დილის ცვარი

ჭარბი ოფლიანობის მიზეზი და მასთან ბრძოლის მეთოდები

941
(განახლებულია 20:54 30.07.2020)
ოფლის გამოყოფა ფიზიოლოგიური პროცესია. ჩვეულებრივ, ადამიანის სხეული ოფლს გამოყოფს ცხელ ამინდში, ფიზიკური დატვირთვის, ვარჯიშის დრო, სტრესულ სიტუაციაში. ოფლიანობას თავისი დადებითი მხარე აქვს – ის უზრუნველყოფს სხეულის გაგრილებას.

თუმცა, ზოგიერთი ადამიანი ყოველგვარი მიზეზის გარეშე გამოყოფს ოფლს, თანაც ჭარბი რაოდენობით, რაც მას უქმნის მნიშვნელოვან დისკომფორტს, ზოგჯერ მუდმივ ემოციურ დაძაბულობას და ფსიქოლოგიურ პრობლემებსაც კი. რა იწვევს ჭარბ ოფლიანობას, იგივე ჰიპერჰიდროზს და მკურნალობის რა მეთოდები არსებობს თანამედროვე მედიცინაში, ამის შესახებ მედიცინის აკადემიური დოქტორი კობა სახეჩიძე საუბრობს.

- რამდენად გავრცელებული პრობლემაა ჭარბი ოფლიანობა?

- ჭარბი ოფლიანობა მოსახლეობის 2-3 პროცენტშია გავრცელებული. ეს ციფრი არ ჩანს დიდი, მაგრამ თუ ამას გადავთვლით მსოფლიოს მოსახლეობაზე, სადღაც 214 მილიონი მოსახლე გამოდის, ვინც ამ პრობლემით იტანჯება. გამომდინარე იქიდან, რომ ქართველები ცოტა ემოციურები ვართ, ალბათ ჩვენი სტატისტიკა როცა იქნება, ვფიქრობ, რომ ეს პროცენტული მაჩვენებელი უფრო მაღალი იქნება, რადგან ემოცია ოფლის გამოყოფაზე მეტად მოქმედებს.

- მეტ-ნაკლებად ოფლი ყველა ადამიანს გამოეყოფა, რა კრიტერიუმით უნდა მიხვდეს ადამიანი, რომ ჭარბი ოფლიანობა აქვს?

- ოფლიანობა ითვლება ჭარბად, როდესაც ის არის უკვე შემაწუხებელი. ბევრ ადამიანს ჭარბი ოფლიანობა პირად კარიერაში უშლის ხელს. ამ დროს აქვთ კომპლექსი, რომ სხვა ადამიანს ხელი ჩამოართვან, ვინაიდან ხელი მუდმივად სველი აქვთ. ან ვერ გამოდიან გარეთ ისეთ ფორმაში, როგორც მათ სურთ, რადგან იღლიები ყოველთვის სველი აქვთ. ეს ძალიან დიდ დისკომფორტს წარმოქმნის. ზოგჯერ პაციენტებს ისეთი ოფლიანობა აქვთ, თითებიდან წვეთები მოსდით. ეს უკვე საშინელებაა. ამ დროს არ შეუძლიათ კლავიატურაზე მუშაობა, წერა ხელთათმანის გარეშე, რაც, დამეთანხმებით, დიდ დისკომფორტს ქმნის. სწორედ ეს არის ჭარბი ოფლიაონობა და არა ის, რომ ვივარჯიშეთ, ან ტემპერატურამ მოიმატა და მეტ-ნაკლებად გავოფლიანდით.

- რა არის ჭარბი ოფლიანობის გამომწვევი მიზეზი?

