ხარ უნიკალური, ოპერაციებით კი ხდები „სტანდარტული“: თხელი ცხვირი, დაბერილი ტუჩები...

რა არის ჰერპესი: მკურნალობის ყველაზე ეფექტური მეთოდები

1599
(განახლებულია 17:18 31.08.2020)
ჰერპესი ქრონიკული დაავადებაა, რომელსაც ახასიათებს კანზე, სხეულის ლორწოვან გარსებზე სითხით სავსე ბუშტუკოვანი გამონაყარი.

ჰერპესვირუსების არაერთი ჯგუფი არსებობს, თუმცა ყველაზე ცნობილი მარტივი ე.წ. ტუჩის ჰერპესის ვირუსია. ჯანდაცვის მსოფლიო ორგანიზაციის მონაცემებით, ჰერპესის ვირუსით მსოფლიოს მოსახლეობის 90 პროცენტია ინფიცირებული. ჰერპესი არის ინფექცია, რომელიც ბუდობს ადამიანის ორგანიზმში და პერიოდულად პატარა ბუშტუკებით ვლინდება სხეულის სხვადასხვა ადგილზე: პირისა და პირის ღრუს მიდამოზე, გენიტალურ (სასქესო) ორგანოზე, თვალის გარშემო და სხვ.

გადამდებია თუ არა ჰერპესი

ჰერპესის ვირუსით ადამიანი ბავშვობის ასაკში ინფიცირდება. პირველ იმუნოტიპთან შეხება ადამიანის სიცოცხლის მე-18 თვიდან ხდება. ჰერპესის გადადება ნერწყვის მეშვეობით ხდება. ამ დროს ადამიანს აღენიშნება ტკივილი ყლაპვის დროს, ცხელება, გადიდებული ლიმფური ჯირკვლები, უსიამოვნო სუნი პირის ღრუში, მადის და ენერგიის დაქვეითება. ინფიცირების შემდგომ ვირუსი რჩება ორგანიზმში და შესაძლებელია გამოიწვიოს ჰერპესისთვის დამახასიათებელი გამონაყარი ნებისმიერ დროს.

რამდენ ხანში ერთხელ შეიძლება გამოვლინდეს გამონაყარი

შესაძლოა ადამიანი იყოს ვირუსმატარებელი, მაგრამ საერთოდ არ გამოუვლინდეს გამონაყარი, ზოგს შესაძლოა წელიწადში ორჯერ გაუმწვავდეს ვირუსი. თუმცა არის შემთხვევა, რომ ადამიანს თვეში ხუთჯერ გამოუვლინდეს გამონაყარი. ეს ადამიანის იმუნიტეტზეა დამოკიდებულია.

რა სიმპტომებით გამოიხატება ჰერპესი ჩვილებში

ჩვილებში უმეტესად ვითარდება მწვავე ჰერპესული სტომატიტი. ამ დროს ჩვილის ზოგადი მდგომარეობა უარესდება, იწყება მაღალი ტემპერატურა, შეიძლება აღენიშნებოდეს თავის ტკივილიც. ამ დროს პირის ლორწოვან გარსზე წარმოიქმნება ბუშტუკები, რომელთა ლოკალიზაცია შეიძლება იყოს ღრძილებზე, ლოყების ლორწოვან გარსზე, ენაზე და ტუჩების შიდა ზედაპირზე. პირის ღრუში ბუშტუკები მარტივად სკდება და მტკივნეული ეროზიები წარმოიქმნება.

როგორ ხდება დიაგნოსტირება

დიაგნოზი ისმება ციტოლოგიური გამოკვლევის, მოლეკულური დიაგნოსტიკის და იმუნოფერმენტული ტესტების (G,M და A კლასის იმუნოგლობულინები განისაზღვრება შრატში) მეშვეობით.

როგორ ვუმკურნალოთ ჰერპესს

აღსანიშნავია, რომ ვირუსის ბოლომდე გაქრობა არ ხდება. ჰერპესის დროს ადამიანები ხშირად თვითმკურნალობას მიმართავენ, რაც უმეტეს შემთხვევაში არ არის ეფექტური და არ იძლევა შედეგს. სპეციალისტები ჰერპესს ვირუსის საწინააღმდეგო საშუალებებით მკურნალობენ, რომლებიც გამონაყარის ჩაცხრობას აჩქარებენ და ამცირებენ დაავადების რეციდივის რისკს. ამიტომ ჰერპესის არსებობის შემთხვევაში სასურველია მიმართოთ ექიმს.  ჰერპესის მკურნალობა საჭიროებს კომპლექსურ მიდგომას და მკურნალობა ინიშნება სადიაგნოსტიკო გამოკვლევის შემდეგ, დაავადების სირთულიდან გამომდინარე.

