სამი ქალი

ბოტოქსისა და ოპერაციის გარეშე: არსებობს ნაოჭების გასწორების უსაფრთხო გზა

138
(განახლებულია 17:30 10.09.2020)
ექიმი-კოსმეტოლოგი ასახელებს ადრეული ნაოჭების თავიდან აცილების მარტივ მეთოდს, რომელსაც არ ახლავს ბოტოქსისა და პლასტიკური ოპერაციისთვის დამახასიათებელი რისკები.

თბილისი, 10 სექტემბერი — Sputnik. სახიდან ნაადრევი ნაოჭების მოცილება ბოტოქსის გარეშე სრულიად შესაძლებელია, ამისთვის სხვა მეთოდი არსებობს, განუცხადა რადიო Sputnik-ს ექიმმა კოსმეტოლოგმა ასტრიდ ოვეიანმა.

თუმცა, მისი თქმით, ამ მეთოდის გამოყენებისას მთელი რიგი პირობები არსებობს.

ექიმის განმარტებით, ნაადრევი ნაოჭების გაჩენის თავიდან ასაცილებლად კოსმეტოლოგიაში ბოლო პერიოდში ხშირად გამოიყენება ტეიპები — სპეციალური ელასტიკური პლასტირები, რომლებსაც სახეზე აკრობენ. ამ მეთოდს თავისი პლუსები აქვს — ხელმისაწვდომია და არ ახლავს ის რისკები, რომლებიც უფრო რადიკალურ მეთოდებს — პლასტიკურ ქირურგიასა და ბოტოქსის ინექციებს ახასიათებს.

„ზოგ შემთხვევაში ტეიპებს ნამდვილად შეუძლია ადრეული ნაოჭების ფორმირების თავიდან აცილება“, — დაადასტურა კოსმეტოლოგმა საუბრისას.

როგორ შევინარჩუნოთ ახალგაზრდული კანი: ეფექტური პროდუქტების ტოპ-7>>

მისი განმარტებით, ყველაფერი იმაზეა დამოკიდებული, თუ როდის დაიწყებს ადამიანი სახის ტეიპების გამოყენებას. თუ ეს ადრეულ ასაკში, მაგალითად, 23 წლიდან ხდება, როდესაც მიმიკური ნაოჭები ფორმირდება, მაშინ ეს მეთოდი ქმედითია და ნამდვილად შველის – სახეზე დაკრული ტეიპების გამო ადამიანი წყვეტს სახის ჭმუხვნას და ივიწყებს მიმიკებს.

გარკვეული პერიოდის შემდეგ, ასტრიდ ოვეიანის თქმით, ტეიპების გამოყენება უკვე არაეფექტური ხდება.

„თუ უკვე 35 წლის ან მეტის ხართ, უკვე გაქვთ ნაოჭები და სახის ჭმუხვნის ჩვევა, მაშინ ტეიპების გამოყენების დაწყება უფრო გართობაა. თუ სახეზე ნაოჭები და ნაწიბური ხაზები უკვე ჩამოყალიბებულია, ამას უკვე ვერანაირი ტეიპი ვერ გამოასწორებს“, — განმარტა ექიმმა–კოსმეტოლოგმა.

კოსმეტოლოგი ხაზს უსვამს, რომ ნაოჭების საწინააღმდეგო ნებისმიერი მეთოდის გამოყენებამდე აუცილებელია სპეციალისტთან კონსულტაციის გავლა.

138
თემები:
სასარგებლო რჩევები (283)
ქართული პური, თხილეული და ყვავილები

მეხსიერების გასაუმჯობესებლად საჭირო პროდუქტი: ვიტამინები ტვინისათვის

25
(განახლებულია 14:20 28.09.2020)
ხშირად გვესმის, რომ ასაკის მატებასთან ერთად, მეხსიერების მდგომარეობა უარესდება. არსებობს რამდენიმე რეკომენდაცია, რომელთა გათვალისწინების შედეგად, ტვინის, განსაკუთრებით კი მეხსიერების ფუნქციონირება უმჯობესდება.

