ანგინიანი ბიჭი

თავი დაანებეთ გლანდებს: რა შემთხვევაში უნდა გაუკეთოთ ბავშვს ოპერაცია

219
(განახლებულია 20:41 17.11.2020)
წარსულში ასე იყო: თუ ბავშვს გამუდმებული სურდო და ხშირი ანგინა ჰქონდა, ექიმი, როგორც წესი, ადენოიდებისა და/ან გლანდების ამოკვეთის ოპერაციას ნიშნავდა.

დღეისათვის კი ეს მიდგომა მოძველებულად ითვლება და ექიმები ამ საკითხს უფრო აწონილ–დაწონილად უდგებიან, აცხადებს ოტოლარინგოლოგ–ქირურგი, მედიცინის მეცნიერებათა კანდიდატი დმიტრი პოლიაკოვი.

მისი თქმით, ადრე გლანდებისა თუ ადენოიდების ოპერაცია საკმაოდ ბარბაროსულად ტარდებოდა: პატარა პაციენტს სავარძელზე აბამდნენ, ქირურგი პაციენტს ლორწოვანას მსუბუქად უმუშავებდა ადგილობრივი ანტისეპტიკით და მერე „ცოცხლად“ კვეთდა მათ სპეციალური სკალპელით. შედეგად – უამრავი სისხლი, ტკივილი და ოპერაციის წინასწარ განუჭვრეტელი ეფექტი. საქმე ისა, რომ ადენოიდების სრულად ამოკვეთა ხშირად არ გამოდიოდა (ვინაიდან ქირურგი პრაქტიკულად ბრმად მოქმედებდა) და ისინი კვლავ იზრდებოდა.

როგორც პოლიაკოვი განმარტავს, ახლა ექიმები ხშირ შემთხვევაში უარს ამბობენ გლანდებისა და ადენოიდების ამოკვეთაზე, ვინაიდან მათ ორგანიზმის დამცავი ფუნქცია აქვთ: ისინი დაავადების გამომწვევ მიკრობებს ორგანიზმში შეღწევის საშუალებას არ აძლევენ.

„ამიტომ, მაგალითად, თუ სასის გლანდებს ამოიჭრით, მაშინ ფარინგიტი და ბრონქიტი თქვენი მუდმივი თანამგზავრი გახდება“, — ამბობს ოტოლარინგოლოგ–ქირურგი.

პოლიაკოვის თქმით, ოპერაცია გლანდებსა და ადენოიდებზე მხოლოდ უკიდურეს შემთხვევაში უნდა ჩატარდეს. მაგალითად, მაშინ, თუ ადენოიდები იმდენად დიდია, რომ სუნთქვას აძნელებს და უარყოფითად მოქმედებს სმენის ორგანოებზე, ან თუ გლანდები მძიმე ქრონიკული ტონზილიტის მიზეზი ხდება.

 

219
თემები:
სასარგებლო რჩევები (375)
დამცავი პირბადეები

როდის აღარ დაგიცავთ COVID-19-სგან მრავალჯერადი პირბადე: დასახელდა ნიშნები

206
(განახლებულია 20:58 04.12.2020)
ერთჯერად სამედიცინო პირბადეზე არანაკლებ, რომელიც გარემოს მნიშვნელოვნად დაბინძურების მიზეზიც კი შეიძლება გახდეს, ქსოვილის ნიღაბი დაგიცავთ, თუ...

თბილისი, 4 დეკემბერი — Sputnik. ქსოვილისგან დამზადებულმა ინდივიდუალური დაცვის საშუალებებმა კარგად ჩაანაცვლა სამედიცინო ერთჯერადი პირბადეები, თუმცა გარკვეულ ეტაპზე კორონავირუსული ინფექციისგან დაცვაში მათი ეფექტურობა მნიშვნელოვნად მცირდება და უსარგებლო ხდება, იუწყება Huffington Post ექსპერტებზე დაყრდნობით.

გარდა იმისა, რომ ქსოვილის ნიღბები ერთჯერად სამედიცინო პირბადეებზე ნაკლებად არ იცავს ადამიანს ინფიცირებისგან, მათი უპირატესობა იმაშიცაა, რომ გარემოს დაბინძურებით არ ემუქრება.

შესაბამისად, ექსპერტები რეკომენდაციას უწევენ მრავალჯერად „ბუნებრივ“ ნიღბებს. თუმცა განმარტავენ, რომ მათაც აქვს გამოყენების ლიმიტი.

