პატარა ბიჭუნა წიგნით

როგორ შევაყვაროთ ბავშვს კითხვა: მარტივი რეკომენდაციები ფსიქოლოგებისგან

224
(განახლებულია 20:41 04.08.2020)
ფსიქოლოგები მშობლებს რამდენიმე მარტივ რეკომენდაციას აძლევენ იმისთვის, რომ ბავშვს წიგნის კითხვა შეუყვარდეს.

თუ უკმაყოფილო ხართ იმით, რომ თქვენი შვილის ცოტას, ან საერთოდ არ კითხულობს, საჭირო არ არის დააძალოთ ან რაღაც სახის „საჯარიმო სანქციები“ დაუწესოთ.

ფსიქოლოგები ამბობენ, რომ ამით თქვენ კიდევ უფრო დააშორებთ ბავშვსა და წიგნს ერთმანეთს.

იმისთვის, რომ მოზარდი კითხვას მიაჩვიოთ და ლიტერსტურის მიმართ ინტერესი გაუღვივოთ, სულ სხვა ტიპის ნაბიჯების გადადგმაა საჭირო. ქვემოთ სპეციალსტების რამდენიმე რჩევას შემოგთავაზებთ.

ხერხი 1: შეიძინეთ კარგად ილუსტრირებული გამოცემები

ბავშვებს ძლიერი წარმოსახვა აქვთ და ამ წარმოსახვას მუდმივად სჭირდება საზრდო. ყველაზე ნაცადი, აპრობირებული გზა, ბავშვმა კითხვა რომ ისწავლოს, არის მისთვის შთამბეჭდავი ილუსტრაციებისა და საინტერესო შინაარსის შემცველი ლამაზი წიგნების ყიდვა. ეს შეიძლება იყოს მისი საყვარელი მულტფილმის მოტივებზე შექმნილი ნაწარმოები ― პატარა მკითხველისთვის საინტერესო იქნება, უფრო მეტი გაიგოს მულტფილმის გმირების ცხოვრების შესახებ. მერე რა, თუ ტექსტი პატარაა. აქ მნიშვნელოვანია იმის ჩვენება, თუ რამდენი სილამაზე იმალება ასოებში.

ხერხი 2: წაიკითხეთ ერთად და გამოთქმით, მხატვრულად

ზოგჯერ ბავშვებს იმიტომ არ მოსწონთ კითხვა, რომ ვერ აღიქვამენ დიდ ინფორმაციას. დაეხმარეთ მათ აზრობრივი აქცენტების დასმაში. თქვენი ხატოვანი ინტონაცია დაეხმარება მას მნიშვნელოვან დეტალებზე ყურადღების გამახვილებაში და ტექსტის სწორად აღქმისთვის განაწყობს. წაიკითხეთ მცირე ზომის საინტერესო მოთხრობები, დაყავით ისინი ნაწილებად. სთხოვეთ შვილს, გაიმეოროს თქვენი წაკითხული, დაუსვით მისახვედრი კითხვები, რომ მას წაკითხულის გააზრება გაუადვილდეს. ეს არის ყველაზე მართებული მეთოდი იმისთვის, რომ შვილს სწრაფად და გატაცებით კითხვა ასწავლოთ.

ხერხი 3: არ წაიკითხოთ ბოლომდე

თქვენ გატაცებით კითხულობთ და უცებ ამბობთ: „უი, სადილს უნდა მივხედო“ და წიგნს გადაშლილს ტოვებთ. მერე კი უცებ აღმოაჩენთ, რომ მტვრები გაქვთ გადასაწმენდი... ბავშვი იწუწუნებს, იწუწუნებს, მერე კი დამოუკიდებლად განაგრძობს საინტერესო მომენტზე შეწყვეტილი წიგნის კითხვას. ასე რამდენჯერმე და პატარას კითხვის ჩვევა აუცილებლად გამოუმუშავდება.