ფიზიკური ვარჯიში, საკმარისი დროით ძილი, ჯანსაღი კვება - ამ ყველაფრის გათვალისწინებით ადამიანი ხანგრძლივად ინარჩუნებს ტვინის ნორმალურ ფუნქციონირებას. შემოგთავაზებთ რამდენიმე პროდუქტს, რომელიც  ტვინის ფუნქციონირებას აუმჯობესებს.

ნიგვზის ლებნები უღლით
ნიგვზის ლებნები უღლით

ნიგოზი

მისი საშუალებით, უამრავ დაავადებას მკურნალობენ. კაკლის შემადგენლობაში შედის ფლავინოიდები, გლიკოზიდები, C ვიტამინი, კაროტინი, ეთერზეთები, ორგანული მჟავები და სხვა. კაკლის გული მდიდარია E ვიტამინით, მაგნიუმით და კალიუმით. ასევე, მასში შედის რკინა, სპილენძი, კობალტი, თუთია და ვიტამინი B6.

ნიგოზი ტვინის გამართულ მუშაობას უწყობს ხელს. მასში შემავალი ომეგა-3 და ცხიმოვანი მჟავები, ტვინის უჯრედების ფორმირებაში არიან ჩართულნი. დღეში 1-2 ნიგოზიც კი საკმარისია, თქვენი ჯანმრთელობისთვის და ტვინის ნორმალური ფუნქციონირებისთვის.

ნუში
© CC0 / Pixabay
ნუში

ნუში

დაუყონებლივ უნდა შეიყვანოთ ნუში თქვენს რაციონში, ვინაიდან მისი მიღება დადებითად იმოქმედებს თქვენს მეხსიერებაზე, გონებრივ შესაძლებლობებზე. ნუში აუმჯობესებს ტვინის მუშაობას, შეიცავს ისეთ ვიტამინებს, რომლებიც მხოლოდ და მხოლოდ ხორცის შემცველობაში შედიან.

ის მდიდარია მცენარეული ცხიმებით, E ვიტამინით, რომელთა გარეშეც ადამიანის ორგანიზმი უენერგიო და ძალიან გამოფიტული იქნება. ასევე, ნუში მდიდარია პროტეინებით, სპილენძით და B2 ვიტამინით. ამ კონცენტრაციის წყალობით ნუშს ენერგიის წყაროს უწოდებენ.

არაქისი
არაქისი

მიწის თხილი

მიწის თხილის 40-60% მცენარეული ცხიმია, 20-37% - ცილა. ის შეიცავს უნიკალურ ამინომჟავებს, ვიტამინებს – A, D, E, В1, В2, РР, Е, ბიოტინს, ფოლიუმის მჟავას, მცენარეულ ზეთებსა და სხვა მიკროელემენტებს.

არაქისს ტვინის საკვებს უწოდებენ, რადგან მასში შედის ვიტამინი B3, რომელიც ტვინს მუშაობაში ეხმარება და ასევე კარგია მეხსიერების გაუმჯობესებისთვის.

ამ ყველაფრის მიუხედავად უნდა გავითვალისწინოთ, რომ მიწის თხილი ერთ-ერთი ყველაზე ძლიერი ალერგენია. გარდა ამისა, დარწმუნებული უნდა ვიყოთ, რომ ის ნამდვილად ხარისხიანია და სწორედ ამის მერე დავიწყოთ მისი მიღება.

შემწვარი თევზის კერძი
© CC0 / Pixabay
შემწვარი თევზის კერძი

თევზი

იმისთვის, რომ მეხსიერება კარგ ფორმაში იყოს ხშირად  მიირთვით თევზი, რომელიც დიდი ოდენობით შეიცავს ომეგა-3-ს. ის ხელს უწყობს ტვინის უჯრედებს შორის სიგნალების მიწოდებას.

თევზი შეიცავს დიდი რაოდენობით ვიტამინებს და მინერალებს. შეეცადეთ მიიღოთ ორი ულუფა თევზი კვირის განმავლობაში, რომლიდანაც ერთი ულუფა იქნება ცხიმიანი თევზი.

