გოგონა აყვავებული ხის ტოტებში

რატომ უნდა შეარჩიოთ მეტი ყურადღებით კოსმეტიკური საშუალებები ორსულებისა და ბავშვებისთვის

160
(განახლებულია 16:11 02.07.2020)
თითქოს ჩვეულებრივი ამბავია – დედებს ხშირად დაჰყავთ გამოპრანჭული პატარა გოგონები ლამაზი სამოსით, პაწაწინა ტუჩებზე პომადით, შეღებილი თმით და ფრხილებზე ათასფერი ლაქით. მოინდომა პატარამ და უფროსებმაც მარტივად აუსრულეს სურვილი...

იცით რამდენ ქიმიურ ნივთიერებას ეხებიან პატარები ყოველდღიურად? გსმენიათ რამე პარაბენების, ფტალატების, ფენოლების მავნე ზემოქმედების შესახებ ორგანიზმზე? რას ნიშნავს ყოველივე ეს, რა გავლენას ახდენს ის ბავშვის ჯანმრთელობაზე, ამ ყველაფრის შესახებ „ავერსის“ კლინიკის პედიატრიული სამსახურის უფროსი, ბლოგერი თამარ ობგაიძე საუბრობს.

თამარ ობგაიძე
თამარ ობგაიძე

- რა გზით შეიძლება ეს მავნე ნივთიერებები მოქმედებდეს ბავშვის ზრდასა და ჯანმრთელობაზე?

- უკანასკნელ ათწლეულებში მეცნიერებმა შენიშნეს, რომ დაჩქარდა არა მარტო ბავშვის ზრდის ტემპი, რასაც აქსელერაცია ეწოდება, არამედ სქესობრივი მომწიფებაც უფრო ადრე დგება, ვიდრე გასულ საუკუნეში. ყველა დედამ იცის – მენსტრუაციის დადგომის შემდეგ გოგონას სიმაღლეში ზრდა ნელდება, ნაადრევი სქესობრივი მომწიფება ხშირად კავშირშია წონის მატებასთან, მომდევნო ეტაპებზე კი ძუძუს და საკვერცხის დაავადებების განვითარების მაღალ რისკთან.

- სად იმალება მავნე ქიმიკატები?

- პარაბენები კონსერვანტებია, რომლებიც ზრდიან კოსმეტიკური საშუალებების ვარგისიანობის ვადას. ამიტომ მათ ხშირად შეხვდებით შამპუნებში, დასაბან გელებში, სხვადასხვა კოსმეტიკური საშუალების შემადგენლობაში.

ფტალატებს სუნამოებში, დეოდორანტებში, შამპუნებში, ფრჩხილის ლაქებში და კოსმეტიკურ საშუალებებში იპოვით. ამ მავნე ნივთიერებებს ზოგიერთი პლასტმასაც შეიცავს. ამიტომ როცა საქმე ბავშვთა კვებისთვის საჭირო ჭურჭელს ეხება, განსკუთრებულად ფრთხილად უნდა ვიყოთ.

ფენოლები, მათ შორის ტრიკლოზანი, ანტიბაქტერიული საპნების და კბილის პასტის შემადგენლობაშია. ცნობისათვის: აშშ წამლისა და სურსათის სააგენტო ტრიკლოზანის შემცველი პირადი ჰიგიენის საშუალებების მოხმარებას რეკომენდაციას არ უწევს. ფენოლები შედის ასევე პომადებში, თმის ლაქებში, კანის ლოსიონებში და ის ზრდის ამ საშუალებათა მოქმედების ვადას.

რაც შეეხება ლაურილ სულფატს, რომელიც ასაქაფებელი ნივთიერებაა და შედის ბევრი საპნის, შამპუნის, ტანის გელის შემადგენლობაში, აშშ წამლისა და სურსათის სააგენტო მას არ განიხილავს, როგორც კანცეროგენს, თუმცა ამ ნივთიერებას შეუძლია კანის გაღიზიანება და უმჯობესია, თუ ჩვილების შამპუნებსა და ტანის გელებში არ იქნება.

- რისი დაზიანება შეუძლიათ ქიმიკატებს?

- ის, რომ ეს მავნე ნივთიერებები პირდაპირ კავშირშია სიმსივნური დაავადებების განვითარების რისკთან, საყოველთაოდ ცნობილია.

- შეუძლიათ თუ არა მათ ზემოქმედება ადამიანის რეპროდუქციულ სისტემაზე?