- ეს პათოლოგია ორი სახის არსებობს: ადგილობრივი, როცა ჭარბი ოფლიანობა ლოკალიზებულია კონკრეტულად ხელისგულების, საზარდულის, ფეხისგულების, იღლიების, მკერდის, სახის ან, ზოგადად, თავის არეში, და გენერალიზებული ჰიპერჰიდროზი, როცა ჭარბი ოფლიანობა მთელ სხეულზე აღინიშნება. გენერალიზებული ოფლიანობა ხშირად მეორეული ხასიათისაა, რაც გულისხმობს იმას, რომ იგი სხვა დაავადებითაა გამოწვეული. ჭარბი ოფლიანობის გამომწვევი უამრავი მიზეზი შეიძლება იყოს. მაგალითად, თავის ტვინის როგორც ონკოლოგიური, ისე არაონკოლოგიური დაავადებები, ფილტვების სხვადასხვა დაავადებები, ასევე ტუბერკულოზის დროს. ჭარბი ოფლიანობა ხდება კლიმაქტერული პერიოდის დროს, სხვადასხვა ორგანოების სიმსივნური დაავადებებისას. ეს ჩამონათვალი საკმაოდ ბევრია და შორს წაგვიყვანს. თუ ჩიყვი აქვს პაციენტს და ჩვენ ოფლიანობაზე დავუწყეთ მკურნალობა, ეს არასწორი იქნება – არც ეთიკურად არც სამედიცინო თვალსაზრისით. ჩვენ ფარისებრი ჯირკვლის ფუნქცია უნდა მოვაწესრიგოთ და შემდეგ თავისთავად ყველაფერი ალაგდება. ანუ, პირველ ეტაპზე მთავარია სწორი დიაგნოსტირება, რა იწვევს ოფლიანობას.

- ვთქვათ, ადამიანს გაუჩნდა ეჭვი, რომ მას აქვს ჭარბი ოფლიანობა. არსებობს თუ არა რაიმე კონკრეტული ტესტები, რომელიც განსაზღვრავს, რომ ადამიანს მართლა აქვს ეს პრობლემა?

- დიახ, ასეთი ტესტი ნამდვილად არსებობს. თუმცა ძირითადად ეს გამოიყენება ხელის გულების, ფეხის გულების და იღლიების დიაგნოსტიკისთვის.

- უმეტესად რომელ ზონებში გამოიყოფა ჭარბი ოფლი?

- ეს ადგილებია ხელის გულები, ფეხის გულები, თავის არე, კისერი, სახის არე და საზარდულის არეები.

თუ ჰიგიენური ნორმები დაცულია და ამ ზონებში მაინც ხდება ჭარბი ოფლიანობა, უკვე საჭიროა სპეციალისტთან მისვლა, ტესტირების გავლა და დიაგნოზის დასმა, არის თუ არა ეს პირველადი ჰიპერჰიდროზი, თუ მეორადი რაიმე დაავადებით გამოწვეული.

მინდა გითხრათ, რომ სახის არეში ოფლიანობას თან სდევს ხოლმე ზედმეტად გამოხატული სიწითლე. აქ ირთვება მანკიერი წრე, ოფლიანობა იწვევს სიწითლეს, სიწითლე აღიზიანებს და იწვევს ჭარბ ოფლიანობას და ეს კიდევ უფრო ართულებს მდგომარეობას.

- თუ პაციენტს დაუსვეს დიაგნოზი და დადასტურდა ჰიპერჰიდროზი. რა არის გზა, რითი ვეხმარებით ასეთ პაციენტებს?

