ტესტირება კოვიდზე

რა კვალს ტოვებს COVID-19 და რა გამოკვლევა უნდა ჩაიტაროს პაციენტმა ვირუსის გადატანის შემდეგ

436
(განახლებულია 19:10 14.09.2020)
COVID-19 ძირითადად სასუნთქი გზების დაავადებად მიიჩნევა, რომელიც მძიმე მიმდინარეობის დროს აზიანებს ფილტვის ქსოვილებს.

კორონავირუსისგან გამოჯანმრთელებული პაციენტები შემდგომ მონიტორინგს საჭიროებენ, ვინაიდან ვირუსი ადამიანის ორგანიზმში გარკვეულ კვალს მაინც ტოვებს. რა კვალს ტოვებს COVID-19 და რა გამოკვლევა უნდა ჩაიტაროს გამოჯანმრთელებულმა პაციენტმა, ამის შესახებ პულმონოლოგი ელენე შეროზია საუბრობს.

- რას იწვევს და რით განსხვავდება COVID-19-ის მიმდინარეობის დროს დაზიანება ჩვეულებრივი ფილტვის ანთების დაზიანებისგან?

- ვიცით, რომ სასუნთქი სისტემა ასრულებს ვენტილაცია-პერფუზიის ფუნქციას – ეს არის ჟანგბადით მდიდარი ჰაერის მიღება, გატარება სასუნთქი გზებით და გაზთა ცვლა მის დისტალურ ნაწილში, ანუ ალვეოლებში სისხლს და ალვეოლებს შორის. COVID-19-ის დროს ძირითადად ზიანდება სისხლძარღვების ენდოთელინი, ანუ შიდა გარსი, რომელიც იწვევს ამ გაზთა ცვლის დარღვევას. ანუ გაზთა ცვლას და ვენტილაციას შორის ხდება შეუსაბამობა, რაც იწვევს ფილტვის ნაწილის გამოთიშვას ვენტილაციიდან. ეს ვლინდება რადიოლოგიურად, განსაკუთრებით, კომპიუტერულ ტომოგრაფიაზე ე.წ. დაბურული მინის სურათის სახით, რომელიც შემდგომ თავის განვითარებას ჰპოვებს იმ პაციენტებში, სადაც, ვთქვათ, ბაქტერიული ინფექციების მეტი რისკია და იმ პაციენტებშიც, ვისაც სხვადასხვა ქრონიკული დაავადება აქვს. ეს არის მულტიფაქტორული რამ, ანუ რომელ პაციენტში როგორი მიმდინარეობით განვითარდება COVID-19. საბედნიეროდ, ჩვენ ვიცით, რომ ეს დაავადება დაავადებული პაციენტების 80%-ში პრაქტიკულად არის მსუბუქი მიმდინარეობის და სრულ გამოჯანმრთელებას ექვემდებარება. თუმცა არის 20%, სადაც არის შედარებით მძიმე და ძალიან მძიმე მიმდინარეობა. ამ დროს პაციენტები საჭიროებენ ფილტვის ხელოვნურ ვენტილაციას.

- რა ვითარდება პოსტ-კოვიდური მდგომარეობის დროს? რომელ პაციენტს შეიძლება განუვითარდეს ნარჩენი ცვლილებები?

- ამჟამად მიმდინარეობს ევროპის რესპირაციული საზოგადოების ვირტუალური კონგრესი, სადაც 7 სექტემბრის მონაცემით გამოქვეყნდა ძალიან საინტერესო კვლევა, სადაც დაიდო ვენის ყველაზე ცხელი წერტილიდან მიღებული პაციენტების მონაცემები. დაკვირვება მოხდა აპრილიდან ივნისის თვის ჩათვლით. გამოიკვლიეს ის პაციენტები, ვისაც ჰქონდა სტრუქტურული ცვლილელები, ანუ დაბურული მინის სურათი და შემდეგ უფრო რთული პაციენტები, რომლებიც იმყოფებოდნენ ფილტვის ხელოვნურ ვენტილაციაზე. აღმოჩნდა, რომ გამოჯანმრთელების შემდეგ, მას შემდეგ, რაც ვირუსი მთლიანად გაქრა, პაციენტებს დროთა განმავლობაში დაეწყოთ ფუნქციური ცვლილებები.

