რატომ არ უნდა მიირთვათ ყავა უზმოზე: ენდოკრინოლოგი გირჩევთ

© Pixabay / Engin_Akyurtყავა
ყავა - Sputnik საქართველო
გამოწერა
ირკვევა, რომ დილის ფინჯანი ყავით დაწყება სახიფათოა ჯანმრთელობისთვის, მისი დესერტთან ერთად მირთმევა კი გაცხიმოვნებას არ იწვევს.

თბილისი, 18 ნოემბერი – Sputnik. დილის ყავით გატაცება შეიძლება არაჯანსაღი კვების ქცევითი გამოვლინება იყოს. როდისაა სასურველი ყავის დალევა და როდის — მავნებელი, ამის შესახებ ექიმი-ენდოკრინოლოგი ალექსეი კალინჩევი საუბრობს რადიო Sputnik-თან ინტერვიუში.

ფინჯანი ყავა - Sputnik საქართველო
თურმე საქმე რა ყოფილა: მეცნიერები ყავის ორმაგ ეფექტს განმარტავენ

მისი თქმით, ბევრ ადამიანს უყვარს დღის დაწყება ფინჯანი ცხელი ყავით, მაგრამ მისი რეგულარული სმა უზმოზე დროთა განმავლობაში კუჭ-ნაწლავის ქრონიკული დაავადებების – გასტრიტის, წყლულოვანი დაავადების, ქრონიკული პანკრეატიტის გამწვავებას იწვევს. საქმე ისაა, რომ ადამიანს ყავის უზმოზე დალევის შემდეგ უქრება ჯანმრთელი შიმშილის გრძნობა.

აი, ჭამის შემდეგ კი, კალინჩევის თქმით, ყავა შეგიძლიათ მიირთვათ როგორც გსურთ და რასთან ერთადაც გსურთ — თუნდაც დესერტით.

„რასაც უნდა შეუთავსოთ ყავა — რძეს, რძის შემცვლელებს, ტკბილეულს თუ ცხიმიან საკვებს, არაა პრინციპული. მნიშვნელოვანია ის, რომ მანამდე ნაჭამი იყოთ. იმის გამო, რომ ყავა დესერტთან ერთად მიირთვით, გაცხიმოვნება არ განვითარდება“, — ამბობს ექიმი.

ენდოკრინოლოგის განმარტებით, თუ ადამიანი ჯანმრთელია, ყავის დალევა შეუძლია როგორც დილით, ისე საღამოს და ღამითაც კი, ვინაიდან ყავა ყოველთვის მატონიზირებელი კი არ არის, არამედ ზოგჯერ საპირისპირო ეფექტსაც იძლევა. ასეთი ორმაგი ეფექტი გამოწვეულია მასში შემავალი ორი ალკალოიდით: ენერგიის მომცემი კოფეინითა და თეობრომიდით, რომელსაც დამამშვიდებელი და საძილე ეფექტი აქვს.

ყველა ახალი ამბავი
0