- არის მკურნალობის ჯგუფი, სადაც შედეგი არის დროებითი და არის ჯგუფი, სადაც მუდმივი შედეგი შეგვიძლია მივიღოთ. როდესაც საბოლოოდ ისმება ჭარბი ოფლიანობის დიაგნოზი, ამ შემთხვევაში საჭიროა შეირჩეს მკურნალობის მეთოდი. არის პრეპარატები, რომლებიც გამოიყენება სამკურნალოდ. ეს პრეპარატები ჩვენი ემოციის ზღვარს წევს ქვემოთ. როგორც მოგახსენეთ, ზედმეტი ემოციები აძლიერებს ორგანიზმში ოფლიანობის ინტენსივობას და მის სიძლიერეს. გარდა ამისა, არსებობს სპეციალიზებული დეოდორანტები, რომლებიც კონკრეტულად სამკურნალოა და არა არომატიზებული. მკურნალობის შემდეგი მეთოდი არის ბოტოქსით ინექციები, რომელიც კეთდება ინსულინის პატარა ნემსით და სრულიად უმტკივნეულოა. თუ გვინდა, რომ შედეგი იყოს მუდმივი, ხანგრძლივი და მომავალში ამ თემას აღარ დაუბრუნდეს პაციენტი, ამ შემთხვევაში არსებობს ქირურგიული მეთოდი. ოპერაცია ნაკლებად ტრამვულია ორგანიზმისთვის. ოპერაციის წინ იძინებს პაციენტი ოფლიანობით და იღვიძებს სულ სხვა ადამიანი. ის უკვე საერთოდ განკურნებულია და უკვე სხვა ცხოვრება ეწყება.

- შესაძლოა ბევრს გაუკვირდეს რა კავშირშია ოპერაცია ჭარბ ოფლიანობასთან, იქნებ დეტალურად აგვიხსნათ ამ მეთოდის შესახებ.

- არის ორი მეთოდი, ერთი იღლიების კიურეტაჟი, რაც ადგილობრივად, მხოლოდ იღლიების არეს შეეხება. კიურეტაჟი ნიშნავს კანქვეშ, იღლიის არეში მექანიკურად საოფლე ჯირკვლების დარღვევას. რაც შეეხება ძირითად მეთოდს, ეს არის თორაკოსკოპიული სიმპატექტომია. ტარდება იღლიის ქვევით, მეორე, მესამე და მეხუთე ნეკნთაშუა არეში 2-5 მილიმეტრიან განაკვეთში, საიდანაც შევდივართ გულ-მკერდის ღრუში. იქ გადის სიმპატიკური ნერვული ღერო, რომლებსაც მიაქვთ ინფორმაცია პერიფერიიდან ცენტრალურ ნერვულ სისტემამდე. ამ ნერვული ღეროს გადაკვეთის შემთხვევაში ვწყვიტავთ ინფორმაციას პერიფერიიდან, რომელიც არის არასწორი და მიეწოდება ცენტრალურ ნერვულ სისტემას, რომ მას ესაჭიროება იმ კონკრეტულ, დავუშვათ, იღლიის, ან ხელის გულის, ან ნებისმიერ სხვა ადგილზე საოფლე ჯირკვლების გააქტიურებული მუშაობა. ეს ოპერაცია ნარკოზის ფონზე მიმდინარეობს. პროცესი ძალიან ხანმოკლეა, დაახლოებით 5-7 წუთი გრძელდება თითოეულ მხარეს. სამი დღის შემდეგ ადამიანს შეუძლია ჩვეულ რიტმში გააგრძელოს ცხოვრება, მუშაობა. ხოლო თუ ფიზიკურად შრომობს, 10 დღის შემდეგ შესაძლებელია ნებისმიერი დატვირთვა გააგრძელოს უპრობლემოდ. ასე რომ, დღეს ჭარბი ოფლიანობის დამარცხება ადვილია და მარტივად შეგვიძლია თავიდან ავიცილოთ ის დისკომფორტი, პრობლემები, რასაც ჭარბი ოფლიანობა უქმნის ადამიანს.

