საზამთროს წვენი

ექვსი ხილი, რომელიც დაგეხმარებათ, რომ თქვენი კანი იდეალურად გამოიყურებოდეს

485
(განახლებულია 15:59 11.09.2020)
ბუნებაში არსებობს საკვების სახეობები, რომლებიც გამორჩეულად ეხმარება კანს ახალგაზრდობისა და სასიამოვნო იერსახის შენარჩუნებაში.

შემოგთავაზებეთ ხილის იმ სახეობებს, რომელთა კვების რაციონში დამატებით შესამჩნევად გაიუმჯობესებთ კანის მდგომარეობას.

მანგოს ნაჭერი  ხელისგულზე
© CC0 / Pixabay
მანგოს ნაჭერი ხელისგულზე

მანგო

მანგო შეიცავს A, C, E და K ვიტამინებს, ასევე ბეტა კაროტინს, ფლავონოიდებს, პოლიფენოლებსა და ქსანთოფილს, რაც დადებითად აისახება კანის მდგომარეობაზე. გააჩნია ანთების საწინააღმდეგო თვისებები და იცავს კანს დნმ-ის დაზიანებისგან. აქვს სამკურნალო თვისებები.

მოამზადეთ შეიქი: ბლენდერში ათქვიფეთ მანგო იოგურტთან ერთად და მიირთვით საუზმეზე.

ანანასი
© CC0 / Pixaby
ანანასი

ანანასი

ანანასი ზოგიერთ კულტურაში გამოიყენება როგორც სამკურნალო მცენარე. მისი ნაყოფი შეიცავს ბრომელს, რაც ებრძვის კანის ანთებას და შეშუპებას. სეზონურად ანანასის ხშირად მიღება დაეხმარება თქვენს კანს გახდეს ხავერდოვანი და ნაზი. ანანასი არ მიიღოთ საკვების შემდეგ, მიირთვით კვებიდან ერთი საათის შემდეგ ცალკე კვებად.

მარწყვი
მარწყვი

მარწყვი

სეზონზე ყოველდღიურად მწიფე მარყწვს თუ მიირთმევთ, თქვენი სახის კანი ნამდვილად მადლიერი დაგრჩებათ, რადგან მასში შემავალი მჟავა აქტიურად ებრძვის კანის დაზიანებას და ნაოჭებს.

ხილის ასორტი
© CC0 / Pixabay
ხილის ასორტი

საზამთრო

ბევრისთვის საყვარელი ხილი - საზამთრო ნამდვილი მისწრებაა თქვენი კანისთვის, მით უმეტეს, თუ თქვენი კანი აკნესკენაა მიდრეკილი. საზამთროს 90% წყლისგან შედგება, რაც იდეალურია თქვენი კანის მავნე ტოქსინებისგან გასათავისუფლებლად, ასევე დასატენიანებლად. შეიცავს A, B1, B6 და C ვიტამინებს, უხვი რაოდენობით ლიკოპენს, ფლავონოლს და კაროტინოიდს. ახლა სეზონი ხელს გვიწყობს, ამიტომ ყოველდღიურად დალიეთ საზამთროს წვენი. ასევე მიირთვით საზამთრო მთელი დღის მანძილზე.

ფორთოხალი
© CC0 / Pixabay
ფორთოხალი

ფორთოხალი

ფორთოხლის სეზონი ახლოვდება, ამიტომ აქტიურად გამოიყენეთ ის თქვენი კანის სასარგებლოდ. ციტრუსებში შემავალი ვიტამინი C ნამდვილი მისწრებაა სახის კანისთვის. ფორთოხალი შეიცავს ანტიოქსიდანტებს, რაც ამცირებს კანის გაღიზიანებას. გეხმარებათ კოლაგენის სინთეზირებაში და ხელს უშლის დნმ-ის დაზიანებას. ყოველდღე მიირთვით ერთი ან ნახევარი ფორთოხალი. დალიეთ ახლადგამოწურული ფორთოხლის წვენი. დაუმატეთ ფორთოხლის ნაჭრები სალათებსა და დესერტებს.

თუ შიმშილის გრძნობა გაქვთ, ესე იგი, წონაში იმატებთ
თუ შიმშილის გრძნობა გაქვთ, ესე იგი, წონაში იმატებთ

ვაშლი

ეს შეუცვლელი ხილი არაერთ სასარგებლო ვიტამინს შეიცავს. მასში მრავალ სასარგებლო ნივთიერებასთან ერთად შედის G ვიტამინი, რაც ძალზე იშვიათია. გაჯერებულია A და C ვიტამინებით, კალციუმით, მაგნიუმითა და კალიუმით, ასევე მდიდარია ანტიოქსიდანტებით. ვაშლი საუკეთესო არჩევანია ზამთარში ჯანსაღი სახის კანის შესანარჩუნებლად. აუცილებლად მიირთვით დღეში ერთი ცალი ვაშლი. ასევე დაუმატეთ ვაშლის ნაჭრები სალათებს, ორცხობილებს, დესერტებს და სხვ. ამასთან გაიკეთეთ ნიღაბი: კანის გამოსაცოცხლებლად წაისვით სახეზე გახეხილი ვაშლი, გაიჩერეთ 10 წუთი და შემდეგ თბილი წყლით ჩამოიბანეთ.