თუმცა ზოგჯერ პირველი ტიპის მარტივი ფორმის ჰერპესის დროს ადგილობრივი თერაპიაც საკმარისია. ამასთან არსებობს რამდენიმე ხალხური, ნაცადი მეთოდი, რომელიც ჰერპესთან ბრძოლაში დაგეხმარებათ.

· ერთ-ერთი ყველაზე მარტივი საშყუალებაა წყალბადის ზეჯანგი. თუ უკვე გაქვთ ტუჩებზე პატარა ბუშტუკები, უმჯობესია წყალბადის ზეჟანგით დაიმუშაოთ ყოველ 2-3 საათში ერთხელ, საღამოს თქვენი სახე უკვე სუფთა იქნება. პროცედურა ცოტა მტკივნეულია, მაგრამ ეფექტური.

· ჰერპესთან ბრძოლაში დაგეხმარებათ პროპოლისის ნაყენი. წარმოქმნილ ბუშტუკებს თუ დაიმუშავებთ პროპოლისის ნაყენით, რომელიც სპირტზეა დამზადებული, კარგად აშრობს კანს და ხელს უშლის ანთების განვითარებას და სხვა ადგილებში გავრცელებას, ასევე დეზინფიცირებას ახდენს და აჩქარებს შეხორცების პროცესს.

· ძალიან მარტივი საშუალებაა ყინული. ის შესანიშნავად დაგეხმარებათ ჰერპესის პირველი სიმპტომების დროს. როგორც კი შეამჩნევთ ქავილს და შეშუპებას, მაშინვე მიიდეთ ყინულის ნაჭერი, ის შეანელებს დაავადების პროგრესირებას და დაეხმარება ორგანიზმს ინფექციასთან ბრძოლაში.

· დასრისეთ ერთი კბილი ნიორი და დაიდეთ მტკივან ადგილზე. ეს მეთოდი ძალიან ეფექტურია.

· დაასველეთ ბამბა რძეში და დაიფინეთ ჰერპესიან ტუჩზე. არ დაიბანოთ, სანამ რძე თავად არ გაშრება. გაიმეორეთ პროცესი ყოველ 2-3 საათში ერთხელ.

· ჰერპესის გამონაყარს შესანისნავად კურნავს ალოეს წვენი. წაისვით დაზიანებულ ადგილზე ყოველ ორ სათში ერთხელ, ან დაიდეთ შუაზე გაჭრილი ალოეს ნაჭერი.

· მტკივან ადგილზე დაიდეთ მენთოლიანი კბილის პასტა. შედეგი მალევე გახდება შესამჩნევი.

როგორ ავიცილოთ თავიდან დაავადების განმეორებითი გამოვლინება

უკვე დაინფიცირებულმა ადამიანმა თავიდან რომ აიცილოს დაავადების განმეორებითი გამოვლინება, ამისთვის არსებობს ჰერპეტიკული ვაქცინა. ხოლო იმისთვის, რომ ადამიანმა თავიდან აიცილოს ჰერპესვირუსით დაინფიცირება, უნდა მოერიდოს პირველ რიგში ჰერპესის გამონაყარის მქონე ადამიანს, დაიცვას ჰიგიენის ნორმები და სისტემატურად იზრუნოს იმუნიტეტის ამაღლებაზე.

 

1599
თემები:
ჯანმრთელობა და სილამაზე (67)
პურის დაჭრა

პური გახდომაში დაგეხმარებათ, თუ... დიეტოლოგი გირჩევთ

24
(განახლებულია 11:37 27.11.2020)
ექიმ-დიეტოლოგის თქმით, თუ გახდომა გსურთ, პური აუცილებლად უნდა მიირთვათ, და განმარტავს, როგორი უნდა იყოს ის

თბილისი, 27 ნოემბერი — Sputnik. პური წონაში დაკლებაში და იმუნური სისტემის გაძლიერებაში დაგეხმარებათ, თუ ის შესაბამისად იქნება გამომცხვარი, აცხადებს დიეტოლოგი ელენა სოლომატინა.

სპეციალისტმა განმარტა, რომ სასურველია პურის შემადგენლობა მაქსიმალურად მარტივი იყოს.

„ის არ უნდა იყოს გამომცხვარი უმაღლესი ხარისხის ფქვილისგან, ანუ არ უნდა იყოს გაწმენდილი. უკეთესია, თუ პური იქნება მთელმარცვლოვანი, ჭვავის ფქვილის, ქატოიანი. და რაღა თქმა უნდა, ყოველგვარი დამატებითი კომპონენტების გარეშე: მარგარინის, კულინარიული ცხიმებისა თუ გამაფხვიერებლებისა“, — ამბობს დიეტოლოგი.