941
თემები:
ჯანმრთელობა და სილამაზე (29)
მოწყენილი ბავშვი მარტო გზაზე

როგორ ამოვიცნოთ დეპრესია ბავშვებში: სახელდება ფარული ნიშნები

22
(განახლებულია 15:54 07.08.2020)
ბევრი ბავშვი უჩივის ხოლმე მუცლის ტკივილს მნიშვნელოვანი მოვლენის წინ, როცა მათი შფოთვისა და სტრესის დონე ძალიან მაღალ ნიშნულს აღწევს. ზოგი მშობელი შეიძლება დიდად არც რეაგირებდეს ამაზე და წარმოდგენაც არ ჰქონდეს, რომ რეალურად ეს განსაკუთრებულ ყურადღებას მოითხოვს

თბილისი, 7 აგვისტო - Sputnik. სიეტლის ბავშვთა საავადმყოფოს (Seattle Children's) ექიმი ნიკოლ სავანგპონტ პატამანუჩი მშობლებს შფოთვითა და სტრესით გამოწვეული მუცლის ტკივილის შესახებ ესაუბრება და უმნიშვნელოვანეს სიმპტომებზე ამახვილებინებს ყურადღებას.

თურმე ბევრი მშობელი ვერც ხვდება, რომ სწორედ შფოთვა (რაც მუცლის ტკივილს იწვევს) ხდება დეპრესიის მიზეზი ბავშვებში, რაც, თავის მხრივ, შემდგომში ფსიქიკური დარღვევების საფუძველი ხდება.

 

22
თემები:
მშობლები და შვილები
ხარ უნიკალური, ოპერაციებით კი ხდები „სტანდარტული“: თხელი ცხვირი, დაბერილი ტუჩები...

როგორ მოვიშოროთ უსიამოვნო სუნი პირიდან: პრობლემა, რომელიც საკმაოდ ფართოდ არის გავრცელებული

127
(განახლებულია 16:22 07.08.2020)
ალბათ არაერთხელ აღმოჩენილხართ ისეთ სიტუაციაში, როცა საუბრის დროს თანამოსაუბრის პირის ღრუდან უსიამოვნო სუნი გიგრძვნიათ. ეს ჰალიტოზია.

აღმოჩნდა, რომ ჰალიტოზი მსოფლიოს მოსახლეობის დაახლოებით 50%-ზე მეტს სისტემატურად ან პერიოდულად მაინც აწუხებს. აღნიშნული პრობლემა დიდ დისკომფორტს უქმნის ადამიანს და ხშირიდაც ფსიქოლოგიურ პრობლემამდეც კი მივყავართ.

რა არის ჰალიტოზი

ჰალიტოზი ანუ პირის ღრუში უსიამოვნო სუნი დამოუკიდებელი დაავადებაა და უმეტეს შემთხვევაში მას სხვადასხვა დაავადება ან პრობლემა იწვევს. ზოგ შემთხვევაში ჰალიტოზს პირის ღრუს ჰიგიენის ნორმების დაუცველობა წარმოქმნის. როგორც წესი, ადამიანი საკუთარ პირის ღრუში უსიამოვნო სუნს თავად ვერ გრძნობს.

რა იწვევს ჰალიტოზს

ჰალიტოზის გამომწვევი  ერთი კონკრეტული მიზეზი არ არსებობს, მიზეზთა ჩამონათვალი საკმაოდ ვრცელია. ჰალიტოზის გამომწვევი მიზეზი შეიძლება იყოს პირის ღრუს ჰოგიენის არასაკმარისი დაცვა, (დღე-ღამის განმავლობაში ადამიანი, სულ ცოტა, 2-ჯერ მაინც უნდა იხეხავს კბილებს, რადგან საკვების ნარჩენების დაშლის შედეგად უსიამოვნო სუნი წარმოიქმნება) სტომატოლოგიური დაავადებები, კარიესი, პირის ღრუს ლორწოვანი გარსის დაავადება, ღრძილების ანთება და სხვა. ასევე, მოწევა და ალკოჰოლის ჭარბი რაოდენობით მოხმარება, შინაგანი ორგანოების სისტემური დაავადება, შაქრიანი დიაბეტი, კუჭ-ნაწლავის დაავადებები, თირკმლისა და ღვიძლის უკმარისობა, ონკოლოგიური დაავადებები, შიმშილი ან გარკვეული ტიპის დიეტა, სტრესი და ა.შ.

