აუქციონი

რა შემთხვევაში შეიძლება დააყადაღონ თქვენი ქონება სხვისი ვალის გამო

226
(განახლებულია 20:30 03.11.2020)
სამწუხაროდ, ფინანსური პრობლემები, მიმდინარე საგადასახადო ვალდებულებები, დაყადაღებული საბანკო ანგარიშები და ქონება საქართველოს მოსახლეობის უმრავლესობისთვის უცხო არ არის.

მოვალის მიერ ვალდებულებების შეუსრულებლობის შემთხვევაში შესაძლებელია ყადაღა დაედოს მის უძრავსა თუ მოძრავ ქონებას, მათ შორის საბანკო ანგარიშებსაც. ყადაღის დადება მესაკუთრისთვის ნიშნავს, რომ მას ეზღუდება საკუთარი ქონების თავისუფლად განკარგვის შესაძლებლობა, ანუ ვერ გაასხვისებს, ვერ დააგირავებს, ვერ გააქირავებს და ა.შ.

ბევრმა ალბათ არ იცის, რომ შეიძლება მის ქონებას ყადაღა დაედოს იმ შემთხვევაშიც, თუ მას არანაირი ვალდებულება არ აქვს. დღევანდელ სტატიაში განვიხილავთ, რა შემთხვევაში დაგიყადაღებთ აღმასრულებელი ქონებას სხვისი ვალების გამო. ასევე გასწავლით გზებს, რა უნდა გააკეთოთ, თუ სხვისი ვალების დაყადაღებული ქონება უკვე რეალიზებულია.

პირველ რიგში, განვმარტოთ, რომ უძრავი ქონების შემთხვევაში ყადაღის დადება მხოლოდ იმ შემთხვევაშია შესაძლებელი, თუ მის მესაკუთრედ საჯარო რეესტრის მონაცემებით რეგისტრირებულია მოვალე. ანუ უძრავ ქონებას სხვისი ვალების გამო ვერავინ დაგიყადაღებთ.

რაც შეეხება მოძრავ ქონებას, კანონის მიხედვით, იგულისხმება, რომ ნივთები, რომლებიც მოვალის საცხოვრებელ ადგილზე მდებარეობს, უფრო ზუსტად, ნივთები, რომლებსაც პოულობენ მასთან, მოვალის საკუთრებას წარმოადგენს. ანუ თუ თქვენ ცხოვრობთ იმ მისამართზე, სადაც მოვალეც ცხოვრობს, მისი შეუსრულებელი ვალდებულების გამო შესაძლებელია მოხდეს თქვენი მოძრავი ნივთების დაყადაღება, მიუხედავად თქვენი პრეტენზიებისა.

თუ მოძრავ ნივთებზე ყადაღის დადებისას თქვენ განაცხადებთ პრეტენზიას და წარადგენთ ქონებაზე თქვენი უფლების დამადასტურებელ დოკუმენტს, აღმასრულებელი თქვენ კუთვნილ ქონებას დაყადაღებული ნივთების სიიდან ამორიცხავს მხოლოდ კრედიტორის თანხმობის შემთხვევაში.

გაითვალისწინეთ, თუ თქვენს მოძრავ ნივთებს უსაფუძვლოდ მაინც დაედო ყადაღა, თქვენ შეგიძლიათ მიმართოთ სასამართლოს, შეიტანოთ სარჩელი და მოითხოვოთ ქონების ყადაღისგან გათავისუფლება. ასეთ პირობებში მიზანშეწონილია მოითხოვოთ ქონების რეალიზაციის შეჩერება. სარჩელის დაკმაყოფილების შემთხევაში ნივთებს მოეხსნება ყადაღა.

სარჩელი მოვალისა და კრედიტორის წინააღმდეგ შეიტანება იმ სასამართლოში, რომლის სამოქმედო ტერიტორიაზეც ხდება აღსრულება.

რა უნდა გააკეთოთ იმ შემთხვევაში, თუ თქვენი ყადაღადადებული ქონება უკვე რეალიზებულია? მიმართეთ მოვალეს, რომლის ვალდებულების გამოც მოხდა თქვენი (მესამე პირის) ქონების გასხვისება და მოსთხოვეთ ზიანის ანაზღაურება.

მუდამ გახსოვდეთ, რომ საკუთარი უფლებების დაცვის საუკეთესო საშუალება მხოლოდ და მხოლოდ ინფორმირებულობაა. სამართლებრივი საკითხების ცოდნა კი გარანტიაა იმისა, რომ თავი მუდამ დაცულად იგრძნოთ.

226
თემები:
სასარგებლო რჩევები (500)
წარბები

თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ

64
(განახლებულია 19:14 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს.

თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ-ის დერმატოლოგიის აკადემიის წევრი სეჯალ შაჰი.

მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის გავრცელებული სიმპტომია.

გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.

ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.

როგორც დერმატოლოგი ამბობს, ჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.

64
თემები:
ექიმი გირჩევთ
ახალშობილი დედასთან

ჩვილის სწრაფად დაძინების უებარი მეთოდი: იმიტაციის ეფექტი

165
(განახლებულია 17:28 13.04.2021)
იმისათვის, რომ ჩვილმა სწრაფად და უპრობლემოდ დაიძინოს, არც თავად გაღიზიანდეს და არც მშობლები გადაღალოს, ერთ უებარ მეთოდს გთავაზობთ

ახალგაზრდა მშობლებს ხშირად ძალიან უჭირთ ბავშვის დაწყნარება და დაძინება.