ხერხი 4: ნუ აიძულებთ იკითხოს ის, რაც მას არ აინტერესებს

თუ ბავშვს წიგნი არ მოეწონება, მიეცით უფლება, რომ მისი კითხვა არ დაასრულოს. შესთავაზეთ სხვადასხვა ჟანრის ნაწარმოებები ― სამეცნიერო ფანტასტიკა, დეტექტივები, სათავგადასავლო ისტორიები. წიგნები ასაკისა და განვითარების მიხედვით შეარჩიეთ.

გახსოვდეთ, ბავშვები სიამოვნებით ეცნობიან მათი ასაკის შესაბამის ენციკლოპედიებს. ისინი სიამოვნებით კითხულობენ მცირე ინფორმაციულ შენიშვნებს და ათვალიერებენ შთამბეჭდავ ილუსტრაციებს.

ხერხი 5: შეიძინეთ ელექტრონული წიგნი

თუ თქვენს შვილს ქაღალდის წიგნი არ მოსწონს, შეგიძლიათ შეუძინოთ ელექტრონული წიგნი. ეს იგივე არ არის, რაც პლანშეტი. ელექტრონული წიგნი არ ღლის თვალებს მკვეთრი განათებით და ვერ აცდუნებს ბავშვს, გადაერთოს ფილმზე ან თამაშზე.

დაიცავით ეს წესები და შედეგიც არ დააყოვნებს. ადრე თუ გვიან დარწმუნდებით, შეაყვაროთ შვილს კითხვა და აიძულოთ ის, რომ იკითხოს ― სრულიად განსხვავებული თემებია.
224
თემები:
სასარგებლო რჩევები (282)
ბაზარი

ყველაზე სასარგებლო და ყველაზე იაფი: შვედი ექიმი ასახელებს ბოსტნეულს

61
(განახლებულია 11:11 24.09.2020)
შვედმა ექიმმა დაასახელა ყველაზე იაფი და ყველაზე სასარგებლო ბოსტნეული, რომელიც აუცილებლად უნდა შედიოდეს დღის რაციონში

თბილისი, 24 სექტემბერი — Sputnik. შვედმა ექიმმა-დიეტოლოგმა ქრისტინა ანდერსონმა დაასახელა ყველაზე ჯანსაღი და ამავე დროს იაფი პროდუქტები, რომლებიც მოსახლეობის ყველა ფენას შეუძლია შეიძინოს, იუწყება Svenska Dagbladet-ი.

ანდერსონმა სიაში პირველ ნომრად შეიტანა ხახვი, რადგან ის ორგანიზმისთვის საჭირო   ვიტამინებით, მიკროელემენტებითა და ანტიოქსიდანტებითაა მდიდარი. მეორე ადგილზე კომბოსტო აღმოჩნდა. ის ხელს უშლის კიბოს განვითარებას. თუმცა, კუჭის პრობლემების დროს, ნედლი სახით მისი მიღება რეკომენდებული არ არის.

დიეტოლოგი ასევე გვირჩევს, რომ რეგულარულად მივირთვათ სტაფილო, ჭარხალი და ოხრახუში.

გარდა ძირხვენა ბოსტნეულისა, ანდერსონი რეკომენდაციას უწევს მთელმარცვლიანი საკვების რაციონში დამატებას, რადგან ის სისხლში შაქრის დონის ნორმალიზებას იწვევს და აუმჯობესებს საჭმლის მონელებას.

ქრისტინა ანდერსონი ასევე შეგვახსენებს კარტოფილის სარგებელს, რომელიც ანაყრებს ორგანიზმს და თითქმის ნებისმიერი ტიპის კვებისთვისაა შესაფერისი.