როგორ ავიცილოთ თავიდან ჰალიტოზი

არსებობს გარკვეული პროფილაქტიკური ზომები, რომლის გათვალისწინების შემთხვევაში თავიდან ავიცილებთ ჰალიტოზს.

· ყველაზე მნიშვნელოვანია, მკაცრად დაიცვათ პირის ღრუს ჰიგიენა. კბილები და ენის ზედაპირი დღეში, სულ ცოტა, 2-ჯერ მაინც გაიწმინდეთ. სასურველია, ეს პროცედურა ორ წუთს  გაგრძელდეს. კბილებს შორის სივრცე კი სტომატოლოგიური ძაფით გაიწმინდეთ.

· აუცილებლად ისაუზმეთ. შეზღუდეთ რაციონში კვერცხი, ხახვი, ნიორი, მწარე წიწაკა და ყველი.

· თქვენი საკვები რაციონი გაამდიდრეთ მცენარეული ზეთით და ყოველდღიურად მიიღეთ იოგურტი, რომელიც ლაქტობაცილებს შეიცავს.

· შეზღუდეთ ალკოჰოლური და გაზიანი სასმელის მიღება.

· თუ ხართ მწეველი, ეცადეთ შეწყვიტოთ სიგარეტის მოწევა.

· დალიეთ საკმარისი რაოდენობის წყალი,  მწვანე ჩაი.

· პირის ღრუდან უსიამოვნო სუნის გამძაფრების შემთხვევაში მიმართეთ ექიმს!

როგორ მოვიშოროთ არასასიამოვნო სუნი პირის ღრუდან

არსებობს სპეციალური სპრეები, რომელიც  სუნთქვის გასაჯანსაღებლად გამოიყენება, მათი შეძენა აფთიაქებში შეგიძლიათ. არსებობს ასევე აბებიც. თუ არ გსურთ მათი გამოყენება, არსებობს მარტივი გამოსავალიც, შეიძინეთ ტიკ-ტაკი.

აქვე შემოგთავაზებთ რამდენიმე ხალხურ მეთოდს, რომელიც დაგეხმარებათ პირის ღრუდან უსიამოვნო სუნის მოცილებაში. დაღეჭეთ ოხრახუში, პიტნა, ყავის ან ქინძის მარცვლები, ლიმონის კანი. ყოველდღიურად გამოივლეთ მარწყვის ფოთლების ნახარში. აიღეთ ნაძვის ხის 10 ცალი მწვანე გირჩი, დანაყეთ. ორი ჭიქა ძმარში მოადუღეთ და დილაობით გამოივლეთ პირში.

127
თემები:
ჯანმრთელობა და სილამაზე (29)
სახელმწიფო დეპარტამენტი

მიმოხილვა: რა წერია აშშ-ის გლობალური ურთიერთქმდების ცენტრის მოხსენებაში

0
(განახლებულია 15:55 07.08.2020)
ამერიკელებმა ფარდა ახადეს მსოფლიო სადეზინფორმაციო კამპანიის რუსულ ტაქტიკას. მაგრამ ეს „ფარდის ახდა“ სახელმწიფო დეპარტამენტის მხრიდან ამერიკელების დეზინფორმირებისა და ამასთან, მთავრობისთვის უფრო მეტი ფულის „გამოძალვის“ მცდელობაა.

გევორქ მირზაიანი

ამ დღეებში აშშ–ს სახელმწიფო დეპარტამენტთან არსებულმა გლობალური ურთიერთქმედების ცენტრმა გამოაქვეყნა მოხსენება „რუსული პროპაგანდისა და დეზინფორმაციის ეკოსისტემის საფუძვლები“. ავტორების მიზანი „რუსეთის მოქმედების ტაქტიკის მხილება იყო, რათა ჩვენმა პარტნიორებმა, მოკავშირე მთავრობებმა, სამოქალაქო საზოგადოების ორგანიზაციებმა, მეცნიერებმა, პრესამ და საზოგადოებამ მთელ მსოფლიოში შეძლონ დეზინფორმაციასა და პროპაგანდაზე შემდგომი ანალიზის ჩატარება და კოლექტიური პასუხის გაძლიერება“.

