პუანსეტია - შობის ვარსკვლავი

პუანსეტია შობა–ახალი წლის უცვლელი მეგზური: ისტორია, შერჩევა, მოვლა, გამრავლება

1652
(განახლებულია 15:27 10.01.2021)
პუანსეტია, იგივე შობის ვარსკვლავი უკვე 200 წელია, რაც საშობაოდ ყველაზე აქტუალურ ოთახის ყვავილად იქცა. სახლში პუანსეტიას გამოჩენა ნიშნავს, რომ ყველაზე საყვარელი – შობა–ახალი წლის დღესასწაულები ახლოვდება.

ევროპაში საშობაოდ ამ ყვავილის გაყიდვების რიცხვი 100 მილიონს აჭარბებს. რამდენიმე წელია ამ ყვავილის საახალწლოდ ჩუქების ტრადიცია საქართველოშიც შემოვიდა და, დიახ, უკვე ჩვენ ქვეყანაშიც ერთ-ერთი ის ყვავილია, რომელიც ყველაზე აქტიურად იყიდება.

ამ მცენარის მთავარი ხიბლი მისი ფოთლების ფორმა და შეფერილობაა. სწორედ ფოთლების და არა ყვავილის. მისი ყვავილები პატარა და ნაკლებეფექტურია და მცენარეს მთავარ ეფექტს ყვავილის მიმდებარე ყვავილსაჯდომის საოცარი შეფერილობის ფოთლები ანიჭებს.

გასაყიდად გამოტანილთა შორის ყველაზე ხშირად გვხვდება კაშკაშა წითელი ფერის პუანსეტია. უფრო ნაკლებ გავრცელებულია რძისფერი, ჟოლოსფერი, ვარდისფერი, თეთრი და იასამნისფერი პუანსეტიები.

წარმოშობა

პუანსეტიას სამშობლო მექსიკაა და იქ 1,5-2 მეტრამდე სიმაღლის იზრდება. ამ მცენარეს ძალიან აფასებდნენ აცტეკები. დადასტურებული ფაქტია, რომ ისინი პუანსეტიას იყენებდნენ კანის ინფექციების, ჩირქმდენი ჭრილობების მოსაშუშებლად. მისი ფოთლებით კი ქსოვილებს ღებავდნენ. მოგვიანებით მეცნიერებმა მართლაც აღმოაჩინეს მცენარის წვენში ნივთიერებები, რომლებიც კლავს პათოგენურ ბაქტერიებს, სოკოებს, აქვს ხველების საწინააღმდეგო ეფექტი. ასევე მეცნიერულად დადასტურებული ფაქტია, რომ პუანსეტიას მხოლოდ ერთ ქოთანს შეუძლია ერთ ღამეში მოსპოს ოთახში სტრეპტოკოკების 50% და ნაწლავის ჩხირების 70%.

ოთხი სახელი და ოთხი ისტორია

ქალღმერთის სისხლი – ეს აცტეკთა მიერ შექმეული სახელია. ინდიელების ლეგენდის თანახმად, მისი გაჩენა ერთ-ერთი ქალღმერთის ტრაგიკულ სიყვარულს უკავშირდება. მწუხარებისგან ქალღმერთს გული გაუსკდა და მიწაზე დაცემული სისხლის წვეთებისგან პუანსეტია გაიზარდა.

წმინდა ღამის ყვავილი – მექსიკის დაპყრობის შემდეგ კონკისტადორებთან ერთად აცტეკთა მიწაზე კათოლიკე ბერებიც ჩავიდნენ. მათ აქ აღმოაჩინეს პატარა ბუჩქი, რომელიც სწორედ შობის წინ იწყებდა ყვავილობას კაშკაშა წითელი ფოთლებით. სწორედ ბერებმა შეარქვეს მას წმინდა ღამის ყვავილი და შობის წინ საკურთხეველს ამ მცენარის ტოტებით ამკობდნენ.