 

485
თემები:
ჯანმრთელობა და სილამაზე (48)
დიეტა

სახელდება სასარგებლო პროდუქტები, რომლებიც გახდომას უშლის ხელს

268
(განახლებულია 17:27 18.09.2020)
კვების სპეციალისტების თქმით, არსებობს ისეთი პროდუქტები, რომლებიც სასარგებლოდ მიიჩნევა, თუმცა რეალურად ისინი ხელს უშლის წონაში დაკლებას

თბილისი, 18 სექტემბერი ― Sputnik.  არსებობს პროდუქტები, რომლებიც სასარგებლოდ მიიჩნევა, მაგრამ ისინი წონის დაკლებას ხელს უშლის, იუწყება გამოცემა Clarin-ი დიეტოლოგ როსა მარია ესპინოზაზე დაყრდნობით.

ესპინოზას თქმით, ასეთ პროდუქტად მიიჩნევა მშრალი ბურბუშელა საუზმისთვის, რომელიც ხშირ შემთხვევაში ბევრ შაქარს შეიცავს და ამავე დროს მასში საერთოდ არ შედის უჯრედისი.

გარდა ამისა, ექსპერტი გვირჩევს, თავი ავარიდოთ მზა ტომატ-პასტის შეძენას და შინ დავამზადოთ ის, ვინაიდან ქარხნულ პროდუქციაში დიდი რაოდენობით შაქარი შედის.

ესპინოზას თქმით, გახდომაში ხელის შემშლელად ასევე შეიძლება ჩაითვალოს სმუზი. გარდა ამისა, ირკვევა, რომ ამ სასმლის კვირაში ხუთზე მეტი ულუფა გულ-სისხლძრღვთა დაავადებას იწვევს.

კიდევ ერთი სპეციალისტი, კვების ტრენერი სიუზანა ლეონი წონაში დაკლების მსურველებს ურჩევს, არ მიირთვან ჩირი (რომელშიც შაქრის მაღალი კონცენტრაციაა) და ასევე მოერიდნენ ბალზამიკოს, რომლის 100 გრამიც 22 გრამ შაქარსა და 110 კკლ-ს შეიცავს.

სპეციალისტის თქმით, ასევე ძალიან კალორიულია სოიოს სოუსიც: 100 გრამი 175  კალორიას და დიდი რაოდენობით მარილს შეიცავს.

268
თემები:
სასარგებლო რჩევები
შესაწვავად გამზადებული სტეიკის ნაჭერი

მითი თუ რეალობა: ვნებს თუ არა ღორის ხორცი ადამიანის ჯანმრთელობას

904
(განახლებულია 19:46 17.09.2020)
პაპა-ბებიებისგან, ნათესავ-მეზობლებისგან არაერთი სამედიცინო მითი გვსმენია. მითი კი, მოგეხსენებათ, სინამდვილისგან ხშირად შორს დგას. სამწუხაროდ, საზოგადოებაში დღემდე შემორჩა მცდარი შეხედულებები და მკურნალობის მეთოდები, რომლებიც შესაძლოა უარყოფითად აისახოს ჯანმრთელობაზე.

საზოგადოებაში ბევრს საუბრობენ ღორის ხორცის ავკარგიანობაზე. ხშირად ღორის ხორცი ხასიათდება როგორც არაჯანსაღი ხორცი და ადამიანების ნაწილი ფიქრობს, რომ მისი მიღება ჯანმრთელობასთან დაკავშირებულ პრობლემებს წარმოქმნის. როგორც აღმოჩნდა, ღორის ხორცი უფრო სასარგებლოა, ვიდრე ჩვენ გვგონია.

ღორი არ იცოხნება, შესაბამისად, იგი არ გადაამუშავებს საკვებს ხელმეორედ და ამიტომ ღორის სხვა მახასიათებლები უფრო თავსებადია ადამიანის ჯანმრთელობასთან, ვიდრე საქონლის. ამასთან, თუ ღორი იზრდება ღია ცის ქვეშ, ამ შემთხვევაში მის ხორცში დიდი რაოდენობით ომეგა 3 იქნება. ღორის ხორცი ცილების წყაროა. რაოდენ გასაკვირიც არ უნდა იყოს, მისი დიეტა სასარგებლოა სპორტსმენებისთვის და იმ ადამიანებისთვის, რომლებიც მზად არიან წონაში დაიკლონ. ღორის ხორცი მატებს ენერგიას და ფიზიკურ აქტივობას, ეხმარება ადამიანებს დაავადების შემდეგ ძალების სწრაფად აღდგენაში ან ოპერაციის შემდეგ რეაბილიტაციაში.

ინფექციონისტმა მაია ბუჭაშვილმა გააქარწლა მითი, თითქოს ღორის ხორცი ვნებს ადამიანის ჯანმრთელობას.