- რა იგულისხმება ფუნქციურ ცვლილებებში?

- ეს არის ხველა, ქოშინის მომატება, განსაკუთრებით, ფიზიკური აქტივობის დროს. შეფასდა მათი ფუნქციური პარამეტრები, რაც გულისხმობს გარეგანი სუნთქვის შეფასებას. თუმცა მხოლოდ გარეგანი სუნთქვის შეფასება, რომელიც ჩვენ ყველამ ვიცით, რომ ბიომეტრიით ისაზღვრება, არ გვაძლევს აქ მნიშვნელოვან ინფორმაციას – რამდენად ხდება დიფუზიის დარღვევა. ხდება უნარის დარღვევა, რომ მოხდეს გაზთა ცვლა. ამ უნარს აფასებს კვლევა, რომელსაც ჰქვია ფილტვის დიფუზიის განსაზღვრა კარბომონოქსიდთან. საბედნიეროდ, ამის საშუალება საქართველოშიც არის. ამ მონაცემებით დადგინდა ის, რომ პაციენტებს გამოჯანმრთელებისთანავე აქვთ დაქვეითება ამ მაჩვენებლის. პაციენტებს, რომლებსაც ჰქონდათ ამ მაჩვენებლის დაქვეითება, მიეცათ გულ-მკერდის კომპიუტერული ტომოგრაფიის გადაღების რეკომენდაცია და ნახეს, რომ გარდა დაბურული მინის სურათისა, არის რეტიკული ცვლილებები, რაც ნიშნავს ფიბროზის ფაზას. თუმცა რეტიკული ცვლილებების არსებობა არ ნიშნავს მხოლოდ შეუქცევად ფიბროზს. შეიძლება განვითარდეს ფიბროზი, მოხდეს შეუქცევადი პროცესი, მაგრამ იმ შემთხვევაში, როცა ეს არის დაკავშირებული მართვით სუნთქვასთან. შესაძლოა ეს პროცესი დამთავრდეს, ანუ არ მოხდეს ფიბროზის პროგრესირება. მაგრამ რიგ პაციენტებში ხდება ფიბროზის პროგრესირება და მივყავართ მაფიბროზებელი პროცესისკენ. ეს ნიშნავს ფიბროზის პროცესის უკონტროლო მიმდინარეობას.

უფრო მარტივად რომ განგიმარტოთ, მაგალითად, როდესაც ჩვენ ვლაპარაკობთ გულის კუნთზე, ვიცით, რომ იქ არის გულის კუნთის უჯრედები. მას შემდეგ, რაც გულის კუნთში პატარა დაზიანების კერა გაჩნდება, ის უჯრედები თავისთავად არ აღიდგენს ქსოვილს, გულის კუნთში უჩვეულო ქსოვილი გაჩნდება. როდესაც ღვიძლზე ვლაპარაკობთ, ჩვენ გვაქვს ჰეპატოციტები – ღვიძლის უჯრედები. თუ იქ გაჩნდა სხვა, მაგალითად, შემაერთებელი ქსოვილი, ეს პრობლემაა და ასეთ შემთხვევაში ვლაპარაკობთ, რომ შეიძლება ღვიძლმა თავის საქმე კარგად ვეღარ გააკეთოს. იგივე ხდება ფილტვებშიც. მაგრამ არსებობს დაავადებები, სადაც ეს პროცესი უნდა არსებობდეს, რაც არის ბუნებრივი მდგომარეობა, მაგრამ არ მიდის ასე კონტროლირებულად ორგანიზმის მიერ და ყალიბდება უკონტროლო ფიბრობლასტების გამრავლება და უხეში ქსოვილის ჩამოყალიბება, რომელიც პროგრესირებს. თუმცა, საბედნიეროდ, აღმოჩნდა, რომ პოსტ-COVID ფილტვის დროს იქ, სადაც ფიბროზისკენ მიმავალი ცვლილებები ხდებოდა, დროთა განმავლობაში მოხდა უკუგანვითარება. ამიტომ ჩვენ ვაკვირდებოდით პაციენტებს და ვიყავით მოლოდინის რეჟიმში. აღმოჩნდა, რომ შემდგომი შეფასების დროს გაუმჯობესდა ფუნქცია და ამ ცვლილებების უკუგანვითარებაც მოხდა.

