კარგი აღნაგობის ქალი

როგორ მოვიშოროთ ზედმეტი კილოგრამები ორ კვირაში? რჩევები ფიტნეს-მოდელისგან

154
(განახლებულია 21:36 22.12.2020)
პანდემიის გამო დაწესებული საყოველთაო შეზღუდვები, როცა იქნება, გაუქმდება და ადამიანები ისევ დავიწყებთ ქუჩაში სიარულს.

ამისთვის კი ბევრს მოუწევს „თვითდინებაზე მიშვებული“ წონა გააკონტროლოს და შინ ჯდომისას აკრეფილი კილოგრამები მოიშოროს, რათა ძველებურად მომხიბლავი გახდეს.

სხვას რომ თავი დავანებოთ, საყვარელ სამოსში ხომ ისევ უნდა „ჩავეტიოთ“ რამენაირად?  

პოპულარულმა ფიტნეს-მოდელმა იულია უშაკოვამ თავისი ინსტაგრამ–გვერდის ხელმომწერებს წონაში სწრაფი კლების საიდუმლო გაუზიარა.

„უკვე იყიდეთ კაბა, რომლისთვისაც გახდომა გჭირდებათ? მე — კი. ინებეთ დღესასწაულების წინ ექსპრეს-გახდომის ჩემი წესები. მინუს ერთი ზომა გარანტირებული გექნებათ“, — წერს ფიტნეს–მოდელი.

წონაში სწრაფად დაკლების მისეული რეკომენდაციები ასე გამოიყურება:

  • დაკლების პროცედურის დაწყებამდე ორი კვირით ადრე რაციონიდან ვიღებ ყველსა და რძის პროდუქტებს, აგრეთვე ტკბილეულსა და ხილს, გარდა ვაშლისა და კივისა;
  • ამავე კვირაში ვარჯიშების რაოდენობას ხუთამდე ვზრდი, ყოველი ვარჯიშის შემდეგ კი ვამატებ 30-წუთიან კარდიოდატვირთვას;
  • ზუსტად ერთ კვირაში ვარჯიშების რაოდენობას 2-3-მდე ვამცირებ (ისე, რომ არ გამოიწვიოს ხანგრძლივი აღდგენა და მწვავე შიმშილი), ბევრს ვისვენებ, დღეში 2 ლიტრ წყალს ვსვამ;
  • დღეში მხოლოდ სამჯერ ვჭამ, თითოეული კვება დაახლოებით 500 კილოკალორიას ითვლის და ძირითადად ცხიმებისა და ცილებისგან შედგება;
  • ოთხი დღით ადრე ბოლო კვება უფრო წინ გადმომაქვს (დაძინებამდე 3-4 საათით ადრე მაინც).

გარდა ამისა, მოდელმა მიმდევრებს გაუზიარა ის რაციონი, რომელსაც დიეტის დროს იცავს.

საუზმე: 2 კვერცხისგან მომზადებული ტაფამწვარი, ავოკადოს პასტა, ორაგულის ნაჭერი, 1 კოვზი არაქისის კარაქი ყავასთან ერთად.

სადილი: ორთქლზე მომზადებული ინდაურის კოტლეტი ბოსტნეულის რაგუსთან ერთად, ლატე ქოქოსის რძით.

ვახშამი: გამომცხვარი ორაგული შამპინიონით, გრილზე მომზადებული სატაცური, მწვანე სალათა ბალზამით შეკმაზული, ნახევარი მწვანე ვაშლი, ჩაი.

154
თემები:
სასარგებლო რჩევები (449)
Пандемия коронавируса COVID 19 - реаниматологи во Франции

ექიმი კატეგორიულად გაფრთხილებთ: აუცილებლად გამოიძახეთ სამედიცინო დახმარება, თუ...

27
(განახლებულია 15:35 26.01.2021)
არიან ადამიანები, რომლებისთვისაც არტერიული წნევის მატება ლამის ჩვეულებრივ მოვლენადაა ქცეული და ამიტომ სასწრაფო დახმარებას არ იძახებენ, რასაც შეიძლება მძიმე შედეგი მოჰყვეს

თბილისი, 26 იანვარი — Sputnik. არის შემთხვევები, როდესაც არტერიული წნევის მატების გამო პაციენტები სასწრაფო დახმარებას არ იძახებენ, რაც კატეგორიულად მიუღებელია, აცხადებს კარდიოლოგი სერგეი ივანოვი.

მისი თქმით, არსებობს პირობები, როდესაც ექიმის დახმარება წნევის პრობლემების აღმოსაფხვრელად გადაუდებლად აუცილებელია.

კარდილოგის განმარტებით, სასწრაფო უნდა გამოიძახოთ, თუ მედიკამენტების მიღებიდან საათ-ნახევრის გასვლის შემდეგაც კი წნევა კი არ მცირდება, არამედ პირიქით, მისი გაზრდის ტენდენცია შეინიშნება.

„ამ სიტუაციაში საჭიროა სწრაფი ჩარევა და არტერიული წნევის შესამცირებლად უფრო აგრესიული თერაპია“, — აღნიშნავს ივანოვი.

გარდა ამისა, ექიმი მოგიწოდებთ, გამოიძახოთ სამედიცინო დახმარება, თუ გულის არეში ტკივილი მედიკამენტების მიღებიდან თხუთმეტი წუთის განმავლობაში არ გაქრება.

