სისხლის ანალიზი

როგორ ამოვიცნოთ დიაბეტის პირველი ნიშნები: ენდოკრინოლოგი გვირჩევს

271
(განახლებულია 11:05 03.10.2020)
ექიმი-ენდოკრინოლოგის თქმით, იმის დასადგენად, გვემუქრება თუ არა დიაბეტით დაავადების რისკი, ორ კითხვას უნდა გავცეთ პასუხი

თბილისი, 3 ოქტომბერი — Sputnik. პრედიაბეტური მდგომარეობის შენიშვნა საკმაოდ რთულია, ვინაიდან ამ დროს საფრთხეზე არაფერი მიანიშნებს: ჯანმრთელობის მდგომარეობა ნორმალურია, გუნება-განწყობა — საუკეთესო, მადა — მშვენიერი, ამბობს ექიმი-ენდოკრინოლოგი ოლგა ნიკოლსკაია.

მისი თქმით, ადამიანის მთავარი პრობლემა — ეს თავდაპირველი სიმპტომების არარსებობაა. არადა ამ დროს სისხლში შაქრის დონე თანდათანობით იზრდება ჯერ პრედიაბეტურ, შემდეგ კი უფრო მაღალ დონეზე.

ნიკოლსკაია განმარტავს, რომ დიაბეტის ჩამოყალიბების პროცესში თავიდან წვრილი სისხლძარღვები ზიანდება. შედეგად, ჭრილობა იმაზე ძნელად ხორცდება, ვიდრე მანამდე. ამასთან, იწყება კუჭისა და ნერვული სისტემის პრობლემები.

მისი თქმით, იმის გარკვევა, ადამიანი პრედიაბეტურ მდგომარეობაშია თუ უკვე აქვს დიაბეტი, ძნელი არ არის. შაქრის გაზომვა გლუკომეტრით არის შესაძლებელი. თუ უზმოზე სისხლში შაქრის მაჩვენებელი 5,5-5,8 მმოლზე მეტია, დაუყოვნებლივ უნდა მიმართოთ ექიმს.

მაგრამ ირკვევა, რომ დიაბეტის დიაგნოზს ხშირად არა უშუალოდ ენდოკრინოლოგი, არამედ სხვა სპეციალობის ექიმი სვამს.

„შაქრიანი დიაბეტის მეორე ტიპის დიაგნოზს ხშირად არა თერაპევტები და ენდოკრინოლოგები, არამედ სხვა სპეციალობის ექიმები სვამენ. მაგალითად, როდესაც ადამიანი ფეხებში ტკივილის, თითებისა თუ ტერფების დაბუჟების ან წვის შეგრძნების, კუნთების კრუნჩხვითი დაჭიმვის გამო ნევროლოგთან თუ ქირურგთან მიდის მას იქ გამოკვლევა უტარდება და აღმოჩნდება ხოლმე, რომ ეს დიაბეტია“, — ამბობს ოლგა ნიკოლსკაია.

მისი თქმით, შაქრიანი დიაბეტის განვითარების რისკის გასაგებად რამდენიმე კითხვას უნდა უპასუხოთ. პირველი: ხართ თუ არა ჭარბწონიანი? — რაც არის კიდეც დაავადების დაწყების ერთ-ერთი ფაქტორი; მეორეც: ჰქონდათ თუ არა თქვენს ნათესავებს შაქრიანი დიაბეტი? — თუ რომელიმე მშობელს, ბებიას ან ბაბუას ეს დაავადება აწუხებდა, მაშინ აუცილებლად უნდა მიაქციოთ ყურადღება შესაძლო რისკებს.

გავრცელებული რწმენის საწინააღმდეგოდ, დიაბეტის მკურნალობა არ შემოიფარგლება მხოლოდ ინსულინის შეყვანით. ექიმების თქმით, ეს არის უკიდურესი მეთოდი, რომელსაც მხოლოდ მაშინ იყენებენ, როდესაც სხვა წამლები უეფექტოა. უფრო მეტიც, სხვადასხვა სახის დიაბეტის მკურნალობის მეთოდები შეიძლება განსხვავდებოდეს: ეს არის დიეტა და შაქრის შემამცირებელი პრეპარატები, ან სხვა საშუალებები.

შაქრიანი დიაბეტით მსოფლიოს მოსახლეობის 8.3%, ანუ დაახლოებით 425 მილიონი ადამიანია დაავადებული. ამასთან, ექსპერტების თქმით, შემთხვევათა რეალური რაოდენობა გაცილებით მეტია, ბევრმა, უბრალოდ, არ იცის, რომ დიაბეტით ცხოვრობს.