ამასთან სოლომატინა გვირჩევს, მივირთავთ არა ახალი, რბილი პური, არამედ უკვე გამომშრალი, ვინაიდან ის ბევრად სასარგებლოა.

„ასეთი პური ნელა ხვდება კუჭში. ჩვენ ის ჯერ უნდა კარგად დავღეჭოთ, ნერწვით დავარბილოთ. ამასთან სახამებლის ათვისება უკვე პირის ღრუში იწყება და რაც უფრო მეტ სახამებელს აითვისებს ორგანიზმი საწყის ეტაპზე, მით უკეთესი“, — გვირჩევს ექიმი.

სოლომატინა ამბობს, რომ ქატოსა თუ ჭვავის პურში დიდი რაოდენობით შედის უჯრედისი და В–ჯგუფის ვიტამინები, რაც უკიდურესად მნიშვნელოვანია ადამიანის ნერვული სისტემისა თუ კუჭ–ნაწლავის სისტემის მიკროფლორისთვის. სწორედ ეს უკანასკნელი განსაზღვრავს როგორც იმუნიტეტის მდგომარეობას, ისე ადამიანის გუნება–განწყობასა და, რაც ყველაზე საინტერესოა, აღნაგობასაც კი.

„საოცარია, მაგრამ პური გახდომის მსურველებს წონაში დაკლებაშიც კი ეხმარება. როცა ჩვენ კერძს პურთან ერთად მივირთმევთ, ის დამატებით მოცულობას ქმნის და შესაბამისად, სწრაფად ავსებს კუჭს, აჩენს რა სიმაღრის შეგრძნებას. პურის გარეშე ადამიანი უფრო მეტ საჭმელს იღებს და შესაბამისად, ბევრად მეტ კალორიასაც“, — გამარტავს სპეციალისტი.

დიეტოლოგის თქმით, პურის საშუალო ულუფა დღის განმავლობაში 2–3 ნაჭერია. თუმცა ზოგ შემთვევაში ეს რაოდენობა ადამიანის ცხორების წესიდან და მისი რაციონის კალორიულობიდან გამომდინარე შეიძლება განისაზღვროს.

 

24
თემები:
სასარგებლო რჩევები
ვიტამინის აბები

თავიდან შეუმჩნეველია: დადგინდა D ვიტამინის დეფიციტის „ღამის“ სიმპტომი

147
(განახლებულია 18:21 26.11.2020)
ბრიტანელი სპეციალისტები გვაფრთხილებენ, რომ D ვიტამინის დეფიციტი შეიძლება თავიდან სიმპტომების გარეშე ვითარდებოდეს.

თბილისი, 26 ნოემბერი — Sputnik. ორგანიზმში D ვიტამინის უკმარისობაზე შეიძლება მიუთითებდეს ღამღამობით მღრღნელი ტკივილები, იუწყება გამოცემა Express ბრიტანელ ექიმებზე დაყრდნობით.

მედიკოსების თქმით, ამ ვიტამინის ნაკლებობა იწვევს ყრუ, მტანჯველ ტკივილებს მენჯისა და წელის არეში, ასევე ფეხებში, თეძოებსა და ნეკნებში. ტკივილები განსაკუთრებით ძლიერდება ღამით ან ძვლებზე დაწოლის დროს.

ექიმების განმარტებით, D ვიტამინის დეფიციტის ძირითადი გამოვლინება — ძვლების შესამჩნევი დარბილებაა.

ამასთან სპეციალსტები ხაზს უსვამენ, რომ ადრეულ ეტაპზე D ვიტამინის დეფიციტი შეიძლება სიმპტომების გამოვლენის გარეშე განვითარდეს და მისი დადგენა მხოლოდ რენტგენის ან დიაგნოსტიკური კვლევების საშუალებით მოხდეს.

ვიტამინი D ბიოლოგიურად აქტიური ნივთიერებების ჯგუფში შედის. მისი მთავარი დანიშნულება ადამიანის ორგანიზმში საკვებიდან კალციუმისა და ფოსფორის წვრილ ნაწლავში შეწოვის უზრუნველყოფაა.

147
თემები:
მსოფლიო და მეცნიერება
ქეთა თოფურია

„საზიზღრობაა... კაცებო, პატივი ეცით თქვენს თავს“ - ლევ დენგოვი სოციალურ ქსელში გააკრიტიკეს

0
(განახლებულია 12:16 27.11.2020)
ქართველმა მომღერალმა ქეთა თოფურიამ ბიზნესმენ და დიპლომატ ლევ დენგოვზე სულ ახლახან იქორწინა. ნახეთ რა სკანდალში გაეხვა ლევი

ქეთა თოფურია ბელორუსული წარმოშობის ბიზნესმენზე 20 ნოემბერს დაქორწინდა და მომღერალმა ფოტოები სოციალური ქსელის საშუალებით გამოაქვეყნა, რასაც ბევრი მისალოცი წერილი და პოზიტიური გამოხმაურება მოჰყვა. თუმცა, დაიწერა ნეგატიური კომენტარებიც. კერძოდ, რუსულ ინტერნეტსივრცეში ლევ დენგოვს ფრჩხილები დაუწუნეს.

