საცურაო აუზი

რამდენად უსაფრთხოა წელს ზღვასა და აუზზე სიარული: გადადის თუ არა კორონავირუსი წყლით

664
(განახლებულია 19:23 27.07.2020)
ზაფხულის დადგომასთან ერთად უამრავ ადამიანს გაუჩნდა კითხვა, კორონავირუსის პირობებში, შეძლებენ თუ არა ზღვასა და საცურაო აუზებზე წასვლას და რამდენად უსაფრთხო იქნება ეს.

შევეცდებით, სწორედ ამ კითხვაზე გაგცეთ პასუხი და სპეციალსტების მოსაზრებები და რეკომენდაციები გაგაცნოთ.

ივლისის თვეში ჯანდაცვის სამინისტრომ ღია, ასევე  დახურული ტიპის აუზების, საუნებისა და აბანოებისთვის სპეციალური რეკომენდაციები დაამტკიცა. რეკომენდაციის თანახმადაც, ყველა ტიპის აუზზე შეზლონგებს შორის ორ მეტრიანი დისტანციის დაცვაა საჭირო. ამასთან, შეზლონგი გამოყენებამდე და ყოველი გამოყენების შემდგომ უნდა დამუშავდეს სადეზინფექციო ხსნარით. აღნიშნული ობიექტების ტერიტორიაზე არსებულ დახურულ სივრცეებში მომხმარებელი ნიღბის გარეშე არ დაიშვება.

ასევე, საცურაო აუზების ადმინისტრაცია ვალდებულია უზრუნველყოს წყლის ხარისხის ლაბორატორიული კონტროლი. აბანოებსა და საუნებში უნდა მოეწყოს საშხაპეები, რომელთა დეზინფექცია უნდა მოხდეს ორ საათში ერთხელ.

აუზებზე აკრძალულია შეზლოგნებისთვის განკუთვნილი რბილი, შეწოვადი გადასაფარებლების გამოყენება.  მოხმარებლისათვის განკუთვნილი უნდა იყოს ინდივიდუალური პირსახოცი - ერთჯერადი შეფუთვით. გამოყენების შემდეგ, პირსახოცებს აგროვებს პერსონალი და ანთავსებს ერთჯერად პარკში, შემდეგ კი სპეციალურად გამოყოფილ კონტეინერში.

რაც შეეხება პერსონალს, ის აღჭურვილი უნდა იყოს ხელთათმანებით, ნიღბით, სპეცფეხსაცმლითა და ხალათით.

თუ აუზი ღია სივრცეშია განთავსებული, დაგამშვიდებთ და გეტყვით, რომ ღია სივრცეებში კორონავირუსის გავრცელების ალბათობა გაცილებით დაბალია, ვიდრე დახურულ შენობებში. შესაბამისად, თუ ღია აუზზე აპირებთ ბანაობას, მაშინ სანერვიულო ნაკლებად გაქვთ.

თუ აუზზე წყლის დეზინფექცია ქლორის შემცველი პრეპარატებით ხდება, ვირუსის იქ არსებობის კიდევ უფრო ნაკლები შანსია, ვინაიდან, როგორც ინფექციური დაავადებების ექსპერტი, ამეშ ადალია ამბობს, კორონავირუსი ქლორის შემცველ წყალში ნადგურდება. მისივე ინფორმაციით,  საცურაო აუზებში რისკი არა წყალში ყოფნისას, არამედ აუზიდან ამოსვლისას უფროა. შესაძლოა ადამიანების ჯგუფურად თავყრილობამ და საერთო ზედაპირებზე შეხებამ (მაგალითად, გამოსაცვლელ ოთახში) ხელი შეუწყოს ვირუსის გავრცელებას.

რაც შეეხება ზღვას, ამ შემთხვევაში ბევრად კარგად გვაქვს საქმე. სპეციალისტების აზრით, ზღვა სრულიად უსაფრთხოა და  კორონავირუსი ზღვაში არ ვრცელდება.