ულამაზესი ეუფორბია – ეს ამ მცენარის ოფიციალური სახელწოდებაა (Euphorbia pulcherrima). იგი ბოტანიკოსებმა 1833 წელს აღწერეს, მას შემდეგ, რაც მოყვარულმა ბოტანიკოსმა გვარად პოინსეტმა 1829 წელს იგი მექსიკიდან აშშ-ში ჩაიტანა და, როგორც მიხვდით, ბოტანიკური სახელი ამ ბოტანიკოსის გვარსაც უკავშირდება.

შობის ყვავილი – მეოცე საუკუნის გარიჟრაჟზე ერთმა ლოს-ანჯელესელმა მებაღემ ჰოლივუდის ყველაზე პრესტიჟულ ქუჩაზე შობის წინა დღეებში გასაყიდად გამოფინა პუანსეტიას ტოტებისგან შეკრული თაიგულები. და მაშინვე დაიწყო პუანსეტიას ციებ-ცხელება. ყველა ცდილობდა საშობაოდ სახლში ამ ულამაზესი ვარსკვლავისებური ფორმის კაშკაშა მცენარის თაიგულების წაღებას. სწორედ ამის შემდეგ დაიწყო შობის ვარსკვლავის ტრიუმფალური სვლა ევროპაში.

როგორ შევარჩიოთ მცენარე

1.პირველ რიგში ყურადღება მიაქციეთ ყვავილს – არა ყვავილსაჯდომს (წითელ ფოთლებს)! ყვავილსაჯდომის ცენტრში მდებარე ყვავილები უნდა იყოს მომწვანო-მოყვითალო ან მოწითალო ფერის, მტვრიანების გარეშე. თუ ყვავილები უკვე ყვითელია და მტვერიც გამოხატული, ეს ნიშნავს, რომ ყვავილობა უკვე დადგა და მცენარე მალე ჩამოიცვენს კაშკაშა წითელი ყვავილსაჯდომის ფოთლებს – სწორედ იმათ, რის გამოც იძენენ ამ მცენარეს.

2. ვათვალიერებთ ბუჩქს – იგი ყველა მხრიდან ერთნაირად უნდა იყოს დაბუჩქული და მიმზიდველი. ღეროები მთლიანად უნდა იყოს დაფარული მწვანე ფოთლებით, არ უნდა იყოს გაშიშვლებული, ხოლო ყვავილსაჯდომის ფურცლები გამოკვეთილი კაშკაშა ფერის უნდა იყოს. თუ ყვავილსაჯდომის ფურცლები სრულად არ არის შეფერილი, ეს პუანსეტიას ცუდ ხარისხზე მეტყველებს.

3. მცენარეზე არ უნდა იყოს დახვეული, გაყვითლებული, დამჭკნარი ფოთლები. ამასთან თუ გრუნტი ზედმეტად ტენიანია, ეს შესაძლოა ფესვის სიდამპლის მაჩვენებელი იყოს. ასევე დაუშვებელია ზედმეტად გადამშრალი გრუნტიც – ეს ნიშნავს, რომ ცუდ პირობებში ინახებოდა.

4. უპირატესობა მიანიჭეთ მცენარეს შეფუთვის გარეშე, რადგან სივიწროვე ცუდ გავლენას ახდენს მასზე.

5. რა თქმა უნდა, მცენარის ფოთლები ყურადღებით დაათვალიერეთ, რომ მასზე მავნებლები არ ბუდობდნენ. ბუჩქის დიამეტრი 2-2.5-ჯერ უნდა აღემატებოდეს კონტეინერის ზომას.

6. თუ ქუჩაში ტემპერატურა +12-14 გრადუსზე დაბალია, შეეცადეთ შენობაში მიტანამდე იგი რაიმე ყუთში მოათავსოთ ან ქაღალდი შემოახვიოთ – მკვეთრი ტემპერატურული ცვლილებები უარყოფით გავლენას ახდენს მასზე.

როგორი მორწყვა და ტემპერატურული რეჟიმი სჭირდება, რომ რაც შეიძლება დიდხანს იყვავილოს?