61
თემები:
სასარგებლო რჩევები (282)
პატარა ბავშვის კვების პროცესი

შეიძლება თუ არა ჩვილის საკვების შენახვა, როცა დედა ახალი სადილის მომზადებას ვერ ასწრებს

104
(განახლებულია 21:09 23.09.2020)
ასეც ხდება ხოლმე – დილაუთენია ადგები, პატარას აჭმევ და სამსახურში წასვლამდე სამზარეულოში ფუსფუსს იწყებ. ჩვილს სადილი ხომ უნდა დაუტოვო, რომ მომვლელმა შუადღეს კარგად დაანაყროს შენ დაბრუნდებამდე.

დატვირთული დღის განრიგი გაქვს, ამიტომ ფიქრობ, რამდენ ხანს და როგორ შეინახო საკვები მაცივარში, ყოველ ცისმარე დღეს პატარას სადილი რომ არ უკეთო. ამ საკითხზე პედიატრი და ბლოგერი თამარ ობგაიძე დედებს საინტერესო რჩევებს უზიარებს.

თამარ ობგაიძე
თამარ ობგაიძე

გაინტერესებს როგორ უნდა მოიქცე მაშინ, თუ ყოველდღე ახალი სადილის მომზადებას ვერ ასწრებ? რა თქმა უნდა, პირველ რიგში უპირატესობა უშუალოდ კვების წინ მომზადებულ საკვებს ენიჭება, რომელსაც მაშინვე აჭმევ პატარას. ახალი მომზადებული საკვები ხომ გაცილებით გემრიელიცაა და უსაფრთხოც.

მზა სადილი გაყინვის გარეშე მხოლოდ იმ დღეს ან, მაქსიმუმ, შემდეგ დღეს შეგიძლია გამოიყენო. აშშ-ის წამლისა და სურსათის სააგენტო გვირჩევს შენახვის მხოლოდ ამ მოკლე ვადას, რადგან ბაქტერიები სწრაფად იზრდება. ამიტომ შენახვისას ტემპერატურა პლუს 4–4,5 გრადუსზე მაღალი არ უნდა იყოს.

თუ კვებისას პატარა არ ამთავრებს სრულ ულუფას, დატოვებული საკვები მაცივარში აღარ შეინახო. ის აუცილებლად უნდა გადააგდო, რათა გამორიცხო ბაქტერიული დაბინძურება.

მოსამზადებლად ყოველთვის გულდასმით უნდა შეარჩიო ახალი, დაუზიანებელი პროდუქტი და კარგად გარეცხო. ამისათვის მხოლოდ წყლის გადავლებას ნუ ენდობი, ხილ-ბოსტნეულის გასასუფთავებლად ჯობს სპეციალურად მისთვის განკუთვნილი ჯაგრისი გამოიყენო.

საკვების მომზდების წინ კიდევ ერთხელ გარეცხე საჭრელი დაფები, რომელიც არ უნდა იყოს ფოროვანი. ამ ფორებში ადვილად იბუდებენ და იმალებიან ბაქტერიები.

თუ საკვების შენახვა გადაწყვიტე, მომზადებული პროდუქტები დაბლენდერების შემდეგ მოათავსე წინასწარ საპნით კარგად გარეცხილ ყინულის მოსამზადებელ ჭურჭელში, რაც საშუალებას მოგცემს საკვები კუბებად გაყინო და საჭიროებისას ის ულუფა აიღო, რამდენიც გჭირდება.

ჭურჭელს გადააფარე პოლიეთილენის თხელი გარსი, რომელიც საკვები პროდუქტებისათვისაა განკუთვნილი, შემდეგ კი ფოლგა შემოახვიე და საყინულეში მოათავსე.

როგორც კი საკვების ულუფები გაიყინება, გადმოიღე პლასტმასის სუფთა ჭურჭელში ან პაკეტში და შეინახე საყინულეში -17-18 გრადუსზე. პაკეტს აუცილებლად დაურთე გაყინვის თარიღის ამსახველი სტიკერი.

ამ წესით გაყინული პიურე მაქსიმუმ 2 თვე შეგიძლია შეინახო.