„ზღვა სრულიად უსაფრთხოა. ჯერ არც ერთი შემთხვევა არ დაფიქსირებულა, რომ ზღვიდან ადამიანს კორონავირუსი გადასდებოდა. რაც შეეხება, აუზს, როგორც ვიცი, უტარდება დეზინფექცია და დასუფთავება, ხოლო ეს ვირუსი ადვილად ემორჩილება დეზინფექტანტებს. აქ სხვა რამაა საყურადღებო. ზღვასა და აუზზე რამდენად მოხერხდება ფიზიკური დისტანციის დაცვა. ზღვიდან ვირუსი შესაძლოა ადამიანს არ გადაედოს, მაგრამ თუ სანაპიროზე სხვა იქნება ინფიცირებული და მასთან ორ მეტრზე ახლო კონტაქტი ექნება, თეორიულად შესაძლებელია, რომ ადამიანიდან ადამიანს გადაედოს. თუმცა, მსოფლიოში კორონავირუსის წყლიდან გადაცემის არც ერთი შემთხვევა არაა დადასტურებული“, - განაცხადა თბილისის ინფექციური საავადმყოფოს ინფექციონისტმა ალექსანდრე გოგინავამ.

როგორც ჩანს აუზზე და ზღვაში ბანაობა საფრთხეს არ გვიქმნის, თუმცა ყველაფრის მიუხედავად, არ უნდა დაგვავიწყდეს, რომ კორონავირუსი რესპირატორული დაავადებაა, რაც იმას ნიშნავს, რომ ის პირიდან და ცხვირიდან გამოყოფილი წვეთებით ვრცელდება ჰაერში. ამიტომ აუცილებელია დავიცვათ ელემენტარული ჰიგიენის ნორმები და სოციალური დისტანცია. ბევრი რამ სწორედ პირად პასუხისმგებლობაზეა დამოკიდებული.

ჯანმრთელობას გისურვებთ!

 

664
თემები:
ჯანმრთელობა და სილამაზე (29)
მოწყენილი ბავშვი მარტო გზაზე

როგორ ამოვიცნოთ დეპრესია ბავშვებში: სახელდება ფარული ნიშნები

24
(განახლებულია 15:54 07.08.2020)
ბევრი ბავშვი უჩივის ხოლმე მუცლის ტკივილს მნიშვნელოვანი მოვლენის წინ, როცა მათი შფოთვისა და სტრესის დონე ძალიან მაღალ ნიშნულს აღწევს. ზოგი მშობელი შეიძლება დიდად არც რეაგირებდეს ამაზე და წარმოდგენაც არ ჰქონდეს, რომ რეალურად ეს განსაკუთრებულ ყურადღებას მოითხოვს

თბილისი, 7 აგვისტო - Sputnik. სიეტლის ბავშვთა საავადმყოფოს (Seattle Children's) ექიმი ნიკოლ სავანგპონტ პატამანუჩი მშობლებს შფოთვითა და სტრესით გამოწვეული მუცლის ტკივილის შესახებ ესაუბრება და უმნიშვნელოვანეს სიმპტომებზე ამახვილებინებს ყურადღებას.

თურმე ბევრი მშობელი ვერც ხვდება, რომ სწორედ შფოთვა (რაც მუცლის ტკივილს იწვევს) ხდება დეპრესიის მიზეზი ბავშვებში, რაც, თავის მხრივ, შემდგომში ფსიქიკური დარღვევების საფუძველი ხდება.

 

24
თემები:
მშობლები და შვილები
ხარ უნიკალური, ოპერაციებით კი ხდები „სტანდარტული“: თხელი ცხვირი, დაბერილი ტუჩები...

როგორ მოვიშოროთ უსიამოვნო სუნი პირიდან: პრობლემა, რომელიც საკმაოდ ფართოდ არის გავრცელებული

127
(განახლებულია 16:22 07.08.2020)
ალბათ არაერთხელ აღმოჩენილხართ ისეთ სიტუაციაში, როცა საუბრის დროს თანამოსაუბრის პირის ღრუდან უსიამოვნო სუნი გიგრძვნიათ. ეს ჰალიტოზია.

აღმოჩნდა, რომ ჰალიტოზი მსოფლიოს მოსახლეობის დაახლოებით 50%-ზე მეტს სისტემატურად ან პერიოდულად მაინც აწუხებს. აღნიშნული პრობლემა დიდ დისკომფორტს უქმნის ადამიანს და ხშირიდაც ფსიქოლოგიურ პრობლემამდეც კი მივყავართ.