პუანსეტიასთვის ოპტიმალური ტემპერატურა ოთახში +20 გრადუსია, ხოლო ქვედა ზღვარი +14 გრადუსი. არც ერთ შემთხვევაში ფანჯრის რაფაზე მყოფი მცენარის ფოთლები ცივ მინას არ უნდა ეხებოდეს – ეს მისთვის ძალიან დიდი სტრესია. პუანსეტიას ნათელი, გაფანტული შუქი სჭირდება, მხოლოდ მზის პირდაპირ სხივებს უნდა მოარიდოთ.

არავითარ შემთხვევაში არ გადარგოთ მცენარე ყვავილობის პერიოდში – მას ძალიან სუსტი ფესვები აქვს და ამ დროს ფაქტიურად განწირულია.

რაც შეეხება მორწყვას: ოთახის ტენიანობის დონიდან გამომდინარე, რთულია უნივერსალური ფორმულის შეთავაზება. მორწყეთ ნადგომი წყლით, როცა ნახავთ, რომ გრუნტი უკვე კარგად გამომშრალია.

მთელ მსოფლიოში პუანსეტიას, რომელიც შობის წინ მარკეტებში იყიდება, ძირითადად ერთჯერადი დანიშნულება აქვს და თუ თქვენმა მცდელობამ, რომ მომავალ შობამდე შეინარჩუნოთ მცენარე, შედეგი არ გამოიღო, თავს ნუ დაიტანჯავთ იმაზე წუხილით, რომ ეს თქვენი ბრალია.

საქმე ისაა, რომ სერიულ წარმოებაში ჩაშვებულ ამ მცენარეს, იმისათვის რომ მაქსიმალურად ტრანსპორტაბელური იყოს და არ დაკარგოს მიმზიდველობა, უკეთებენ სპეციალურ ქიმიურ ნივთიერებებს, რაც ფაქტიურად აკონსერვებს მცენარეს და 3-4 თვით უნარჩუნებს პირვანდელ სახეს. ამ დროის გასვლის შემდგომ მცენარე დაიყვავილებს, იწყებს ფოთლების ცვენას და კარგავს პირვანდელ მიმზიდველობას. 

თუ მაინც გადავწყვიტეთ, რომ გვინდა წლევანდელმა პუანსეტიამ მომავალ წელსაც გაგვახაროს

დაყვავილების შემდგომ, სადღაც მაისში მცენარეს რადიკალურად ვკრიჭავთ – დაახლოებით 1/3-ს ვტოვებთ. ამ დროს პუანსეტია უკვე მოსვენების პერიოდშია გადასული, რომელიც დაახლოებით სამი-ოთხი კვირა გრძელდება და ამ ხნის მანძილზე ხელს არ ვკიდებთ – არ ვრწყავთ და მოჩრდილულ, გრილ ადგილზე გვიდევს. მოთმინებით ველოდებით მის გამოცოცხლებას. როგორც კი წამოიღებს პაწაწინა კვირტებს, გადაგვაქვს ახალ სუბსტრატში და ვიწყებთ ნელ-ნელა მორწყვას. ძალიან მალე თქვენი პუანსეტია ახალი ტოტებით დაიფარება და სწორედ ეს ტოტები გამოგადგებათ უკვე ახალი პუანსეტიების გასამრავლებლად.

დედა ბუჩქს გაკრიჭავთ ისე, რომ მისცეთ თქვენთვის სასურველი ფორმა. ანაჭერი ტოტები, დაახლოებით 5-8 სმ სიმაღლის, მოჭრისთანავე მოათავსეთ წყალში. წყალი რამდენჯერმე გამოუცვალეთ, სანამ ტოტები სრულად არ დაიცლება რძისებრი წვენისგან. ამის შემდეგ ტოტები შეგიძლიათ მიწიან პატარა კონტეინერებში ჩარგოთ და ჩრდილიან გრილ ადგილზე დადგათ.

რატომ არ უწითლდება ყვავილსაჯდომის ფოთლები თქვენ მიერ გახარებულ მცენარეს

საქმე ისაა, რომ პუანსეტია გენეტიკურად სხვა კლიმატური სარტყლის მცენარეა და ბუნებრივ პირობებში საქართველოში ყვავილობას მხოლოდ იანვრის ბოლოდან, თებერვალში იწყებს, და არა შობას, როცა ჩვენ ეს გვინდა.