 

436
თემები:
ჯანმრთელობა და სილამაზე (53)
ქართული პური, თხილეული და ყვავილები

მეხსიერების გასაუმჯობესებლად საჭირო პროდუქტი: ვიტამინები ტვინისათვის

64
(განახლებულია 14:20 28.09.2020)
ხშირად გვესმის, რომ ასაკის მატებასთან ერთად, მეხსიერების მდგომარეობა უარესდება. არსებობს რამდენიმე რეკომენდაცია, რომელთა გათვალისწინების შედეგად, ტვინის, განსაკუთრებით კი მეხსიერების ფუნქციონირება უმჯობესდება.

ფიზიკური ვარჯიში, საკმარისი დროით ძილი, ჯანსაღი კვება - ამ ყველაფრის გათვალისწინებით ადამიანი ხანგრძლივად ინარჩუნებს ტვინის ნორმალურ ფუნქციონირებას. შემოგთავაზებთ რამდენიმე პროდუქტს, რომელიც  ტვინის ფუნქციონირებას აუმჯობესებს.

ნიგვზის ლებნები უღლით
ნიგვზის ლებნები უღლით

ნიგოზი

მისი საშუალებით, უამრავ დაავადებას მკურნალობენ. კაკლის შემადგენლობაში შედის ფლავინოიდები, გლიკოზიდები, C ვიტამინი, კაროტინი, ეთერზეთები, ორგანული მჟავები და სხვა. კაკლის გული მდიდარია E ვიტამინით, მაგნიუმით და კალიუმით. ასევე, მასში შედის რკინა, სპილენძი, კობალტი, თუთია და ვიტამინი B6.

ნიგოზი ტვინის გამართულ მუშაობას უწყობს ხელს. მასში შემავალი ომეგა-3 და ცხიმოვანი მჟავები, ტვინის უჯრედების ფორმირებაში არიან ჩართულნი. დღეში 1-2 ნიგოზიც კი საკმარისია, თქვენი ჯანმრთელობისთვის და ტვინის ნორმალური ფუნქციონირებისთვის.

ნუში
© CC0 / Pixabay
ნუში

ნუში

დაუყონებლივ უნდა შეიყვანოთ ნუში თქვენს რაციონში, ვინაიდან მისი მიღება დადებითად იმოქმედებს თქვენს მეხსიერებაზე, გონებრივ შესაძლებლობებზე. ნუში აუმჯობესებს ტვინის მუშაობას, შეიცავს ისეთ ვიტამინებს, რომლებიც მხოლოდ და მხოლოდ ხორცის შემცველობაში შედიან.

ის მდიდარია მცენარეული ცხიმებით, E ვიტამინით, რომელთა გარეშეც ადამიანის ორგანიზმი უენერგიო და ძალიან გამოფიტული იქნება. ასევე, ნუში მდიდარია პროტეინებით, სპილენძით და B2 ვიტამინით. ამ კონცენტრაციის წყალობით ნუშს ენერგიის წყაროს უწოდებენ.

არაქისი
არაქისი

მიწის თხილი

მიწის თხილის 40-60% მცენარეული ცხიმია, 20-37% - ცილა. ის შეიცავს უნიკალურ ამინომჟავებს, ვიტამინებს – A, D, E, В1, В2, РР, Е, ბიოტინს, ფოლიუმის მჟავას, მცენარეულ ზეთებსა და სხვა მიკროელემენტებს.

არაქისს ტვინის საკვებს უწოდებენ, რადგან მასში შედის ვიტამინი B3, რომელიც ტვინს მუშაობაში ეხმარება და ასევე კარგია მეხსიერების გაუმჯობესებისთვის.