271
თემები:
სასარგებლო რჩევები (328)
Ajos morados

ნიორი - უებარი საშუალება სასუნთქი გზების მწვავე ინფექციების და სხვა დაავადებების დროს

848
(განახლებულია 20:12 27.10.2020)
ვარაუდობენ,  რომ მისი სამშობლო შუა აზიაა, საიდანაც შემდეგ მთელს მსოფლიოში გავრცელდა და ბევრი ქვეყნის სამზარეულოს საყვარელი პროდუქტი გახდა.

ისტორიული წყაროები ამბობენ, რომ შუმერები მკვეთრი სუნის გამო ნარგავების პარაზიტებისაგან დასაცავად იყენებდნენ. ეგვიპტის ფარაონების ბრძანებით კი პირამიდების ყველა მშენებლის რაციონში უნდა ყოფილიყო ფიზიკური ძალისა და ჯანმრთელობის უზრუნველსაყოფად. ბერძნებს ის ფილტვის დაავადების უებარ წამლად და მამაკაცური უშვილობისას პანაცეად მიაჩნდათ, ხოლო ძველი რომაელები თილისმასავით კისერზე დაკიდებულს დაატარებდნენ დაავადებისაგან დასაცავად.

მოკლედ, ნივრის ამბავს „ავერსის“ პედიატრიული სამსახურის უფროსი, ბლოგერი თამარ ობგაიძე მოგიყვებათ.

- მიკროსკოპის არარსებობისა და მიკრობიოლოგიის არცოდნის მიუხედავად, შუა საუკუნეში ჩემი კოლეგები თვლიდნენ, რომ ნიორს გადამდები დაავადებებისაგან თავდაცვა შეეძლო და ჭირის ეპიდემიების დროს ინფექციის პროფილქტიკისათვის იყენებდნენ.

მარტო სამკურნალო თვისებები კი არა და შუა საუკუნეების ევროპელი ჯადოქრების მაგიურ პროდუქტებს შორის ნიორიც იყო - ავი თვალისაგან დამცავი ამულეტები და  ათასგვარი კეთილი ჯადო-მისნობა მის გარეშე არ კეთდებოდა.

ლუი პასტერი პირველი იყო, რომელმაც უკვე მიკროსკოპის ერაში დაადასტურა, რომ იქ, სადაც ნივრის ნაჭერი იდო, ბაქტერიები არ იზრდებოდნენ.

ჰო, კინაღამ დამავიწყდა, ესპანეთის ქალაქი ლას პედრონერასი ოფიციალურად ითვლება ნივრის მსოფლიო ქალაქად.

ესპანეთის ქალაქი ლას პედრონერასი
ესპანეთის ქალაქი ლას პედრონერასი

ეს პატარა ქალაქი ესპანეთის სამხრეთ-დასავლეთით მდებარეობს და სულ რაღაც 7000 ბინადარი ჰყავს. სწორედ აქ მოჰყავთ მსოფლიოში აღიარებული საუკეთესო ხარისხის  იისფერი ნიორი Ajos Morados და ყოველ ზაფხულს ნივრის  საერთაშორისო კონგრესსაც ატარებენ.

​ისტორიაზე ბევრი გიამბეთ, ახლა ვნახოთ, რას შეიცავს ეს ჯადოსნური ბოსტნეული ისეთს, რომ ნივრის ქალაქ ლას პედრონერასში ძეგლიც კი დაუდგეს.

ნივრის შემადგენლობაშია დიდი რაოდენობით კალიუმი, კალციუმი, ფოსფორი, სელენიუმი, მანგანუმი, იოდი, ეთერზეთები. შეიცავს C ვიტამინს და B ვიტამინების სრულ სპექტრს.

მთავარი სამედიცინო ღირსება, რის გამოც ნიორი ოდითგან ითვლებოდა ინფექციებისაგან თავდაცვის საუკეთესო საშულებად, ფიტონციდებია. ეს აქროლადი ნივთიერებების ჯგუფია, რომლებსაც მწერების, პარაზიტების, ვირუსებისა და ბაქტერიების, სოკოების განადგურება შეუძლია.

შემთხვევითი არაა, ძველ ქართულ კარაბადინებში შეგხვდებათ ნივრის შემცველი ჭიის საწინააღმდეგო ხალხური საშუალებების რეცეპტებიც.

ნივრის შემადგენლობაში მეცნიერებმა ნივთიერება ალიინი იპოვეს, რომელიც ნივრის უჯრედების ციტოპლაზმაშია და ნივრის კბილის დაჭრისას, რასაც უჯრედების დაშლა სდევს. თან ალიინი რეაქციაში შედის ფერმენტ ალიცინიაზასთან. შედეგად მიიღება ნივთიერება ალიცინი, რაც ნიორს სპეციფიკურ სუნს ანიჭებს.