გავრცელებული მოსაზრებით, იმისათვის, რომ ფოთლები გაწითლდეს, შობამდე 40 დღით ადრე მცენარეს დღის ხანგრძლივობა უნდა შეუმციროთ 8-10 საათამდე. ამისათვის გარკვეულ დროს მცენარეს ყუთი დააფარეთ, მაგალითად დააფარეთ საღამოს 6 საათზე და ახადეთ დილის 10 საათზე. თუ ოპტიმალურ ტემპერატურულ რეჟიმსა და ტენიანობასაც შეუქმნით, დიდი შანსია, რომ შობისათვის შობის ვარსკვლავმა გაგახაროთ.

ყოველ შემთხვევაში ცდად ღირს!

თამარ ხონელიძე

1652
თემები:
მასტერკლასები დამწყები მებაღეებისა და ფლორისტებისათვის (13)
წონაში დაკლება

როგორ დავიკლოთ „ზამთრის ცხიმები“: სახელდება მარტივი მეთოდი

162
(განახლებულია 10:29 08.05.2021)
დიეტოლოგი და ნუტრიციოლოგი გაგაცნობთ მეთოდს, რომელიც ზედმეტი კილოგრამების მოშორებაში დაგეხმარებათ

თბილისი, 8 მაისი – Sputnik. იმისათვის, რომ ზამთარში დაგროვილი ზედმეტი კილოგრამები ეფექტურად დაიკლოთ, არსებობს ძალიან მარტივი მეთოდი, აცხადებს დიეტოლოგი და ნუტრიციოლოგი არინა სკორომნაია რადიო Sputnik−თან ინტერვიუში.

მისი თქმით, გახდომისთვის იდეალურია სწრაფი სიარული საათში 5−7 კმ სიჩქარით. ასეთი „გასეირნება“ ყოველდღე უნდა მოეწყოს არანაკლებ 20 წუთით.

„ამისათვის საუკეთესოა აღმართზე სიარული 20 წუთიდან ერთ საათამდე. როცა თუნდაც მცირე გორაკზე ადიხართ, კუნთები მეტად იჭიმება, იზრდება დაწოლა დუნდულა კუნთებზე, იხარჯება მეტი კალორია. ასე რომ აღმართზე ასვლას უფრო მეტი პლუსი აქვს, ვიდრე სწორ გზაზე სიარულს“, — ამბობს სპეციალისტი.

ამასთან სკორომნაია განმარტავს, რომ სიარულისას საჭიროა თავი აარიდოთ ისეთ ადგილებს, სადაც ბევრი ავტომობილი მოძრაობს, რათა გამონაბოლქვი არ ისუნთქოთ. ასეთ შემთხვევაში სარგებელი პრაქტიკულად არ იქნება, ვინაიდან დაბინძურებული ჰაერის ინტენსიური სუნთქვა გულ−სისხლძარღვთა პრობლემებს გამოიწვევს.

ნუტრიციოლოგის თქმით, ავტომობილებით სავსე ქუჩებში სიარულს სარბენ ბილიკზე ვარჯიში სჯობს.

162
თემები:
ექიმი გირჩევთ
საქორწინო ბეჭდები

ძლიერი ქორწინების საფუძველი, ანუ ბუნებისგან ბოძებული ინსტინქტი

143
(განახლებულია 22:45 08.05.2021)
ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება - შეცდომაა?!

როდესაც ოჯახი იქმნება, ქალი და მამაკაცი იწყებენ ცხოვრებას ერთ ჭერქვეშ, შესაძლებელია ყველაფრის ერთად კეთება — გაღვიძება, სამუშაოზე წასვლა, ვახშმის მომზადება, კითხვა, ერთად სეირნობა და ა.შ. გადის დრო და პრაქტიკა აჩვენებს, რომ ასე დიდხანს გაგრძელება არ შეიძლება.