ამ ყველაფრის მიუხედავად უნდა გავითვალისწინოთ, რომ მიწის თხილი ერთ-ერთი ყველაზე ძლიერი ალერგენია. გარდა ამისა, დარწმუნებული უნდა ვიყოთ, რომ ის ნამდვილად ხარისხიანია და სწორედ ამის მერე დავიწყოთ მისი მიღება.

შემწვარი თევზის კერძი
© CC0 / Pixabay
შემწვარი თევზის კერძი

თევზი

იმისთვის, რომ მეხსიერება კარგ ფორმაში იყოს ხშირად  მიირთვით თევზი, რომელიც დიდი ოდენობით შეიცავს ომეგა-3-ს. ის ხელს უწყობს ტვინის უჯრედებს შორის სიგნალების მიწოდებას.

თევზი შეიცავს დიდი რაოდენობით ვიტამინებს და მინერალებს. შეეცადეთ მიიღოთ ორი ულუფა თევზი კვირის განმავლობაში, რომლიდანაც ერთი ულუფა იქნება ცხიმიანი თევზი.

ლურჯი მოცვი
© CC BY-SA 2.5 / Wikipedia / Vaccinium uliginosum
ლურჯი მოცვი

კენკრა

ყველა კენკრა შეიცავს ანთიოცინებს, რომელიც ტვინის ფუნქციონირებისთვის აუცილებელია. თუ თქვენ კვირის განმავლობაში საშუალოდ მიიღებთ ერთ ან მეტ ულუფა კენკრას, შემეცნებითი დაბერების პროცესი 2, 5 ჯერ უფრო ნელა წარიმართება.

ჯანმრთელობას გისურვებთ!

 

64
თემები:
ჯანმრთელობა და სილამაზე (53)
გაზირებული სასმელი

ნამდვილად არის თუ არა გაზიანი სასმელი მავნე ორგანიზმისთვის: რა არის მითი და რა რეალობა

365
(განახლებულია 21:27 24.09.2020)
იშვიათად შეხვდებით ბავშვს, ხშირად ზრდასრულ ადამიანსაც, რომელსაც ლიმონათი, კოკა-კოლა, ფანტა ან სხვა გაზიანი სასმელები არ უყვარს.

ბევრი ადამიანი გეტყვით, რომ გაზიანი სასმელი ვნებს, თუმცა მიზეზი, თუ რატომ არის ის მავნე, არ იცის, ან მცდარი ინფორმაცია აქვს ამის შესახებ. ალბათ ხშირად გაგიგით „გაზგასული ბორჯომი“, „გაზგასული ლიმონათი“, მითია თუ რელობა ეს ტერმინი და რეალურად რაში მდგომარეობს გაზიანი სასმელის მავნებლობა, ამის შესახებ ინფექციონისტი მაია ბუჭაშვილი საუბრობს.

- ზოგიერთი სამედიცინო მითის გამო ადამიანები არასაჭირო ქმედებებს სჩადიან. ამის ერთ-ერთი მაგალითია გაზიანი სასმელებიდან გაზის მოცილების პროცედურა, რადგან საკმაოდ ფართოდ გავრცელებული სამედიცინო მითია, რომ გაზიანი სასმელი მავნეა ორგანიზმისთვის.

განსაკუთრებით ხშირად ამბობენ ამას ჰეპატიტის და საჭმლის მომნელებელი სისტემის სხვა დაავადებების მქონე პაციენტები და სვამენ გაზგასულ სასმელს. „გაზგასული ბორჯომი“, როგორც დიეტის ნაწილი, საბჭოთა მედიცინის ერთ-ერთი მემკვიდრეობაა.