- როგორც ჩანს, დიახ! ამ მავნე ნივთიერებებს აქვთ უნარი, ზემოქმედება მოახდინონ ბავშვის ენდოკრინულ სისტემაზე, მათ აქვთ ესტროგენების (ქალის სასქესო ჰორმონების) მსგავსი მოქმედება და ამიტომ ნაადრევი სქესობრივი მომწიფებაც დგება.

რაც შეეხება ვაჟებს, მეცნიერებმა ასეთი კორელაცია ვერ აღმოჩინეს. როგორც ჩანს, მამაკაცის სასქესო ჰორმონების – ანდროგენების მაგვარი მოქმედება მათ არ აქვთ და ამ გზით არ მოქმედებენ ვაჟების რეპროდუქციულ სისტემაზე.

საყურადღებოა, რომ ბავშვის განვითარების მანძილზე არსებობს რამდენიმე კრიტიკული პერიოდი, როცა მავნე ფაქტორების ზემოქმედება განსაკუთრებულად აისახება მის ორგანიზმზე, მათ შორის მუცლადყოფნის და ადრეული განვითარების პერიოდებში.

- რა შეიძლება გავაკეთოთ?

- შეძლებისდაგვარად ეცადეთ გამოიყენოთ ბიოპროდუქტები. შეზღუდეთ პლასტმასის კონტეინერების გამოყენება საკვების მოსამზადებლად და შესანახად. ბავშვის ჭურჭლის შერჩევისას უპირატებოსობა უსაფრთხო პროდუქციას უნდა მიენიჭოს ხარისხის შესაბამისობის სერტიფიკატით. ასეთ პროდუქციას წამყვანი მწარმოებლები გვთავაზობენ.

კოსმეტიკური საშუალებების შეძენისას ყურადღებით წაიკითხეთ მისი შემადგენლობა და ისეთი შეარჩიეთ, რომელიც არ შეიცვას პარაბენებს, ფტალატებს და ფენოლებს. შეზღუდეთ პირადი ჰიგიენის ისეთი საშუალებების გამოყენება, რომლებიც ტრიკლოზანს შეიცავს (საპნები, კბილის პასტები). გახსოვდეთ, ხელზე მიკრობების გასანადგურებლად სრულიად საკმარისია ხელის ჩვეულებრივი საპნითა და წყლით დაბანა.

და, ბოლოს, არ არის აუცილებელი თქვენი პატარა პრანჭია აუცილებლად პარაბენგაჟღენთილი მაკიაჟით, ფრჩხილის ლაქით და შეღებილი თმით წარუდგინოთ სამყაროს, ის ხომ ისედაც ძალიან ლამაზი და საყვარელია.

 

160
თემები:
რჩევები ჯანმრთელობასა და სილამაზეზე (13)
ქალი და ბავშვი სარკეში იყურებიან

მოახლოებული ინფარქტის მოულოდნელი ნიშანი: ყურადღება მიაქციეთ ენას

22
(განახლებულია 16:23 20.10.2020)
ჩინელი ექიმის თქმით, ენაზე არსებულ მიკროორგანიზმებს შეუძლია გულის უკმარისობის დიაგნოზის დასმაში დაგვეხმაროს

თბილისი, 20 ოქტომბერი - Sputnik. გულის შეტევის მოახლოების ერთ-ერთი სიგნალი შეიძლება იყოს ენის ფერის შეცვლა, კარდიოლოგიურ კვლევაზე დაყრდნობით იუწყება გამოცემა Express-ი.

როგორც გუანჩჟოუს უნივერსიტეტის ჩინური მედიცინის საავადმყოფოს ექიმი ტიანჰუეი იუანი ამბობს, ენაზე არსებულ მიკროორგანიზმებს შეუძლია გულის უკმარისობის დიაგნოზის დასმაში დაგვეხმაროს.

მისი თქმით, ჯანმრთელი და ავადმყოფი ადამიანების ენები აბსლუტურად განსხვავებულად გამოიყურება.

ირკვევა, რომ ჯანმრთელ პაციენტებს ენა მკრთალი წითელი აქვთ მრქალი თეთრი ნადებით, ხოლო გულის უკმარისობის მქონე პაციენტებს —  წითელი ენა — ყვითელი ნადებით. ამასთან, დაავადების პროგრესირების კვალდაკვალ იცვლება ენის შესახედაობაც.