ალიცინი არ შეითვისება ორგანიზმის მიერ, ის გამოიყოფა ოფლით, შარდით, სუნთქვის დროს. წარმოადგენს მძლავრ ანტიოქსიდანტს და კიბოს უჯრედების განადგურება შეუძლია. კვლევები ადასტურებს, რომ ადამიანები, რომელებიც ხშრად იყენებენ ნიორს, წლის მანძილზე 3-ჯერ უფრო იშვიათად  ავადობენ სასუნთქი გზების მწვავე ინფექციებით. ნივრის ექსტრაქტი ადგილობრივად გამოყენებისათვის ოდითგან ცნობილია, როგორც თმის ცვენის საწინააღმდეგო საშუალება.

უკანასკნელ წლებში ჩატარებული რამდენიმე კვლევა მის კიდევ ერთ ეფექტს ადასტურებს -აღმოჩნდა, რომ ნიორს არტერიული წნევის რეგულირება, თრომბების წარმოქნის თავიდან აცილება და ლიპიდების დარღვევების მოწესრიგებაც შეუძლია. არც ძველი ბერძნების გამოცდილება  ყოფილა აზრსმოკლებული  -ნიორი ტესტოსტერონის, მამაკაცის ჰორმონის სინთეზზეც მოქმედებს.

ექიმები არ გვირჩევენ ნივრის მიღებას კუჭისა და თორმეტგოჯა ნაწლავის დაავადებების დროს. უკუნაჩვენებია ასევე პანკრეასისა და თირკმლის პათოლოგიების შემთხვევაშიც. გასათვალისწინებელია, რომ ნიორი ალერგიული პროდუქტია, ამიტომ ალერგიისაკენ მიდრეკილების დროს სიფრთხილე გვმართებს.

- როდიდან შეიძლება პატარას ნიორი გავასინჯოთ?

- 9-10 თვიდან მხოლოდ მოხარშული, სადილების შემადგენლობაში, სამი წლიდან კი უმი სახითაც შეგვიძლია შევთავაზოთ.

და ბოლოს, ხალხურ მედიცინას ბევრი რეცეპტი აქვს ვირუსული ინფექციებისაგან თავდაცვისათვის.

აი, ერთი მათგანი:

500 გრამ თაფლს დაუმატეთ ერთი ლიმონის წვენი და ორი თავი ნივრის წვენი. აურიეთ კარგად. სახალხო მკურნალები ამბობენ, რომ დღეში ერთი სუფრის კოვზი ეს ნარევი  ვირუსულ ინფექციებს აგარიდებთ.

როგორი გემო აქვს, არ ვიცი, მაგრამ ცდა შეიძლება.

თქვენი ექიმი ჯანმრთელობას გისურვებთ!

848
თემები:
ჯანმრთელობა და სილამაზე
მამაკაცი ნაბახუსევზე

უცებ მოკეთდებით: ნარკოლოგი ნაბახუსევის ლიკვიდაციის სწრაფ გზებს ასახელებს

130
(განახლებულია 19:58 27.10.2020)
ცნობილი ექიმ-ნარკოლოგი ნაბახუსევის სწრაფი ლიკვიდაციის რამდენიმე მეთოდს ასახელებს, რომელთა შორის ერთ-ერთი სწორად შერჩეული საუზმეა.

თბილისი, 27 ოქტომბერი — Sputnik. ცნობილი ექიმ-ნარკოლოგი ალექსეი კაზანცევი ასახელებს მეთოდს, როგორ აღვიდგინოთ ნაბახუსევზე ორგანიზმი სწრაფად.

მისი თქმით, პირველ რიგში, სასურველია კონტრასტული შხაპის მიღება — ხუთწამიანი ინტერვალით ცხელი და ცივი წყლის მონაცვლეობით გადავლება. ამის შემდეგ საჭიროა ორგანიზმში წყალ-მარილოვანი, ანუ ელექტროლიტური ბალანსის აღდგენა.

„აუცილებელია მინერალური წყლის მიღება იმისთვის, რომ სისხლის pH-მა ალკალიზაციას მიაღწიოს“, — ამბობს ექიმი.

გარდა ამისა, კაზანცევის თქმით, ნაბახუსევზე ასევე მნიშვნელოვანია სწორად შერჩეული საუზმე. ერთ-ერთი ვარიანტი შეიძლება იყოს ნაკლებად დაბრაწული ომლეტი. ხოლო დღის განმავლობაში კალიუმისა და მაგნიუმის შემცველი ვიტამინებისა და პრეპარატების მიღებაა რეკომენდებული.

ალკოჰოლი და სისხლის ჯგუფები: მეცნიერებმა ყველაზე სუსტები და ყველაზე გამძლეები დაადგინეს>>

„შეგიძლიათ მიიღოთ ქარვისა თუ ლიმონის მჟავაზე დამზადებული პრეპარატები — ეს დააჩქარებს დეტოქსიკაციას“, – განმარტა ნარკოლოგმა.