საქმე ისაა, რომ გაზიანი სასმელის მავნებლობა არა თვითონ იმ ბუშტუკებშია, რომელიც მხოლოდ ნახშირორჟანგია, არამედ სასმელის შემადგენლობაში. რეალურად, როდესაც ექიმები გაზიანი სასმელებისგან თავის შეკავებას ურჩევენ, გულისხმობენ ამ სასმელში შაქრის და ქიმიური დანამატების მავნე ზემოქმედებას და არა ბუშტუკებს, რომელთა მავნებლობა არაფრით არ არის გამოხატული.

შეიძლება გაზის ბუშტუკები მექანიკურად გაბერვის შეგრძნებას იწვევდეს, მაგრამ ამას ჯანმრთელობისთვის რაიმე საზიანო შედეგები ფაქტიურად არა აქვს.

არსებობს მოსაზრებები, მაგალითად, გაზიანი სასმელების კბილების მინანქარზე მავნე ზემოქმედების შესახებ, თუმცა ესეც მხოლოდ შაქრის შემცველობით აიხსნება და არა გაზის.

ხშირად ადამიანები სვამენ არა გაზიან, არამედ შაქრის შემცველ სხვა სითხეებს, რადგან ჰგონიათ, რომ თუ სასმელი გაზიანი არ არის, შესაბამისად, არ არის მავნე. ცხადია, ამას არავითარი მნიშვნელობა არა აქვს და ის შაქარი და ქიმიური დანამატები, რომლებიც შეიძლება იყოს არაგაზიან სასმელებშიც, ისევე არ არის სასურველი ჯანმრთელობისთვის, როგორც გაზიანი სასმელები.

365
თემები:
ჯანმრთელობა და სილამაზე (53)

პროტესტი და კორონავირუსი: დაწესებული აკრძალვების წინააღმდეგ აქციის დაშლა ლონდონში - ფოტო

0
  • ლონდონში კიდევ ერთი მიტინგი გაიმართა კორონავირუსის პანდემიის გამო დაწესებული აკრძალვებისა და შეზღუდვების წინააღმდეგ
  • ჩვენ არ ვეთანხმებით! - მომიტინგეები ამ ლოზუნგით გამოვიდნენ ქუჩებში. იყვნენ სხვებიც, რომლებიც ხელისუფლებას ტირანიაში ადანაშაულებდნენ
  • აქციის მონაწილეები ეწინააღმდეგებოდნენ აკრძალვებს და საყოველთაო ვაქცინაციას
  • აქციის მონაწილეები ასევე ეწინააღმდეგებოდნენ ნიღბების სავალდებულო ტარებას და კორონავირუსის ტესტების ჩაბარებას
  • ამასთან, სავარაუდოდ, ხელისუფლება არ ასრულებს მომიტინგეების მოთხოვნებს - მსგავსი წესები და შეზღუდვები მოქმედებს თითქმის მთელ მსოფლიოში
  • ბრიტანეთის პრემიერ-მინისტრმა ბორის ჯონსონმა გაეროს ტრიბუნიდან მოუწოდა ყველა ქვეყანას კორონავირუსის წინააღმდეგ ბრძოლისკენ
  • მიუხედავად იმისა, რომ ლონდონელები პროტესტს გამოხატავენ, ბორის ჯონსონმა განაცხადა, რომ დიდი ბრიტანეთი 71 მილიონ ფუნტს ჩადებს COVAX– ის გლობალურ ინიციატივაში, რათა თავად შეიძინოს კორონავირუსის 27 მილიონამდე დოზა
  • ამასობაში, ლონდონში მომიტინგეები გამოდიან ქუჩაში ლოზუნგებით - ნიღაბი ალიკაპია!, ვაქცინაცია სავალდებულო არ არის!, კორონავირუსი ფალსიფიკაციაა!
  • მომიტინგეები COVID-19–ის გავრცელების აღსაკვეთად შემზღუდველ ზომებს მიიჩნევენ მოქალაქეთა უფლებებისა და თავისუფლების დარღვევად
  • ლონდონის საპროტესტო აქციის კადრებში ჩანს, რომ მომიტინგეები, პრაქტიკულად, არ იყენებენ ნიღბებს. სხვათა შორის, ეს ამგვარი აქციების დაშლის ერთ-ერთი მიზეზია. ხელისუფლებაში აცხადებენ, რომ დემონსტრანტები სხვებისთვის საშიშროებას წარმოადგენენ
  • საპროტესტო დემონსტრაციები დიდ ბრიტანეთში და ევროპის სხვა ქვეყნებში ზაფხულში დაიწყო და ახლაც რეგულარულად მიმდინარეობს
  • ადამიანები არ წყვეტენ ამჟამინდელი შეზღუდვების გამო უკმაყოფილების გამოთქმას. ისინი COVID-19-ში რეალურ საფრთხეს ვერ ხედავენ
  • ამასთან, შეზღუდვები დარჩება მანამ, სანამ ვაქცინა ფართოდ გახდება ხელმისაწვდომი. ზამთარში კი - აკრძალვები შეიძლება კიდევ უფრო გამკაცრდეს, რადგან ექსპერტები შიშობენ, რომ სიტუაცია შეიძლება გართულდეს სეზონური რესპირატორული დაავადებების გავრცელების გამო
  • აქციის მონაწილეების თქმით, ისინი პროტესტს არ შეწყვეტენ. მიუხედავად დიდი ჯარიმებისა, ყველაზე აქტიური მომიტინგეები მაინც განაგრძობენ პროტესტის გამოხატვას
  • მსგავსი აქციების დასაშლელად ხელისუფლებამ პოლიციის მნიშვნელოვანი ძალები გამოიყენა. საპროტესტო აქციის ორგანიზატორები 10,000 ფუნტით დააჯარიმეს
მრავალი ქვეყნის მოსახლეობა დღეს კორონავირუსის პანდემიის გამო შეზღუდვებსა და აკრძალვებს აპროტესტებს. ამასობაში, მსოფლიოში COVID-19–ით ინფიცირებული ადამიანების რიცხვი იზრდება. იხილეთ Sputnik-საქართველოს ფოტოლენტაში, რა ხდებოდა დიდი ბრიტანეთის დედაქალაქ ლონდონში