მათ დასახმარებლად პედიატრის რჩევას შემოგთავაზებთ, რომელიც მეტად საჭირო და ეფექტურ გამოცდილებას უზიარებს მშობლებს.

თუმცა მანამდე იმ სავარაუდო მიზეზებს გაგაცნობთ, როს გამოც შესაძლოა არ იძინებდეს ბავშვი.

ესენია:

  • ძილთან დაკავშირებული მკაფიოდ განსაზღვრული რიტუალების არარსებობა;
  • ძილის წინ აქტივობა და ბავშვის ახალი შთაბეჭდილებებით დატვირთვა;
  • ჯანმრთელობის პრობლემები;
  • ყურადღებისა და მზრუნველობის უკმარისობა;
  • ძილისთვის შეუსაბამო ვითარება.

პედიატრის მეთოდი ორი ბოლო პუნქტის სწრაფად განეიტრალება-აღმოფხვრაში დაგეხმარებათ. სცადეთ და დარწმუნდებით.

​ამისათვის აიღეთ პირსახოცი, ზომით 120X60 სმ და დაახვიეთ რულონივით;

შემდეგ დააწვინეთ ბავშვი მარჯვენა მხარეზე და შემოახვიეთ რულონი ისე, რომ პირსახოცი ბავშვის ფეხებშუა გატარდეს და ორივე ბოლო კისრისა და თავქვეშ მოექცეს (როგორც ეს ფოტოზეა ნაჩვენები);

ამის მერე უსვით ხელი ბავშვს ზურგზე, რათა თქვენი შეხება იგრძნოს... და ორიოდე წუთში პატარა ფშვინვას ამოუშვებს.

საქმე ისაა, რომ პირსახოცის „ბუდე“ დედის მკერდში ჩახუტების იმიტაციას ქმნის, სადაც პატარა თავს კომფორტულად და უსაფრთხოდ გრძნობს.

შესაბამისად, გასაკვირი არ არის, რომ ამგვარ „მოწყობილობაში“ ბავშვი სწრაფად იძინებს. 

165
თემები:
ექიმი გირჩევთ
აშშ-ის დროშა

აშშ-ის ახალი ანტირუსული სანქციები სუვერენულ ვალს შეეხება

0
(განახლებულია 09:09 15.04.2021)
შეერთებული შტატები ახალი ანტირუსული სანქციების დაწესების თაობაზე სავარაუდოდ ხუთშაბათს გამოაცხადებს

თბილისი, 15 აპრილი — Sputnik. აშშ–ის ახალი ანტირუსული სანქციები ქვეყნის სუვერენული ვალის წინააღმდეგ იქნება მიმართული, იუწყება გაზეთი New York Times–ი წყაროებზე დაყრდნობით.

მანამდე სააგენტო „ბლუმბერგმა“ გავრცელა ინფორმაცია, რომ ვაშინგტონი შეზღუდვებს დაუწესებს რუსეთის თორმეტამდე მოქალაქესა და ოც ორგანიზაციას. გარდა ამისა, ქვეყნიდან გააძევებს ათ დიპლომატს.

ახალი სანქციები აშშ–ის არჩევნებში მოსკოვის სავარაუდო ჩარევისა და  SolarWinds–ის მეშვეობით განხორციელებული კიბერთავდასხმის გამო წესდება, რაც ასევე მიეწერება რუსი ჰაკერებს.

გამოცემის წყაროს ცნობით, შეზღუდვებს შეერთებული შტატები ხუთშაბათს გამოაცხადებს.

თავის მხრივ გაზეთი Wall Street Journal–ი წერს, რომ აშშ–ის პრეზიდენტი ჯო ბაიდენი გამოსცემს ბრძანებულებას სავაჭრო ოპერაციების აკრძალვების გაფართოების შესახებ ამერიკული ბანკების მიერ რუსეთის სახელმწიფო ობლიგაციებზე მომსახურების კუთხით.

მიმდინარე წლის იანვრის დასაწყისში აშშ-ის კიბერ- და ინფრასტრუქტურული უსაფრთხოების სააგენტომ (CISA), გამოძიების ფედერალურმა ბიურომ და სხვა ამერიკულმა სტრუქტურებმა ერთობლივი განცხადება გაავრცელეს, რომლის თანახმად, კომპიუტერული უსაფრთხოების ფირმა SolarWinds-ის კლიენტებზე ჰაკერული თავდასხმის უკან დიდი ალბათობით რუსეთი იდგა.

ვაშინგტონის ვარაუდით, შეტევის მიზანი, რომელიც სამთავრობო დაწესებულებებზე, მათ შორის, იუსტიციის სამინისტროზე, სახელმწიფო დეპარტამენტზე, უსაფრთხოების ეროვნულ ბიუროსა და ასევე ოთხას მსხვილ კომპანიაზე მიიტანეს, სადაზვერვო მონაცემების მიღება იყო. თუმცა მოგვიანებით გავრცელდა ინფორმაცია, რომ თავდასხმის ორგანიზატორებმა მიზანს ვერ მიაღწიეს.

0
თემები:
საერთაშორისო პანორამა