ზოგადი გუნება-განწყობის გასაუმჯობესებლად კი, ექიმის რჩევით, აუცილებელია სუფთა ჰაერზე გასეირნება და ძლიერი ფიზიკური დატვირთვისგან თავის შეკავება.

 

130
თემები:
სასარგებლო რჩევები (328)
კორონავირუსის საწინააღმდეგო პირველი რუსული ვაქცინა „სპუტნიკ V

კორონავირუსის საწინააღმდეგო რუსული ვაქცინა ჯანმოში გადაკვალიფიცირებას გაივლის

14
კორონავირუსის საწინააღმდეგო რუსული ვაქცინა „სპუტნიკ V" ჯანდაცვის მსოფლიო ორგანიზაციაში გადაკვალიფიცირებაზე გადაამისამართეს.

თბილისი, 27 ოქტომბერი — Sputnik. პირდაპირი ინვესტირების რუსულმა ფონდმა განაცხადები კორონავირუსის საწინააღმდეგო ვაქცინა „სპუტნიკ V"-ის რეგისტრაციისა და გადაკვალიფიცირების დაჩქარებული პროცედურისთვის ჯანდაცვის მსოფლიო ორგანიზაციაში შეიტანა, იუწყება РИА Новости.

როგორც ფონდის განცხადებაშია ნათქვამი, რუსეთი ერთ-ერთი პირველი ქვეყანაა მსოფლიოში, რომელმაც ჯანმოს კორონავირუსის საწინააღმდეგო საკუთარი ვაქცინის გადაკვალიფიცირებისთვის მიმართა.

ვაქცინა ეპივაკკორონა
photo : press-service of Russian Federal Service for Surveillance on Consumer Rights Protection and Human Wellbeing (Rospotrebnadzor)

„რუსეთმა პირველმა მსოფლიოში დაარეგისტრირა კორონავირუსის საწინააღმდეგო ვაქცინა „სპუტნიკ V", რომელიც ადამიანის ადენოვირუსული ვექტორების უსაფრთხო, ეფექტურ და კარგად შესწავლილ პლატფორმაზე შეიქმნა... მადლობას ვუხდით ჯანმოს აქტიური თანამშრომლობისთვის და გადაკვალიფიცირების პროცესის ყველა ძირითადი ეტაპის წარმატებული გავლის იმედს ვიტოვებთ“, - განაცხადა ფონდის ხელმძღვანელმა კირილ დმიტრიევმა.

გადაკვალიფიცირების პროგრამა - სამკურნალო საშუალებათა ხარისხის უზრუნველყოფის ერთადერთი გლობალური პროგრამაა. მის კოორდინირებას ახდენს ჯანმო, რომელიც ახორციელებს სამკურნალო პრეპარატების ხარისხის, უსაფრთხოების და ეფექტურობის შეფასებას. თუ სამედიცინო პრეპარატი შეესაბამება ჯანმოს მიერ დადგენილ მოთხოვნებს, ის გადაკვალიფიცირება გავლილ პრეპარატების ჩამონათვალში შეაქვთ.

პანდემიის გათვალისწინებით, რუსული ვაქცინის რეგისტრაციის დაჩქარებული პროცედურა (Emergency Use Listing, EUL) გახდის მას ხელმისაწვდომს მთელი მსოფლიოსთვის გაცილებით უფრო მოკლე ვადებში, ვიდრე ამას ჩვეულებრივი პროცედურები ითვალისწინებს, და ხელს შეუწყობს გლობალურ ძალისხმევას კორონავირუსის ინფექციის პრევენციისათვის, აღნიშნავს სააგენტო.

თუ ვაქცინა წარმატებით გაივლის გადაკვალიფიცირებას, ის შევა სამკურნალო პრეპარატების ჩამონათვალში, რომელსაც საერთაშორისო შემსყიდველი ორგანიზაციები და ქვეყნები სამკურნალო საშუალებების მასობრივი შესყიდვების მართვის პროცესში იყენებენ.

კორონავირუსის საწინააღმდეგო პირველი რუსული ვაქცინა გახდა პრეპარატი სახელწოდებით „სპუტნიკ-V“, რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. სამშაბათს ცნობილი გახდა, რომ რუსეთში დაიწყო კორონავირუსის საწინააღმდეგო ვაქცინა „ეპივაკკორონას“ წარმოება, რომელიც სამეცნიერო ცენტრ „ვექტორში“ შემუშავდა. ასევე გრძელდება მუშაობა ჩუმაკოვის იმუნობიოლოგიური პრეპარატების შექმნისა და კვლევების ცენტრში ცოცხალი ვაქცინის შემუშავებაზე.

14
თემები:
COVID-19-ის პანდემია მსოფლიოში