რუსული აუდიტორია წერს: „თქვენც ხედავთ პრიალა ფრჩხილებს? საშინელებაა“,
„საზიზღრობაა კაცზე ლაქით შეღებილი ფრჩხილები“, „ეს მეტროსექსუალებს ახასიათებთ“, „მგონი, რკინისა და თუთიის ნაკლებობა აქვს“, „კაცებო, პატივი ეცით თქვენს თავს. არ გჭირდებათ ფრჩხილების გაპრიალება და ლაქის წასმა“ და ა.შ.

პანდემიის გამო მომღერალმა მოკრძალებული ქორწილი გადაიხადა, სადაც სტუმრები მხოლოდ ერთი სუფრის ირგვლივ შეიკრიბნენ. გამორჩეულ ადამიანებს შორის მოხვდნენ ქეთას უახლოესი მეგობრები, რუსეთში მცხოვრები დიზაინერი არტურ არუთინოვი, ფოტომოდელი მიმი შელია, ასევე დიზაინერი ლიკა ალადაშვილი, ქეთას დედა და ქეთას ბავშვობის მეგობარი ნუცა ბერიძე, რომელიც ასევე რუსეთში მოღვაწეობს.

სოციალური ქსელის მომხმარებლებმა ქეთას დაქორწინების შესახებ 23 ნოემბერს გაიგეს. მომღერალმა და ბიზნესმენმა ლევ დენგოვმა ხელი 20 ნოემბერს მოაწერეს. ქეთას თეთრი დეკოლტირებული, ტანზე მომდგარი თეთრი კაბა ეცვა, ნეფე კი ტრადიციულ კოსტიუმში იყო გამოწყობილი.

ქეთასთვის ეს მეორე ქორწინებაა. მომღერალი პირველად 2012 წელს გათხოვდა და ცოლად რუსეთში მოღვაწე ებრაელ მილიონერს, 37 წლის ლევ გეიხმანს გაჰყვა. მოგვიანებით წყვილი რეპერი გუფის სკანდალის შემდეგ დაშორდა, თუმცა ორივე ერთხმად აღნიშნავდა, რომ ქეთას ცხოვრებაში რეპერი მათი დაშორების შემდეგ გამოჩნდა. წყვილს ერთი შვილი - ოლივია გეიხმანი ჰყავს.

View this post on Instagram

A post shared by Nutsa Beridze (@nucacuca)

რაც შეეხებათ ქეთას და ლევ დენგოვს, მათ პირველი საერთო შვილი რამდენიმე კვირაში ეყოლებათ. ბოლო პერიოდის მანძილზე და მანამ, სანამ პანდემია დაიწყებოდა, ცნობილმა მომღერალმა სტილის შეცვლა დაიწყო. შესამჩნევი ცვლილებები ხმაურის გარეშე არ დარჩა. არტისტის გარდერობში მომრავლდა Oversize კაბები და მაისურები, რამაც თაყვანისმცემლებს ეჭვი გაუჩინა. ტაბლოიდები მის ფეხმძიმობაზე აქტიურად წერდნენ.

მომღერალმა გულანთებულ ფანებს სიახლე სულ რამდენიმე დღის წინ გაუმხილა. მან ახალი სიმღერა ჩაწერა, რომლის ვიდეოკლიპში მოზრდილი მუცლით გამოჩნდა. ქეთამ პირველი შვილი 2015 წელს მოავლინა ქვეყნად, მეორეს კი ახლა ელოდება.

View this post on Instagram

A post shared by @beautiful_brideee

ქეთა თოფურიას პირადი ცხოვრება ქართული და რუსული პრესის ყურადღების ცენტრში ყოველთვის ხვდება. რეპერ გუფთან დაშორების შემდეგ A'Studio-ს ქართველმა სოლისტმა პირობა დადო, რომ პირად ცხოვრებაზე არასდროს ილაპარაკებდა, თუმცა იტალიაში წასვლის წინ ერთ-ერთ ინტერვიუში ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს. მოგვიანებით კი ახალ პარტნიორზე ალაპარაკდა, რომლისგანაც, სავარაუდოდ, ვაჟს ელოდება.

0
თემები:
სელებრითების ცხოვრება