მედიტაცია

გაშიშვლდი და შეხვდი შენს ნამდვილ „მეს“ ისწავლე მედიტაცია დამოუკიდებლად

288
(განახლებულია 19:29 25.08.2020)
შენ ხარ ის, რაც ირეკლავს ფიქრებს, შეგრძნებებს და აზრებს და არა ანარეკლი. შენ ხარ და ეს ყოფნა არის ყველაზე ბუნებრივი და მარტივი...

მედიტაცია არის აბსოლუტური სიმშვიდის მდგომარეობა, როცა ფიქრების მიღმა ხარ და იმყოფები „ამ მომენტში“, „აქ და ახლა“.

მედიტაცია ისეთივე აუცილებელია გონებისთვის, როგორც სხეულისთვის აბაზანის მიღება – ერთ-ერთი საუკეთესო სულიერი პრაქტიკაა. ადამიანები მას ათასობით წლებია, რაც იყენებენ, რადგან ის მუშაობს.

არის თუა არა ეს ერთგვარი მისტიკა? არა მხოლოდ. როგორც წესი, გარკვეული რელიგიების მიმდევრები მათი რწმენის შესაბამისად მედიტირებენ, მაგრამ ამის გაკეთება ჩვეულებრივ ადამიანსაც შეუძლია. ამისათვის სულაც არ არის აუცილებელი მანტრის წაკითხვა ან მომღერალი თასის გამოყენება. მაგალითად, მედიტაციას Google-ის, Facebook-ის, Twitter-ისა და სხვა კომპანიების თანამშრომლებს ასწავლიან.

თუმცა მედიტაციის რამდენიმე პოპულარული პრაქტიკა არსებობს, და ყველა ყველასთვის არ არის.

© Sputnik / Levan Avlabreli
იოგა თბილისის ხედზე: ღია გაკვეთილი ბოტანიკურ ბაღში

როგორ და რატომ უნდა დავიწყოთ მედიტაცია

მოთავსდი კომფორტულად − ისე, რომ ზურგი გქონდეს სწორად. შეგიძლია სავარძელში ან სკამზე, ან თუნდაც ხალიჩაზე დაჯდე, თუ ლოტოსის პოზა გემარტივება, მთლად უკეთესი.

დახუჭე თვალები და უბრალოდ მშვიდი სუნთქვა დაიწყე. ეცადე სუნთქვაზე კონცენტრირდე. ცხვირით ჩაისუნთქე და პირით ამოისუნთქე. ძალდატანების გარეშე, ჩვეულებრივ რიტმში.

ამ პროცესში აუცილებლად შემოგეჭრება ფიქრები, გაგახსენდება, რომ მანქანა გასარეცხია, ან ხვალ შეხვედრისთვის პრეზენტაცია გაქვს დასასრულებელი... არა უშავს, ეს ნორმალურია. უბრალოდ ეცადე მშვიდად ფოკუსირდე ისევ სუნთქვაზე. მთელი მედიტაციის მანძილზე თქვენ აკვირდებით სუნთქვის ბუნებრივ რიტმს. არ ცდილობთ სუნთქვის კონტროლს. თავიდან შესაძლოა გაგიჭირდეს სუნთქვაზე კონცენტრირება. თუ ასე მოხდა, შეგიძლია სცადო Guided Meditation. ამისთვის ისევ YouTube გამოგადგება, ან რომელიმე უფასო აპლიკაცია. 

მედიტაცია ხელს უწყობს სიმშვიდისა და ბალანსის მოპოვებას, რაც დადებითად აისახება როგორც ფიზიკურ, ისე ემოციურ მდგომარეობაზე, საერთო ჯამში კი ადამიანის ჯანმრთელობაზე. 

აღსანიშნავია რომ მედიტაციის ბენეფიტები არ სრულდება მედიტაციის სესიის დასრულებისას. მედიტაცია ეხმარება ადამიანს სიმშვიდე შეინარჩუნოს მთელი დღის მანძილზე.  მედიტაცია არის სიმშვიდის მდგომარეობა. არსებობს მედიტაციისა და რელაქსაციის სხვადასხვა ტექნიკა, თუმცა ყოველი მათგანის მთავარი მიზანია შინაგანი წონასწორობის მოპოვება. 