რა არის ჰალიტოზი

ჰალიტოზი ანუ პირის ღრუში უსიამოვნო სუნი დამოუკიდებელი დაავადებაა და უმეტეს შემთხვევაში მას სხვადასხვა დაავადება ან პრობლემა იწვევს. ზოგ შემთხვევაში ჰალიტოზს პირის ღრუს ჰიგიენის ნორმების დაუცველობა წარმოქმნის. როგორც წესი, ადამიანი საკუთარ პირის ღრუში უსიამოვნო სუნს თავად ვერ გრძნობს.

რა იწვევს ჰალიტოზს

ჰალიტოზის გამომწვევი  ერთი კონკრეტული მიზეზი არ არსებობს, მიზეზთა ჩამონათვალი საკმაოდ ვრცელია. ჰალიტოზის გამომწვევი მიზეზი შეიძლება იყოს პირის ღრუს ჰოგიენის არასაკმარისი დაცვა, (დღე-ღამის განმავლობაში ადამიანი, სულ ცოტა, 2-ჯერ მაინც უნდა იხეხავს კბილებს, რადგან საკვების ნარჩენების დაშლის შედეგად უსიამოვნო სუნი წარმოიქმნება) სტომატოლოგიური დაავადებები, კარიესი, პირის ღრუს ლორწოვანი გარსის დაავადება, ღრძილების ანთება და სხვა. ასევე, მოწევა და ალკოჰოლის ჭარბი რაოდენობით მოხმარება, შინაგანი ორგანოების სისტემური დაავადება, შაქრიანი დიაბეტი, კუჭ-ნაწლავის დაავადებები, თირკმლისა და ღვიძლის უკმარისობა, ონკოლოგიური დაავადებები, შიმშილი ან გარკვეული ტიპის დიეტა, სტრესი და ა.შ.

როგორ ავიცილოთ თავიდან ჰალიტოზი

არსებობს გარკვეული პროფილაქტიკური ზომები, რომლის გათვალისწინების შემთხვევაში თავიდან ავიცილებთ ჰალიტოზს.

· ყველაზე მნიშვნელოვანია, მკაცრად დაიცვათ პირის ღრუს ჰიგიენა. კბილები და ენის ზედაპირი დღეში, სულ ცოტა, 2-ჯერ მაინც გაიწმინდეთ. სასურველია, ეს პროცედურა ორ წუთს  გაგრძელდეს. კბილებს შორის სივრცე კი სტომატოლოგიური ძაფით გაიწმინდეთ.

· აუცილებლად ისაუზმეთ. შეზღუდეთ რაციონში კვერცხი, ხახვი, ნიორი, მწარე წიწაკა და ყველი.

· თქვენი საკვები რაციონი გაამდიდრეთ მცენარეული ზეთით და ყოველდღიურად მიიღეთ იოგურტი, რომელიც ლაქტობაცილებს შეიცავს.

· შეზღუდეთ ალკოჰოლური და გაზიანი სასმელის მიღება.

· თუ ხართ მწეველი, ეცადეთ შეწყვიტოთ სიგარეტის მოწევა.

· დალიეთ საკმარისი რაოდენობის წყალი,  მწვანე ჩაი.

· პირის ღრუდან უსიამოვნო სუნის გამძაფრების შემთხვევაში მიმართეთ ექიმს!

როგორ მოვიშოროთ არასასიამოვნო სუნი პირის ღრუდან

არსებობს სპეციალური სპრეები, რომელიც  სუნთქვის გასაჯანსაღებლად გამოიყენება, მათი შეძენა აფთიაქებში შეგიძლიათ. არსებობს ასევე აბებიც. თუ არ გსურთ მათი გამოყენება, არსებობს მარტივი გამოსავალიც, შეიძინეთ ტიკ-ტაკი.