ასე რომ, სპეციალისტის თქმით, თუ ენაზე მსგავსი ცვლილება შენიშნეთ, იცოდეთ, რომ ეს მოახლოვებული ინფარქტის ნიშანი შეიძლება იყოს და სასწრაფოს მიმართეთ ექიმს.

 

22
თემები:
სასარგებლო რჩევები
მაცივარი სუპერმარკეტში

აკრძალულია მაცივარში შენახვა: პროდუქტების ჩამონათვალი

60
(განახლებულია 18:23 20.10.2020)
პომიდორი უკეთ ინარჩუნებს არომატს, მწიფდება და გემოთი უკეთესი ხდება ოთახის ტემპერატურაზე, მიუხედავად იმისა, რომ მისი შენახვა მაცივარშიც შეიძლება.

თბილისი, 20 ოქტომბერი — Sputnik. პროდუქტები, რომლებსაც არ სჭირდება სიცივე და დაბალი ტემპერატურისა და ტენიანობის პირობებში ფუჭდება, არ უნდა ინახებოდეს მაცივარში, განაცხადა გამოცემა Helsingin Sanomat-თან საუბრისას ფინეთის სახლის ეკონომიკის განვითარების ორგანიზაცია Marttaliitto-ს დირექტორმა ემი ტუოვინენმა.

სპეციალისტის თქმით, მშრალი საკვები უკეთ ინახება ოთახის ტემპერატურაზე, ხოლო ტენიანი — მაცივარში.

ტუოვინენი გირჩევთ, არ შეინახოთ მაცივარში პური, რეჰანი, ბულიონის მშრალი კუბიკები ან ყავის გახსნილი პაკეტები, რადგან ეს პროდუქტები ადვილად შთანთქავს სხვა სუნებს. გარდა ამისა, მაცივარში არ უნდა შეინახოთ შოკოლადი, რადგან ამის გამო მას შეიძლება გემო შეეცვალოს. ამასთან გაცივებული შოკოლადის არომატი ბოლომდე არ იხსნება.

მაცივარში არ უნდა ინახებოდეს არც ბანანი — მისთვის საუკეთესო ოთახის ტემპერატურაა, მიუხედავად იმისა, რომ შეიძლება ძალიან სწრაფად გაშავდეს.

ექსპერტის რჩევით, ქათმის კვერცხის შენახვა შესაძლებელია როგორც ოთახის ტემპერატურაზე, ისე მაცივარში. თუმცა ცხობისთვის განკუთვნილი კვერცხი აუცილებლად ოთახის ტემპერატურაზე უნდა ინახებოდეს.

„მდოგვის, კეტჩუპის, ტომატ-პასტისა და ცხარე სოუსებისთვის არსებობს წესი: „გახსნამდე მშრალ ადგილზე, გახსნის შემდეგ — მაცივარში“, — განმარტა ტუოვინენმა.

რაც შეეხება მცენარეულ ზეთს, მის შესანახად საუკეთესოა ოდნავ გრილი, მშრალი და ბნელი ადგილი, ხოლო რაფსის ზეთი სასურველია მაცივარში შედგათ.

ექსპერტი ამბობს, რომ თერმულად დამუშავებული რძე გახსნამდე ოთახის ტემპერატურაზე ინახება, გახსნის შემდეგ კი მაცივარში.   

ისეთი ბოსტნეული, როგორებიცაა კიტრი, პომიდორი, ბულგარული წიწაკა და სალათის ფოთოლი, ჩვეულებრივ, ოთახის ტემპერატურაზე ან მაცივრის გრილ ნაწილში ინახება, თუმცა, როგორც ტუოვინენმა აღნიშნა, მისი დაკვირვებით, პომიდორი უკეთ ინარჩუნებს არომატს, მწიფდება და გემოთი უკეთესი ხდება ოთახის ტემპერატურაზე. ხოლო ახალი მწვანილიდან კამა და მწვანე ხახვი მაცივარში უნდა შეინახოთ.

60
თემები:
სასარგებლო რჩევები
ირაკლი კობახიძე

როგორ აპირებს მმართველი პარტია საქართველოს მოქალაქეების ცხოვრების დონის გაუმჯობესებას

5
(განახლებულია 18:39 20.10.2020)
მმართველმა პარტიამ „ქართული ოცნება - დემოკრატიული საქართველო“ რეგიონებში 2020 წლის საარჩევნო პროგრამის თემატურ პრეზენტაციები დაიწყო.