დროდადრო სურვილი ჩნდება, მარტომ დალიო ჩაი ან ყავა, დაალაგო სახლი ან, უბრალოდ, უყურო წვიმას ფანჯრიდან საყვარელი მეორე ნახევრის გარეშე.

ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება — შეცდომაა?!

სინამდვილეში სიყვარული არ მოიაზრებს ადამიანების პიროვნების მთლიანად „გათქვეფას" მეორე ადამიანში და საკუთარი ინდივიდუალობის დაკარგვას. სწორედ ჯანსაღი გრძნობები გულისხმობს თითოეულისთვის საკუთარი დროისა და ადგილის გამოყოფას. ეს ნორმალურია, თუ ადამიანს საკუთარ თავთან მარტო დარჩენა სურს, სახლში რომელიმე ოთახში შეყუჟვა და საყვარელი საქმის კეთება, ანდა, სულაც, უსაქმურობა. ასევე ნორმალურია, გინდოდეს მეგობრებთან ყოფნა მეუღლის გარეშე, მათთან ერთად სადმე წასვლა, თუნდაც დასასვენებლად. ასეთი სურვილი მეტყველებს იმაზე, რომ თქვენ წინაშე სრულფასოვანი პიროვნება დგას და არა რამე დანამატი მეუღლის სახით.

ეს ბუნებისგანაა დაწესებული. ნებისმიერ ცხოველს აქვს თავისი პირადი სივრცე, რაც სხვებისთვის მიუწვდომელია. ამ სივრცის ხელყოფა დასჯადია.

იდეალურობის საფასური: კარგი ცოლი, ცუდი ცოლი, ბედნიერი ქალი>>

ამ აკრძალვის დარღვევას არავინ რისკავს. ადამიანიც, ამ თვალსაზრისით, ჰგავს ცხოველს. მაქსიმალურად ხელშეუხებელი უნდა დარჩეს ინტიმური ზონა (15 სანტიმეტრამდე). მისი დარღვევა ადამიანში გაღიზიანებასა და აგრესიას იწვევს. გარდა ამ ინდივიდუალური ველისა, არის ასევე პირადი ფსიქიკური და ფიზიკური სივრცე. კომფორტის გრძნობა ბევრად არის დამოკიდებული სწორედ იმაზე, რამდენად არის ორივე ზონა დაცული არასანქცირებული ხელყოფისგან. ასე რომ, ხანდახან ჩნდება მარტო ყოფნის სურვილი — ეს სრულებით ბუნებრივია.

ასევე არსებობს ადგილები და ჩვევები, რომლებსაც ადამიანი აფასებს, როგორც პირადი სივრცის ნაწილს. ვიღაცას უყვარს დივანზე მარჯვენა მხარეს, კუთხეში ჯდომა, ჭიქის რომელიმე ადგილზე დადგმა და ა.შ. ასეთი სივრცობრივი „მონიშვნები" სტაბილურობისადმი ქვეცნობიერი სწრაფვაა, ეს კი ნიშნავს დაცულობას, შინაგან წონასწორობას.

ფსიქოლოგებმა დიდი ხანია შენიშნეს, რომ თანამედროვე ადამიანი უფრო მეტად ემორჩილება ამ „მონიშვნებს". ადრე ადამიანები უფრო სტაბილურ ვითარებაში ცხოვრობდნენ, არ იღებდნენ უამრავ ინფორმაციას და არ ჰქონდათ ამდენ ადამიანთან ურთიერთობა. ახლა ყოველდღიურად უწევთ გადაჭედილ ტრანსპორტში მგზავრობა, საინფორმაციო ნაკადთან გამკლავება. ცხოვრებისეული წყობის ცვალებადობა ადამიანს ჩვეულებებსა და „მონიშნულ" ადგილებზე ჩაჭიდებისკენ უბიძგებს, რაც მათ სტაბილურობისა და სიმშვიდის გრძნობებს უღვივებს და ფსიქიკური ბალანსის შენარჩუნებაში ეხმარება.