სიურპრიზი სიურპრიზზე 

ერთი შეხედვით ყველაფერი სოლიდურად გამოიყურება — ტექსტის 75 გვერდი, 313 ბმული, გრაფიკები და ცხრილები. მისი მიხედვით, რუსეთის ხელისუფლება ცდილობს გამოიყენოს მედიასაშუალებები თავისი თვალსაზრისით გასატარებლად (!) — და, რა თქმა უნდა, ეს კრემლის გენიალური გამოგონებაა, სხვა ქვეყნებმა უნდა ისწავლონ, როგორ მოიქცნენ. 

კიდევ ერთი „აღმოჩენა“ ისაა, რომ რუსეთის სახელმწიფო მედიის მიერ გამოქვეყნებულ ინფორმაციებს სხვა გამოცემები იტაცებემ და შემდეგ მთელ ინტერნეტში ვრცელდება. ავტორებმა, როგორც ჩანს, მხოლოდ ახლა აღმოაჩინეს ინტერნეტის თავისეურებები და ინფორმაციის გადაცემის ამჟამინდელი გარემო.

მოხსენებაში რუსეთის ძირითადი მედიასაშუალებებისა და მათი მფლობელების აღწერა ასევე წარმოადგენს კოლოსალურ ფასეულობას ნებისმიერი ანალიტიკოსისთვის — რატომღაც ხომ ისე გამოდის, რომ პროსახელმწიფოებრივ არხებს, გამოცემებსა და ინტერნეტსაიტებს ისეთი ადამიანები ხელმძღვანელობენ, რომლებიც პროსახელმწიფოებრივ იდეოლოგიას იზიარებენ?!

გარდა ამისა, მკვლევარებისთვის ასევე დიდი ფასეულობაა მოხსენების ცენტრალური აზრი: მოსკოვის ნებისმიერი თვალსაზრისი მსოფლიო პრობლემებზე, მის შესახებ ნებისმიერი პუბლიკაცია არის არა სიტყვის თავისუფლების გამოვლენა, არამედ რუსული პროპაგანდისა და სიცრუის ბოროტი მაგალითი, რომელიც გონებას უბინდავს დასავლეთის უცოდველ მოსახლეობას.

რა თქმა უნდა, შეიძლება ითქვას, რომ ამ  მოხსენების მეცნიერულ ღირებულებას მარტო ეს აზრიც კი აუფასურებს, მაგრამ მას ღირებულება უბრალოდ არ გააჩნია. არსებითად ეს 75 გვერდი არის ბანალური აზრების ჩამონათვალი, რომლის მიზანიც არა საფარველის ჩამოგლეჯაა, არამედ სახელმწიფო მდივან მაიკ პომპეოს თხოვნის მატერიალური გამყარებაა გლობალური ურთიერთქმედების ცენტრის დაფინანსების ორჯერ გაზრდის თაობაზე. სწორედ რუსეთისა და სხვა ქვეყნების დეზინფორმაციასთან ბრძოლის სახელით.

ბედნიერება ფულშია  

გასაკვირი არ არის, რომ რუსი პოლიტიკოსებისა და ექსპერტების რეაქცია ამ მოხსენებაზე იყო რაღაც საშუალო დაცინვასა და ზიზღს შორის. მასში მოყვანილი არგუმენტები მათ სერიოზულად არ აღიქვეს და მორიგ რუსოფობიულ თითხვნად შეაფასეს. თუმცა იმავდროულად არიარეს, რომ მოხსენების ავტორებს მის გამოსაქვეყნებლად სრულიად მართებული საფუძველი ჰქონდათ.