ლურჯი მოცვი
© CC BY-SA 2.5 / Wikipedia / Vaccinium uliginosum
ლურჯი მოცვი

კენკრა

ყველა კენკრა შეიცავს ანთიოცინებს, რომელიც ტვინის ფუნქციონირებისთვის აუცილებელია. თუ თქვენ კვირის განმავლობაში საშუალოდ მიიღებთ ერთ ან მეტ ულუფა კენკრას, შემეცნებითი დაბერების პროცესი 2, 5 ჯერ უფრო ნელა წარიმართება.

ჯანმრთელობას გისურვებთ!

 

25
თემები:
ჯანმრთელობა და სილამაზე
გაზირებული სასმელი

ნამდვილად არის თუ არა გაზიანი სასმელი მავნე ორგანიზმისთვის: რა არის მითი და რა რეალობა

364
(განახლებულია 21:27 24.09.2020)
იშვიათად შეხვდებით ბავშვს, ხშირად ზრდასრულ ადამიანსაც, რომელსაც ლიმონათი, კოკა-კოლა, ფანტა ან სხვა გაზიანი სასმელები არ უყვარს.

ბევრი ადამიანი გეტყვით, რომ გაზიანი სასმელი ვნებს, თუმცა მიზეზი, თუ რატომ არის ის მავნე, არ იცის, ან მცდარი ინფორმაცია აქვს ამის შესახებ. ალბათ ხშირად გაგიგით „გაზგასული ბორჯომი“, „გაზგასული ლიმონათი“, მითია თუ რელობა ეს ტერმინი და რეალურად რაში მდგომარეობს გაზიანი სასმელის მავნებლობა, ამის შესახებ ინფექციონისტი მაია ბუჭაშვილი საუბრობს.

- ზოგიერთი სამედიცინო მითის გამო ადამიანები არასაჭირო ქმედებებს სჩადიან. ამის ერთ-ერთი მაგალითია გაზიანი სასმელებიდან გაზის მოცილების პროცედურა, რადგან საკმაოდ ფართოდ გავრცელებული სამედიცინო მითია, რომ გაზიანი სასმელი მავნეა ორგანიზმისთვის.

განსაკუთრებით ხშირად ამბობენ ამას ჰეპატიტის და საჭმლის მომნელებელი სისტემის სხვა დაავადებების მქონე პაციენტები და სვამენ გაზგასულ სასმელს. „გაზგასული ბორჯომი“, როგორც დიეტის ნაწილი, საბჭოთა მედიცინის ერთ-ერთი მემკვიდრეობაა.

საქმე ისაა, რომ გაზიანი სასმელის მავნებლობა არა თვითონ იმ ბუშტუკებშია, რომელიც მხოლოდ ნახშირორჟანგია, არამედ სასმელის შემადგენლობაში. რეალურად, როდესაც ექიმები გაზიანი სასმელებისგან თავის შეკავებას ურჩევენ, გულისხმობენ ამ სასმელში შაქრის და ქიმიური დანამატების მავნე ზემოქმედებას და არა ბუშტუკებს, რომელთა მავნებლობა არაფრით არ არის გამოხატული.

შეიძლება გაზის ბუშტუკები მექანიკურად გაბერვის შეგრძნებას იწვევდეს, მაგრამ ამას ჯანმრთელობისთვის რაიმე საზიანო შედეგები ფაქტიურად არა აქვს.

არსებობს მოსაზრებები, მაგალითად, გაზიანი სასმელების კბილების მინანქარზე მავნე ზემოქმედების შესახებ, თუმცა ესეც მხოლოდ შაქრის შემცველობით აიხსნება და არა გაზის.

ხშირად ადამიანები სვამენ არა გაზიან, არამედ შაქრის შემცველ სხვა სითხეებს, რადგან ჰგონიათ, რომ თუ სასმელი გაზიანი არ არის, შესაბამისად, არ არის მავნე. ცხადია, ამას არავითარი მნიშვნელობა არა აქვს და ის შაქარი და ქიმიური დანამატები, რომლებიც შეიძლება იყოს არაგაზიან სასმელებშიც, ისევე არ არის სასურველი ჯანმრთელობისთვის, როგორც გაზიანი სასმელები.

364
თემები:
ჯანმრთელობა და სილამაზე