მამა და შვილი

რა უნდა ასწავლოს მამამ ბიჭს: 7 კონკრეტული რჩევა ფსიქოლოგებისგან

259
(განახლებულია 13:20 11.10.2020)
დედა ყველაზე მნიშვნელოვან როლს თამაშობს შვილის აღზრდაში, მაგრამ არის რამდენიმე რამ, რაც სჯობს მამა გააკეთოს. მით უმეტეს, თუ ვაჟი გეზრდებათ

მაგალითად, როგორც ფსიქოლოგები ირწმუნებიან, სჯობს მამამ აუხსნას ბიჭს, რომ:

მოგებაც უნდა იცოდეს და წაგებაც

ბიჭისთვის სპორტულ შეჯიბრებებში საუკეთესო კომპანიონი და ქომაგი მამაა. ასეთ დროს ბავშვში მამაკაცური ხასიათი ყალიბდება. სწორედ შეჯიბრისას გრძნობს ბიჭი გამარჯვების გემოს და ხვდება, რამდენი რამის გაკეთებაა საჭირო მის მისაღწევად.
აი მამისთვის კი ეს საუკეთესო მომენტია შვილისთვის იმის ასახსნელად, რომ წაგება გარდაუვალია, რომ მარცხის შემთხვევაში უბრალოდ უნდა წამოდგე და მოძრაობა განაგრძო; რომ წაგებაში არაფერია სამარცხვინო!

ქალების მიმართ სათანადო დამოკიდებულებაა საჭირო

პრინციპში, ამის თქმა დედასაც შეუძლია, მაგრამ მამას თქმის გარდა, ქალებთან დამოკიდებულების ჩვენებაც შეუძლია საკუთარ მაგალითზე. ძალიან კარგი იქნება, თუ ბიჭი სწორედ მამისგან მიიღებს მნიშვნელოვან ინფორმაციას ქალებზე და არა ინტერნეტიდან და მეგობრებისგან.
შესანიშნავია, თუ ბიჭთან ერთად წახვალთ დედიკოსთვის ყვავილების საყიდლად, ქუჩაში უცნობ ქალებს თუ მაღაზიაში გამყიდველს თავაზიანად დაელაპარაკებით, ხოლო ტრანსპორტში აუცილებლად დაუთმობთ ადგილს პატარა გოგონებსა და ასაკოვან ქალბატონებს.

სიყვარული კარგი გრძნობაა

კარგია, თუ მამა, როცა ამის დრო მოვა, ამ ყველაფრის წამლეკავ გრძნობაზე მეგობრულად დაელაპარაკება ბიჭს. ხოლო თუ პირველი სიყვარულის ლამაზ ისტორიასაც უამბობთ, საერთოდაც გადასარევი იქნება მამა-შვილს შორის კაცური ურთიერთობის ჩამოსაყალიბებლად.

წინააღმდეგობის გაწევა აუცილებელია

მამას და მხოლოდ მამას შეუძლია სათანადოდ ასწავლოს შვილს, იყოს ძლიერი და უშიშარი, შეეძლოს თავისა და სიმართლის დაცვა. მამამ უნდა განუმარტოს ბიჭს, როდის, რა სიტუაციაში უნდა „დაიღრინოს“, რათა „თავდამსხმელი“ ახლოს არ მიუშვას, და რა ვითარებაში სჯობს პროვოკაციისთვის თავის გარიდება.
მამამ საკუთარ მაგალითზე უნდა ასწავლოს ბიჭს, რომ იყო კეთილი, არ ნიშნავს იყო სუსტი.