და, ბოლოს, საკვების შესანახად ყოველთვის გამოიყენე მაღალი ხარისხის პლასტმასის ნაწარმი, რომელიც არ შეიცავს ბისფენოლს. მავნე პლასტმასის აღმნიშვნელად გამოიყენება ციფრი 7, რაც დატანილი უნდა იყოს პლასტმასის ჭურჭლის ძირზე.

ჯანმრთელობას გისურვებ!

104
თემები:
ჯანმრთელობა და სილამაზე
ხატია სიჭინავა და რამაზ ნოზაძე

„სკოლა არ დაიწყება... არც ნოემბერში“ - ხატია სიჭინავა საზოგადოებას აფრთხილებს

0
(განახლებულია 12:43 24.09.2020)
ყოფილი ტელეწამყვანი სოციალურ ქსელში საზოგადოებას მიმართავს და უჩვეულო ინფორმაციას აქვეყნებს. ნახეთ რას წერს ხატია სიჭინავა

თბილისი, 24 სექტემბერი  — Sputnik. ყოფილი ტელეწამყვანიხატია სიჭინავა სკოლაში სწავლის დაწყების შესაძლო გადადებას ეხმაურება და წერს, რომ აღსასრული ახლოა და მალე მთელ მსოფლიოს ერთი მმართველი ეყოლება და ადამიანები დაიჩიპებიან.

სიჭინავა ფიქრობს, რომ სკოლა არ დაიწყება არც ოქტომბერში, არც ნოემბერში და ეს არ არის საქართველოს მთავრობის გადასაწყვეტი, რადგან მოკლე დროში მთავრობაც არ გვეყოლება, რადგან მალე მსოფლიო გაერთიანდება და ვერაფერი შეცვლის წინასწარმეტყველებას, რომელიც „ბიბლიაშია“.

„ვიღაცები წავალთ მიწაზე სახლებს გავამაგრებთ, როგორც ეს უკვე დიდი ხნის წინ გვითხრა პატრიარქმა და გვიწინასწარმეტყველა მამა გაბრიელმა და წმინდა ბერებმა. ვიღაცეები აიცრებიან, დაიჩიპებიან და უკვე მერამდენედ უარყოფენ ღმერთს. დღეს ჩემმა ქმარმა მითხრა, შეუცნობელია ღვთის გზები, იქნებ ამ ასწლეულში არ მოხდეს და ავცდეთო, მაგრამ როგორც მამა გაბრიელმა თქვა, ის კარებთან დგას, კი არ გიკაკუნებთ, კარებს ანგრევს და ელოდება თქვენს მიპატიჟებას, რომ კარი გაუღოთ!“ - წერს ხატია სიჭინავა.

View this post on Instagram

სიყვარული არის ...

A post shared by ხატია (@katiesihinava) on

ყოფილი ტელეწამყვანი ხატია სიჭინავა და რამაზ ნოზაძე ოთხი შვილის მშობლები არიან.  ნანატრი ბიჭის მშობლები 11 მაისს გახდნენ. ხატია სიჭინავა გათხოვების შემდეგ ნამდვილ ოჯახის ქალად გადაიქცა და მთელ დროს მხოლოდ მას უთმობს. ხატიას პირადი ბიზნესიც აქვს, თუმცა მისთვის წინა პლანზე ქმარ-შვილი და ოჯახის დანარჩენი წევრები არიან.

წყვილის სიყვარულის შესახებ საზოგადოებამ გადაცემა „პროფილიდან“ შეიტყო, როდესაც ორსულმა ხატიამ განაცხადა, რომ ორწლიანი რომანის შემდეგ შვილს რამაზ ნოზაძისგან ელოდებოდა, ბოროტი ენების გამო კი ისინი ერთად აღარ იყვნენ. თუმცა გარკვეული პერიოდის შემდეგ იყო ქორწილი და ახლა თბილისში ერთ-ერთ ყველაზე ცნობილ და ბედნიერ წყვილად ითვლებიან.

0
თემები:
სელებრითების ცხოვრება