COVID-19-ის გავრცელების საფრთხე კვლავ აქტუალურია. ამ მხრივ, მსოფლიოს უმეტეს ქვეყნებში მკაცრი აკრძალვები და შეზღუდვებია. ეს კი, უკვე აღშფოთებას იწვევს ხალხში, რომლებიც ქუჩაში გამოდიან და დადგენილი წესების გაუქმებას ითხოვენ.

ახალი კორონავირუსით დაავადებულთა რიცხვი მსოფლიოს 188 ქვეყანაში მალე 33 მილიონს მიაღწევს. ხოლო დაღუპულთა რიცხვი მილიონს უახლოვდება. ჯერჯერობით იმედი არ არსებობს, რომ ამის შემდეგ სამწუხარო სტატისტიკის ტემპი შენელდება.

ვაქცინების წარმოება იწყება სხვადასხვა ქვეყნებში, მაგრამ ჯერჯერობით არცერთი მათგანი არ არის ფართოდ ხელმისაწვდომი. სანამ ეს მოხდება, კორონავირუსის შედეგად დაღუპულთა რიცხვმა შესაძლოა ორ მილიონს მიაღწიოს, განაცხადა ჯანდაცვის მსოფლიო ორგანიზაციის საგანგებო სიტუაციების პროგრამის დირექტორმა მაიკლ რაიანმა.

0
  • ლონდონში კიდევ ერთი მიტინგი გაიმართა კორონავირუსის პანდემიის გამო დაწესებული აკრძალვებისა და შეზღუდვების წინააღმდეგ
    © photo: AFP 2020 / JUSTIN TALLIS

    ლონდონში კიდევ ერთი მიტინგი გაიმართა კორონავირუსის პანდემიის გამო დაწესებული აკრძალვებისა და შეზღუდვების წინააღმდეგ

  • ჩვენ არ ვეთანხმებით! - მომიტინგეები ამ ლოზუნგით გამოვიდნენ ქუჩებში. იყვნენ სხვებიც, რომლებიც ხელისუფლებას ტირანიაში ადანაშაულებდნენ
    © photo: AFP 2020 / JUSTIN TALLIS