მედიტაცია აქრობს სტრესს და არა მის გამომწვევ მიზეზებს. ცხოვრებისეულ პრობლემებზე მუშაობა ისევ დაგჭირდება. ისევე, როგორც შინაგან სამყაროზე ზრუნავ მედიტაციით, გარე სამყაროზე შრომა და ძალისხმევა კვლავ დაგჭირდება – მის გასაუმჯობესებლად.

ნამდვილ „მესთან“ შეხვედრა

ჩვენი ნამდვილი „მე“ ძალიან შორს არის იმ წარმოდგენისგან, რაც საკუთარ თავზე გვაქვს. ნამდვილი „მე“ უნდა ვეძებოთ ჩვენი არსების სიღრმეში. იქ, სადაც სიმშვიდე, სიცარიელე და უძრაობაა. ის ყოველთვის აქაა. ყველაფერი დანარჩენი – ფიქრები, შეგრძნებები, მოგონებები – მოდიან და მიდიან, ხოლო ის, რაც არის ჩვენი არსების გულში, ყოველთვის რჩება უცვლელი და მისი არსებობა სცდება დროსა და სივრცეს. ამიტომ იმისთვის, რომ კიდევ ერთი ნაბიჯი გადავდგათ და მივუახლოვდეთ ჩვენს ბუნებრივ მდგომარეობას, ჩვენი ყველა იდენტობა, როლი თუ თვითშეფასება უნდა დავტოვოთ აქ, ამ ზღურბლთან. ცოტა ხნით სრულად უნდა გავიშიშვლოთ საკუთარი თავი. ზოგისთვის ეს შეგრძნება შესაძლოა უსიამოვნო იყოს, მაგრამ ნუ იღელვებ, როგორც კი ეს მედიტაცია დასრულდება, შენ შეძლებ ისევ შეიმოსო. და დაუბრუნდე ცხოვრებას უფრო გაცნობიერებული და ჰარმონიული საკუთარ თავსაც.

ახლა, ამ მომენტში გათავისუფლდი ყველაფრისგან, რასთანაც აიდენტიფიცირებ საკუთარ თავს. იქნება ეს პროფესია, მშობლის როლი თუ უბრალოდ კეთილი ადამიანის როლი, შენი შეხედულებები ცხოვრებაზე, შენი ცოდნა...

ცოტა ხნით ყველაფერი მოიშორე, ყველაფერი დატოვე ზღურბლთან და აივსე ამ სიცარიელით. დააკვირდი რამდენად მსუბუქად გრძნობ ახლა თავს. რამხელა სივრცეა შენში. სიცარიელის ნუ შეგეშინდება. შენ ხარ ცნობიერი და ნებისმიერ დროს შეგიძლია დაუბრუნდე პროვნებას, როცა ამის სურვილი გაგიჩნდება. თუმცა სანამ ეს მოხდება, დატკბი ამ სიმსუბუქით, ამ თავისუფლებით, რომელიც არის შენი ნამდვილი არსი, შენი ნამდვილი მე. დააკვირდი ამ სიცარიელეს, მაშინ, როცა შენ სრულიად ცარიელი ხარ ყველგვარი იდეების, შეფასებების, თუ მოგონებებისგან, შენ მაინც ხარ. როგორია ეს სიცარიელე? შენი ნამდვილი არსი ხელუხლებელია და ეს უმშვენიერესი აღმოჩენაა – ის, რომ შენ არ ხარ შენი ისტორია, შეგრძნებები, მოგონებები. ისინი უბრალოდ მოდიან, აირეკლებიან შენს ცნობიერებაში და უკვალოდ ქრებიან.

ახლა კი ყურადღება მივმართოთ იმისკენ, რაც უძრავია და ყოველთვის აქ არის. ის, რაც შეიმეცნებს და აირეკლავს თავის თავში ყველაფერს, თვითონ რჩება უცვლელი. შეიგრძენი ეს სიმშვიდე. ამ სივრცეში შესაძლოა გაიელვონ ფიქრებმა, ან შეგრძნებებმა, მაგრამ ეს ნორმალურია. დააფიქსირე აზრი, რომელიც თავში გიტრიალებს, მშვიდად შეხვდი ამ ფაქტს და შემდეგ ამ აზრს, როგორც პატიმარს, კარი გაუხსენი და „თავისუფლებაზე“ გაუშვი. ნუ ეცდები მათ შეჩერებას, უბრალოდ გააცნობიერე, რომ შენ ხარ ის, რაც ირეკლავს მათ და არა ანარეკლი. შენ ხარ და ეს ყოფნა არის ყველაზე ბუნებრივი და მარტივი.

