიც ცხოვრების ჯანსაღ წესზე ლამის შეუმჩნევლად გადაგიყვანთ. 

ბრიტანეთის ჯანდაცვის ეროვნული სამსახურის (NHS) პროგრამა Second Nature-ს რეკომენდაციები ასე გამოიყურება: 

  • გააზავეთ დღე მოკლე ფიზიკური დატვირთვებით. მაგალითად: კბილების გახეხვის დროს ჩაჯდომებით, ტელევიზორის ყურებისას კედლიდან აწევებით; რამე საქმიანობის დროს ადგილზე სირბილით;
  • შეზღუდეთ ალკოჰოლის მიღება;
  • არ დალიოთ ყავა დღის მეორე ნახევარში, რათა ღამით უკეთ დაიძინოთ;
  • შეცვალეთ ხილის წვენი და ტკბილი სასმელები წყლით, ჩაით ან რძით;
  • დაიწყეთ ყოველი დილა 10-წუთიანი სეირნობით;
  • ძირითადი კვების დროს ჭამეთ მეტი, რომ მოგვიანებით არ წაიხემსოთ;
  • თუ ტკბილეული გიყვართ, შეცვალეთ რძიანი ან თეთრი შოკოლადი 70%-იანი შავი შოკოლადით;
  • ყოველკვირეულად გასინჯეთ ახალი ბოსტნეული;
  • შეადგინეთ საყიდლების ჩამონათვალი სუპერმარკეტში წასვლამდე, რათა თავიდან აიცილოთ საკვებზე სპონტანური ხარჯები;
  • სთხოვეთ მეგობარს, ისეირნოდ თქვენთან ეთად კვირაში ორჯერ;
  • მოძებნეთ პოზიტიური ემოციების მიღების ალტერნატიული გზები — საკვების გარდა. სცადეთ თავსატეხების ამოხსნა, მეგობართან საუბარი ან სხვა რამ, რაც სიამოვნებას განიჭებთ;
  • ნუ აუკრძალავთ საკუთარ თავს გარკვეულ საკვებს. თუ ძალიან გსურთ რაიმეს ჭამა, უარი კი არ თქვათ, უბრალოდ მიირთვით ის აუჩქარებლად.

 

93
თემები:
ექიმი გირჩევთ (23)