  • „ამ დროს ყოველთვის არის ეჭვი მიოკარდიუმის ინფარქტზე, ამიტომაც მოქმედებს „ოქროს ნახევარი საათის“ წესი“, — აღნიშნავს ის.

ექიმი გაფრთხილებთ, რომ ლოდინის ზედმეტი ოცდაათი წუთი მნიშვნელოვნად გააუარესებს პაციენტის მდგომარეობას.

 

27
თემები:
ექიმი გირჩევთ
ახალგაზრდა კაცი ეწევა ჩილიმს

ჩილიმი სიგარეტზე ბევრად მავნებელია - ძალიან ცდებით, თუ პირიქით ფიქრობთ

31
(განახლებულია 15:02 26.01.2021)
ჩილიმის მოწევა სიგარეტზე ბევრად მავნებელია, ვინაიდან ამ დროს ფილტვებში ისეთი ნაწილაკები ხვდება, რომლებიც სიგარეტის მოწევისას

თბილისი, 26 იანვარი — Sputnik. ის, ვინც ჩილიმს მოწევის უსაფრთხო საშუალებად მიიჩნევს, ძალიან ცდება, აცხადებს ცნობილი ექიმი ალექსანდრ მიასნიკოვი.

მისი თქმით, რეალურად ჩილიმი სიგარეტზე ბევრად მავნებელია.

„სინამდვილეში, როდესაც ჩილიმს ვეწევით, მავნე ნივთიერებების იმ რაოდენობას შევისუნთქვათ, რამდენსაც ერთ-ნახევარი კოლოფი სიგარეტის მოწევისას შევისუნთქავდით“, — განმარტავს ექიმი.

სპეციალისტი აზუსტებს, რომ ჩილიმის მოწევამ, კვამლის წვრილდისპერსიული ნაწილაკების ინჰალაციის გამო, შეიძლება უმძიმესი დაავადება გამოიწვიოს.

  • „ჩილიმის მოწევისას ადამიანი კვამლთან ერთად ჩაისუნთქავს წვის მიკრონაწილაკებს და მთელი პერიოდის განმავლობაში (ნაფაზი) ფილტვებში ხდება მიკროწვა, რამაც შეიძლება ფილტვის კიბო გამოიწვიოს“, — ამბობს მიასნიკოვი.

ექიმი განმარტავს, რომ მოწევის უსაფრთხო ფორმა არ არსებობს — ჩიბუხები და სიგარებიც კი პირის ღრუს კიბოს განვითარების რისკ-ფაქტორია.

31
თემები:
ექიმი გირჩევთ
ფრონტერას ყოფილი თანამშრომლები

მორიგი აქცია „ფრონტერას“ წინააღმდეგ - ყოფილი თანამშრომლები კუთვნილ ხელფასს ითხოვენ

0
(განახლებულია 16:01 26.01.2021)
კომპანიის მხრიდან იყო დაპირება, რომ პროდუქციის რეალიზებიდან შემოსული თანხით ჩვენს სახელფასო დავალიანებას გაისტუმრებდნენ, მაგრამ ისევ მოგვატყუეს, განაცხადეს აქციის მონაწილეებმა

თბილისი, 26 იანვარი - Sputnik. ამერიკული ნავთობ-კომპანია Frontera-ს ყოფილმა თანამშრომლებმა დედოფლისწყაროში მორიგი საპროტესტო აქცია გამართეს, იუწყება ტელეკომპანია „რუსთავი 2“.

აქციის მონაწილეები კომპანიის ოფისთან შეიკრიბნენ, რომელიც დედოფლისწყაროში მდებარეობს და არ ატარებენ ნავთობის გადამზიდ სატვირთო ავტომობილებს, რომელთაც ნავთობბაზის ტერიტორიიდან კომპანიის მიერ მოპოვებული ნავთობის გატანის საშუალებას არ ეძლევათ. მათ ორი ძირითადი მოთხოვნა აქვთ - სახელფასო დავალიანების დაფარვა და კომპანიის მიერ უკანონოდ გათავისუფლებული თანამშრომლების სამსახურში აღდგენა. 

კომპანიის მენეჯერის გიორგი ჯანიაშვილის განმარტებით,  „ფრონტერას“ ხელმძღვანელობა მზად არის, ყოფილ თანამშრომლებს შეხვდეს და არსებული საკითხი მოლაპარაკების მაგიდასთან განიხილოს. თუმცა, აქციის მონაწილეებს ადმინისტრაციის წარმომადგენლის არ სჯერათ.

ყოფილი თანამშრომლების განცხადებით,   „ფრონტერამ“ მათთან შეთანხმება რამდენჯერმე დაარღვია და მიუხედავად პროდუქტის რეალიზებისა, სახელფასო დავალიანება არ აანაზღაურა.

„ფრონტერას“ წინააღმდეგ სახელმწიფომ დავა საერთაშორისო არბიტრაჟში მოიგო. კომპანია „ფრონტერას“ 11-თვიანი დავალიანება 84 თანამშრომლის მიმართ, ჯამში მილიონამდე ლარი აქვს. კუთვნილი დავალიანების ანაზღაურების მოთხოვნით, ყოფილმა თანამშრომლებმა კომპანიის წინააღმდეგ სარჩელით სასამართლოს გასულ წელს მიმართეს, თუმცა საკითხი ამ დრომდე არ განხილულა.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

0