აქვე შემოგთავაზებთ რამდენიმე ხალხურ მეთოდს, რომელიც დაგეხმარებათ პირის ღრუდან უსიამოვნო სუნის მოცილებაში. დაღეჭეთ ოხრახუში, პიტნა, ყავის ან ქინძის მარცვლები, ლიმონის კანი. ყოველდღიურად გამოივლეთ მარწყვის ფოთლების ნახარში. აიღეთ ნაძვის ხის 10 ცალი მწვანე გირჩი, დანაყეთ. ორი ჭიქა ძმარში მოადუღეთ და დილაობით გამოივლეთ პირში.

127
თემები:
ჯანმრთელობა და სილამაზე (29)
ქეთა თოფურია

„ეს ვინღაა?!“ ქეთა თოფურიას მამაკაცთან ერთად გამოქვეყნებულმა ვიდეომ საზოგადოება დააბნია

0
(განახლებულია 15:55 07.08.2020)
მომღერალმა ქეთა თოფურიამ ცოტა ხნის წინ სოციალურ ქსელში ახალი ვიდეო გამოაქვეყნა, რომელმაც სოციალური ქსელების მომხმარებლებში გაურკვევლობა გამოიწვია.

რუსეთში მოღვაწე ქართველი მომღერლის ქეთა თოფურიას შეყვარებული სოციალური ქსელის მომხმარებლებმა ვეღარ იცნეს. ახალ ვიდეოში, სადაც ის ბიზნესმენ ლევ დენგოვს დაბადების დღეს ულოცავს, ქეთას ხელმომწერები კითხულობენ, ვინ არის ეს მამაკაცი.

View this post on Instagram

🥳❤️

A post shared by Keti Topuria (@keti_one_official) on

საქმე ისაა, რომ ლევ დენგოვმა ბოლო პერიოდში იმიჯი რადიკალურად შეიცვალა. ბიზნესმენს, როგორც ჩანს, მომღერალთან თანაცხოვრება ძალიან მოუხდა და იმიჯის შეცვლაც გადაწყვიტა – წვერი მოუშვა და ახალი ვარცხნილობა აქვს.

View this post on Instagram

🖤 #кетитопурия #forketi

A post shared by Кети Топурия|fan 26.06.17🙌🏻 (@ketatime) on

ქეთა თოფურიას პირადი ცხოვრება ქართული და რუსული პრესის ყურადღების ცენტრში ხშირად ხვდება. ორი თვის წინ ბიზნესმენმა რუსულ მედიასთან განაცხადა, რომ ის და A'Studio-ს სოლისტი რამდენიმე თვეა ერთად ცხოვრობენ და თავს არაჩვეულებრივად გრძნობენ.

 

რეპერ გუფთან დაშორების შემდეგ A'Studio-ს ქართველმა სოლისტმა პირობა დადო, რომ პირად ცხოვრებაზე არასდროს ილაპარაკებდა, თუმცა იტალიაში წასვლის წინ ერთ-ერთ ინტერვიუში ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს. მოგვიანებით კი ახალ პარტნიორზე ალაპარაკდა. ქეთა თოფურიას ახალი რჩეული დიპლომატი ლევ დენგოვია. ქეთამ რუსულ გადაცემაში თქვა, რომ ახლანდელი რჩეული მინსკში გაიცნო.

View this post on Instagram

❤️🦁 #кетитопурия #forketi

A post shared by Кети Топурия|fan 26.06.17🙌🏻 (@ketatime) on

ქეთა თოფურია რუსი და ქართველი ჟურნალისტების ერთ-ერთი გამორჩეული რესპონდენტია. სხვადასხვა ინტერნეტ-გამოცემებსა და ტელეგადაცემებში ქეთა თოფურია უამრავ ნახვას რამდენიმე საათში აგროვებს. რეიტინგული ვარსკვლავი სითამამით გამოირჩევა და რუსული ესტრადა A'Studio-სთან ერთად არაერთხელ დაიპყრო. რუსეთში გამგზავრების შემდეგ მალევე მომღერალმა ალა პუგაჩოვასგან აღიარება მოიპოვა, რაც დიდ სირთულეებთანაა დაკავშირებული და მხოლოდ განსაკუთრებული ვოკალის შემთხვევაში არის შესაძლებელი.

0
თემები:
სელებრითების ცხოვრება