- შეიძლება ეს საკითხი დიდად მნიშვნელოვანი არ იყოს და ამდენ მსჯელობას არც იმსახურებდეს, ზოგს გაუკვირდება, ამ გაგანია პანდემიის დროს რა დროს ეს არისო, უბრალოდ, საყოველთაოდ დამკვიდრებული სტერეოტიპების კიდევ ერთი უმარტივესი მაგალითი მინდა მოვიყვანო.

პაციენტების უმრავლესობა მეუბნება, რომ არ ჭამს ღორის ხორცს და დარწმუნებული არიან, რომ ამით ძალიან უწყობენ ხელს თავიანთ ჯანმრთელობას. ეს განსაკუთრებით ხშირია ღვიძლის დაავადებების მქონე პაციენტებში.

გაუგებარია, საიდან მოდის ეს ძალიან მყარად დამკვიდრებული აზრი. არ არსებობს მტკიცებულება, რომ ღორის ხორცს რაიმე სპეციფიკური მავნებლობა ახასიათებდეს ძროხის ხორცთან შედარებით.

ღორის ხორცთან მებრძოლთა ერთ-ერთი არგუმენტი ალბათ ის არის, რომ ცხიმიანია, თუმცა არგუმენტად ეს ვერ გამოდგება, რადგან თუ ჩვენ განვიხილავთ კუნთოვან ნაწილს (ანუ „მჭლე“), სატურირებული ცხიმის შემცველობით, ძროხის ხორცი აღემატება ღორისას. მეორე მხრივ, მთელი რიგი ვიტამინების, მინერალური ნივთიერებების შემცველობით ღორის ხორცს უპირატესობებიც გააჩნია (გარდა რკინისა, რომელიც მეტია ძროხის ხორცში).

ასევე დამკვიდრებულია მოსაზრება, რომ ბავშვებს (განსაკუთრებით ჩვილ ბავშვებს) არ უნდა მივცეთ ღორის ხორცი. თუ დავაკვირდებით, დასავლეთის ქვეყნებში ბავშვთა კვებაში ჩვეულებრივ არის წარმოდგენილი ღორის ხორცი ყოველგვარი შეზღუდვების გარეშე. არც ერთი საერთაშორისო ორგანიზაციის რეკომენდაციაში არ არის აკრძალული ჩვილი ბავშვებისთვის ღორის ხორცის გამოყენება.

დასკვნა კი ის არის, რომ როდესაც რაღაც შეზღუდვებს ვუწესებთ ჩვენს თავს (ან, პირიქით, როდესაც რაღაც პროდუქტის თუ ნივთიერების მარგებლობის გვჯერა), კარგი იქნება, თუ შესაბამის არგუმენტებს მოვიძიებთ. ეს პირველ რიგში ეხება ჯანდაცვის მუშაკებს, რომლესაც დიდი პასუხისმგებლობა აქვთ პაციენტებისთვის თუნდაც ასეთი მარტივი რეკომენდაციების მიცემის დროს და მათი ეს რჩევები გამყარებული უნდა იყოს შესაბამისი მტკიცებულებით.

 

904
თემები:
ჯანმრთელობა და სილამაზე (48)
მარი მალაზონია

მალაზონია: დღეს კაცობრიობას ნიღბის ტარების და სუფთა ხელების  გარდა სხვა გამოსავალი არ აქვს

0
(განახლებულია 19:49 20.09.2020)
ექიმი-ნუტრიციოლოგი, კვების ეროვნული ცენტრის დირექტორი მარი მალაზონია საუბრობს, დღევანდელ სიტუაციაში რა არის გამოსავალი და როგორ დავიცვათ თავი კორონავირუსისგან.
მალაზონია: დღეს კაცობრიობას ნიღბის ტარების და სუფთა ხელების გარდა სხვა გამოსავალი არ აქვს

„დოიჩე ველე“ ავრცელებს ინტერვიუს ევროპის ერთ-ერთ ყველაზე ცნობილ ვირუსოლოგთან, რომელიც გერმანიაში ცხოვრობს. ეს გახლავთ კრისტიან დროსტენი. სწორედ მისი მოსაზრებით, დღეს კაცობრიობას ნიღბის ტარების, სუფთა ხელების გარდა სხვა არჩევანი არ აქვს. უფრო მეტიც, მან ძალიან სერიოზული პროგნოზები გააკეთა. ვარაუდობს, რომ შესაძლოა ეს ტაქტიკა დაგვჭირდეს მომავალი წლის ბოლომდე. მტკიცებულებებზე დაყრდნობით, ის კიდევ ერთხელ გვარწმუნებს, რომ დღეს კაცობრიობას სჭირდება ნიღბის სწორი ტარება, ჰიგიენის წესების დაცვა, რაც არის ჩვენი უსაფრთხოების ერთადერთი არჩევანი“, - ამბობს მალაზონია.

მალაზონია ადამიანებს ურჩევს დედანში მოისმინონ ეს საკმაოდ ვრცელი ინტერვიუ და რჩევები გაითვალისწინონ.

 

 

0