როგორ გავიგოთ, რომ ყველაფერს სწორად ვაკეთებთ? ამას საწყის ეტაპზე ვერ მიხვდებით. რამდენიმე დღე შეიძლება მოგეჩვენოთ, რომ არაფერი გამოგდით, მაგრამ ეს ნორმალურია. მედიტაციის შედეგი რომ თვალსაჩინო იყოს, ამას დრო სჭირდება. თუ ყველაფერი სწორად გააკეთეთ, რამდენიმე კვირაში სხეულში სიმსუბუქეს იგრძნობთ, კონცენტრაციის უნარი კი მოგემატებათ.
მედიტაციის სარგებელი

- მედიტაცია ჩვენს ხასიათს უკეთესობისკენ ცვლის. ის უფრო კეთილ, მხიარულ, თანამგრძნობ, სიყვარულით სავსე და მშვიდობისმოყვარე ადამიანად გვაქცევს.

- მედიტაცია ხსნის დაძაბულობას, მღელვარებას, შიშს, მწუხარებას და სისხლის წნევას ასტაბილურებს. აუმჯობესებს კონცენტრაციას, ინტუიციას, მეხსიერებას, გონებრივ სიჯანსაღეს, ხასიათს და კრეატიულობის უნარს.

- მედიტაცია საშუალებას გვაძლევს დავინახოთ და აღვიქვათ უფრო სუფთად. რაც უფრო მეტად ვაკვირდებით ჩვენს გონებას, ის უფრო მშვიდი და ჩუმი ხდება. შესაბამისად, ყველაფერს უფრო წმინდად აღვიქვამთ.

- მედიტაცია ცნობიერების დონეს ზრდის. გვაცნობს საკუთარ თავს, ირგვლივ მყოფთ და მთლიანად სამყაროს.

- მედიტაცია ხსნის გონებას. ის გვაძლევს სივრცეს, რომლითაც ჩვენს ფიქრებს ვშორდებით და ნაკლებად დამოკიდებული ვხდებით მათზე.

- მედიტაცია ჩვენს ელემენტებს მუხტავს, ჩვენს სულს და სხეულს შესვენების საშუალებას აძლევს.

- თუ მედიტაციით არ კავდები, შენი გონების მონა ხდები, წინააღმდეგ შემთხვევაში კი გონება გემსახურება.

ვაქციოთ მედიტაცია დღიურ ჩვევად და ის ჩვენთვის იმუშავებს.

 

288
დიეტა

სახელდება სასარგებლო პროდუქტები, რომლებიც გახდომას უშლის ხელს

267
(განახლებულია 17:27 18.09.2020)
კვების სპეციალისტების თქმით, არსებობს ისეთი პროდუქტები, რომლებიც სასარგებლოდ მიიჩნევა, თუმცა რეალურად ისინი ხელს უშლის წონაში დაკლებას

თბილისი, 18 სექტემბერი ― Sputnik.  არსებობს პროდუქტები, რომლებიც სასარგებლოდ მიიჩნევა, მაგრამ ისინი წონის დაკლებას ხელს უშლის, იუწყება გამოცემა Clarin-ი დიეტოლოგ როსა მარია ესპინოზაზე დაყრდნობით.

ესპინოზას თქმით, ასეთ პროდუქტად მიიჩნევა მშრალი ბურბუშელა საუზმისთვის, რომელიც ხშირ შემთხვევაში ბევრ შაქარს შეიცავს და ამავე დროს მასში საერთოდ არ შედის უჯრედისი.

გარდა ამისა, ექსპერტი გვირჩევს, თავი ავარიდოთ მზა ტომატ-პასტის შეძენას და შინ დავამზადოთ ის, ვინაიდან ქარხნულ პროდუქციაში დიდი რაოდენობით შაქარი შედის.