სპეციალისტებმა ჩამოთვალეს ნიშნები, რითიც უნდა დადგინდეს, რომ ნიღაბი მოძველებულია და მისი გადაგდებაა საჭირო. ესენია: 

  • რეზინის ცვეთა — ეს პირბადის უვარგისობის ყველაზე მნიშვნელოვანი სიგნალია. გაწელილი და მოსუსტებული სამაგრების გამო დამცავი ქსოვილი სახეს მჭიდროდ აღარ ეკვრის, რაც მნიშვნელოვნად ზრდის ინფიცირების რისკს;
  • აღარ გამოიყენოთ ნახვრეტებიანი და გარღვეული, გამოძენძილძაფებიანი ქსოვილის ნიღაბი. ეს ხარვეზები ვირუსს ორგანიზმში შეღწევას უადვილებს;
  • გადააგდეთ პირბადე, თუ მასზე ლაქები გარეცხვის შემდეგაც შემორჩა. არ აქვს მნიშვნელობა, იქნება ეს ყავა თუ კოსმეტიკა — ნიღაბი უკვე გასანადგურებელია;
  • თუ ნიღაბი იმდენად გათხელდა, რომ ჰაერს ატარებს — რისი შემოწმებაც სანთლისთვის სულის შებერვით ან ცივ ამინდში ამონასუნთქზე დაკვირვებით შეგიძლიათ, ე.ი. ის გაცვეთილია და უნდა შეიცვალოს.
გახსოვდეთ: მრავალჯერადი პირბადის ლიმიტი 30 გაკეთებაა. ყოველი გამოყენების წინ ის აუცილებლად უნდა გაირეცხოს!
206
თემები:
სასარგებლო რჩევები (375)
გამელოტება

ჩვეულებრივი სასმელი გამელოტების წინააღმდეგ: როგორ შევაჩეროთ თმის ცვენა

143
(განახლებულია 20:51 04.12.2020)
მეცნიერებმა არა მარტო მღრღნელებზე, არამედ ადამიანებზეც გამოსცადეს აღნიშნული საშუალება და მან ეფექტურობა ორივე შემთხვევაში დაადასტურა.

თბილისი, 4 დეკემბერი — Sputnik. თმის ცვენის შესაჩერებლად და გამელოტების თავიდან ასაცილებლად წარმატებით შეგიძლიათ გამოიყენოთ წვანე ჩაი, წერს გამოცემა Daily Express.

მკვლევარებმა დაადასტურეს, რომ ჩაიში შემავალი ორგანული ნივთიერება კატეხინები ტესტოსტერონისა და დიჰიდროტესტოსტერონის ნეგატიურ ეფექტებს ბლოკავს. სწორედ ეს ორი ჰორმონი აქვეითებს თმის ზრდას და აჩქარებს ცვენის პროცესს.

გავრცელებული ინფორმაციით, მეცნიერებმა კვლევა ჩაატარეს ადამიანთა ჯგუფზე, რომლებიც გამელოტებას უჩიოდნენ. ექსპერიმენტის დროს საკვლევ პირებს თავის კანზე მწვანე ჩაის ექსტრაქტს უსვამდნენ. შედეგად აღმოჩნდა, რომ ამის შემდეგ თმამ აქტიურად დაიწყო ზრდა.

კიდევ ერთი კვლევა ჩატარდა მღრღნელებზე. სწავლულები თაგვების საჭმელში რეგულარულად ურევდნენ მწვანე ჩაის ექსტრაქტს. ნახევარი წლის შემდეგ მათ ბეწვის ზრდა დაეწყოთ.

აღსანიშნავია, რომ როცა ადამიანს დღეში 50-დან 100-მდე ღერი თმა სცვივა, ეს სრულიად ნორმალურია და ბუნებრივი, მაგრამ თუ ეს მაჩვენებელი მაღალია, მაშინ აუცილებლად უნდა მიმართოთ ტრიქოლოგს.

 

143
თემები:
მსოფლიო და მეცნიერება
სავსე მთვარე

მთვარის კალენდარი: 5 დეკემბერი რისი გაკეთება შეიძლება და რისი არა

0
(განახლებულია 15:18 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 5 დეკემბერი, შაბათი. ამ დღეს სატურნი მართავს. კლებადი მთვარე ლომის ნიშანშია.

მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: ლომი არცთუ ნაყოფიერი ნიშანია. შეიძლება მწვანილეულისა და სამკურნალო მცენარეების გამოშრობა. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

შეიძლება ხმელი ტოტების მოშორება ხეებისა და ბუჩქებისთვის, ნესტიან ადგილებში დათესვა მარცვლოვნების, ბალახის დათესვა გაზონებზე, იმ ხილისა და ბოსტნეულის დათესვა–დარგვა, რომლებსაც სინოტივე არ უყვართ. ასევე კარგი დღეა მოწყვისთვის, მავნებლებთან ბრძოლისთვის.

0