„სახელმწიფო დეპარტამენტის რუსოფობების ანტირუსული ბოდვის მორიგი ულუფა მოხსენების ფორმით, ხილულად წარმოაჩენს ამერიკელი პოლიტიკოსების პანიკურ შიშს ქვეყნის შიგნით და მსოფლიოში მიმდინარე მოვლენებზე ალტერნატიული თვალსაზრისის წინაშე“, — ამბობს რუსი დეპუტატი სერგეი ჟელეზნიაკი.

RT–სა და Spputnik–ს იმაზე ნაკლები ფული აქვთ, ვიდრე მსხვილ დასავლურ მედიას, მაგრამ მათ სწორედ ის ალტერნატიული თვალსაზრისი გააჩნიათ.

ვირაცას შესაძლოა აქამდე ეჩვენებოდეს, რომ დასავლეთში სიტყვის თავისუფლებაა, მაგრამ ეს ასე არაა. მთელ რიგ საკითხებზე ამერიკული მედია საბჭოთა გაზეთებს ჩამოჰგავს — ისინი ერთიან, პოლიტიკურად კორექტულ თვალსაზრისს ტრანსლირებენ.

და ეს თვალსაზრისი — შავკანიანებისა და მემარცხენეების მიერ ამერიკაში მოწყობილი არეულობა, ამერიკული ისტორიული მემკვიდრეობის რღვევის სისწორე, უდანაშაულობის პრეზუმფციის მიმართ ზიზღი და ასევე რუსეთის დემონიზაცია — დასავლელ მკითხველს ბეზრდება და ალტერნა ტიულ თვალსაზრისს ისინი რუსეთის ინგლისურენოვან მედიაში ნახულობენ.

ეს კი უკვე სერიოზული პრობლემაა აშშ–სთვის, ვინაიდან მსოფლიო საინფორმაციო სფეროზე კონტროლი არის კიდევ ამერიკული დომინირების საფუძველი. სწორედ ამიტომაც, როგორც რუსეთის საგარეო საქმეთა სამინისტროში აღნიშნავენ, „ვაშინგტონი აკრიტიკებს ნებისმიერ საინფორმაციო წყაროს, რომლებიც ალტერნატიულ თვალსაზრისს ავრცელებენ, და ცდილობს ჩაახშოს ნებისმიერი ხმა, რომელიც ეწინააღმდეგება ამერიკულ მიდგომებს“. ხოლო როცა კრიტიკა არ შველის, სანქციებს აწესებენ.

ამგვარი დევნა რეალურად ასუსტებს აშშ–ის გეოპოლიტიკურ შესაძლებლობებს. მაგალითად, რუსეთის გამოყენების მხრივ ჩინეთის შესაკავებლად, და ასევე სხვა გლობალური საკითხების გადასაჭრელად. სულ უფრო მეტი ამერიკელი ექსპერტი მოუწოდებს ვაშინგტონს, უფრო პრაგმატულად მიუდგეს მოსკოვთან დიალოგს. ამის მაგალითია 103 გამოჩენილი ამერიკელი ექსპერტის ღია წერილი Politiko–ში, რომელთა შორის არიან ყოფილი დიპლომატები და პოლიტიკოსები.

„მაგრამ ოკეანისგაღმელი ოპონენტების ისეთი დოკუმენტებს, როგორიცაა გლობალური ურთიერთქმედების ცენტრის მოხსენება, შეუძლია მხოლოს ერთ მიზანს მიაღწიოს — ბოლო მახვილი ჩასცეს რუსულ–ამერიკულ დიალოგს გლობალურ საკითხებზე და წლების განმავლობაში გამორიცხოს უნდობლობის კრიზისის გადალახვა ჩვენს ქვეყნებს შორის“, — აღნიშნავს ჟელეზნიაკი.

რედაქცია შესაძლოა არ ეთანხმებოდეს ავტორის მოსაზრებებს!

0