ესპინოზას თქმით, გახდომაში ხელის შემშლელად ასევე შეიძლება ჩაითვალოს სმუზი. გარდა ამისა, ირკვევა, რომ ამ სასმლის კვირაში ხუთზე მეტი ულუფა გულ-სისხლძრღვთა დაავადებას იწვევს.

კიდევ ერთი სპეციალისტი, კვების ტრენერი სიუზანა ლეონი წონაში დაკლების მსურველებს ურჩევს, არ მიირთვან ჩირი (რომელშიც შაქრის მაღალი კონცენტრაციაა) და ასევე მოერიდნენ ბალზამიკოს, რომლის 100 გრამიც 22 გრამ შაქარსა და 110 კკლ-ს შეიცავს.

სპეციალისტის თქმით, ასევე ძალიან კალორიულია სოიოს სოუსიც: 100 გრამი 175  კალორიას და დიდი რაოდენობით მარილს შეიცავს.

267
თემები:
სასარგებლო რჩევები
შესაწვავად გამზადებული სტეიკის ნაჭერი

მითი თუ რეალობა: ვნებს თუ არა ღორის ხორცი ადამიანის ჯანმრთელობას

904
(განახლებულია 19:46 17.09.2020)
პაპა-ბებიებისგან, ნათესავ-მეზობლებისგან არაერთი სამედიცინო მითი გვსმენია. მითი კი, მოგეხსენებათ, სინამდვილისგან ხშირად შორს დგას. სამწუხაროდ, საზოგადოებაში დღემდე შემორჩა მცდარი შეხედულებები და მკურნალობის მეთოდები, რომლებიც შესაძლოა უარყოფითად აისახოს ჯანმრთელობაზე.

საზოგადოებაში ბევრს საუბრობენ ღორის ხორცის ავკარგიანობაზე. ხშირად ღორის ხორცი ხასიათდება როგორც არაჯანსაღი ხორცი და ადამიანების ნაწილი ფიქრობს, რომ მისი მიღება ჯანმრთელობასთან დაკავშირებულ პრობლემებს წარმოქმნის. როგორც აღმოჩნდა, ღორის ხორცი უფრო სასარგებლოა, ვიდრე ჩვენ გვგონია.

ღორი არ იცოხნება, შესაბამისად, იგი არ გადაამუშავებს საკვებს ხელმეორედ და ამიტომ ღორის სხვა მახასიათებლები უფრო თავსებადია ადამიანის ჯანმრთელობასთან, ვიდრე საქონლის. ამასთან, თუ ღორი იზრდება ღია ცის ქვეშ, ამ შემთხვევაში მის ხორცში დიდი რაოდენობით ომეგა 3 იქნება. ღორის ხორცი ცილების წყაროა. რაოდენ გასაკვირიც არ უნდა იყოს, მისი დიეტა სასარგებლოა სპორტსმენებისთვის და იმ ადამიანებისთვის, რომლებიც მზად არიან წონაში დაიკლონ. ღორის ხორცი მატებს ენერგიას და ფიზიკურ აქტივობას, ეხმარება ადამიანებს დაავადების შემდეგ ძალების სწრაფად აღდგენაში ან ოპერაციის შემდეგ რეაბილიტაციაში.

ინფექციონისტმა მაია ბუჭაშვილმა გააქარწლა მითი, თითქოს ღორის ხორცი ვნებს ადამიანის ჯანმრთელობას.

- შეიძლება ეს საკითხი დიდად მნიშვნელოვანი არ იყოს და ამდენ მსჯელობას არც იმსახურებდეს, ზოგს გაუკვირდება, ამ გაგანია პანდემიის დროს რა დროს ეს არისო, უბრალოდ, საყოველთაოდ დამკვიდრებული სტერეოტიპების კიდევ ერთი უმარტივესი მაგალითი მინდა მოვიყვანო.

პაციენტების უმრავლესობა მეუბნება, რომ არ ჭამს ღორის ხორცს და დარწმუნებული არიან, რომ ამით ძალიან უწყობენ ხელს თავიანთ ჯანმრთელობას. ეს განსაკუთრებით ხშირია ღვიძლის დაავადებების მქონე პაციენტებში.