თბილისი, 20 ოქტომბერი – Sputnik. „ქართული ოცნება-დემოკრატიული საქართველოს“ მიზანია გაუმჯობესდეს ეკონომიკის მდგომარეობა და თითოეული მოქალაქის ცხოვრების პირობები, განაცხადა პარტიის აღმასრულებელმა მდივანმა ირაკლი კობახიძემ ქალაქ რუსთავში, 2020 წლის საარჩევნო პროგრამის თემატურ პრეზენტაციაზე.

მმართველმა პარტია „ქართული ოცნება - დემოკრატიული საქართველომ“ რეგიონებში 2020 წლის საარჩევნო პროგრამის თემატურ პრეზენტაციები დაიწყო. პირველი - მდგრადი განვითარების პროგრამის პრეზენტაცია რუსთავში გაიმართა და ის პარტიის აღმასრულებელმა მდივანმა ირაკლი კობახიძემ გახსნა.

„ჩვენ ცოტა ხნის წინ თეზისების დონეზე წარვადგინეთ ჩვენი პარტიის - „ქართული ოცნების“ საარჩევნო პროგრამა, რომელიც მოიცავს ჩვენი ქვეყნის განვითარების ყველა სფეროს და ყველა მიმართულებას და იქვე გავეცით დაპირება, რომ დეტალურად წარვადგენდით პროგრამას თითოეული სფეროს მიხედვით. ვიწყებთ სწორედ ამ საკითხებით, ეს არის ეკონომიკური განვითარება და ეს არის ჩვენი მოქალაქეების სოციალური მდგომარეობის განვითარება. ეს არის ის თემები, რაც ყველაზე მეტად აწუხებს დღეს საზოგადოებას“, - განაცხადა ირაკლი კობახიძემ.

კობახიძს თქმით, მნიშვნელოვანია, რომ ამ ღონისძიებას ქალაქი რუსთავი მასპინძლობს და ეს შემთხვევითი არ არის.

„რუსთავი არის ქალაქი, რომელიც დაფუძნდა როგორც ინდუსტრიული ქალაქი და შესაბამისად ეკონომიკური განვითარება არის განსაკუთრებით მნიშვნელოვანი ამ ქალაქისთვის. მნიშვნელოვანია, რომ წარმოება კიდევ უფრო მეტად განვითარდეს და კიდევ უფრო მეტი ადამიანი დასაქმდეს ამ ქალაქში და მთლიანად ჩვენს ქვეყანაში“, - განაცხადა ირაკლი კობახიძემ.

მმართველი პარტიის წარმომადგენლის თქმით, რუსთავისთვის მნიშვნელოვანი გამოწვევაა ინფრასტრუქტურული განვითარებაც.

„ჩვენ დღეს ვისაუბრებთ ეკოლოგიაზე, რაც ასევე მნიშვნელოვანი გამოწვევაა ამ ქალაქისთვის და მთლიანად ჩვენი ქვეყნისთვის და რა თქმა უნდა, სოციალური პოლიტიკა, სოციალური მდგომარეობის გაუმჯობესება, ეს არის მთლიანად ჩვენი ქვეყნისთვის ძალიან მნიშვნელოვანი ამოცანა“, - განაცხადა ირაკლი კობახიძემ.

დეპუტატობის კანდიდატის თქმით, რა თქმა უნდა, ძალიან ბევრი გაკეთდა გასული პერიოდის განმავლობაში, მაგრამ კიდევ უფრო მეტი არის გასაკეთებელი იმისათვის, რომ გაუმჯობესდეს ქვეყანაში ეკონომიკის მდგომარეობა და გაუმჯობესდეს თითოეული მოქალაქის ცხოვრების პირობები, თითოეულ ოჯახში მეტი კეთილდღეობა შევიდეს.  

მმართველმა პარტიამ თავისი მომდევნო ოთხწლიანი მმართველობის პროგრამა, რომელშიც ასახულია ძირითადი რეფორმების გაგრძელება, ოქტომბრის დასაწყისში წარმოადგინა. პროგრამის დიდი ნაწილი ეძღვნება ბიზნესის განვითარებას სამუშაო ადგილების შექმნის მიზნით, სოციალურ დახმარებას, ჯანდაცვასა და განათლებას.

საპარლამენტო არჩევნები საქართველოში 31 ოქტომბერს ჩატარდება. მასში მონაწილეობს 48 პარტია და ორი ბლოკი. ამომრჩეველი აირჩევს 150 დეპუტატს – 120-ს პროპორციული და 30-ს – მაჟორიტარული სისტემით.


 

5