მსხვერპლს არც სილამაზე მოითხოვს და არც სიყვარული...>>

ამ ბალანსის დარღვევა ფსიქიკისთვის განგაშის სიგნალია. როგორ რეაგირებს ადამიანი განგაშზე? უმეტესად – აგრესიულად, ის თავს იცავს. და არანაირი გრძნობა, ტრადიცია ან ლოგიკა აქ არ მუშაობს. ეს ინსტიქტის პრეროგატივაა, რომელიც, რაც არ უნდა ებრძოლო, მაინც ძალზე ძლიერია. ასე რომ, გასაკვირი არაა, როცა ერთ-ერთი მეუღლე „გააფთრებით" იცავს „თავის ადგილს" სამზარეულოს მაგიდასთან.

ეს მხოლოდ საკუთარი, პირადი სივრცის შენარჩუნებისკენ სწრაფვაა. არ ღირს ამასთან ბრძოლა, წინააღმდეგ შემთხვევაში მეორე ნახევარი ამას ვერ გაიგებს და თავისი საზღვრების დასაცავად იბრძოლებს.

მიიღეთ და გაიაზრეთ, რომ ყველაფერი საერთო არ გაქვთ, მიუხედავად იმისა, რომ ყველაზე ახლობელი ადამიანები ხართ დედამიწის ზურგზე. თქვენ მეორე ნახევარი ხართ და ეს გულისხმობს, რომ სწორედ თქვენ აფასებთ და პატივს სცემთ ადამიანში მის პიროვნებასა და დამოუკიდებლობის გამოვლენას, რაც ორივეს ერთად ყოფნის ბედნიერების შესაძლებლობას გაძლევთ.

სხვა საქმეა, თუ ხელყოფენ თქვენს ადგილს, ცდილობენ გადაგაჩვიონ, მაგალითად, სავარცხლის წიგნის თაროზე დადებას და ა.შ. მშვიდად აუხსენით, რომ კარგი განწყობა ბევრად არის დამოკიდებული იმაზე, რომ თქვენს ჩვევებს არ აკრიტიკებენ. თუ ადამიანი ამას არგუმენტებს უპირისპირებს, შეეცადეთ კომპრომისული გადაწყვეტილება მიიღოთ.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

თითოეულ მეუღლეს აქვს განსაზღვრული ჩვევები, რაც ასევე ამ ადამიანის კომფორტისა და კეთილდღეობის განუყოფელი ნაწილია. რა თქმა უნდა, ქორწინებაში პირადი მისწრაფებების კორექტირება საჭირო ხდება, მაგრამ ყველაფერზე უარის თქმა ან იმის მოთხოვნა, რომ სხვამ მსხვერპლად გაიღოს თავი მეორის კომფორტისთვის — ცუდია.

არის შემთხვევები, როდესაც „პირად სივრცეში" გულისხმობენ მეორე ადამიანის უფლებებისა და თავისუფლებების ხელყოფას. მაგალითად, მეუღლე, რომელიც სკანდალს უწყობს მეორე ნახევარს სააბაზანო ოთახში ცუდად დაკიდებული პირსახოცის ან ტანსაცმლის გამო, რომელიც გარდერობში არ დაკიდეს. ასეთი საქციელი მეტყველებს არაადეკვატურობაზე ან კრიზისზე ამ ადამიანების ურთიერთობაში, რაც ასეთ სცენებში ვლინდება.

და, ბოლოს, უნდა აღინიშნოს, რომ როცა მეუღლეებს საკმარისი პირადი სივრცე და დრო აქვთ საკუთარი თავისთვის, ოჯახში ატმოსფერო უფრო მშვიდი და სიხარულით გამსჭვალულია. ყოველი განმარტოების, „თავის თავში ჩაღრმავების" შემდეგ მეუღლეები თავს განახლებულად, „გადატვირთულად" გრძნობენ. მათი ურთიერთობები იძენს სიახლეს, ჩნდება მონატრების გრძნობა. თითოეული პატივს სცემს მეორის სურვილს – მასაც ხომ არ უზღუდავენ თავისუფლებას და იღებენ ისეთს, როგორიც არის.

143
თემები:
სასარგებლო რჩევები
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0