    "ჩვენ არ ვეთანხმებით!" - მომიტინგეები ამ ლოზუნგით გამოვიდნენ ქუჩებში. იყვნენ სხვებიც, რომლებიც ხელისუფლებას ტირანიაში ადანაშაულებდნენ

  • აქციის მონაწილეები ეწინააღმდეგებოდნენ აკრძალვებს და საყოველთაო ვაქცინაციას
    © photo: AFP 2020 / JUSTIN TALLIS

    აქციის მონაწილეები ეწინააღმდეგებოდნენ აკრძალვებს და საყოველთაო ვაქცინაციას

  • აქციის მონაწილეები ასევე ეწინააღმდეგებოდნენ ნიღბების სავალდებულო ტარებას და კორონავირუსის ტესტების ჩაბარებას
    © photo: AFP 2020 / JUSTIN TALLIS

    აქციის მონაწილეები ასევე ეწინააღმდეგებოდნენ ნიღბების სავალდებულო ტარებას და კორონავირუსის ტესტების ჩაბარებას

  • ამასთან, სავარაუდოდ, ხელისუფლება არ ასრულებს მომიტინგეების მოთხოვნებს - მსგავსი წესები და შეზღუდვები მოქმედებს თითქმის მთელ მსოფლიოში
    © photo: AFP 2020 / JUSTIN TALLIS

    ამასთან, სავარაუდოდ, ხელისუფლება არ ასრულებს მომიტინგეების მოთხოვნებს - მსგავსი წესები და შეზღუდვები მოქმედებს თითქმის მთელ მსოფლიოში

  • ბრიტანეთის პრემიერ-მინისტრმა ბორის ჯონსონმა გაეროს ტრიბუნიდან მოუწოდა ყველა ქვეყანას კორონავირუსის წინააღმდეგ ბრძოლისკენ
    © photo: AFP 2020 / JUSTIN TALLIS

    ბრიტანეთის პრემიერ-მინისტრმა ბორის ჯონსონმა გაეროს ტრიბუნიდან მოუწოდა ყველა ქვეყანას კორონავირუსის წინააღმდეგ ბრძოლისკენ

  • მიუხედავად იმისა, რომ ლონდონელები პროტესტს გამოხატავენ, ბორის ჯონსონმა განაცხადა, რომ დიდი ბრიტანეთი 71 მილიონ ფუნტს ჩადებს COVAX– ის გლობალურ ინიციატივაში, რათა თავად შეიძინოს კორონავირუსის 27 მილიონამდე დოზა
    © photo: AFP 2020 / JUSTIN TALLIS

    მიუხედავად იმისა, რომ ლონდონელები პროტესტს გამოხატავენ, ბორის ჯონსონმა განაცხადა, რომ დიდი ბრიტანეთი 71 მილიონ ფუნტს ჩადებს COVAX– ის გლობალურ ინიციატივაში, რათა თავად შეიძინოს კორონავირუსის 27 მილიონამდე დოზა

  • ამასობაში, ლონდონში მომიტინგეები გამოდიან ქუჩაში ლოზუნგებით - ნიღაბი ალიკაპია!, ვაქცინაცია სავალდებულო არ არის!, კორონავირუსი ფალსიფიკაციაა!
    © photo: AFP 2020 / JUSTIN TALLIS

    ამასობაში, ლონდონში მომიტინგეები გამოდიან ქუჩაში ლოზუნგებით - "ნიღაბი ალიკაპია!", "ვაქცინაცია სავალდებულო არ არის!", "კორონავირუსი ფალსიფიკაციაა!"