უნდა ჰქონდეს საკუთარი მსოფლმხედველობა

საამისოდ არაფერი განსაკუთრებულის გაკეთება არაა საჭირო. უბრალოდ პერიოდულად უნდა ელაპარაკოთ ვაჟს და მიახვედროთ, რომ სამყაროში არსებობს არა მხოლოდ დედა — სამყაროსადმი თავისი მოსაზრებებითა და მოლოდინებით, არამედ სხვა ადამიანიც, რომელსაც დედისგან განსხვავებული შეხედულებები და მიდგომები აქვს. მამამ ბიჭს უნდა გააცნობიერებინოს, რომ არაფერია იმაში ცუდი, თუ მისი და სხვა ადამიანების მოსაზრებები ერთმანეთს არ ემთხვევა, რომ პირიქით, ეს ნორმალურია. ასე დაეხმარებით ბიჭს, ისწავლოს ანალიზი და ჩამოუყალიბდეს საკუთარი მსოფლმხედველობა.

არსებობს კაცური „რაღაცეები“

მაგალითად, კოცონის დანთება, ლურსმნის დაჭედება, ავტომობილის შეკეთება, თუნდაც, მწვადის შეწვა — სრულად მამაკაცური საქმეა და ეს მამისგან უნდა ისწავლოს ბიჭმა. ნუ იფიქრებთ, რომ ქალაქელ ბიჭს ცეცხლის დანთების ცოდნა არაფერში გამოადგება. გამოადგება და მერე როგორ?! აბა, წარმოიდგინეთ, როგორი საცოდავი სანახაი იქნება თქვენი ვაჟი, თუ პიკნიკზე გოგონებთან ერთად წასული, კოცონის გაღვივებას ვერ მოახერხებს.

კაცური საქმის გაცნობიერება

როგორ შეიკრას ჰალსტუხი, როგორ გაიპარსოს წვერი თუ სხვა „ოპერაციები“ ახლა თავისუფლად შეიძლება ინტერნეტიდან ისწავლოს ბიჭმა. მაგრამ გვერწმუნეთ, სჯობს ეს მამამ გააკეთოს.
და კიდევ, არ დაგავიწყდეთ, ბიჭთან ერთად მოამზადოთ რამე კერძი, რომ იცოდეს, თუ ქალი გვერდით არ ეყოლება, შიმშილით თავი არ უნდა მოიკლას.

 

259
თემები:
მშობლები და შვილები (40)
გზაზე მჯდომი მამაკაცი

ყველასგან განსხვავებული და უმარტივესი ხერხი ფილტვების გასაწმენდად

51
(განახლებულია 19:00 01.08.2021)
იცით, რომ სიგარეტის მოწევა მავნებელია, მაგრამ თავს ვერ ერევით და უარს ვერ ამბობთ ამ მავნე ჩვევაზე? მაშინ…

რასაც ახლა გირჩევთ, არც რთულია, არც განსაკუთრებულ ძალისხმევას მოითხოვს, არც უცნობი და არნახულ-არგაგონილი პროდუქტების ძებნასა და არც დიდ დროს. უბრალოდ, ვინც სიგარეტს თავს ვერ ანებებთ, ეცადეთ ყოველდღე მიირთვათ:

•    ჯანჯაფილი (იგივე ჯინჯერი), რომელსაც საქართველოში ძალიან „დაუმეგობრდნენ“ ბოლო წლებში, თუმცა ცოტამ თუ იცის, რომ ჯანჯაფილი ფილტვებს ჭარბი ლორწოსგან წმენდს;

•    ხახვი და ნიორი — ძლიერი ანტისიმსივნური თვისებების მქონე ბოსტნეული, ავთვისებიანი დაავადებების უებარი პროფილაქტიკური საშუალება;

•    კურკუმა —  ანტივირუსული, ანტიბაქტერიული, ანტისიმსივნური თვისებების სუნელ–სანელებელი, იყიდება ყველა ჰიპერმარკეტში.

უკეთესი იქნება, თუ ამ ყველაფერთან ერთად ფილტვებს სპეციალური ელექსირითაც გაიწმენდთ.

დაგჭირდებათ:

  • 400 გრ ხახვი
  • 1 ლ წყალი
  • 400 გრ შაქარი
  • 2 სუფრის კოვზი კურკუმა
  • ჯანჯაფილი — დიდი თითის ტოლი ნატეხი.