გაუგებარია, საიდან მოდის ეს ძალიან მყარად დამკვიდრებული აზრი. არ არსებობს მტკიცებულება, რომ ღორის ხორცს რაიმე სპეციფიკური მავნებლობა ახასიათებდეს ძროხის ხორცთან შედარებით.

ღორის ხორცთან მებრძოლთა ერთ-ერთი არგუმენტი ალბათ ის არის, რომ ცხიმიანია, თუმცა არგუმენტად ეს ვერ გამოდგება, რადგან თუ ჩვენ განვიხილავთ კუნთოვან ნაწილს (ანუ „მჭლე“), სატურირებული ცხიმის შემცველობით, ძროხის ხორცი აღემატება ღორისას. მეორე მხრივ, მთელი რიგი ვიტამინების, მინერალური ნივთიერებების შემცველობით ღორის ხორცს უპირატესობებიც გააჩნია (გარდა რკინისა, რომელიც მეტია ძროხის ხორცში).

ასევე დამკვიდრებულია მოსაზრება, რომ ბავშვებს (განსაკუთრებით ჩვილ ბავშვებს) არ უნდა მივცეთ ღორის ხორცი. თუ დავაკვირდებით, დასავლეთის ქვეყნებში ბავშვთა კვებაში ჩვეულებრივ არის წარმოდგენილი ღორის ხორცი ყოველგვარი შეზღუდვების გარეშე. არც ერთი საერთაშორისო ორგანიზაციის რეკომენდაციაში არ არის აკრძალული ჩვილი ბავშვებისთვის ღორის ხორცის გამოყენება.

დასკვნა კი ის არის, რომ როდესაც რაღაც შეზღუდვებს ვუწესებთ ჩვენს თავს (ან, პირიქით, როდესაც რაღაც პროდუქტის თუ ნივთიერების მარგებლობის გვჯერა), კარგი იქნება, თუ შესაბამის არგუმენტებს მოვიძიებთ. ეს პირველ რიგში ეხება ჯანდაცვის მუშაკებს, რომლესაც დიდი პასუხისმგებლობა აქვთ პაციენტებისთვის თუნდაც ასეთი მარტივი რეკომენდაციების მიცემის დროს და მათი ეს რჩევები გამყარებული უნდა იყოს შესაბამისი მტკიცებულებით.

 

904
თემები:
ჯანმრთელობა და სილამაზე
მარი მალაზონია

მალაზონია: დღეს კაცობრიობას ნიღბის ტარების და სუფთა ხელების  გარდა სხვა გამოსავალი არ აქვს

0
(განახლებულია 19:49 20.09.2020)
ექიმი-ნუტრიციოლოგი, კვების ეროვნული ცენტრის დირექტორი მარი მალაზონია საუბრობს, დღევანდელ სიტუაციაში რა არის გამოსავალი და როგორ დავიცვათ თავი კორონავირუსისგან.
მალაზონია: დღეს კაცობრიობას ნიღბის ტარების და სუფთა ხელების გარდა სხვა გამოსავალი არ აქვს

„დოიჩე ველე“ ავრცელებს ინტერვიუს ევროპის ერთ-ერთ ყველაზე ცნობილ ვირუსოლოგთან, რომელიც გერმანიაში ცხოვრობს. ეს გახლავთ კრისტიან დროსტენი. სწორედ მისი მოსაზრებით, დღეს კაცობრიობას ნიღბის ტარების, სუფთა ხელების გარდა სხვა არჩევანი არ აქვს. უფრო მეტიც, მან ძალიან სერიოზული პროგნოზები გააკეთა. ვარაუდობს, რომ შესაძლოა ეს ტაქტიკა დაგვჭირდეს მომავალი წლის ბოლომდე. მტკიცებულებებზე დაყრდნობით, ის კიდევ ერთხელ გვარწმუნებს, რომ დღეს კაცობრიობას სჭირდება ნიღბის სწორი ტარება, ჰიგიენის წესების დაცვა, რაც არის ჩვენი უსაფრთხოების ერთადერთი არჩევანი“, - ამბობს მალაზონია.

მალაზონია ადამიანებს ურჩევს დედანში მოისმინონ ეს საკმაოდ ვრცელი ინტერვიუ და რჩევები გაითვალისწინონ.

 

 

0