  • მომიტინგეები COVID-19–ის გავრცელების აღსაკვეთად შემზღუდველ ზომებს მიიჩნევენ მოქალაქეთა უფლებებისა და თავისუფლების დარღვევად
    © photo: AFP 2020 / JUSTIN TALLIS

    მომიტინგეები COVID-19–ის გავრცელების აღსაკვეთად შემზღუდველ ზომებს მიიჩნევენ მოქალაქეთა უფლებებისა და თავისუფლების დარღვევად

  • ლონდონის საპროტესტო აქციის კადრებში ჩანს, რომ მომიტინგეები, პრაქტიკულად, არ იყენებენ ნიღბებს. სხვათა შორის, ეს ამგვარი აქციების დაშლის ერთ-ერთი მიზეზია. ხელისუფლებაში აცხადებენ, რომ დემონსტრანტები სხვებისთვის საშიშროებას წარმოადგენენ
    © photo: AFP 2020 / JUSTIN TALLIS

    ლონდონის საპროტესტო აქციის კადრებში ჩანს, რომ მომიტინგეები, პრაქტიკულად, არ იყენებენ ნიღბებს. სხვათა შორის, ეს ამგვარი აქციების დაშლის ერთ-ერთი მიზეზია. ხელისუფლებაში აცხადებენ, რომ დემონსტრანტები სხვებისთვის საშიშროებას წარმოადგენენ

  • საპროტესტო დემონსტრაციები დიდ ბრიტანეთში და ევროპის სხვა ქვეყნებში ზაფხულში დაიწყო და ახლაც რეგულარულად მიმდინარეობს
    © photo: AFP 2020 / JUSTIN TALLIS

    საპროტესტო დემონსტრაციები დიდ ბრიტანეთში და ევროპის სხვა ქვეყნებში ზაფხულში დაიწყო და ახლაც რეგულარულად მიმდინარეობს

  • ადამიანები არ წყვეტენ ამჟამინდელი შეზღუდვების გამო უკმაყოფილების გამოთქმას. ისინი COVID-19-ში რეალურ საფრთხეს ვერ ხედავენ
    © photo: AFP 2020 / JUSTIN TALLIS

    ადამიანები არ წყვეტენ ამჟამინდელი შეზღუდვების გამო უკმაყოფილების გამოთქმას. ისინი COVID-19-ში რეალურ საფრთხეს ვერ ხედავენ

  • ამასთან, შეზღუდვები დარჩება მანამ, სანამ ვაქცინა ფართოდ გახდება ხელმისაწვდომი. ზამთარში კი - აკრძალვები შეიძლება კიდევ უფრო გამკაცრდეს, რადგან ექსპერტები შიშობენ, რომ სიტუაცია შეიძლება გართულდეს სეზონური რესპირატორული დაავადებების გავრცელების გამო
    © photo: AFP 2020 / JUSTIN TALLIS

    ამასთან, შეზღუდვები დარჩება მანამ, სანამ ვაქცინა ფართოდ გახდება ხელმისაწვდომი. ზამთარში კი - აკრძალვები შეიძლება კიდევ უფრო გამკაცრდეს, რადგან ექსპერტები შიშობენ, რომ სიტუაცია შეიძლება გართულდეს სეზონური რესპირატორული დაავადებების გავრცელების გამო

  • აქციის მონაწილეების თქმით, ისინი პროტესტს არ შეწყვეტენ. მიუხედავად დიდი ჯარიმებისა, ყველაზე აქტიური მომიტინგეები მაინც განაგრძობენ პროტესტის გამოხატვას
    © photo: AFP 2020 / JUSTIN TALLIS

    აქციის მონაწილეების თქმით, ისინი პროტესტს არ შეწყვეტენ. მიუხედავად დიდი ჯარიმებისა, ყველაზე აქტიური მომიტინგეები მაინც განაგრძობენ პროტესტის გამოხატვას

  • მსგავსი აქციების დასაშლელად ხელისუფლებამ პოლიციის მნიშვნელოვანი ძალები გამოიყენა. საპროტესტო აქციის ორგანიზატორები 10,000 ფუნტით დააჯარიმეს
    © photo: AFP 2020 / JUSTIN TALLIS

    მსგავსი აქციების დასაშლელად ხელისუფლებამ პოლიციის მნიშვნელოვანი ძალები გამოიყენა. საპროტესტო აქციის ორგანიზატორები 10,000 ფუნტით დააჯარიმეს