მომზადება

შაქრისა და წყლისგან მოადუღეთ სეროფი, დაამატეთ ოთხ–ოთხად დაჭრილი ხახვი და  ჯანჯაფილის მესამედი. დააცადეთ წამოდუღება და როგორც კი ეს მასა დუღილს დაიწყებს, მაშინვე ჩაამატეთ კურკუმა. ამის შემდეგ ცეცხლს მინიმუმამდე დაუწიეთ და მანამდე ადუღეთ, სანამ რაოდენობა არ განახევრდება. მერე გაწურეთ და ქილაში გადაიღეთ. ელექსირი მაცივარში უნდა შეინახოთ.

ყველაზე მძლავრი ანტიბიოტიკი სულ ორი ინგრედიენტისგან>>

მიღების წესი

ელექსირი დღეში ორჯერ უნდა მიიღოთ — თითო ჯერზე ორი სუფრის კოვზის ოდენობით: დილით უზმოზე და საღამოს ბოლო ჭამიდან ორი საათის შემდეგ.

51
თემები:
სასარგებლო რჩევები
ხილ-ბოსტნეული

როგორ ჭამთ და როგორ უნდა ჭამდეთ: სასარგებლო პროდუქტები, რომლებსაც არასწორად მიირთმევთ

509
(განახლებულია 15:19 01.08.2021)
იმისათვის, რომ საკვებიდან მაქსიმალური სარგებელი მიიღოთ, რამდენიმე საიდუმლოს გაგიმხელთ, რომელთა ცოდნაც უბრალოდ აუცილებელია

სანახავად დააწკაპუნეთ ფოტოებზე.

509
თემაზე
ათასწლეულის შეთქმულება: რეკლამირებული პრეპარატები, რომლებიც არაფერს კურნავს
რას გვეუბნება სტიკერები: ხილზე დატანილი უმნიშვნელოვანესი ინფორმაცია
კორონავირუსის პანდემია. ავსტრია

რატომ ჩნდება კორონავირუსის ახალი შტამები მეცნიერების მოსაზრება

0
(განახლებულია 19:52 01.08.2021)
მეცნიერებმა აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების რაოდენობის ზღვარზე.

თბილისი, 1 აგვისტო – Sputnik  ავსტრიის მეცნიერებისა და ტექნოლოგიის ინსტიტუტის მეცნიერებმა განაცხადეს, რომ SARS-CoV-2–ის ახალი ვარიანტები ბევრ ქვეყანაში შეზღუდვების გაუქმების შემდეგ გავრცელდა. იუწყება РИА Новости ჟურნალ Scientific Report–ში გამოქვეყნებულ კვლევაზე დაყრდნობით.

მეცნიერებმა ეპიდემიოლოგიური მოდელი ააგეს და აღმოაჩინეს, რომ მუტაციების გაჩენის რისკები ორ ფაქტორზეა დამოკიდებული: ვაქცინირებული მოსახლეობის წილსა და ინფიცირებულების რაოდენობის ზღვარზე. გამოთვლების შედეგად მკვლევარები მივიდნენ დასკვნამდე, რომ აუცილებელია მოსახლეობის უმრავლესობა – მინიმუმ 60% აიცრას.

მკვლევარები ამტკიცებენ, რომ ადამიანებმა ვაქცინაციის შემდეგაც უნდა ატარონ პირბადე და დაიცვან სოციალური დისტანცია. სპეციალისტების აზრით, თავისუფალი გადაადგილება რისკის შემცველია მსოფლიოში ვაქცინაციის სხვადასხვა ტემპის გამო, ასევე საშიშია ახალი საშიში შტამების გამოჩენის მხრივ პოპულაციაში. ეს რომ არ მოხდეს, ეპიდემიოლოგიური შეზღუდვები საერთაშორისო დონეზე უნდა შეთანხმდეს, მიიჩნევენ მკვლევარები.

0
თემები:
COVID-19-ის პანდემია მსოფლიოში